ENS Live Breaking News

త్వరితగతిన నిర్మాణాలు పూర్తికావాలి..

ప్రభుత్వ భవనాల నిర్మాణపనులు నిర్దేశిత సమయంలో పూర్తి అయ్యేల పనులు వేగవంతం చేయాలని జిల్లా కలెక్టర్ వివేక్ యాదవ్ అధికారులను ఆదేశించారు. ఆదివారం కర్లపాలెం మండలం బుద్ధాం గ్రామంలో నిర్మాణంలో ఉన్న రైతుభరోసా కేంద్రం, విలేజ్ వెల్నెస్ కేంద్రం భవనాలను జిల్లా కలెక్టర్ వివేక్ యాదవ్, సబ్ కలెక్టర్ మయూర్ అశోక్తో కలిసి పరిశీలించారు. కూలీలను ఎక్కువ మందిని పెట్టి నిర్మాణం పనులు త్వరగా పూర్తి అయ్యేలా చర్యలు తీసుకోవాలని ఏజెన్సీ ప్రతినిధులను కలెక్టర్ ఆదేశించారు. పూర్తి అయిన పనులు వెంటనే ఎంబుక్లో రికార్డు చేసి బిల్లుల చెల్లింపుకు ఆన్లైన్లో అప్లోడ్ చేయాలని పంచాయితీ రాజ్ ఇంజనీరింగ్ అధికారులకు సూచించారు. పనుల రోజువారి పురోగతిని నిరంతరం పర్యవేక్షిస్తూ నిర్మాణ ఏజెన్సీలకు అవసరమైన సహకారం అందించాలని అధికారులకు కలెక్టర్ తెలిపారు. ఈ కార్యక్రమంలో పంచాయితీ రాజ్ ఇంజనీరింగ్ ఎస్ఈ నతానియోల్, కర్లపాలెం ఎంపీడీవో ఉషారాణి, డిప్యూటీ తహశీల్దారు సాంబశివరావు, ఈవోపీఆర్డీ శరత్ బాబు, పీఆర్ ఏఈ ప్రసన్న కుమార్, సచివాలయ ఉద్యోగులు పాల్గొన్నారు.

Karalapalem

2021-05-30 12:07:01

460 మందికి కోవిడ్ వేక్సినేషన్..

శంఖవరం మండల కేంద్రంలో ఏర్పాటు చేసిన శాస్వత కోవిడ్ వేక్సినేషన్ సెంటర్ లో శనివారం 460 మందికి కోవిడ్ టీకా(కోవీషీల్డ్) వేసినట్టు పీహెచ్సీ వైద్యాధికారి డా.ఆర్వీవి సత్యన్నారాయణ తెలియజేశారు. ఈ మేరకు ఆయన వేక్సినేషన్ సెంటర్ వద్ద మీడియాతో మాట్లాడారు. ముందుగా వేక్సినేషన్ కి టోకెన్లు జారీచేసిన తరువాత వాటిని ఆన్ లైన్ చేసి వెంట వెంటనే వేక్సిన్ నేషన్ పూర్తిచేసినట్టు చెప్పారు. కరోనా పాజిటివ్ కేసులు అధికంగా నమోదు అవుతున్న సందర్భంగా ప్రజలంతా అప్రమత్తంగా ఉండాలన్నారు. కరోనా నేపథ్యంలో బయటకు వెళ్లే సమయంలో ప్రజలు గుంపులు గుంపులుగా కాకుండా బౌతిక దూరం పాటించాలన్నారు. ప్రతీఒక్కరూ వేక్సినేషన్ కేంద్రానికి వచ్చేటపుడు మాస్కులు విధిగా ధరించాలని సూచించారు. ఎవరికైనా ప్రభుత్వం సూచించిన అంశాల్లో ఆరోగ్య సమస్యలు ఉంటే తక్షణమే ప్రాధమిక ఆరోగ్య కేంద్రాల్లో కరోనా పరీక్షలు చేయించుకొని కోవిడ్ కేర్ సెంటర్లు లేదా, హోమ్ ఐసోలేషన్ ద్వారా చికిత్సలు పొందాలన్నారు. అప్పటికీ ఇబ్బందులు ఉంటే 104కాల్ సెంటర్ కాల్ చేయడం ద్వారా మెరుగైన వైద్యం నిమిత్తం జనరల్ ఆసుపత్రికి తరలించే వీలుంటుందని చెప్పారు. ఏ పనిచేయడానికైనా ముందు నాణ్యమై శానిటైజర్ ను వినియోగించాలన్నారు. ఆసుపత్రిలో హోమ్ ఐసోలేషన్ కిట్లను అందిస్తున్నామన్నారు. ప్రజలు అప్రమత్తంగా ఉండటం ద్వారానే కరోనాని నియంత్రించడానికి ఆస్కారం వుంటుందని డాక్టర్ ఆర్వీవీ సత్యన్నారాయణ తెలియజేశారు.

