ఆంధ్రప్రదేశ్ లో ఏ రాష్ట్ర ప్రభుత్వం చేయనంత సహాయొ మహిళలకు ఒక్క వైఎస్సార్సీపీ ప్రభుత్వమే చేస్తుందని కాకినాడ ఎంపీ వంగా గీత అన్నారు. శనివారం శంఖశరం మండల కేంద్రంలో నిర్వహించిన వైఎస్సార్ ఆసరా కార్యక్రమంలో ఆమె పాల్గొని  ఎమ్మెల్యే పర్వత శ్రీ పూర్ణ చంద్ర ప్రసాద్ తో కలిసి  1055 సంఘాలకు రూ. 8  కోట్ల నాలుగు లక్షల చెక్కులను అందజేశారు. ఈ సందర్భంగా ఆమె మాట్లాడుతూ, వైఎస్సార్ ఆసరాతో మహిళలంతా ఆర్ధికంగా అభివ్రుద్ధి చెందాలన్నారు. ఎమ్మెల్యే పర్వత మాట్లాడుతూ, ప్రభుత్వం ఏర్పడిన దగ్గర నుంచి మహిళల పక్షపాతిగా సీఎం వైఎస్ జగన్మోహనరెడ్డి చేయూతనందిస్తూ వస్తున్నారన్నారు. దేశంలోనే ఏ రాష్ట్రప్రభుత్వం చేయని విధంగా మహిళలకు ఆసరా పథకం ద్వారా డ్వాక్రా రుణాల మాఫీ దఫ దఫాలుగా  చేస్తున్నారన్నారు. ఈ కార్యక్రమంలో  ఎంపీడీఓ జె.రాంబాబు, తహశీల్దార్ కె.సుబ్రహ్మణ్యం, ప్రత్యేక అధికారి డా.వీరరాజు, ఏసీ అహ్మద్ వల్లీ, వెలుగు సిసి జివిప్రసాద్, నాగలక్ష్మి, సీత తదితరులు పాల్గొన్నారు.

రాష్ట్ర ప్రభుత్వం చేపడుతున్న అభివృద్ధి సంక్షేమ కార్యక్రమాలను క్షేత్రస్థాయి లోని అర్హులైన ప్రజలకు అందించడమే అధికారుల ప్రథమ కర్తవ్యమని జిల్లా కలెక్టర్ ఎం. హరి నారాయణన్ అన్నారు. గుడిపాల మండలంలోని నంగమంగళం గ్రామ సచివాలయంను జిల్లా కలెక్టర్ శనివారం ఉదయం ఆకస్మికంగా తనిఖీ చేశారు. ఈ సందర్భంగా ప్రభుత్వ సంక్షేమ పథకాలకు సంబంధించిన అర్హులు అనర్హుల జాబితాను, సంక్షేమ పథకాలకు సంబంధించిన పోస్టర్లను, సిబ్బంది హాజరు జిల్లా కలెక్టర్ పరిశీలించారు. ఈ సందర్భంగా నంగమంగళం గ్రామ పరిధిలో 3270 మంది ఉన్నారని,1119 ఇల్లు ఉన్నాయని ఇప్పటివరకు 2672 మందికి వ్యాక్సినేషన్ ఇవ్వడం జరిగిందని కలెక్టర్ కు తెలిపారు. మరో పది మంది మాత్రం వాక్సినేషన్ వేయించుకోవాల్సి ఉందన్నారు. గ్రామంలోని మొత్తం 1700 మంది మహిళలకు దీక్ష యాప్ ను డౌన్లోడ్ చేయడం జరిగిందని తెలిపారు. గ్రామంలో మొత్తం 134 మందికి ఇళ్ల తలా లతోపాటు నిర్మాణాలకు మంజూరు కావడం జరిగిందని, 29 మంది సొంత స్థలాల్లో ఇళ్ల నిర్మాణాలు చేసుకుంటున్నారని కలెక్టర్ కు వివరించారు. ఈ సందర్భంగా వైయస్సార్ చేయూత, తోడు, పింఛన్లు, రేషన్ కార్డుల వివరాలను కలెక్టర్ అడిగారు. గ్రామీణ ప్రజలకు సేవలు అందించే ఈ సమయంలో అందరూ కలిసి పని చేయాలని ఏ సంక్షేమ పథకాలు కైనా అర్హత ఉన్న ప్రతి లబ్ధిదారునికి అందేలా చూడాలన్నారు. ఈ సందర్భంగా సంక్షేమ పథకాలకు సంబంధించి అర్హులు ,అనర్హుల జాబితాలను పరిశీలించారు. అదేవిధంగా రైతు భరోసా కేంద్రం ద్వారా రైతులకు అందిస్తున్న పథకాలను, అందించిన ఎరువుల వివరాలను, వేరుశెనగ విత్తన కాయల పంపిణీ, ప్రస్తుత దిగుబడి లను సమీక్షించారు. ఈ క్రాఫ్ బుకింగ్ 349 ఎకరాలకు చేయడం జరిగిందని ఇందుకు సంబంధించి కొన్నింటికి రసీదు ఇవ్వాల్సి ఉందని కలెక్టర్ కుతెలిపారు. ప్రజలు కు సంబంధించి ఎటువంటి విజ్ఞప్తులు వచ్చిన వెంటనే స్పందించాలని సంక్షేమ పథకాలకు సంబంధించి అయితే వారి అర్హతల గురించి వాలంటీర్లు ద్వారా పరిశీలించిన తర్వాత ఆన్లైన్లో అప్లోడ్ చేయాలని, సంక్షేమ పథకాలకు సంబంధించి అర్హత ఉన్న వారికి ఆ పథకాలు అందించే విధంగా చూడాలన్నారు. బొమ్మసముద్రం వద్ద నిర్మిస్తున్న హౌసింగ్ కాలనీని కలెక్టర్ పరిశీలించారు. మొత్తం 42 మందికి ఆ కాలనీలో ఇండ్లు మంజూరు కావడం జరిగిందని ఒక్కరు మినహా అందరూ ఇళ్ల నిర్మాణాలు చేసుకుంటున్నారని, 29 ఇండ్లు బేస్మెంట్ స్థాయి దాటాయని హౌసింగ్ అధికారులు వివరించారు. వేగవంతంగా ఇళ్ల నిర్మాణాలు పూర్తి చేయాలని కలెక్టర్ ఆదేశించారు. ఈ కార్యక్రమంలో హౌసింగ్ పిడి పద్మనాభం, జడ్పీ వైస్ చైర్మన్ రమ్య, ఆర్డిఓ రేణుక, ఎంపీపీ ప్రసాద్ రెడ్డి, తాసిల్దార్ బాబు రాజేంద్రప్రసాద్,బాల గణేశ్ తదితర అధికారులు,అనధికారులు పాల్గొన్నారు.

