నవరత్నాలు- పేదలందరికీ ఇళ్ళు కార్యక్రమం క్రింద మంజూరు చేసిన గృహాలను ప్రారంభించడానికి క్షేత్ర స్థాయి లో ఏర్పాట్లన్నీ పూర్తి అయ్యాయి.  అధికారులు, ప్రజా ప్రతినిధులు  గత మూడు రోజులుగా మేళా ఏర్పాట్ల పై నిమగ్నమై ఉన్నారు.  లే అవుట్ల   తయారీ,  ప్లాట్ల  మార్కింగ్,   షామియానా, నీరు, భూమి పూజలకు అవసరమగు గోతులు,  ఇసుక, సిమెంట్, ఇతర పూజా సామాగ్రిని  లే అవుట్ల  వద్ద సిద్ధం చేసారు.   లబ్ది దారులను వారి ప్లాట్ల వద్దకు  తీసుకురావడానికి , వార్డ్, గ్రామ స్థాయి కమిటీలను వేసి వాలంటీర్ల కు బాధ్యతలు అప్పజెప్పడం జరిగింది.    ప్రజా ప్రతినిధులు ప్రజలతో మమేకమై వారిని ప్రారంభోత్సవ కార్యక్రమాలకు వచ్చేలా ఏర్పాట్లను గావించారు.  నియోజక వర్గం ఇంచార్జ్ లు, మండల ప్రత్యేకాధికారుల ఆధ్వర్యం లో లబ్ది దారులకు ఎలాంటి ఇబ్బంది కలగకుండా నేరుగా వారి ప్లాట్ వద్దకే వెళ్లి పూజ చేసుకొని,  నిర్మాణాలను  చేపట్టేలా  చేసారు. దూర ప్రాంతాల నుండి వచ్చే వారి కోసం రవాణా ఏర్పాట్లను గావిస్తున్నారు.  జిల్లాలో మొదటి విడత లో  928 లే అవుట్లలో 98 వేల 286 ఇళ్ళను  మంజూరు చేయడం జరిగింది. కోర్ట్ కేసు లు, ఇతర కారణాలతో  కొన్ని స్థలాలు పెండింగ్  లో ఉన్నప్పటికీ 75 వేల మందికి ప్రస్తుతం గృహ నిర్మాణాలను ప్రారంభించాలని లక్ష్యంగా చేసుకోవడం జరిగింది. ప్రభుత్వం జూలై 1,3,4 తేదీలను మేళా కోసం ప్రకటించినప్పటికీ మొత్తం ప్రారంభాలన్ని 1 వ తేదీనే పూర్తి అయ్యేలా కలెక్టర్  ప్రత్యెక వ్యూహ రచన చేసారు.  1 న అవకాశం లేక  మిగిలిపోయిన వారు  3,4 తేదీలలో ప్రారంభించుకునేలా ఏర్పాట్లు చేసారు.  జిల్లాలో 75 వేల గృహాలకు ఈ మూడు  రోజుల్లో ప్రారంభించాలని లక్ష్యంగా చేసారు.  గృహం మంజూరైనప్పటికి రిజిస్ట్రేషన్, జియో  టాగింగ్, మాపింగ్ జరగని వారికీ కూడా ఈ మేళా లో ప్రారంభించుకునే అవకాశాన్ని కల్పిస్తూ  మంజురైన అన్నిటిని ప్రారంభించాలని  కలెక్టర్ లక్ష్యంగా నిర్ణయించారు.  

నియోజక వర్గాల  పర్యవేక్షణకు ఐ.ఏ.ఎస్ అధికారులు..

జిల్లాకు ప్రత్యెక పర్యవేక్షణాధికారిగా సీనియర్ ఐ.ఏ.ఎస్. అధికారి  సాల్మన్ ఆరోఖ్య రాజ్ ను  ప్రభుత్వం నియమించగా, జిల్లా నుండి జే.సి (రెవిన్యూ) గజపతి నగరం,  బొబ్బిలి  నియోజక వర్గాలకు, జే.సి అభివృద్ధి డా. మహేష్ కుమార్ ను నెల్లిమర్ల, చీపురుపల్లి, జే.సి ఆసరా జే. వెంకట రావు కు సాలూరు నియోజక వర్గానికి ఇంచార్జ్ లుగా నియమించారు. జే.సి హౌసింగ్ మయూర్ అశోక్ ను విజయనగరం , ఎస్.కోట  నియోజకవర్గాలకు కేటాయించగా , ఐ టి డి ఎ ప్రోజ్ర్ట్ అధికారి కుర్మనాద్ ను పార్వతి పురం, కురుపాం కు నియమించారు.  వీరితో పాటు  ప్రతి నియోజక వర్గానికి ఒక సీనియర్ జిల్లా అధికారిని, మండల ప్రత్యేకాధి కారులను   నియమించారు. 

