గ్రామసచివాలయ వ్యవస్థ ఏర్పాటై సుమారు 16 నెలలు కావొస్తున్నా..ఇంకా ఇక్కడ అందే సేవలపై గ్రామీణ ప్రాంత ప్రజలకు అవగాహన లేదు.. కాదు కాదు సచివాలయ సిబ్బంది అవగాహన పెంచలేదు. గ్రామ, వార్డు సచివాలయాల్లో సిబ్బంది, వాలంటీర్లు ఉన్నా వాంతా పించన్లు ఇచ్చిన తరువాత కార్యాలయాల్లో పిచ్చాపాటి కబుర్లే పరిమితం అవుతున్నారు తప్పితే ప్రజలకు గ్రామసచివాలయాల్లో ఎన్ని ప్రభుత్వశాఖల సిబ్బంది ఉన్నారు, ఏ తరహా సేవలు అందుబాటులో ఉన్నాయి, ఏ సేవకు ఎంత ఛార్జ్ చేస్తున్నారు అనే విషయాలను ప్రజల్లోకి తీసుకు వెళ్లలేదంటే అతిశయోక్తి కాదు. వాస్తవానికి గ్రామ, వార్డు సచివాలయాల్లో ప్రభుత్వం అందించే సేవల వివరాలు ప్రజలకు తెలిసేలా చైతన్యం తీసుకు వస్తే.. జిల్లా కలెక్టర్ కార్యాలయాల్లో స్పందన కార్యక్రమానికి 50శాతనికి పైగా అర్జీలు తగ్గుతాయి. కానీ ఆదిశగా ప్రభుత్వం ముందడుగు వేయలేదు. రాష్ట్రంలో కొన్ని కొన్ని గ్రామసచివాలయాల్లో తప్పితే మరెక్కడా సచివాలయ సేవలపై కనీసం ప్లెక్సీలుగానీ, బోర్డులు గానీ ఏర్పాటు చేయలేదు. చాలా సచివాలయాల్లో నేటికీ ఏ పనికి ఎంత మొత్తం చెల్లించాలో తెలియకపోవడంతో ప్రజలు ప్రభుత్వానికి, అక్కడ పనిచేసే సిబ్బందికి ఇద్దరికీ మొత్తం చెల్లించాల్సి వస్తుంది. ఉదాహరణకు పెళ్లి ద్రువీకరణ పత్రానికి సచివాలయం ద్వారా ప్రభుత్వానికి చెల్లించే మొత్తం రూ.100 ఉంటే దానికి గ్రామసచివాలయాలు, దేవస్థానాల వద్ద ఉండే సచివాలయాల్లో తక్కువలో తక్కువ 3వేల నుంచి 5వేల రూపాయల వరకూ వసూలు చేస్తున్నారు. అదేవిధంగా ఆస్తి సర్వేకి రూ.700 ఛలానా వుంటే 2వేల నుంచి 5వేల వరకూ వసూలు చేస్తున్నారు. వీధిలైట్ల రిపేరుకి, కుళాయిల రిపేరికి అదే పరిస్థితి. చాలా పంచాయతీల్లో నేటికీ శానిటేషన్ సబ్బంది లేదక చెత్తను ఎత్తే నాధుడే లేడు. ఉన్న ఒక్క వ్యక్తి ఎంతో కొంత ఇస్తే తప్పా ఆ చెత్తను కూడా తీసుకెళ్లడం లేదు. అనుకున్న, అడిగిన మొత్తం ఇవ్వకపోవే ఆ పని పూర్తి కావడానికి, చేయడానికి ప్రభుత్వ నిబంధనలు అడ్డువచ్చి చివరాఖరి రోజు గానీ చేయడం లేదు. ఒక్క ముక్కలో చెప్పాలంటే గ్రామసచివాలయాల్లో ప్రభుత్వం నియమించిన 14శాఖల సిబ్బంది డ్యూటీ చార్టు ప్రకారం వారంతా ప్రజల్లోనే ఉండి, ప్రభుత్వ సేవల కోసం ప్రజల్లో చైతన్యం తీసుకు రావాల్సిన పరిస్థితి. కానీ చాలా చోట్ల సిబ్బంది మొత్తమంతా కార్యాలయాలకే పరిమితం అవుతున్నారు. అందులో ఇంజనీరింగ్ అసిస్టెంట్లు, మహిళా సంరక్షణా కార్యదర్శిలు, ఆరోగ్య సహాయకులు మాత్రం వారికి కేటాయించిన ప్రాంతాల్లో ప్రభుత్వ సేవలకు వెళుతున్నట్టు కనిపిస్తుంది. ఈ మధ్య కాలంలో ఇళ్ల స్థలాలు ఇవ్వడంతో సర్వేయర్లకు కూడా చేతినిండి పని దొరికింది. గ్రామ కార్యదర్శిలు గ్రామాల్లో పారిశుధ్యాన్ని తరచుగా పరిశీలిస్తూ ఉండాలి. కానీ అధికారులు వచ్చినపుడు, ప్రజాప్రతినిధులు వచ్చినపుడు తప్పితే వీరు బయటకు వచ్చే పరిస్థితే కనిపించదు. మరికొందరు కార్యదర్శిలు వాలంటీర్లను సైతం వారికి కేటాయించిన ఇళ్లకు వెళ్లకుండా కార్యాలయంలోనే మీటింగుల పేరుతో ఉంచేస్తున్నారు. ఇంత జరుగుతున్న సమయంలో ప్రభుత్వం ప్రజలకు గ్రామసచివాలయాల ద్వారా అందించే సేవలు ఎలా తెలుస్తాయో అధికారులే సమాధానం చెప్పాల్సి వుంటుంది. ఇక వెల్పేర్ అసిస్టెంట్లు విషయానికొస్తే వారికి 1వ తేది నుంచి 15 వతేదీ వరకూ నిరంతరం పనిలో ఉంటారు. డిటిటల్ అసిస్టెంట్ కార్యాలయాలకే పరిమితం అవుతారు. వీఆర్వోలు ఉంటే సచివాలయంలో లేదంటే తహశీల్దార్ కార్యాలయంలోనూ ఉంటున్నారు. ఇలా ఎవరికి వారు ఎమునా తీరే అన్నట్టుగా ఉండటం, సమయం వచ్చినపుడు పనిచేసి మిగిలిన సమయాల్లో కార్యాలయాలకే పరిమితం కాకుండా అప్పుడప్పుడు గ్రామసభలు ఏర్పాటు చేసిన సందర్భంలో నైనా ఏ గ్రామ, వార్డు సచివాలయాల పరిధిలో ఎన్నిశాఖల సిబ్బంది ఉంటున్నారు, వారి ద్వారా ప్రజలకు ఎలాంటి సేవలు అందుతాయి, దానికి ప్రభుత్వానికి ఎంత ఛలానా కట్టాల్సివుంటుంది అనే కోణంపై నేటికీ ఒక్కసారికి కూడా ప్రజా చైతన్యం తీసుకొచ్చిన పాపన పోలేదు. సిబ్బంది ప్రొబిషన్ సమయంలోనే ఇలా వుంటే మరో ఆరు నెలల్లో వీరి ఉద్యోగాలన్నీ రెగ్యులర్ అయిన తరువాత మరింతగా వారికి నచ్చినట్టు విధులు నిర్వహించే అవకాశం వుంది. ఇప్పటికైనా ప్రభుత్వం గ్రామ, వార్డు సచివాలయ ఉద్యోగులకు కేటాయించిన విధులతోపాటు, సచివాలయం ద్వారా ఏ ఏ ప్రభుత్వ సేవలు అందిస్తున్నారో తెలియజేస్తే స్పందన కార్యక్రమానికి అర్జీలు పెరుగుతాయి. లేదంటే యదా రాజా తధా ప్రజా అన్నట్టుగా స్పందన అర్జీ పట్టుకొని జిల్లా కలెక్టర్ కార్యాలయానికి వెళ్లక తప్పదు. ఈ విషయంలో ప్రభుత్వంగానీ, సచివాలయాల శాఖ జెసిలుగానీ, జిల్లా పంచాయతీ అధికారులు గానీ, మండల స్థాయిలో ఎంపీడీఓలుగాని ఎలాంటి చర్యలు తీసుకుంటారో వేచి చూడాలి..!
