ఆంధ్రప్రదేశ్ ప్రభుత్వం గ్రామ సచివాలయాలకు ఆనుకుని నిర్మిస్తున్న విలేజ్ క్లినిక్స్ లలో 14 రకాల మెడికల్ టెస్టులు చేయడానికి నిర్ణయించింది. గతంలో కేవలం మందులను, సిబ్బందిని మాత్రమే ఏర్పాటు చేస్తున్నట్టు ప్రకటించడంతో, నాటి దివంగత ముఖ్యమంత్రి డా.వైఎస్సార్ కలను ప్రస్తావిస్తూ ఈఎన్ఎస్ నేషనల్ న్యూస్ ఏజెన్సీ మరియు అధికారికి మొబైల్ న్యూస్ యాప్ ఈఎన్ఎస్ లైవ్, www.enslive.net ద్వారా ప్రత్యేక కధనాలను ప్రచురించింది. దీనితో స్పందించిన సీఎం వైఎస్.జగన్మోహనరెడ్డి నేత్రుత్వంలోని ప్రభుత్వం ప్రాధమిక వైద్యం అందించేచోట, ప్రాధమిక వైద్యపరీక్షలు కూడా అందుబాటులో తేవాలని సంకల్పించింది. ఆపై మందుల సంఖ్యను తగ్గిస్తూ.. మెడికల్ టెస్టులను విలేజ్ క్లినిక్ లలో ఏర్పాటు చేయాలని నిర్ణయించింది. ఈమేరకు ముఖ్యమంత్రి అధ్యక్షతన జరిగిన సమీక్షలో రాష్ట్ర అధికారులు ఈ విషయాన్ని వెల్లడించారు. ఈ క్లినిక్ లలో స్టాఫ్ నర్సుతోపాటు, ఏఎన్ఎం, ఆశ వర్కర్లు కూడా అందుబాటులో ఉంటారు. పిల్లకు అన్ని రకాల వేక్సిన్లు ఇక్కడే వేస్తారు. ఆరోగ్యశ్రీకార్డుల సమాచార కూడా వివేజ్ క్లినిక్ లకు మేపింగ్ చేస్తారు. వీటి ద్వారానే ప్రాధమిక వైద్యం అందించి.. మరీ అవసరమైతే ఇక్కడి నుంచే పీహెచ్సీకి, ఆపై జిల్లా ఆసుపత్రులకు రోగులను పంపించే వ్యవస్థను ఏర్పాటు చేశారు. 62 రకాల మందులను కూడా అందుబాటులో ఉంచుతున్నారు. 12 రకాల ప్రాధమిక వైద్యసదుపాయాలు, టెలీమెడిసిన్, వీడియో కాన్ఫరెన్సు విధానం కూడా అందుబాటులో వుంటుంది. అవుట్‌పేషెంట్‌ ఎగ్జామినేషన్‌ రూం, లేబొరేటరీ, ఫార్మసీ, వెయిటింగ్‌ హాల్, ఏఎన్‌ఎం క్వార్టర్స్‌కూడా అక్కడే ఉంచుతున్నామన్న అధికారులు దీనివల్ల 24 గంటలపాటు ఏఎన్‌ఎం అందుబాటులో ఉంటారని, 67 రకాల బేసిక్‌ మెడికల్‌ ఎక్విప్‌మెంట్‌ కూడా అందుబాటులో ఉంటాయని అధికారులు ముఖ్యమంత్రికి వివరించారు. ఈ విలేజ్ క్లినిక్ విధానం దేశంలోనే ఒక వినూత్న విధానమని, వీటి ద్వారా గ్రామీణ ప్రజలు వైద్యం కోసం ప్రైవేటు ఆసుపత్రులను, ఆర్ఎంపీలను ఆశ్రయించే పరిస్థితి ఉండదన్నారు. గ్రామస్థాయిలో వివిధ రకాల మెడికల్ టెస్టులు చేయడం వలన ప్రజల ఆరోగ్యపరమైన భారం పూర్తిగా తగ్గుతుందని అధికారులు చెప్పారు. మొత్తానికి ప్రభుత్వం ఏర్పాటు చేస్తున్న విలేజ్ క్లినిక్ లలో మెడికల్ టెస్టులు చేస్తామని ప్రభుత్వం ప్రకటించడం పై సర్వత్రా హర్షం వ్యక్తం అవుతుంది..

ఆంధ్రప్రదేశ్ ప్రభుత్వంలో ఏ ప్రభుత్వ శాఖలో పనిచేసే ఉద్యోగికైనా సర్వీసులో పదోన్నతులు ఉంటాయి..విచిత్రంగా ఆంధ్రప్రదేశ్ ప్రభుత్వం భారత దేశంలోనే ఎంతో ప్రతిష్టాత్మకంగా ప్రవేశపెట్టిన గ్రామ, వార్డు సచివాలయాల్లోని విద్యా సంక్షేమ సహాయకులకు మాత్రం వారి ఉద్యోగాల్లో మాత్రం పదోన్నతులు లేవట. ఇదే ఎవరో అన్నమాట కాదు. సాక్షాత్తూ.. ప్రభుత్వమే ఈ విషయాన్ని సమాచార హక్కుచట్టం దరఖాస్తుపై ఇచ్చిన క్లారిటీ.. గ్రామ, వార్డు సచివాలయాల్లో ప్రస్తుతం పనిచేస్తున్న విద్యా, సంక్షేమ సహాయకులకు ఇప్పటి వరకూ పదోన్నతులపై ప్రభుత్వం ఎలాంటి క్లారిటీ ఇవ్వలేదని, దానిపై ఇప్పటి వరకూ సర్వీస్ రూల్స్ పై దానికోసం నిర్ధేశాలు జారీ చేయలేదని, కనీసం డిపార్ట్ మెంటల్ టెస్టులు కూడా పెట్టలేదని, దానికి సంబంధించిన కారణాలను కూడా పొందు పరచలేదనే విషయాన్ని పేర్కొంది. అయితే ఈ సమాచారం ఇప్పటిది కాదు.. 30-09-2020న కర్నూలుకి చెందిన కె.శ్రీరాములు అనే వ్యక్తి దాఖలు చేసిన ఆర్టీఐ దరఖాస్తుకి  సంక్షేమశాఖ డైరెక్టర్ కె.హర్షవర్దన్ 30-09-2020న ఇచ్చిన సమాధానం. ఇదెందుకు మీకు ఇపుడు గుర్తొచ్చిందనే అనుమానం కూడా ఈ వార్త చదువుతున్న వారికి రావొచ్చు. రాష్ట్ర ప్రభుత్వం గ్రామ,వార్డు సచివాలయ ఉద్యోగులను నిబంధనలకు లోబడి రెండేళ్లు పూర్తికావస్తొన్న సందర్భంగా.. క్రెడిట్ బేస్డ్ అసెస్ మెంట్ సిస్టం(సిబీఏసి) పరీపరీక్ష పెట్టి అందులో పాసైన వారికే ప్రభుత్వం ఉద్యోగాలు రెగ్యులర్ చేయాలని ప్రకటించింది. దీనితో రాష్ట్రవ్యాప్తంగా ఉద్యోగులంతా ఆందోళన చేస్తున్న వేళ ఈ ఆర్టీఐ సమాచారం కూడా ఉద్యోగుల సామాజిక మాధ్యమాల్లో వైరల్ అవుతుంది. అలాగని నాటి నుంచి నేటి వరకూ విద్యా సంక్షేమ సహాయకుల పదోన్నతుల విషయమై ప్రభుత్వం కూడా క్లారిటీ ఇవ్వలేదు. దీనితో రెండేళ్లు గడుస్తున్నా తమ ఉద్యోగాల్లో పదోన్నతులపై సరైన వివరణ ఇవ్వని ప్రభుత్వం.. టంచనుగా ప్రొబేషన్ పూర్తైన తమకు క్రెడిట్ బేస్డ్ అసెస్ మెంట్ సిస్టం(సిబీఏసి) పరీపరీక్ష పెట్టడానికి సిద్ధమైపోయిందని వీరంతా ఆగ్రహం వ్యక్తం చేస్తున్నారు.

