వైఎస్సార్సీపీ సీనియర్ నాయకులు, నర్సీపట్నం మార్కెట్ కమిటీ చైర్మన్,  చిటికెల భాస్కరనాయుడుని కేంద్ర మంత్రి కిషన్ రెడ్డి విశాఖలో ఘనంగా సత్కరించారు. విశాఖజిల్లా, గొలుగొండ మండలం క్రిష్ణదేవిపేట గ్రామంలోకి అల్లూరి అడుగుపెట్టిన సమయంలో చిటికెల భాస్కరనాయుడు కుటుంబం ఆశ్రయం కల్పించింది. ఆ విషయాన్ని తెలుసుకున్న కేంద్ర మంత్రి విశాఖకు భాస్కరనాయుడుని రప్పంచి సత్కరించారు. అల్లూరి వంటి మహానుభావుడికి ఆశ్రయం కల్పించి చరిత్రలో నిలిచిపోయారని కొనియాడారు. అంతేకాకుండా అల్లూరి విగ్రహాన్ని పార్లమెంటులో ప్రతిష్టంచడానికి తప్పకుండా చర్యలు కూడా తీసుకుంటామని కేంద్ర మంత్రి ఆయనకు హామీ ఇచ్చారు. ఈ సందర్భంగా అల్లూరి సంచరించిన ప్రదేశాలను కేంద్రప్రభుత్వం కూడా ప్రత్యేక టూరిజం ప్రాజెక్టుగా తీర్చిదిద్డడానికి సహకారం అందించాలని కేంద్ర మంత్రిని భాస్కరనాయుడు కోరడంతో దానికి కూడా ఆయన సూత్రప్రాయంగా అంగీకరించారు. ఈ కార్యక్రమంలో ఏఎల్ పురం ఎంపీటీసీ సభ్యుడు చింత బుల్లి ప్రసాద్ తదితరులు పాల్గొన్నారు.

భరతమాత దాశ్య శ్రుంఖలాలు తెంచడం కోసం మన్యం వీరుడు, విప్లవాగ్ని అల్లూరి సీతారా మరాజు 27 సంవత్సరాలకే తన ప్రాణాలను త్రుణప్రాయంగా వదిలిపెట్టారని అల్లూరి చరిత్ర పరిశోధకులు, పి.బాలభాను(ఈఎన్ఎస్ బాలు) కొనియాడారు. అల్లూరి 89వ వర్ధంతి సందర్భంగా కాకినాడ జిల్లా, శంఖవరం మండల కేంద్రంలో నిర్మించిన అల్లూరి విగ్రహానికి ఉప సర్పంచ్ చింతంనీడి కుమార్ ఆధ్వర్యంలో పూలమాలలు వేసి ఘనంగా నివాళులు అర్పించారు. ఈ సందర్భంగా ఈఎన్ఎస్ బాలు మాట్లాడుతూ, అల్లూరి మరణించి నేటికి 98 సంవత్సరాలు అవుతుందన్నారు. అల్లూరి బ్రిటీష్ సేనలపై చేసిన తిరుగుబాటు ఉద్యమం ఒక చారిత్రాత్మకమైనదని, అది భారత దేశంతోపాటు ప్రపంచ దేశాలకు నేటికీ దిక్సూచి అని అన్నారు. అప్పటి బ్రిటీష్ కలెక్టర్ రూథర్ ఫర్డ్  కి అల్లూరి సీతారామరాజు ఇదే శంఖవరం గ్రామం నుంచి మిరపకాయ్ టపా వర్తమానం పంపి, దమ్ముంటే తనను నేరుగా వచ్చి కలవాలని, సాయంత్రం వరకూ స్థానిక పాఠశాలలో బస చేస్తానని సవాల్ విసిరారని, అయితే అల్లూరి మిరపకాయ్ టపా యావత్ బ్రిటీషు ప్రభుత్వాన్నే గడ గడ లాడించి అల్లూరిని కలిసే దైర్యం ఆ కలెక్టర్ చేయలేకపోయారని గుర్తుచేశారు. అంతటి దైర్యసాలి అల్లూరి మన్యం పితూరీ ఉద్యమం శంఖరం, అన్నవరం, బెండపూడి గ్రామాల్లో కూడా కొనసాగిందని ఆయన తెలియజేశారు. అల్లూరి మన్య పితూరి విప్లవం దేశానికే ఒక ఆదర్శమని కొనియాడారు. ఉప సర్పంచ్ కుమార్ మాట్లాడుతూ, అల్లూరి సీతారామరాజు పోరాట పటిమను యువత ఆదర్శంగా తీసుకొని ఆయన ఆశయ సాధనకు క్రుషి చేయాలన్నారు. సచివాలయ కార్యదర్శిలు శ్రీరామచంద్రమూర్తి, శంకరాచార్యులు, సత్య, మహిళా పోలీస్ జిఎన్ఎస్ శిరీష లు మాట్లాడుతూ, అల్లూరి సీతారామరాజు పోరాటం చేసిన శంఖవరం గ్రామంలో ఆయనకు నివాళులు అర్పించడం గర్వంగా ఉందన్నారు. ఆయన స్పూర్తితో ప్రజలకు ఇతోదికంగా సచివాలయాల ద్వారా మరింతగా సేవలు అందిస్తామని అన్నారు. ఈ కార్యక్రమంలో జేఏబీసి రమణమూర్తి, మూడు సచివాలయాల సిబ్బంది, స్థానికులు తదితరులు పాల్గొన్నారు.

