75వ స్వాతంత్య్ర దినోత్సవ   వేడుకలను జిల్లా స్థాయిలో ఘనంగా నిర్వహించేందుకు వివిధ శాఖల ఆధ్వర్యంలో అన్ని ఏర్పాట్లను చేపట్టాలని జిల్లా కలెక్టర్ సి.హరికిరణ్ అధికారులను కోరారు. శనివారం మద్యాహ్నం కలెక్టరేట్ వివేకానంద సమావేశ హాలులో జిల్లా కలెక్టర్ వివిధ శాఖల జిల్లా అధికారులతో ప్రత్యేక సమావేశం నిర్వహించి ఈ నెల 15వ తేదీన స్థానిక పోలీస్ పెరేడ్ మైదానంలో జిల్లా స్థాయిలో స్వాతంత్య్ర దినోత్సవ వేడుకల నిర్వహించేందుకు చేపట్ట వలసిన ఏర్పాట్లపై సమీక్షించారు.   ఈ సందర్భంగా ఆయన మాట్లాడుతూ ఈ సంవత్సరం జరుపుకోనున్న 75వ స్వాతంత్య్రదినోత్సవాన్ని కేంద్ర ప్రభుత్వం ఆజాదీ కా అమృత్ మహోత్సవ్ పేరిట నిర్వహిస్తోందని, జిల్లా స్థాయి ఉత్సవాలలో కూడా  ఈ మహోత్సవ్ సందర్భంగా జారీ చేసిన లోగోను అన్ని శాఖల స్టాళ్లు, శకటాలు, ఫలకాల పై విస్తృతంగా ప్రదర్శించాలని సూచించారు.  రాష్ట్ర ప్రభుత్వం డిజిగ్నేట్ చేసిన మంత్రివర్యులు ముఖ్య అతిధిగా ఈ వేడుకలు జరుగుతాయని,  వేడులను కోవిడ్-19 పరమైన అన్ని ప్రామాణిక జాగ్రత్తలతో నిర్వహించాలని ఆదేశించారు. స్వాతంత్య్య దినోత్సవ వేడుకల కొరకు పోలీస్ పెరేడ్ గ్రౌండ్ ను సిద్దం చేసి, పతాక వందనం, గార్డ్ ఆఫ్ ఆనర్, మార్చ్ పాస్ట్ కవాతు, బాండ్  తదితర సాంప్రదాయ అంశాల నిర్వహణకు అవసరమైన ఏర్పాట్లు చేపట్టాలన  పోలీస్ శాఖను కోరారు.  అలాగే వేడుకలు జరిగే వేదిక ప్రాంగణంలోను, బయట  ట్రాఫిక్ నియంత్రించి అవరోధాలు లేకుండా చూడాలని సూచించారు. ముఖ్య అతిధి ప్రజలనుద్దేశించి చేసే ప్రసంగ సందేశాన్ని జిల్లాలో అమలౌతున్న అభివృద్ది, సంక్షేమ కార్యక్రమాల సమాచారంతో సిద్దం చేయాలని సమాచారశాఖ డిప్యూటీ డైరక్టర్ ను ఆదేశించారు.    వేడుకల సమయంలో అంతరాయాలు లేకుండా విద్యుత్ సరఫరా చేయాలని విద్యుత్ శాఖ ఎస్ఈ ని, పబ్లిక్ అడ్రస్ సిస్టమ్ ఏర్పాటు చేయాలని సమాచారశాఖ డిఈఈని  ఆదేశించారు. వేడుకలకు హాజరైయ్యే స్వాతంత్య్ర సమరయోధులు, ప్రముఖులకు  ప్రోటోకాల్ ప్రకారం ఆతిధ్య మర్యాదలు పాటించాలని, కోవిడ్ దృష్ట్యా సురక్షితమైన ప్యాక్డ్ ఫుడ్ ను మాత్రమే అందించాలని కాకినాడ ఆర్డిఓ కు సూచించారు.  వర్షాకాలం దృష్ట్యా రెయిన్ ప్రూఫ్ షామియానాలు ఏర్పాటు చేయాలని ఆదేశించారు.  వేడుకల ప్రాంగణంలో అగ్నిమాపక వాహనాలు, సిబ్బందిని సిద్దంగా ఉంచాలని జిల్లా అగ్నిమాపక అధికారిని, ఫస్ట్ ఎయిడ్ పోస్ట్, ఆంబులెన్స్, వైద్యులను అందుబాటులో ఉంచాలని జిల్లా వైద్య ఆరోగ్య అధికారిని  ఆదేశించారు.   వేడులక ప్రాంగణంలో పారిశుభ్రత, ప్రజలకు త్రాగునీటి సరఫరా అంశాల ఏర్పాట్లను కాకినాడ మున్సిపల్ కమీషనర్ కు సూచించారు.  వివిధ అభివృద్ది, సంక్షేమ శాఖలు, కార్పొరేషన్లు వాటి పథకాల సమాచారంతో ఆకర్షనీయమైన శకటాలను ప్రదర్శించాలని, అలాగే ప్రదర్శన స్టాళ్లను ఏర్పాటు చేయాలని ఆదేశించారు.  స్వాతంత్య్రదినోత్సవ  వేడుకల సందర్భంగా పాఠశాలు, కళాశాలల విద్యార్థులతో దేశ భక్తి పూరితమైన సాంస్కృతిక ప్రదర్శనలు ఏర్పాటు చేయాలని డిఈఓ, ఉన్నత విద్య అధికారులను ఆదేశించారు.  వివిధ ప్రభుత్వ శాఖల ద్వారా ఉత్తమ సేవలు అందించిన అధికారులు, సిబ్బందిని వేడుకలలో  సత్కరించేందుకు ఆయా శాఖాధిపతులు ఈ నెల 10వ తేదీ లోపున ప్రతిపాదనలు అందజేయాలని కోరారు. అలాగే ఉత్తమ సేవలు అందించిన బ్యాంకర్లు, సచివాలయాల  ఫంక్షనరీలని కూడా ప్రశంసా పురస్కారల కొరకు ప్రతిపాదించాలన్నారు.  అన్ని ప్రభుత్వ శాఖల సమన్వయంతో 75వ స్వాతంత్య్రదినోత్సవ  వేడుకలను దేశ భక్తి, జాతీయతా భావనలు వెల్లివిరిసేలా శోభాయమానంగా నిర్వహించాలని జిల్లా కలెక్టర్ హరికిరణ్ అధికారులందరినీ కోరారు.

