ప్రజా సమస్యల పరిష్కారానికి ప్రతి సోమ వారం నిర్వహించే స్పందన కు 290 వినతులు అందాయి.   ఈ వినతులను  సంయుక్త కలెక్టర్లు డా. జి.సి.కిషోర్ కుమార్,  డి.ఆర్.ఓ గణపతి రావు,  స్వీకరించి, సంబంధిత శాఖల అధికారులకు అందజేసారు. సోమవారం రెవిన్యూ కు సంబంధించి 200  దరఖాస్తులు,  డి.ఆర్.డి.ఎ  కు 48,  జిల్లా వైద్య ఆరోగ్య శాఖకు  చెందినవి 18, డి.సి.హెచ్.ఎస్  కు 18 ,  దరఖాస్తులు అండగా పౌర సరఫరాలకు సంబంధించి 6 దరఖాస్త్హులు అందాయి. ఈ కార్యక్రమంలో వివిధ జిల్లా శాఖ అధికారులు, సిబ్బంది పాల్గొన్నారు.

ఆంధ్రప్రదేశ్ ప్రభుత్వం ఎంతో ప్రతిష్టాత్మకంగా మహిళలు, విద్యార్ధినిలు, గ్రుహిణిల సంరక్షణార్ధం అందుబాటులోకి తీసుకొచ్చిన దిశ యాప్ విశాఖజిల్లా నలు చెరగులా దావానంలా వ్యాప్తి చెందుతుంది. జిల్లా ఎస్పీ డా.బొడ్డేపల్లి క్రిష్ణారావు జిల్లాలోని అన్ని పోలీస్ స్టేషన్లు, గ్రామసచివాలయాల పరిధిలోని 630 మంది మహిళా పోలీసులతో దిశ యాప్ ను జిల్లా అంతటా విస్తరిస్తున్నారు. రాష్ట్రంలో ఇప్పటికే 70లక్షల మంది ఈ దిశ యాప్ ని ఇనిస్టాల్ చేసుకోగా ఒక్క విశాఖ రూరల్ జిల్లాలోనే 4లక్షల మందికి పైగా దిశ యాప్ ని ఇనిస్టాల్ చేసుకున్నట్టు అధికారిక లెక్కలు చెబుతున్నాయి. దిశయాప్ ప్రతీ ఒక్కరి స్మార్ట్ ఫోన్ లో ఉండాలనే ముఖ్యమంత్రి వైఎస్ జగన్మోహనరెడ్డి ఆదేశించడంతో ఇటు అన్ని జిల్లాల కలెక్టర్లు కూడా ఈ దిశ యాప్  వినియోగం, ఇనిస్టాలేషన్స్ పై ప్రత్యేకంగా మండల, డివజనల్ స్థాయి అధికారులతో ఎప్పటికప్పుడు వీడియో కాన్ఫరెన్సులు నిర్వహించి మరీ ప్రజల్లోకి తీసుకెళుతున్నారు. ప్రజలకు అవగాహన కల్పించేందుకు ఇప్పటికే అన్ని పోలీస్ స్టేషన్ల పరిధిలోని దిశ ద్విచక్రవాహనాలు, పెట్రోలింగ్ వాహనాలను అందుబాటులో కూడా ఉంచారు. ఏజెన్సీ ప్రాంత మండలాలలో  నెట్ వర్క్ ఉన్న చోట్ల దిశా యాప్ ను డౌన్ లోడ్ చేయించే కార్యక్రమాన్ని గ్రామసచివాలయ సిబ్బంది ముఖ్యంగా మహిళా పోలీసులు చేపడుతున్నారు.  