రాష్ట్ర ప్రభుత్వం అమలుచేస్తున్న సంక్షేమ పథకాలు అర్హులైన ప్రతి ఒక్కరికి  చేరేవిధంగా విధులను నిర్వహించాలని జిల్లాకలెక్టర్  డా.ఎ.మల్లిఖార్జున  సచివాలయ సిబ్బందిని ఆదేశించారు.  శుక్రవారం చోడవరం మండలంలో ఆకస్మిక పర్యటన చేసి గ్రామ సచివాలయాలు, అంగన్ వాడి కేంద్రాలు, జిల్లా పరిషత్ హైస్కూల్,  ఎం .పి.పి. ఎలిమెంటరీ స్కూల్, పి.హెచ్.సి.లను సందర్శించారు. జిల్లా కలెక్టర్ వెంకన్నపాలెం, గోవాడ గ్రామ సచివాలయాలను  సందర్శించి అక్కడి సిబ్బందితో  మాట్లాడారు. కార్యాలయ  రిజిష్టర్లను పరిశీలించారు.  ప్రభుత్వ సేవలు కోసం వచ్చే ప్రజలకు ఎటువంటి ఇబ్బందులు కలుగజేయకుండా వారి అర్జీలను పరిశీలించి పెండింగ్ లేకుండా  నిర్దేశిత సమయంలో  పరిష్కరించాలన్నారు. అర్హులైన ప్రతి ఒక్కరికి  ప్రభుత్వ పథకాలు అందేలా చూడాలన్నారు. అక్కడ గ్రామస్థులతో కలెక్టర్ మాట్లాడి వారి సమస్యలను అడిగి తెలుసుకున్నారు.  అందుకు గ్రామస్దులు కలెక్టర్ తో సింగిల్ రైస్ కార్డులు సక్రమంగా ఇవ్వడం లేదని దానివలన పించన్లు ఆగిపోతున్నాయని, అదే విధంగా పాస్ బుక్ ల కొరకు ఆన్ లైన్ లో నమోదు చేసుకుంటున్నామని  అవి కూడా సరియైన సమయానికి  ఇవ్వడం లేదని కలెక్టర్ కు ఫిర్యాదు చేసారు.  వెంటనే కలెక్టర్ సంబందిత తాసీల్దార్, ఆర్.డి.ఓ లతో వారి సమస్యలను పరిశీలించి పరిష్కరించాల్సిందిగా ఆదేశించారు. చెరువుకు సంబందించిన భూమిలో జగనన్న కాలనీ  లేఅవుట్ లను వేసారని ఫిర్యాదు చేయగా దానిపై ఎంక్వరీ చేయాల్సిందిగా  ఆర్.డి.ఓ ను ఆదేశించారు. సచివాలయ పరిధిలో 18-45 సంవత్సరాల వారికి వ్యాక్సినేషన్   వేసినది లేనిది అడిగి తెలుసుకున్నారు.  నిర్దేశించిన లక్ష్యాలను పూర్తి చేయాలని ఆదేశించారు.  

నాడు –నేడు పథకంలో భాగంగా పంచాయితీ భవన నిర్మాణ పనులను పరిశీలించారు. పనులను వేగవంతంగా పూర్తి చేయాల్సిందిగా సంబందిత అధికారులను ఆదేశించారు.  అంగన్ వాడీ కేంద్రాన్ని పరిశీలించి అక్కడ పిల్లలతో  మాట్లాడారు.  అదే విధంగా జెడ్ పి ఉన్నత పాఠశాల మరియు ఎం .పి.పి. మెయిన్ ఎలిమెంటరీ స్కూల్ సందర్శించి  జగనన్న విద్యాకానుక కిట్ ను పరిశీలించారు.  అన్ని సక్రమంగా అందినవి లేనివి అడిగి తెలుసుకున్నారు. విద్యార్ధులతో కలిసి మధ్యాహ్న బోజనం చేసారు. మెనూ సక్రమంగా అమలు చేస్తున్నది లేనిది ఆరా తీసారు. పాఠశాలలో ఉపాధ్యాయులు, సిబ్బంది ఖాళీల వివరాలను అడిగారు.  నాడు – నేడు పనులను పరిశీలించారు. పాఠశాలలో టాయిలెట్స్, నిరంతర నీటి సౌకర్యం ఉన్నది, లేనిది పరిశీలించారు. హైస్కూల్ లో 10వ తరగతి వరకు మాత్రమే ఉన్నదని, ఇంటర్ మీడియట్ వరకు అప్ గ్రేడ్ చేయాలని విద్యార్ధులు కోరగా పరిశీలించి ప్రభుత్వానికి తెలియజేస్తామని  కలెక్టర్ తెలిపారు. అనంతరం ప్రాధమిక ఆరోగ్యకేంద్రాన్ని కలెక్టర్ తనిఖి చేసారు. వార్డులను పరిశీలించి,  గర్భిణీలు, బాలింతలతో మాట్లాడి  వారి కేస్ షీట్ లను పరిశీలించారు. ఆరోగ్య శ్రీ పథకం  వారికి వర్తింప చేస్తున్నది లేనిది డాక్టర్లను అడిగి తెలుసుకున్నారు. సీజనల్ వ్యాధులు ప్రభలుతున్న నేపద్యంలో డెంగ్యూ, మలేరియా నియంత్రణకు జాగ్రత్తలు తీసుకోవాలని, అవసరమైన మందులను అందుబాటులో ఉంచాల్సిందిగా వైద్యాధికారులను ఆదేశించారు. అనంతరం కలెక్టర్ గోవాడ సుగర్ ప్యాక్టరీని సందర్శించి  సిబ్బందితో మాట్లాడి విషయాలను అడిగి తెలుసుకున్నారు. కలెక్టర్ పర్యటనలో ఆర్.డి.ఓ సీతారామారావు, తాసిల్దార్ తిరుమల బాబు, ఇతర అధికారులు పాల్గొన్నారు. 