ఈ సమావేశంలో జాయింట్ కలెక్టర్ (డి) కీర్తి చేకూరి, జాయింట్ కలెక్టర్ (డబ్ల్యూ) జి.రాజకుమారి, ఎపిఎస్పి 3వ బెటాలియన్ కమాండెంట్ సుమీత్ గరుడ్, కాకినాడ మున్సిపల్ కమీషనర్ స్వప్నిల్ దినకర్ పుండ్కర్, డిఆర్ఓ సిహెచ్.సత్తిబాబు, ఎన్.సి.సి. గ్రూప్ కమాండెంట్ కల్నల్ ఏకె రుషి, కాకినాడ ఆర్డిఓ ఎజి చిన్నికృష్ణ, సమాచార శాఖ డిడి బి.పూర్ణచంద్రరావు, డిఈఓ ఎస్.అబ్రహాం, వివిధ శాఖల జిల్లా అధికారులు పాల్గొన్నారు. 

కేంద్ర ఆర్థిక శాఖ మంత్రి నిర్మలా సీతారామన్ శ్రీకాకుళం జిల్లాలోని శ్రీకూర్మం పుణ్యక్షేత్రాన్ని  సందర్శించారు. జిల్లా పర్యటనకు విచ్చేసిన కేంద్ర ఆర్థిక శాఖ మంత్రి సీతారామన్ శనివారం సాయంత్రం సందర్శించారు. కేంద్ర ఆర్థిక మంత్రి తో పాటు రాష్ట్ర మంత్రులు బుగ్గన రాజేంద్రనాథ్ , పార్లమెంట్ సభ్యులు శాసనమండలి సభ్యులు మాధవ్,  జిల్లా కలెక్టర్ శ్రీకేష్ లాఠకర్, ఎస్పి అమిత్ బర్థార్, జాయింట్ కలెక్టర్లు సుమిత్ కుమార్, హిమాంషు కౌశిక్, సబ్ కలెక్టర్ వికాస్ మర్మట్, దేవదాయ శాఖ అధికారులు పాల్గొన్నారు.

విశాఖ మహానగరంలో రోడ్లు, కాలువలు శుభ్రం చేసిన వ్యర్ధాలను వెంటవెంటనే డంపింగ్ యార్డు కు తరలించాలని జివిఎంసి కమిషనర్ డా. జి. సృజన శానిటరీ అధికారులను ఆదేశించారు. శనివారం ఆమె నాలుగవ జోన్ 36 వ వార్డు రంగిరీజు వీధి, జాలారి పేట, ఎవిఎన్ కాలేజి తదితర ప్రాంతాలలో పర్యటించారు. జాలరిపేట నుండి ఎవిఎన్ కాలేజి రోడ్డులో స్వీపింగ్ సరిగా చేయలేదని, కాలువలు శుభ్రపరచి వ్యర్ధాలను పోగులుగా ఉండడం గమనించి శానిటరీ ఇన్స్పెక్టర్ పై ఆగ్రహం వ్యక్తం చేశారు. చెత్త పోగులను వెంటవెంటనే తొలగించి డంపింగ్ యార్డుకు తరలించాలని ఎఎంఒహెచ్ ను ఆదేశించారు. రోజూ డోర్ టు డోర్ చెత్త సేకరణ, మలేరియా పై సిబ్బంది అవగాహన కల్పించడం జరుగుతుందా అని ఆరాతీయగా, ప్రతీ రోజూ పారిశుధ్య సిబ్బంది చెత్త తీసుకుంటున్నారని, మలేరియా విభాగం వారు వారంలో 2 రోజులు మలేరియాపై అవగాహన కల్పిస్తున్నారని స్థానికులు కమిషనర్ కు వివరించారు. వార్డులో మలేరియా, డెంగ్యూ కేసులు ఎన్ని ఉన్నాయని, కేసులు పెరగకుండా చర్యలు చేపట్టాలని జోనల్ కమిషనర్ ను, మలేరియా సిబ్బందిని ఆదేశించారు. ఇపిడిసిఎల్ వారు విధ్యుత్ వైర్లకు అడ్డంగా ఉన్న చెట్లు కొమ్మలను తొలగించి వ్యర్ధాలను అక్కడే వదిలేస్తున్నారని, వ్యర్ధాలను వెంటనే తొలగించనందుకు ఇపిడిసిఎల్ వారి నుండి అపరాధ రుసుం వసూలు చేసి, వారికి నోటీసులు ఇవ్వాలని అధికారులను ఆదేశించారు. పారిశుధ్య సిబ్బంది బయోమెట్రిక్ హాజరు ఉన్నప్పుడే తడి-పొడి చెత్త మరియు ప్రమాదకరమైన చెత్త గురుంచి వారికి అవగాహన కల్పించి, చెత్తను వేరు వేరుగా తీసుకోవాలని తెలియజేయాలన్నారు.  బీచ్ రోడ్డులో వాకర్స్ చేతిలొని పెంపుడు కుక్కలను రోడ్లపై మలమూత్రం చేయంచడం గమనించి వారిని మందలించారు.  ఈ కార్యక్రమంలో ప్రధాన వైధ్యాధికారి కె.ఎస్.ఎల్.జి.శాస్త్రి, నాలుగవ జోనల్ కమిషనర్ బి.వి.రమణ, కార్యనిర్వాహక ఇంజినీరు చిరంజీవి, ఎఎంఒహెచ్ డా. కిషోర్, ఉప కార్యనిర్వాహక ఇంజినీరు వీరయ్య, శానిటరీ సూపర్వైజర్ శ్రీనివాస్, శానిటరీ ఇన్స్పెక్టర్ కామేశ్వర రావు తదితరులు పాల్గొన్నారు.

