అమరజీవి పొట్టి శ్రీరాములు వంటి మహనీయుల ఆశయాలను త్రికరణ శుద్ధిగా ఆచరించడమే వారికి అర్పించే ఘనమైన నివాళి అని జిల్లా కలెక్టర్ హిమాన్సు శుక్లా పేర్కొన్నా రు. గురువారం అమరి జీవి పొట్టి శ్రీరాములు వర్ధంతిని పురస్కరించుకొని స్థానిక కలెక్టరేట్ నందు అమరజీవి పొట్టి శ్రీరాములు చిత్రపటానికి పూలమాలలు అలంకరించి పుష్ప గుచ్చాలతో ఘనంగా నివాళులర్పించారు. ఈ సందర్భంగా ఆయన మాట్లాడుతూ ఆంధ్ర రాష్ట్ర సాధన కొరకు ఆమరణ నిరాహారదీక్ష చేసి ప్రాణాలర్పించి , అమరజీవి అయిన మహాపురుషుడు, పొట్టి శ్రీరాములు గారి వర్ధంతి రోజున ఆయనను స్మరించుకోవడం మన బాధ్యతని సూచించారు. భాషాప్రయుక్త రాష్ట్రాల ఏర్పాటుకు కారణభూతుడైనవాడని, మహాత్మా గాంధీ బోధించిన సత్యo, అహింస, హరిజనోద్ధరణ అనే ఆశయాల కొరకు జీవితాంతం కృషిచేసిన మహనీయుడు పొట్టి శ్రీరాములు 1901 మార్చి 16న మద్రాసులో జన్మించాడన్నారు.
సబర్మతి ఆశ్రమంలో శ్రీరాములు సేవ చరిత్రాత్మక మైనదని ప్రేమ, వినయం, సేవ, నిస్వార్ధతలు మూర్తీభవించిన స్వరూపమే పొట్టి శ్రీరాములని. ఆంధ్రోద్యమంపై అతనికున్న దృఢత్వం
అచెoచలమైనదన్నారు. మద్రాసు రాజధానిగా వుండే ప్రత్యేక ఆంధ్ర రాష్ట్ర సాధన కొరకు మద్రాసులో 1952 అక్టోబర్ 19న బులుసు సాంబమూర్తి ఇంట్లో నిరాహారదీక్ష ప్రారంభించారని.చాలా మామూలుగా ప్రారంభమైన దీక్ష తీవ్రతరమై 1952 డిసెంబర్ 15 అర్ధరాత్రి పొట్టి శ్రీరాములు,తన ఆశయసాధనలో ప్రాణాలర్పించి అమరజీవి అయ్యా డని ఆయన త్యాగనిరతిని కొనియాడారు. చివరకు పొట్టి శ్రీరాములు ఆంధ్ర రాష్ట్రం కోసం తనను తాను త్యాగం చేసి అమరజివిగా నిలిచాడన్నారు.
తెలుగు మాట్లాడే ప్రజలకు ప్రత్యేక రాష్ట్రం కోరుతూ మహనీయుడు పొట్టి శ్రీరాములు చేసిన పోరాటం నిరుపమానమై నదన్నారు. మహాత్మా గాంధీ అనుచరుడిగా గాంధేయ మార్గంలో ఆయన 56 రోజుల పాటు నిరాహార దీక్ష చేసి అమరులైయ్యా రని, ఆయన మరణించిన కొన్ని దినాలకే అప్పటి ప్రధాన మంత్రి జవహర్ లాల్ నెహ్రూ భాషాప్రయుక్త రాష్ట్రంగా ఆంధ్రప్రదేశ్ ఏర్పాటును ప్రకటిం చారన్నారు. పొట్టి శ్రీరాములు నిస్వార్థ ఆత్మ త్యాగంతో 1953 అక్టోబరు 1 వ తేదీన కర్నూలు రాజధానిగాను, తదుపరి తెలుగు భాష మాట్లాడే ప్రాంతలను కలిపి 1956 నవంబరు 1వ తేదీ నుండి హైదరాబాదు రాజధానిగాను ఆంధ్రప్రదేశ్ రాష్ట్రం ఆవిర్భవిం చిందన్నారు. తెలుగు వారికి ప్రత్యేక రాష్ట్రం సాధించేందుకు అమరజీవి నిస్వార్థ ప్రాణ త్యాగాన్ని తెలుగు జాతి ఎన్నటికీ మరువదన్నారు.
ఆయన ఆశయాలు తెలుగు వారందరికీ స్పూర్తిదాయకంగా నిలిచి ముందుకు నడిపిస్తాయన్నా రు. భాషా ప్రయుక్త రాష్ట్రాల్లో తెలు గు మాట్లాడే ప్రజలకు మాత్రమే ఈ ఘనత దక్కుతుందన్నారు. మహ నీయుడు పొట్టి శ్రీరాములు నిరుపమాన త్యాగానికి ప్రతీకగా రాష్ట్ర ప్రభుత్వం వర్ధంతిని నిర్వహిస్తోం దన్నారు. అమరజీవి ఆకాంక్షల కనుగుణంగా ఆశయాల బాటలో పేదల సంక్షేమానికి పెద్దపీట వేయాలన్నారు.
ఈ కార్యక్రమంలో జిల్లా జాయింట్ కలెక్టర్ ధ్యానచంద్ర, డిఆర్ఓ సిహెచ్ సత్తిబాబు కలెక్టరేట్,సిబ్బంది తదితరులు పాల్గొన్నారు.