పించన్ల పంపిణీ మధ్యాహ్నం 2 గంటల కు మార్పు..

గృహ నిర్మాణాల  మేళా కు  లబ్దిదారులు, వాలంటీర్లు హాజరవుతున్న దృష్ట్యా  ఉదయాన్నే పంపిణీ చేయవలసిన పించన్ల పంపిణీ  మధ్యాహ్నం 2 గంటల తర్వాత  పంపిణీ  చేయడం జరుగుతుందని  సంయుక్త కలెక్టర్ డా. మహేష్ కుమార్  తెలిపారు.  గృహ మేళా పూర్తి అయిన వెంటనే వాలంటీర్లంత పించన్ల పంపిణీ కి హాజరు కావాలని  ఆదేశించారు.  

విజ‌య‌న‌గ‌రం జిల్లాలోని  ఏజెన్సీ ప్రాంతంలో పెండింగ్‌లో ఉన్న రోడ్ల నిర్మాణానికి త‌క్ష‌ణ‌మే క్లియ‌రెన్స్ ఇచ్చి, మారుమూల ప్రాంతాల‌కు ర‌హ‌దారి సౌక‌ర్యాన్ని క‌ల్పించాల‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ ఆదేశించారు. సాలూరు నియోజ‌క‌వ‌ర్గ అభివృద్దిపై క‌లెక్ట‌ర్ ఛాంబ‌ర్‌లో బుధ‌వారం స‌మీక్షా స‌మావేశాన్ని నిర్వ‌హించారు. నియెజ‌క‌వ‌ర్గంలో ప్ర‌స్తుతం జ‌రుగుతున్న అభివృద్ది ప‌నులు, పెండింగ్ ప‌నుల‌పై వివిధ శాఖ‌ల వారీగా స‌మీక్షించారు. పెద్ద‌గెడ్డ‌, అడారుగెడ్డ ఆధునీక‌ర‌ణ ప‌నులు, ర‌హ‌దారుల నిర్మాణం, పెండింగ్ బిల్లులు, ఉపాధి హామీ ప‌నులు, ఆర్అండ్‌బి, అట‌వీశాఖ‌,  ఐటిడిఏ శాఖ‌ల ప‌నుల‌పై చ‌ర్చించారు.  ఎంఎల్ఏ పీడిక రాజ‌న్న‌దొర మాట్లాడుతూ, ర‌హ‌దారులే అభివృద్దికి కీల‌క‌మ‌ని స్ప‌ష్టం చేశారు.  ర‌హ‌దారి సౌక‌ర్యం క‌ల్పించిన‌ప్పుడే, విద్య‌, వైద్యం అందుతాయ‌ని, తద్వారా గ్రామాలు అభివృద్ది చెందుతాయ‌ని అన్నారు. అయితే ఏళ్ల త‌ర‌బ‌డి ప‌లు గిరిజ‌న గ్రామాలు ర‌హ‌దారి సౌక‌ర్యానికి నోచుకోవ‌డం లేద‌ని ఆవేద‌న వ్య‌క్తం చేశారు. కొన్ని గిరిశిఖ‌ర గ్రామాల‌కు ర‌హ‌దారి నిర్మాణం ప్ర‌తిపాద‌న‌ల‌కే ప‌రిమితం అయ్యింద‌ని చెప్పారు. ర‌హ‌దారులు లేక‌పోవ‌డం వ‌ల్ల పేద గిరిజ‌నుల‌కు క‌నీసం బియ్యాన్ని కూడా స‌క్ర‌మంగా పంపిణీ చేయ‌లేక‌పోతున్నార‌ని అన్నారు. అధికారులు ఏళ్ల‌త‌ర‌బ‌డి ప‌ట్టించుకోక‌పోవ‌డం వ‌ల్ల‌, అట‌వీశాఖ నుంచి అనుమ‌తులు రాక‌పోవడం వ‌ల్లా, వ‌చ్చిన నిధులు వెన‌క్కు వెళ్లిపోతున్నాయ‌ని, ఇక‌నైనా ఈ ప‌రిస్థితిని మార్చాల‌ని కోరారు.

