గొలుగొండ మండలం జోగంపేటకు చెందిన ఓచిన్నారి తీవ్ర జ్వరంతో బాధపడిన సంఘటన పై గొలుగొండ వైఎస్సార్సీపీ నాయకులు తక్షణమే స్పందించారు. ఆ చిన్నారికి ప్లేట్ లెట్స్ పడిపోవడంతో మండల నాయకులు, గిరిబాబు, నాయుడు తదితరులు తమ సొంత నిధులతో వైజాగ్ లోని ఒక ప్రైవేటు ఆసుపత్రిలో వైద్యం చేయించి ఆ చిన్నారి ప్రాణాలను కాపాడారు. ఈ విషయం తెలుసుకున్న నర్సీపట్నం ఎమ్మెల్యే పెట్ల ఉమ శంకర్ గణేష్ విషయాన్ని ముఖ్యమంత్రి కార్యాలయానికి తెలియజేయడంతో అక్కడి నుంచి కూడా రూ.10వేలు ఆర్ధిక సహాయం మంజూరైంది. ఈ మొత్తాన్ని చిన్నారి తల్లిదండ్రులకు ఎమ్మెల్యే శనివారం తన కార్యాల యంలో అందజేశారు. ఈ సందర్భంగా ఎమ్మెల్యే గణేష్ మాట్లాడుతూ, ప్రభుత్వం ప్రతి నిరుపేదను ఆదుకుటుందని చెప్పారు. అదే సమయంలో నాయకులు గిరిబాబు, నాయుడు ఒక చిన్నారి ప్రాణాలను కాపాడటంతో చూపిన చొరవను అభినందించారు. ప్రతీ నాయకుడూ వారి ప్రాంతాల్లోని సమస్యలను నేరుగా తన ద్రుష్టికి తీసుకురావచ్చొని ఎమ్మెల్యే భోరాసా ఇచ్చారు. కార్యక్రమంలో గొలుగొండ మండల వైఎస్సార్సీపీ నాయకులు పాల్గొన్నారు.
శంఖవరం పీహెచ్సీలో శుక్రవారం నిర్వహించిన కోవిడ్ 19 పరీక్షల్లో 4 పాజిటివ్ కేసులు నమోదు అయినట్టు పీహెచ్సీ వైద్యాధికారి డా.ఆర్వీవి సత్యన్నారాయణ తెలి యజేశారు. శుక్రవారం ఆయన మీడియాతో మాట్లాడుతూ, ఈరోజు మొత్తం 41 మందికి పరీక్షలు చేయగా అందులో 4(శంఖవరం-1, శ్రుంగవరం-1, గిడిజాం-1, రౌతుల పూడి-1) మాత్రమే పాజిటివ్ గా నమోదు అయ్యాయని అన్నారు. శంఖవరం మండల కేంద్రంలో పెరుగుతున్న పాజిటివ్ కేసులపట్ల ప్రజలు చాలా అప్రమ త్తంగా ఉండాలన్నారు. ప్రభుత్వం నిర్ధేశించిన 4.0 అన్ లాక్ ఆదేశాలను తప్పక పాటించాలన్నారు. అత్యవసర సమయాల్లో తప్పా మిగిలిన సమయంలో ఇంట్లోనే ఉండి మాస్కులు ధరించాలన్నారు. ముఖ్యంగా గర్భిణీ స్త్రీలు, ముసలివారు, చిన్నపిల్లలు చాలా జాగ్రత్త వహించారు. ప్రతీనిత్యం ఏపనిచేయడానికైనా ముందు, తరువాత ఖచ్చితంగా రెండు నిమిషాల పాటు చేతులను మోచేతి వరకూ సబ్బుతో కడుక్కోవాలన్నారు. అధిక జ్వరం, దగ్గు, రొంప, ఒళ్లు నొప్పులు ఉంటే వెంటనే దగ్గర్లోని ఆరోగ్యసిబ్బందిని సంప్రదించి కరోనా పరీక్షలు చేయించుకోవాలన్నారు.