విశేషం ఏంటంటే ప్రభుత్వం గ్రామ, వార్డు సచివాలయాల్లో తమ విద్యా, సంక్షేమ సహాయకుల ఉద్యోగులను సచివాలయాల్లో నియమించేందుకు బిసీవెల్ఫేర్, ఎస్సీవెల్ఫేర్, మైనార్టీవెల్ఫేర్, ట్రైబల్ వెల్ఫేర్ ఇలా నాగు శాఖల ఉద్యోగాలను కలిపి తమ ఒక్క శాఖగా మార్చేసిందని.. తద్వారా ఇక్కడ మూడు శాఖల్లో ఉద్యోగాలు కూడా రద్దైనట్టు స్పష్టంగా కనిపిస్తుందన్నారు. ఇన్నిచేసి, తమకు ఉద్యోగాలు ఇచ్చిన ప్రభుత్వం రెండేళ్ల సమయంలో సర్వీస్ రూల్స్ ని మాత్రం తయారు చేయలేదని, అలాగని పదోన్నతుల విషయంలో ఎలాంటి క్లారిటీ ఇవ్వలేదని వీరంతా ఆగ్రహం వ్యక్తం చేస్తున్నారు. ప్రభుత్వ సంక్షేమ పథకాలను ప్రతీ నిరుపేద కుటుంబాలకు అందించే తమ ఉద్యోగాలు, పదోన్నతులపై క్లారిటీ లేకపోతే తాము జీవితాంతం ఈ ఉద్యోగమే సచివాలయాల్లోనే చేయాలా.. అన్ని ప్రభుత్వ శాఖల ఉద్యోగుల మాదిరిగా తమకు ఎలాంటి పదోన్నతులు ఉండవా, ఇదెక్కడి ప్రభుత్వ ఉద్యోగమో తమకు తెలియడం లేదని అంతా తలలు పట్టుకుంటున్నారు. రాష్ట్రవ్యాప్తంగా 13 జిల్లాల్లో 15వేల 4 గ్రామ, వార్డు సచివాలయాల్లోని లక్షా 20 వేల మంది ఉద్యోగాల్లో కొన్ని శాఖలకే ప్రభుత్వం సర్వీస్ రూల్స్, గెజిట్ నోటిఫికేషన్(రాజపత్రం) విడుదల చేసిందని, తమ ఉద్యోగాలకు సంబంధించి ఎలాంటి ఉత్తర్వులు జారీచేయపోవడంతో తాము ఏ ప్రభుత్వశాఖకు చెందుతామో మాకే అర్ధం కావడం లేదని ప్రశ్నిస్తున్నారు. అలాగని సచివాలయాల్లోనైనా అన్ని వసతులు ఉన్నాయా అంటే అదీలేదని, కనీసం ఇంటర్నెట్ సదుపాయం లేకపోవడంతో సొంత మొబైల్ ఇంటర్నెట్, తమ కంప్యూటర్లతోనే పనులు చేస్తూ ప్రజలకు సేవలు చేయాల్సి వస్తుందని విద్యా, సంక్షేమ సహాయకులు కన్నీరు మున్నీరవుతున్నారు.  ఈ సమయంలో చాంతాడంత సిలబస్ సర్వీసు రెగ్యులర్ చేయడానికి మూడు నెలల ముందు ఇచ్చి దీని ద్వారా ప్రభుత్వం పెట్టే పరీక్ష పాసవ్వాలని.. లేదంటే ప్రస్తుతం ఉన్న రూ.15 వేల జీతంతోనే మళ్లీ పరీక్ష పెట్టే వరకూ పనిచేయాలని నిబంధన పెట్టడం ఎంతవరకూ సమంజసమని వీరంతా ప్రశ్నిస్తున్నారు.

రెండేళ్లు గడస్తున్నా నేటికీ ప్రతీ చిన్న పనికీ పంచాయతీలపైనే ఆధార పడాల్సి వస్తుందని, సచివాలయాలు ఏర్పాటు చేసినా వాటికి స్వయం పతిపత్తి లేదని, కనీసం పంచాయతీరాజ్ చట్టాన్ని అనుసరించి ఇచ్చిన జీఓనెంబరు 149ని అమలు చేయడం ద్వారా గ్రేడ్-5 కార్యదర్శిలకు అధికారాలు, పరిపాలన అనుమతులు ఇస్తే కనీసం కాస్తైనా సౌలభ్యంగా వుంటుందని వీరంతా వాపోతున్నారు. రాష్ట్రవ్యాప్తంగా సుమారు 10వేల గ్రామ పంచాయతీల్లో గ్రేడ్-1 పంచాయతీ కార్యదర్శిలు 1852, గ్రేడ్-2లో 703, గ్రేడ్-3లో 1679, గ్రేడ్-4లో 2907 మంది పనిచేస్తున్నారని వీరంతా చెబుతున్నారు. అందులో ఒక్కో  సీనియర్ కార్యదర్శికి రెండు మూడు పంచాయతీలు ఇన్చార్జిలు, డిప్యూటేషన్లు వేయడంతో కనీస అవసరాలు కూడా వారంతా వచ్చేంత వరకూ తీరడం లేదని, ఒక్కో సారి అత్యవసర సమయంలో తమ సొంత డబ్బులే పెట్టుకొని పనులు చేయాల్సి వస్తుందని వాపోతున్నారు. అలాగని చేసిన పనులకు, ఖర్చుకి తిరిగి పంచాయతీల నుంచి వస్తున్నాయా అంటే అదీలేదని ఆవేదన వ్యక్తం చేస్తున్నారు. అలాగని గ్రేడ్-5 పంచాయతీ కార్యదర్శిలకు జీఓనెంబరు 149 ద్వారా అధికారాలు ఇస్తే కనీసం నిత్యం తమకు అందుబాటులో ఉండే వారి ద్వారానైనా పనులు జరుగుతాయంటే.. దానిని కూడా ప్రభుత్వం అమలు చేయడం లేదని ఆరోపిస్తున్నారు. ఇదే విషయమై గ్రేడ్-5 కార్యదర్శిలను ప్రశ్నిస్తే.. ప్రభుత్వం ఏవిధంగా పనిచేయమంటే తాము ఆవిధంగా పనిచేయాలని, ఇప్పటికే తాము కూడా ప్రభుత్వానికి, ప్రజాప్రతినిధులకు వినతి పత్రాలు ఇచ్చినా ఎక్కడా కనీసం ఫలితం కూడా రావడం లేదని చెబుతున్నారని విద్యా, సంక్షేమ సహాయకులు వాపోతున్నారు.

2019 అక్టోబర్ 2న ప్రారంభమైన గ్రామ, వార్డు సచివాలయాల్లోని ఉద్యోగుల విషయంలో ప్రభుత్వం నేటికీ ఒక క్లారిటీ ఇవ్వలేదు. ఏఏ ఉద్యోగులు ఏఏ శాఖల కిందకు వస్తారు. వారికి ఎలాంటి పదోన్నతులు ఉంటాయి, వారు ఎవరికీ జవాబుదారీ, కొన్ని ఉద్యోగాలకే గెజిట్లు(రాజపత్రం) విడుదల చేసి, మిగిలిన శాఖల ఉద్యోగుల కోసం ఎందుకు రాజపత్రాలు విడుదల చేయలేదు, అసలు వీరి ఉద్యోగాలు ఎప్పటికి రెగ్యులర్ అవుతాయో కూడా సరైన క్లారిటీ ఇవ్వడంలో నేటికీ ప్రభుత్వంలోని గ్రామ, వార్డు సచివాలయ శాఖ నుంచి అనుబంధ శాఖల నుంచి కూడా క్లారిటీ రాలేదు. దీనితో తమ ఉద్యోగాలు జీవితాంతం రూ.15వేలు జీతంతోనే అరకొర వసతులతోనే పనిచేయాలేమో అనుమా అని ప్రశ్నిస్తున్నారు. ఇటీవల కాలంలో వీరి ఆందోళన తారాస్థాయికి చేరుకోవడంతో గ్రామ, వార్డు సచివాలయ శాఖలోని వివిధ శాఖల ఉద్యోగుల సామాజిక మాద్యమాల్లో జరిగే సంభాషనలు ఒక ఎమర్జెన్సీని క్రియేట్ చేస్తున్నాయానే అనే అనుమానాన్ని విశ్లేషకులు అంచనా వేస్తున్నారు. ఇప్పటికే జూలై నెల పూర్తైపోయింది..ఇక మిగిలింది ఆగస్టు, సెప్టెంబరు, నెలలు మాత్రమే. అక్టోబరు 2నాటికి ఎంత మంది వార్డు, సచివాలయ ఉద్యోగుల ఉద్యోగాలు సర్వీసులను ప్రభుత్వం రెగ్యులర్ చేస్తుందో.. అదే సమయంలో సంక్షేమ, విద్యా సహాయకుల ఉద్యోగాలకు పదోన్నతులపైనైనా మార్గనిర్ధేశకాలు ఇస్తుందో.. అవేమీ చేయకుండా.. ఖజానాపై సుమారు 300 కోట్లకు పైనే భారం పడుతుందని, వీరి సర్వీసుని మరో రెండేళ్లు ఇదే జీతానికి పనిచేసేలా అడుగుడుగునా ప్రత్యేక పరీక్షల పేరుతో మరికొంత కాలం కాలయాపన చేస్తుందా అనేది తేలాల్సి వుంది..!