                క‌లెక్ట‌ర్ హ‌రి జ‌వ‌హ‌ర్ లాల్ మాట్లాడుతూ, సాలూరు నియోజ‌క‌వ‌ర్గంలో పెండింగ్‌లో ఉన్న ర‌హ‌దారుల‌న్నిటికీ వెంట‌నే క్లియ‌రెన్స్ ఇవ్వాల‌ని ఆదేశించారు. దీనికోసం గురువారం నుంచి అట‌వీశాఖాధికారులు, పంచాయితీరాజ్ ఇంజ‌నీర్లు సంయుక్తంగా త‌నిఖీలు చేయాల‌ని, రోజుకు నాలుగు రోడ్లు చొప్పున ప‌రిశీలించి, ఆమోదం తెల‌పాల‌ని సూచించారు. క్లియ‌రెన్స్ వ‌చ్చిన వెంట‌నే యుద్ద‌ప్రాతిప‌దిక‌న పెండింగ్‌లో ఉన్న 11 ర‌హ‌దారుల‌ ప‌నుల‌ను పూర్తి చేయాల‌ని పంచాయితీరాజ్ శాఖ‌ను ఆదేశించారు. అలాగే సుమారు 48 గిరిశిఖ‌ర గ్రామాల‌కు ఐటిడిఏ నిధుల‌తో ర‌హ‌దారి సౌక‌ర్యాన్ని క‌ల్పించేందుకు చ‌ర్య‌లు తీసుకోవాల‌న్నారు. ఉపాధిహామీ ప‌థ‌కం క్రింద ప్ర‌తిపాదించిన ప‌నుల‌ను, ఆర్అండ్‌బి శాఖ త‌ర‌పున ప్ర‌తిపాదించిన ర‌హ‌దారుల‌ను ప‌రిశీలించి ఆమోదించాల‌ని క‌లెక్ట‌ర్ ఆదేశించారు.  స‌మావేశంలో ఐటిడిఏ పిఓ ఆర్‌.కూర్మ‌నాధ్‌, డిఎఫ్ఓ స‌చిన్ గుప్త‌, వివిధ శాఖ‌ల అధికారులు పాల్గొన్నారు.

విశాఖలోని సింహాచలం శ్రీశ్రీశ్రీ రాహలక్ష్మీనృసింహస్వామి వారి దేవస్థానంలో హుండీల ద్వార లభించిన చిల్లర 6.లక్షల 27వేల 305 రూపాయలు వచ్చిందని ఈఓ ఎంవీ సూర్యకళ తెలియజేశారు. బుధవారం ఆమె ఆలయంలో మీడియాతో మాట్లాడారు. ఆలయంలోని అన్నిహుండీల్లోని చిల్లరను పరకామణి లో లెక్కించగా ఈ మొత్తం వచ్చిందన్నారు. ఈ కార్యక్రమంలో ఆలయ ట్రస్టు ప్రత్యేక ఆహ్వానితులు, విజెఎఫ్ అధ్యక్షులు, జాతీయ జర్నలిస్టుల సంఘం కార్యదర్శి గంట్ల శ్రీనుబాబు స్వయంగా పర్యవేక్షించడంతోపాటు పరకామణి సేవలో పాల్గొన్నట్టు ఆమె వివరించారు.

