1 ENS Live Breaking News

ఉద్యోగులకు మేలుచేసే నిర్ణయాలుంటాయ్..

వైయస్సార్‌ కాంగ్రెస్‌ ప్రభుత్వం అధికారంలోకి వచ్చిన అనంతరం ఉద్యోగులకు మేలు చేసే అనేక నిర్ణయాలు తీసుకోవడం ఉద్యోగుల పట్ల సీఎం  వైయస్‌ జగన్‌ ఆలోచనాతీరును ఆ నిర్ణయాలు తెలియచేస్తున్నాయని ప్రభుత్వ సలహాదారులు  సజ్జల రామకృష్ణారెడ్డి తెలిపారు. తాడేపల్లిలోని ప్రైవేటు కల్యాణమండపంలో ఏపి ఎన్‌ జి ఓ సంఘ నేత నలమారు చంద్రశేఖరరెడ్డి అభినందన సభలో ఆయన ముఖ్యఅతిధిగా పాల్గొని ప్రసంగించారు. ఉద్యోగులు ప్రభుత్వంలో ఒక భాగమనే ముఖ్యమంత్రి  వైయస్‌ జగన్‌ ఎప్పుడూ చెబుతుంటారని తెలియచేశారు. ఆంధ్రప్రదేశ్‌ అన్నిరంగాలలో అగ్రగామిగా నిలవాలన్నా,ప్రజల జీవనప్రమాణాలు పెరగాలన్నా అది భాధ్యతాయుతంగా పనిచేసే ఉద్యోగుల వల్లనే సా«ధ్యమవుతుందని సజ్జల రామకృష్ణారెడ్డి స్పష్టం చేశారు.కరోనా వంటి కష్టసమయంలో కూడా  సీఎం ప్రవేశ పెట్టిన సంక్షేమ పధకాలను ప్రజల ఇంటి ముంగిటకు తీసుకువెళ్లిన ఘనత ఉద్యోగులదేనని వారందర్ని మనస్పూర్తిగా అభినందిస్తున్నట్లు సీఎం చెప్పమన్నారని సజ్జల తెలియచేశారు.  అధికారం చేపట్టగానే గ్రామ, వార్డు సచివాలయాల్లో లక్షా 42 వేల ఉద్యోగాలను సృష్టించారు.ప్రపంచ చరిత్రలో ఒకేసారి అన్ని ఉద్యోగాలను భర్తీ చేసినట్లు మనం చూసి ఉండమన్నారు. ప్రజలకు అందించాల్సిన సేవలు గ్రామసచివాలయాల ద్వారా త్వరితగతిన పారదర్శకంగా అందించాలనేది ఆయన లక్ష్యమని వివరించారు. ఆ లక్ష్యసాధనలో భాగంగా గ్రామసచివాలయాల వ్యవస్ధ ను ఏర్పాటు చేశారని గుర్తుచేశారు. ఆ ఉద్యోగ నియామకాలలో కనీసం ఇంటర్వూల వంటివి కూడా లేకుండా పూర్తి పారదర్శకంగా  ప్రతిభ కలిగిన వారికి అది కూడా వెనకబడిన వర్గాల వారికి దాదాపు 80 శాతం  ఉద్యోగాలను అందించారన్నారు. వారికి సహాయంగా రెండులక్షల 55 వేలమందితో వాలంటీర్ల వ్యవస్ధను ఏర్పాటుచేశారన్నారు. కాంట్రాక్ట్‌ ,అవుట్‌ సోర్సింగ్‌  ఉద్యోగులుగా ఉన్నవారిని సైతం ఏపి కార్పోరేషన్‌ ఫర్‌ అవుట్‌ సోర్సింగ్‌ సర్వీసెస్‌(ఆప్కాస్‌ ) పేరుతో సంస్ధను ఏర్పాటుచేసి ఆ ఉద్యోగులలో ఆత్మవిశ్వాసం పెంచారన్నారు. ఉద్యోగులకు మేలు చేసే నిర్ణయాలే ప్రభుత్వంలో ఉంటాయన్నారు.

Tadepalle

2021-07-15 16:07:43

సచివాలయ స్పందనకు కరోనా మోకాలడ్డు..