నీటి ఎద్దడి సమస్యపై వెంటనే స్పందించాలని పార్వతీపురం మన్యం జిల్లా కలెక్టర్ నిశాంత్ కుమార్ అధికారులను ఆదేశించారు. మక్కువ మండలం వెంకట బైరి పురం, కాశీ పట్నం గ్రామ సచివాలయాలను జిల్లా కలెక్టర్ శుక్ర వారం తనిఖీ చేశారు. వేసవి తీవ్రత, నీటి ఎద్దడిపై ఆరా తీశారు. వేసవిలో మంచినీటి ఎద్దడి లేకుండా సరఫరాకు చర్యలు తీసుకోవాలన్నారు. గ్రామాల్లో తాగునీటి సమస్యపై ఫిర్యాదులు  గూర్చి అడిగి తెలుసుకున్నారు. తాగునీటి సమస్య రాకూడదని అవసరమైన చోట్ల బోర్ల మరమ్మత్తులు జరిపించాలని అదేశించారు. సచివాలయాల స్థాయిలో పర్యవేక్షణ చేయాలని ఆయన ఆదేశించారు. గ్రామాల్లో తాగు నీటి పరిస్థితిని గూర్చి సమాచారం ఉండాలని ఆయన పేర్కొన్నారు. ఏ గ్రామంలోనూ తాగు నీటి సమస్య తలెత్తరాదని ఆయన స్పష్టం చేశారు. గ్రామ సచివాలయంలో సిబ్బంది బయో మెట్రిక్ హాజరు పరిశీలించారు. సిబ్బంది విధులకు సకాలంలో హాజరు కావాలని ఆయన అదేశించారు. సచివాలయంలో అందిస్తున్న సేవలు,  సర్వే నిర్వహణ గురించి వివరాలు అడిగి తెలుసుకున్నారు.  ప్రజలకు సకాలంలో సేవలు అందించాలని, ప్రజల దరఖాస్తులు, స్పందన అర్జీలు వెంటనే పరిష్కరించాలని సూచించారు. ప్రభుత్వం ఎంతో ప్రాధాన్యతను ఇచ్చి సచివాలయ వ్యవస్థను ఏర్పాటు చేసిందని, గ్రామాలలో  సచివాలయ వ్యవస్థ ఉన్నందున ప్రజలకు కావలసిన అన్ని  సేవలు సకాలంలో అందించాలని ఆయన పేర్కొన్నారు. ప్రభుత్వ పథకాలు, కార్యక్రమాల వివరాలు సచివాలయంలో అందుబాటులో ఉండాలని, సామాజిక తనిఖీ పక్కాగా జరగాలని ఆయన ఆదేశించారు. 

