ఆంధ్రప్రదేశ్ ప్రభుత్వం ఎంతో ప్రతిష్టాత్మకంగా విభజించిన 13 కొత్త జిల్లాల్లోని 75 ప్రభుత్వ శాఖలకు అధికారులు కొరవడ్డారు. ఈ జిల్లాల్లో ఎలాంటి ఇబ్బందులు రాకూడదని జిల్లా కలెక్టర్లు, ఎస్పీలు, జాయింట్ కలెక్టర్లను నియమించినంత త్వరగా ప్రభుత్వం జిల్లా శాఖల అధికారులను నియమించలేకపోయింది. దానికి వివిధ శాఖల్లో అధికారుల లేమి స్పష్టంగా కనిపిస్తుంది. దీనితో ఒక్కోశాఖ అధికారిని రెండు జిల్లాలకు అధికారిగా నియమించింది. కొత్తజిల్లాల్లో పరిపాలన ప్రారంభం అయినా జిల్లాలో పూర్థిస్థాయిలో అధికారులు సిబ్బంది లేకపోవడంతో పరిపాలనా పరమైన ఇబ్బందులు తప్పడం లేదు. కొన్నిజిల్లాల్లో అధికారులు నియమింతులైనా..ఇంకా కార్యాలయా సామాగ్రి రాలేదు. వచ్చిన చోట ఇంటర్నెట్ సౌకర్యం, కంప్యూటర్లను ఏర్పాటు చేయలేదు. అందులోనూ ప్రభుత్వం కొత్త జిల్లాల్లో పరిపాలనా సౌలభ్యం  కోసం జిల్లా కార్యాలయానికి సైతం సిబ్బందిని కుదించేయడంతో ఒక్కో కార్యాలయానికి కేవలం ఐదు నుంచి ఏడుగురు ఉద్యోగులు మాత్రమే పనిచేసేలా కొత్త విధానాన్ని తెరపైకి తెచ్చింది. ఇక కలెక్టరేట్లలో అయితే అన్ని విభాగాలను కుదించేసి కేవలం నాలుగు సెక్షన్లను మాత్రమే ఏర్పాటు చేసింది. అన్ని కొత్త జిల్లాల్లో జిల్లా కలెక్టర్, జిల్లా ఎస్పీ, జాయింట్ కలెక్టర్, డీఆర్వో, ఆర్డీఓలు తప్పా మిగిలిన శాఖల ఉద్యోగుల భర్తీ మాత్రం పూర్తిస్థాయిలో జరగలేదు. అరకొరగా ఉన్న సబ్బందితో జిల్లా కలెక్టరేట్లలో ఏర్పాటు చేస్తున్న స్పందనకు సైతం అన్నిశాఖల అధికారులు రాలేకపోతున్నారు. వాస్తవానికి అధికారుల విభజన జిల్లాల విభజన కంటే ముందుగా చేపట్టినా అదిమాత్రం ఒక కొలిక్కి రాలేదు. అందులోనూ పాత జిల్లాల్లో తప్పితే.. కొత్త జిల్లాల్లోని అధికారులంతా డివిజనల్ స్థాయి అధికారులనే కొత్త జిల్లాల్లో జిల్లా అధికారులుగా నియమించింది ప్రభుత్వం వారినే జిల్లా అధికారులుగా చూపిస్తూ సేవలు అందిస్తున్నది. కానీ వాస్తవానికి వారి కేడర్ లో మాత్రం మార్పు రాలేదు, పదోన్నతి, జీతాలు అసలే పెరగలేదు. కొత్తజిల్లాల్లో 75 ప్రభుత్వ శాఖలకు అధికారులంతా జిల్లా అధికారులేనని గుర్తించి పరిపాలన సాగిస్తున్నది. ప్రస్తుతం రాష్ట్రంలోని 13 జిల్లాలు 26 జిల్లాలు అయ్యాయి. ఆపై కొత్తగా కేబినెట్ లోకి వచ్చిన మంత్రులు కూడా ప్రస్తుతం జిల్లాల్లోని అధికారుల కూర్పుపైనా ద్రుష్టిసారించాల్సి వస్తుంది. మంత్రులకు తెలిసిన వారు, జిల్లా క్యాడర్ కి తెలిసిన వారు, ఇంకా జిల్లాకి రావడానికి ఆశక్తిచూపేవారి జాబితాలను కొత్త మంత్రివర్గం తమకు కావాల్సిన అధికారులను తమ తమ జిల్లాలకు జిల్లా అధికారులుగా రప్పించుకునేందుకు ఏర్పాట్లు చేసుకుంటున్నది. అందులో ముఖ్యమం ఉమ్మడి జిల్లాలైన తూర్పుగోదావరి, విశాఖజిల్లా, చిత్తూరు, విజయనగరం ప్రాంతాల్లో ఏర్పాటైన కొత్త జిల్లాలకు అధికారులను ఏర్పాటు చేసుకోవడానికి, పూర్తిస్థాయి పరిపాలనా జిల్లా అనిపించుకునేందు ఇటు మంత్రులు, ఎమ్మెల్యేలు, ఎంపీలు, ఇంకా ఇతర కిందిస్థాయి కేడర్ నాయకులు కూడా గట్టిగానే శ్రమిస్తున్నారు. ప్రస్తుతం మొదలు పెట్టిన పనులన్నీ పూర్తిస్థాయిలో జరిగి, అన్ని ప్రభుత్వశాఖలకు జిల్లా అధికారులు, కార్యాలయ సిబ్బంది రావాలన్నా, ఏర్పాటు కావాలన్నా 6నెలల నుంచి ఏడాది సమయం పట్టే అవకాశాలు కనిపిస్తున్నాయి. ఈలోపు ప్రస్తుత ప్రభుత్వ పదవీకాలం కూడా పూర్తవుతుందనే ప్రచారం కూడా జరుగుతుంది. ప్రభుత్వ పదవీకాలం పూర్తవడానికి ఏడాది ముందుగానే జిల్లాలను పరిపూర్ణ జిల్లాలుగా చేయాలన్నది ప్రభుత్వ యోచనగా కనిపిస్తుంది. దానికి ఇటీవల ఉద్యోగ ప్రకటనలు ఇచ్చిన ఏపీపీఎస్సీ నోటిఫికేషన్ ద్వారా భర్తీచేస్తుందా..లేదంటే ఉన్నవారినే సర్దుబాటు చేసి పరిపాలను ఇబ్బంది లేకుండా చూస్తుందా..? చూడాలి కొత్త జిల్లాలకు అధికారులు కావలెను అనే పదాలను ఇటు ప్రజాప్రతినిధులు, అటు ప్రభుత్వం ఏస్థాయిలో భర్తీచేస్తుందో..!

ఒంటిమిట్టలో  ఏప్రిల్ 9 నుంచి 19 వ తేదీ వరకు నిర్వహించే  శ్రీ కోదండ రామ స్వామివారి బ్రహ్మోత్సవాలకు హాజరు కావాలని ముఖ్యమంత్రి  వై ఎస్ జగన్మోహన్ రెడ్డిని టీటీడీ ఈవో డాక్టర్ కెఎస్ జవహర్ రెడ్డి ఆహ్వానించారు. తాడేపల్లి లోని సిఎం క్యాంప్ కార్యాలయంలో శుక్రవారం సిఎం కు బ్రహ్మోత్సవాల ఆహ్వాన పత్రిక అందజేశారు. ఈ సందర్భంగా ముఖ్యమంత్రికి వేద పండితులు వేద ఆశీర్వచనం ఇచ్చి ప్రసాదాలు అందజేశారు. డిప్యూటి ఈవో  రమణ ప్రసాద్ పాల్గొన్నారు. ఈ నెల 15 రాత్రి 8 గంటల నుంచి 10 గంటలలోపు శ్రీ సీతారామ కళ్యాణ మహోత్సవానికి ముఖ్యమంత్రి హాజరు కానున్నారు.