రాష్ట్రంలో ఏ ప్రాంతంలోనైనా లబ్దిదారులు రేషన్ తీసుకొనే విధంగా పోర్టబిలిటీ ఉన్నట్లు రాష్ట్ర పౌర సరఫరాల శాఖ కమీషనర్ కోన శశిధర్ పేర్కొన్నారు. బుధవారం కొత్తగా ప్రారంభించిన ప్రజా పంపిణీ వ్యవస్థపైన, పంపిణీలో ఉన్న సమస్యలు, తదితర అంశాలపై జిల్లా కలెక్టర్ వి. వినయ్ చంద్, సంబంధిత అధికారులతో ఆయన సమీక్షించారు. ఈ సందర్భంగా ఆయన మాట్లాడుతూ రాష్ట్రంలో కోటి 50 లక్షల మందికి ప్రతీ నెల క్రమం తప్పకుండా నిత్యవసర సరకులు అందించండం గొప్ప విషయమన్నారు. సంచార వాహన యూనిట్లు ద్వారా నిత్యవసర సరకులు తీసుకొనే సౌకర్యం పొందడానికి వీలుగా వాలంటీర్లు ముందు రోజు కూపన్లు పంపిణీ చేసి సరకులు పంపిణీ విషయమై తెలియజేస్తారన్నారు. సరకులు సక్రమంగా సకాలంలో పొందేందుకు తగిన చర్యలు తీసుకోవాలని ఆదేశించారు. ప్రజా పంపిణీ వ్యవస్థను సందర్శించిన సమయంలో కార్డు దారులు యొక్క సంతృప్తి స్థాయిని ఆయన పరిశీలించగా, సరియైన తూకంతో నాణ్యమైన సరకులు అందుతున్నాయని కార్డుదారులు సంతృప్తి వ్యక్తం చేసినట్లు చెప్పారు. ఎవరైనా ఎం.డి. ఆపరేటర్లు పని వదిలిపెట్టినట్లైతే వెంటనే ఆశక్తి గల వారితో భర్తీ చేసి నిరంతరాయంగా పంపిణీ జరిగేటట్లు చూడాలని ఆదేశించారు. ఎం.డి.యు. లో ఉన్న తూనిక యంత్రాలను మరల ఒక సారి తనిఖీ చేసి ఒక వేళ మరమ్మత్తులు ఏమైనా ఉంటే తక్షణమే మరమ్మత్తులు చేపట్టాలని తూనికలు, కొలతలు శాఖ ఉప నియంత్రణాధికారిని ఆదేశించారు. ప్రతీ రోజు రోజంతా పంపిణీ జరిపితే సచివాలయం వద్ద లేదా అందరికీ అనువైన ప్రదేశంలో సాయంత్రం 6 గంటలు నుండి 7 గంటలు వరకు వాహనం నిలిపి కార్డు దారులకు నిత్యవసర సరకులు పంపిణీ చేయాలన్నారు. వాలంటీరు తన పరిధిలో గల కార్డుదారులు గుమిగూడకుండా పంపిణీ చేస్తే సమస్యలు ఉండవన్నారు. ఏజన్సీలో కార్డు దారులకు ఇబ్బంది లేకుండా ఇంటి వద్దకే రేషన్ చేర్చడానికి ఐ.టి.డి.ఎ. పి.ఓ.తో మాట్లాడి తగు చర్యలు తీసుకోవాలని పాడేరు ఆర్.డి.ఓ. లక్ష్మీ శివ జ్యోతిని ఆదేశించారు. ప్రభుత్వం సరియైన తూకంతో నాణ్యమైన సరకులు అందిస్తున్నట్లు ప్రజలు ఆనందం వ్యక్తం చేస్తున్నట్లు ఆయన పేర్కొన్నారు. జిల్లాలోని సబ్ కలెక్టర్, ఆర్డిఓల అభిప్రాయాలను తీసుకున్నారు. అంతకు ముందు జిల్లా కలెక్టర్ వి. వినయ్ చంద్ జిల్లాలో జరుగుచున్న ప్రజా పంపిణీ వ్యవస్థపై కమీషనర్ కు వివరించారు.
ఈ సమావేశంలో జిల్లా జాయింట్ కలెక్టర్ ఎం. వేణుగోపాల్ రెడ్డి, నర్సీపట్నం డివిజన్ సబ్ కలెక్టర్ ఎన్. మౌర్య, విశాఖపట్నం, అనకాపల్లి, పాడేరు డివిజన్ల ఆర్డిఓలు పెంచల కిషోర్, సీతారామారావు, లక్ష్మీ శివ జ్యోతి, డిఎస్ఓలు శివ ప్రసాద్, నిర్మాలాభాయ్, పౌర సరఫరాల డిఎం టి. వెంకటరమణ, తూనికలు కొతలతలు శాఖ ఉప నియంత్రణాధికారి సుదర్శన్ రెడ్డి, తదితరులు పాల్గొన్నారు.