విశాఖలోని సింహాచలం శ్రీశ్రీశ్రీ రాహలక్ష్మీనృసింహస్వామి వారి దర్శనాలు జూలై 1వ తేది నుంచి ఉదయం 6.30 నుంచి రాత్రి 7గంటల వరకూ అనుమతిస్తామని దేవస్థాన ఈఓ ఎంవీ సూర్యకళ తెలియజేశారు. బుధవారం ఈమేరకు ఆమె మీడియాతో మాట్లాడారు. కరోనా తగ్గుముఖం పట్టిన సందర్భంగా రాష్ట్ర అధికారుల ఆదేశాల మేరకు కరోనా నిబంధనలు పాటిస్తూ పెంచిన సమయాన్ని అమలు చేస్తామని వివరించారు. కాగా  ఉదయం 6:30 నుంచి 11:30 వరకు దర్శనాలు, ఆ తరువాత ఉదయం 11:30 నుంచి మధ్యహా్నం 12:15 రాజభోగం  (భక్తులకు దర్శనాలుండవు)  ఆ తరువాత 12:15 నుంచి 2:30  దర్శనాలు ఉంటాయి. మళ్లీ   2:30 నుంచి 3:00  స్వామివారి పవళింపు  (దర్శనాలుండవు) చివరిగా మధ్యాహ్నం   3:00 నుంచి రాత్రి 7:00 గంటల వరకు దర్శనాలు కొనసాగుతాయని ఈఓ వివరించారు. ఈ కొత్త సమయాలను భక్తులు గుర్తించి స్వామిని దర్శించుకోవాలని కోరారు.

సింహాలచంలోని శ్రీశ్రీ శ్రీ వరాహ లక్ష్మీ నృసింహస్వామి వారిని సీఆర్పీఎఫ్ అడిషనల్ డీజీపీ రష్మీ శుక్లా, సీఆర్పీఎఫ్ ఐజీ మహేశ్ చంద్ర లడ్డా, 198 వ బెటాలియన్ కమాండెంట్ కెకె చాంద్ లు బుధవారం  దర్శించుకున్నారు. వారికి ఆలయ ఏఈఓ రాఘవ కుమార్ స్వాగతం పలికి దర్శన ఏర్పాట్లు చేశారు. అనంతరం వారు స్వామికి ప్రత్యేక పూజలు చేసి, కప్పస్థంబాన్ని ఆలింగనం చేసుకున్నారు. ఆలయ అధికారులు అధికారులకు  స్వామి వారి ప్రసాదం తో పాటు వేద పండితులు ఆశీర్వాదం అందించారు. ఈ సందర్భంగా  ఇటీవలే పరిశుభ్రం చేసిన నరసింహ అవతారాలు వాటి విశిష్టతను అడిగి తెలుసుకున్నారు. స్థలపురాణం, కళ్యాణ మండపం గురించి  ఆలయ సిబ్బంది ఐపీఎస్ అధికారులకు  వివరించారు. శిఖర దర్శనం చేసుకుని ఆలయంలో జరుగుతున్న అభివృద్ధి పనులను ప్రశంసించారు. వరాహ, నరసింహస్వామి ఒకే అవతారంలో  దర్శనమివ్వడం అపురూపమని రష్మీ శుక్లా అభిప్రాయపడ్డారు.