గ్రామస్థాయిలోనే ప్రజల సమస్యలు పరిష్కారం కావాలి.. సచివాలయాలు దాటి గ్రామస మస్యలు జిల్లా కార్యాలయాలకు రాకూడదు.. ప్రతీరోజూ మధ్యాహ్నం 3 నుంచి 5 వరకూ సచివాలయాల్లో స్పందన కార్యక్రమం తప్పక జరగాలి.. ప్రజల నుంచి అర్జీలు స్వీకరించాలి.. స్పందన కార్యక్రమం పై వాలంటీర్లతో ప్రజలకు అవగాహనక కల్పించాలి.. ఇవీ రాష్ట్రప్రభుత్వ ఆదేశాలు నాణేనికి ఒక వైపు.. ఈరోజు మీ మండలానికి 1000 కరోనా టీకాలు కేటాయించాం.. సచివాలయ సిబ్బంది ఉదయం 8గంటలకు కేంద్రానికి వచ్చేసి సాయంత్రం ఆరుగంటల వరకూ ఉండైనా వాక్సిన్లు మొత్తం ప్రజలకు చేరేలా చేయాలి.. 2వ శనివారం, ఆదివారం తేడాలేకుండా కరోనా వేక్సినేషన్ డ్యూటీలు సచివాలయ సిబ్బంది బుజాన వేసుకొని ప్రజల ప్రాణాలు కాపాడాలి.. మానవతా ద్రుక్పదంతో పనిచేయాలి.. లక్ష్యాలకు మించి కరోనా వేక్సినేషన్ జరిగిపోవాలి.. వేక్సినేషన్ డిజిటలైజేషన్ చేయడానికి డిజల్ అసిస్టెంట్లు పనిచేయాలి(వీరిని కరోనా వేక్సినేషన్ విధులకు వనియోగించకూడాని ప్రత్యేక జీఓ ఉన్నా) ఇవినాణేనికి రెండో వైపు. ఉదయం 9.30 సచివాలయానికి వచ్చే సిబ్బంది మధ్యాహ్నం రెండు గంటల వరకూ సిబ్బంది విధులు చూసుకుంటూ, మధ్యాహ్నం నుంచి స్పందన కార్యక్రమం నిర్వహించాలనేది ప్రభుత్వ ఉత్తర్వులు. కానీ ఉదయం 8గంటల నుంచి సాంత్రం ఆరు గంటల వరకూ కరోనా వేక్సినేషన్ దగ్గరే సచివాలయ సిబ్బంది ఉండిపోతే ఇక స్పందన కార్యక్రమం ఎలా నిర్వహిస్తారో ప్రభుత్వ ఉన్నతాధికారులే చెప్పాలి. గ్రామసచివాలయ ఉద్యోగులకు 2వ శనివారం, ఆదివారం రోజులు కూడా సెలవు లేకుండా ఆరోజుల్లోనే కరోనా వేక్సినేషన్ డ్యూటీలు వేస్తూ ప్రజలకు వీరితో సేవలందిస్తున్నారు. అలాంటి సమయంలో ఇక స్పందన కార్యక్రమం సచివాలయాల్లో  ఏం జరుగుతుందో..ఎలా జరుగుతుందనేది అధికారులు గుర్తించాల్సివుంది. అయితే ఇదెందుకు గుర్తొచ్చిందనే అనుమానం కలవచ్చు ఈ న్యూస్ కార్డ్ చదివే పాఠకులకు.. ఇటీవలే రాష్ట్రముఖ్యమంత్రి వైఎస్.జగన్మోహనరెడ్డి నేరుగా తాను కూడా వారానికి రెండు రోజులు గ్రామ సచివాలయాలను తనిఖీ చేయడానికి వస్తానని ప్రకటించడంతో అధికారులు ఆఘమేఘాలపై స్పందన ద్రుష్టిపెట్టేశారు. దీనితో మరోసారి సచివాలయాల్లో స్పందన కార్యక్రమం తెరపైకి వచ్చింది. కరోనావేక్సినేషన్ కార్యక్రమానికి ఉదయం 8 గంటలకొచ్చి సాయంత్రం 6 గంటలవరకూ ఉన్నా ఒక్కోసారి వేక్సిన్లు అందించలేకపోతున్నామని.. చాలా మంది ప్రజలు వేక్సిన్ వేసుకోవడానికి ముందుకి రావడం లేదని సచివాలయ ఉద్యోగులు తలలు పీక్కుంటున్నారు. ఈ క్రమంలోనే టార్గెట్లు పూర్తవక్కపోతే మండల అధికారుల ఒత్తిడి, వార్నింగ్ లు మరింత ఇబ్బంది కరంగా మారాయని చెబుతున్నారు. తమకు వారానికి ఒక్కరోజు వచ్చే ఆదివారం సెలవులు కూడా వినియోగించుకోవడానికి వీలులేకుండా విధులు నిర్వహిస్తున్నా గుర్తింపు రావడం లేదని చెబుతున్నారు. వారంలో రెండు రోజులు కరోనా వేక్సినేషన్ కే సమయం మొత్తం వెచ్చిస్తే.. స్పందన కార్యక్రమం ఎలా నిర్వహిస్తామని చెబుతున్నారు. అందులోనూ కార్యాలయానికి వచ్చే వారికి ఎవరి కరోనా ఉందో.. ఎవరికి లేదో కూడా తెలియని పరిస్థితి నెలకొందని వాపోతున్నారు. కోవిడ్ వేక్సినేషన్ తోపాటు, సచివాలయంలో కూడా కనీసం హేండ్ శానిటైజర్ గానీ, గ్లౌజులు గానీ, ఫేస్ మాస్కులు గానీ ఏర్పాటు చేయడం లేదని ఆవేదన వ్యక్తం చేస్తున్నారు. ఇలా జనావాసాల్లో విధులు నిర్వహిస్తూ చాలా మంది సచివాలయ సిబ్బంది కరోనా వైరస్ భారిన పడుతున్నారని ఆందోళన చెందుతున్నారు. వాస్తవానికి ప్రభుత్వ విధుల ఉదయం 10 గంటల నుంచి మధ్యాహ్నం 1.30 గంటలోపు ముగించేసుకోడానికి పూర్తిస్థాయిలో ఆస్కారం వుంటుందని సచివాలయ ఉద్యోగులే చెబుతున్నారు. మిగిలిన సమయం మొత్తం ఫీవర్ సర్వే, కరోనా డ్యూటీలకే సరిపోతుందని చెబుతున్నారు. దానికితోడు చాలా సచివాలయాల్లో ఉన్న సిబ్బంది ఖాళీల ద్రుష్ట్యా మిగిలిన వారి విధులు కూడా ఉన్న సిబ్బందే పంచుకొని చేయాల్సి వస్తుందంటున్నారు. వాస్తవానికి గ్రామ, వార్డు సచివాలయాల్లో స్పందన నిర్వహించే విషయంలో జిల్లా అధికారులకు ఏస్థాయిలో క్లారిటీ ఉందో సిబ్బందికి కరోనా వేక్సినేషన్ డ్యూటీలు వేయడాన్ని బట్టి అర్ధమవ్వాలి. ఈ తరుణంలో జిల్లా కలెక్టర్లు వారానికి రెండురోజులు, సచివాలయ జాయింట్ కలెక్టర్లు వారానికి 4 రోజులు సచివాలయ సందర్శన చేయాలనే సీఎం ఆదేశాలకు ప్రాధాన్యత సంతరించుకుంది.. ఈ విషయంలో జిల్లా అధికారులు కూడా సచివాలయ సిబ్బందికే ఈ కరోనా వేక్సినేషన్  విధులు అప్పగించడంతో రాష్ట్రంలో చాలా మంది జిల్లా కలెక్టర్లుగానీ, గ్రామ సచివాలయ జాయింట్ కలెక్టర్లు సచివాలయాల్లోని స్పందన కోసం పట్టించుకోకపోవడం కూడా అదే స్థాయిలో చర్చ జరుగుతోంది. విశేషం ఏంటంటే కరోనా సెకెండ్ వేవ్ లో అన్ని ప్రభుత్వశాఖల అధికారులకూ, సిబ్బందికి విధి నిర్వహణ సమయంలో కొంత వెసులుబాటు(ఉదయం 8 నుంచి మధ్యాహ్నం 12) ఇచ్చినా సచివాలయ సిబ్బందికి ఇవ్వలేదు. అలాగే నేటికీ సెలవుల సమయం అంటే 2వ శనివారాలు, ఆదివారాల్లోనూ నేడు గ్రామసచివాలయ సిబ్బంది మాత్రమే విధులు నిర్వహిస్తున్నారంటే అతిశయోక్తి కాదు. ఇన్ని జరిగినా నేటికీ సచివాలయ ఉద్యోగుల కోసంగానీ, విధులు, సమయం కోసం గానీ ఆలోచించిన దాఖలాలు కూడా ఎక్కడా కనిపించలేదని చెబుతున్నారు. ఇలాంటి కారణాలే గ్రామసచివాలయాల్లో స్పందన సక్రమంగా జరగకపోవడానికి కరోనా రూపంలో మోకాళ్లు అడ్డుతున్నాయని చెప్పవచ్చు. ఇప్పటికైనా గ్రామ, వార్డు సచివాలయ ముఖ్యకార్యదర్శి, కమిషనర్, జిల్లా స్థాయిల్లో కలెక్టర్లు క్షేత్రస్థాయిలో ఆలోచిస్తే తప్పా గ్రామ సచివాలయాల్లో స్పందన కార్యక్రమం ప్రభుత్వం అనుకున్న స్థాయిలో ప్రజల సమస్యలకు పరిష్కారం చూపించదనే బలమైన కారణాలు స్పష్టంగా కనిపిస్తున్నాయి. చూడాలి కరోనా వేక్సినేషన్ విధులకు సచివాలయ సిబ్బందిని దూరంచేసి.. దానిని వైద్యఆరోగ్య సిబ్బందికే  అప్పగించి.. ప్రభుత్వం ఏ నిర్ణయం ద్వారా గ్రామ, వార్డు సచివాలయాల్లో స్పందన కార్యక్రమం నిర్వహించి ప్రజల సమస్యలు ఏ స్థాయిలో పరిష్కరిస్తుందో..!

తాడేపల్లి

2021-07-14 10:43:50

Tadepalle

2021-07-14 04:33:49

డిజిపికి మహిళా పోలీసుల కృతజ్ఞతలు..

ఆంధ్రప్రదేశ్ లో మహిళల భద్రత, రక్షణకు పెద్దపీటవేస్తూ వారికి తోడుగా ఉండేందుకు మహిళా పోలీసులకు సముచిత స్థానం రాష్ట్ర ముఖ్యమంత్రి వైఎస్. జగన్ మోహన్ రెడ్డి కల్పించాలరని మహిళా పోలీసులు పేర్కొన్నారు. ఈ మేరకు మంగళవారం మహిళా పోలీసులు డిజిపి గౌతం సవాంగ్ ను కలిసి  కృతజ్ఞతలు తెలిపారు. రాష్ట్రవ్యాప్తంగా గ్రామ, వార్డు సచివాలయల్లోని 15000 మంది  మహిళ సంరక్షణ కార్యదర్శులను మహిళా పోలీసులుగా గుర్తిస్తూ  జీవో నెంబర్ 59ని జారీ చేయడం పట్ల హర్షం వ్యక్తం చేశారు. అనంతరం డిజిపి గౌతం సవాంగ్ మాట్లాడుతూ, సీఎం ఎంతో ఉన్నత లక్ష్యంతో మహిళా పోలీసులను సాధారణ పోలీసులుగా గుర్తించారని.. తద్వారా గ్రామాల్లోని మహిళలకు ఎంతో రక్షణ ఏర్పడుతుందన్నారు. దిశ యాప్, దిశ పోలీస్ స్టేషన్ సేవలను మహిళలకు చైతన్యం కల్పించే బాధ్యత మహిళా పోలీసులదేనన్నారు. చక్కగా పనిచేసి..మహిళల కష్టాలకు అంగా ఉంటూ ప్రభుత్వానికి మంచి పేరు వచ్చేలా మహిళా పోలీసులు పనిచేయాలని సూచించారు.  పోలీసు శాఖలో అంతర్భాగంగా  రాష్ట్ర ప్రభుత్వ ఆశయాలకు అనుగుణంగా పోలీస్ శాఖ తమకు అప్పగించిన విధులను సమర్థవంతంగా నిర్వహిస్తామని  మహిళా పోలీసులు డిజిపి బదులిచ్చారు. ఈ కార్యక్రమంలో టెక్నికల్ సర్వీసెస్ డిఐజి జి.పాలరాజు తదితరులు పాల్గొన్నారు.

Tadepalle

2021-07-13 14:48:35

భారీగా 104అంబులెన్సులకు అనుమతి..

ఆంధ్రప్రదేశ్ ఓ ప్రాధమిక, గ్రామీణ వైద్యానికి పెద్దపీట వేస్తూ ప్రభుత్వం వడి వడిగా అడుగులు వేస్తుంది. రాష్ట్రవ్యాప్తంగా 539 అంబులెన్సు వాహనాల కొనుగోలుకు ప్రభుత్వం అనుమతి ఇచ్చింది. వాటిని అన్ని పీహెచ్సీలకు 104గా కేటాయించనున్నారు. దీనికోసం రూ.89.27 కోట్లతో 539 అంబులెన్సులు కొనుగోలు చేసి పీహెచ్సీలకు అందించనుంది. ఇప్పటికే 104 అంబులెన్సులు కేటాయిస్తూ ప్రభుత్వం ఆదేశాలు జారీచేసింది. 539 అంబులెన్సులపై ఏటా రూ.75.82 కోట్ల మేర వ్యయమవుతుందని అంచనా వేస్తున్నారు. పీహెచ్సీ పరిధిలోని అన్ని గ్రామాల్లోనూ వీటి ద్వారా మెడికల్ క్యాంపులు నిర్వహించాలని ప్రభుత్వం భావిస్తుంది. కొత్త అంబులెన్సుల కొనుగోలుతో చాలా మందికి ఉద్యోగ అవకాశాలు కల్పన కూడా జరగనుంది.