విశాఖ జిల్లాలో ప్రింట్ అండ్ ఎల‌క్ట్రానిక్ మీడియాలకు చెందిన అర్హులైన జ‌ర్న‌లిస్టులంద‌రికీ అక్రిడిటేష‌న్లు మంజూరు చేయాల‌ని జిల్లా క‌లెక్ట‌ర్, జిల్లా మీడియా అక్రిడిటేష‌న్ క‌మిటీ ఛైర్మ‌న్ ఎ. మ‌ల్లిఖార్జున సంబంధింత అధికారుల‌ను ఆదేశించారు.  జిల్లా మీడియా అక్రిడిటేష‌న్ క‌మిటీ స‌మావేశం శ‌నివారం క‌లెక్ట‌రేట్ స‌మావేశ మందిరంలో ఆయ‌న అధ్య‌క్ష‌త‌న జ‌రిగింది. దీనిలో భాగంగా ముందుగా ఆంధ్ర‌ప్ర‌దేశ ప్ర‌భుత్వం విడుద‌ల చేసిన జీవో. నెం.142లో పేర్కొన్న నిబంధ‌న‌లు, అర్హత‌ల‌పై సుదీర్ఘంగా చ‌ర్చించారు. ముందుగా ఆన్‌లైన్ ప్ర‌క్రియ ద్వారా స్వీక‌రించిన ద‌ర‌ఖాస్తులు, ప‌రిశీల‌న ప్ర‌క్రియ గురించి స‌మాచార పౌర సంబంధాల శాఖ ఉప సంచాల‌కులు వి. మ‌ణిరామ్‌ క‌మిటీకి వివ‌రించారు. కొంత‌మంది అర్హ‌త క‌లిగిన‌ప్ప‌టికీ సంబంధిత ప‌త్రాలు ఆన్‌లైన్లో స‌మ‌ర్పించ‌లేద‌ని క‌మిటీకి తెలిపారు. దీనిపై స్పందించిన క‌లెక్ట‌ర్‌, క‌మిటీ ఛైర్మ‌న్ వారంద‌రికీ త‌గిన స‌మ‌యం ఇచ్చి సంబంధిత ధృవ‌ప‌త్రాలు స‌మ‌ర్పించుకోమ‌ని చెప్పాల‌ని స‌మాచార శాఖ అధికారుల‌కు సూచించారు. ఈ సంద‌ర్భంగా క‌మిటీ స‌భ్యులు ప‌లు అంశాల‌పై చ‌ర్చించారు. అనంత‌రం క‌లెక్ట‌ర్‌, క‌మిటీ ఛైర్మ‌న్ ఎ. మ‌ల్లిఖార్జున మాట్లాడుతూ తొలి రెండు జాబితాల్లో క‌లిపి మొత్తం 474 మంది అక్రిడిటేష‌న్ల‌కు అర్హ‌త సాధించార‌ని పేర్కొన్నారు. రెండు ద‌ఫాల్లో కలిపి ప‌త్రికా రంగానికి సంబంధించి 291 మందికి, ఎల‌క్ట్రానిక్ మీడియాకు సంబంధించి 183 మందికి అక్రిడిటేష‌న్ల మంజూరు చేస్తున్న‌ట్లు వివ‌రించారు. మిగిలిన వారు నిర్ణీత గ‌డువులోకా సంబంధిత ప‌త్రాలు స‌మ‌ర్పించాల‌ని ఈ సంద‌ర్భంగా చెప్పారు. త‌దుపరి స‌మావేశం ఆగ‌స్టు 20వ తేదీన నిర్వ‌హించ‌నున్నామ‌ని ఈ లోగా అర్హ‌త ఉండి కూడా సరైన ద‌ర‌ఖాస్తులు స‌మ‌ర్పించని వారు నిర్ణీత గ‌డువులోగా సంబంధిత ప‌త్రాలు ఆన్‌లైన్‌లో అప్‌లోడ్ చేసుకోవాల‌ని సూచించారు. వారి ద‌ర‌ఖాస్తులు ప‌రిశీలించి త‌దుపరి స‌మావేశంలోగా నివేదిక స‌మ‌ర్పించాల‌ని స‌మాచార శాఖ ఉప సంచాల‌కుల‌కు సూచించారు. స‌మావేశంలో అక్రిడిటేష‌న్ క‌మిటీ మెంబ‌ర్ క‌న్వీన‌ర్‌, సమాచార పౌర సంబంధాల శాఖ ఉప సంచాల‌కులు వి. మ‌ణిరామ్‌, స‌భ్యులైన డీఎం&హెచ్‌వో పి.ఎస్. సూర్య‌నారాయ‌ణ‌, హౌసింగ్ పీడీ శ్రీ‌నివాస‌రావు, ఏపీఎస్ ఆర్టీసీ రీజన‌ల్ మేనేజ‌ర్ బి. అప్ప‌ల‌నాయుడు, అసిస్టెంట్ లేబ‌ర్ కమిష‌న‌ర్ సునీత‌, ఏసీటీవో పి. శ్వేత, స‌మాచార పౌర సంబంధాల శాఖ డిప్యూటీ ఇన్ఫ‌ర్మేష‌న్ ఇంజినీర్ ఇంద్రావ‌తి త‌దిత‌రులు పాల్గొన్నారు.