రాష్ట్ర వ్యాప్తంగా క్రొత్తగా అక్రిడిటేషన్ కార్డులు పొందిన వర్కింగ్ జర్నలిస్టులందరూ వర్కింగ్ జర్నలిస్ట్ హెల్త్ స్కీమ్ ప్రీమియం రూ. 1250/- cfms.ap వెబ్ సైట్ ద్వారా క్రింద తెలిపిన పద్దుకు చెల్లించి ఈ పథకం ద్వారా లబ్ధి పొందాలని రాష్ట్ర సమాచార, పౌరసంబంధాల శాఖ కమిషనర్ తుమ్మా విజయ్ కుమార్ రెడ్డి శుక్రవారం ఒక ప్రకటనలో తెలిపారు. రాష్ట్ర ప్రభుత్వం వర్కింగ్ జర్నలిస్టు హెల్త్ స్కీమ్ ను 2021-22 ఆర్థిక సంవత్సరానికి పొడిగిస్తూ ఉత్తర్వులు జారీ చేసిందని, 31 మార్చి, 2022 వరకు అమలులో ఉండే ఈ పధకానికి  జర్నలిస్టు వాటాగా రూ. 1250/- చెల్లిస్తే, ప్రభుత్వం మరో రూ. 1250/- లను చెల్లిస్తుందని కమిషనర్ తెలిపారు. అక్రిడిటేషన్ల మంజూరుకు అడ్డంకులు తొలగిన నేపధ్యంలో జర్నలిస్టులు ఈ అవకాశాన్ని సద్వినియోగం చేసుకోవాలని ఆయన కోరారు. జర్నలిస్టులు cfms.ap వెబ్ సైట్ నందు DDO Code:8342–00–120-01-03-001-001 VN, DDO Code : 2703–0802–003 నందు తమ వాటాను చెల్లించాలని ఆయన సూచించారు.  ప్రీమియం చెల్లించిన జర్నలిస్టులు ఒరిజనల్ చలానా, అక్రిడిటేషన్ కార్డు జిరాక్సు కాపీ, రెన్యువల్ జర్నలిస్టులయితే హెల్త్ కార్డు జిరాక్స్ కాపీలను రాష్ట్ర స్థాయి అక్రిడిటేషన్ కలిగిన జర్నలిస్టులు విజయవాడలోని సమాచార, పౌరసంబంధాల శాఖ కమిషనరేట్ కార్యాలయంలోనూ, జిల్లా స్థాయి జర్నలిస్టులైతే సంబంధిత జిల్లా కేంద్రంలో గల సమాచార, పౌరసంబంధాల శాఖ కార్యాలయంలో అందజేయవలసిందిగా ఆ ప్రకటనలో తెలిపారు.

ఆంధ్రప్రదేశ్ లోని గ్రామ, వార్డు సచివాలయ ఉద్యోగుల సర్వీసును కోర్టును ఆశ్రయించి సాధించుకోవాలని ప్రయత్నాలు జరుగుతున్నట్టు సమాచారం అందుతుంది. సచివాలయ ఉద్యోగులు విధుల్లోకి చేపట్టినపుడు కనీసం మూడు నెలలు కూడా శాఖ పరమైన శిక్షణ ఇవ్వకుండా ఇపుడు ఏకంగా గ్రూప్-1 స్థాయిని తలపించేంత సిలబస్ ఇచ్చి ప్రొబేషన్ పూర్తైన సచివాలయ ఉద్యోగులకు క్రెడిట్ బేస్డ్ అసెస్ మెంట్ సిస్టం(సిబీఏసి) పరీపరీక్ష పెట్టి అందులో పాసైన వారికే ప్రభుత్వం ఉద్యోగాలు రెగ్యులర్ చేయాలని చూస్తుంది ప్రభుత్వం. దీనితో ఇప్పటికే ప్రభుత్వం పంచాయతీ కార్యదర్శి నియామకాల్లో విడుల చేసిన గెజిట్ నోటిఫికేషన్ ఆధారంగా కాకుండా ప్రత్యేకంగా పరీక్ష పెట్టడానికి వీరితోపాటు అన్ని సుమారు 16 కేటగిరీల్లోని సచివాలయ ఉద్యోగులు వ్యతిరేకిస్తున్నారు. అందునా రెండేళ్లు పాటు పరీక్షలు పెట్టకుండా కేవలంల అక్టోబరు 2 నాటికి రెండేళ్లు ప్రొబేషన్ కాలం పూర్తవుతుందనగా కొండంత సిలబస్ ఇచ్చి ఇపుడు ఉద్యోగులను ఇబ్బందులకు గురిచేయాలని చూస్తుందని సచివాలయ ఉద్యోగులు ఆరోపిస్తున్నారు. ఇప్పటికే సచివాలయాల్లో విధులు నిర్వహిస్తున్న గ్రేడ్-5 కార్యదర్శిలకు అధికారాలు లేకుండా జీఓనెంబరు2 ద్వారా వీఆర్వోలకు అధికారాలు కట్టబెట్టడం, పంచాయతీరాజ్ చట్టాన్ని, ఆర్టికల్ 73కు వ్యతిరేకంగా డిడిఓ అధికారాలు వీఆర్వోలకు బదలాయించిన విషయంలో హైకోర్టు ఆగ్రహం వ్యక్తం చేసింది.

 అంతేకాకుండా జీఓనెంబరు 149ని అమలు చేయకుండా గ్రేడ్-1,2,3,4 కార్యదర్శిల వద్దే పంచాయతీల్లో అధికారాలు ఉంచేసింది ప్రభుత్వం. ఈ విషయంలో ఎన్నిసార్లు గ్రేడ్-5 కార్యదర్శిలు ఎందరు అధికారులు, ప్రజాప్రతినిధులను కలిసినా ప్రయోజనం లేకుండా పోయింది. ఇపుడు ఇదే సమయంలో ఇపుడు సచివాలయ ఉద్యోగులందరికీ ఒకేసారి ఉద్యోగాలు రెగ్యులర్ చేస్తే సుమారు 300 కోట్ల రూపాయలకు పైగా భారం పడుతుందనే ఉద్దేశ్యంతో సచివాలయ ఉద్యోగులకు క్రెడిట్ బేస్డ్ అసెస్ మెంట్ సిస్టం(సిబీఏసి) పరీపరీక్ష అది పాసైతేనే సర్వీసు రెగ్యులర్ చేస్తామని లేదంటే ప్రొబేషన్ మరికొంత కాలం పెంచుతామని..ఉద్యోగాలు మాత్రం తీయని చేసిన ప్రభుత్వ ప్రకటన ఉద్యోగుల్లో ఆగ్రహ జ్వాలలను రేకిత్తిస్తోంది. ఏ ప్రభుత్వ ఉద్యోగాల్లో లేనివిధంగా కేవలం రూ.15వేల జీతంతో రెండేళ్లు పనిచేయించుకొని, ఇపుడు ప్రభుత్వం ఈ విధంగా మాట మార్చడం ఏంటని ప్రశ్నిస్తున్నారు. మరోపక్క గ్రామ విద్యా, సంక్షేమ సహాయకులకు సైతం ఈ ఉద్యోగం తరువాత వీరికి ఏ విధంగా ప్రమోషన్లు ఇస్తాయో కూడా ప్రభుత్వం ప్రకటించలేదు. ఇదే విషయాన్ని ఇటు వారు కూడా సామాజిక మాద్యమాల్లో ప్రభుత్వానికి దాఖలైన సమాచార హక్కచట్టం దరఖాస్తుకు ప్రభుత్వం నుంచి వచ్చిన సమాచారాన్ని తెలియజేస్తున్నారు. 