చదువు రాని వారు కూడా  మొబైల్ ను 5 సార్లు షేక్ చేస్తే  ఎస్.ఓ.ఎస్ ఓపెన్ అవుతుందనే విషయాన్ని గిరిజనులకు తెలియజేసి అవగాహన కల్పిస్తున్నారు. దీని ద్వారా వారికి అవసరమైన రక్షణ అందుతుందనే భరోసా కల్పిస్తున్నారు. గత సంవత్సరం నుండి దిశా చట్టం మీద అవగాహన కార్యక్రమాలను ఏర్పాటు చేస్తుండటం కూడా దిశయాప్ ప్రజల్లోకి త్వరగా వెళ్లడానికా ఆస్కారం ఏర్పడింది.  దీనిని రాష్ట్ర ప్రభుత్వం ప్రతిష్టాత్మకంగా తీసుకొని అమలు చేస్తున్నది.  ప్రతి ఇంటిలో దిశా యాప్ డౌన్ లోడ్ చేసుకొనే  విదంగా  అవగాహన కలిగించేలా ఆ బాధ్యత అన్ని ప్రభుత్వ శాఖ అధికారులు తీసుకునేలా జిల్లా అధికారులు సైతం క్యాంపైన్లు నిర్వహిస్తున్నారు. ముఖ్యంగా మహిళా ఉద్యోగులు స్వచ్చందంగా ముందుకొచ్చి ఈ దిశ ఎస్ఓఎస్ యాప్ ను ఇనిస్టాల్ చేసుకుంటున్నారు. ప్రస్తుతం చాలాచోట్ల దిశయాప్ ను పురుషులు సైతం తమ మొబైల్స్ లో ఇనిస్టాల్ చేసుకోవడం ద్వారా ఆపద సమయంలో ఉన్నవారికి సహాయం అందిచడానికి వీలుపడుతుందే జిల్లా పోలీసు సందేశాన్ని ప్రతీఒక్కరూ స్వీకరిస్తున్నారు. ఈ విషయంలో మీడియా ప్రత్యేక పాత్ర పోషించడం, దిశయాప్ పై అవగాహన కార్యక్రమాలను ప్రజల్లోకి వెంటేనే తీసుకెళ్లడంలో తమవంతు బాధ్యతను ప్రదర్శిస్తున్నాయి. ముఖ్యంగా టీవీ, పత్రిక, ఆన్ లైన్ మీడియా కంటే, మొబైల్ న్యూస్ యాప్స్ ద్వారా సత్వరమే ప్రజలకు సమాచారం తెలుస్తున్నది. రాష్ట్రప్రభుత్వం దీనిని పూర్తిస్థాయిలో చట్టంగా మారిస్తే మరిన్ని ఫలితాలు రావడానికి, ప్రజలకు, ముఖ్యంగా మహిళలకు అన్ని వేళల్లో ఉపయోగపడి.. ఒక రక్షణ కవచంలా మారివుంది. రానున్న రోజుల్లో ప్రతీ ఒక్కరి మొబైల్ లోనూ దిశయాప్ ఒక అత్యవసర వనరుగా ఉపయోగపడి రాష్ట్రప్రభుత్వ ఆశయం, మహిళలకు 24 గంటలూ రక్షణ కల్పించేలా మరింత అభివ్రుద్ధి చెందాలని ఆశిద్దాం..!