రాష్ట్రంలో ప్రతి ఒక్క విద్యార్ధికీ నాణ్యమైన విద్యను అందించడమే లక్ష్యంగా ముఖ్యమంత్రి వైయస్ జగన్ మోహన్  రెడ్డి కృషి చేస్తున్నారని రాష్ట్ర విద్యాశాఖ మంత్రి ఆదిమూలపు సురేష్ పేర్కొన్నారు. మంగళవారం గుంటూరు జిల్లా క్రోసూరు మండలం విప్పర్ల గ్రామంలో నాబార్డ్ – ఆర్ఐడిఎఫ్  రూ.7.25 కోట్ల నిధులతో నిర్మించనున్న ప్రభుత్వ పాలిటెక్నిక్ కళాశాల భవనానికి రాష్ట్ర విద్యాశాఖ మంత్రి ఆదిమూలపు సురేష్ శంఖుస్థాపన చేసి శిలాఫలాకాన్ని ఆవిష్కరించారు. అనంతరం అక్కడే ఏర్పాటు చేసిన బహిరంగ సభకు పెదకూరపాడు శాసన సభ్యులు నంబూరు  శంకరరావు  అధ్యక్షత వహించారు. కార్యక్రమంలో మంత్రి ఆదిమూలపు సురేశ్ మాట్లాడుతూ 2009 లో పాలిటెక్నిక్ కళాశాల ఏర్పాటు అయిన తరువాత 360 మంది విద్యార్థులకు గాను 160 మంది మాత్రమే చదువు కొంటున్నారన్నారని అన్నారు. పాలిటెక్నిక్ కళాశాలకు సొంత భవనం లేక అరకొర వసతులతో పక్కనే ఉన్న ప్రభుత్వ ఉన్నత పాఠశాల గదులలో నడుస్తుండటం బాధాకరామన్నారు.  గతంలో పని చేసిన ప్రజా ప్రతినిధులు ఈ సమస్యపై కొంతైనా దృష్టి సారించి వుంటే పాలిటెక్నిక్ కళాశాలకు శాశ్వత భవనం సమకూరి వుండేదన్నారు.  రెండు సంవత్సరాల కాలంలోనే  విద్యార్డుల కలను నెరవేర్చే దిశగా పాలిటెక్నిక్ కళాశాల నిర్మాణానానికి కృషి చేసిన  పెదకూరపాడు శాసన సభ్యులు శంకరరావును మంత్రి అభినందించారు. కేవలం 18 నెలల కాలంలోనే అన్ని సౌకర్యాలతో కూడిన పాలిటెక్నిక్ కళాశాల భవన నిర్మాణం పూర్తయ్యేలా పక్కా ప్రణాళికతో అధికారులు పని చేపట్టేందుకు సిద్ధంగా ఉన్నారన్నారు. రాబోయే విద్యా సంవత్సరంలో నూతన భవనంలో వృత్తివిద్యా కోర్సులను కూడా ప్రవేశపెడతామని మంత్రి హామీ ఇచ్చారు. రాష్ట్రంలోని ప్రతి పిల్లవాడికి నాణ్యమైన విద్యను అందించడమే లక్ష్యంగా ముఖ్యమంత్రి వైఎస్. జగన్ మోహన్ రెడ్డి ప్రవేశపెట్టిన అమ్మ ఒడి, విద్యాదీవెన, వసతిదీవెన వంటి సంక్షేమ పధకాలను అమలు చేసి  అక్కచెల్లమ్మల కుటుంబాలలో తోబుట్టువుగా మారిపోయారన్నారు.  రాష్ట్రంలో నాడు - నేడు ద్వారా జరుగుతున్న పాఠశాలల అభివృద్ధిని పక్కన ఉన్న తెలంగాణా రాష్ట్ర ప్రభుత్వ కేబినేట్ కమిటీ  ఆమోదించి అమలు చేసే ఆలోచనలో ఉందంటే ముఖ్యమంత్రి అభివృద్ధి కార్యక్రమాల పనితీరును రాష్ట్ర ప్రజలు అర్థం చేసుకోవాలని మంత్రి ఆదిమూలపు సురేశ్ అన్నారు. రూ.7.25 కోట్ల రూపాయలతో నిర్మించబోతున్న ఈ పాలిటెక్నిక్ కళాశాల భవనానికి భవిష్యత్ అవసరాల దృష్ట్యా కావలసిన నిధులు మంజూరు చేసి, అక్కడే అదనపు భవనాలను నిర్మించి రాష్ట్రంలోనే ఆదర్శ పాలిటెక్నిక్ కళాశాలగా నిలిపేందుకు కృషి చేస్తామని మంత్రి ఆదిమూలపు సురేశ్  వెల్లడించారు.

 