మరోపక్క మహిళా పోలీసులు సైతం డిగ్రీ చదువుకున్న తమను సాధారణ పోలీస్ కానిస్టేబుళ్లుగా ప్రభుత్వం గుర్తించి హెడ్ కానిస్టేబుల్ ప్రమోషన్ ఇస్తామని జీఓనెంబరు 59 ద్వారా ప్రకటించడంతో వారు కూడా ప్రభుత్వంపై ఆగ్రహం వ్యక్తం చేస్తున్నారు. ఎంతో ఉన్నత విద్య ఉన్న తమకు ఎస్ఐగా ప్రమోషన్లు ఇవ్వాలని వీరంతా ప్రభుత్వాన్ని డిమాండ్ చేస్తున్నారు. అటు అగ్రికల్చర్, హార్టికల్చర్, సెరీకల్చర్, ఫిషరీష్,  యానిమల్ హజ్బండరీ సహాయకులకు, ఇంజనీరింగ్ అసిస్టెంట్లకు సైతం ఈ ఉద్యోగం తరువాత ఏ స్థాయి ప్రమోన్ ఇస్తారో వారికి కూడా ప్రభుత్వం క్లారిటీ ఇవ్వలేదు.  ఇలా గ్రామ, వార్డు సచివాలయ శాఖల్లోని 13 జిల్లాల్లోని 15వేల 4 గ్రామ,వార్డు సచివాలయాల్లో పనిచేస్తున్న లక్షా 20వేల మంది ఉద్యోగులు భవిష్యత్తు ప్రశ్నార్ధకమైంది. ప్రభుత్వం పెడతామన్న పరీక్ష పాస్ కాకపోతే మరో ఏడాది పాటు రూ.15వేల జీతంతో ఎలా బతకాలనీ.. నిత్యవసర సరకుల ధరలు అమాంతంగా పెరిగిన సమయంలో వచ్చే జీతమే ఎటూ చాలడం లేదని ఉద్యోగులంతా గగ్గోలు పెడుతున్నారు. తమతో రెండవ శనివారాలు, ఆదివారాలు కనీసం సెలవులు కూడా ఇవ్వకుండా పనులు చేయించుకుని ఇపుడు తీరా ఉద్యోగాలు రెగ్యులర్ చేసే సమయానికి కొత్త కొత్త నిబంధనలు తెరపైకి తీసుకు వస్తున్నారని ఉద్యోగులంతా కన్నీటి పర్యంతం అవుతున్నారు.

ఇన్ని ఇబ్బందులు నడుమ తమ ఉద్యోగాలు రాజమార్గంలో రెగ్యులర్ కావాలన్నా..భవిష్యత్తులో ప్రభుత్వం ప్రత్యేక పరీక్ష పాసవ్వాలనే మెలిక పోవాలన్నా.. పేస్కేలు అమలై జీతం పెరగాలన్నా న్యాయస్థానం ఒక్కటే సరైన మార్గమని భావించి ఆదిశగా అన్నిశాఖల ఉద్యోగులు కోర్టు ఆశ్రయించాలని, దానికోసం ప్రభుత్వం ఇచ్చిన నోటిఫికేషన్, ఆ తరువాత వచ్చిన జీఓలు, గెజిట్ నోటిఫికేషన్ ఆర్డర్లు, సమాచార హక్కు చట్టం ద్వారా ప్రభుత్వమే ఇచ్చిన అధికారక సమాధానాలు, ఇప్పటి వరకూ తమ ఉద్యోగాల్లో కోల్పోయిన పేస్కేలులోని మొత్తం, ప్రభుత్వం పెట్టబోయే పరీక్ష కాకపోతే మరో ఏడాది పాటు కోల్పేయే జీతం ఇలా అన్ని అధారాలను కోర్టు ముందుంచి న్యాయం కోరాలని చూస్తున్నారట. అటు ఇప్పటికే ప్రభుత్వ ఉద్యోగులకు 8 డిఏలు, ఒక పీఆర్సీ అమలు చేయలేదు. వారికి సిపిఎస్ కూడా రద్దు చేయలేదు. ఇపుడు వారి జాబితాలో గ్రామ, వార్డు సచివాలయ ఉద్యోగులు చేరనున్నారు. వీరంతా ఏకమై ప్రభుత్వానికి వ్యతిరేకంగా పనిచేసినా.. సహకారం అందించకపోయినా భారీ స్థాయిలో ప్రభుత్వం వీరి నుంచి మద్దతు కోల్పోపోయే ప్రమాదం కూడా లేకపోలేదని విశ్లేషకులు అంచనా వేస్తున్నారు. నాడు టిడిపి ప్రభుత్వంలో చంద్రబాబు చేసిన తప్పులు, ఉద్యోగుల డిమాండ్ల పట్ల నిర్లక్ష్యం కంటే.. నేడు వైఎస్సార్సీపీ ప్రభుత్వంలో సీఎం వైఎస్ జగన్మోహనరెడ్డి అంతకంటే తప్పులు చేసే దిశగా పయనిస్తుందని తాజా పరిణామాలు రుజువు చేస్తున్నాయి. ఈ తరుణంలో ప్రభుత్వం ఏవిధమైన నిర్ణయం తీసుకుంటోందోనని అంతా ఆశక్తిగా ఎదురు చూస్తున్నారు. అటు 40 మంది ఉన్న సలహాదారుల్లో ఒక్కరు కూడా ఈ ఉద్యోగుల విషయంలో సీఎంకు సరైన సలహాలు ఇవ్వకపోగా, ఉద్యోగ వ్యతిరేక విధానాలనే ప్రోత్సహిస్తున్నారనే ఆరోపణలు బలంగా వినిపిస్తున్నాయి. వాటినే ఇపుడు ఉద్యోగుల సామాజిక మాద్యమ గ్రూపుల్లో వైరల్ అవుతున్నాయి. చూడాలి ముందు ముందు ఏం జరుగుతుందనేది..!

రుణాలు తీసుకుని రాష్ట్రాన్ని అభివృద్ధి చేయడం ద్వారా ఆర్ధిక వ్యవస్ధను బలోపేతం చేసుకునే క్రమంలో పరిమితికి మించి రాష్ట్ర ప్రభుత్వం రుణాలు తీసుకుంటుందనే ప్రచారం అవాస్తవమని రాష్ట్ర ముఖ్యమంత్రి ప్రత్యేక కార్యదర్శి కృష్ణ దువ్వూరి అన్నారు. రాష్ట్ర ఆర్ధిక వ్యవస్ధ స్ధితిగతులను వివరించేందుకు బుధవారం సాయంత్రం ముఖ్యమంత్రి ప్రత్యేక కార్యదర్శి కృష్ణ దువ్వూరి సమాచార శాఖా కమిషనరు టి.విజయకుమార్‌రెడ్డితో కలిసి విజయవాడలోని ఆర్ అండ్ బి భవన సముదాయంలో మీడియా ప్రతినిధుల సమావేశాన్ని నిర్వహించారు. ఈసందర్భంగా కృష్ణ దువ్వూరి మాట్లాడుతూ రాష్ట్ర ఆర్ధిక పరిస్ధితి అప్పుల విధానంపై ప్రతిపక్ష పార్టీలు, కొన్ని మీడియా సంస్ధలు పనిగట్టుకుని దుష్ప్రచారం చేస్తున్నాయన్నారు. రాష్ట్ర విభజన తర్వాత తలసరి ఆదాయం ఏపికి వనరులు జనాభాతో పోలిస్తే సగం మాత్రమేనన్నారు. రాష్ట్ర ఆర్ధిక పరిస్ధితిపై వక్రీకరించి ప్రజలను తప్పుదోవపట్టించేలా జరుగుతున్న ప్రచారాన్ని ఖండిస్తున్నామని ఆయన అన్నారు. ఇటువంటి చర్యల వలన ఆర్ధిక సంస్ధలను కేంద్ర ప్రభుత్వాన్ని తప్పుదోవపట్టించడమేనన్నారు. ఆర్ధిక వ్యవస్ధను బలోపేతం చేసుకునేందుకు రుణాలు తీసుకోవడం ఎ ప్పటినుండో ప్రభుత్వాలు అనుసరిస్తున్న విధానమని దేశంలోని అన్ని రాష్ట్రాలు ఇదేవిధానాన్ని అనుసరిస్తున్నాయని ఈవిషయాన్ని ప్రతిపక్షాలు గుర్తెరెగాలని అన్నారు. 