Sankhavaram

2021-05-29 13:56:33

ధన్వంతరుడే జీవకోటికి ఆరోగ్యప్రదాత..

దేశంలో ప్రజలంతా సుభిక్షింగా ఉండాలని, కరోనా విపత్తు నుంచి ప్రతీ ఒక్కరూ ఆరోగ్యవంతంగా బయటపడాలని ఇక్కడ సీతమ్మధార షిరిడిసాయి మందిరంలో శుక్రవారం ధన్వంతరి హోమాన్ని అత్యంత ఘనంగా నిర్వహించారు. ఆలయ ఇవో కె.శిరీషా ఆధ్వర్యంలో ఈ హోమాన్ని వేదపండితులు , అర్చకులు ఘనంగా జరిపించారు. వేదమంత్రోశ్చరణలు , మృదుమధుర మంగళవాయిద్యాల నడుమ సాగిన ఈ హోమంలో తొలుత కళశారాధన గావించారు. ఆ తరువాత హోమాన్ని ఓం నమో భగవతే వాసుదేవాయ అంటూ పలు మార్లు వేదమంత్రాలు పఠనం చేశారు. అనంతరం ఆలయ ఈవో శిరీషాతో వేదపండితులు మహాపూర్ణాహుతి కార్యక్రమాన్ని వైభవంగా జరిపించారు. ఈ సందర్భంగా ఆలయ ఈవో మాట్లాడుతూ రాష్ట్ర దేవాదాయశాఖ ఉన్నతాధికారుల ఆదేశాల మేరకు ఈ ధన్వంతరిహోమాన్ని షిరిడీ సాయి ఆలయము లో నిర్వహించడం జరిగిందన్నారు . లోకకళ్యాణార్ధం ఈ హోమాన్ని తలపెట్టామన్నారు . ధన్వంతరి హోమంతో దేశప్రజలందరికి మెరుగైన ఆరోగ్యం సిద్ధించాలని తాము స్వామిని వేడుకున్నట్లు ఇవో చెప్పారు . ఇటువంటి దైవ హోమాలుతో కరోనా విపత్తు నుంచి ప్రజలు బయటపడేందుకు అపారమైన అవకాశాలున్నాయన్నారు . ధన్వంతరి అంటే దేవవైద్యుడని అటువంటి స్వామిని పూజిస్తే అన్ని రుగ్మతులు పూర్తిగా తొలగిపోతాయని ఇవో ఆకాంక్షించారు . ఈ కార్యక్రమంలో సింహాచలం దేవస్థానం ధర్మకర్తల మండలి ప్రత్యేక ఆహ్వానితులు , జాతీయ జర్నలిస్టుల సంఘం కార్యదర్శి , వైజాగ్ జర్నలిస్టుల ఫోరం అధ్యక్షులు గంట్ల శ్రీసుబాబు ధన్వంతరి హోమము లోపాల్గొని పూజలు చేశారు. ఈ సందర్భంగా శ్రీను బాబు మాట్లాడుతూ దేశంలో ప్రజల ఆరోగ్యం కోసం రాష్ట్ర దేవాదాయశాఖ ఇటువంటి ధన్వంతరి హోమాలు చేపట్టడం అభినందనీయమన్నారు . ఇటీవలే సింహాచలంలోనూ శుక్రవారం షిరిడిసాయి మందిరంలోను ఈ ధన్వంతరి హోమాలు జరిగాయని , మిగిలిన ఆలయాల్లో కూడా ఈ తరహా హోమాలు జరిపించి ప్రజలను కరోనా నుంచి కాపాడే అసీస్సులు ప్రసాదించాలని ఆ ధన్వంతరి స్వామిని అందరూ వేడుకోవాలని ఆకాంక్షించారు.