ఆర్థిక అభివృద్ధికి అంధత్వం అడ్డురాదని కీ.శే పబ్బరాజు వెంకటేశ్వరరావు కృషితో నిరూపించారని ఏపీ మద్య విమోచన ప్రచార కమిటీ రాష్ట్ర చైర్మన్ వల్లంరెడ్డి లక్ష్మణరెడ్డి తెలిపారు. ఈ నెల 10వ తేదీన శ్రీ  షిర్డీ సాయి దీనజన సేవా సమితి ఆధ్వర్యంలో కీ.శే పబ్బరాజు వెంకటేశ్వరరావు 87వ జయంతి గుంటూరు లో ఘనంగా జరిగింది. 25 సంవత్సరాల క్రితం పబ్బరాజు వెంకటేశ్వర్లు ఇద్దరు అంధుల తో ప్రారంభించిన అంధుల పాఠశాల దినదినాభివృద్ధి చెంది వందలాది అంధుల జీవితాల్లో వెలుగులు నింపిందని లక్ష్మణరెడ్డి పేర్కొన్నారు.దాదాపు 200 మంది అంధులు ప్రభుత్వ ఉద్యోగాలు పొంది నేడు అభివృద్ధి పథంలో ముందుకు నడవటానికి దిక్సూచిగా  పబ్బరాజు వెంకటేశ్వర్లు జీవితం నిలిచిందన్నారు. గుంటూరు బ్రాడీపేట 2/12 లో గల  500  చదరపు గజాల స్థలాన్ని రాష్ట్ర ముఖ్యమంత్రి వైఎస్ జగన్మోహన్ రెడ్డి దృష్టికి తీసుకువెళ్లి అంధుల పాఠశాలకు శాశ్వత చిరునామాగా ఏర్పాటు చేస్తామని వల్లంరెడ్డి లక్ష్మణరెడ్డి హామీ ఇచ్చారు. దాతలు ఇచ్చిన విరాళాలను సక్రమంగా వినియోగించి దాదాపు 2.5 కోట్ల నిధులను ప్రభుత్వ  బ్యాంకులలో ఫిక్స్డ్ డిపాజిట్ లో ఉంచడం పబ్బరాజు వెంకటేశ్వరరావు నిజాయితీకి నిదర్శనమన్నారు. సమాజంలో ధాత్రుత్వం మరింత పెరగాలని తద్వారా పేద,బలహీన వర్గాల సాధికారత సాధ్యమౌతుందని అన్నారు. శ్రీ షిర్డీ సాయి దీన జన సేవా సమితి అధ్యక్షులు అనంగి పూర్ణచంద్రరావు ప్రసంగిస్తూ కీ.శే.పబ్బరాజు వెంకటేశ్వర్లు పేరుతో స్మారక మానవీయ సేవా పురస్కారాన్ని ప్రతి సంవత్సరం నిర్వహించి లక్ష రూపాయల అవార్డును అందిస్తామన్నారు. త్వరలో వృద్ధాశ్రమం,అనాధాశ్రమం నిర్మించాలని తలపెట్టినామని తెలిపారు.ఈ కార్యక్రమం లో కేతరాజు నరసింహారావు,యన్.తిరుపతయ్య, దాసరి హనుమంతరావు, రిటైర్డ్ హెడ్మాస్టర్ వేమూరి శ్రీరామమూర్తి, పన్నాల సత్యనారాయణమూర్తి, వెలగపూడి పాండురంగారావు, ఆవుల మర్రిరెడ్డి తదితరులు పాల్గొని ప్రసంగించారు.