ఇప్పటివరకూ కేంద్ర ప్రభుత్వం రుణం 17.15 శాతంమేర పెరిగితే రాష్ట్ర ప్రభుత్వ రుణం 15.26 శాతం మాత్రమే పెరిగిందని ఆయన వివరించారు. రాష్ట్ర విభజననాటికేమన రాష్ట్రంపై ఎ న్నో వేల కోట్ల రూపాయలు రుణం ఉందని దీనికి తోడు గత ప్రభుత్వం కూడా వేల కోట్ల రూపాయలను రుణం తీసుకుని రాష్ట్రాన్ని అభివృద్ది చేయడంలో వైఫల్యం చెందిందన్నారు. 2014 నుంచి 2019 వరకూ రాష్ట్రం తీసుకున్న రుణం విపరీతంగా పెరిగి పోయిందన్నారు. విభజన తర్వాత ఏపికి రూ. 97 వేల 102 కోట్లు అప్పు మిగలగా, ఐదేళ్లలో రూ. 2 లక్షల 68 వేల 225 కోట్ల రూపాయలకు పెరిగిపోయిందన్నారు. 2021 మార్చి నాటికి రాష్ట్ర అప్పు రూ. 3 లక్షల 56 వేల 172 కోట్లకు చేరిందని ఆయన అన్నారు. 2016-17, 2017-18, 2018-19 ఆర్ధిక సంవత్సరాలలో అప్పటి ప్రభుత్వం రూ. 16 వేల కోట్ల మేర పరిమితికి మించి అప్పులు చేసింది వాస్తవం కాదా అన్నారు. విభజన నాటికి రూ. 14 వేల కోట్లు ఉన్న అప్పులు గత ప్రభుత్వం 5 సంవత్సరాల కాలంలో 2019 మార్చి నాటికి రూ. 39 వేల కోట్ల రూపాయలకు పెరిగిందని, ఆఫ్ బడ్జెట్ బారోయింగ్ క్రింద రూ. 58 వేల కోట్లుగా ఉందని ఆయన అన్నారు. విద్యుత్తు ఉత్పాదనకు సంబంధించి వ్యయం 2014లో రూ. 2893 కోట్లు ఉండగా, గత ప్రభుత్వం 5 సంవత్సరాల కాలంలో 2019 నాటికి రూ. 21540 కోట్లుగా ఉందన్నారు. 

ఈపరిస్ధితుల్లో 2019లో అధికారం చేపట్టిన రాష్ట్ర ముఖ్యమంత్రి ఆర్ధిక వ్యవస్ధను బలోపేతం చేసి పెట్టుబడులు తీసుకురావడంతోపాటు ప్రజల జీవన అవసరాలు మెరుగుచేసే దిశగా అనేక సంక్షేమ కార్యక్రమాలను అమలు చేసేందుకు రుణాలను తీసుకోవడం జరిగిందన్నారు. కరోనా వైరస్ వ్యాప్తి కారణంగా అనూహ్యంగా రాష్ట్ర ఆర్ధిక స్ధితిగతులు పూర్తిగా దెబ్బతిన్నాయన్నారు. 2020-21లో రూ. 7780 కోట్లు కేంద్ర పన్నుల వాటాలో నష్టం, రాష్ట్ర పన్నుల్లో రూ. 7 వేల కోట్లు నష్టం, కోవిడ్ వ్యయం రూ. 8 వేల కోట్ల రూపాయలతో కలిపి మొత్తం రూ. 24 వేల కోట్ల రూపాయలు రాష్ట్ర ప్రభుత్వంపై అదనపు భారం పడిందన్నారు. ఈపరిస్ధితుల్లో అప్పుచేయడం తప్పని పరిస్ధితిగా మారిపోయిందన్నారు. అప్పులు పెరగలేదని తమ ప్రభుత్వం చెప్పడం లేదని ప్రజలకు మేలు చేయాలన్నదే ముఖ్యమంత్రి వై.యస్. జగన్మోహనరెడ్డి పాలనా లక్ష్యమన్నారు. ప్రజలకిచ్చిన ప్రతీ హామీని నిలబెట్టుకుని ఒక్క సంక్షేమ పధకం కూడా ఆగకుండా సమయానికి లబ్దిదారులకు ఖాతాలలో సొమ్ము జమచేయడమే ఇందుకు నిదర్శనం అని ఆయన అన్నారు. తీసుకున్న రుణంలో ఏఒక్క రూపాయి వృధాచేయ లేదని, పారదర్శకంగా అభివృద్ధికి ఖర్చు చెెస్తున్నామని ఇంతవరకూ రూ. లక్ష కోట్ల రూపాయలు వివిధ సంక్షేమ పధకాల క్రింద నేరుగా లబ్దిదారుల బ్యాంకు ఖాతాల్లో జమ చేశామని రాష్ట్ర ముఖ్యమంత్రి ప్రత్యేక కార్యదర్శి కృష్ణ దువ్వూరి అన్నారు.

నాడు-నేడు పధకం రెండో విడతలో భాగంగా నాలుగు మండలాల్లోని ప్రభుత్వ పాఠశాలల్లో (తెనాలి, కంచికచర్ల, వీరులపాడు, అచ్యుతాపురం, పరవాడ) రాష్ట్ర ప్రభుత్వం  ఏర్పాటు చేస్తున్న మౌలిక సదుపాయాల కల్పన నిమిత్తం ముఖ్యమంత్రి సహాయనిధికి లారస్‌ ల్యాబ్స్‌ తరపున నాలుగు కోట్లరూపాయలను సీఈవో డాక్టర్‌ చావా సత్యనారాయణ విరాళంగా అందజేశారు. మొత్తానికి సంబంధించిన చెక్కును,  పత్రాలను ముఖ్యమంత్రి క్యాంప్‌ కార్యాలయంలో సీఎం వైఎస్‌ జగన్‌కు  అందజేశారు. ఈ సందర్భంగా వారు మాట్లడుతూ, మూడు, నాలుగు విడతల్లో అదే మండలాల్లోని మిగిలిన పాఠశాలల్లో నేరుగా లారస్‌ ల్యాబ్స్‌ మౌలిక సదుపాయాలు ఏర్పాటు చేయనున్నట్లు సీఎంకు కంపెనీ ప్రతినిధులు తెలియజేశారు.  లారస్‌ ల్యాబ్స్‌ ఎగ్జిక్యూటివ్‌ వైస్‌ ప్రెసిడెంట్‌ చావా కృష్ణ చైతన్య, సీనియర్‌ వైస్‌ ప్రెసిడెంట్‌ చావా నరసింహరావు, కనెక్ట్‌ టూ ఆంధ్ర సీఈవో వి. కోటేశ్వరమ్మ తదితరులు పాల్గొన్నారు.

ఆంధ్రప్రదేశ్ ప్రభుత్వం భారతదేశంలోనే ఎంతో ప్రతిష్టాత్మకంగా ప్రవేశపెట్టిన గ్రామ, వార్డు సచివాలయ వ్యవస్థలోని లక్షా 20వేల మంది ఉద్యోగాలను అక్టోబరు 2 తరువాత రెగ్యులర్ చేస్తే ఖజానాపై నెలకు రూ.300 కోట్ల రూపాయలకు పైగా భారం పడుతుంది. అదీ ప్రభుత్వం సచివాల ఉద్యోగులకు నియామక ఉత్తర్వుల్లో 2015 పీఆర్సీ నిబంధనలకు లోబడి ఇచ్చిన పేస్కేలు ఆధారంగా..  అదే ప్రొబేషన్ పూర్తైన సచివాలయ ఉద్యోగులకు క్రెడిట్ బేస్డ్ అసెస్ మెంట్ సిస్టం(సిబీఏసి) పరీపరీక్ష పెట్టి అందులో పాసైన వారికే ప్రభుత్వం ఉద్యోగాలు రెగ్యులర్ చేయాలని బావించింది. అలా చూసుకుంటే ఎంత మంది పాసవుతారో ప్రస్తుత పరిస్థితిలో చెప్పలేనివిధంగా మారింది. సాధారణంగా ఏ ప్రభుత్వ ఉద్యోగంలోనైనా నియామక సమయంలో ప్రభుత్వం నిర్ధేశించిన పేస్కేలు మొత్తం అమలు చేసి జీతాలు ఇస్తారు. కానీ ప్రొబేషన్ మాత్రం రెండేళ్ల తరువాతే చేస్తారు. ఆ రకంగా చూసుకున్నా గ్రామ వార్డు సచివాలయ ఉద్యోగులు ప్రత్యేక డిఎస్సీ ద్వారా ఉద్యోగాలు లక్షకు పైగా చేరడంతో ప్రభుత్వం వీరికి  రూ.15వేలు జీతమనే లక్ష్మణ రేఖ పెట్టింది. ఈ నిబంధనకు లోబడి ఉద్యోగాల్లో చేరినందుకు ఒక్కో సచివాలయ ఉద్యోగి రెండేళ్లలో కోల్పోయిన జీతం రూ.2.40లక్షలు(ప్రస్తుత పేస్కేలు ఆధారంగా రమారమీ రూ.25వేలు జీతం వస్తే). ఈ మొత్తం జీతం పోయినా రెండేళ్ల తరువాత ఉద్యోగాలు రెగ్యులర్ అవుతాయనుకున్న ఉద్యోగులకు ప్రభుత్వ ప్రకటన గుండెళ్లో రాయిపడేసినంత పనిచేసింది. ప్రస్తుతం సచివాలయ ఉద్యోగులు చేస్తున్న ఉద్యోగం గ్రూప్-4 కేడర్ ఉద్యోగమే అయినా వీరందరికీ క్రెడిట్ బేస్డ్ అసెస్ మెంట్ సిస్టం(సిబీఏసి) పరీపరీక్ష పాస్ కావాలంటే ఇచ్చిన సిలబస్ మాత్రం గ్రూప్-1  సిలబస్ ను తలపించేదిగా ఉందని ఉద్యోగులు భయపడిపోతున్నారు. 