రాష్ట్ర ముఖ్యమంత్రి వైఎస్. జగన్ మోహన్ రెడ్డిని జిల్లా ఎంపీడీవోల సంఘం అభినందించింది. ఈ మేరకు శనివారం సాయంత్రం జిల్లా పరిషత్ సమావేశ మందిరంలో ఒక కార్యక్రమాన్ని నిర్వహించారు. పంచాయతీరాజ్ శాఖలో దీర్ఘకాలికంగా ప్రమోషన్లపై ఉన్న పరిస్థితిని తొలగిస్తూ ప్రభుత్వం జీవోను విడుదల చేయడం పట్ల హర్షం వ్యక్తం చేశారు. ఇది స్ఫూర్తిదాయకంగా ఉందని ప్రభుత్వ కార్యక్రమాల్లో మరింత చురుగ్గా, ఉత్సాహంతో పని చేసే అవకాశం ఉందని, సంక్షేమ ఫలాలు సక్రమంగా ప్రజలకు అందేలా కృషిచేస్తామని జిల్లా పరిషత్ ముఖ్యకార్యనిర్వహణాధికారి బి.లక్ష్మీపతి పేర్కొన్నారు. 

గ్రూప్-1 ద్వారా నియమితులైన ఎంపీడీవోలు, గడిచిన 25 సంవత్సరాల నుంచి ఒక్క పదోన్నతికి నోచుకోకుండా పడుతున్న మనోవేదనను అర్థం చేసుకుని, పదోన్నతికి అడ్డంకిగా ఉన్న సమస్యను వన్ టైం సెటిల్మెంట్ (One Time Measure) విధానం ద్వారా పరిష్కరిస్తూ రాష్ట్ర ప్రభుత్వం ఉత్తర్వులు జారీ చేయడం పట్ల ఆంధ్ర ప్రదేశ్ ముఖ్యమంత్రి  వై.యస్. జగన్ మోహన్ రెడ్డి,  పంచాయతి రాజ్, గ్రామీణ అభివృద్ధి శాఖ మంత్రి పెద్దిరెడ్డి రామచంద్రా రెడ్డికి పంచాయతీరాజ్ ముఖ్యకార్యదర్శి గోపాలకృష్ణ ద్వివేది, కమీషనర్ గిరిజా శంకర్ లకు జిల్లా ఎంపిడీవోల సంఘం ధన్యవాదాలను తెలియజేసింది.

ప్రభుత్వం తీసుకొన్న నిర్ణయం ద్వారా పంచాయతీ రాజ్ శాఖలో ప్రమోషన్ల విషయంలో నెలకొన్న ప్రతిష్టంభన తొలగి, ఎంపిడీవో మొదలుకొని దిగువ స్థాయిలోని పన్నెండు కేడర్లకు చెందిన వేలాది మంది పంచాయతీ రాజ్ ఉద్యోగుల పదోన్నతి అవకాశాలు మెరుగుపడటం పట్ల ఎంపిడీవోలు, పంచాయితీ రాజ్ ఉద్యోగులు హర్షాతిరేకాలను వ్యక్తం చేసారు. దీని ద్వారా జిల్లా పరిషత్ సిఈఓ, డిప్యూటీ సిఈఓ, డివిజనల్ అభివృధ్ధి అధికారులు వంటి వివిధ రకాల పోస్ట్ లు రెగ్యులర్ బేసిస్ లో భర్తీ కానున్నాయి. ప్రభుత్వ అభివృద్ధి, సంక్షేమ కార్యక్రమాలను అమలు చేయడంలో కీలక పాత్ర వహిస్తున్న ఎంపీడీఓలు, పంచాయతీ రాజ్ ఉద్యోగులకు పదోన్నతుల విషయంలో న్యాయం చేసిన ముఖ్యమంత్రి,  పంచాయతీ రాజ్ మంత్రి, జిల్లా మంత్రులకు ప్రత్యేక  ఎంపీడీఓల సంఘం తెలియ జేసింది. ఈ కార్యక్రమంలో యం.పి.డి.ఓల సంఘం జిల్లా అధ్యక్షురాలు యం.రోజారాణి, రాష్ట్ర సంఘం సభ్యులు హేమసుందర్, కిరణ్ కుమార్, విద్యాసాగర్ , వెంకటరమణ మరియు జిల్లా పరిషత్ కార్యాలయ సిబ్బంది తదితరులు పాల్గొన్నారు.