ప్రజల ఆకాంక్షలు, ప్రభుత్వ ఆశయాల కనుగుణంగా మండల, గ్రామ స్థానిక సంస్థల ప్రతినిధులు అంకిత భావంతో పనిచేయాలని రాష్ట్ర బిసి సంక్షేమం, సమాచారపౌర సంబంధాలు, సినిమాటోగ్రఫీ శాఖ మంత్రి చెల్లుబోయిన శ్రీనివాస వేణుగోపాల కృష్ణ కోరారు. గురువారం సాయంత్రం సామర్లకోట మండల ప్రజాపరిషత్ కార్యాలయంలో నూతనంగా నిర్మించిన వైఎస్ఆర్ సమావేశ హాలును రాష్ట్ర మంత్రి శ్రీనివాస వేణుగోపాల కృష్ణ, కాకినాడ పార్లమెంట్ సభ్యులు వంగా గీతా విశ్వనాధ్, రాష్ట్ర హౌసింగ్ కార్పొరేషన్ చైర్మన్ దవులూరి దొరబాబు లతో కలిసి ప్ర్రారంభించారు.  15వ ఆర్థిక సంఘం నిధులు 24 లక్షల రూపాయలతో మండల ప్రజా పరిషత్ కార్యాలయ భవనం మొదటి అంతస్తులో సమావేశ హాలు, వీడియో కాన్ఫరెన్స్ హాలులను నిర్మించారు. ఈ సందర్భంగా సామర్లకోట ఎంపిపి బొబ్బరాడ సత్తిబాబు అధ్యక్షతన నిర్వహించిన సభలో మంత్రి శ్రీనివాస వేణుగోపాల కృష్ణ మాట్లాడుతూ ప్రభుత్వ సంక్షేమ, అభివృద్ది కార్యక్రమాలను ప్రజలకు అందించడంలో స్థానిక సంస్థల పాత్ర అత్యంత కీలకమైనదన్నారు.  స్వయంగా తాను రాజకీయ ఓనమాలు దిద్దుకుని, పరిణితి చెందిన ప్రజా సేవకుడిగా, రాష్ట్ర మంత్రిగా ఎదగడానికి స్థానిక సంస్థల ప్రతినిధిగా గడించిన అమూల్య అనుభవాలే దోహదం చేశాయన్నారు.  పంచాయితీ రాజ్ వ్యవస్థ పాలనా వికేంద్రికరణకు దోహదం చేస్తే, రాష్ట్ర ముఖ్యమంత్రి వినూత్న, చారిత్రక ఒరవడిగా అమలులోకి తెచ్చిన గ్రామ సచివాలయ, గ్రామ వలంటీర్ వ్యవస్థలు రాష్ట్ర ప్రభుత్వ సంక్షేమ, సుపరిపాలనా ఫలాలను ప్రజలకు వారి గడపలోనే అందుబాటులోకి తెచ్చాయన్నారు. 

తమ గత వైఫల్యాలను మరిచిపోయి, ముఖ్యమంత్రి జగన్మోహనరెడ్డి జనరంజకంగా అందిస్తున్న సంక్షేమ పాలనపై కొందరు, కొన్ని పత్రికలు, ఛానళ్లు చేస్తున్న దుష్ప్రచారాలు, దుష్ట ప్రచారాలను విజ్ఞత కలిగిన రాష్ట్ర ప్రజలు నమ్మరని, ప్రజల ఆదరాభిమానాలు ఎన్నటికీ ముఖ్యమంత్రి జగన్మోహన రెడ్డి పట్ల సుస్థిరంగా ఉంటాయన్నారు. ఇటీవవలి  స్థానిక సంస్థల ఎన్నికలలో అత్యధిక సంఖ్యలో యంపిపిలు, యంపిటిసిలు, జడ్పిటిసిలు ఏకగ్రీవంగా ఎన్నిక కావడం రాష్ట్ర ప్రభుత్వ ఆదర్శ పాలన పట్ల ప్రజలు హర్షానికి నిలువెత్తు దర్పణం పడుతోందన్నారు. స్థానిక సంస్థల ప్రజాప్రతినిదులు అంకిత భావంతో సేవలు అందించి ఈ ప్రజాదరణను చెక్కుచెదరనీయకుండా చిరకాలం నిలపాలని కోరారు.  నూతనంగా నిర్మించిన  సమావేశ హాలు ప్రజోపయోగ చర్చలు, ప్రణాళికలకు వేదికగా నిలిచి, మరింత మెరుగైన సేవలందించేందుకు దోహదం కావాలని మంత్రి శ్రీనివాస వేణుగోపాల కృష్ణ కాక్షించారు. కాకినాడ ఎంపి వంగా గీత విశ్వనాధ్ మాట్లాడుతూ 2009 జడ్పిచైర్మన్ గా సామర్లకోట మండల పరిషత్ భవనానికి శంకుస్థాపన చేసిన మంత్రి వేణగోపాలకృష్ణ చేతుల మీదుగానే మొదటి అంతస్తు ప్రారంభం కావడం ముదాహమని, ఆయన హస్తవాసితో భవనం మరిన్ని హంగులతో మరింత అభివృద్ది కావాలని కాక్షించారు. ప్రజలకు చేరువలో ఉండి వారితే మమేకమై సేవలు అందించే అపూర్వ అవకాశాన్ని స్థానిక సంస్థల ప్రతినిధులు సద్వినియోగం చేసుకుని మన్ననలు పొందాలని కోరారు.  నూతన భవన వసతి సమకూరిన సందర్భంగా సామర్లకోట మండల పరిషత్ అధ్యక్షులు, సభ్యులకు రాష్ట్ర హౌసింగ్ కార్పొరేషన్ చైర్మన్ దవులూరి దొరబాబు శుభాకాంక్షలు తెలియజేశారు.   