ప్రభుత్వం ఇంతస్థాయిలో సిలబస్ ఇచ్చే ఆలోచన ఉంటే ఈ రెండేళ్లలో ఈ తరహా ఉద్యోగం ఎప్పుడైనా పెట్టి ఉండవచ్చునని, ఉద్యోగులందరికీ ఈ పరీక్ష పాస్ కాకపోతే ప్రొబేషన్ పూర్తవదనే నిబంధన అప్పుడే పెట్టి ఉంటే ఈ రెండేళ్లలో అందరు ఉద్యోగులం పాస్ అయ్యేవారమని.. ఇపుడు ఉద్యోగాలు రెగ్యులర్ అవుతాయని అంతా ఆశగా ఎదరుచూసే సమయానికి క్రెడిట్ బేస్డ్ అసెస్ మెంట్ సిస్టం(సిబీఏసి) పరీపరీక్ష పాసైతేనే ఉద్యోగం రెగ్యులర్ అవుతుందని.. అపుడు మాత్రమే పేస్కేలు వర్తిస్తుందని చెప్పడం పద్దతి కాదని ఉద్యోగులంతా నిరసన వ్యక్తం చేస్తున్నారు. ప్రస్తుతం రాష్ట్రంలోని 13 జిల్లాల్లోని 15వేల 4 గ్రామ, వార్డు సచివాలయాల్లో లక్షా 20వేల మంది ఉద్యోగులం పనిచేస్తున్నామని.. తమకు ఇచ్చే రూ. 15వేల జీతంలో కేవలం రూ.180 కోట్ల రూపాయలు నెలకు ప్రభుత్వానికి అవుతుందని.. మా సర్వీసులు రెగ్యులర్ చేస్తే ఉన్నపళంగా ప్రభుత్వంపై రూ.300 కోట్లు భారం పడుతుందనే కారణంతోనే ఉద్యోగుల రెగ్యులరైజేషన్ కు ఈ ప్రత్యేక పరీక్ష విధానాన్ని ప్రభుత్వం ముడిపెట్టి తెరపైకి తీసుకొచ్చిందని ఉద్యోగులంతా ఆందోళన వ్యక్తం చేస్తున్నారు. ఏ ఉద్యోగంలోనైనా ఈ తరహా పరీక్షలు ఉంటాయని చెబుతున్న ప్రభుత్వ సలహాదారులు ఈ విషయాన్ని ఉద్యోగాల్లో చేరే సమయంలో ఎందుకు ప్రకటించలేదని, ఈ రెండేళ్లలో ఈ పరీక్ష పెడితే మొత్తం ఉద్యోగులమంతా పాస్ అయి ఉద్యోగాల రెగ్యులరైజేషన్ లైన్ క్లియర్ అయ్యేది కదాని ప్రశ్నిస్తున్నారు. అలాకాకుండా ఇప్పటిప్పుడు ఈ విషయాన్ని తెరపైకి తీసుకొచ్చి చాంతాండంత సిలబస్ ఇచ్చీ.. తూతూ మంత్రంగా ఉద్యోగంలో చేరినపు శిక్షణ ఇచ్చి చేతులు దులుపుకున్న ప్రభుత్వం ప్రత్యేక ప్రవేశ పరీక్ష విషయంలో ప్రభుత్వానికి అనుకూలంగా ఉద్యోగాలు రెగ్యులర్ అయ్యే 3 నెలల సమాయానికి ముందు ప్రత్యేక పరీక్షను తీసుకురావడం భావ్యమా అంటూ ఆగ్రహం వ్యక్తం చేస్తున్నారు.

ప్రస్తుతం ప్రభుత్వం ఇచ్చిన సిలబస్ ఆధారంగా ప్రవేశ పెడితే కనీసం రాష్ట్రవ్యాప్తంగా 50శాతం ఉద్యోగులు కూడా పాసయ్యే అవకాశం లేదని ఉద్యోగులు గగ్గోలు పెడుతున్నారు. అంతేకాకుండా ఈ ప్రత్యేక ప్రవేశ పరీక్ష ఏడాది ఒక్కసారే పెడితే పరీక్ష పాస్ కాని వారంతా మరో ఏడాది పాటు రూ.15వేల జీతంతోనే ఉద్యోగాలు ఏ విధంగా చేయాలో ప్రభుత్వమే చెప్పాలని ఆవేదన వ్యక్తం చేస్తున్నారు. ఈ ప్రత్యేక పరీక్ష 6నెలలకు ఒకసారి, ఏడాది ఒకసారి లేదంటే రెండేళ్లకు ఒకసారి పెడుతుందా అనే విషయం కూడా ప్రభుత్వం నేటికీ క్లారిటీ ఇవ్వకపోవడం ఉద్యోగుల ఆందోళన మరింత పెంచుతున్నది. గాంధీజీ కలలుగన్న స్వరాజ్యాన్ని గ్రామస్థాయిలో ప్రభుత్వం ఏర్పాటు చేసినందకు ఆనందించామని.. ఈ వ్యవస్థలో తొలి ఉద్యోగాలు చేస్తున్నందకు గర్వపడ్డామని.. తమ ఆనందం మొత్తం ప్రత్యేక ప్రవేశ పరీక్షనెపంతో ప్రభుత్వం నీరుగార్చేయడం అంతా పక్కా ప్లాన్ ప్రకారమే జరిగిందని తీవ్రస్థాయిలో ఆరోపిస్తున్నారు. రెండు దశల్లో కరోనా వైరస్ వచ్చినపుడు సచివాలయ ఉద్యోగుల విధులకు కనీసం రెగ్యులర్ ఉద్యోగులకి ఇచ్చిన వెసులు బాటు కూడా ఇవ్వకుండా విధులు నిర్వహించేలా చేశారని.. తామంతా కూడా ప్రజలకు సేవచేసే భాగ్యం వచ్చిందన్నట్టుగా రెండవ శనివారాలు, ఆదివారాలు అనే తేడా లేకుండా సెలవులు కూడా తీసుకోకుండా అధనపు విధులు నిర్వర్తించినందుకు ప్రభుత్వం ఈ స్థాయిలో గుర్తిస్తుందని కలలో కూడా అనుకోలేదంటూ కన్నీరు మున్నీరవుతున్నారు ఉద్యోగులంతా. ప్రాణాలకు తెగించి అదనపు విధులు చేసినందుకు గుర్తుగా సర్వీసు రెగ్యులర్ అయ్యేంత వరకూ రూ.15వేలకే ఏళ్ల తరబడి పనిచేయించుకుంటారా అంటూ ప్రశ్నిస్తున్నారు. 