సింగరేణి నుంచి ఏటా వందల కోట్ల ఆదాయం ఆర్జిస్తున్న కేంద్రం.. సంస్థను మాత్రం చిన్నచూపుచూస్తున్నది. అంత చిన్న సంస్థలతో తమకేం లాభమనేలాగా వ్యవహరిస్తున్నది. బొగ్గు తవ్వకాల ద్వారా ఇబ్బడిముబ్బడిగా లాభాలను గడిస్తూ.. ఇటు కార్మికుల సంక్షేమం, అటు దేశ ప్రతిష్ఠను చాటడంతో సింగరేణి బొగ్గు కంపెనీలకు ఆదర్శంగా నిలుస్తున్నది. ఇటు రాష్ట్రంతోపాటు కేంద్రానికీ భారీగా ఆదాయాన్ని సమకూర్చి పెడుతున్నది. వాస్తవానికి సింగరేణిలో రాష్ట్రవాటా 51శాతం కాగా, కేంద్రంవాటా 49. లెక్కల ప్రకారం చూస్తే రాష్ట్రవాటా అధికంగా కనిపిస్తున్నప్పటికీ ఆదాయం మాత్రం కేంద్రానికే అధికంగా వెళ్తున్నది. పన్నులు, ఇతరత్రా రూపంలో కేంద్రానికే ఎక్కువ మొత్తంలో చెల్లిస్తున్నది. వ్యాట్‌, సీఎస్టీ, ఎస్‌జీఎస్టీ, డీఎంఎఫ్‌టీ, వర్క్స్‌ కాంట్రాక్ట్‌ట్యాక్స్‌, ఎంట్రీ ట్యాక్స్‌, రాయల్టీ, డివిడెండ్‌ను సింగరేణి రాష్ర్టానికి చెల్లిస్తుంది. కేంద్రానికి వచ్చేసరికి.. అడ్వాన్స్‌ట్యాక్స్‌, సెల్ఫ్‌ అసెస్‌మెంట్‌ ట్యాక్స్‌, ఫ్రింజ్‌ బెనిఫిట్‌ ట్యాక్స్‌ (ఎఫ్‌బీటీ), డివిడెండ్‌ డిస్ట్రిబ్యూషన్‌ ట్యాక్స్‌, డివిడెండ్‌, స్టోవింగ్‌ ఎక్సైజ్‌ డ్యూటీ (ఎస్‌ఈడీ), కస్టమ్స్‌ డ్యూటీ, సెర్వీస్‌ టాక్స్‌ ఆన్ జీటీఏ, రెంట్స్‌ అండ్‌ అదర్స్‌, స్వచ్చ్‌భారత్‌ సెస్‌, క్రిషి కల్యాణ్‌ సెస్‌, ఐజీఎస్‌టీ, సీజీఎస్టీ, జీఎస్టీ కాంపన్సేషన్‌ సెస్‌, ఇంట్రెస్ట్‌ ఆన్ జీఎస్‌, క్లీన్‌ ఎనర్జీ సెస్‌, సెంట్రల్‌ ఎక్సైజ్‌ డ్యూటీ, ఎన్‌ఎంఈటీ, సంపద పన్ను (వెల్త్‌ టాక్స్‌) వంటివాటి కింద ఏటా రూ.వేల కోట్లు చెల్లిస్తుంది. తెలంగాణ ప్రత్యేక రాష్ట్రంలో సింగరేణి లాభాలను భారీగా పెంచుకుంటూ పోతున్నది. బాగా పనిచేసేవారి నుంచి బాదుకోవాలనే సూత్రంతో.. కేంద్రం అనేక పన్నుల రూపంలో సింగరేణి నుం చి 2014 తర్వాత ఇప్పటివరకు రూ.17,700 కోట్లు పొందింది. ఇదే సమయంలో రాష్ర్టానికి సింగరేణి చెల్లించిన మొత్తం రూ.15,012 కోట్లు మాత్రమే. కేంద్రం పొందిన ఆదాయంలో దాదా పు రూ.500 కోట్ల వరకు డివిడెండ్‌ కూడా ఉన్న ది. మొదట్లో రాష్ర్టానికి చెల్లించే మొత్తమే ఎక్కువగా ఉన్నప్పటికీ.. జీఎస్టీ ప్రారంభమయ్యాక కేంద్రానికి చెల్లించే మొత్తం భారీగా పెరిగింది. సింగరేణి సంస్థ లాభాలను గణనీయంగా పెంచుకోవడం వల్లనే కేంద్రానికి ఆదాయం పెరుగుతున్నది. సీఎం కేసీఆర్‌ మార్గదర్శకంలో.. సీఎండీ శ్రీధర్‌ ఆధ్వర్యంలో సింగరేణి నిర్దేశించుకున్న లక్ష్యాలను దాటి బొగ్గు ఉత్పత్తి చేస్తూ లాభాలు గడిస్తున్నది. అదేస్థాయిలో కేంద్రానికి, రాష్ర్టానికికూడా పన్నులను చెల్లిస్తూ వస్తున్నది. కేంద్ర, రాష్ర్టాలకు కలిపి ఆరేండ్లలో సింగరేణి సంస్థ చెల్లించిన మొత్తం రూ.32,704.39 కోట్లు.