Tadepalle

2021-07-13 14:02:59

సీఎం చీఫ్ సెక్రటరీగా ఆర్.ముత్యాలరాజు..

ఆంధ్రప్రదేశ్ ప్రభుత్వ పరిపాలనా విభాగం(జీఏడి, పొలిటికల్‌) ముఖ్య కార్యదర్శి బాధ్యతల నుంచి ప్రవీణ్‌ ప్రకాశ్‌ మంగళవారం రిలీవ్‌ అయ్యారు. ఆయన స్థానంలో జీఏడీ (పొలిటికల్‌) బాధ్యతలను రేవు ముత్యాలరాజుకు అప్పగిస్తూ ప్రభుత్వం ఉత్తర్వులు జారీ చేసింది. ప్రస్తుతం ప్రవీణ్‌ ప్రకాశ్‌ ఆంధ్రప్రదేశ్‌ ముఖ్యమంత్రి వైఎస్‌ జగన్మోహన్‌ రెడ్డికి ముఖ్య కార్యదర్శిగా ఉన్నారు. మరికొద్ది రోజుల్లో ప్రభుత్వ సీఎస్ ఉద్యోగ విరమణ చేస్తున్న సమయంలో ఈ మార్పులు ప్రాధాన్యత సంతరించుకున్నాయి. అయితే ప్రభుత్వం కాబోయే ప్రభుత్వ ప్రధాన కార్యదర్శిగా ఎవరిని నియమిస్తుందనే విషయంలో అపుడే ప్రాధాన్యత క్రమాన్ని కూడా పరిశీలిస్తున్నట్టు వార్తలు వినిపిస్తున్నాయి.

Tadepalle

2021-07-13 13:17:41

నిర్మాణాలన్నీ ఈఏడాదే పూర్తి కావాలి..

రాష్ట్రవ్యాప్తంగా మిగిలి వున్న గ్రామ సచివాలయాలు, విలేజ్‌ క్లినిక్స్, ఆర్భీకేలు, డిజిటల్‌ లైబ్రరీల నిర్మాణం ఈ ఏడాది పూర్తి చేయాలని ముఖ్యమంత్రి వైఎస్ జగన్మోహనరెడ్డి అధికారులను ఆదేశించారు. మంగళవారం తాడేపల్లి క్యాంపు కార్యాలయంలో వివిధశాఖ అధికారులు, మంత్రులతో సీఎం సమీక్ష నిర్వహించారు. ఈ సందర్భంగా మాట్లాడుతూ, రాష్ట్రంలో అన్ని నిర్మాణాలు పూర్తి అయితే కార్యకాలపాలన్నీ నూతన భవనాల నుంచి ప్రారంభించాలన్నారు. వైయస్సార్‌ జగనన్న కాలనీల్లో మౌలిక సదుపాయాల కల్పనకు సంబంధించి ప్రాధాన్యక్రమంలో పనులు చేపట్టాలని అధికారులనుఆదేశించారు. పల్లెలను పరిశుభ్రంగా ఉంచే కార్యక్రమాలకు పెద్దపీట వేయాలని, పల్లెలు శుభ్రంగా ఉంటేనే ప్రజలు ఆరోగ్యంగా ఉంటారని సూచించారు. వైయస్సార్‌ జలకళ ప్రతిష్టాత్మకమైన కార్యక్రమమన్న సీఎం దీనిపై ప్రత్యేక దృష్టిసారించాలన్నారు. చిన్న చిన్న నదులమీద ఉన్న బ్రిడ్జిల వద్ద చెక్‌డ్యాం తరహా నిర్మాణాలు చేపట్టి నీటిని నిల్వచేయాలన్నారు. కనీసం 3–4 అడుగుల నీరు నిల్వ ఉండేలా ఏర్పాటు చేయడం ద్వారా భూర్భజలాలు బాగా పెరుగుతాయని సీఎం చెప్పారు. రాష్ట్ర వ్యాప్తంగా అన్ని బ్రిడ్జిల వద్ద ఈ నిర్మాణాలు చేపట్టాలని, వైయస్సార్‌ జగనన్న శాశ్వత భూరక్ష పథకం అమలుకు పటిష్ట చర్యలు చేపట్టాలన్నారు. మరింత సమర్ధవంతంగా అమలుకు ముగ్గురు మంత్రులతో కమిటీ వేస్తున్నట్టు ప్రకటించారు.
పంచాయతీరాజ్, రెవెన్యూ, పురపాలకశాఖ మంత్రులతో కమిటీ ఏర్పాటు చేయాలని సీఎం వైఎస్ జగన్ ఆదేశించారు. ఈ కార్యక్రమంలో పంచాయతీరాజ్,  గ్రామీణాభివృద్ధిశాఖ మంత్రి పెద్దిరెడ్డి రామచంద్రారెడ్డి, పంచాయతీరాజ్, గ్రామీణాభివృద్ధిశాఖ ముఖ్య కార్యదర్శి గోపాలకృష్ణ ద్వివేది, ఆర్ధికశాఖ ప్రత్యేక కార్యదర్శి కె వి సత్యనారాయణ, పంచాయతీరాజ్, గ్రామీణాభివృద్ధిశాఖ కమిషనర్‌ గిరిజాశంకర్, సెర్ప్‌ సీఈఓ పి రాజాబాబు, స్వచ్ఛ ఆంధ్ర కార్పొరేషన్‌ ఎండీ పి సంపత్‌ కుమార్, ఇతర ఉన్నతాధికారులు పాల్గొన్నారు.

Tadepalle

2021-07-13 12:41:53

శాస్త్రోక్తంగా కోయిల్‌ ఆళ్వార్‌ తిరుమంజనం..

తిరుమల శ్రీ వేంకటేశ్వరస్వామివారి ఆలయంలో మంగ‌ళ‌వారం కోయిల్‌ ఆళ్వార్‌ తిరుమంజనం జ‌రిగింది. ఈ సందర్భంగా టిటిడి ఈవో డా.కె.ఎస్‌.జ‌వ‌హ‌ర్‌రెడ్డి మీడియాతో మాట్లాడుతూ, జూలై 16న శ్రీ‌వారి ఆల‌యంలో సాల‌క‌ట్ల ఆణివార ఆస్థానాన్ని పుర‌స్క‌రించుకుని మంగ‌ళ‌వారం ఉద‌యం కోయిల్ ఆళ్వార్ తిరుమంజ‌నం నిర్వ‌హించిన‌ట్లు చెప్పారు. సాధార‌ణంగా సంవత్సరంలో నాలుగుసార్లు ఉగాది, ఆణివార ఆస్థానం, బ్రహ్మోత్సవం, వైకుంఠ ఏకాదశి పర్వదినాల ముందు కోయిల్‌ ఆళ్వార్‌ తిరుమంజనం నిర్వహించడం ఆనవాయితీగా వ‌స్తోంద‌న్నారు. ఆలయంలోని ఆనందనిలయం మొదలుకొని బంగారువాకిలి వరకు, శ్రీవారి ఆలయం లోపల ఉప దేవాలయాలు, ప్రసాదాల పోటు, ఆలయ ప్రాంగణం, గోడలు, పైకప్పుతోపాటు పూజాసామగ్రిని శుద్ధి చేసినట్టు తెలిపారు. కాగా, ఆలయంలో ఉదయం 6 నుండి ఉదయం 11 గంటల వరకు శుద్ధి కార్యక్రమాన్ని అర్చకులు ఆగమోక్తంగా నిర్వహించారు. ఈ సమయంలో స్వామివారి మూలవిరాట్టును వస్త్రంతో పూర్తిగా కప్పి వేశారు. శుద్ధి పూర్తి అయిన అనంతరం నామకోపు, శ్రీ చూర్ణం, కస్తూరి పసుపు, పచ్చాకు, గడ్డ కర్పూరం, గంధం పొడి, కుంకుమ, కిచీలిగడ్డ తదితర సుగంధ ద్రవ్యాలు కలగలిపిన పవిత్ర పరిమళ జలాన్ని ఆలయం అంతటా ప్రోక్షణం చేశారు. అనంతరం స్వామివారి మూలవిరాట్టుకు కప్పిన వస్త్రాన్ని తొలగించి ప్రత్యేక పూజ, నైవేద్యం కార్యక్రమాలను అర్చకులు శాస్త్రోక్తంగా నిర్వహించారు. ఆ తరువాత భక్తులను దర్శనానికి అనుమతించారు. ఈ కార్య‌క్ర‌మంలో టిటిడి ఈవో డాక్ట‌ర్ కె.ఎస్‌.జ‌వ‌హ‌ర్‌రెడ్డి, అద‌న‌పు ఈవో ఏ.వి.ధ‌ర్మారెడ్డి, ఆలయ డెప్యూటీ ఈవో  ర‌మేష్‌బాబు, ఆరోగ్య విభాగం అధికారి డాక్ట‌ర్ సునీల్‌, ఇతర అధికారులు పాల్గొన్నారు.