పొందూరు ఖ్యాతి మరింత పెంచాలని కేంద్ర ఆర్థిక శాఖ మంత్రి నిర్మల సీతారామన్ పిలుపు నిచ్చారు. శ్రీకాకుళం జిల్లాలో ఖాదీ పరిశ్రమకు ప్రసిద్ధి చెందిన పొందూరులో చేనేత దినోత్సవ కార్యక్రమంలో శనివారం కేంద్ర ఆర్థిక శాఖ మంత్రి పాల్గొన్నారు. కార్యక్రమంలో భాగంగా ఆంధ్ర  ఫైన్ ఖాదీ కార్మిక అభివృద్ధి సంఘం భవన ప్రాంగణంలో ఖాదీ నేత ప్రక్రియను సీతారామన్ పరిశీలించారు. 50 నేత విధానాన్ని పరిశీలించారు. ఖాదీ వడికే విధానం, చరఖాలను ఏర్పాటు చేశారు.  ఖాదీ భవనం శిథలావస్థలో ఉండటం వలన నూతన భవన నిర్మాణానికి శంకుస్థాపన చేశారు. అనంతరం ప్రాంగణంలో మొక్కలను నాటి మొక్కల ప్రశస్తిని తెలిపారు. మహాత్మ గాంధి పొందూరు ఖాదీ నాణ్యత పట్ల ఎంతో ఆసక్తి చూపారని అన్నారు.  ప్రధాన మంత్రి నరేంద్ర మోడి ఖాదికి ఎంతో ప్రాధాన్యత ఇస్తున్నారని చెప్పారు. ఖాదీ బాగుపడాలనీ పిఎం చాలా పథకాలు ప్రకటించారను ఆమె అన్నారు. పిఎం జాతీయ చేనేత దినోత్సవంను జరుపుకునే ఏర్పాట్లు చేశారనీ అన్నారు. 2014 సంవత్సరంలో రూ.9 వేల కోట్లుగా ఉన్న ఖాదీ ఉత్పాదకత 2021 నాటికి రూ.18 వేల కోట్లకు పెరిగిందని ఆమె వివారించారు. ఖాదీకి చాలా ప్రోత్సాహం లభిస్తుందని అన్నారు. అయితే కార్మికులకు గిట్టుబాటు ధరలు లేదని ఆమె పేర్కొంటూ మెగా హండ్లుమ్ క్లస్టర్ లు ఏర్పాటు చేశామని చెప్పారు. 

రాష్ట్రంలో మంగళగిరిలో ఒక క్లస్టర్ వచ్చిందని, పొందూరులో సంఖ్య తక్కువగా ఉండటంతో  క్లస్టర్ ఏర్పడలేదని గ్రహించామని చెప్పారు. పొందూరు లో క్లస్టర్ ఏర్పాటుకు టెక్స్ టైల్ మంత్రి తో మాట్లదాడుతామని మంత్రి తెలిపారు. ముద్ర లోన్ ల ద్వారా అనే రంగాలకు రుణాలు ఇవ్వవచ్చనీ, ప్రతి బ్యాంకు బ్రాంచ్ ద్వారా స్టాండ్ అప్ లోన్ ఇవ్వాలని ఆమె వివరించారు. 5 మంది  చేనేత కారులు పొందూరు లో ఉన్నారనీ వారికి రుణాలు మంజూరు చేయడం ద్వారా ప్రోత్సహించాలని ఆదేశించారు. పొందూరు మరియు చుట్టు ప్రక్కల అధిక సంఖ్యలో చేనేత కార్మికులు ఉన్నారని వారికి నాబార్డు బ్యాంకు, లీడ్ బ్యాంక్ ద్వారా రుణాలు మంజూరు చేయాలని పేర్కొన్నారు.  మెగా క్లస్టర్ ఏర్పాటు చేయాలని ఆమె సూచించారు. బ్యాంకుల ద్వారా ఎంత మంది కార్మికలకు రుణాలు ఇచ్చారో బ్యాంకులు మరోసారి ఏర్పాటు చేసే ప్రదర్శనలలో పెట్టాలని కోరారు. గాంధీ జయంతి అక్టోబర్ 2 వ తేదీ నాటికి 50 శాతం రుణాలు పెంచాలనీ బ్యాంకులను ఆదేశించారు. జేమ్ - ప్రభుత్వ ఎలక్ట్రానిక్ మార్కెటింగ్ ద్వారా కొనుగోలు అమ్మకాలకు మంచి ప్లాట్ ఫారం అని దానిలో పొందూరు ఖాదీ నీ చేర్చాలని జిల్లా కలెక్టర్ ను సూచించారు. పొందూరు పేరెన్నిక గల ప్రదేశం అని, అందరికి మనసులో పొందూరు ఉందని అన్నారు. పొందూరు గ్రామంలో గడపడం ఆనందంగా ఉందనీ పేర్కొన్నారు.

