శ్రీకాకుళం జిల్లాలో స్కానింగ్ కేంద్రాలు నివేదికలు సమర్పించాలని జిల్లా కలెక్టర్ ఆదేశించారు.  లింగ నిర్ధారణ చట్టం జిల్లా స్థాయి సమావేశం కలెక్టర్ అధ్యక్షతన కలెక్టర్ కార్యాలయంలో శుక్రవారం జరిగింది. ఈ సందర్భంగా కలెక్టర్ మాట్లాడుతూ ప్రభుత్వ, ప్రైవేటు స్కానింగ్ కేంద్రాలు విధిగా తమ స్కానింగ్ వివరాలను ఆన్ లైన్ లో సమర్పించాలని స్పష్టం చేశారు. స్కానింగ్ కేంద్రాల్లో నెలరోజుల్లోగా సీసీ కెమెరాలు ఏర్పాటు చేయాలని ఆయన స్పష్టం చేశారు. జిల్లాలో బాలబాలికల నిష్పత్తి వ్యత్యాసం ఎక్కువగా ఉందని, ఇది భవిష్యత్తుకు మంచిది కాదని అన్నారు. గిరిజన ప్రాంతాల్లో లింగ నిష్పత్తి ఎక్కువగా ఉండటం సంతోషాన్ని కలిగించే విషయమని పేర్కొన్నారు. జిల్లా వైద్య ఆరోగ్యశాఖ అధికారి బి. జగన్నాధ రావు మాట్లాడుతూ కంచిలి, ఆమదాలవలస, హిరమండలం, సరుబుజ్జిలి, వజ్రపుకొత్తూరు తదితర ప్రాంతాల్లో బాలబాలికల నిష్పత్తి తక్కువగా ఉందని అన్నారు. స్కానింగ్ కేంద్రాల నిర్వహణపై దృష్టి సారించి తనిఖీలు నిర్వహిస్తున్నామని చెప్పారు. ఈ సమావేశంలో జిల్లా న్యాయసేవాధికార సంస్థ కార్యదర్శి కే.జయలక్ష్మి, జాయింట్ కలెక్టర్ కే. శ్రీనివాసులు, అదనపు ఎస్పి వైద్య ఆరోగ్య శాఖ అధికారులు కె. రామ్మూర్తి, లీల, కే.అప్పారావు, కృష్ణ మోహన్, బి.సూర్యారావు, జెమ్స్ ఆసుపత్రి టి.తిరుపతి రావు, యూత్ క్లబ్ అధ్యక్షులు ఎం. ప్రసాద్ రావు తదితరులు పాల్గొన్నారు.

ఎయిడెడ్ విద్యా సంస్థలు ప్రస్తుతం ఎలా ఉన్నవి  అలా కొనసాగవచ్చని, ప్రభుత్వానికి అప్పగించాలని  ఎటువంటి వత్తిడి లేదని జిల్లా కలెక్టరు డా.ఎ.మల్లిఖార్జున స్పష్టం చేశారు. గురువారం జిల్లా కలెక్టరు ఈ విషయముపై జిల్లాలోని ఎయిడెడ్ విద్యా సంస్థల యాజమన్యాలు/ ప్రతినిధులతో సమావేశం నిర్వహించారు.  ఈ సందర్భంగా జిల్లా కలెక్టరు మాట్లాడుతూ ఎయిడెడ్ విద్యా సంస్థలకు ప్రభుత్వం ఇచ్చిన  అవకాశమునును తప్పుగా అర్ధం చేసుకోవలదని సూచించారు.   విద్యా సంస్థలు, విద్యార్ధుల  ఇంటరెస్ట్ లను దృష్టిలో ఉంచుకుని మాత్రమే తగు చర్యలు  ఉంటాయని, ఎటువంటి వత్తిడి ఉండదన్నారు.  ప్రస్తుత విద్యా సంవత్సరం పూర్తి  అయ్యే వరకు ఎటువంటి మార్పులు ఉండదన్నారు. అంగీకారం తెలిపిన పాఠశాలలోని  విద్యార్దులను అసౌకర్యం లేకుండా దగ్గరలోని పాఠశాలలలో మాత్రమే చేర్చడం జరుగుతుంది.   విద్యార్ధులకు, తల్లిదండ్రులకు ఎటువంటి  ఇబ్బందులు కలుగ నీయమని,   ఆందోళన చెందవద్దని తెలియజేశారు.  ఇప్పటికే అంగీకారం తెలిపిన ఎయిడెడ్ విద్యాసంస్థలు పునరాలోచించుకొని వారి నిర్ణయాన్ని తెలుప వచ్చన్నారు. 