  నరసారావుపేట పార్లమెంట్ సభ్యులు లావు శ్రీకృష్ణదేవరాయలు మాట్లాడుతూ పల్నాడు ప్రాంతానికి పాలిటెక్నిక్ కళాశాలకు సొంత  భవనం సమకూరడానికి రాష్ట్ర ముఖ్యమంత్రి వైఎస్. జగన్ మోహన్ రెడ్డి, విద్యా శాఖ మంత్రి ఆదిమూలపు సురేశ్, పెదకూరపాడు శాసన సభ్యులు నంబురు శంకరరావు ల ఫలితం అన్నారు. రాష్ట్ర ముఖ్యమంత్రి చదువుకు తగిన ప్రాధాన్యత కల్పిస్తున్నారనడానికి అమ్మ ఒడి, విద్యా వసతి దీవెన, విద్యా దీవెన, జగనన్న గోరుముద్ద, నాడు – నేడు పధకాల ద్వారా చేపట్టిన ప్రభుత్వ పాఠశాలల అభివృద్దే ఉదాహరణ అన్నారు.  కరోనా విపత్కర పరిస్థితులల్లో కూడా పిల్లల ఆరోగ్య పరిస్థితిని సరిదిద్ది పౌష్టికాహారం అందించేందుకు అమ్మ ఒడి ఉపయోగపడిందన్నారు.  ఇప్పటికే ప్రభుత్వ పాలిటెక్నిక్ కళాశాలలో 360 మందికి గాను 160 మంది విద్యార్దులు చదువుతున్నారని, తగినంత మంది అధ్యాపకులను ఏర్పాటు చేశామని పేర్కొన్నారు.  దీంతో పాటు పాలిటెక్నిక్ కళాశాలలో విద్యార్డుల శాతాన్ని పెంచేందుకు ఇక్కడే  వసతి గృహాలను ఏర్పాటు చేసేందుకు చర్యలు తీసుకోవాలని మంత్రి ఆదిమూలపు సురేశ్ ను కోరారు.. 

  పెదకూరపాడు శాసన సభ్యులు నంబూరు శంకరరావు మాట్లాడుతూ విద్యా వ్యవస్థలో పెను మార్పులను   తీసుకువచ్చి విద్యా పట్ల తమకున్న  అంకితభావాన్ని రాష్ట్ర ముఖ్యమంత్రి వైఎస్. జగన్ మోహన్ రెడ్డి చాటిచెప్పారని అన్నారు.  శ్రీ కృష్ణార్జునుల అనుబంధాన్ని గుర్తు చేస్తూ ముఖ్యమంత్రి ఇచ్చిన ఆదేశాలను విద్యా శాఖ మంత్రి తూ.చా తప్పకుండా అమలు చేస్తున్నారని  నంబురు శంకరరావు కొనియాడారు. రూ. 7.25 కోట్లతో క్రోసూరు ప్రభుత్వ పాలిటెక్నిక్ కళాశాల ను నిర్మిస్తున్నామన్నారు. పద్దెనిమిది నెలల్లోనే  భవన నిర్మాణాన్ని  అన్ని వసతులతో పూర్తి చేస్తామని హామీ ఇచ్చారు.  పాలిటెక్నిక్ కళాశాలను మంజూరు చేసిన ముఖ్యమంత్రి వైఎస్. జగన్ మోహన్ రెడ్డి కి, విద్యా శాఖ మంత్రి ఆదిమూలపు సురేశ్ కు ధన్యవాదాలు తెలియజేస్తున్నానన్నారు. 

  సత్తెనపల్లి శాసన సభ్యులు అంబటి రాంబాబు మాట్లాడుతూ గత పది సంవత్సరాలు గా మరుగున పడిన పాలిటెక్నిక్ కళాశాల భవన నిర్మాణం కొరకు శాసన సభ్యులు నంబూరు  శంకరరావు చేసిన కృషి అభినందనీయమన్నారు. రాష్ట్రంలో 33 శాతంగా ఉన్న నిరక్షరాస్యతను సున్నా శాతానికి తీసుకొచ్చే విధంగా పిల్లల చదువుల కొరకు అమ్మఒడి వంటి పథకం ప్రారంభించిన ఘనత కేవలం రాష్ట్ర ముఖ్యమంత్రి వైఎస్. జగన్ మోహన్ రెడ్డి కి దక్కుతుందన్నారు.  రాష్ట్రంలో ఇల్లు లేని నిరుపేదలకు సొంత ఇంటి కలను నెరవేర్చే నవరత్నాలు – పేదలందరికీ ఇళ్ళు పధకం ద్వారా  కొన్ని లక్షల కుటుంబాలలో వెలుగులు నింపే దిశగా ప్రభుత్వం చిత్తశుద్ధితో పనిచేస్తుందన్నారు. రాష్ట్రంలో ప్రజాసంక్షేమం, అభివృద్ధి కార్యక్రమాలను నిరంతరం ముఖ్యమంత్రి వైఎస్. జగన్ మోహన్ రెడ్డి కొనసాగిస్తున్నారన్నారు. 