రాష్ట్రంలోని మహిళలకు పెద్దన్నగా నిలవాలని సీఎం వైఎస్ జగన్మోహనరెడ్డి ప్రవేశపెట్టిన సంక్షేమ పథకాలు ప్రతీ ఒక్క నిరుపేదకి చేరుతున్నాయని వైఎస్సార్సీపీ రాష్ట్ర అదనపు కార్యదర్శి రాజాసాగి దత్తుడుబాబు అన్నారు. శుక్రవారం కోటవురట్ల మండలం తంగేడు గ్రామ గ్రామసచివాలయంలో నిర్వహించిన వైఎస్సార్ ఆసరా సంబరాల కార్యక్రమంలో సీఎం వైఎస్ జగన్ చిత్రపటానికి ఆయనతోపాటు మహిళలు పాలాభిషేకం చేశారు. ఈ సందర్భంగా దత్తుడుబాబు మాట్లాడుతూ, వైఎస్సార్ ఆశయ సాధనకు ఆయన తనయుడు సీఎం వైఎస్ జగన్ చేపడుతున్న ప్రజా సంక్షేమమ కార్యాక్రమాలు జనరంజకంగా వున్నాయనే భావన ప్రతీ మహిళలోనూ కలుగుతుందన్నారు. దీనిని చూసి ఓర్వలేని ప్రతిపక్షాలు ప్రజలను తప్పుదోవ పట్టించాలని చూస్తున్నా వాటిని ప్రజలే తిప్పికొడుతున్నారని అన్నారు. దేశంలో ఏ రాష్ట్రంలో అమలు చేయని సంక్షేమ పథకాలు ఒక్క ఆంధ్రప్రదేశ్ లోనే అమలు జరుగుతున్నాయన్నారు. వైఎస్సార్ ఆసరాతో డ్వాక్రా మహిళలకు ఎంతో మేలు జరుగుతందన్నారు. కార్యక్రమంలో సచివాలయ వ్యవసాయ సహాయకులు కోసూరు సత్యన్నారాయణ, గ్రామంలోని డ్వాక్రా మహిళలు, ఇతర సిబ్బంది పాల్గొన్నారు.
కాదేదీ కోర్టు దిక్కారణకు అనర్హం... కాదేదీది ఆక్రమణలకు, ప్రభుత్వ కార్యాలయాల నిర్మాణాలకు చెరువు గర్భం.. అధికారులు చేతిలో వుంటే చెరువు గర్భంలోనేకాదు ...ఏకంగా చెరువులోనే గ్రామసచివాలయ భవనాలు నిర్మించొచ్చు. లాయరు నోటీసులు వచ్చినా వాటిని చెత్తబుట్టలో పడేయొచ్చు...సరిగ్గా అలాగే జరుగుతుంది ఎస్.రాయవరంలోని కొత్తగా మంజూరైన ప్రభుత్వ కార్యాలయాలను నిర్మిస్తున్న మండల అధికారుల తీరు. ప్రభుత్వం గ్రామసచివాలయం, వెలనెస్ సెంటర్, రైతు భరోసా కేంద్రాల నిర్మాణాలకు రూ.75 లక్షలు ఎస్.రాయవరం గ్రామపంచాయతీకి కేటాయించింది. కాగా అధికారపార్టీకి చెందిన నేతలు అధికారులను ప్రసన్నం చేసుకొని, ఆ నిర్మాణాలు కాస్త గ్రామంలో కేటాయించిన ఎస్.రాయవరంలో కాకుండా, పక్క రెవిన్యూ గ్రామమైన కర్రివానిపాలెం రెవిన్యూ విలేజిలోని చెరువు గర్భంలో నిర్మిస్తున్నారు. వాస్తవానికి చెరువు గర్భంలో ఎలాంటి నిర్మాణాలు చేపట్టకూడని ఇప్పటికై హైకోర్టులో ప్రభుత్వ వాదనలు నడుస్తున్నాయి. అయినప్పటికీ కోర్టు ఆదేశాలను బేఖాతరు చేస్తూ, గ్రామంలోకాకుండా మరొక రెవిన్యూ గ్రామంలో నిబంధనలకు విరుద్ధంగా నిర్మాణాలు చేపడుతున్నారు. ఈ విషయమై స్థానికులు కోర్టు నోటీసులు ఇటు జిల్లా పంచాయతీ అధికారికి, స్థానిక ఎంపీడీఓ, గ్రామ సచివాలయానికి పంపారు. అయినప్పటికీ వాటిని పక్కనపెట్టి యధేచ్ఛగా నిర్మాణాలు చేపడుతున్నారు. ఇదే విషయమై లాయరు నోటీసు అందుకున్న జిల్లా పంచాయతీ అధికారి(తేది 18-8-2020న) స్థానిక ఈఓపీఆర్డీకి చెరువు గర్భంలోని నిర్మాణాల విషయమై విచారణ చేసి నివేదిక పంపాలని, లాయరు నోటీసుకి బదులు ఇవ్వాలని ఆదేశించినప్పటికీ, నిర్మాణాలన్నీ సజావుగానే సాగుతున్నట్టుగా జిల్లా అధికారులను