ఆంధ్రప్రదేశ్ రాష్ట్ర నూతన మంత్రుల ప్రమాణ స్వీకార కార్యక్రమం విజయవంతంగా జరిగేందుకు వీలుగా కట్టుదిట్టమైన ఏర్పాట్లు చేయాలని ప్రభుత్వ ప్రధాన కార్యదర్శి డా.సమీర్ శర్మ సంబంధిత శాఖల అధికారులను ఆదేశించారు.ఈమేరకు శుక్రవారం ఆయన సియం క్యాంపు కార్యాలయం నుండి నూతన మంత్రుల ప్రమాణ స్వీకార కార్యక్రమం ఏర్పాట్లపై వీడియో సమావేశం ద్వారా అధికారులతో సమీక్షించారు. ఈసందర్భంగా సిఎస్ మాట్లాడుతూ నూతన మంత్రివర్గ సభ్యుల ప్రమాణ స్వీకార కార్యక్రమం విజయవంతంగా జరిగేందుకు విస్తృతమైన ఏర్పాట్లు చేయడంతో పాటు పటిష్టమైన బందోబస్తు ఏర్పాట్లు చేయాలని సంబంధిత శాఖల కార్యదర్శులను,పోలీస్ శాఖ ఉన్నతాధికారులను ఆయన ఆదేశించారు.బ్లూబుక్ లోని నిబంధనల ప్రకారం నూతన మంత్రివర్గ సభ్యుల ప్రమాణ స్వీకార కార్యక్రమం విజయవంతంగా జరిగేందుకు సంబంధిత శాఖల వారీగా చేపట్టాల్సిన ఏర్పాట్లను పటిష్టంగా చేపట్టాలని అధికారులను సిఎస్ ఆదేశించారు.మంత్రివర్గ ప్రమాణ స్వీకారం అనంతరం రాష్ట్ర గవర్నర్,రాష్ట్ర ముఖ్యమంత్రి వర్యులతో నూతన మంత్రివర్గ సభ్యులతో గ్రూపు పొటోకు తగిన ఏర్పాట్లు చేయాలని ప్రోటోకాల్ మరియు సమాచారశాఖ అధికారులను సిఎస్ డా.సమీర్ శర్మ ఆదేశించారు.

అంతకు ముందు ముఖ్యకార్యదర్శి(పొలిటికల్)ఆర్.ముత్యాలరాజు మాట్లాడుతూ నూతన మంత్రుల ప్రమాణ స్వీకారానికి సంబంధించి వేదిక,అలంకరణ,ఆహ్వాన పత్రిక,రాష్ట్ర గవర్నర్,రాష్ట్ర ముఖ్యమంత్రి,మంత్రులుగా డిజిగ్నేట్ కాబడిన వారికి ఆహ్వానం పకడం వంటి ఏర్పాట్లు,వారికి తగిన రవాణా సౌకర్యం వంటివి కల్పించేందుకు ఏర్పాట్లు చేయడం జరుగు తుందని తెలిపారు.ఇందుకుగాను ప్రోటోకాల్ డైరెక్టర్ కు సహకరించే విధంగా కొంతమంది ప్రోటోకాల్ అధికారులను నియమిస్తున్నట్టు ముత్యాల రాజు సిఎస్ కు వివరించారు.

అదనపు డిజి శాంతి భద్రతలు రవిశంకర్ మాట్లాడుతూ నూతన మంత్రివర్గ ప్రమాణ స్వీకార కార్యక్రమాన్ని పురస్కరించుకుని 11వతేదీన కరకట్ట రోడ్డును రాష్ట్ర గవర్నర్,రాష్ట్ర ముఖ్యమంత్రి,హైకోర్టు చీఫ్ జస్టిస్,ఇతర న్యాయమూర్తులు,మంత్రులుగా నియమించబడిన వారికి,ఎంపి,ఎంఎల్సి,ఎంఎల్ఏలు వంటి ప్రముఖుల వాహనాలు ప్రమాణ స్వీకార ప్రాంతానికి చేరుకునేలా కేటాయించడం జరుగుతుందని తెలిపారు.మిగతా వారి వాహనాలు ఇతర మార్గాల్లో వచ్చేలా తగిన ట్రాఫిక్ నియంత్రణ ఏర్పాట్లు చేస్తున్నట్టు చెప్పారు.అదే విధంగా  పటిష్ట బందోబస్తు ఏర్పాట్లు చేస్తున్నామని వివరించారు. ఈసమావేశంలో డిఐజిలు సి.త్రివిక్రమ వర్మ,రాజశేఖర్ సమాచారశాఖ సంయుక్త సంచాలకులు పి.కిరణ్ కుమార్ తదితరులుతోపాటు వీడియో సమావేశం ద్వారా గుంటూరు కలక్టర్ ఎం.వేణుగోపాల్ రెడ్డి,ప్రోటోకాల్ డైరెక్టర్ సుబ్రహ్మణ్యం రెడ్డి,ఇంకా వివిధ శాఖల అధికారులు పాల్గొన్నారు.