Tirumala

2021-07-13 09:47:24

ప్రభుత్వ జీఓలకు కోర్టులో శృంగభంగం..

ఆంధ్రప్రదేశ్ ప్రభుత్వ ఆలోచనలకు, రాజ్యాంగంలోని ఆర్టికల్స్ ను సవరించకుండా ఇచ్చిన ప్రత్యేక జీఓలకు హైకోర్టులో శృంగభంగం తప్పడం లేదు. భారత దేశంలోనే గ్రామ వ్యవస్థ ఒక నూతన అధ్యాయం. అలాంటి సచివాలయ వ్యవస్థకు ఆదిలోనే చరమగీతం పాడాలని అనుకుంటున్నారో.. ఏమో తెలీదుగానీ.. ప్రభుత్వంలోని కొందరు ఐఏఎస్ అధికారులు తీసుకుంటున్న ఏ నిర్ణయమైనా సచివాలయ ఉద్యోగులకు వ్యతిరేకంగానే నిలుస్తున్నది. గ్రామాభివ్రుద్ధి కోసం అమలు చేయాల్సిన జీఓనెంబరు 149 లాంటి వాటిని ఖచ్చితంగా అమలు చేయకుండా.. వున్న అధికారాలన్నీ కనీసం డిగ్రీ అర్హత కూడా లేని వీఆర్వోల చేతిలో పెట్టాలంటూ ఇచ్చిన జీఓనెంబరు 2 ప్రభుత్వ ప్రతిష్టకు హైకోర్టు సాక్షిగా భంగం వాటిల్లుతోంది. జిల్లా స్థాయిలో అన్ని ప్రభుత్వంశాఖలకు చైర్మన్ గా వుండే జిల్లా కలెక్టర్ మాదిరిగా.. గ్రామాల్లో కూడా సుమారు 14శాఖలకు అధిపతిగా సచివాలయాకు పంచాయతీ కార్యదర్శిలను అధిపతులుగా ప్రభుత్వమే ఒక మంచి వ్యవస్తను ఏర్పాటు చేసింది. అంతాబాగానే వుందనుకున్న సమయంలో ఈ వ్యవస్థ కూడా రెవిన్యూ చేతిలోనే ఉండాలనుకుని భావించిన ప్రభుత్వం పంచాయతీ సర్పంచ్ లు, సచివాలయాల సిబ్బందికి అందరూ వీఆర్వో కిందనే ఉండాలంటూ వారిని డిడిఓలుగా చేస్తూ జీఓనెంబరు 2 జారీచేసింది. దీనిని సవాల్‌ చేస్తూ గుంటూరు జిల్లా తోకలవారిపాలెం సర్పంచ్‌ కృష్ణమోహన్‌ హైకోర్టులో పిటిషన్‌ వేశారు. పిటిషనర్‌ తరపున వాదనలు న్యాయవాది నర్రా శ్రీనివాస్‌ ఈ జీఓ కార్యదర్శిలు, సర్పంచ్ ల అధికారాలు హరించేలా వుందని తమ వాదలను వినిపించారు. రాజ్యాంగంలోని ఆర్టికల్ 73 సవరణకు, ఏపీ పంచాయతీరాజ్ చట్టానికి ఇది విరుద్ధంగా ఉందని కోర్టుకి విన్నవించారు. దీనితో పంచాయతీ సర్పంచ్‌ అధికారాలు వీఆర్‌వోలకు ఎలా ఇస్తారని హైకోర్టు ప్రభుత్వాన్ని ప్రశ్నించింది. ఇప్పటివరకూ సర్పంచులు, కార్యదర్శుల ఆధ్వర్యంలో జరిగిన పాలనను వీఆర్‌వోలకు అప్పగించడమేంటని ఏపీ హైకోర్టు ప్రశ్నించింది. అయితే ప్రజలకు సంక్షేమ పథకాలు అందించడానికి వీఆర్వోలకు ఈ అధికారాలు ఇస్తూ జీఓ జారీచేసినట్టు ప్రభుత్వం తరపు న్యాయవాది కోర్టుకి తెలియజేశారు. ఇరువురి వాదనలు విన్న హైకోర్టు తదుపరి విచారణ 4 వారాలకు వాయిదా వేస్తు్న్నట్లు హైకోర్టు ప్రకటించింది. అయితే ఇదే కేసు విషయంపై గతంలో గ్రామ పంచాయతీలు ఉండగా దానికి సమాంతరంగా ఎందుకు గ్రామసచివాలయాలను ఏర్పాటు చేయాల్సి వచ్చిందంటూ హైకోర్టు ప్రశ్నించింది కూడా.. ఇపుడు ఆ జీఓనెం-2ను సస్పెండ్ చేయడం ప్రాధాన్యత సంతరించుకుంది. వరుసగా ప్రభుత్వ జీఓలన్నింటికీ కోర్టుల్లో మొట్టికాయలు పడుతున్న తరుణంలో రాష్ట్రవ్యాప్తంగా ఉన్న గ్రామ సచివాలయ గ్రేడ్-5 కార్యదర్శిలకు జీఓనెంబరు 149 ద్వారా అధికార బదలాయింపు చేపట్టకపోతే.. కోర్టుకు వెళితే పనిజరుగుతుందనే నిర్ణయంలో కార్యదర్శిలంతా ఉన్నట్టుగా ప్రచారం జరుగుతుంది. అనవసర జీఓలను తెరమీదకు తెచ్చి.. అధికార వికేంద్రకరణ చేపట్టే జీఓనెంబరు 149 లాంటి వాటిని మండల స్థాయిలో ఎంపీడీఓలు, జిల్లా స్థాయిలో డీపీఓలు, కలెక్టర్లు, రాష్ట్రస్థాయిలో కమిషనర్లు తొక్కిపెడుతున్నట్టు సచివాలయ గ్రేడ్-5 కార్యదర్శిలు భావిస్తున్నారు. తమకు న్యాయం జరగాలన్నా గ్రేడ్-1 పంచాయతీ కార్యదర్శిల కబందహస్తాల్లో వున్న అధికారాలు.. సచివాలయాల వారీగా బదిలీకావాలన్నా హైకోర్టు ఒక్కటే శరణ్యమనే ఉద్యోగులు భావిస్తున్నారు. ఈ విషయంలో ప్రజాప్రతినిధులు, జిల్లా అధికారులకు వినతిపత్రాలు ఇచ్చినా ఎవరి నుంచి అనుకూలంగా హామీలు కూడా రాలేదని చెబుతున్నారు. తాము ఉద్యోగాల్లోకి నవంబరు నెల వస్తే రెండేళ్లు పూర్తవుతాయని..ఇప్పటికి కూడా తమకు ఎలాంటి అధికారాలు ఇవ్వకుండానే ప్రభుత్వం తమో పనిచేయిస్తుందని వీరంతా ఆవేదన వ్యక్తం చేస్తున్నారు. మరోపక్క పంచాయతీ కార్యదర్శిలకు మాత్రం ఒక్కొక్కరికీ రెండు మూడు గ్రామ పంచాయతీలను అదనపు బాధ్యతలు అప్పగిస్తుంది గానీ..తమకు మాత్రం ప్రభుత్వమే ఇచ్చిన జీఓ ద్వారా మాత్రం అధికారాలు ఇవ్వడం లేదని వాపోతున్నారు. ప్రత్యేక జీఓలను అమలు చేయడం ఇష్టంట లేని ప్రభుత్వం ఎందుకు జీఓనెంబరు149 విడుదల చేయాలని.. లేదంటే దానిని అధికారికంగా రద్దు చేయాలని గ్రేడ్-5  పంచాయతీ కార్యదర్శిలు ప్రశ్నిస్తున్నారు. ప్రభుత్వం తమకు అధికారాలు ఇచ్చే విషయంలో ఎలాంటి నిర్ణయం తీసుకోకపోవడంతో.. గ్రామసచివాలయ పరిధిలో పారిశుధ్య నిర్వహణ చేపట్టాలన్నా..కనీసం బ్లీచింగ్ చల్లించాలన్నా.. అత్యవసరంగా ఏపనిచేయించాలన్నా పరుగు పరుగున గ్రేడ్-1 పంచాయతీ కార్యదర్శి దగ్గరకు వెళ్లాల్సి వస్తుందని ఆవేదన వ్యక్తం చేస్తున్నారు. తక్షణమే తమకు సంక్రమించాల్సిన అధికారాలు తమకు బదలాయించాలని ప్రభుత్వాన్ని డిమాండ్ చేస్తున్నారు. అలా చేయకపోయినా.. మరో ఐఏళ్లలో పాత గ్రేడ్1 పంచాయతీ కార్యదర్శిలంతా 80శాతం  ఉద్యోగ విరమణ చేస్తారని, అపుడైనా ఆ అధికారాలు తమకు వస్తాయని.. దానికంటే ముందు ప్రభుత్వమే జీఓనెంబరు 149 అమలు చేసి రాష్ట్రవ్యాప్తంగా వున్న గ్రామ సచివాలయ కార్యదర్శిదర్శిలకు సచివాలయాల వారీగా అధికార బదలాయింపు చేస్తే ప్రభుత్వ లక్ష్యం..గ్రామాల అభివ్రుద్ధి..ప్రజలకు సేవలు పూర్తిస్థాయిలో అందుతాయని అంటున్నారు. ఈ క్రమంలో ఇప్పటికే జాబ్ కేలండర్ విషయంలో ప్రభుత్వ తీరుపై గుర్రుగా వున్న నిరుద్యోగుల మాదిరిగానే..సచివాలయ ఉద్యోగులు కూడా తమ డిమాండ్ ను పరిష్కరించకపోతే ప్రభుత్వానికి మద్దతు ఉపసంహరించుకునేలా కనిస్తున్నారని విశ్లేషకులు భావిస్తున్నారు. అదే జరిగితే ప్రభుత్వం ఎంతో ఉన్నత లక్ష్యంతో ఏర్పాటు చేసిన గ్రామ సచివాలయ వ్యవస్థ ఉద్యోగుల్లో ప్రభుత్వంపై వున్న మంచి అభిప్రాయం కోల్పోవడమే కాకుండా..గ్రామస్థాయిలోనే తీవ్ర వ్యతిరేకత వచ్చే ప్రమాదాలు కూడా లేకపోలేదు. ఇప్పటికే సచివాలయాల్లో అధికారాలు తమకు బదలాయింలేదనే బాధతో చాలా చోట్ల గ్రేడ్-5 కార్యదర్శిలు ప్రభుత్వ కార్యక్రమాల అమలులో అంటీ ముట్టనట్టు వ్యవహరిస్తున్నారనే ప్రచారం కూడా జరగుతుంది. ఈ తరుణంలో రాబోయో పరిణామాలు ఏ విధమైన మలుపుతిరుగుతాయో చూడాల్సి వుంది..! 