 ఇప్పటి వరకూ ఏ రాష్ట్రప్రభుత్వమూ పెట్టని నిబంధన రూ.15వేలకే ఉద్యోగం చేయడమే పెట్టి.. అదే జీతం తమ ఉద్యోగాలు రెగ్యులర్ అయ్యేంత వరకూ ఇచ్చి తమ ముందు కొండం సిలబస్ పెట్టి ఎప్పటికీ పాస్ కాకుండా చేద్దామనే కుటిల బుద్ధితోనే ఈ విధంగా ప్రభుత్వం వ్యవహరిస్తుందని ఉద్యోగులు ఆగ్రహం వ్యక్తం చేస్తున్నారు. కనీసం ఒక ఆరునెలలు, లేదా ఏడాది ముందు ఈ విషయం చెప్పినా.. సిలబస్ విడుదల చేసినా శిక్షణ పొందడానికి, సిలబస్ మొత్తం చదువుకోవడానికి వీలుండేదని.. ఆఖరి సమయంలో ఇంత పెద్ద సిలబస్ ఇస్తే ఎలాగూ వీరు పాసవరని.. ప్రభుత్వంపై పడే భారాన్ని తగ్గించుకోవడానికే ఈ విధంగా ప్లాన్ చేశారని ఇటు విశ్లేషకులు సైతం అంచనా వేస్తున్నారు. అందులోనూ వయస్సు మళ్లిన(45ఏళ్లు దాటిన వారు) సుమారు రాష్ట్రవ్యాప్తంగా 20 నుంచి 30వేలకు పైగా ఉద్యోగులం ఉన్నామని, ఈ వయస్సులో తాము ఈ సిలబస్ ఎప్పటికి చదివి..మరెప్పటికీ పాసవుతామో తెలియడం లేదని వాపోతున్నారు. దీనితో ఇప్పటి వరకూ ప్రభుత్వంపై ఎంతో గౌరవం పెంచుకున్న సచివాలయ ఉద్యోగులు ప్రభుత్వం చేసిన ఈ ప్రకటనతో ప్రభుత్వానికి వ్యతిరేకంగా మారినట్టుగానే రెండు రోజుల నుంచి సంకేతాలు అందతున్నాయి.. అంతేకాదు ఇంత కష్టపడి పనిచేసినందుకు ఇదా ప్రభుత్వం తమకిచ్చే గౌరవమంటూ.. ఉద్యోగ సంఘాల సామాజిక మాధ్యమాల్లో తీవ్రస్థాయిలో రోజూ చర్చలు జరుగేంత స్థాయికి చేరుకున్నారు. ఇదే కొనసాగితే ప్రభుత్వానికి సచివాలయ ఉద్యోగులు పూర్తిస్థాయిలో వ్యతిరేకమయ్యే అవకాశాలే ఎక్కువగా కనిపిస్తున్నాయి. కోట్లాది రూపాయిలు సంక్షేమ పథకాలు పేదలకు అందించామని.. తెల్లవారు జామున 5గంటలకే వెళ్లి పించన్లు ఇచ్చినందుకు గుర్తుగా తమకి ప్రభుత్వం చాలా బాగా గుర్తించిందంటూ తీవ్రంగా ఆందోళన చెందుతున్నారు. చూడాలి ప్రభుత్వ చర్యలు గ్రామ, వార్డు సచివాలయ ఉద్యోగాల విషయంలో రెగ్యులైజేషన్ పై ఏ నిర్ణయం తీసుకుంటుందో..!

గ్రామ, వార్డు సచివాలయాల్లో జిల్లాకలెక్టర్లు, జేసిలు తనిఖీలు చేసినట్టుగా రాష్ట్రంలో మున్సిపల్ కమిషనర్లు, ఐటిడిఏ పీఓ చేయకపోవడం బాధాకరం.. మనం తరచుగా తనిఖీలు చేస్తేనే అక్కడ ప్రజలకు సేవలు బాగా అందుతాయి..పనిచేయని ఏ అధికారికైనా మెమో ఇవ్వండి..అలా మెమో ఇవ్వడమంటే నాకు నేను ఇచ్చుకున్నట్టేనని సీఎం వైఎస్ జగన్మోహనరెడ్డి పేర్కొన్నారు. మంగళవారం తాడేపల్లి క్యాంపు కార్యాలయంలో వివిధశాఖల మంత్రులు, రాష్ట్ర శాఖాధిపతులతో సమీక్ష నిర్వహించారు. ఈ సందర్భంగా సీఎం మాట్లాడుతూ, గ్రామ, వార్డు సచివాలయాలకు, ఆర్బీకెలకు  వెళ్లినప్పుడు కచ్చితంగా ఎస్‌ఓపీ పాటిస్తున్నారా?లేదా?చూడాలన్నారు. మధ్యాహ్నం 3 గంటలనుంచి 5 గంటలవరకూ ప్రజలకు అందుబాటులో ఉండి వారినుంచి విజ్ఞప్తులను స్వీకరించి పరిష్కారాలు చూపాలన్నారు. ఖచ్చితంగా బయో మెట్రిక్ అమలు చేస్తూ రోజుకి రెండుసార్లు సిబ్బంది హాజరు నమోదు కావాలన్నారు. కరో సమయంలో రాష్ట్రవ్యాప్తం సిబ్బందిగా బాగా కష్టపడి పనిచేశారన్నారు.  నాణ్యత లేని విత్తనాలు, ఎరువులు, ఫెర్టిలైజర్స్‌ దుకాణాలపై దృష్టి పెట్టాలి:

అలాంటి వాటిపై కలెక్టర్లు, ఎస్పీలు కలిసి.. సంయుక్తంగా దాడులు నిర్వహించాలని అప్పుడే కల్తీలు ఆగుతాయని సీఎం పేర్కొన్నారు. విధి నిర్వహణలో వున్న సిబ్బంది, ఏ స్థాయి అధికారపై అయినా చర్యలు చేపట్టాల్సిందేనంటూ అధికారులను ఆదేశించారు.  ఈ సమీక్షలో ఉపముఖ్యమంత్రి (వైద్య ఆరోగ్యశాఖ) ఆళ్ల కాళీ కృష్ణ శ్రీనివాస్‌(నాని), పంచాయతీరాజ్, గ్రామీణాభివృద్ధిశాఖ మంత్రి పెద్దిరెడ్డి రామచంద్రారెడ్డి, పురపాలక, పట్టణాభివృద్ధిశాఖ మంత్రి బొత్స సత్యనారాయణ, సీఎస్‌ ఆదిత్యనాథ్‌దాస్, డీజీపీ గౌతం సవాంగ్, ల్యాండ్‌ అడ్మినిస్టేషన్‌ చీఫ్‌ కమిషనర్‌ నీరబ్‌ కుమార్‌ ప్రసాద్, వ్యవసాయశాఖ స్పెషల్‌ సీఎస్‌ పూనం మాలకొండయ్య, గృహనిర్మాణశాఖ స్పెషల్‌ సీఎస్‌ అజయ్‌ జైన్, పట్టణాభివృద్ధి, పురపాలకశాఖ స్పెషల్‌ సీఎస్‌ వై శ్రీలక్ష్మి, రెవెన్యూశాఖ ముఖ్య కార్యదర్శి వి ఉషారాణి, వైద్య ఆరోగ్యశాఖ ముఖ్య కార్యదర్శి అనిల్‌ కుమార్‌ సింఘాల్, గ్రామీణాభివృద్ధి, పంచాయతీరాజ్‌ శాఖ ముఖ్యకార్యదర్శి గోపాలకృష్ణ ద్వివేది, ఆర్ధికశాఖ ముఖ్యకార్యదర్శి(హెచ్‌ఆర్‌) శశిభూషణ్‌ కుమార్, ఇతర ఉన్నతాధికారులు హాజరయ్యారు.

ఆంధ్రప్రదేశ్ లోని 13 జిల్లాల్లోని సుమారు 14న్నరవేల మంది గ్రామ, వార్డు సచివాలయ మహిళా పోలీసులకు తూర్పుగోదావరి జిల్లా ఎస్పీ ఎం.రవీంధ్రనాధ్ రోల్ మోడల్ గా మారిపోయారు. సచివాలయాలు ఏర్పాటైన దగ్గర నుంచి రాష్ట్రంలో ఒక్క పోలీసు అధికారి కూడా ప్రభుత్వం ఇచ్చిన జీఓలు 129, 59లను శాఖా పరంగా క్రింది స్థాయి ఎస్ఐలు, కానిస్టేబుళ్లు తెలియజేసి..వారిని పోలీసులుగా గుర్తించే ఏర్పాటు చేయలేదు. మహిళా పోలీసులు సాధారణ పోలీసులనే విషయాన్ని ఖచ్చితంగా గుర్తించాల్సిందేననే ఆదేశాలు జారీచేసిన దాఖలాలేవు. కానీ తూర్పుగోదావరి జిల్లాకి కొత్తగా వచ్చిన ఎస్పీ వస్తూ వస్తూనే ప్రభుత్వం ఎంతో ప్రతిష్టాత్మకంగా ఏర్పాటు చేసిన గ్రామసచివాలయ పోలీసులను బాహ్యప్రపంచానికి నిజమైన పోలీసులుగా ప్రభుత్వం గుర్తించిన విషయాన్ని పోలీసులకు నొక్కిచెప్పి.. సచివాలయ మహిళా పోలీసులను హోంశాఖ సాదారణ పోలీసులుగా గుర్తించాల్సిందేనని మొట్టమొదటి సారిగా తూర్పుగోదావరి జిల్లా ఎస్పీ ఆ విషయాన్ని జిల్లా వ్యాప్తంగా వీడియో కాన్ఫరెన్సు పెట్టి అన్ని డిఎస్పీలు, సిఐలు, స్టేషన్ల ఎస్ఐలకు, కానిస్టేబుళ్లకు మహిళా పోలీసుల సమక్షంలోనే చెప్పి ఖచ్చితమైన ఆదేశాలు జారీచేశారు. దీనితో ఆవిషయం రాష్ట్ర వ్యాప్తంగా మహిళా పోలీసుల సామాజిక మాద్యమాల్లో వైరల్ అయ్యింది. 