తిరుమల నాదనీరాజనం వేదికపై ఏప్రిల్ 9న అఖండ విష్ణుసహస్రనామ పారాయణం జరుగనుంది.  ప్రస్తుతం జరుగుతున్న శ్రీవిష్ణు సహస్రనామ పారాయణం ఏప్రిల్ 9న ముగియనుంది. కాగా, అదే రోజు తిరుమలలో టిటిడి ప్రత్యేక కార్యక్రమాన్ని నిర్వహించనుంది. నాద నీరాజన వేదికపై సాయంత్రం 5:30 నుండి రాత్రి 7 గంటల వరకు శ్రీ కుప్పా నరసింహంతో అఖండ విష్ణు సహస్రనామ పారాయణం జరుగనుంది. ప్రపంచవ్యాప్తంగా ఉన్న భక్తుల కోసం ఈ కార్యక్రమాన్ని టిటిడి  ఎస్వీబీసీ ఛానల్ లో కూడా ప్రత్యక్ష ప్రసారం చేయనుంది. భక్తులు వారి వారి ఇళ్లల్లో ఉండి కూడా ఈ అఖండ విష్ణు సహస్రనామ పారాయణంలో పాల్గొనాలని టిటిడి భక్తులను కోరుతోంది.

గ్రామ స్థాయిలో మహిళలు, విద్యార్ధినిల సంరక్షనార్ధం గ్రామ, వార్డు సచివాలయ మహిళా పోలీసులను ఏర్పాటు చేస్తున్నారంటే ఏమో అనుకున్నారు అంతా.. ఏదైనా సమస్య వస్తే ప్రజలంతా మహిళా పోలీసుల ద్వారా పోలీస్ స్టేషన్ కి చెప్పకుంటారు.. అదే గ్రామ సచివాలయ మహిళా పోలీసుకే సమస్య వస్తే ఎవరికి చెప్పుకోవాలి..ఆ గోడు ఎవరికి వినిపించుకోవాలి.. వీరిని పట్టించుకునే నాధుడేడి.. జీతం ఇచ్చేది సచివాలయం కనుక విధులన్నీ ఇక్కడే చేయాలంటారు పంచాయతీ కార్యదర్శి.. అదేంటి మీది హోం డిపార్ట్ మెంట్ కదా..మీరు స్టేషన్ ఎస్ఐ చెప్పే ఉద్యోగం చేయాలి కదా అంటారు స్టేషన్ ఎస్ఐ.. పోనీ స్టేషన్  విధులు వేసినపుడు ఎస్ఐని ఎంపీడీఓతో మాట్లాడమంటే నాకేం సంబంధం అదంతా మీరే చూసుకోండి అంటారు.. అలా కాదని గ్రామసచివాలయంలో విధులు ఉన్నప్పడు స్టేషన్ డ్యూటీలకు రావడం కుదరదని ఎస్ఐకి కార్యదర్శిగా ఒక్క మాట చెప్పమంటే ఇది మరీ బాగుంది, అయినా మీ కోసం మేమెందుకు మాట్లాడతామంటారు పంచాయతీ కార్యదర్శిలు.. మీరేం చేస్తారో మాకు అనవసరం మేం చెప్పింది చేయాల్సిందే అంటున్నారు. దీనితో ఈ ఇద్దరు అధికారుల మధ్య తీవ్ర వేదింపులకు గురవుతున్నారు గ్రామ, వార్డు సచివాలయ మహిళా పోలీసులు. ఇచ్చేది ప్రస్తుతం జీతం రూ.15 వేలే అయినా గ్రామసచివాలయం నుంచి ఆ పరిధిలో ఉండే పోలీస్ స్టేషన్ కి 30 సార్లు తిప్పుతిన్నారు స్టేషన్ ఎస్ఐలు.. గ్రామసచివాలయంలో పని చేయకపోయినా.. ఆ సమయంలో పోలీస్ స్టేషన్ పనులపై వెళ్లినా.. అదేదో