Seethammadara

2021-05-28 09:26:58

512 మందికి కోవిడ్ వేక్సినేషన్..

శంఖవరం మండల కేంద్రంలో ఏర్పాటు చేసిన శాస్వత కోవిడ్ వేక్సినేషన్ సెంటర్ లో గురువారం 512 మందికి కోవిడ్ టీకా(కోవీషీల్డ్) వేసినట్టు పీహెచ్సీ వైద్యాధికారి డా.ఆర్వీవి సత్యన్నారాయణ తెలియజేశారు. ఈ మేరకు ఆయన వేక్సినేషన్ సెంటర్ వద్ద మీడియాతో మాట్లాడారు. ముందుగా వేక్సినేషన్ కి టోకెన్లు జారీచేసిన తరువాత వాటిని ఆన్ లైన్ చేసి వెంట వెంటనే వేక్సిన్ నేషన్ పూర్తిచేసినట్టు చెప్పారు. కరోనా పాజిటివ్ కేసులు అధికంగా నమోదు అవుతున్న సందర్భంగా ప్రజలంతా అప్రమత్తంగా ఉండాలన్నారు. కరోనా నేపథ్యంలో బయటకు వెళ్లే సమయంలో ప్రజలు గుంపులు గుంపులుగా కాకుండా బౌతిక దూరం పాటించాలన్నారు. ప్రతీఒక్కరూ వేక్సినేషన్ కేంద్రానికి వచ్చేటపుడు మాస్కులు విధిగా ధరించాలని సూచించారు. ఎవరికైనా ప్రభుత్వం సూచించిన అంశాల్లో ఆరోగ్య సమస్యలు ఉంటే తక్షణమే ప్రాధమిక ఆరోగ్య కేంద్రాల్లో కరోనా పరీక్షలు చేయించుకొని కోవిడ్ కేర్ సెంటర్లు లేదా, హోమ్ ఐసోలేషన్ ద్వారా చికిత్సలు పొందాలన్నారు. అప్పటికీ ఇబ్బందులు ఉంటే 104కాల్ సెంటర్ కాల్ చేయడం ద్వారా మెరుగైన వైద్యం నిమిత్తం జనరల్ ఆసుపత్రికి తరలించే వీలుంటుందని చెప్పారు. ఏ పనిచేయడానికైనా ముందు నాణ్యమై శానిటైజర్ ను వినియోగించాలన్నారు. ఆసుపత్రిలో హోమ్ ఐసోలేషన్ కిట్లను అందిస్తున్నామన్నారు. ప్రజలు అప్రమత్తంగా ఉండటం ద్వారానే కరోనాని నియంత్రించడానికి ఆస్కారం వుంటుందని డాక్టర్ ఆర్వీవీ సత్యన్నారాయణ తెలియజేశారు.

Sankhavaram

2021-05-27 13:36:34

నిబంధనలు పాటిస్తూ వేక్సినేషన్ చేయాలి..