Tadepalle

2021-07-13 02:17:04

సచివాలయాలకు సాంకేతిక మోకాలడ్డు..

భారతదేశంలో ఆంధ్రప్రదేశ్ ప్రభుత్వం ఉన్నత లక్ష్యంతో ఎంతో ప్రతిష్టాత్మకంగా ఏర్పాటు చేసిన గ్రామ, వార్డు సచివాలయ వ్యవస్థకు సాంకేతికత మోకాలడ్డుతోంది. లక్షా 16 వేల మంది సిబ్బంది, 10వేల 5 గ్రామ,వార్డు సచివాలయాలు.. అదనంగా మరో 8వేల మంది గతంలోని పంచాయతీ కార్యదర్శిలు. ఉద్యోగుల పరంగా భారీ ఉద్యోగులున్న 4వ ప్రభుత్వ శాఖ గ్రామ,వార్డు సచిలయ శాఖ. కాకపోతే ఇఅన్నీ పేరులోనే బలంగా కనిపిస్తున్నాయి. వారందరినీ జిల్లాలో పరిపాలించడానికి  జాయింట్ కలెక్టర్లుగా 13 మంది ఐఏఎస్ అధికారులు ఇంతటి మహత్తర వ్యవస్థను ఏర్పాటు చేసిన వైఎస్సార్సీపీ సర్కారు.. అదే స్థాయిలో సాంకేతికను అంది పుచ్చుకోవడంలో ఘోరంగా విఫలమైందనే చెప్పాలి.. దానికి కారణం కూడా లేకపోలేదు. అందుబాటులో సాంకేతిక, వనరులున్నా వాటిని వినియోగించుకోలేకపోవడమే. నేటికీ సంక్షేమ పథకాలు అందించానికి వినియోగించే మొబైల్ యాప్స్ ని పూర్తిస్థాయిలో సచివాలయ వెల్పేర్ అసిస్టెంట్లుగానీ, వాలంటీర్లు, మండల స్థాయి అధికారులు సైతం వాడలేకపోతున్నారంటే కారణం ఒక్కటే సాంకేతికతను ఉద్యోగులకు దగ్గర చేయలేకపోవడం. వాస్తవానికి రాష్ట్రవ్యాప్తంగా ఉన్న సచివాలయ సిబ్బంది, ప్రజలకు సంక్షేమ పథకాలు అందించాలంటే ప్రభుత్వం రూపొందించిన మొబైల్ యాప్స్ పూర్తిస్థాయిలో పనిచేయాలి. అంతకంటే ముందుగా సదరు గ్రామ, వార్డు సచివాలయశాఖ వెబ్ సైట్లు కూడా పరిపూర్ణంగా పనిచేయాల్సి వుంది. అంతేస్థాయిలో వీటి నిర్వహణకు కూడా ప్రత్యేక సిబ్బందిని ఏర్పాటు చేయాలి. కానీ సచివాలయ శాఖలో సిబ్బందిని ఏర్పాటు చేయడానికి ప్రభుత్వం చూపించిన శ్రద్ధ.. తరువాత వారి ద్వారా ప్రజలకు సేవలందించడానికి ఎలాంటి అడ్డంకి సాంకేతికత విషయంలో అడ్డుకాకుండా ఉండేందుకు మాత్రం ఎలాంటి చర్యలు తీసుకోలేక పోవడం ప్రధాన లోపంగా కనిపిస్తుంది. ప్రస్తుతం మొత్తం కార్యకలాపాలన్నీ డిజిటల్ రూపంలోనే జరుగుతున్నాయి. అలాంటి సమయంలో అన్ని ప్రభుత్వ శాఖలకు ఉపయోగ పడేవిధంగా రాష్ట్ర ప్రభుత్వంలోనే ఒక ఐటీ విభాగాన్ని, హ్యూమన్ రీసోర్స్ కేంద్రాలు, శిక్షణా కేంద్రాలు ఏర్పాటు చేయడం ద్వారా  ప్రభుత్వం అనుకున్న లక్ష్యాలను చేరుకోవడానికి మార్గం సుగమం అయ్యేది. వాటిని ఏర్పాటు చేయకపోవడంతో ఆంధ్రప్రదేశ్ లో గ్రామ, వార్డు సచివాలయాల్లోని సిబ్బంది సాంకేతికతకు చాలా దూరంలోనే ఉండిపోతున్నారు. పనిజరుగుతుందంటే అంతా బాగనే వుందనుకుంటున్న ప్రభుత్వం క్షేత్రస్థాయిలో ఏ స్థాయిలో సాంకేతికను అదిగమించి ప్రజలకు సేవలందిస్తున్నామనే విషయాన్ని జిల్లా స్థాయిలో గ్రామ, సచివాలయ శాఖ జెసిలుగానీ, జిల్లా కలెక్టర్లు గానీ, రాష్ట్రస్థాయిలో కమిషనర్లు, ఈశాఖ ముఖ్యకార్యదర్శి, ప్రభుత్వంలో ప్రధాన కార్యదర్శి కూడా ఆలోచించడం లేదు. వాస్తవానికి ఒక నూతన వ్యవస్థను ఏర్పాటు చేసిన తరువాత వారికి శిక్షణ, సాంతికత, ఐటి పరికరాలు, ఇంటర్నెట్, కంప్యూటర్లు, ఇలా అన్నీ ఒక ప్రోటోకాల్ పద్దతిలో అందించాలి. అత్యధిక వినియోగాన్ని ద్రుష్టిలో ఉంచుకొని ఇవ్వాల్సిన ట్యాబ్ లు నాణ్యతలోపించడంతో అపుడే వాలంటీర్ల దగ్గర ఫోన్లు మొరాయిస్తున్నాయి.. ఇచ్చిన మొబైల్ సిమ్ లు పనిచేయకపోవడంతో వారి సొంత మొబైల్ ఫోన్లు వినియోగించి ప్రభుత్వ పథకాలు అందిస్తున్నారు గ్రామ, వార్డు వాలంటీర్లు. ఆఖరికి సచివాలయాల్లో స్పీడ్ గా వచ్చే ఇంటర్నెట్ సదుపాయం కూడా లేకపోవడంతో ఆన్ లైన్ కార్యకాలాపాలన్నీ చాలా ఆలస్యంగా జరుగుతున్నాయి. సంక్షేమపథకాలు అమలు చేసే యాప్ లు కొత్త వెర్షన్లు, కొత్త ఆప్షన్లు జోడించినపుడు వారికి వాటిని ఏ విధంగా వినియోగించాలో ప్రత్యేక శిక్షణా కేంద్రం ద్వారా వారికి మార్గదర్శకాలు ఇవ్వాలి. కానీ అలా జరగడం లేదు. గ్రూపులో కొత్త వెర్షన్ యాప్ పెట్టాం. దానినే వినియోగించండి అని ఒక్క మెజేస్ పెట్టి ఊరకుండిపోతున్నారు. దీనితో ఒక్కోసారి అవి ప్రభుత్వం ఇచ్చిన ఫోన్లలో ఇనిస్టాల్ కాక వాలంటీర్లు, వెల్ఫేర్ అసిస్టెంట్లు చాలా ఇబ్బందులు పడుతున్నారు. బయోమెట్రిక్ యంత్రాలు కొరత, ఐరిష్ పరికరాల లేమి ఇలాం సాంకేతిక పరంగా చాలా లోపాలతోనే సచివాలయ సిబ్బంది పనిచేయాల్సి వస్తుంది. పాడైన మొబైల్ ఫోన్ల స్థానంలో ప్రభుత్వం వాటిని రిపేర్లు చేయించే ఇచ్చే సహాయం కూడా చేయడం లేదు. దానికితోడు ప్రభుత్వం సచివాలయ ఉద్యోగులను విధుల్లోకి తీసుకున్న తరువాత వీరికి పూర్తిస్థాయిలో శిక్షణ ఇవ్వలేదు. అప్పటికప్పుడు నెల రోజులు శిక్షణ ఇచ్చి చేతులు దులుపుకుంది. ఫలితంగా చాలా పనులు మందకొడిగా సాగుతున్నాయి. రాష్ట్రంలోని చాలా సచివాలయాల్లో ప్రభుత్వం ఇచ్చిన ప్రింటర్లు కూడా మూలకు చేరిపోయాయి. దీనితో గ్రామపంచాయతీల్లో వినియోగిస్తున్న కంప్యూటర్లు, ప్రింటర్లు వినియోగించాల్సి వస్తుంది. ఇలా అడుగడుగునా సాంకేతిక విషయంలో సచివాలయ ఉద్యోగులు తీవ్ర ఇబ్బందులు పడుతున్నారు. అదే సమయంలో ఇచ్చిన టార్గెట్లు పూర్తికాకపోయినా అధికారుల నుంచి తిట్లు, చీవాట్లు కూడా వీరే పొందాల్సి వస్తుంది. ప్రస్తుతం రాష్ట్రవ్యాప్తంగా సచివాలయ వ్యవస్థలో లోపాలను గుర్తించి, సాంకేతిక సమస్యలను పరిష్కరించడానికి ప్రభుత్వం కొంత మంది సాంకేతిక సిబ్బందిని, జిల్లాకొక హ్యూమన్ రీసోర్స్ సెంటర్ ను ఏర్పాటు చేస్తే తప్పా ప్రభుత్వ సేవలకు అడ్డంకిగా వున్న అరకొర సాంకేతికను అదిగమించడానికి ఆస్కారం వుండదు. ఈ విషయంలో ప్రభుత్వం ఎలాంటి చర్యలు చేపడుతుందో వేచి చూడాలి.!