దేశ ద్రోహం చేసినట్టు సమావేశాల్లో నిలబట్టి మరీ తిడుతున్నారు పంచాయతీ కార్యదర్శిలు. వాస్తవానికి ఈ రెండు శాఖలకూ జిల్లాశాఖల అధికారులు దిశ నిర్ధేశం చేయాల్సి వుంది. అలా చేయకపోవడంతో గ్రామ, వార్డు సచివాలయ మహిళా పోలీసులు తీవ్రంగా నలిగిపోతున్నారు. అలాగని రాష్ట్ర డీజీపీ కార్యాలయం నుంచి ఉత్తర్వులు వచ్చినా వాటిని మండల స్థాయిలో ఎంపీడీఓలు, పంచాయతీ కార్యదర్శిలు పట్టించుకునే పరిస్థితిలేదు. అదేదో చిత్తుకాగితంలా పక్కన పెట్టేస్తున్నారు. అలాగని డిజీపీ కార్యాలయం నుంచి వచ్చిన ఉత్తర్వులు జిల్లా పోలీసు అధికారులైనా ప్రాపర్ ఛానల్ లో మండల కార్యాలయాలకు పంపుతున్నారా అదీలేదు. దీనితో ఒకేసారి అటు పోలీస్ స్టేషన్, ఇటు గ్రామసచివాలయాల్లో విధులు ఉన్న సమయంలో అటు ఎస్ఐ నుంచి ఇటు పంచాయతీ కార్యదర్శి నుంచి నానా చీవాట్లు పడుతున్నారు గ్రామ, వార్డు సచివాలయ మహిళా పోలీసులు. ఇలాంటి వేధింపులతో ఇప్పటికే జిల్లాలో కొంత మంది మహిళా పోలీసులు విధులకు రాజీనామాలు చేసినా, మరికొందరు చేయడానికి కూడా సిద్దపడుతున్నా.. మహిళా పోలీసుల దుస్థితి, ఇబ్బంది, వేధింపులు, చీత్కారాలు జిల్లా అధికారులకు వరకూ చేరడంలేదు.

 పంచాయతీ కార్యదర్శిలు, స్టేషన్ ఎస్ఐలు ఇచ్చిన టార్గెట్ లు పూర్తిచేయకపోయినా.. చెప్పిన సమయానికి రాకపోయినా తీవ్ర స్థాయిలో బెదిరింపులకు కూడా పాల్పడుతున్నారు. మీ ఉద్యోగాలు ఎలా రెగ్యులర్ అవుతాయో చూస్తామంటూ వార్నింగ్ లు కూడా ఇస్తున్నారు. అసలు ఉద్యోగ నియామకాలు చేసే అధికారంగానీ, విధుల్లోని తొలగించే అధికారం గానీ, ఆఖరికి ప్రొబేషన్ పీరియడ్ పూర్తయిన తరువాత  వారి సర్వీసులను రెగ్యులర్ చేసే అధికారం గానీ ఇటు స్టేషన్ పోలీసులకు గానీ, అటు గ్రామసచివాలయ కార్యదర్శిలకు గానీ లేదు. కానీ హద్దులు దాటి మరీ వీరంతా మహిళా పోలీసులకు  తెగ వార్నింగులు ఇచ్చేస్తున్నారు. వారిద్దరి మాటలు, ఇచ్చే వార్నింగ్ లు, చేసే ఓవరేక్షన్ విన్నా, చూసినా.. మహిళా పోలీసుల బాధలు తెలుసుకున్నా..