నమ్మించారు స్థానిక అధికారులు. అసలు మంజూరైన గ్రామంలో కాకుండా కర్రివానిపాలెం రెవిన్యూ విలేజిలో చెరువు గర్భంలో ప్రభుత్వ నిబంధనలకు విరుద్ధం చేపడుతున్న నిర్మాణాలు ఏవిధంగా చేస్తున్నారు, ఏ అధికారంతో చేస్తున్నారు, ఎవరి ప్రయోజనాలను ద్రుష్టిలో పెట్టుకొని చేస్తున్నారు, అసలు గ్రామంలో కాకుండి పక్క రెవిన్యూ గ్రామంలో ఎందుకు చేస్తున్నారు? ఇలా చాలా అనుమానాలే ఉన్నాయిక్కడ. అంతేకాదు ఎవరు వెళ్లి చూసినా ఇక్కడ ప్రభుత్వాన్ని, అటు కోర్టు ఆదేశాలను దిక్కరిస్తున్నారని అర్ధమవుతుంది. అధికారపార్టీచెందిన నేతలు అదే ప్రాంతంలో కొన్ని స్థలాలు గతంలోనే ఆక్రమించి నిర్మాణాలు చేసుకున్నారు. ప్రభుత్వ కార్యాలయాలు కూడా ఇదే ప్రాంతలో చేపడిపతే తమ ఆస్తులన్నీ క్రమబద్ధీకరణ జరుగుతాయనే ఉద్దేశ్యంతో చేపట్టిన ఈ నిర్మాణాలపై అధికారులు కనీసం విచారణ చేపట్టకపోవడం, నిబంధనలకు విరుద్దంగా గ్రామంలో కాకుండా ఈ రెవిన్యూ గ్రామంలోని చెరువు గర్భంలో నిర్మాణాలు యధేచ్ఛగా చేపట్టడం పలు అనుమానాలకు తావిస్తోంది. ప్రారంభంలో ఉన్న నిర్మాణాల చట్ట వ్యతిరేకంగా జరుగుతున్నాయని న్యాయవాది అన్నపూర్ణయ్య ఈ నోటీసులు పంపారు. నోటీసు బుట్టదాఖలై ప్రభుత్వ కార్యాలయాలు మంజూరైన గ్రామంలో కాకుండా పక్క గ్రామంలో యధేచ్చగా సాగిపోతున్నాయి. ఎప్పుడైనా భారీ వరదలు వస్తే గ్రామంలోని నిరు, చుట్టు ప్రక్కల ప్రాంతాల నీరు ఈ నిర్మాణాలనే తాకుతుంది అయినప్పటికీ, ఆ విషయాలను పట్టించుకోకుండా ఇక్కడి అధికారులు వ్యవహరిస్తున్నారు. మరి ఈ నిర్మాణాలపై జిల్లా అధికారులు ఎలాంటి చర్యలు తీసుకుంటారో వేచిచూడాలి...
శంఖవరం మండలకేంద్రంలో ఈ ఒక్కరోజే 10 కరోనా పాజిటివ్ కేసులు నమోదు అయినట్టు పీహెచ్సీ వైద్యాధికారి డా.ఆర్వీవి సత్యన్నారాయణ తెలియజేశారు. మంగ ళవారం ఆయన మీడియాతో మాట్లాడుతూ, జిల్లా కలెక్టర్ ఆదేశాల మేరకు ఈరోజు మండల కేంద్రంలోని అన్ని ప్రభుత్వశాఖల ఉద్యోగులకు పరీక్షలు నిర్వహిం చినట్టు ఆయన వివరించారు. మొత్తం 72 మందికి స్వాబ్ ర్యాపిడ్ టెస్టులు చేయగా అందులో 10 పాజిటివ్ గా నమోదు అయ్యాయని అన్నారు. శంఖవరం మండల కేంద్రంలో విపరీతంగా పెరుగుతున్న పాజిటివ్ కేసులపట్ల ప్రజలు చాలాఅప్రమత్తంగా ఉండాలన్నారు. అత్యవసర సమయాల్లో తప్పా మిగిలిన సమయంలో ఇంట్లోనే ఉండి మాస్కులు ధరించాలన్నారు. ముఖ్యంగా గర్భిణీ స్త్రీలు, ముసలివారు, చిన్నపిల్లలు చాలా జాగ్రత్త వహించారు. ప్రతీనిత్యం ఏపనిచేయడానికైనా ముందు, తరువాత ఖచ్చితంగా రెండు నిమిషాల పాటు చేతులను మోచేతి వరకూ సబ్బుతో కడుక్కోవాలన్నారు. అధిక జ్వరం, దగ్గు, రొంప, ఒళ్లు నొప్పులు ఉంటే వెంటనే దగ్గర్లోని ఆరోగ్యసిబ్బందిని సంప్రదించి కరోనా పరీక్షలు చేయించుకోవాలన్నారు. ఈ కార్యక్రమంలో ఎంపీడిఓ జె.రాంబాబు, తహశీల్దార్, సుబ్రమణ్యం, మూడు గ్రామసచివాలయాలకు చెందిన కార్యదర్శిలతో పాటు ఇతర అధికారులు పాల్గొని పరీక్షలు చేయించుకున్నారు.