ఆంధ్రప్రదేశ్ లో గ్రామీణ ప్రాంతాల్లో పదేళ్ల తరువాత పరిపాలన అందించేందుకు గ్రామ పంచాయతీ సర్పంచ్ లు రెడీ అయిపోయారు.. కానీ వారు పరిపాలన అందించేందుకు గ్రామసచివాలయాలే ఇంకా నిర్మాణ దశలోనే ఉండిపోయాయి. గ్రామ పంచాయతీలకు ఎన్నికలు పూర్తయ్యేనాటికి గ్రామసచివాలయాల్లోని భవనాలను సిద్ధం చేయాలని ప్రభుత్వం ఎంత యుద్ధ ప్రాతిపదికన పనులు చేయించినప్పటికీ చాలా చోట్ల కొత్త భవనాల నిర్మాణాలు పూర్తికాలేదు. దీనితో పాత భవనాల్లోనే నూతన సర్పంచ్ లు ప్రమాణ స్వీకారాలు చేశారు. కొన్ని చోట్ల మాత్రం నూతన సచివాలయాలు పూర్తయ్యాయి. పూర్తయిన చోట సర్పంచ్ లు తమ కార్యదర్శిలతో నూతన భవనాల్లోనే తమ కార్యకలాపాలు ప్రారంభించగా, మిగిలిన నేటికీ అద్దెకు తీసుకున్న భవానాల్లోనూ, పాత భవనాల్లోనే తమ పాలనకు శ్రీకారం చుట్టారు. పంచాయతీ ఎన్నికల ముందు వరకూ గ్రామసచివాలయాల్లో సర్పంచ్ కు గదులనే సిద్ధం చేయలేదు. ప్రభుత్వం ఎన్నికలకు నోటిఫికేషన్ ఇచ్చిన తరువాత గ్రామ సర్పంచ్ కి ప్రత్యేక గదులను తయారు చేశారు. అప్పటి వరకూ ఆ గదలను చాలా చోట్ల స్టోర్ రూమ్ లుగా నినియోగించాల్సి వచ్చింది. పదేళ్లుగా గ్రామపంచాయతీలకు సర్పంచ్ లు లేరేమో కార్యదర్శిల రాజ్యమే చెల్లింది. చాలా చోట్ల ప్రభుత్వ రికార్డులకు లెక్కా పత్రం లేదు. ప్రభుత్వం షడెన్ గా పంచాయతీలకు ఎన్నికలు పెట్టేసి సర్పంచ్ లను నియమించేయడంతో తేడా కార్యదర్శిల గొంతులో పచ్చివెలక్కాయ్ పడినట్టు అయ్యింది. ఈసారి చాలా వరకూ గ్రామపంచాయతీలకు చదువుతున్న యువత సర్పంచ్ లు గా ఎన్నిక కావడంతో అపుడే వారి ద్రుష్టి తేడాగా వ్యవహరించే పంచాయతీ కార్యదర్శి నిర్వహించే రికార్డులుపై పడింది. చాలా చోట్ల పంచాయతీల్లో అపుడే తేడా కార్యదర్శిల్లో ఆందోళన మొదలైంది. పదేళ్ల తరువాత మళ్లీ సర్పంచ్ ల పాలన రాష్ట్రంలో అమలులోకి రావడంతో దీర్ఘకాలిక సమస్యలను పరిష్కరించే పనిలో పడ్డారు కొత్త సర్పంచ్ లు. ఈసారి సర్పంచ్ లకు ప్రభుత్వ శాఖల వారీగా సిబ్బంది, గ్రామ వాలంటీర్లు కూడా తోడయ్యారేమో వారి లక్ష్యాలు చేరుకోవడానికి మార్గం సుగమం అయ్యింది. ఇదే సమయంలో రాష్ట్రంలో అన్ని ప్రాంతాల్లోనూ గ్రామ సచివాలయ భవనాలు పూర్తయితే ప్రజలకు కొత్త భవనాల నుంచే సచివాలయ సేవలు పూర్తిస్థాయిలో అందనున్నాయి. ఈ స్థానిక సంస్థల ఎన్నికల నేపథ్యంలో ఈ సచివాలయ భవన నిర్మాణ పనులు మరింత ఆలస్యమయ్యే సూచనలు కనిపిస్తున్నాయి. మున్సిపల్ ఎన్నిలకలు, ఎంపీటీసీ, జెడ్పీటీసి ఎన్నికలు కూడా పూర్తయిపోతే గ్రామీణ ప్రాంతాల్లో పూర్తిస్థాయి సచివాలయ పాలన అందుబాటులోకి వస్తుంది. గ్రామాల్లో ప్రభుత్వం ఏర్పాటు చేయనున్న ఆర్బీకేలు, విలేజ్ క్లినిక్ లు, వెటర్నరీ కేంద్రాలు, మల్టీపర్పస్ కేంద్రాల నిర్మాణాలు కూడా ప్రారంభమైపోతే సర్పంచ్ లకు, సిబ్బందికి చేతి నిండా పనిదొరుకుంది. ఈలోగా సచివాలయ సిబ్బంది ఉద్యోగాలు కూడా రెగ్యులర్ అవుతాయేమో గ్రామ స్వరాజ్య పాలను అంతా ఒకేసారి సిద్ధమవుతారు.
ఆంధ్రప్రదేశ్ లో వేల కోట్ల రూపాయల విలువైన భూములు తీసుకుంటూ స్థానికులకు ఉద్యోగాలిచ్చే విషయంలో టెక్నాలజీ సాకు చూపి తప్పించుకునే సాఫ్ట్ వేర్ కంపెనీల ఆగడాలకు కాలం చెల్లింది. ఏపీలో సాఫ్ట్ వేర్ కంపెనీలు పెట్టేవారు 75శాతం ఉద్యోగాలు స్థానికులకు ఇవ్వాలనే నిబంధనను ప్రభుత్వం ఇకపై పూర్తిస్థాయిలో అమలు చేయాలని సంకల్పించింది. దీనికోసం రాష్ట్ర ఐటీశాఖ మంత్రి మేకపాటి గౌతంరెడ్డి ముఖ్యమంత్రి వైఎస్ జగన్మోహన్ రెడ్డి ద్రుష్టికి ఒక ప్రత్యేక ప్రతిపాదన తీసుకెళ్లినట్టు సమాచారం. ఆ ప్రతిపాదన ప్రకారం సాఫ్ట్ వేర్ కంపెనీల్లో వినియోగించే టెక్నాలజీలు ప్రభుత్వానికి ముందుగానే కంపెనీ స్థాపనకు