నిజంగా అటు స్టేషన్ ఎస్ఐ, ఇటు పంచాయతీ కార్యదర్శిలే తమకి వచ్చే జీతాలు ఇచ్చేస్తున్నారేమో అన్నంత ఫీలింగ్ కలుగుతుంటుంది బయటవారికి. ఒక్కోసారి జిల్లా అధికారులే తమతో ఈ విధంగా మాట్లాడిస్తున్నారన్న నెపం కూడా వీరిద్దరూ ప్రదర్శించడం కూడా విస్మయానికి గురిచేస్తుంది. గ్రామ, వార్డు స్థాయిలో సచివాలయ మహిళా పోలీసుల దుస్థితి నిజంగా చాలా దయనీయంగా వుంది. సచివాలయాల్లో కార్యదర్శిలు చేసే ఓవరేక్షన్ ఇటు జిల్లా పంచాయతీ అధికారులు, స్టేషన్ లలో ఎస్ఐ ఇచ్చే వార్నింగ్, తిట్ల పురాణం అటు జిల్లా ఎస్పీలకు చేరడం లేదు. నిజంగా పరిస్థితి ఆ ఇద్దరు జిల్లాశాఖల అధికారులకు చేరితే పరిస్థితి ఇంత వరకూ వచ్చేది కాదు. ప్రజల సమస్యలను స్పందన రూపంలో సచివాలయాల్లో సమర్పిస్తే  గ్రామస్థాయిలో సమస్యలు పరిష్కరించే పోలీసు విభాగానికి చెందిన మహిళాపోలీసులు.. వారి సమస్యలను జిల్లా పోలీస్ స్పందనలో ఫిర్యాదులు చేస్తే తప్పా పరిష్కారం అయ్యేటట్టు కనిపించడం లేదు. 

ఈ పరిస్థితి ఏ ఒక్క జిల్లాలోనో కాదు రాష్ట్రవ్యాప్తంగా ఉన్న 26 జిల్లాల్లోనూ ఇదే పరిస్థితి కొనసాగుతుంది. కాకపోతే గంజాయి వనంలో తులసి మొక్కలా కొన్నిచోట్ల స్టేషన్ ఎస్ఐలు మానవతా ద్రుక్పదంతో సమస్యలను పరిష్కరిస్తుంటే.. ప్రభుత్వ విధులపై అవగాహన ఉన్న పంచాయతీ కార్యదర్శిలు మహిళా పోలీసులు విధులకు ఆటకం కల్పించకుండా, వారిని వేధించకుండా వారు చేసే ఉద్యోగాలకు వన్నె తెస్తున్నారు. మరికొందరు వచ్చిందే సూపర్ డూపర్ చాన్సు అనుకొని మొత్తం అజమాయిషీ చలాయించే పనే పెట్టుకోవడంతో మహిళా పోలీసులు తీవ్ర మనోవేధనకు గురవుతున్నారు. ఒక పక్క ప్రభుత్వం ఇచ్చే రూ.15వేలు జీతం సచివాలయం నుంచి పోలీస్ స్టేషన్లకు తిరగడానికే సరిపోయినా.. వారి కుటుంబ పోషణకు అప్పులు చేసుకొని జీవనం సాగిస్తూనే విధులు నిర్వహిస్తున్నా...వీరి బాధలు, వేధనలు, వేధింపులు ఎవరికీ పట్టడం లేదు. మానవతా ద్రుక్పదంతో ఆలోచించే జిల్లా ఎస్పీలు, జిల్లా పంచాయతీ అధికారులూ మీరైనా స్పందిస్తారా..లేదంటే మీ కింది స్థాయి సిబ్బంది చేసే పనులకే వంత పాడతారా అనేది తేలాల్సి వుంది. ఈ క్రమంలో రాష్ట్రవ్యాప్తంగా గ్రామ, వార్డు సచివాలయ మహిళా పోలీసులను చెప్పుకోలేని మాటలతో వేధించే కొందరు పంచాయతీ కార్యదర్శి(బయటకు చెప్పుకోలేని మాటలు, చేష్టలతో వేధించే) లను, వారి ఆగడాలను మాత్రం ఆధారాలతో జిల్లా కలెక్టర్, జిల్లా