రాష్ట్రంలో డీజీపి తరువాత ఆ స్థాయిలో మహిళా పోలీసులను గుర్తించినది తూర్పుగోదావరి జిల్లా ఎస్పీ మాత్రమే నంటూ వారంతా ప్రశంసల జల్లు కురిస్తున్నారు. అంతేకాకుండా దిశ ఎస్ఓఎస్ యాప్ రిజిస్ట్రేషన్ల విషయంలో ప్రోత్సహిస్తున్న తీరును కూడా జిల్లా మహిళా పోలీసులంతా తమతో ఎస్పీ ఒక కుటుంబ పెద్దగా మాట్లాడితన తీరును ఎంతో గర్వంగా చెప్పుకుంటున్నారు. ఇప్పటి వరకూ చాలా చోట్ల హోంగార్డు నుంచి కానిస్టేబుళ్లు, ఏఎస్ఐలు, ఎస్ఐలు తమను మీరంతా నిజమైన పోలీసులా, ప్రభుత్వం మిమ్మల్ని గుర్తించినంత మాత్రాన మేము మిమ్మల్ని మాతో సమానంగా పోలీసులుగా గుర్తించలేమని మాట్లాడేవారని.. అలాంటి మాటలకు ఒకేఒక్క వీడియోకాన్ఫరెన్సు ద్వారా అడ్డుకట్ట వేయడంతోపాటు.. ఆ విధానాన్ని మార్చుకోవాలని తమ ముందే పోలీసులకు ఎస్పీ వివరించన తీరు తమలో ఎంతో ఆత్మస్తైర్యాన్ని నింపిందంటూ హర్షం  వ్యక్తం చేస్తున్నారు. పైగా గ్రామాల్లో మహిళా పోలీసులున్నారనే భరోసా స్టేషన్ ఎస్ఐలే ప్రజలకు అవగాహన కల్పించాలని, వీరంతా సాధారణ పోలీసులేననే విషయాన్ని జీఓనెంబరు 59తో ప్రభుత్వమే వారికి గుర్తింపు నిచ్చిన విషయాన్ని ప్రత్యేకంగా ప్రస్తావించడం కూడా పోలీసుశాఖలో చర్చనీయాంశమవుతోంది. 

పైగా అవినీకి పాల్పడిన పోలీసులు ఎంతటి వారైనా కఠిన చర్యలు తీసుకుంటామని చెప్పడం, వీడియో కాన్ఫరెన్సు కి ఒక్కరోజు ముందు తూర్పుగోదావరి జిల్లాలో నలుగు ఏఎస్ఐలను సస్పెండ్ చేసిన విషయాన్ని కూడా వీరంతా ప్రస్తావించుకున్నారు. పైగా మరో ఏఎస్ఐని విధుల్లో నుంచి తొలగించిన తీరు తమ కర్తవ్యాన్ని గుర్తుచేసిందని, రెండేళ్లలో సరైన జిల్లా పోలీసు అధికారిని చూశామని.. నిజమైన పోలీసు అధికారి అంటే కింది స్థాయి ఉద్యోగులను గౌరవిస్తేనే మంచి ఫలితాలు వస్తాయని తెలుసుకున్నామని మహిళా పోలీసులంతా తమ ఆనందాన్ని ఎస్పీతో మాట్లాడిన తీరును తమ సహచర మహిళా పోలీసులతో పంచుకోవడం విశేషం. అంతేకాకుండా తూర్పుగోదావరి జిల్లా ఎస్పీగా రావీంధ్రబాబు రావడంతోనే పోలీసు శాఖ ప్రక్షాలణ చేపట్టడం ఇటు జిల్లాపోలీసులందరూ ఒక్కసారిగా ఉలిక్కి పడేలా చేసింది. పోలీసు అధికారులను సస్పెండ్ చేసిన మరుసటి రోజే జిల్లాలోని ఎస్ఐలు, సిఐలు, డిఎస్పీలతో వీడియో కాన్ఫరెన్సు నిర్వహించడం కూడా రాష్ట్రవ్యాప్తంగా పెద్ద చర్చకు దారితీయడం విశేషం.

 పైగా నవంబరు2 నాటికి రెండేళ్లు పూర్తిచేసుకోబుతన్న తూర్పుగోదావరి జిల్లా మహిళా పోలీసులకు ప్రస్తుత ఎస్పీ వచ్చిన తరువాత వారికి వచ్చిన గౌరవం, పోలీసులుగా తమను గుర్తించాలని పదే పదే పోలీసులను హెచ్చరించిన తీరు తమకు మార్గదర్శకమని.. మహిళా పోలీసులంతా ఎంతో ఆనందం వ్యక్తం చేస్తున్నారు. అయితే ఎస్పీ జిల్లా వ్యాప్తంగా అన్ని స్టేషన్ల ఎస్ఐలతోపాటు కానిస్టేబుళ్లును హెచ్చరించిన విషయాన్ని జిల్లా పోలీసులు ఏ స్థాయిలో గుర్తుపెట్టుకుంటారో.. లేదంటే  గతంలో వ్యవహరించినట్టుగానే.. మీరు మాలా నిజమైన పోలీసులు కాదంటూ వెటకారంగా మాట్లాడుతూ, మహిళా పోలీసులకు గాలి తీసేసి వారిలో ఆత్మస్తైర్యాన్ని చెదరగొడతారో.. ఎస్పీ ఆదేశించిన హెచ్చరికను శిరసా వహించి ఈ విధంగా మాట్లాడినట్టు ఇక ముందు మాట్లాడకుండా ఉంటారో.. తూర్పుగోదావరి జిల్లా ఎస్పీ ఇచ్చిన ఆదేశాలు ఎంత వరకూ పాటిస్తారనేది వేయి డాలర్ల ప్రశ్నగా మారింది. కానీ వస్తూ వస్తూనే ఎస్పీ రవీంధ్రనాధ్ తీసుకున్న చర్యలకు పోలీసు శాఖలో తేడా అధికారులకు ముచ్చెమటులు పడుతున్నా ప్రజల నుంచి మాత్రం మంచి స్పందన వస్తోంది..! 

రాష్ట్రంలో మంజూరైన 8 ఫిషింగ్ హార్బర్ నిర్మాణ పనులను వేగవంతంగా చేపట్టాలని ప్రభుత్వ ప్రధాన కార్యదర్శి ఆదిత్యా నాధ్ దాస్ ఆదేశించారు.నూతనంగా మంజూరైన ఫిషింగ్ హార్బర్ల పై హైలెవల్ కమిటీ సమావేశం సోమవారం విజయవాడలోని సిఎస్ క్యాంపు కార్యాలయంలో సిఎస్ అధ్యక్షతన జరిగింది.ఈ సందర్భంగా ఆయన మాట్లాడుతూ కొత్తగా మంజూరైన ఫిషింగ్ హార్బర్ల నిర్మాణానికి ఇటీవల రాష్ట్ర ముఖ్యమంత్రి వైయస్ జగన్మోహన్ రెడ్డి శంఖు స్థాపన చేసిన నేపథ్యంలో ఇప్పటికే మొదటిదశ కింద చేపట్టిన ఫిషింగ్ హార్బర్ల నిర్మాణ పనులను వేగవంతంగా నిర్వహించాలని ప్రభుత్వ ప్రధాన కార్యదర్శి ఆదిత్యా నాధ్ దాస్ ఎగ్జిక్యూటింగ్ ఏజెన్సీల అధికారులను ఆదేశించారు. ఈపిషింగ్ హార్బర్ల నిర్మాణానికి అందుబాటులో ఉన్న ప్రభుత్వ భూములను వెంటనే అప్పగించడం తోపాటు మిగతా అవసరమైన భూమిని త్వరితగతిన సేకరించాలని వీడియో సమావేశం ద్వారా పాల్గొన్న సంబంధిత కలెక్టర్లను ఆయన ఆదేశించారు.ఇంకా వీటి నిర్మాణానికి సంబంధించిన పలు అంశాలపై సిఎస్ కమిటీ సభ్యులు అధికారులతో సమీక్షించారు. ఈసమావేశంలో ప్రత్యేక ప్రధాన కార్యదర్శి పూనం మాలకొండయ్య,ఆర్థిక శాఖ ముఖ్య కార్యదర్శి ఎస్ఎస్ రావత్, మత్స్య శాఖ కమీషనర్ కన్నబాబు, ఆర్థిక శాఖ ఇఓ కార్యదర్శి సత్యనారాయణ, మైనార్టీ శాఖ ప్రత్యేక కార్యదర్శి ఇంతియాజ్,ఇతర కమిటీ సభ్యులు పాల్గొన్నారు.