ఈ విషయంలో ఎవరికైనా ఎటువంటి సందేహలున్నా  అడిగి నివృత్తి చేసుకోవచ్చన్నారు.  పాఠశాలల యాజమన్యాలెవరూ కూడా ప్రచారం  కోసం,  అశాంతిని కలుగజేసి సమస్యలు సృష్టించరాదని హెచ్చరించారు.  విద్యార్దులు వారి తల్లి దండ్రులలో పూర్తి నమ్మకం కలుగ జేయాలన్నారు. 

ఎయిడెడ్ పాఠశాలల యాజమాన్యాలు వారిపై ఎటువంటి వత్తిడి లేదన్న విషయాన్ని గ్రహించాలని తెలిపారు.  వ్యక్తిగత ప్రయోజనాలు, ప్రచారం కోసం ఎటువంటి వ్యాఖ్యానాలు చేసినా తీవ్రంగా పరిగణించడం జరుగుతుందని హెచ్చరించారు. 

ఈ సమావేశంలో జాయింట్ కలెక్టర్ పి.అరుణ్ బాబు, జిల్లా విద్యా శాఖాధికారి ఎల్. చంద్రకళ, జిల్లా వృత్తివిద్య అధికారి కె.అప్పలరాము, డిగ్రీ కళాశాలల కోఆర్డినేటర్ విజయకుమార్, 8 డిగ్రీ కళాశాలలు, 15 జూనియర్ కళాశాలలు, 32 పాఠశాలలుకు చెందిన ఎయిడెడ్ విద్యా సంస్థల యాజమాన్యాలు పాల్గొన్నారు. 

ఆంధ్రప్రదేశ్ ప్రభుత్వం ఎంతో ప్రతిష్టాత్మకంగా మహిళలు, విద్యార్ధినిలు, గ్రుహిణిల సంరక్షణార్ధం అందుబాటులోకి తీసుకొచ్చిన దిశ యాప్ తూర్పుగోదావరి జిల్లా నలు చెరగులా దావానంలా వ్యాప్తి చెందుతూ మహిళల ‘దశ’ను మరుస్తోంది. జిల్లా ఎస్పీ ఎం.రవీంధ్రనాధ్ బాబు సారధ్యంలో నోడల్ ఆఫీసర్, డిఎస్పీ మురళీ మోహన్ జిల్లాలోని అన్ని పోలీస్ స్టేషన్లు, గ్రామ, వార్డు సచివాలయాల పరిధిలోని  మహిళా పోలీసులతో దిశ యాప్ ను జిల్లా అంతటా అత్యంత వేగంటా విస్తరింప చేస్తున్నారు. రాష్ట్రంలో ఇప్పటికే 95లక్షల మంది ఈ దిశ యాప్ ని ఇనిస్టాల్ చేసుకోగా ఒక్క తూర్పుగోదావరి జిల్లాలోని 64 మండలా పరిధిలో 10 లక్షల 62 వేల 494 మందికి పైగా దిశ యాప్ ని ఇనిస్టాల్ చేయించారు. దిశయాప్ ప్రతీ ఒక్కరి స్మార్ట్ ఫోన్ లో ఉండాలనే ముఖ్యమంత్రి వైఎస్.జగన్మోహనరెడ్డి ఆదేశించడంతో ఇటు అన్ని జిల్లాల కలెక్టర్లు, జిల్లా ఎస్పీలు, అన్ని జిల్లాల దిశ నోడల్ ఆఫీసర్లు కూడా ఈ దిశ యాప్  వినియోగం, ఇనిస్టాలేషన్స్ పై ప్రత్యేకంగా మండల, డివజనల్ స్థాయి అధికారులతో ఎప్పటికప్పుడు వీడియో కాన్ఫరెన్సులు నిర్వహించి మరీ ప్రజల్లోకి తీసుకెళుతున్నారు.