ఎస్పీలు ద్రుష్టికి తీసుకెళతామని మాత్రం మహిళా పోలీసులు, ఇతర శాఖల సిబ్బందికి ఈఎన్ఎస్ నేషనల్ న్యూస్ ఏజెన్సీ, అధికారిక మొబైల్ న్యూస్ యాప్ ఈఎన్ఎస్ లైవ్ మొబైల్ యాప్, www.enslive.net ద్వారా ప్రత్యేక కధనాలు ప్రచురించడమే కాకుండా, వారికి దన్నుగా ఉంటుందని భరోసా ఇస్తున్నాం. ఈ విషయంలో ఎవరికీ భయపడేది లేదని కూడా తెలియజేస్తున్నాం. ఆది నుంచి గ్రామ, వార్డు సచివాలయ సిబ్బంది సమస్యలపై గళం విప్పే ఈఎన్ఎస్ ఇకపై కూడా ఉద్యోగుల సమస్యలను, ఇబ్బందులను కూడా బహ్య ప్రపంచానికి, అటు ముఖ్యమంత్రి కార్యాలయం ద్రుష్టికి కూడా ప్రత్యేక వార్తా కధనాల ద్వారా తీసుకెళతామని నిర్భయంగా ప్రకటిస్తున్నాం.

స్కోచ్‌ అవార్డుల్లో ఆంధ్రప్రదేశ్‌ మొదటి స్ధానంలో నిలవడంతో  రాష్ట్ర వ్యవసాయశాఖ మంత్రి కురసాల కన్నబాబు అసెంబ్లీలో సీఎం  వైయస్‌.జగన్‌ మోహనరెడ్డిని కలిసి అభినందనలు తెలియజేశారు. ఆ విషయాన్ని కాకినాడలోని మీడియాకి తన చరవాణి ద్వారా ప్రకటన జారీ చేశారు. గురువారం సహచర మంత్రులతో కలిసి వెళ్లిన మంత్రి కురసాల స్కోచ్ అవార్డుల్లో వ్యవసాయ రంగానికి తొలి స్థానం రావడంపైనా హర్షం వ్యక్తం చేశారు. సీఎం వైఎస్ జగన్మోహనరెడ్డి ముందుచూపుతోనే ఈ అవార్డులు వచ్చాయని మంత్రి చెప్పారు. రానున్న రోజుల్లో మరిన్ని అవార్డులు ఆంధ్రప్రదేశ్ ప్రభుత్వం సొంతం చేసుకుంటుందనే ఆశాభావాన్ని వ్యక్తం చేశారు. దేశంలోనే ఎక్కడా లేనివిధంగా ఒక్క ఆంధ్రప్రదేశ్ లోనే రైతుభరోసా కేంద్రాలు గ్రామసచివాలయాలకు అనుసంధానంగా ఏర్పాటు చేసి రైతులకు సేవలు అందిస్తున్నారని మంత్రి తెలియజేశారు. సీఎంని కలిసిన వారిలో మంత్రికురసాలతోపాటు మంత్రులు వెలంపల్లి శ్రీనివాసరావు, పి అనిల్‌ కుమార్, పలువురు ఎమ్మెల్యేలు, ఎమ్మెల్సీలు, ఇతర ప్రజా ప్రతినిధులు ఉన్నారు.

మహిళా దినోత్సవ వేడుకలు ఆంధ్రప్రదేశ్ ప్రభుత్వం ఆధ్వర్యంలో ఘనంగా జరుగుతున్నాయి. ఈ కార్యక్రమంలో ముఖ్యమంత్రి వైఎస్ జగన్మోహనరెడ్డి పాల్గొన్నారు. ఈ కార్యక్రమానికి రాష్ట్రవ్యాప్తంగా వేలాది మంది తరలి వెళ్లారు. విజయవాడలో జరుగుతున్న మహిళా దినోత్సవ వేడుకలు ఈఎన్ఎస్ లైవ్ ప్రేక్షకుల కోసం ప్రత్యక్ష ప్రసారాల ద్వారా అందిస్తోంది.