అన్నవరం శ్రీశ్రీశ్రీ వీరవేంకట సత్యన్నారాయణ స్వామివారి హుందడీ ఆదాయం రూ.54లక్షల 70వేల 311 వచ్చినట్టు ఈఓ వేండ్ర త్రినాధరావు తెలియజేశారు. శుక్రవారం ఆయన ఆలయంలో మీడియాతో మాట్లాడారు. స్వామివారి హుండీ లెక్కింపు ప్రసాంతంగా జరిగిందన్నారు. ఇందులో 100 యుస్ డాలర్లు, 10 దిరామ్స్ రాగా బంగారం 32 గ్రాములు, 197 గ్రాముల సిల్వర్ వచ్చినట్టు పేర్కొన్నారు. వచ్చిన మొత్తాన్ని దేవస్థానం బ్యాంకు అకౌంట్లోకి జమజేస్తున్నట్టు వివరించారు. కార్యక్రమంలో దేవస్థాన సిబ్బంది పాల్గొన్నారు.

శంఖవరంలో గురువారం 194 మందికి కోవిడ్ వేక్సినేషన్(కోవిషీల్డ్, కోవాగ్జిన్) పంపిణీ చేసినట్టు ప్రాధమిక వైద్య ఆరోగ్యకేంద్రం వైద్యాధికారి డా.ఆర్వీవి సత్యన్నారాయణ తెలియజేశారు. ఈ మేరకు పీహెచ్సీ నుంచి మీడియాకి ప్రకటన విడుదల చేశారు. ప్రభుత్వం శంఖవరానికి మంజూరు చేసిన 200 వేక్సిన్ లలో 194 మాత్రమే పూర్తిచేశామన్నారు. ఇంకా 6 వేక్సిన్లు మిగిలిపోయాయని చెప్పారు. ప్రాధాన్యత క్రమంలో 18ఏళ్లు నిండినవారికి, తరువాత 84రోజులు దాటిన 2వ డోసు వారికి వేక్సిన్లు అందజేసినట్టు వైద్యాధికారి తెలియజేశారు. ఇంకా వేక్సిన్ వేయించుకోని వారు ఉంటే తక్షనమే ఆయా గ్రామసచివాలయాల పరిధిలోని ఆరోగ్య సహాయకులను సంప్రదించాలని ఆయన ఈ సందర్భంగా కోరారు.