 ప్రజలకు అవగాహన కల్పించేందుకు ఇప్పటికే అన్ని పోలీస్ స్టేషన్ల పరిధిలోని దిశ ద్విచక్రవాహనాలు, పెట్రోలింగ్ వాహనాలను అందుబాటులో కూడా ఉంచారు. ఏజెన్సీ ప్రాంత మండలాలలో  నెట్ వర్క్ ఉన్న చోట్ల దిశా యాప్ ను డౌన్ లోడ్ చేయించే కార్యక్రమాన్ని గ్రామసచివాలయ సిబ్బంది ముఖ్యంగా మహిళా పోలీసులు చేపడుతున్నారు. ఈ సందర్భంగా డిఎస్పీ మురళీ మోహన్ మాట్లాడుతూ, దిశ యాప్ ఒక్క మహిళలకే కాకుండా పురుషులు కూడా ఉపయోగించుకొని, ఆపదలో ఉన్నవారిని రక్షించడానికి ముందుకు రావాలని ఆయన పిలుపునిచ్చారు.  చదువు రాని వారు కూడా  మొబైల్ ను 5 సార్లు షేక్ చేస్తే  ఎస్.ఓ.ఎస్ ఓపెన్ అవుతుందనే విషయాన్ని అన్ని వర్గాలతోపాటు గిరిజ గ్రామాల్లోని గిరిజనులకు తెలియజేసి అవగాహన కల్పిస్తున్నామన్నారు. దీని ద్వారా వారికి అవసరమైన రక్షణ అందుతుందనే భరోసా కల్పించడానికి వీలుపడుతందన్నారు. గత సంవత్సరం నుండి దిశా చట్టం మీద అవగాహన కార్యక్రమాలను ఏర్పాటు చేస్తుండటం కూడా దిశయాప్ ప్రజల్లోకి త్వరగా వెళ్లడానికా ఆస్కారం ఏర్పడింది.  

దీనిని రాష్ట్ర ప్రభుత్వం ప్రతిష్టాత్మకంగా తీసుకొని అమలు చేస్తున్నది.  ప్రతి ఇంటిలో దిశా యాప్ డౌన్ లోడ్ చేసుకొనే  విదంగా  అవగాహన కలిగించేలా ఆ బాధ్యత అన్ని ప్రభుత్వ శాఖ అధికారులు తీసుకునేలా జిల్లా అధికారులు సైతం క్యాంపైన్లు నిర్వహిస్తున్నారు. ముఖ్యంగా మహిళా ఉద్యోగులు స్వచ్చందంగా ముందుకొచ్చి ఈ దిశ ఎస్ఓఎస్ యాప్ ను ఇనిస్టాల్ చేసుకుంటున్నారు. ప్రస్తుతం చాలాచోట్ల దిశయాప్ ను పురుషులు సైతం తమ మొబైల్స్ లో ఇనిస్టాల్ చేసుకోవడం ద్వారా ఆపద సమయంలో ఉన్నవారికి సహాయం అందిచడానికి వీలుపడుతుందే జిల్లా పోలీసు సందేశాన్ని ప్రతీఒక్కరూ స్వీకరిస్తున్నారు. ఈ విషయంలో మీడియా ప్రత్యేక పాత్ర పోషించడం, దిశయాప్ పై అవగాహన కార్యక్రమాలను ప్రజల్లోకి వెంటేనే తీసుకెళ్లడంలో తమవంతు బాధ్యతను ప్రదర్శిస్తున్నాయి. ముఖ్యంగా టీవీ, పత్రిక, ఆన్ లైన్ మీడియా కంటే, మొబైల్ న్యూస్ యాప్స్ ద్వారా సత్వరమే ప్రజలకు సమాచారం తెలుస్తున్నది. రాష్ట్రప్రభుత్వం దీనిని పూర్తిస్థాయిలో చట్టంగా మారిస్తే మరిన్ని ఫలితాలు రావడానికి, ప్రజలకు, ముఖ్యంగా మహిళలకు అన్ని వేళల్లో ఉపయోగపడి.. ఒక రక్షణ కవచంలా మారివుంది. రానున్న రోజుల్లో ప్రతీ ఒక్కరి మొబైల్ లోనూ దిశయాప్ ఒక అత్యవసర వనరుగా ఉపయోగపడి రాష్ట్రప్రభుత్వ ఆశయం, మహిళలకు 24 గంటలూ రక్షణ కల్పించేలా మరింత అభివ్రుద్ధి చెందాలని ఆశిద్దాం..!