అనంతరం సమావేశంలో మండల పరిషత్ అధ్యక్షులు బొబ్బరాడ సత్తిబాబు, సభ్యులు మంత్రి, ఎంపిలను ఘనంగా సత్కరించి ధన్యవాదాలు తెలియజేశారు.  ఈ కార్యక్రమంలో సామర్లకోట జడ్పిటిసి ఎలిశెట్టి అమృత, రాష్ట్ర్ర అయ్యారక కార్పొరేషన్ చైరపర్సన్ ఆవాల రాజేశ్వరి, సామర్లకోట మున్సిపల్ చైర్పపర్సన్ గంగిరెడ్డి అరుణ, వైస్ చైర్పర్సన్ వుబా జాన్ మోజేష్, ఎంపిడిఓ కె.నరేంద్రరెడ్డి, తహసిల్థారు వి.జితేంద్ర, ఈఓపిఆర్డి సూర్యనారాయణ, పలువురు పట్టన, మండల ప్రముఖులు పాల్గొన్నారు.  

గుంటూరు పరమయ్యకుంటకు చెందిన బీటెక్ విద్యార్థిని రమ్య హత్య కేసులో ప్రత్యేక కోర్టు ముద్దాయికు విధించిన శిక్షను స్వాగతిస్తున్నామనీ, కేవలం 9 నెలల కాలంలో హత్య కేసులో శిక్ష విధించటం సంచలనం అని రాష్ట్ర వైసిపి మహిళా విభాగం ప్రధాన కార్యదర్శి జమ్మలమడక నాగమణి ఒక ప్రకటనలో పేర్కొన్నారు.  ఈ మేరకు ఆమె శుక్రవారం కాకినాడ రూరల్ లో మీడియాకి ప్రకటన విడుదల చేశారు. గత ఏడాది ఆగస్ట్ 15న నడిరోడ్డుపై అందరూ చూస్తుండగా శశికృష్ణ అనే దుర్మార్గుడు రమ్యను కత్తితో పొడిచి హత్య చేసిన విషయం రాష్ట్ర వ్యాప్తంగా సంచలనం సృష్టించిందనీ సదరు కేసులో  పొలీసు వారు హత్యా నేరానికి సంబంధించిన అన్ని విషయాలను కోర్టుకు అందజేయటంవలన ఫాస్ట్ ట్రాక్ కోర్టు నిందితుడుకి మరణశిక్ష  విధించటం ఆనందకరమన్నారు. ఆది నుంచి రాష్ట్ర వైసిపి ప్రభుత్వం మహిళలకు రక్షణగా అనేక కార్యక్రమాలు నిర్వహిస్తోందన్నారు. దిశా లాంటి చట్టాలు తీసుకురావటం, కఠినమైన శిక్షలు విధిస్తామనీ ప్రచారం చేస్తున్నా కొంతమంది దుర్మార్గుల వలన ఇలాంటి సంఘటనలు జరుగుతున్నాయనీ ఈ కేసులో ముద్దాయికు ఉరిశిక్ష అమలు చేయడం వలన సమాజంలో కాస్త అవగాహన రావచ్చుననీ తెలిపారు. ఈ కేసులో త్వరగతిన వివరాలు సేకరించి కోర్టుకు అందచేసిన పోలీసువారికి కృతజ్ఞతలు తెలుపున్నామనీ, ఇలాంటి శిక్షలు అమలు చేయటం వలన మహిళలపై దాడులు తగ్గవచ్చుననీ, పోలీసువారికి  ప్రత్యేక కోర్టు న్యాయమూర్తికు  ప్రభుత్వానికి కృతజ్ఞతలు తెలుపుతున్నామనీ ఆమె మీడియాకి విడుదల చేసిన ప్రకనటలో పేర్కొన్నారు.