ముందుగానే తెలియజేస్తాయి. లేదంటే ప్రభుత్వంలోని ఐటీశాఖ రాష్ట్రంలోని అన్ని సాఫ్ట్ వేర్ కంపెనీల నుంచి టెక్నాలజీ వినియోగంపై డాటాను సేకరింస్తుంది. తద్వారా నైపుణ్యాభివ్రుద్ధి కేంద్రాలు, వ్రుత్తి నైపుణ్య విద్యాలయాల ద్వారా విద్యార్ధులకు చదువుకునే సమయంలోనే ప్రత్యేకంగా సదరు సాఫ్ట్ వేర్ టెక్నాలజీలపైనా, ఇంగ్లీష్ నైపుణ్యం పెంపు పై పూర్తిస్థాయి శిక్షణ ఇస్తారు. విద్యార్ధుల డిగ్రీ ఆఖరి సంవత్సరం చదువతున్న సమయంలోనే రాష్ట్రంలో కంపెనీలకు స్థలాలు తీసుకున్న యాజమాన్యాలు ఆయా వ్రుత్తి నైపుణ్య విద్యాలయాల్లో కేంపస్ ఇంటర్వ్యూలు నిర్వహిస్తాయి. తద్వారా విద్యార్ధులకు డిగ్రీ పూర్తయ్యేనాటికే సాఫ్ట్ వేర్ ఉద్యోగ అవకాశాలు కలుగుతాయి. ఇలా చేయడం ద్వారా రాష్ట్రంలోని ఐటీ పరిశ్రమను అభివ్రుద్ధి చేయాలన్నది ప్రభుత్వ ఆలోచన. అన్ని ఐటీ కంపెనీలకు ఈ నిబంధన వర్తింపజేసి రాష్ట్రంలో సాఫ్ట్ వేర్ ఉద్యోగాలను అధిక సంఖ్యలో నిరుద్యోగ యువతకు కల్పించాలనేది ప్రభుత్వ ఆలోచన. కొత్తగా పెట్టబోయే కంపెనీలు స్థానికులకు ఉద్యోగ అశకాశాలు కల్పించకపోతే వారికి నిబంధనల ప్రకారం ఏపీఐఐసి ద్వారా స్థలాల కేటాయింపు జరగదని తెలుస్తుంది. ఇంత వరకూ సాఫ్ట్ వేర్ కంపెనీలు ఏర్పాటుకి స్థలాలు తీసుకున్న కంపెనీలన్నీ స్థానికులకు ఉద్యోగాలు ఇవ్వాలంటే వారు మా కంపెనీలు వినియోగించే టెక్నాలజీలు నేర్చుకోలేదని, వారు నేర్చుకుంటే తప్పనిసరిగా ఉద్యోగ అవకాశాలు కేటాయిస్తామ చెప్పి తప్పించుకుంటూ వస్తున్నాయి. అదే సమయంలో కొన్ని కంపెనీలు ఉద్యోగ అవకాశాలు కల్పించినా అవి రెండు లేదా మూడేళ్లు మాత్రమే ఉంచి తీసేస్తున్నాయి. ఇకపై అలా ఉద్యోగాలిచ్చి తీసేయడానికి వీలుపడదు. కంపెనీలో చేరిన ఉద్యోగి ఆ ఉద్యోగానికి పనికారడని సాంకేతికంగా రుజువు అయినపుడు మాత్రమే ఉద్యోగులను కంపెనీ నుంచి తొలగించాలి. అలాకాకుండా ఎడాపెడా తీసుకున్న ఉద్యోగులను తీసేస్తామన్నా ఆ పనిజరగకుండా ప్రభుత్వం ప్రత్యేక నిబంధనలను అమలుచేయబోతుందట. అలాకాకుండా ఒక సాఫ్ట్ వేర్ ఉద్యోగికి కావాల్సిన టెక్నాలజీ, ఇంగ్లీష్ లాంగ్వేజి డెవలెప్ మెంట్ అన్నీ ప్రభుత్వం నిర్మించే నైపుణ్యాభివ్రుద్ధి కేంద్రాలు, వ్రుత్తి నైపుణ్య విద్యాలయాల ద్వారా శిక్షణ ఇవ్వడానికి ప్రత్యేకంగా శిక్షకులను భారీ జీతాలతోనే నియమించనుంది. వీరికి టార్గెట్లు కూడా పెట్టి ఎంత ఎక్కువ మంది నిరుద్యోగులకు ప్రభుత్వం ఐటి ఉద్యోగాలిప్పించే స్థాయికి శిక్షణ ఇచ్చారనే కోణంలో వారిని పరిశీలిస్తుందని సమాచారం. ఇదే జరిగితే సాఫ్ట్ వేర్ కంపెనీల ఆగడాలకు కాలం చెల్లడంతోపాటు, బీటెక్ కంప్లీట్ చేసి ఉద్యోగాలు లేకుండా నిరుద్యోగులుగా ఉన్నవారికి సైతం సాఫ్ట్ వేర్ ఉద్యోగ అవకాశాలు మెండుగా దొరికే చాన్సు వుంది. సాఫ్ట్ వేర్ పార్కులు ఏర్పాటు చేసే జిల్లాల వారీగా ఈ నైపుణ్యశిక్షణ కేంద్రాలు, వ్రుత్తి నైపుణ్య విద్యాలయాలను వచ్చే విద్యాసంవత్సరం నుంచి ప్రారంభించడానికి ప్రభుత్వం అన్ని చర్యలు తీసుకుంటుందని తెలుస్తుంది. ఐటీలో శిక్షణ తీసుకోవాలంటే ఇంజనీరింగ్ చదివిన వారికి ఆరునెలల సమయం పడుతుంది. అలాకాకుండా ప్రభుత్వం శిక్షణ ఇచ్చే కేంద్రాల్లో అయితే చదువుతోపాటు శిక్షణ తీసుకుంటారు కనుక ప్రత్యేకంగా వారికి శిక్షణ ఇచ్చే పనుండదు. ఇటీవల ఐటీశాఖ మంత్రి సాఫ్ట్ వేర్ కంపెనీలతో నిర్వహించిన సమావేశంలో ఈ విషయాన్ని ప్రస్తావించి దానిపై నివేదికను ముఖ్యమంత్రికి అందించినట్టు సమాచారం. అన్నీ అనుకున్నట్టు జరిగితే దేశం మొత్తం ఆంధ్రప్రదేశ్ వైపు చూసేంతగా సాఫ్ట్ వేర్ ఇండస్ట్రీ లో భారీ ఉద్యోగాలతోపాటు, మంచి ప్రాజెక్టులు కూడా వచ్చే అవకాశాలు చాలా ఎక్కువవుతాయి..!