విశాఖజిల్లా, ఎస్.రాయవరం మండలంలో మద్దాలవీధి లింగరాజుపాలెం రహదారి చాలా దారుణంగా తయారైంది. రోడ్డు మొత్తం గతుకుల మయంగా మారింతి. చిన్న వర్షంగా పడినా గోతులన్నీ మురుగు నీటిత నిండిపోయి ప్రయాణానికే ఇబ్బందులు ఏర్పాడుతున్నాయి. దీంతో ఈ ప్రధాన రహదారిలో ప్రయాణించడానికి వాహన చోదకులు తీవ్రవ ఇబ్బందులు పడుతున్నారు. తమ ప్రాంతాల్లో రోడ్ల దుస్థితిని ప్రభుత్వ అధికారులు స్వయంగా చూస్తే తప్పా తాము పడుతున్న ఇబ్బందులు తెలియవని సామాజివేత్త, సహచట్టం కార్యకర్త సోమిరెడ్డి రాజు తెలియజేస్తున్నారు. ఆయన మీడియాతో మాట్లాడుతూ, రోడ్డు మొత్తం గుంతలు పడిపోయి రాళ్లు పైకి తేలిపోవడంతో ఈహదారిలో ప్రాయాణం చేయడానికి చాలా ఇబ్బందులు పడుతున్నామన్నారు. ఇప్పటికే ఈ విషయాన్ని స్థానిక ఎంపీడీఓ ద్రుష్టికి తీసుకెళ్లామన్నారు. కొత్తరోడ్డు వేయకపోయినా రోడ్డులో పడ్డ భారీ గుంతలను పూడ్చినా కాస్త ఉపసమనం లభిస్తుందని ఆయన తెలియజేస్తున్నారు. ప్రభుత్వం నరేగా నిధులతో ఈ ప్రాంతంలో కొత్తరోడ్డు వేస్తే ప్రధాన రహదారి ఇబ్బందులు తొలగుతాయని రాజు ప్రభుత్వాన్ని కోరుతున్నారు.
శంఖవరం మండలకేంద్రంలో ఈ ఒక్కరోజే అత్యధికంగా17 కరోనా పాజిటివ్ కేసులు నమోదు అయినట్టు పీహెచ్సీ వైద్యాధికారి డా.ఆర్వీవి సత్యన్నారాయణ తెలియజేశారు. శనివారం ఆయన మీడియాతో మాట్లాడుతూ, 150 మందికి స్వాబ్ ర్యాపిడ్ టెస్టులు చేయగా అందులో 17 పాజిటివ్ గా నమోదు అయ్యాయని అన్నారు. శంఖవరంలో విపరీతంగా పెరుగుతున్న పాజిటివ్ కేసులపట్ల ప్రజలు చాలాఅప్రమత్తంగా ఉండాలన్నారు. అత్యవసర సమయాల్లో తప్పా మిగిలిన సమయంలో ఇంట్లోనే ఉండి మాస్కులు ధరించాలన్నారు. ముఖ్యంగా గర్భిణీ స్త్రీలు, ముసలివారు, చిన్నపిల్లలు చాలా జాగ్రత్త వహించారు. ప్రతీనిత్యం ఏపనిచేయడానికైనా ముందు, తరువాత ఖచ్చితంగా రెండు నిమిషాల పాటు చేతులను మోచేతి వరకూ సబ్బుతో కడుక్కోవాలన్నారు. అధిక జ్వరం, దగ్గు, రొంప, ఒళ్లు నొప్పులు ఉంటే వెంటనే దగ్గర్లోని ఆరోగ్యసిబ్బందిని సంప్రదించి కరోనా పరీక్షలు చేయించుకోవాలన్నారు.
విశాఖజిల్లాలో గ్రామ సచివాలయాలు, రైతు భరోసా కేంద్రాలు త్వరితగతిన పూర్తి చేసి అందుబాటులోకి తీసురావాలని జిల్లా కలెక్టర్ వి. వినయ్ చంద్ పంచాయితీరా జ్ ఎస్.ఇ. ని ఆదేశించారు. శనివారం అచ్యుతాపురం మండలంలో పర్యటించి హరిపాలెం గ్రామం, కొండకర్ల ఆవ, చీమలాపల్లి గ్రామాలను ఆయన సందర్శించి నాడు – నేడు, రైతు భరోసా కేంద్రాలు, గ్రామ సచివాలయాల నిర్మాణ పనులను ఆయన పరిశీలించారు. హరిపాలెం గ్రామంలో కొత్తగా నిర్మించిన గ్రామ సచివాలయ భవనంను పరిశీలించి సంతృప్తి వ్యక్తం చేశారు. ముఖ్యమంత్రి కన్న కలలకు దగ్గరగా గ్రామ సచివాలయం ఉందన్నారు. గ్రామ సచివాలయం భవనం వలె రైతు భరోసా కేంద్రంను నిర్మించాలని తెలిపారు. రైతు భరోసా కేంద్ర నిర్మాణం ఎన్ని రోజుల్లో పూర్తి చేసి అందుబాటులోకి వస్తుందని పంచాయితీ రాజ్ ఎస్.ఇ సుధాకర్ రెడ్డి.ని అడిగి తెలుసుకున్నారు. నిర్మాణాలను త్వరితగతిన పూర్తి చేయాలని ఆదేశించారు. ఈ పర్యటనలో అనకాపల్లి రెవెన్యూ డివిజనల్ అధికారి సీతారామారావు, పంచాయితీ రాజ్ ఎస్.ఇ సుధాకర్ రెడ్డి, ఎస్.ఎస్.ఎ. పి.ఓ మల్లిఖార్జున రెడ్డి, తహసిల్థార్ నారాయణరావు, ఎంపిడిఓ మహేష్, తదితరులు పాల్గొన్నారు.