గ్రామ సచివాలయ సిబ్బంది ఉత్తమ సేవల ద్వారా గ్రామీణ ప్రజల అభిమానాన్ని పొందా లని తద్వారా ప్రభుత్వానికి మంచి పేరు తీసుకు రావాలని సబ్ కలెక్టర్ భావన పేర్కొ న్నారు.  ముఖ్య మంత్రి జగన్ మోహన్ రెడ్డి ఎంతో మంచి ఆశయంతో ప్రవేశపెట్టిన ఈ సచివాలయ వ్యవస్థను విజయవంతం చేసేందుకు అందరూ కృషి చేయాలన్నారు. సబ్ కలెక్టర్ భావన గురువారం సీతానగరం మండలం పెదబోగిలి 1 & 2  గ్రామ సచివాలయాలను ఆకస్మిక తనిఖీ నిర్వహించారు. ఈ సందర్భంగా సచివాలయంలో  ప్రజలకు అందిస్తున్న వివిధ సేవలపై ఆరా తీశారు. సచివాలయంలో నిర్వహిస్తున్న రికార్డులు తనిఖీ చేశారు, ప్రజలకు అందిస్తున్న వివిధ సంక్షేమ పథకాలు అందిస్తున్న తీరును పరిశీలించారు. వలంటీర్లు ప్రజలకు అందుబాటులో ఉండి ప్రభుత్వ సంక్షేమ పథకాలు అందేలా చూడాలని హితవు పలికారు.  ఈ పర్యటనలో సీతానగరం మండలం రెవెన్యూ అధికారులు సిబ్బంది, సచివాలయాల అధికారులు సిబ్బంది పాల్గొన్నారు.

యువత చక్కగా చదువుకోవాలి తప్పితే చెడు మార్గంలో పయనించకూడదని తుని రూరల్ సర్కిల్ ఇన్స్పెక్టర్ కె.కిషోర్ బాబు యువతకు సూచించారు. బుధవారం రౌతులపూడి మండలంలోని సంత పైడిపాల గ్రామంలో సుమారు 930 లీటర్ల సారాను, గ్రామ సమీప సెలయేరు ప్రాంతంలో 8,500 లీటర్ల బెల్లపు ఊటను కనుగొన్న పోలీసులు వాటిని నాశనం చేసారు. ఈ నేరాలకు బాధ్యులుగా భావిస్తున్న ఎనిమిది మందిలో ముగ్గురు వ్యక్తులను అదుపులోనికి తీసుకోగా మరో ఐదుగురు వ్యక్తులు పరారీలో ఉన్నారు. గ్రామం, దాని పరిసరాలను బుధవారం తెల్లవారు జామున 5 గంటల సమయంలో చుట్టి ముట్టి (కార్డన్ సర్చ్) తనిఖీలు నిర్వహించారు. ఫలితంగా అక్రమంగా దాచిన సారా, బెల్లం ఊట నిల్వలను కనుగొన్నారు. ఈ సందర్భంగా  గ్రామ యువతను సమావేశ పరచిన సిఐ యువతకు కౌన్సిలింగ్ నిర్వహించారు. ప్రతి ఒక్కరూ చదువుకుని, ఉన్నత ఉధ్యోగాలు పొందాలని, నాటు సారా, గంజాయి మొదలగు వాటికి దూరంగా ఉండాలని హితవు చెప్తూ అసాంఘిక కార్యకలాపాలపై పోలీసులకు తెలిపి సహకరించాలని కొరారు. ఈ కార్యక్రమంలో కోటనందూరు ఎస్సై అశోక్ కుమార్, సిబ్బంది పాల్గొన్నారు.