గ్రామ వలేంటీర్లు తమ పరిధిలో గల 50 కుటుంబాలకు ప్రభుత్వం అందిస్తున్న సంక్షేమ పథకాలను అర్హులకు అందించే లా విధులు నిర్వహించాలి అని సబ్ కలెక్టర్ భావన పేర్కొన్నారు. సబ్ కలెక్టర్ బుధవారం తన పర్యటనలో భాగంగా జియ్యమ్మ వలస మండలం ఇట్టిక, కొమరాడ మండలం మాదలింగి, పాలెం గ్రామ సచివాలయాలను  ఆకస్మిక తనిఖీలు నిర్వహించారు. ముందుగా  సచివాలయంలో అందిస్తున్న సేవలపై ఆరా తీశారు. సచివాలయం సిబ్బంది, వాలెంటిర్లకు సీజనల్ వ్యాధులపై, ప్రభుత్వ పథకాలపై ప్రతి ఒక్కరిలో అవగాహన కల్పించాలన్నారు. అలాగే  పనిచేసే చోట నివాసం ఉండాలని, సంక్షేమ పథకాల అమలులో ప్రభుత్వ ఆదేశాలను, నియమాలను అందరూ తప్పకుండా అనుసరించాలని, సేవలలో పారదర్శకత పాటించాలని సిబ్బందికి సూచించారు. అందరూ సమయ పాలన పాటించి విధులు నిర్వహించాలన్నారు.  పిర్యాదులు సేకరణ పరిష్కారంలో అలసత్వం వద్దని సూచించారు. ఈ క్రమంలో సిబ్బంది హాజరు పట్టిక, ప్రగతి నివేదికల రికార్డుల పరిశీలించారు. కొమరాడ మండలం మాదలింగి గ్రామ సచివాలయంలో వెల్ఫేర్ అసిస్టెంట్ మండగి సింహాచలం రికార్డుల నిర్వహణలో నిర్లక్ష్యం వహిస్తున్నారని వారి పై తక్షణం  క్రమశిక్షణా చర్యలు తీసుకోవాలని ఆదేశించారు. ఈ సచివాలయం ఆకస్మిక పర్యటనలో  జియ్యమ్మ వలస, కొమరాడ మండలాల  రెవెన్యూ అధికారులు, సచివాలయం సిబ్బంది తదితరులు పాల్గొన్నారు.

మీ ఇల్లయితే ఇలా అపరిశుభ్రంగా ఉన్నా  ఇంట్లోనే ఉంటారా.. అసలు సచివాలయాన్ని  నిర్వహించే పద్దతి ఇదేనా.. ఎక్కడ చెత్త అక్కడే..ఎక్కడి దుమ్ము అక్కడే వుంది.. కనీసం సచివాలయం ముందు బ్లీచింగ్ కూడా చల్లించడం లేదు..అంటూ జిల్లా కలెక్టర్ సి.హరికిరణ్ విరవ గ్రామ సచివాలయ సిబ్బందిపై ఆగ్రహం వ్యక్తం చేశారు. మంగళవారం సచివాలయంలో తనిఖీలు చేసిన కలెక్టర్ కి అక్కడి సిబ్బంది విధినిర్వహణలో నిర్లక్ష్యం వహించిన తీరుపై తీవ్రంగా ఆగ్రహం వ్యక్తం చేశారు. రోజు వందలాది మంది సచివాలయానికి వస్తారు..బ్లీచింగ్ చల్లించడం వలన పరిశుభ్రంగా కనిపిస్తుంది..కనీసం అలా కూడా ఎందుకు ఆలోచిండచం లేదు..పోనీ విధులైనా సక్రమంగా నిర్వహిస్తున్నారా అదీలేదూ అంటూ విరవ గ్రామసచివాలయ సిబ్బందిపై జిల్లా కలెక్టర్ సి.హరికిరణ్ ఆగ్రహం వ్యక్తం చేశారు. మంగళవారం కలెక్టర్ ఆకస్మికంగా తనిఖీలు నిర్వహించడంతో అక్కడ అపరిశుభ్రవాతావరణం కనిపించడంతో ఒక్కపెట్టున కలెక్టర్ సిబ్బందిపై నిప్పులు కక్కారు. ప్రభుత్వ అమలు చేస్తున్న వివిధ సంక్షేమ పథకాలకు సంబంధించిన లబ్ధిదారులు, అనర్హుల వివరాల జాబితాలను సక్రమంగా నిర్వహించక పోవడం, సచివాలయం ప్రాంగణం అపరిశుభ్రంగా ఉండటంపై కలెక్టర్ సచివాలయం సిబ్బందిపై ఆగ్రహం వ్యక్తం చేశారు. నూతన సచివాలయం భవన నిర్మాణ పనులు వేగవంతం చేసి అక్టోబర్ నెలాఖరు నాటికి ప్రారంభించి, వినియోగంలోకి తెచ్చేలా విధంగా చర్యలు చేపట్టాలని కలెక్టర్ ఆదేశించారు.  వర్షాలు తగ్గుముఖం పట్టినందున రైతు భరోసా కేంద్రం, బల్క్ మిల్క్ సెంటర్ శాశ్వత భవన నిర్మాణ పనులను కూడా ముమ్మరం చేసి త్వరితగతిన పూర్తి చేయాలని కలెక్టర్ సిబ్బందికి సూచించారు. ఈ పర్యటనలో కలెక్టర్ వెంట పిఠాపురం ఎంపీడీవో డీఎల్ఎస్.శర్మ,  ఇతర రెవిన్యూ సిబ్బంది, తదితరులు పాల్గొన్నారు.