విశాఖరూరల్ జిల్లా పోలీసులు మావోయిస్టుల ఏరివేతలో పురోగతి సాధిస్తున్నారు. అంతేకాదు దళంలో ఉన్న సభ్యులను, ప్రాంతాల నాయకులను లొంగిపోవాలని సూచన చేస్తున్నారు. ఈ తరుణంలోనే జిల్లాలోనే చింతపల్లి మండలం అన్నవరం పోలీసులు మావోయిస్టు పార్టీకి చెందిన బోనంగి నాగేశ్వరరావు(34), గడుతూరి రామచంద్ర పడాల్ (35), సింద్రి అప్పారావు(31)ను అరెస్ట్ చేశారు. వీరిని రిమాండ్కు తరలించామని చింతపల్లి, పాడేరు సీఐలు శ్రీను, పైడపు నాయుడు తెలిపారు. పలు కేసుల్లో వీరు ప్రధాన నిందితులని సీఐ శ్రీను తెలిపారు. స్వచ్ఛందంగా లొంగిపోయిన మావోయిస్టులపై ఎటువంటి కేసులు నమోదు చేయమన్న పోలీసులు అలాంటి మావోయిస్టులకు పునరావాసం ప్రభుత్వం ద్వారా కల్పిస్తామని సీఐలు శ్రీను, పైడపునాయుడు తెలిపారు. మావోయిస్టుల అగ్రనేతలు లొంగిపోతున్నారంటూ మీడితో ప్రచారం జరుగుతున్న తరుణంలో మావోయిస్టుల అరెస్టులు ప్రాధాన్యత సంతరించుకుంటున్నాయి. అంతేకాదు విశాఖ ఏజెన్సీలో మావోయిస్టులను పూర్తిగా నియంత్రించాలనే లక్ష్యంతో జిల్లా పోలీసు యంత్రాంగం పనిచేస్తుంది...
ఏజెన్సీలో నిర్మాణాలు యుద్ద ప్రాతిపధికన పూర్తి చేయాలని జిల్లా కలెక్టర్ వి. వినయ్ చంద్ అధికారులను ఆదేశించారు. శుక్రవారం ఏజెన్సీ పర్యటనలో భాగంగా పాడేరు ఐటిడి ఏ సమావేశ మందిరంలో ఇంజనీరింగ్ అధికారులతో సమావేశం నిర్వహించారు. ఈ సందర్భంగా ఆయన మాట్లాడుతూ, పనులు సకాలంలో నిర్దేశించిన గడువులోగా పూర్తి చేయడానికి ఇంజనీరింగ్ అధికారుల మైండ్ సెట్ మార్చుకోవాలని అన్నారు. రైతు భరోసా కేంద్రాలు, గ్రామ సచివాలయ భవనాలు, అంగన్వాడీ భవనాలు, వై ఎస్ ఆర్ హెల్త్ క్లీనిక్‌లు, నాడు నేడులో ప్రహారీ గోడలు పనులు వేగంగా పూర్తి చేయాలన్నారు. రాష్ట్ర ముఖ్యమంత్రి ఈ ఐదు పనులపై వారం వారం సమీక్షిస్తున్నారని చెప్పారు. ఐదు పనులకు అత్యధిక ప్రాధాన్యత ఇచ్చి పనులు పూర్తి చేసే బాధ్యత ఇంజనీరింగ్ అధికారులపైనే ఉందన్నారు. ఇంజనీరింగ్ అధికారులు ఐటిడి ఏ ప్రాజెక్టు అధికారి అనుమతి లేకుండా మైదాన ప్రాంతానికి వస్తే సస్పెండ్ చేస్తామని హెచ్చరించారు. మన్యంలోనే నివాసం ఉండాలని చెప్పారు. ఏ సమయంలో వీడియో కాన్ఫరెన్స్ పెట్టినా సంబంధిత మండల కేంద్రం నుంచి వీడియో కాన్ఫరెన్స్‌కు హాజరుకావాలని అన్నారు. రేపు చేయవలసిన పనిని ఈరోజే చెయ్యాలని, ఈ రోజు చేయవలసిన పనిని ఇప్పుడే చేయాలని సూచించారు. ఉపాధిహామీ పధకం లో చేపట్టిన పనులు పర్యవేక్షణకు పాడేరు నియోజక వర్గానికి గిరిజన సంక్షేమశాఖ ఈ ఈ కుమార్‌ను,పంచాయతీరాజ్ ఈ ఈని కుసుమ భాస్కర్‌ను బాధ్యులుగా నియమించినట్లు చెప్పారు. అరకువేలీ నియోజక వర్గానికి గిరిజన సంక్షేమశాఖ ఈ ఈ జి.మురళి, పంచాయతీరాజ్ (పి ఐ యు) ఈ ఈ శ్రీనివాస్‌రావును బాధ్యులుగా నియమించామన్నారు. పనులను ప్రతీరోజు తనిఖీ చేసి ఇంజనీర్లతో సమీక్షించాలని ఈ ఈలను ఆదేశించారు. పనులను సవాల్‌గా తీసుకుని పూర్తి చేయాలన్నారు.