ఈ సందర్భంగా కేంద్ర మంత్రి పలువురు లబ్దిదారులకు చెక్కులను పంపిణీ చేసారు. ప్రదర్శనలను పరిశీలించారు.  రాష్ట్ర ఉప ముఖ్యమంత్రి ధర్మాన కృష్ణదాస్ మాట్లాడుతూ  పొందూరు ఖద్దరు అత్యంత ప్రాధాన్యత కలిగి ఉందన్నారు. కేంద్ర, రాష్ట్ర ప్రభుత్వాలు ఆదుకోవాలని కోరారు. రాష్ట్ర ప్రభుత్వం అనేక కార్య్రమాలను చేపడుతోందని పేర్కొన్నారు. సూర్యోదయం నుండి శ్రమించే శ్రామికులు ఉన్నారని ఆయన పేర్కొంటూ చేనేత, ఖాదీనీ ప్రోత్సహించాలని కోరారు.  రాష్ట్ర శాసనసభ స్పీకర్ తమ్మినేని సీతారాం మాట్లాడుతూ నూలు పోగుతో సాంస్కృతిక బంధం ఉందన్నారు. గాంధీజీ తన కుమారుడిని పొందూరు పంపించి నాణ్యతను పరిశీలించనున్నారు. ప్రతిభా పాటిల్ కూడా ఇక్కడి వస్త్రాలను ధరించేవారు. బిల్ క్లింటన్ సైతం ఖాదీ వస్త్రాలు చూసి మురిసి పోయారని చెప్పారు. నేతన్నకు ఆదాయం లేక, తగిన వసతి లేక నిరాశ నిస్పృహలకు లోను అవుతున్నారని చెప్పారు. ఖాదీనీ నిర్లక్ష్యం చేస్తే సంస్కృతికి చెదలు పట్టినట్లే అని ఆయన వివరించారు. ఖాదీ ఫర్ నేషన్ , ఖాదీ ఫర్ ఫేషన్ గా చేసుకోవాలని పిలుపు నిచ్చారు. నేతన్నలకు ఆర్థిక సహాయంను రాష్ట్ర ప్రభుత్వం అందిస్తుందని చెప్పారు. ఖాదీ అభివృద్ధి సంస్థకు వై.యస్. ఆర్ జీవన సాఫల్య పురస్కారం అందించామని తెలిపారు. 

ఖాదీ అభివృద్ధికి సహకరించాలని, శిక్షణ కార్యక్రమాలు ఏర్పాటు చేసి సామర్థ్యం పెంపు చేయాలని, ఆధునాతన పరికరాలు అందజేయాలని కోరారు. పొందూరుతో పాటు వివిధ ప్రాంతాల్లో చేనేత కార్మికులు ఉన్నారని పేర్కొన్నారు. పార్లమెంట్ సభ్యులు కింజరాపు రామ్మోహన్ నాయుడు మాట్లాడుతూ పొందూరు ఖాదీ ఒక సాంప్రదాయం, సంస్కృతి అన్నారు. జియోగ్రాఫికల్ ఐడెన్ ఐడెంటిటి కల్పించాలన్నారు.  జిల్లా కలెక్టర్ శ్రీ కేష్ మాట్లాడుతూ స్వదేశీ ఉద్యమం ఆధారంగా జాతీయ చేనేత దినోత్సవం నిర్వహించడం జరుగుతుందన్నారు. ఖాదీ ఉత్పత్తి క్లస్టర్ ఏర్పాటుకు చర్యలు చేపట్టడం జరుగుతోందని చెప్పారు. ఆర్థిక సహాయక కార్యక్రమాలను అందించడం జరుగుతుందని ఆయన తెలిపారు. గ్రామ సచివాలయం విధానం ద్వారా పారదర్శకంగా సామాజిక ఆడిట్ సాగుతోందన్నారు. శ్రీకాకుళం జిల్లాలో ఒక మార్పు రాగలదని భావిస్తున్నామని చెప్పారు.

ఈ కార్యక్రమంలో రాష్ట్ర ఆర్థిక శాఖ మంత్రి బుగ్గన రాజేంద్రనాథ్, పార్లమెంట్ సభ్యులు జి.వి.ఎల్. నరసింహా రావు,  బెల్లం చంద్రశేఖర రావు, శాసనమండలి సభ్యులు పివిఎన్ మాధవ్, శాసన సభ్యులు గొర్లే కిరణ్ కుమార్, కేంద్ర ఆర్థిక శాఖ అదనపు కార్యదర్శి సంజీవ్ కౌశిక్, రాష్ట్ర ఆర్థిక శాఖ కార్యదర్శి ఎస్.ఎస్.రావత్, జాయింట్ కలెక్టర్లు సుమిత్ కుమార్, కే.శ్రీనివాసులు, హిమాంశ్ కౌశిక్, సబ్ కలెక్టర్ వికాస్ మర్మాట్, ఆర్. శ్రీరాములు నాయుడు, వివిధ బ్యాంకుల సిఎండిలు తదితరులు పాల్గొన్నారు.

విజయనగరం జిల్లాలో ఇప్పటి వరకూ కోవిడ్ వాక్సిన్ వేయించుకోని వారి కోసం జిల్లా వ్యాప్తంగా ఆదివారం ప్రత్యేక వాక్సినేషన్ డ్రైవ్ చేపడుతున్నట్టు జిల్లా కలెక్టర్ ఏ.సూర్యకుమారి వెల్లడించారు. జిల్లాలోని 83 ప్రాథమిక ఆరోగ్య కేంద్రాలు, కమ్యూనిటీ హెల్త్ సెంటర్ లు, పట్టణ ఆరోగ్య కేంద్రాల పరిధిలోని 103 ప్రదేశాల్లో ఉదయం 8-00 గంటల నుంచి వాక్సిన్ వేస్తారని పేర్కొన్నారు. కోవిడ్ బారిన పడకుండా ఉండాలంటే టీకాయే ముఖ్యమని అందువల్ల కోవిడ్ టీకాలు తీసుకొని వారంతా తప్పనిసరిగా ఈ కేంద్రాలకు వెళ్లి టీకా వేయించుకోవాలని జిల్లా కలెక్టర్ జిల్లా వాసులను కోరారు. 