అక్క చెల్లెమ్మల స్వావలంభనే ధ్యేయంగా వైఎస్ జగన్మోహన్రెడ్డి పనిచేస్తున్నారని అందులో భాగంగా ఆసరా కల్పిస్తున్నారని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు, అన్నారు. ఈ సందర్భంగా జీవీఎంసీ 1,2 వ వార్డుల లబ్ధిదారులకు తగరపువలస బంతాట మైదానంలో, 3,4 వార్డుల లబ్దిదారులకు ఎగువ పేట నూకాలమ్మ గుడి వద్ద,  పద్మనాభం మండలంలో MPDO కార్యాలయం వద్ద జరిగిన    రెండో దశ ఆసర చెక్కుల పంపిణీ సందర్భంగా ఏర్పాటు చేసిన బహిరంగ సభలో ఆయన మాట్లాడారు.  ముందుగా సీఎం జగన్ చిత్రపటానికి మహిళలతో కలిసి క్షీరాభిషేకం చేశారు. అనంతరం మంత్రి మాట్లాడుతూ వైఎస్ జగన్ మోహన్ రెడ్డి పాదయాత్ర లో ఇచ్చిన మాట ప్రకారం సంక్షేమ పథకాలు రూపకల్పన చేసి అమలు చేస్తున్నారని, మహిళలకు ఎంతో ఆసరాగా నిలుస్తున్నారన్నారు. రాష్ట్రం ఆర్థికంగా ఇబ్బందుల్లో ఉన్నప్పటికీ రెండో దశ ఆసరా కింద మహిళల బ్యాంకు ఎకౌంట్లలో నగదు జమ చేశారన్నారు. రాష్ట్రంలో 31లక్షలు ఇళ్లు లేని పేదలు ఉంటే వారికి పట్టాలు పంపిణీ చేసామని తెలిపారు. ఈ కార్యక్రమంలో  భీమిలి నియోజకవర్గ ఇన్చార్జ్ ముత్తంశెట్టి మహేష్   కార్పొరేటర్లు అక్కరమాని పద్మావతి  ఎడుకొండలు,కోఆప్సన్ మెంబర్ కొప్పలప్రభావతి  భీమిలి  MPP వాసురాజు  ZPTC వెంకటప్పడు  పద్మనాభం  MPP మద్ది రాంబాబు, ZPTC సుంకర.గిరిబాబుతో పాటు మండలనాయకులు పాల్గొన్నారు.

శంఖవరం మండలం కత్తిపూడి గ్రామంలో హైవే డ్రేనేజిలపై విచక్షణా రహితంగా కట్టిన కట్టడాలు డ్రైనేజీ నుంచి వచ్చి గ్యాస్ వాయువల కారణంగా సోమవారం ఉదయం పేలిపోయాయి. అయితే ఆ సమయంలో ఎరికీ ప్రమాదం సంభవించలేదు. డ్రైనేజీలు పై ఎక్కడా గాలి బయటకు పోకుండా నిర్మాణాలు చేపట్టడం వలనే ఈ ప్రమాదం జరిగిందని స్థానికులు చెబుతున్నారు. విషయం తెలుసుకున్న పంచాయతీ సిబ్బంది ఆ ప్రాంతాలను పరిశీలించారు. పరిస్థితిని అంచనా వేస్తున్నారు. కత్తిపూడి మేజర్ పంచాయతీ పరిధిలో చాలా కాలం నుంచి డ్రైనేజీలు సక్రమంగా శుభ్రం చేయించడం లేదు. దీనితో డ్రైనేజీల్లోని మురికి నీరు నుంచి గ్యాస్ వాయువులు ఏర్పడి ఈ ప్రమాదం సంభవించి ఉండవచ్చునని స్థానికులు అంచనా వేస్తున్నారు. ఈ ప్రమాదంపై పంచాయతీ అధికారులు పూర్థిస్థాయిలో విచారణ చేపట్టి డ్రైనేజీలపై నిర్మించాలని స్థానికులు కోరుతున్నారు. జరిగిన ప్రమాదంలో ఎవరైనా మనుషులు ఉండి ఉంటే ప్రాణాలు పోయేవని భయాందోళన వ్యక్తం చేస్తున్నారు.