ఐటిడి ఏ ప్రాజెక్టు అధికారి డాక్టర్ వెంకటేశ్వర్ సలిజామల మాట్లాడుతూ ఇంజనీర్లకు లక్ష్యాలను నిర్దేశించామని చెప్పారు. మార్చి 31 వతేదీలో రైతు భరోసా కేంద్రాలు , అంగన్వాడీ భవనాలు పూర్తి చేయాలన్నారు. ఉపాధిహామీ మెటీరియల్ కాంపోనెంట్ పనులకు అత్యధిక ప్రాధాన్యత ఇవ్వాలని సూచించారు. ప్రతీ వారం రూ.9.61 కోట్ల పనులు జరగాలని చెప్పారు. ఈ సమావేశంలో పంచాయతీ రాజ్ ఎస్. ఇ జి.సుధాకరరెడ్డి, ఎస్ ఎస్ ఎ పి. ఓ మల్లిఖార్జున రెడ్డి, గిరిజన సంక్షేమశాఖ ఇ ఇ కెవి ఎస్ ఎన్ కుమార్, పంచాయతీ రాజ్ ఇ ఇ కుసుమ భాస్కర్, డ్వమా పి డి సందీప్ 11 మండలాల డి. ఇలు తదితరులు పాల్గొన్నారు.
విశాఖ ఏజెన్సీలో చేపడుతున్న పాఠశాల నిర్మాణంలో మౌళిక సదుపాయాల కల్పనలో రాజీపడరాదని అవసరమైతే మరిన్ని నిధులు కేటాయిస్తామని జిల్లా కలెక్టర్ వి. వినయ్ చంద్ పేర్కొన్నారు. శుక్రవారం వి. మాడుగుల మండలం డి. సురవరం గ్రామంలో నిర్మించిన నాడు – నేడు డెమో పాఠశాలను (కె.జి.బి.వి. విద్యాలయాన్ని) ఆయన పరిశీలించారు. సుమారు 50 లక్షల రూపాయలతో నిర్మించిన కాంపౌండ్ వాల్, పెయింటింగ్, మరుగుదొడ్లు, త్రాగునీరు, తదితర 9 రకాల నాడు-నేడు పనుల ను ఆయన క్షుణ్ణంగా ఆయన పరిశీలించారు. నిధులను సక్రమంగా వినియోగించుకున్నది లేనిది సర్వశిక్ష అభియాన్ పి.ఓ. మళ్లిఖార్జునరెడ్డిని అడిగి తెలుసుకు న్నారు. గ్రూపు కమిటీ సభ్యులలోని ఒకరితో మాట్లాడుతూ ఇంకా ఏమైనా సౌకర్యాలకు నిధులు అవసరమని ఆయనను అడిగి తెలుసుకున్నారు. డైనింగ్ రూం, మరుగుదొడ్లు, కాంపౌండ్ వాల్, తదితర వాటిని ఆయన క్షణ్ణంగా పరిశీలించి నాణ్యతలో లోపం ఉండకూడదన్నారు. ఈ కార్యక్రమంలో ఇంజనీరింగ్ అధికారులు పాల్గొన్నారు.