Tadepalle

2021-07-13 01:28:09

రాష్ట్రమంతటా ఒకేలా కర్ఫ్యూ..

ఆంధ్రప్రదేశ్‌ ప్రభుత్వం అన్ని జిల్లాల్లో ఒకేలా కర్ఫ్యూ సడలింపులు ఇస్తూ ఆదేశాలు జారీచేసింది. ఉదయం 6 గంటల నుంచి రాత్రి 9 గంటల వరకూ సడలింపులు ఇచ్చారు. రాత్రి 9 గంటలకల్లా దుకాణాల మూసివేత, 10 గంటల తర్వాత కర్ఫ్యూ ఆంక్షలు అమల్లోకి వస్తాయి. రాత్రి 10 గంటల నుంచి ఉదయం 6 గంటలవరకూ కర్ఫ్యూ అమలులో ఉంటుంది. కోవిడ్‌ నియంత్రణ చర్యలను కఠినంగా అమలు చేయాలని ప్రభుత్వం నిర్ణయించింది. కోవిడ్‌ నివారణ చర్యలపై ముఖ్యమంత్రి వైఎస్‌ జగన్‌మోహన్‌రెడ్డి సోమవారం చేపట్టిన సమీక్షా సమావేశంలో పలు కీలక నిర్ణయాలు తీసుకున్నారు. మాస్క్‌ ధరించకపోతే రూ.100ల జరిమానా కచ్చితంగా అమలు చేసేవిధంగా నిర్ణయం తీసుకున్నారు. దుకాణాల్లో కూడా సిబ్బంది దగ్గర నుంచి వినియోగదారులకు వరకూ మాస్క్‌లు ధరించాల్సిందే. ఉల్లంఘనలకు పాల్పడితే దుకాణాలకు భారీ జరిమానాలతో పాటు అవసరమైతే 2–3 రోజులు దుకాణాలు మూసివేతకు ప్రభుత్వం ఆదేశించింది.

Tadepalle

2021-07-12 16:59:20

మాస్క్ లేకపోతే రూ.100 ఫైన్..

కోవిడ్‌ నియంత్రణ చర్యలను కఠినంగా అమలు చేయాలని ఆంధ్రప్రదేశ్‌ ప్రభుత్వం నిర్ణయించింది. కోవిడ్‌ నివారణ చర్యలపై ముఖ్యమంత్రి వైఎస్‌ జగన్‌మోహన్‌రెడ్డి సోమవారం చేపట్టిన సమీక్షా సమావేశంలో పలు కీలక నిర్ణయాలు తీసుకున్నారు. మాస్క్‌ ధరించకపోతే రూ.100ల జరిమానా కచ్చితంగా అమలు చేసేవిధంగా నిర్ణయం తీసుకున్నారు. దుకాణాల్లో కూడా సిబ్బంది దగ్గర నుంచి వినియోగదారులకు వరకూ మాస్క్‌లు ధరించాల్సిందే. ఉల్లంఘనలకు పాల్పడితే దుకాణాలకు భారీ జరిమానాలతో పాటు అవసరమైతే 2–3 రోజులు దుకాణాలు మూసివేతకు ప్రభుత్వం ఆదేశించింది. ఉల్లంఘనలకు పాల్పడ్డారని ఎవరైనా ఫొటో తీసి పంపినా జరిమానాలు విధించే విధంగా దీని కోసం ప్రత్యేక వాట్సాప్‌ నంబర్‌ ఏర్పాటు, రాష్ట్రవ్యాప్తంగా 144 సెక్షన్‌ కఠినంగా అమలు జరిగే విధంగా ప్రభుత్వం నిర్ణయించింది. ప్రజలెవ్వరూ గుమిగూడకుండా కఠిన ఆంక్షలతో పాటు మార్కెట్లు, తదితర చోట్ల కూడా మాస్క్‌లు ధరించాలంటూ ఆదేశాలు జారీ అయ్యాయి. మార్కెట్‌ కమిటీలు మాస్క్‌లు ధరించేలా చూడాలంటూ ప్రభుత్వం ఆదేశించింది.

Tadepalle

2021-07-12 16:52:22

ఆల్ పాస్ కాదు..గ్రేడింగ్ ఇస్తారు..

ఆంధ్రప్రదేశ్ లో పదో తరగతి ఫలితాల విషయంలో విద్యార్థులకు మేలు జరిగేలా, ఎవరూ నష్టపోకుండా రాష్ట్ర విద్యా శాఖ చర్యలు చేపట్టింది. ప్రస్తుత విద్యా సంవత్సరంతో పాటు గత విద్యా సంవత్సరానికి సంబంధించి కూడా 'ఆల్‌ పాస్‌'కు బదులు గ్రేడ్లు ప్రకటించాలని నిర్ణయించింది. కరోనా మహమ్మారి వల్ల గత విద్యా సంవత్సరం(2019-20)లో పదో తరగతి పరీక్షలు నిర్వహించకపోవడం వల్ల 'ఆల్‌ పాస్‌'గా ప్రకటించిన విద్యార్థులందరికీ తాజాగా గ్రేడ్లు ఇవ్వాలని రాష్ట్ర విద్యా శాఖ నిర్ణయించింది.ఆ విద్యా సంవత్సరంలో విద్యార్థులు రాసిన సమ్మేటివ్, ఫార్మేటివ్‌ పరీక్షల మార్కుల ఆధారంగా పదో తరగతి గ్రేడ్లు ఇవ్వనున్నారు. గతేడాది కరోనా వల్ల పరీక్షలు నిర్వహించే పరిస్థితి లేక రాష్ట్ర విద్యా శాఖ విద్యార్థులందరినీ ఉత్తీర్ణులుగా ప్రకటించింది. వారి ధ్రువపత్రాల్లో సబ్జెక్టులకు గ్రేడ్లు బదులు.. పాస్‌ అని మాత్రమే ఇచ్చారు. దీంతో వారి ఉన్నత చదువులకు ఇబ్బందులేర్పడ్డాయి.