మద్య విమోచన ప్రచార కమిటీ ఆంధ్రప్రదేశ్ ప్రభుత్వం ఆధ్వర్యంలో నవంబర్ 1వ తేదీ నుండి డ్రగ్స్,మత్తు పానీయాల పై  కళాజాత నిర్వహిస్తామని మద్య విమోచన ప్రచార కమిటీ రాష్ట్ర చైర్మన్ వల్లంరెడ్డి లక్ష్మణరెడ్డి తెలిపారు.  యువత,విద్యార్థులలో డ్రగ్స్,మత్తు పానీయాల దుష్ఫలితాల పై సాంస్కృతిక కార్యక్రమాలను నవంబర్ 1వ తేదీన కర్నూల్ నుండి ప్రారంభించి 13 జిల్లాలలో పై కళాజాత నిర్వహించి లక్షలాది విద్యార్థిని, విద్యార్థులను చైతన్యవంతులను చేస్తామన్నారు. తన పదవీ కాలాన్ని మరొక ఏడాది పాటు పొడిగించిన సందర్భంగా రాష్ట్ర ముఖ్యమంత్రి వైయస్ జగన్మోహన్ రెడ్డి కి లక్ష్మణరెడ్డి కృతజ్ఞతలు తెలిపారు.రోటరీ క్లబ్ మాజీ గవర్నర్,గుంటూరు రెడ్ క్రాస్ చైర్మన్ వడ్లమాని రవి ప్రసంగిస్తూ లక్ష్మణరెడ్డి గత నలభై సంవత్సరాలుగా సామాజిక రుగ్మతలపై నిరంతరం పోరాడుతున్నారని,1990 వ దశాబ్దంలో సంపూర్ణ అక్షరాస్యత ఉద్యమం,మద్య నియంత్రణ ఉద్యమంలో కీలకపాత్ర పోషించారన్నారు. మద్య నియంత్రణ ఉద్యమంలో రోటరీ క్లబ్ భాగస్వామ్యమౌవుతుందని  పేర్కొన్నారు. గుంటూరు రెడ్ క్రాస్ ఉపాధ్యక్షులు పి.రామచంద్రరాజు ప్రసంగిస్తూ లక్ష్మణరెడ్డి రక్తదాన ఉద్యమంలో కీలక పాత్ర పోషిస్తున్నారని,రక్తదాన శిబిరాలు నిర్వహించడం ద్వారా రక్తం కొరత ను తీర్చడానికి తన వంతు బాధ్యత గా కృషి చేస్తూ రెడ్ క్రాస్ కు తోడ్పాటును అందిస్తున్నారని,తన స్వగ్రామమైన కారుమంచి గ్రామ అభివృద్ధికి నిరంతరం కృషి చేస్తూ జన్మభూమి రుణం తీర్చుకుంటున్నారని అన్నారు. అవగాహన సంస్థ కార్యదర్శి కొండా శివరామిరెడ్డి ప్రసంగిస్తూ లక్ష్మణరెడ్డి తో గత నలభై సంవత్సరాలుగా సాన్నిహిత్యం ఉందని ప్రజా చైతన్య వేదిక,జనవిజ్ఞాన వేదిక,భారత జ్ఞాన విజ్ఞాన సమితి,జనచైతన్యవేదిక ల ద్వారా సదస్సులు,చర్చాగోష్టు లు,కళాజాత లను నిర్వహిస్తూ ప్రజలను చైతన్యపరుస్తున్నారని తెలిపారు.మద్య విమోచన ప్రచార కమిటీ చైర్మన్ గా గత రెండు సంవత్సరాలుగా కళా బృందాల ద్వారా ఇంజనీరింగ్,యూనివర్సిటీ ప్రాంగణాల్లో సాంస్కృతిక కార్యక్రమాలను నిర్వహించి విద్యార్థినీ,విద్యార్థులను జాగృతలను చేస్తున్నారని తెలిపారు. జన చైతన్య వేదిక రాష్ట్ర ప్రధాన కార్యదర్శి సలీం మాలిక్,రంగం కళా బృందం కార్యదర్శి రాజేష్, అవగాహన సంస్థ నేతలు  శేఖర్,కృష్ణ,రెడ్ క్రాస్ సంస్థ నేతలు రావి శ్రీనివాసరావు,సుబ్బారావులు తదితరులు పాల్గొన్నారు.