రైతులు పొలం నిర్వహణలో మిత్ర పురుగుల యొక్క లాభాలు తెలుసుకోవడం ద్వారా పంటల యాజమాన్యం సులువు అవుతుందని వ్యవసాయాధికారి కెజె చంద్రశేఖ ర్ సూచించారు. గురువారం శంఖవరం మండలం అన్నవరంలో రైతులకు పొలంబడి నిర్వహించారు. ఈ సందర్భంగా రైతులకు పలు యాజమాన్య పద్దతులపై సూచనలు సలహాలు చేశారు. అంతేకాకుండా పంటలకు ఎలుకలు ఏ విధంగా నష్టం కలిగిస్తాయో వివరిస్తూ, వాటిని నియంత్రించే పద్దతులను కూడా రైతులకు తెలియజేశారు. రైతులు నిత్యం పొలం బడి కార్యక్రమంలో పాల్గొనడం ద్వారా మంచి యాజమాన్య పద్దతులు తెలుసుకోవడంతోపాటు, ప్రభుత్వం అందించే పలు పథకాల కోసం కూడా తెలుసుకోవడానికి వీలుపడుతుందన్నారు. గ్రామాల్లో రైతులకు ఏ అవసరం వచ్చినా ప్రతీగ్రామంలోని రైతు భరోసా కేంద్రాలను సంప్రదిస్తే అక్కడ గ్రామ వ్యవసాయ సహాయకులు రైతులకు తగు సూచనలు సలహాలు ఇస్తారని అన్నారు. ఈ కార్యక్రంలో ఏఈఓ వై.రాబిన్ సుదర్శన్, వివిఏ మణికంఠ, రైతులు పాల్గొన్నారు...
విశాఖ ఏజన్సీ లోని కోవిడ్ కేంద్రాలు పరి శుభ్రంగా ఉంచాలని రెవెన్యూ డివిజనల్ అధికారిణి కె.లక్ష్మి శివజ్యోతి వైద్యాధికారులను ఆదేశించారు. గురువారం పాడేరు లో ని కోవిడ్ కేంద్రాన్ని గారు ఆమె ఆకస్మికంగా తనిఖీ చేసారు. ఈసందర్భంగా ఆర్డీఓ మాట్లాడుతూ, కోవిడ్ కేసులున్న ఏరియాలో కంటైన్మెంటు జోన్స్ ఏర్పాటు చేయాలన్నారు. చుట్టుపక్కల బార్కేట్స్ ఏర్పాటు చేసి ఒకప్రక్క మార్గం వుండేటట్లు చూడాలని, ఈ కోవిడ్ కేంద్రాలకు సంబంధించి పంచాయితీ సెక్రటరీ లు, విలేజ్ వాలంటీర్లు కంటైన్మెంటు జోన్స్ లోకి బయట వారిని రానివ్వకుండా చూడాలన్నారు. కోవిడ్ సెంటర్స్ ను ఎంపి.డి.ఓ లు,వైద్య సిబ్బంది నిత్యం పర్యవేక్షించాలని ఆదేశించారు. ప్రతీ 200 మీటర్ల పరిధిలో కోవిడ్ కేసులు వచ్చినచో కంటైన్మెంటు జోన్స్ ఏర్పాటు చేయాలని అన్నారు. కంటైన్మెంటు జోన్ 28 రోజులు వుంచి అధికారులు ఆదేశాలు ఇచ్చేవరకు బార్కేట్స్ ని తొలగించకూడదని తెలిపారు. ఈ కార్యక్రమం లో ఎడిషనల్ డియమ్ హెచ్. ఓ.లీలాప్రసాద్,మెడికల్ ఆఫీసర్ ప్రవీణ్, కోవిడ్ నూడల్ ఆఫీసర్ డాక్టర్ ప్రవీణ్ వర్మ, వైద్య సిబ్బంది పాల్గొన్నారు.
విశాఖ మన్యంలో రూ.188 కోట్ల 50 లక్షలతో జరుగుతున్న నిర్మాణపు పనులను త్వరితగతిన పూర్తి చేయాలని పాడేరు ఐటిడిఏ పీఓ డాక్టర్ వేంకటేశ్వర్ సలిజామల అధికారులను ఆదేశించారు. గురువారం ఐటిడి ఏ సమావేశ మందిరంలో పంచాయతీ రాజ్, గిరిజన సంక్షేమశాఖ, ప్రత్యేక నీటి పారుదల, రహదారులు భవనా లు,గృహ నిర్మాణ శాఖ ఇంజనీరింగ్ అధికారులతో ఉపాధిహామీ కన్వర్జన్స్ పనులపై సమావేశం నిర్వహించారు. ఈ సందర్భంగా ఆయన మాట్లాడుతూ, ఉపాధిహామీ పనులు పంచాయతీ రాజ్ శాఖ ఇంజనీరింగ్ విభాగం నేతృత్వంలో జరుగున్నాయని, పనిభారం పెరిగి నిర్మాణాలు సకాలంలో పూర్తి చేయలేకపోతున్నారని, జిల్లా కలెక్టర్ అన్ని శాఖల ఇంజనీరింగ్ అధికారులను బాధ్యులను చేస్తూ ఉత్తర్వులు జారీ చేసారన్నారు. ప్రతీ మండలానికి ఒక ఉపకార్య నిర్వహక ఇంజనీరు,4 సహాయక ఇంజనీర్లు విధులు నిర్వహిస్తారని చెప్పారు. అన్ని శాఖల ఇంజనీరింగ్ అధికారులు ఈపనులు మావికావు అనే భావన విడనాడి సమన్వంతో మార్చి నెలాఖరునాటికి పనులు పూర్తి చేయాలని స్పష్టం చేసారు. రాష్ట్ర ప్రభుత్వం ఆదేశాల మేరకు మన్యంలో పెద్ద ఎత్తున ఉపాధి నిధులు ఖర్చు చేయాలన్నారు. 11 మండలాలలో 1629 పనులు జరుగుతున్నాయన్నారు. వీటిలో 1600 ల భవన నిర్మాణాలు ఉన్నాయన్నారు. ఇంజనీర్లకు అప్పగించిన పనిని నిర్దష్టమైన గడువులోగా పూర్తి చేయాలన్నారు. వారానికి రూ.9.61 కోట్ల ఖర్చు చేయాలన్నారు. ప్రతీ వారం పనుల పురోగతిపై సమీక్షిస్తామన్నారు. ప్రహారీ గోడల నిర్మాణానికి అధిక ప్రాధాన్యత ఇవ్వాలన్నారు. నిర్మాణానికి పటిష్టమైన నాణ్యతా ప్రమాణాలు పాటించాలని చెప్పారు. మార్చి నెలాఖరు నాటికి పనులు పూర్తి చేయాలని ఆదేశించారు.