కోవిడ్ వేక్సినేషన్ కేంద్రం వద్ద ప్రభుత్వం సూచించిన నిబంధనలు పాటిస్తూ ప్రజలకు కోవిడ్ టీకాలు వేయాలని శంఖవరం మండల ఈఓపీఆర్డీ కెవివిఎస్ కాశీవిశ్వనాధ్, శంఖవరం పంచాయతీ కార్యదర్శి రాంబాబులు సిబ్బందికి సూచించారు. గురువారం శంఖవరం జిల్లాపరిషత్ పాఠశాలలో ఏర్పాటు చేసిన శాస్వత కోవిడ్ కేంద్రంలో కోవిడ్ వేక్సినేషన్ ను పరిశీలించారు. ఈ సందర్భంగా వీరు మాట్లాడుతూ, మండలంలోని అన్ని గ్రామసచివాలయాల పరిధిల్లోనూ వాలంటీర్ల ద్వారా టోకెన్లు జారీచేయిస్తున్నామన్నారు. వాటితోపాటు కేంద్రం దగ్గర కూడా టోకెన్ల పంపిణీకి చర్యలు తీసుకున్నట్టు వివరించారు. ప్రభుత్వం ఇచ్చిన కోవిడ్ టీకా లక్ష్యాలను శంఖవరం మండలం అధిగమించేలా త్వరగా వేక్సినేషన్ ప్రక్రియ చేపట్టాలన్నారు. కేంద్రానికి వచ్చిన వారికి ఎలాంటి ఇబ్బందులు లేకుండా మంచినీరు, వేక్సిన్ వేసిన తరువాత సేద తీరడానికి కుర్చీలు కూడా ఏర్పాటు చేసినట్టు వివరించారు. సచివాలయ సిబ్బంది ద్వారా టోకెన్లు ఆన్ లైన్ చేయించి వేక్సినేషన్ చేపడుతున్నామన్నారు. ఎలాంటి ఇబ్బందులు లేకుండా మంచి వాతవరణంలో వేక్సినేషన్ ప్రక్రియ జరగాలన్నారు. కార్యక్రమంలో మూడు సచివాలయాల వీఆర్వోలు సీతారామ్, గణేష్, కార్యదర్శిలు సత్య, శంకరాచార్యులు, జూనియర్ అసిస్టెంట్ రమణమూర్తి, మహిళా పోలీసులు, ఆరోగ్యసిబ్బంది పాల్గొన్నారు.

Sankhavaram

2021-05-27 13:34:39

క్రీ.శ.1118 నాటి ఐనవోలు మల్లమ్మ ఆలయ విశేషమేమిటనగా..