ముఖ్యమంత్రి  వైఎస్ జగన్మోహన్ రెడ్డి 2 రోజుల తిరుపతి పర్యటన ఏర్పాట్లు పూర్తయ్యాయని టీటీడీ చైర్మన్  వైవి.సుబ్బారెడ్డి చెప్పారు. ప్రారంభోత్సవాల ఏర్పాట్లను పరిశీలించిన అనంతరం ఆయన మీడియాతో మాట్లాడారు.  ఈ నెల 11వ తేదీ సోమవారం ముఖ్యమంత్రి  వై ఎస్ జగన్మోహన్ రెడ్డి  తిరుమల శ్రీవారికి ప్రభుత్వం తరపున పట్టు వస్త్రాలు సమర్పిస్తారని చెప్పారు. ఈ సందర్భంగా  తిరుపతిలో రూ 25 కోట్ల ఖర్చుతో నిర్మించిన  చిన్న పిల్లల గుండె జబ్బుల చికిత్సల ఆసుపత్రి  తాత్కాలిక భవనాన్ని ప్రారంభిస్తారన్నారు. అనంతరం అలిపిరి నుంచి తిరుమలకు రూ 25 కోట్లతో దాత నిర్మించిన పైకప్పును,  అలిపిరి వద్ద మరో దాత రూ 15 కోట్లతో నిర్మించిన  గోమందిరాన్ని ప్రారంభిస్తారని చెప్పారు. అనంతరం తిరుమల చేరుకుని గరుడోత్సవం సందర్భంగా శ్రీవారి రాష్ట్ర ప్రభుత్వం తరపున పట్టువస్త్రాలు సమర్పిస్తారన్నారు. 12వ తేదీ మంగళవారం తిరుమలలో  దాత నిర్మించిన నూతన బూందీపోటును,  శ్రీ వేంకటేశ్వర భక్తి ఛానల్ కన్నడ ,హింది ఛానళ్లను ప్రారంభిస్తారనితెలిపారు. తిరుపతి ఎంపి డాక్టర్ గురుమూర్తి, టీటీడీ  జెఈవోలు  సదా భార్గవి, వీరబ్రహ్మం, వైద్య మౌళిక సదుపాయాల కల్పన సంస్థ చైర్మన్ డాక్టర్ చంద్ర శేఖర రెడ్డి, ముఖ్యమంత్రి ప్రత్యేకాధికారి డాక్టర్ హరికృష్ణ, అర్బన్ ఎస్పీ వెంకట అప్పల నాయుడు, టీటీడీ చీఫ్ ఇంజినీర్ నాగేశ్వరరావు, గోశాల డైరెక్టర్ డాక్టర్ హరినాథ రెడ్డి, బర్డ్ ఆసుపత్రి ప్రత్యేకాధికారి డాక్టర్ రెడ్డెప్ప రెడ్డి, సిఎస్ఆర్ఎంఓ శేష శైలేంద్ర, తదితరులు పాల్గొన్నారు.

మ‌హిళా సాధికార‌త ల‌క్ష్యంగా ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డి అనేక సంక్షేమ ప‌థ‌కాల‌ను అమ‌లుచేస్తున్నార‌ని, వాటిని స‌ద్వినియోగం చేసుకొని కుటుంబాల‌ను ఉన్న‌తంగా తీర్చిదిద్దుకోవాల‌ని కాకినాడ ఎంపీ వంగా గీత‌, కాకినాడ అర్బ‌న్ ఎమ్మెల్యే  ద్వారంపూడి చంద్ర‌శేఖ‌ర‌రెడ్డి ల‌బ్ధిదారుల‌కు సూచించారు. వైఎస్సార్ ఆస‌రా రెండో విడ‌త సంబ‌రాల్లో భాగంగా ఆదివారం కాకినాడ అన్న‌మ్మ గాటీసెంట‌ర్ ప్రాంతంలో జ‌రిగిన ప్ర‌త్యేక కార్య‌క్ర‌మంలో ఎంపీ, ఎమ్మెల్యే పాల్గొన్నారు. కాకినాడ న‌గ‌ర‌పాల‌క సంస్థ ప‌రిధిలోని 20 నుంచి 29వ వార్డు