  సంయుక్త కలెక్టర్ ( రైతు భరోసా, రెవెన్యూ) ఏ.ఎస్. దినేష్ కుమార్ మాట్లాడుతూ క్రోసూరు పరిధిలోని విప్పర్ల గ్రామం వద్ద పెదకూరపాడు  శాసన సభ్యులు నంబురు శంకర రావు చొరవతోనే 4.50 ఎకరాల స్థలంలో పాలిటెక్నిక్ కళాశాలకు సొంత భవనాన్ని నిర్మించేందుకు అవకాశం కల్పించగలిగామన్నారు. ఇప్పుడున్న పరిస్థితుల్లో ఇంజనీరింగ్ విద్య కన్నా రాష్ట్రం పారిశ్రామికంగా అభివృద్ది చెందేందుకు నైపుణ్యం కలిగిన యువతను తయారు చేసుకోవలసిన ఆవశ్యకతను గుర్తు చేశారు. పల్నాడు ప్రాంతంలో ఉన్నత విద్యకు తగిన ప్రాధాన్యత కల్పించేందుకు పాలిటెక్నిక్ కళాశాల భవన నిర్మాణానికి అవసరమైన భూమిని పెదకూరపాడు  శాసన సభ్యులు నంబురు శంకర రావు  స్థానిక రైతులతో మాట్లాడి భూమిని సేకరించి విద్య శాఖకు అందించడం జరిగిందన్నారు.  

 

  సంయుక్త కలెక్టర్ ( సచివాలయాలు, అభివృద్ది ) పి. ప్రశాంతి మాట్లాడుతూ గత రెండేళ్లుగా పాలిటెక్నిక్ కళాశాలకు సొంత భవనం లేదన్న విషయాన్ని పెదకూరపాడు శాసన సభ్యులు నంబురు శంకర రావు తమ దృష్టికి తీసుకువచ్చారన్నారు.  ముఖ్యమంత్రి వైఎస్. జగన్ మోహన్ రెడ్డి ఆదేశాల మేరకు విద్యా వ్యవస్థను దారిలో పెట్టేందుకు విద్యా శాఖ మంత్రి కృషి చేస్తున్నారన్నారు.  వీరిద్దరి చొరవతో క్రోసూరు పాలిటెక్నిక్ కళాశాలకు సొంత భవనం నిర్మించుకోవడానికి అవకాశం కలిగిందన్నారు.  ప్రస్తుతం విద్యా వ్యవస్థలో వచ్చిన మార్పుల వలన విద్యార్డులకు నేరుగా ఇంటికే పాఠ్య పుస్తకాల పంపిణీ, నాడు – నేడు పధకం ద్వారా పాఠశాల అభివృద్ది, పిల్లల ఆరోగ్య పరిరక్షణనకు పౌష్టికాహారం వంటి కార్యక్రమాలను విద్యాశాఖ ద్వారా ప్రభుత్వమే నిర్వహిస్తున్నదన్నారు. ఒక్క జిల్లాలోనే రెండు మెడికల్ కళాశాలలు రావడం ఎంతో కష్టతరమైనప్పటికీ ముఖ్యమంత్రి చొరవతో వాటికి శంఖుస్థాపన చేసి పనులు ప్రారంభించారన్నారు.  జిల్లాలో మూడు పాలిటెక్నిక్ కళాశాలలు వుంటే గుంటూరు లో రెండు, క్రోసూరులో ఒకటి  ప్రభుత్వం ఏర్పాటు చేయడం జరిగిందన్నారు. 

  కార్యక్రమంలో విద్య శాఖ రీజనల్  జాయింట్ డైరెక్టర్ పద్మారావు, ఏ.పి.ఎస్.డబ్ల్యూ.ఐ.డి.సి ఈ.ఈ కరుణాకర్ రెడ్డి, ప్రభుత్వ పాలిటెక్నిక్ కళాశాల ప్రిన్సిపల్ కే.వి. రమణ రావు, క్రోసూరు మండల తహశీల్దారు, యంపీడీఓ,  క్రోసూరు మార్కెట్ యార్డు ఛైర్మన్ వెంపా జ్వాలా లక్ష్మీ నరసింహారావు, విప్పర్ల  గ్రామ సర్పంచ్  నర్రా శేషయ్య, క్రోసూరు ఉప సర్పంచ్ షేక్ మస్తాన్ తదితరులు పాల్గొన్నారు.