చదువులకే కాకుండా పదో తరగతి మార్కుల ఆధారంగా వచ్చే ఉద్యోగాలను పొందే విషయంలోనూ గ్రేడ్లు, మార్కులు లేకపోవడం వల్ల నష్టపోయే పరిస్థితి ఏర్పడింది. ఈ నేపథ్యంలో గత విద్యా సంవత్సరం విద్యార్థులకు గ్రేడ్లు ప్రకటించాలని విద్యా శాఖ నిర్ణయించింది. దీనిపై ఛాయారతన్‌(రిటైర్డ్‌ ఐఏఎస్‌ అధికారిణి) నేతృత్వంలోని అత్యున్నత స్థాయి కమిటీ చర్చించింది. 2019-20 విద్యార్థులకు ఫార్మేటివ్‌-1, ఫార్మేటివ్‌-2, ఫార్మేటివ్‌-3, సమ్మేటివ్‌-1 పరీక్షలు జరిగాయి. వీటిని పరిగణనలోకి తీసుకొని వారికి ఇప్పుడు గ్రేడ్లు ఇవ్వనున్నారు. ఒక్కో ఫార్మేటివ్‌ పరీక్షకు 20 మార్కులు చొప్పున 60 మార్కులుగా, సమ్మేటివ్‌ పరీక్షకు 40 మార్కులుగా పరిగణనలోకి తీసుకొని గ్రేడ్లు ఇవ్వనున్నారు. ఇందులో వీరికి కూడా ఎక్కువ మార్కులు సాధించిన 3 సబ్జెక్టుల సగటును తీసుకొని పబ్లిక్‌ పరీక్షల గ్రేడ్లు ఇవ్వాలని నిర్ణయించారు. హైపవర్‌ కమిటీ తుది నివేదిక తర్వాత విద్యా శాఖ ఫలితాలు ప్రకటిస్తుందని అధికార వర్గాలు తెలిపాయి. అత్యున్నత స్థాయి కమిటీ త్వరలోనే తన నివేదికను ప్రభుత్వానికి అందించనుంది. దాని ఆధారంగా విద్యార్థులకు గ్రేడ్లు ప్రకటిస్తారు.

Tadepalle

2021-07-12 16:49:58

GoNo-2ను సస్పెండ్ చేసిన హైకోర్టు..

ఏపీ ప్రభుత్వానికి హైకోర్టులో జీఓనెంబరు2 విషయంలో మరోసారి చుక్కెదురైంది. ప్రభుత్వం జారీ చేసిన ఈ జీఓను సోమవారం ఆంధ్రప్రదేశ్  హైకోర్టు సస్పెండ్‌ చేసింది. పంచాయతీ సర్పంచులు, సెక్రటరీల అధికారాలను వీఆర్‌వోలకు అప్పగిస్తూ ప్రభుత్వం ఈ జీవోను జారీ చేసింది. అయితే దీనిని సవాల్‌ చేస్తూ గుంటూరు జిల్లా తోకలవారిపాలెం సర్పంచ్‌ కృష్ణమోహన్‌ హైకోర్టులో పిటిషన్‌ వేశారు. పిటిషనర్‌ తరపున వాదనలు న్యాయవాది నర్రా శ్రీనివాస్‌ ఈ జీఓ కార్యదర్శిలు, సర్పంచ్ ల అధికారాలు హరించేలా వుందని తమ వాదలను వినిపించారు. రాజ్యాంగంలోని ఆర్టికల్ 73 సవరణకు, ఏపీ పంచాయతీరాజ్ చట్టానికి ఇది విరుద్ధంగా ఉందని కోర్టుకి విన్నవించారు. దీనితో పంచాయతీ సర్పంచ్‌ అధికారాలు వీఆర్‌వోలకు ఎలా ఇస్తారని హైకోర్టు ప్రభుత్వాన్ని ప్రశ్నించింది. ఇప్పటివరకూ సర్పంచులు, కార్యదర్శుల ఆధ్వర్యంలో జరిగిన పాలనను వీఆర్‌వోలకు అప్పగించడమేంటని ఏపీ హైకోర్టు ప్రశ్నించింది. అయితే ప్రజలకు సంక్షేమ పథకాలు అందించడానికి వీఆర్వోలకు ఈ అధికారాలు ఇస్తూ జీఓ జారీచేసినట్టు ప్రభుత్వం తరపు న్యాయవాది కోర్టుకి తెలియజేశారు. ఇరువురి వాదనలు విన్న హైకోర్టు తదుపరి విచారణ 4 వారాలకు వాయిదా వేస్తు్న్నట్లు హైకోర్టు ప్రకటించింది. అయితే ఇదే కేసు విషయంపై గతంలో గ్రామ పంచాయతీలు ఉండగా దానికి సమాంతరంగా ఎందుకు గ్రామసచివాలయాలను ఏర్పాటు చేయాల్సి వచ్చిందంటూ ప్రశ్నించింది కూడా ఇపుడు జీఓనెం-2ను సస్పెండ్ చేయడం ప్రాధాన్యత సంతరించుకుంది. హైకోర్టు తీర్పుని పంచాయతీరాజ్ సర్వీసెస్ అసోసియేషన్ గౌరవ అధ్యక్షులు బుచ్చిరాజు స్వాగతించారు. డిడిఓ అధికారాలు కార్యదర్శిలకే ఉండాలన్నారు. పంచాయతీ కార్యకాలపాలపై వీఆర్వోలకు ఎలాంటి అవగాహన కూడా లేదని పేర్కొన్నారు. నిరంతరం పనిచేసే కార్యదర్శిలకు అధికారాలు ఉండటం వలన ప్రజలకు మంచి సేవలు అందించడానికి వీలుపడుతుందన్నారు. కాగా ఇదే విషయమై ప్రభుత్వం తీసుకున్న నిర్ణయం తరువాత ఎదురైన అంశాలన్నీ ఈఎన్ఎస్ నేషనల్ న్యూస్ ఏజెన్సీ అధికారిక మొబైల్ న్యూస్ ఈఎన్ఎస్ లైవ్ ద్వారా కూడా ప్రత్యేక కధనాలు అందించింది. ముఖ్యంగా ఈఎన్ఎస్ లైవ్ ప్రస్తావించిన ఆర్టికల్ 73 విషయంలో కోర్టు ఆ జీఓను సస్పెండ్ చేయడం చర్చనీయాంశమవుతోంది..

Tadepalle

2021-07-12 16:40:52

గ్రామసచివాలయ జెసీలకే క్లారిటీ లేదు..