ఆంధ్రప్రదేశ్ ప్రభుత్వం ఎంతో ప్రతిష్టాత్మకంగా ఏర్పాటు చేసిన గ్రామసచివాలయ వ్యవస్థలో సిబ్బందిలోపాలపై ఈఎన్ఎస్ నేషనల్ న్యూస్ ఏజెన్సీ అధికారిక మొబైల్ యాప్ ఈఎన్ఎస్ లైవ్ న్యూస్ యాప్ లో ప్రచురితమైన న్యూస్ కార్డ్ పై ప్రభుత్వం స్పందించింది. రాష్ట్రంలోని సుమారు 15వేల వార్డు, గ్రామసచివాలయ సిబ్బంది టైమ్ కి బయోమెట్రిట్ వేస్తేనే జీతం ఇస్తామని లేదంటే ఆరోజు జీతం కట్ చేస్తామని ప్రకటించింది. గ్రామసచివాలయ వ్యవస్థ ఏర్పాటైన దగ్గర నుంచి కొందరు సచివాలయ సిబ్బంది ఆడుతూ పాడుతూ విధులు నిర్వహిస్తూ వచ్చారు. వారికి కొందరు తేడా గ్రామకార్యదర్శిలు వంతపాడుతూ, వారి లోపాలను కప్పిపుచ్చుకుంటూ వచ్చారు. అయితే దేశానికే దిక్సూచిగా నిలిచిన గ్రామసచివాలయ వ్యవస్థలో సిబ్బంది, అధికారులు చేస్తున్న తేడా విధులపై ఈఎన్ఎస్ లైవ్ యాప్ వరుస కధనాలు ప్రచురిస్తూ వస్తోంది. ఇటీవల ప్రచురించిన న్యూస్ కార్డ్...తేడా సచివాలయ ఉద్యోగులపై ప్రభుత్వం ద్రుష్టి అనే వార్తకు స్పందించిన ప్రభుత్వం బయోమెట్రిక్ అటెండెన్సు, టూర్ డైరీ, విధినిర్వహణలో చేరినపుడు ఇచ్చిన డ్యూటీ చార్టు ఖచ్చితంగా అమలు చేస్తేనే జీతాలు ఇస్తామని లేదంటే జీతం ఇచ్చే పరిస్థితి లేదని తెగేసి చెప్పింది. దీనితో గ్రామసచివాలయ వ్యవస్థ విషయంలో ఈఎన్ఎస్ లైవ్ యాప్ ప్రచురిచిన న్యూస్ కార్డ్ లోని వాస్తవాలను గుర్తించిన ప్రభుత్వం తనదైన స్టైల్ లో విధినిర్వహణ ప్రతీ ఒక్క ఉద్యోగి సక్రమంగా చేసేలా ఉత్తర్వులు జారీ చేసింది. తెలుగు ప్రజల గుండె చప్పుడు ట్యాగ్ లైన్ తో ప్రజల్లోకి వచ్చిన ఈఎన్ఎస్ లైవ్ యాప్ కధనాలన్నీ అక్షర సత్యాలని మరోసారి రుజువైంది. అంతేకాదు ప్రభుత్వంలో చాలా మంది ఉన్నతాధికారులు ఈఎన్ఎస్ లైవ్ యాప్, www.enslive.net న్యూస్ వెబ్ సైట్ ని ఫాలో అవుతున్నారని తాజా సంఘటనలు రుజువుచేస్తున్నాయి. దీనితో బాగా పనిచేసు ఉద్యోగులు హర్షం వ్యక్తం చేస్తూ ఈఎన్ఎస్ లైవ్ యాప్ కార్యాలయానికి అభినందనలు తెలియజేయడానికి ఉదయం నుంచి కాల్స్ చేస్తునే ఉన్నారు. ప్రభుత్వ ఉద్యోగులు స్థితిగతులు, మంచి, చెడులపై ఎప్పటికప్పుడు విశ్లేషనాత్మక కధనాలను న్యూస్ కార్డ్ గా అందిస్తున్న ఈఎన్ఎస్ లైవ్ యాప్ మరిన్ని వార్తలతో ప్రభుత్వం అన్నిశాఖలపై ద్రుష్టిపెట్టేలా చేయాలని సూచిస్తూ తమ ఆనందాన్ని పంచుకున్నారు. అదేవిధంగా ప్రజలకు గ్రామసచివాలయ సేవలు మరింతగా ఏ విధంగా అందాలోకూడా ప్రజలను చైతన్యం చేస్తూ కధనాలు అందించాలని కోరారు. అశేష పాఠక లోకానికి తాజావార్తలు అందించే ఈఎన్ఎస్ లైవ్ మొబైల్ యాప్ ప్రజల పక్షాన నిలవడమే కాకుండా ప్రభుత్వ వ్యవస్థల పనితీరుకు, వారి మంచి విధులను ప్రజలకు తెలియజేస్తూ, అదే స్థాయిలోని తేడా విధులను ఎండగడుతూ ముందుకి సాగుతుందని తెలియజేస్తుంది ఈఎన్ఎస్ లైవ్ యాప్ టీమ్..
భారతదేశంలోనే ఎంతో ప్రతిష్టాత్మకంగా ఆంధ్రప్రదేశ్ ప్రభుత్వం ఏర్పాటు చేసిన గ్రామసచివాలయ వ్యవస్థ నాటి పంచాయతీ కార్యదర్శిలకు చాలా ఇబ్బందులను, నొప్పులను తెచ్చిపెడుతోంది. గ్రామసచివాలయాలు ఏర్పాటై 16 నెలలు పూర్తవుతోంది. మరో 8నెలల్లో రెండేళ్లు పూర్తిచేసుకోబోతుందికూడా అంటే ఆ సమయానికి కార్యదర్శిల ఉద్యోగాలు కూడా ప్రొబిషన్ పూర్తిచేసుకొని రెగ్యులర్ కూడా కాబోతున్నాయి. అంతవరకూ బాగానే వున్న సచివాలయాల సేవలను ప్రజలకు అందించే విషయంలో జిల్లా కలెక్టర్లు, ఈ శాఖకోసం ప్రభుత్వం నియమించిన జెసిలు ప్రభుత్వం విడుదల చేసిన జీఓల అమలు విషయంలో చేతులెత్తేస్తున్నారు. అవును నిజమే ప్రభుత్వం మేజర్ పంచాయతీలు ఉన్నచోట రెండు నుంచి మూడు సచివాలయాలను జనాభా ప్రాతిపదికన ఏర్పాటు చేస్తూ..