ప్రజా సమస్యల పరిష్కారానికి  జిల్లా సమీక్షా సమావేశం చక్కని వేదిక అని, జిల్లా అధికారులు, ప్రజా ప్రతినిధులు సమష్టి గా ప్రజా సమస్యల పరిష్కారానికి కృషి చేయాలనీ జిల్లా ఇంచార్జ్ మంత్రి వెల్లంపల్లి శ్రీనివాస రావు తెలిపారు.  కలెక్టరేట్   ఆడిటోరియం లో శనివారం జిల్లా ఇంచార్జ్ మంత్రి   అధ్యక్షతన జిల్లా  సమీక్షా సమావేశం జరిగింది.  వ్యవసాయం , నీటిపారుదల, కోవిడ్, హౌసింగ్ , ఉపాధి హామీ తదితర అంశాల పై  జిల్లా సమీక్షా సమావేశం లో  చర్చించారు.  ఈ సందర్భంగా  ఇంచార్జ్ మంత్రి వెల్లంపల్లి మాట్లాడుతూ  సచివాలయ వ్యవస్థ ద్వారా ప్రజలకు చేరువుగా పాలన  అందిస్తూ సంక్షేమ పధకాలను పారదర్శకంగా ప్రజలకు అందించడం జరుగుతొందన్నారు.  సంక్షేమ పధకాల అమలులో జిల్లా ప్రధమ స్థానం లో ఉండడం ఆనందంగా ఉందని,    సమీక్షా సమావేశం లో ప్రజా ప్రతినిధులు అధికారుల దృష్టికి తెచ్చిన సమస్యల పట్ల సానుకూలంగా స్పందించి  ఆమోదయోగ్యమైన  చర్యలను తీసుకోవాలని అధికారులకు సూచించారు.

          ఉప ముఖ్యమంత్రి పాముల పుష్ప శ్రీవాణి మాట్లాడుతూ  తోటపల్లి ప్రాజెక్ట్  నిర్వాశితులకు పునరావాస ప్యాకేజి త్వరగా అందేలా చూడాలని అధికారులను కోరారు.  నీటి పారుదల, రెవిన్యూ అధికారులు సంయుక్తంగా ఆర్ అండ్ ఆర్  చెల్లింపుల పై బాధ్యత తీసుకొని ఆలస్యం కాకుండా చెల్లింపులు చేయాలనీ సూచించారు.  ప్రభుత్వం నుండి   రైతుకు అందే లాభాలన్నీ ఈ  క్రాప్ నమోదు ద్వారానే అందుతున్నాయని,  సచివాలయాల్లో ఈ-క్రాప్ నమోదు సక్రమంగా జరగడం లేదని తన దృష్టికి వచ్చిందని, వ్య్వవసాయ అధికారులకు, సచివాలయ సిబ్బందికి మధ్య సమన్వయం లోపం లేకుండా చూడాలని  అన్నారు.   వికలాంగ పించన్ల ను ఎలాంటి సమాచారం  లేకుండా రద్దు చేసేసారన, అర్హులైన వారందరికి పునరుద్ధరించాలని కోరారు.  ఈ సందర్భంగా శాసన సభ్యులు కోలగట్ల వీర భద్ర స్వామి, రాజన్న దొర కలుగ చేసుకొని తమ పరిదిలోనున్న పించన్లు కూడా చాల వరకు రద్దు చేసారని , అందులో అర్హులైన వారు కూడా ఉన్నారని అన్నారు. . సంయుక్త కలెక్టర్ డా. మహేష్ కుమార్ మాటలాడుతూ వికలాంగుల పించన్ 3 వేలు అందుకుంటున్న వారిలో  కొంత మంది దీర్ఘ కాలిక  వ్యాధుల పించన్ల కోసం దరఖాస్తు చేసుకున్నారని, అందువల్ల వారికీ డూప్లికేట్ ఐ.డి కార్డులు  వచ్చాయని, అందువలన పించన్ రద్దు అయ్యిందని వివరించారు.  అయతే  తను సెర్ప్ అధికారులతో మాట్లాడానని, జాబితాలను రీవెరిఫై చేస్తున్నామని , అర్హులైన వారందరికి సెప్టెంబర్ నెల నుండి పించన్ వస్తుందని వివరించారు.  మంత్రి  బొత్స   స్పందిస్తూ     నియోజకవర్గం వారీగా జాబితాలను పునః పరిశీలన చేసి సంబంధిత శాసన సభ్యులకు  సమాచారం అందించాలని సూచించారు.  అనర్హులను జాబితా లోచేర్చి, అర్హులకు మంజూరు చెయ్యడం లో  నిర్లక్ష్యంగా వ్యవహరించిన  వారి పై  చర్యలు తీసుకోవాలని తీర్మానం చేసారు.  అనర్హులైన వారు ఎందుకు అనర్హులో స్పష్టంగా కారణాలను కూడా పెర్కొనా లన్నారు.