వ‌ర‌కు గ‌ల ప‌ది వార్డుల ప‌రిధిలోని 1,075 స్వ‌యం స‌హాయ‌క సంఘాల మ‌హిళ‌ల‌కు 6,94,01,231 రూపాయ‌ల మెగా చెక్‌ను ల‌బ్ధిదారుల‌కు అంద‌జేశారు. ప్ర‌జా సంక్షేమం ల‌క్ష్యంగా రాష్ట్ర ప్ర‌భుత్వం అమ‌లుచేస్తున్న 31 ప‌థ‌కాల వివ‌రాల‌ను ఈ సంద‌ర్భంగా ఎంపీ వంగా గీత మ‌హిళ‌ల‌కు వివ‌రించారు. ఎమ్మెల్యే చంద్రేశేఖ‌ర‌రెడ్డి మాట్లాడుతూ 2019, ఏప్రిల్ 11 నాటికి ఉన్న పొదుపు సంఘాల బ్యాంకు రుణాల మొత్తం సొమ్మును నాలుగు విడ‌త‌ల్లో అందించే వైఎస్సార్ ఆస‌రా కార్య‌క్ర‌మంలో భాగంగా ఇప్పుడు రెండో విడ‌త సొమ్మును ఖాతాల్లో జ‌మ‌చేస్తున్న‌ట్లు వివ‌రించారు. ప‌ది రోజుల పాటు జ‌ర‌గ‌నున్న ఆస‌రా సంబ‌రాల‌ను విజ‌య‌వంతం చేయాల‌న్నారు. ఆస‌రా సొమ్మును ఇంటి నిర్మాణం లేదా సుస్థిర జీవ‌నోపాధి త‌దిత‌రాల‌కు ఉప‌యోగించుకోవాల‌ని ఎంపీ, ఎమ్మెల్యే ల‌బ్ధిదారుల‌కు సూచించారు. కార్య‌క్ర‌మంలో కాకినాడ అర్బ‌న్ డెవ‌ల‌ప్‌మెంట్ అథారిటీ (కుడా) ఛైర్‌ప‌ర్స‌న్ రాగిరెడ్డి చంద్ర‌క‌ళాదీప్తి, డిప్యూటీ మేయ‌ర్‌-2 వెంక‌ట స‌త్య‌ప్ర‌సాద్‌, కాకినాడ న‌గ‌ర‌పాల‌క సంస్థ క‌మిష‌న‌ర్ స్వ‌ప్నిల్ దిన‌క‌ర్ పుండ్క‌ర్‌, స్థానిక కార్పొరేట‌ర్లు త‌దిత‌రులు పాల్గొన్నారు.

యువతలో నైపుణ్యాలను పెంపొందించి ఆవిష్కర్తలుగా నిలపే ప్రయత్నంలో భాగంగా నిర్వహిస్తున్న రీజినల్‌ స్కిల్‌ కాంపిటీషన్‌కు విశాఖ నగరం ఆతిధ్యం ఇవ్వనుంది. ఆరు రాష్ట్రాలకు చెందిన యువత ఈ పోటీలలో భాగమవుతున్నారు. ఈ మేరకు కార్యక్రమ నిర్వహణపై ఆర్గనైజింగ్‌ కమిటీ ప్రెసిడెంట్‌, హెచ్‌పిసిఎల్‌ జిఎం(హెచ్‌ఆర్‌) కె.నగేష్‌ ఆదివారం ఏయూ వీసీ ఆచార్య పి.వి.జి.డి ప్రసాద రెడ్డితో సమావేశమై చర్చించారు. ఇటువంటి ప్రతిష్టాత్మక కార్యక్రమం విశాఖ నగరంలో నిర్వహించడం ఎంతో మంచి పరిణామమన్నారు.వర్సిటీ సహకారం, భాగస్వామ్యం దీనిలో అవసరమని నగేష్‌ కోరారు.52 ట్రేడ్‌లలో జరిగే పోటీలలో దేశవ్యాప్తంగా ఆరు రాష్ట్రాల నుంచి 1200 మంది ఈ పోటీలలో పాల్గొనడం జరుగుతుందని, నవంబరు 30 నుంచి డిసెంబరు 4వ తేదీ వరకు పోటీలు నిర్వహిస్తామన్నారు. నేషనల్‌ స్కిల్‌ డెవలప్‌మెంట్‌ కార్పొరేషన్‌, ఏపి స్కిల్‌ డెవలప్‌మెంట్‌ కార్పొరేషన్‌ సంయుక్తంగా ఈ పోటీలను నిర్వహించడం జరుగుతోందని వివరించారు.