తెలంగాణ రాష్ట్రంలో చారిత్రక ఆలయాల్లో ఐనవోలు మలమ్మ ఆలయం ఎంతో ప్రఖ్యాతి గాంచినది. నాటి రాజుల కాలంటా ఈ మహత్తర ఆలయం చరిత్రను ఈఎన్ఎస్ లైవ్ మొబైల్ న్యూస్ యాప్, www.enslive.net పాఠకుల కోసం ప్రత్యేకంగా అందిస్తున్నాం.. ఈ ఆలయ చరిత్ర తెలుసుకుంటే..క్రీ.శ.1118లో త్రిభువనమల్ల బిరుదాంకితుడైన, పశ్చిమ చాళుక్య రాజు, ఆరవ విక్రమాదిత్యుడు, దండనాయకుడైన సూరయ్య (అయ్యన్నమరస) కు అయ్యనవోలు సూరేశ్వర దేవుని నిత్యారాధనకు, బిక్షుకుల నిత్యాన్నదాన నిమిత్తం భూదానం చేసినట్టు శాసనాలు చెబుతున్నాయి. ఈ అయ్యనచే నిర్మింపబడి అయ్యన్నప్రోలుగా పిలువబడి, ప్రస్తుతం ఐనవోలుగా రూపాంతరం చెందింది.మైలారదేవుని ఆలయాన్ని కాకతీయ రాజు రెండ ప్రోలుని కుమారుడు రుద్రదేవుడు నిర్మించాడని సిద్ధేశ్వర చరిత్ర వల్ల తెలుస్తున్నది. ఆలయానికి తూర్పు, దక్షిణ దిశలలో రెండు కీర్తితోరణాలను కాకతీయ రుద్రదేవుడు ఓరుగల్లు కోట నిర్మాణానికి పూర్వమే ఇక్కడ నిర్మింపజేశాడు. అందుకు తార్కాణంగా ఇదే శైలిలో నిర్మింపబడిన కాకతీయ కీర్తితోరణాలను ఈ నాటికీ మనం ఓరుగల్లు కోటకు నాలుగు దిక్కులా చూడవచ్చును. అయితే ఓరుగల్లులోని కీర్తితోరణాల శిల్పనిర్మాణ శైలి, సౌందర్యం చాలా పరిణతి చెంది ఎంతో అద్భుతంగా ఉంటుంది. ఇంతటి శిల్పసౌందర్యం ఐనవోలు తోరణాలలో మనకు కనిపించదు. అయితే, ఐనవోలు దేవాలయానికి శిలాతోరణాలను నిర్మించడం వెనుక ఒక కథను ఉటంకిస్తారు. అదేమంటే, కాకతీయ ప్రోలరాజు ఒకరోజున వేయిస్తంభాల దేవాలయంలో, నిద్రలో ఉన్న తనకుమారుడు రుద్రదేవుణ్ణి పుత్రవాత్సల్యంతో స్పృశించగా, మగతనిద్రలో ఉన్న రుద్రదేవుడు, తనను ఎవరో శత్రువులు చంపడానికి వచ్చినారని భావించి, తన మొలలోఉన్న కైజారును తీసి రుద్రదేవుణ్ణి పొడుస్తాడు. తండ్రి చావుకు కారకుడనైనానన్న పాపభీతితో ఐనవోలు ఆలయానికి శిలాతోరణాలను నిర్మింపజేశాడు. ఈ అంశం,1935వ సం.లో మారేమండ రామారావు సంపాదకత్వంలో వెలువడిన కాకతీయ సంచికలో పేర్కొనబడింది.

#ఐనవోలు మల్లన్న స్వామి దేవాలయం:

ఇక్కడ కాకతీయులు కట్టించిన మల్లికార్జునస్వామి ఆలయం అయినవోలు మల్లన్న దేవాలయంగా ప్రసిద్ధి చెందినది.12వ శతాబ్దంలో మైలార లేదా మల్లారి దేవుని ఆలయంగా నిర్మింపబడిన ఈ ఆలయం, ఆ తరువాతి కాలంలో మల్లన్న, మల్లికార్జునఆలయంగా రూపాంతరం చెందింది. క్రీ.శ.1369 లో ఐనవోలు ఆలయ ప్రాంగణంలోని ఒక స్తంభంపై రేచర్ల పద్మనాయక వంశానికి చెందిన సింగమనాయకుని కుమారుడు, అనపోత చెక్కించిన సంస్కృతాంధ్ర దాన శాసనంలో మల్లరి వృత్తాంతము వర్ణించబడిండి. అర్జునున్ని కాపాడటానికి శివుడు ఒక శబరుని వేషం ధరించి, మల్ల అనే రాక్షసున్ని సంహరించాడు. అలా మల్ల+అరి=మల్లరి అన్న పేరు తెచ్చుకున్నాడు. మల్లరి అనే పేరు కాలక్రమంలో మైలార అయ్యింది.

స్వామివారి రూపం భీకరంగా పది అడుగుల ఎత్తుతో, విశాల నేత్రాలతో, కోరమీసాలతో ఉంటుంది. చతుర్భుజాలు కలిగి నాలుగు చేతులలో ఖడ్గం, త్రిశూలం, ఢమరుకం, పానపాత్ర ఉంటాయి. ఇరువైపులా దేవేరులు గొల్ల కేతమ్మ, బలిజ మేడలమ్మ కొలువుదీరి ఉంటారు. కుడి పాదం క్రింద మల్లన్న చేతిలో హతులైన రాక్షసులు మణి-మల్లాసురుల శిరస్సులుంటాయి. ఈస్వామివారిని మల్లన్న, మల్లికార్జునస్వామి, ఖండేల్ రాయుడు అని పిలుస్తారు. ఆలయంలో ఉన్న శివలింగం అర్థప్రాణవట్టంపై ఉంది. ఇది అరుణ వర్ణంలో ఉంటుంది. కుజ గ్రహానికి అధిష్టాన దైవతం. శివలింగంపై పార్థప్రహారం స్పష్టంగా కనిపిస్తుంది.