ప్రజలకు ఇంటిముంగిటే అన్నిరకాల సేవలు అందించాలనే ఉన్నత లక్ష్యంతో ఏర్పాటు చేసిన గ్రామ సచివాలయ వ్యవస్థను పూర్తిస్థాయిలో ఏ విధంగా పరిపుష్టం చేయాలో ప్రభుత్వం ప్రత్యేకంగా నియమించిన  గ్రామ, వార్డు సచివాలయ శాఖ జాయింట్ కలెక్టర్లుకు నేటికీ క్లారిటీ రాలేదు. ఎప్పుడు సచివాలయాలను సందర్శించినా ప్రజలకు మంచిసేవలందించాలి.. బాగా పనిచేయాలి.. ప్రభుత్వానికి పేరుతేవాలని.. బాగ పనిచేయకపోయినా అలక్ష్యం వహించినా చర్యలు తీసుకుంటామని హెచ్చరిస్తున్నారు తప్పితే.. భారతదేశంలో ఒక వినూత్న వ్యవస్థగా ఏర్పాటు చేసిన సచివాలయ వ్యవస్థను ఏ తరహా అభివ్రుద్ధి చేయాలి.. ఏం చర్యలు తీసుకుంటే లోపాలను పరిష్కరించవచ్చు.. ఏ జీఓలు అమలవుతున్నాయి.. ఎందుకు పంచాయతీ కార్యదర్శిలు గ్రేడ్-5  కార్యదర్శిలకు అధికారాలు, బాధ్యతలు అప్పగించలేదు.. జీఓ నెంబరు 149ని ఎందుకు అవహేలన చేస్తున్నారనే విషయాన్ని నేటికి రాష్ట్రంలో ఒక్క జాయింట్ కలెక్టర్ కూడా పట్టించుకున్న దాఖలాలు లేవు.. కాదు కాదు వారికే క్లారిటీలేకుండా పోయింది. ఏదో మొక్కుబడిగా సందర్శనలు చేశామా..వెళ్లామా అన్నట్టుగానే వ్యవహరిస్తున్నారు.. అలాగని జిల్లా స్థాయిలో జిల్లా పంచాయతీ అధికారులు సైతం గ్రేడ్-5 కార్యదర్శిల విషయంలో అమలు కానీ జీఓల అంశాన్ని జాయింట్ కలెక్టర్లకు వివరించడం లేదు. ఇదంతా చూస్తుంటే.. ఒక పక్కా ప్లాన్ ప్రకారమే ప్రభుత్వ జీఓలను పక్కన పెట్టి ఇష్టారాజ్యంగా వ్యవహరిస్తున్నట్టు స్పష్టంగా కనిపిస్తుంది. ఒక్క జీఓ నెంబరు 149 మాత్రమే కాదు. గ్రామ,వార్డు సచివాలయ శాఖకు కమిషనరేట్ నుంచి వచ్చే 14 ప్రభుత్వశాఖలకు చెందిన ఏ జీఓలు కూడా సచివాలయాలకు చేరడంలేదు. అమలు జరగడం లేదు. ఈ విషయాన్ని ఈఎన్ఎస్ నేషనల్ న్యూస్ ఏజెన్సీ అధికారిక మొబైల్ యాప్ ఈఎన్ఎస్ లైవ్, www.enslive.net ద్వారా ప్రభుత్వం ద్రుష్టికి ప్రత్యేక కధనాల రూపంలో తీసుకొస్తూనే వుంది. అయితే ఇక్కడ ప్రధాన సమస్య గ్రేడ్-1 పంచాయతీ కార్యదర్శిలకు తమ చేతిలో వున్న అధికారం ఇచ్చే ఉద్దేశ్యం లేనట్టుగా కనిపిస్తుంది. అక్కడికీ వీరే గ్రేడ్-5 కార్యదర్శిలను సచివాలయాల్లో నియమించినట్టు, జేబుల్లోనుంచి జీతాలు జీతాలు ఇస్తున్నట్టు..వారంతీ వీరి కింద సబార్డినేట్ ఉద్యోగులుగానే చూస్తూ తెగఫీలైపోతున్నారట. అదొక్క కార్యదర్శిల విషయంలోనే కాదు..అటు మహిళా పోలీసుల విషయంలో కానిస్టేబుళ్లు, ఏఎస్ఐలు కూడా అలానే ఫీలైపోతున్నారు..అసలు వీరిని పోలీసులగా ఎలా గుర్తిస్తామని.. వీరికి ప్రభుత్వం ఎందుకు పోలీస్ అనే పదం తగిలించిందో అర్ధం కావడం లేదని తెగ మదన పడిపోతున్నారు.. అటు వీఆర్వోలు కూడా ప్రభుత్వం తమకిచ్చిన డీడీఓ ఉత్తర్వుల పరంగా తామే సచివాలయాకు ప్రధాన అధికారులమంటూ వ్యవహరిస్తున్నారు.  వ్యవసాయశాఖలో అయితే చెప్పాల్సిన అగ్రికల్చర్ అసిస్టెంట్లు కనీసం సచివాలయం మొహం కూడా చూడటం లేదు వీరంతా ఆర్బీకేలకే పనిమితం అయిపోతున్నారు..సర్వేయర్లకు ప్రభుత్వం సమగ్ర భూ సర్వే పని అప్పగించడంతో వారూ సచివాలయాలకు దూరంగానే ఉంటున్నారు.. ఆరోగ్యశాఖకు చెందిన ఏఎన్ఎంలంతా వారి పీహెచ్సీ వైద్యులు సూచించిన విధుల్లో నిమగ్నమవుతున్నారు..ఇంజనీరింగ్ అసిస్టెంట్లు మొత్తం కొత్త భవనాల నిర్మాణాలకే అంకితం అయిపోతున్నారు.. అలాగనీ విరికి ప్రభుత్వం వీరి విధులు, బాధ్యతల విషయంలో ఏమైనా జీఓ ప్రకారం సూచించిందా అదీ లేదు. ఈ క్రమంలో సచివాలయాలు వచ్చినా.. సచివాలయ ఉద్యోగులంతా తమ కిందే పనిచేయాలంటూ పంచాయతీ గ్రేడ్-1 కార్యదర్శిలు హుకుం జారీ చేస్తున్నారు. తమ అధికారాల విషయంలో ఎవరికి వారు తామే బాసులమని బల్లగుద్ది చెబుతున్నారు. సచివాలయాల్లో మాత్రం గ్రేడ్1 కార్యదర్శిలు అధికారాలు బదలాయించకుండా మొండి పట్టుదలతో ఉండిపోయినా.. వారికి మండల స్థాయిలో ఎంపీడీఓలు, జిల్లా స్థాయిలో జిల్లా పంచాయతీ అధికారులు వత్తాసు పలుకుతూ రావడం వలన నేటికీ అధికార వికేంద్రీకరణ జీఓ నెంబరు 149 ద్వారా గ్రేడ్-5 కార్యదర్శిలకు చేరడం లేదు. మరో ఆరునెలల్లో సచివాలయ ఉద్యోగుల సర్వీసు కూడా క్రమ బద్దీకరణ పూర్తవుతుంది. అయినప్పటికీ వీరికి అధికారికంగా చేసే పనులపై ప్రభుత్వం కూడా క్లారిటీ ఇవ్వలేదు. అలాగని వున్న జీఓలను కూడా అమలు చేయలేదు. దీనితో తాము ఎందుకు ఉద్యోగాలు చేస్తున్నామో కూడా తెలియడం లేదని, ప్రభుత్వం తమను ఎందుకు నియమించిందో నేటీకీ మాకు అర్ధం కావడం లేదని గ్రేడ్-5 కార్యదర్శిలంతా తలలు పట్టుకుంటున్నారు. అలాగని పంచాయతీరాజ్ శాఖ, గ్రామ, వార్డు సచివాలయ శాఖల్లో కమిషనర్లు అయినా ప్రభుత్వ జీఓలను జిల్లాల్లో అమలు చేయాలని ఆదేశిస్తున్నారా అంటే అదీ కనిపించడం లేదు. సచివాలయాలు వచ్చిన తరువాత డిడిఓలుగా వీఆర్వోలను చేస్తూ ఇచ్చిన జీఓనెంబరు 2ను మాత్రం ఆగమేఘాలపై అమలు చేసింది ప్రభుత్వం. అలాగని గతంలో విడుదల చేసిన జీఓ నెంబరు 149 అమలు చేయాలంటే మాత్రం ఆ ఒక్కటీ అడక్కు అన్నట్టు వ్యవహరిస్తోందని కార్యదర్శిలు వాపోతున్నారు. అసలు ప్రభుత్వం ఉత్తర్వులను అమలు చేసే ఉద్దేశ్యం లేనపుడు ఎందుకు వాటిని విడుదల చేయాలని..అందులో నియమ నిబంధనలను ఎందుకు పొందు పరచాలని ప్రశ్నిస్తున్నారు. మొట్టమొదటి సారిగా ఉద్యోగాల్లోకి వచ్చిన తమకు ప్రభుత్వం జారీ చేసిన జీఓలను అమలు చేయకపోతే తమకు ప్రభుత్వం మీద ఏం నమ్మకముంటుందంటూ పెదవి విరిస్తున్నారు. ఒక శాఖలో పనిచేసే ఉద్యోగికి ఎలాంటి అధికారాలు ఇవ్వకుండా పనిచేయమంటే ఎలా పనిచేస్తామని వీరంతా ప్రశ్నిస్తున్నారు. గ్రామాల్లో శానిటేషన్ దగ్గర నుంచి, ఇంటి పన్నుల వసూలు, వివిధ రకాల అనుమతులు ఇలా ఏ విషయానికైనా గ్రేడ్-2 పంచాయతీ కార్యదర్శిల చుట్టూ తిరగాల్సి వస్తుందని చెబుతున్నారు. కనీసం శానిటేషన్ సిబ్బందితో పనిచేయించుకునే అధికారం కూడా లేకపోతే తమ ఉద్యోగాలు దేనికి పనిచేస్తాయంటూ మండి పడుతున్నారు. ఒక్క గ్రామ పంచాయతీ గ్రేడ్-5 కార్యదర్శిలే కాకుండా..సచివాలయాల్లోన్ని మొత్తం 14శాఖల ఉద్యోగులకు తాము ఏశాఖ కిందకి వస్తామో కూడా తెలియని పరిస్థితి సిబ్బందిలో నెలకొందని.. ఈవిషయంలో ప్రభుత్వం ప్రత్యేకంగా నియమించిన గ్రామ, వార్డు సచివాలయశాఖ జాయింట్ కలెక్టర్లు పూర్తిస్థాయిలో ద్రుష్టిసారిస్తే వాస్తవాలు తెలుస్తాయని వాపోతున్నారు. లేదంటే పేరుకి సచివాలయ సిబ్బందిగా మాత్రమే పనిచేస్తున్నా.. ఎలాంటి అధికారాలు లేని ఉద్యోగాలు ఎలా చేయాలో కనీసం ఉన్నతాధికారుల దగ్గరున్నఆలోచనలు చెప్పినా బావుంటుందని..లేదంటే తామని ప్రభుత్వం ఎందుకు నియమించిందో నేటికీ క్లారిటీ రాకపోతే ప్రజలకు ఏ విధంగా సమాధానాలు చెబుతామని సచివాలయాలను దగ్గరుండి నిర్వహించాల్సిన గ్రేడ్-5 కార్యదర్శిలు నెత్తీ నోరూ కొట్టుంటున్నారు. ఈ తరుణంలో ప్రభుత్వం గ్రేడ్-2 పంచాయతీ కార్యదర్శిల దగ్గర నుంచి అధికారాలు, శానిటేషన్ సిబ్బంది, తమ పరిధికి చెందిన రికార్డులు అసలు అప్పగిస్తుందా..లేదంటే వీరిని పేరుకే సచివాలయ కార్యదర్శిలుగా నియమించాం తప్పితే..అధికారాలు..డిప్యుటేషన్ బాధ్యతలు గ్రేడ్-1 కార్యదర్శిల చేతిలోనే ఉంచుతామని ప్రకటిస్తుందా అనేది తేలని ప్రశ్నిగా మారింది..చూడాలి ఏం జరుగుతుందో..!

Tadepalle

2021-07-11 03:29:09
Downloads
ENS Live
About Us |
Privacy |
Contact Us |
Terms and Conditions
Copyright@2020ENSLive