శ్రీవైష్ణవ భక్తుడు, ఆళ్వారులలో ప్రముఖుడైన శ్రీ అనంతాళ్వారు 968వ అవతారోత్సవాన్ని మార్చి 6వ తేదీన తిరుమలలోని శ్రీవారి ఆలయానికి నైరుతి దిశగా ఉన్న పురుశైవారి తోటలో టిటిడి ఘనంగా నిర్వహించనుంది. ఈ సందర్భంగా ఆళ్వార్‌ దివ్యప్రబంధ ప్రాజెక్టు ఆధ్వర్యంలో అనంతాళ్వార్‌ బోధనలు, రచనలపై సదస్సు నిర్వహిస్తారు. 16 మంది పండితులు పాల్గొని ఉప‌న్య‌సించ‌నున్నారు.   సాధారణంగా అనంతళ్వారు జననం చైత్రమాసంలో తమిళనాడులో సంభవించినా తిరుమలలో ఆయన కాలుమోపిన దినాన్ని అవతారోత్సవంగా వారి వంశీకులు పరిగణిస్తున్నారు. ఈ సంద‌ర్భంగా దేశవ్యాప్తంగా స్థిరపడిన‌ అనంతాళ్వారు వంశీయులు తిరుమలలోని పురశైవారి తోటలో (అనంతాళ్వారు తోట) కలసి ప్రత్యేక పూజలు, దివ్యప్రబంధ పాశుర పారాయణం, ఆధ్యాత్మిక ప్రవచన‌ కార్యక్రమాలు నిర్వహిస్తారు.

   పురాణాల ప్ర‌కారం శ్రీ అనంతాళ్వారు సాక్షాత్తు ఆదిశేషుని రూపంగా మరో శ్రీవైష్ణవ భక్తాగ్రేశ్వరుడు శ్రీరామానుజాచార్యులతో కలిసి అవిర్భవించినట్లు తెలుస్తోంది. అంతేకాకుండా రామానుజాచార్యుని అభిమతానుసారమే శిష్యుడైన అనంతాళ్వారు తిరుమలకు వేంచేసి స్వామివారి పుష్ప కైంకర్యానికి శ్రీకారం చుట్టినట్లు పురాణ‌ కథనాలు ఉన్నాయి. అందులో భాగంగానే ఒకనాడు అనంతాళ్వారు నిండు గర్భిణియైన తన భార్యతో కలిసి స్వామివారి ఆలయం చెంత ఒక పూలతోటను ఏర్పాటు చేస్తుండగా బాలుని రూపంలో సాక్షాత్తు వేంకటేశ్వరస్వామి ప్రత్యక్షమయ్యాడు. తాను కాదన్నా తన భార్యకు పనులలో చేదోడువాదోడుగా ఉద్యానవన నిర్మాణంలో సహకరించాడన్న కోపంతో అనంతాళ్వారు ఆ బాలునిపై తన చేతిలో ఉన్న గునపాన్ని విసిరాడు. మరునాడు స్వామివారి మూలవిరాట్టు చుబుకం నుండి రక్తస్రావం చూసి తాను చేసిన పొరపాటుకు పశ్చాత్తాపం చెందాడు. వెంటనే స్వామివారి గాయానికి కర్పూరపు ముద్దను అంటించి తన అపారభక్తిని చాటుకున్నాడు. తద్వారా శ్రీవేంకటేశ్వరస్వామివారి కృపకు పాత్రుడయ్యాడు.

         నేటికీ స్వామివారి చుబుకానికి కర్పూరాన్ని అంటించడం అనంతాళ్వారు దివ్యగాథను స్ఫురింపచేస్తుంది. అదే విధంగా నేటికీ మహాద్వారం చెంత అనంతాళ్వారు స్వామివారిపై విసిరిన గునపం కూడా భక్తులకు దర్శనమిస్తోంది.