"గో ర‌క్ష‌ణే ధ‌ర్మ‌ర‌క్ష‌ణ " అనే మౌలిక అంశాన్ని స‌మాజంలోనికి తీసుకు వెళ్ళ‌డానికి అక్టోబ‌రు 30,31వ తేదీల్లో తిరుప‌తిలోని తార‌క‌రామ స్టేడియంలో " గో మ‌హా స‌మ్మేళ‌నం " కార్య‌క్ర‌మాన్ని నిర్వ‌హించ‌నున్న‌ట్లు టిటిడి ఈవో డాక్ట‌ర్ కె.ఎస్‌.జ‌వ‌హ‌ర్ రెడ్డి తెలిపారు. తిరుమ‌ల అన్న‌మ‌య్య  భ‌వ‌నంలో శ‌నివారం సాయంత్రం యుగ తుల‌సి ఫౌండేష‌న్, శ్రీ గోధాం మ‌హాతీర్ద్, ప‌త్ మేడ వారితో స‌మావేశం నిర్వ‌హించారు.  " గోసేవే గోవిందుడి సేవ " అనే నినాదంతో ధ‌ర్మానికి ప్ర‌తి రూప‌మైన గో సంర‌క్ష‌ణ‌కు టిటిడి అనేక కార్య‌క్ర‌మాల‌ను చేప‌ట్టి విజ‌య‌వంతంగా నిర్వ‌హిస్తున్న‌ట్లు పేర్కొన్నారు. ఇందులో మొద‌టి రోజు వివిధ జిల్లాల నుండి వ‌చ్చే రైతుల‌తో గో ఉత్ప‌త్తుల‌తో ప్ర‌ద‌ర్శ‌న,  రైతుల‌కు గో ఆధారిత వ్య‌వ‌సాయంపై అవ‌గాన‌ క‌ల్పించ‌నున్న‌ట్లు చెప్పారు. రెండ‌వ రోజు కంచి శ్రీ‌శ్రీ‌శ్రీ శంక‌ర విజ‌యేంద్ర స‌ర‌స్వ‌తి స్వామిజీ, రాజ‌స్థాన్ ప‌త్ మేడ‌కు చెందిన గౌరుషి స్వామి శ్రీ ద‌త్ శ‌ర‌ణానంద్ మ‌హారాజ్‌, ఉడిపి శ్రీ‌శ్రీ‌శ్రీ విద్యా ప్ర‌స‌న్న స్వామిజీ వంటి 22 మంది  దేశంలోని ప్ర‌ముఖ మ‌ఠాదిప‌తులు, పీఠాదిప‌తులు భ‌విష్య‌త్ త‌రాల‌కు గోవును ఎలా కాపాడుకోవాల‌నే అంశంపై అనుగ్ర‌హ భాష‌ణం ఇవ్వ‌నున్న‌ట్లు తెలిపారు. ఈ స‌మ్మేళ‌నంలో కోవిడ్ - 19 నిబంధ‌న‌లు పాటిస్తూ మొద‌టి రోజు వెయ్యి మంది, రెండ‌వ రోజు వెయ్యి మంది రైతులు పాల్గొనేలా ఏర్పాట్లు చేయాల‌ని అధికారుల‌ను ఆదేశించారు. మ‌రోసారి ఈ స‌మ్మేళనంపై స‌మీక్ష నిర్వ‌హించ‌నున్న‌ట్లు ఈవో తెలిపారు. ఈ స‌మావేశంలో అద‌న‌పు ఈవో  ఎవి.ధ‌ర్మారెడ్డి, జెఈవోలు  వీర‌బ్ర‌హ్మం, యుగ తుల‌సి ఫౌండేష‌న్ ఛైర్మ‌న్,  టిటిడి బోర్డు మాజీ స‌భ్యులు  శివ‌కుమార్‌, విజివోలు  బాలిరెడ్డి,  మ‌నోహ‌ర్‌, ఇత‌ర అధికారులు పాల్గొన్నారు.