       పురపాలక , పట్టాణాభివృద్ధి శాఖా మంత్రి   బొత్స సత్యనారాయణ మాట్లాడుతూ  ప్రస్తుతం జిల్లాలో వర్ష పాతం  మైనస్ 22 శాతం  నమోదైన దృష్ట్యా  వర్షాభావ పరిస్థితి నెలకొనే అవకాశం ఉందని, అందుకు ప్రత్యామ్నాయ  ప్రణాళిక తో సిద్ధంగా ఉండాలని వ్యవసాయ , నీటి పారుదల అధికారులకు సూచించారు.  ఈ నెలలో కూడా వర్షం పడక పోతే  వరి నారు  కోసం స్వంతంగా ఏర్పాట్లు గావిన్చుకునేలా రైతులకు  ఆర్.బి.కే ల ద్వారా అవగాహన కలిగించాలని సూచించారు.  విత్తనాలు, ఎరువులు సిద్ధంగా ఉంచాలని ,  పరిస్థితుల పై ఎప్పటికప్పుడు జిల్లా కలెక్టర్ సమీక్షించాలని మంత్రి అన్నారు. ప్రభుత్వం ఈ-క్రాప్ నమోదు ద్వారా నే రైతులకు ఉపకరణాలను  అందిస్తుందని,  ప్రభుత్వ పాలసీ కి విరుద్ధంగా ఏమి జరగకూడదని అన్నారు.   జలవనరుల ప్రాజెక్టుల పనులు త్వరగా పూర్తి అయ్యేలా చూడాలన్నారు.  తోటపల్లి, తారక రామ తీర్ధ సాగర్,   మిగిలిన మైనర్ ఇరిగేషన్ ప్రాజెక్టుల పై త్వరలో ఉన్నత స్థాయి సమావేశాన్ని  ఏర్పాటు చేస్తామని, పూర్తి వివరాలతో సిద్ధంగా ఉండాలని జలవనరుల చీఫ్ ఇంజినీర్ కు సూచించారు.

        కోవిడ్ థర్డ్ వేవ్ కు ముందస్తు ప్రణాళికలు వేసుకోవాలని, ఆసుపత్రులలో అవసరమగు  వైద్యులను, సిబ్బందిని నియమించుకోవాలని,   ఆక్సిజన్ ,మందులు బెడ్స్ తదితర వసతులను  ముందుగానే సమకూర్చుకోవాలని సూచించారు. కోవిడ్ లక్షణాలున్న వారికీ ఆర్.టి.పి.సి.ఆర్ పరీక్షలు నిర్వహించాలన్నారు.   45 ఏళ్ళు నిండిన వారందరికి వాక్సినేషన్  వేయాలని , ప్రభుత్వ నిబందనల ననుసరించి తల్లులకు, గర్భిణీలకు కూడా  వాక్సిన్ వేయాలన్నారు.  వై.ఎస్.ఆర్. జల కళ పధకం క్రింద బోర్లు  మంజూరు  చేసిన వివరాలను  నియోజక వర్గం వారీగా సంబంధిత  శాసన  సభ్యులకు  రిమార్క్ ల  తో  అందజేయాలని  సూచించారు.  జగనన్న పచ్చ తోరణం క్రింద  1200 కి.మీ లలో అవెన్యూ ప్లాంటేషన్ జరపాలని, మొక్కలను నాటడమే కాకుండా బతికేలా ట్రీ గార్డ్ లను ఏర్పాటు చేయాలనీ డుమా పి.డి కు  ఆదేశించారు.  జగనన్న కాలనీ లలో బోర్లు, విద్యుత్ కనెక్షన్  తదితర మౌలిక వసతలును   కల్పించాలన్నారు.

       గృహ నిర్మాణాలకు, ఆర్ అండ్ ఆర్ పనులకు ఇసుకను  తరలించే నాటు  బండ్లను అడ్డుకోవద్దని పోలీస్ అధికారులకు సూచించారు.  ట్రాక్టర్ల ద్వారా తరలించే వాటికి  రసీదులు చూపించాలని అన్నారు.

          జిల్లా కలెక్టర్ ఎ.సూర్య కుమారి  సభ్యులకు  స్వాగతం  పలికారు.  సమావేశం అనంతరం ఆమె  మాట్లాడుతూ  గౌరవ సభ్యుల సూచనలను సలహాలను దృష్టిలో పెట్టుకొని అధికారులు పని చేసేలా చూస్తామన్నారు.  జిల్లా అభివృద్ధికి  ప్రజా ప్రతినిధుల సహకారం ఎంతో అవసరమని, అందరి నీ సమన్వయం చేసుకుంటూ ప్రగతి సాధిస్తామని తెలిపారు.

          సమావేశం లో శాసన  మండలి సభ్యులు డా. సురేష్ బాబు , శాసన  సభ్యులు  కోలగట్ల వీర భద్ర స్వామి,  బొత్స అప్పల నరసయ్య, బడ్డుకొండ అప్పల నాయుడు, అలజంగి జోగా రావు, కడుబండి శ్రీనివాస రావు,  శంబంగి  వెంకట చిన్న అప్పల నాయుడు,  రాజన్న దొర, సంయుక్త కలెక్టర్  జి.సి.కిషోర్ కుమార్,  వెంకట రావు , సబ్ కలెక్టర్ భావన, ఐ.టి.డి.ఎ పి.ఓ కుర్మనాద్, , జిల్లా అధికారులు పాల్గొన్నారు.

             ఈ కార్య‌క్ర‌మంలో ప‌లువురు ఎంఎల్‌సిలు, ఎంఎల్ఏలు, జాయింట్ క‌లెక్ట‌ర్లు, ఇత‌ర‌ ఉన్న‌తాధికారుల‌తోపాటుగా, మ‌త్స్య‌శాఖ ఏడి వి.కిర‌ణ్ కుమార్‌, ఎఫ్‌డిఓలు టి.నాగ‌మ‌ణి, యు.చాందినీ, అసిస్టెంట్ ఇన్‌స్పెక్ట‌ర్ సంతోష్‌కుమార్‌, ఇత‌ర సిబ్బంది పాల్గొన్నారు.