ఏ సచివాలయ పరిధిలోని ప్రజలు ఆ సచివాలయంలోకే వస్తారని విభజన కూడా చేసి సేవలు అక్కడి నుంచే అందిస్తోంది. దానికి కార్యరూపం తీసుకురావడానికి జీఓ నెంబరు 149ను విడుదల చేసింది. దీని ప్రకారం మేజర్ పంచాయతీగా ఉన్న కార్యాయంలోని అన్ని అంశాలు విభజన చేయాల్సి వుంది. అంటే బ్యాంకు అకౌంట్లు, కార్యాలయం, సిబ్బంది, పారిశుధ్య కార్మికులు, వాహనాలు ఇలా అన్ని రకాల అధికారాలు ఆ జీఓ ప్రకారం విభజన చేయాలి. జీఓ వచ్చి రెండేళ్లు దాటి, దానిపై సర్క్యులర్ వచ్చి 8 నెలలు దాటుతున్నా ఆ జీఓ రాష్ట్రంలో ఏ ఒక్క జిల్లాలోనూ అమలు కాలేదు.. కాదు కాదు ఏ జిల్లా కలెక్టరు గానీ, డీపీఓగానీ, జిల్లా పరిషత్ సీఈఓ గానీ దాని అమలు విషయంలో ఎంపీడీఓలకు దిశా నిర్ధేశం చేయలేదు. ఫలితంగా మేజర్ పంచాయతీల్లో సచివాలయాలు అయతే ఉన్నాయి తప్పితే వాటి ద్వారా ప్రజలకు సేవలు అందడటం లేదు. కార్యదర్శిలు అధికారాలు లేని ఉద్యోగాలు చేయాల్సి వస్తుంది. ప్రస్తుతం పంచాయతీలకు సర్పంచ్ లు వచ్చిన తరుణంలో ఆ ఇబ్బందులు ఇపుడు మరింత ఎక్కువ కానున్నాయి. ప్రభుత్వం జీఓ విడుదల చేసినంత మాత్రాన తాము విభజన చేయాలా అనుకున్నారో ఏమో అటు జిల్లా పంచాయతీ అధికారులు ఈ జీఓపై ఎంపీడీఓలకు సైతం ఆదేశాలు జారీ చేయలేదు. వాస్తవానికి ప్రభుత్వం ఒక జీఓ విడుదల చేస్తే దానిని జిల్లా అధికారులు తూచా తప్పకుండా పాటించాలి..కాకపోతే ఆంధ్రప్రదేశ్ లోని జిల్లా పంచాయతీ అధికారులు, జిల్లా పరిషత్ సీఈఓలు ప్రభుత్వం విడుదల చేసే జీఓల అమలు విషయంలో భిన్నంగా ఉంటారు. ఇపుడు వారిని గట్టిగా ఆదేశించలేరని స్థాయిలో జిల్లా కలెక్టర్లుకూడా ఉంటారనే విషయం జిఓనెంబరు 149 మరోసారి రుజువు చేసింది. మీరు చదువుతున్నది నిజమే.. జీఓ నెంబరు 149పై సర్క్యులర్ వచ్చి సుమారు 8నెలలు అవుతున్నా దీనిపై ఆంధ్రప్రదేశ్ లోని ఏ ఒక్క జిల్లాలోనూ గ్రామసచివాలయాల విభజన జరగలేదంటే పరిస్థితి ఏవిధంగా ఉందో అర్ధం చేసుకోవచ్చు. వాస్తవానికి ప్రభుత్వం అమలు చేసే జీఓల విషయంలో జిల్లా కలెక్టర్లుగానీ, గ్రామసచివాలయ వ్యవస్థకు ఏర్పాటైన జాయింట్ కలెక్టర్లు గానీ చాలా ముక్కుసూటిగా ఉంటారు. కానీ విచిత్రం ఏంటో ఈ జీఓ విషయంలో అందరూ ఏకమై జీఓని అమలు చేయకుండా వదిలేశారు. కడప జిల్లాలో గ్రామసచివాలయ శాఖ జెసి గట్టిగా పట్టుబట్టి సచివాలయాలను విభజన చేయిస్తున్నప్పటికీ మిగిలిన జిల్లాల్లో కనీసం చలనం రావడంలేదు. ఈ క్రమంలో అధికారం లేని ఉద్యోగం తాము ఎలా చేస్తామంటూ సచివాయ కార్యదర్శిలు వాపోతున్నారు. ప్రభుత్వం ఏ విధంగా విధులు చేయమంటే తాము ఆవిధంగా పనిచేస్తున్నామని, కాకపోతే సత్వర నిర్ణయం తీసుకోవాలంటే మాత్రం సచివాలయాల విభజన జరగకపోతే మాత్రం ప్రజలకు తమ సచివాలయాల పరిధిలో సేవలు అందించే పరిస్థితి లేదని చెబుతున్నారు. ఈ విషయంలో తూర్పుగోదావరి జిల్లా పంచాయతీ అధికారికి ద్రుష్టికి జీఓ విషయమై కార్యదర్శిలు తీసుకెళ్లినప్పటికీ, జిల్లా పంచాయతీ అధికారి ఒక అర్జెంట్ సర్క్యులర్ ఇచ్చి చేతులు దులుపుకున్నారు తప్పితే.. ఫలితం ఏమీ లేకుండా పోయింది. ప్రభుత్వం విడుదల చేసిన జీఓ అమలు కానప్పుడు ప్రభుత్వం ఆ జీఓను ఎందుకు విడుదల చేసిందనే ప్రశ్నకూడా ఉత్పన్నమవుతుంది. గ్రామ సచివాలయాల కోసమే ప్రభుత్వం నియమించిన గ్రామసచివాలయాల శాఖ జాయింట్ కలెక్టర్లు కూడా దీనిపై చర్యలు తీసుకోకపోవడం అశ్చర్యానికి, అనుమానాలకు తావిస్తుంది. మరోవైపు ప్రస్తుతం విభజన చేయని గ్రామసచివాలయల సీనియర్ కార్యదర్శిలు, ఈఓపీఆర్డీలు కొత్తగా వచ్చిన సచివాలయ కార్యదర్శిలు తమ కిందే పనిచేయాలని, వారితో మమ్మల్ని ఎలా సమానంగా చూస్తారని వాపోతున్నారు. వెరసీ జీఓనెంబరు 149 అమలుకి నోచుకోలేదు. ఒక ప్రక్క ముఖ్యమంత్రి వైఎస్ జగన్మోహనరెడ్డి దేశానికే గ్రామసచివాలయ వ్యవస్థ ఆదర్శంగా నిలువాలని పదే పదే ప్రతీ సమావేశంలోనూ చెబుతున్నా.. ఇదే సచివాలయశాఖ జారీచేసిన జీఓని అమలు చేయకుండా గాలితీసేస్తున్న పరిస్థితిలో ఉన్నతాధికారులు ఉండటంపై సర్వత్రా విమర్శలు వినిపిస్తున్నాయి. రాష్ట్రంలో 13జిల్లాల్లో ప్రభుత్వ జీఓలు అమలు చేసే జిల్లా కలెక్టర్లు కొంతమంది ఉన్నప్పటికీ వారు కూగా ఈ జీఓ విషయంలో ఎలాంటి చర్యలు తీసుకోలేదు. ఇన్ని నెలలు దాటుతున్నా నేటివరకూ ఆ జీఓ 149ని ఎంతమంది అమలు చేశారని ప్రశ్నించలేదంటే అధికారులు ఎంత చిత్తశుద్ధితో పనిచేస్తున్నారో అర్ధం చేసుకోవచ్చు. ఇదే విషయాన్ని అటు గ్రామ, వార్డు సచివాలయాల శాఖ మంత్రులు పెద్దిరెడ్డి రామచంద్రారెడ్డిగానీ, మంత్రి బొత్సా సత్యన్నారాయణలు వంటి వారు కూడా పట్టించుకోలేదు. భవిష్యత్తులోనైనా పట్టించుకుంటారో లేదో వేచి చూడాలి మరి..!