తూర్పు గోదావరి జిల్లాలో అత్యధికంగా టస్సార్ పట్టు సాగు జరుగుతోందని ఉద్యనావనశాఖ డిప్యూటీ డైరెక్టర్ ఎస్.రామ్మోహన్ తెలియజేశారు. బుధవారం తన కార్యాలయంలో ఆయన మీడియాతో మాట్లాడారు. రాష్ట్రంలో ఎక్కడా లేని విధంగా జిల్లాలో టస్సార్ పట్టుసాగు, ఎగుమతులు ఉన్నాయన్నారు. సుమారు 1200 ఎస్టీ కుటుంబాలతో జిల్లాలో ఈ సాగు చేపడుతున్నామన్నారు. పట్టుతయారీకి సంబంధించిన రైతులను కూడా ప్రభుత్వం ప్రోత్సహిస్తుందన్నారు. ప్రస్తుతం ఈరకం పట్టుపై రైతులు కూడా పూర్తిస్థాయిలో అవగాహన పెంచుకొని సాగుచేయడానికి ముందుకి వస్తున్నారన్నారు. గతంలో హార్టికల్చర్ కు వనరులు, సిబ్బంది తక్కువగా ఉండేవారని, ప్రస్తుతం గ్రామసచివాలయాలు ఏర్పాటైన తరువాత ఆ ఇబ్బందులు తొలగిపోయాయన్నారు. వాణిజ్యపంటలను మరింత ప్రోత్సహించేందుకు ఆర్బీకేల ద్వారా రైతులను చైతన్యవంతం చేస్తున్నట్టు ఆయన వివరించారు.

హిందూ సనాతన ధర్మాన్ని పరిరక్షించుకోవడానికి విశాఖ శారదా పీఠం నిరంతరం కృషి చేస్తుందని పీఠాధిపతులు శ్రీ స్వరూపానందేంద్ర సరస్వతి మహాస్వామి చెప్పారు.' నాగుల చవితి పర్వదినం రోజున జన్మించిన స్వరూపానందేంద్ర కు సోమవారం సింహాచలం దేవస్థానం ప్రత్యేక ఆహ్వానితులు, జాతీయ జర్నలిస్టుల సంఘం కార్యదర్శి, వైజాగ్ జర్నలిస్ట్ ల ఫోరమ్ అధ్యక్షుడు గంట్ల శ్రీనుబాబు దంపతులు స్వరూపానందేంద్రను పీఠంలో  కలుసుకుని పుట్టినరోజు శుభాకాంక్షలు తెలియజేశారు. ఈ సందర్భంగా స్వామీజీని ఘనంగా సత్కరించి సింహాద్రినాధుడు జ్ఞాపికను శ్రీనుబాబు దంపతులు అందజేశారు. ఈసందర్భంగా స్వామీజీ మాట్లాడుతూ, హిందూ ధర్మ పరిరక్షణకు ప్రతి ఒక్కరు కూడా నడుం బిగించాల్సినసమయం ఆసన్న మయ్యిందన్నరు. ఆ విషయము లో విశాఖ శారదా పీఠం ముందువరుసలో ఉంటుందని భరోసా ఇచ్చారు. సింహాచలం దేవస్థానం అభివృద్ధి కి పూర్తి స్థాయిలో కృషి చేయాలని స్వామీజీ పిలుపునిచ్చారు.