#బ్రహ్మోత్సవాలు:

స్వామివారి వార్షిక బ్రహ్మోత్సవాలు ప్రతియేటా మహాశివరాత్రి పర్వదినం సందర్భంగా జరుగుతాయి. ఇవి పాంచాహ్నిక దీక్షతో, అయిదు రోజులపాటు వరుసగా అశ్వవాహనం, నందివాహనం, పర్వతవాహనం, రావణవాహనాలను అధిరోహించి చివరిరోజున రథారూఢుడై పురవీధి సేవకు బయలుదేరుతాడు. అయిదవరోజున ప్రాతః కాలంలో అగ్నిగుండాల కార్యక్రమం అనంతరం వసంతోత్సవాన్ని ఎంతో వైభవంగా నిర్వహించి, శ్రీ పుష్పయాగం కార్యక్రమంతో ఉత్సవాలను ముగిస్తారు. ప్రతీ మాసశివరాత్రి రోజున మహాన్యాసపూర్వకరుద్రాభిశేకం, శాంతికల్యాణం, రుద్రహోమం జరుగుతాయి. ప్రధానంగా మల్లన్న యాదవుల, కురుమల ఇష్టదైవం. ఇది ప్రముఖమైన జానపదుల జాతర. సంక్రాంతి పర్వదినం నుండి ఉగాది వరకు ప్రతి ఆది, బుధవారాల్లో జరుగుతుంది. 'బోనం' అనే ప్రత్యేక వంటకాన్ని కొత్త కుండలో వండి స్వామివారికి నివేదిస్తారు. అనంతరం 'ఒగ్గు పూజారులు 'గా వ్యవహరింపబడే కురుమ పూజారులు, ఢమరుకాన్ని వాయిస్తూ, నేలపై రంగురంగుల ముగ్గులనువేసి, జానపద బాణీలో స్వామివారి కథాగానాన్ని చేస్తారు. దీన్ని పట్నం వేయడం అంటారు. ఇది భక్తులు వారి శైలిలో నిర్వహించే స్వామివారికళ్యాణం. ప్రతీ మాస శివరాత్రిరోజున నజరుపట్నం, మహాశివరాత్రి రోజున పెద్దపట్నం కార్యక్రమాలను ఒగ్గు పూజారీలు నిర్వహిస్తారు.

#ఎల చేరుకోవచ్చునంటే..

అయినవోలు, తెలంగాణ రాష్ట్రం, వరంగల్ పట్టణ జిల్లా,ఐనవోలు మండలానికి చెందిన గ్రామం అయినవోలు (ఐనవోలు) పిన్ కోడ్: 506310.

ఇది వరంగల్ నుండి 12 కిలోమీటర్ల దూరంలో ఉంది. గ్రామానికి సమీప ప్రాంతాల నుండి ప్రభుత్వ రవాణా సంస్థ బస్సులు, ప్రైవేటు షేర్ ఆటోలు, సమీప గ్రామాల నుండి తిరుగుతాయి. ప్రైవేటు బస్సు సౌకర్యం, రైల్వే స్టేషన్ మొదలైనవి గ్రామం నుండి 10 కి.మీ.కి పైబడిన దూరం వరకూ ఉణ్నాయి. జాతీయ రహదారి గ్రామం నుండి 10 కి.మీ.కి పైబడిన దూరంలో ఈ ఆలయం ఉంటుంది. చారిత్రక అంశాలు తెలుసుకోవాలనుకునే వారికి ఈ ఆలయం సందర్శన ద్వారా ఎన్నో విషయాలు తెలుసుకోవడానికి వీలుపడుతుంది...