ఆంధ్రప్రదేశ్ దేవాదాయ శాఖ ముఖ్య కార్యదర్శి డా.జి.వాణి మోహన్ శనివారం ఉదయం తిరుమల శ్రీవారి ఆలయంలో టిటిడి ధర్మకర్తల మండలి ఎక్స్ అఫిషియో సభ్యురాలిగా ప్రమాణస్వీకారం చేశారు. టిటిడి అదనపు ఈవో ఎ.వి.ధ‌ర్మారెడ్డి డా.జి.వాణి మోహన్ తో ప్రమాణం చేయించారు. శ్రీవారిని దర్శించుకున్న అనంతరం రంగనాయకుల మండపంలో వేదపండితులు వేదాశీర్వచనం చేశారు. ఆ తరువాత అదనపు ఈవో స్వామివారి తీర్థప్రసాదాలు, చిత్రపటాన్ని, డైరీ, క్యాలెండర్ ను వారికి అందించారు. ఈ కార్యక్రమంలో బోర్డు సెల్‌ డెప్యూటీ ఈఓ సుధారాణి ఇతర అధికారులు పాల్గొన్నారు.
రాష్ట్రంలో ఉత్తమ విద్యా ప్రమాణాలు పెంపు, విద్యా విధానంలో దేశంలోనే రాష్ట్రం ఆగ్ర స్థానంలో నిలవాలన్న రాష్ట్ర ముఖ్య మంత్రి జగన్ మోహన్ రెడ్డి ఆశయం మేరకు ఆంధ్ర ప్రదేశ్ రాష్ట్ర ఉన్నత విద్యా మండలి రూపు దిద్దుకున్నదని రాష్ట్ర విద్యా శాఖా మంత్రి ఆదిమూలపు సురేష్ అన్నారు. శనివారం ఉన్నత విద్యా మండలి మొదటి సమావేశం ఏర్పేడు వద్ద గల ఐ ఐ టి ఆతిధ్యంతో విద్యా మండలి అధ్యక్షులు ప్రొ. హేమచంద్రా రెడ్డి , విద్యా శాఖ ప్రధాన కార్యదర్శి సతీష్ చంద్ర ల తో కలసి రాష్ట్ర విద్యాశాఖ మంత్రి రాష్ట్రంలోని అన్ని కేంద్ర, రాష్ట్ర ప్రభుత్వ విద్యాలయాలు, విశ్వ విద్యాలయాల విసి లతో, ప్రొఫెసర్లతో నిర్వహించారు. రాష్ట్ర విద్యా శాఖ మంత్రి మీడియా తో మాట్లాడుతూ, రాష్ట్ర ముఖ్యమంత్రి ప్రణాళిక బోర్డు ఏర్పాటు తో విద్యావిధానంలో సమూల సంస్కరణలు చేపట్టడానికి, దేశంలోనే రాష్ట్ర విద్య విధానం ఉన్నత స్థాయిలో నిలపాలన్న కృత నిశ్చయంతో వున్నారని అన్నారు. విద్యా మండలి ఏర్పాటుతో కేంద్ర విశ్వ విద్యాలయాలు, విద్యాలయాలు రాష్ట్ర విశ్వ విద్యాలయాలతో అనుసంధానం చేసి సమన్వయంతో చర్చలు జరిపి, రీసర్చ్, ఫాకల్టీ, సాంకేతిక అనుసంధానం, అవసరాలు వంటివి గుర్తించి రాష్ట్ర విద్యా శాఖలో సమూల మార్పులు చేయనున్నామని అన్నారు. అందులో భాగంగా రాష్ట్ర ఉన్నత విద్యా మండలి పలు కేంద్ర, రాష్ట్ర విశ్వ విద్యాలయాలతో చర్యలు జరిపి నాలెడ్జ్ ఎక్స్ ఛేంజ్ , సాంకేతిక అనుసంధానం, ఇన్ ఫ్రాస్ట్రక్చర్ వంటి అవసరాలు గుర్తించడం జరుగుతుందని అన్నారు. ఇప్పటికే విద్యాశాఖ లో సంక్షేమ పథకాలు అమ్మ ఒడి, నాడు-నేడు వసతుల కల్పన, వై ఎస్సార్ ప్రైమరీ పాఠశాలలు ఏర్పాటు, విద్యాదీవెన, వసతి దీవెన వంటివి అమలు చేస్తున్నారని అన్నారు. ఉన్నత విద్యకు సంబంధించి కోవిడ్ -19 కారణంగా ఈసారి అడ్మిషన్లు రూల్ ఆఫ్ రిజర్వేషన్ మేరకు డిగ్రీ కళాశాలలో ఇబ్బందులు లేకుండా జరిపామని, రాబోవు సంవత్సరమునకు ఇంటర్ మీడియట్ కు వర్తింప చేస్తామని తెలిపారు. బి ఏ, బి కామ్, , బి టెక్ కోర్సులకు 10 నెలల ఇంటర్న్ షిప్ అమలు చేయబోతున్నామని తెలిపారు. కోవిడ్ కారణం గా ఆలస్యం ప్రారంభమయిన ఈ విద్యా సవత్సరం విద్యా సంస్థల ను గాడి పెట్టి సిలబస్ పూర్తి చేయనున్నామని తెలిపారు. పరిశోధనలకు ప్రాధాన్యత నిస్తూ, స్మూల మార్పులు తీసుకువచ్చి విద్యా సంస్థలను సెంటర్ ఆఫ్ ఎక్సలెన్స్ గా తీర్చి దిద్దనున్నామని అన్నారు.ప్రతి పార్లమెంటు పరిధిలో స్కిల్ డెవెలప్ మెంట్ సెంటర్లు, తిరుపతిలో స్కిల్ యూనివర్సిటీ రూపుదిద్దుకొనున్నదని తెలిపారు. బి.ఎడ్. కోర్సు కు సంబంధించి ప్రత్యేక స్పెషలైజేషన్ అమలు చేస్తూ 4 సంవత్సరాలకు పెంచనున్నామని అన్నారు. ఆన్ లైన్ క్లాసులకు వంద శాతం హాజరు కోసం పేద, బలహీన వర్గాల వారు అమ్మ ఒడి లబ్దిదారులు తమ సమ్మతి తెలియజేస్తే బదులుగా లాప్ టాప్ అందించే యోచనలో గౌరవ ముఖ్యమంత్రి వున్నారని వివరించారు. ఈ సమావేశం లో రాష్ట్ర ఉన్నత విద్యా మండలి అధ్యక్షులు ప్రొ. హేమ చంద్రా రెడ్డి, ఐ. ఐ. టి. డైరెక్టర్ సత్యనారాయణ తదితరులు పాల్గొన్నారు.