పంచాయతీ రాజ్ శాఖ సూపరిండెంట్ ఇంజనీర్ జి. సుధాకర రెడ్డి మాట్లాడుతూ, రూ.84.56 కోట్ల తో 212 గ్రామ సచివాలయ భవనాలు, రూ.45.56 కోట్లతో 209 రైతు భరోసా కేంద్రాలు, రూ.20.18 కోట్ల తో 135 వై ఎస్ ఆర్ హెల్త్ క్లీనిక్‌లు, రూ.38.28 కోట్లతో 382 అంగన్వాడీ భవన నిర్మాణాలు జరుగు తున్నాయన్నారు. భవన నిర్మాణాలను సకాలంలో పూర్తి చేసి అందుబాటులోకి తీసుకుని రావాలన్నారు. ఈ సమావేశంలో గిరిజన సంక్షేమ శాఖ ఇ ఇలు కెవి ఎస్ ఎన్ కుమార్, జి.మురళి, పంచాయతీ రాజ్ ఇ ఇ. ఆర్ కె భాస్కర్, పి ఐ యు ఇ ఇ శ్రీనివాస్, అన్ని శాఖల ఇంజనీరింగ్ అధికారులు పాల్గొన్నారు.
పాడేరు ఐటీడీఏ పరిధిలోని 11 మండలాల్లో విధులు నిర్వహిస్తున్న అధికారులు, సిబ్బంది స్థానికంగా అందుబాటులో ఉండకపోతే చర్యలు తీసుంటామని సమీకృత గిరిజనాభివృద్ధి సంస్థ ప్రాజెక్ట్ అధికారి డా.వెంకటేశ్వర్ సలిజామల తీవ్రంగా హెచ్చరించారు. గురువారం ఈమేరకు అధికారులకు ఉత్తర్వులు జారీచేశారు. గవర్న మెంట్ జి.ఓ.57 ప్రకారం స్థానికంగా ఉండని అధికారులపై చర్యలు తీసుకుంటామని పేర్కొన్నారు. ఏజెన్సీ నుంచి అధికారులు మైదాన ప్రాంతాలకు వెళ్ళేటప్పుడు ఐటీడీఏ ప్రాజెక్ట్ అధికారి అనుమతిపొంది వెళ్లాలని చెప్పారు. ఇష్టారాజ్యంగా వ్యవహరిస్తే కఠినంగా వ్యవహరిస్తామని ఘాటుగా హెచ్చరించారు. పీఓ జారీచేసిన ఉత్త ర్వులతో స్థానికంగా ఉండని అధికారులు ఖచ్చితంగా స్థానికంగా ఉండాల్సిందే. ముఖ్యంగా వైద్య ఆరోగ్యశాఖ, ఇంజనీరింగ్, గ్రామసచివాలయ సిబ్బంది మైదాన ప్రాంతాల నుంచి అధికంగా రాకపోకలు సాగిస్తున్నారు. మన్యంలో బయోమెట్రిక్ లేని ప్రాంతాల్లో కొంతమంది సిబ్బంది 15 రోజులకి ఒకసారి కూడా ప్రభుత్వ కార్యాల యాలకు రాకుండా కొందరు అధికారుల అండదండలతో ఇష్టానుసారం విధులు నిర్వహిస్తున్నారు. పీఓ జారీ చేసిన ఉత్తర్వులతో ఖచ్చితంగా స్థానికం నివాసం లేకపోతే చర్యలు తప్పేట్టు లేవు...
