దురదృష్టవశాత్తూ కుటుంబ పెద్దను కోల్పోయిన పేద కుటుంబాలకు పెద్ద దిక్కుగా   దేశంలో ఎక్కడ లేని విధంగా పూర్తి ఖర్చు రాష్ట్ర ప్రభుత్వమే భరిస్తూ వైఎస్సార్ బీమా పథకంను అమలు చేస్తున్నామని రాష్ట్ర ముఖ్యమంత్రి వైఎస్ జగన్మోహన్ రెడ్డి పేర్కొన్నారు.  గురువారం తాడేపల్లి క్యాంపు కార్యాలయం నుంచి సీఎం వైఎస్ జగన్మోహన్రెడ్డి వీడియో కాన్ఫరెన్స్ ద్వారా ఆన్లైన్ విధానంలో  2021–22 ఆర్దిక సంవత్సరంకు వైఎస్సార్ బీమా పథకంను కంప్యూటర్ బటన్ నొక్కి ప్రారంభించారు. ఈ సందర్భంగా వైఎస్ జగన్ మోహన్ రెడ్డి మాట్లాడుతూ వైఎస్సార్ బీమా పథకం కు 2021–22 సంవత్సరానికి గాను రాష్ట్రంలో రూ.1.32 కోట్ల పేద కుటుంబాలకు దాదాపు రూ.750 కోట్ల వ్యయంతో ఉచిత బీమా రక్షణ కల్పిస్తున్నామన్నారు. బీమా పధకం నుంచి  కేంద్రం తప్పుకున్నా పేదలకు ఒక్క రూపాయి భారం పడకూడదనే రాష్ట్ర ప్రభుత్వమే పూర్తి ఖర్చును భరిస్తూ సాయం అందిస్తున్నదని తెలిపారు. పేద కుటుంబంలో 18 సంవత్సరాల నుంచి 50 సంవత్సరాల మధ్య వయస్సు గల సంపాదించే వ్యక్తి మరణిస్తే రూ.లక్ష ఆర్ధిక సాయం అందేలా, 18 నుంచి 70 సంవత్సరాల వయస్సుగల సంపాదించే వ్యక్తి ప్రమాదంలో మరణించిన, శాశ్వత అంగవైకల్యం పొందినా  కుటుంబానికి రూ. 5 లక్షల బీమా పరిహారం అందిస్తారని తెలిపారు. 

  

      ఇప్పటి వరకు 6,89, 580 కుటుంబాలలో సర్వే పూర్తి చేసారు. రానున్న రెండు రోజుల్లో మిగతా కుటుంబాలలో సర్వే పూర్తి చేసేందుకు వార్డు సచివాలయాలలోని   వెల్ఫేర్ ఎడ్యుకేషన్ అసిస్టెంట్లు,  వార్డు వెల్ఫేర్ డెవలప్మెంట్ సెక్రటరీ, వాలంటీర్లు చర్యలు తీసుకుంటున్నారు.  వైఎస్సార్ బీమా 2021–22   సంవత్సరంలో నమోదు అయిన పలువురు లబ్ధిదారులకు పాలసీ పత్రాలు, బీమా కార్డులను జిల్లా కలెక్టర్ వివేక్యాదవ్, సంయుక్త కలెక్టర్ (ఆసరా, సంక్షేమం) శ్రీధర్ రెడ్డి,  శాసనమండలి సభ్యులు జంగా కృష్ణమూర్తి, కల్పలత, తూర్పు నియోజకవర్గ శాసనసభ్యులు మెహమ్మద్ ముస్తఫా, నగరపాలక సంస్థ మేయరు కావటి శివనాగ మనోహర్ నాయుడుతో కలిసి అందించారు. గుంటూరు కలెక్టరేట్ కార్యాలయం వీడియో కాన్ఫరెన్స్ హాలు నుంచి జిల్లా కలెక్టర్ వివేక్ యాదవ్, సంయుక్త కలెక్టర్ (ఆసరా, సంక్షేమం) శ్రీధర్ రెడ్డి,  శాసనమండలి సభ్యులు జంగా కృష్ణమూర్తి, కల్పలత, గుంటూరు తూర్పు నియోజకవర్గ శాసనసభ్యులు మెహమ్మద్ ముస్తఫా, నగరపాలక సంస్థ మేయరు కావటి శివనాగ మనోహర్ నాయుడు, మార్కెట్ యార్డు చైర్మన్ చంద్రగిరి ఏసురత్నం, రాష్ట్ర కృష్ణబలిజ, పూసల సంక్షేమ మరియు అభివృద్ధి కార్పోరేషన్ చైర్పర్సన్ కోలా భవానీ మణికంఠ, డీఆర్డీఏ పీడీ ఆనంద్ నాయక్ పాల్గొన్నారు.  గుంటూరు జిల్లాలో ఉన్న 14,91,412  బియ్యం కార్డు కుటుంబాలకు  వైఎస్సార్ బీమా పధకం అమలు చేయనున్నారు.  

రాష్ట్ర ముఖ్యమంత్రిగా వైఎస్ జగన్ మోహన్ రెడ్డి పాలన సాగేంత వరకు పేద ప్రజలకు ఎలాంటి భయము, సంక్షేమ పథకాలకు ఆటంకం లేదని రాష్ట్ర విద్యాశాఖ మంత్రి డాక్టర్ ఆదిమూలపు సురేష్  చెప్పారు. నవరత్నాలు పేదలందరికీ ఇళ్లు గృహ నిర్మాణ కార్యక్రమంలో భాగంగా పెద్దారవీడు మండలం గొబ్బూరు గ్రామంలో రాష్ట్ర విద్యాశాఖ మంత్రి  ఆదిమూలపు సురేష్ గురువారం భూమి పూజ చేశారు.  అనంతరం ఆ గ్రామంలోని లేఅవుట్ లో కొత్తగా ఏర్పాటు చేసిన బోరును ఆయన ప్రారంభించారు. పేద కుటుంబాలన్నింటికి జగన్ మోహన్ రెడ్డి పెద్ద కొడుకుగా నిలిచి సంక్షేమ పథకాలను సమర్ధంగా అమలు చేస్తున్నారని మంత్రి సురేష్ తెలిపారు. ఎన్నికల ముందు ఇచ్చిన మాట నిలబెట్టుకుంటూ రెండేళ్లలో 90% హామీలను అమలు చేశారని ఆయన వివరించారు. జవాబుదారీ తనంతో ప్రభుత్వం పాలన సాగిస్తోందన్నారు. సెంటు భూమి, ఉండటానికి గూడు లేదనే దిగులు ఉండరాదని రాష్ట్ర ప్రభుత్వం  నవరత్నాలు పేదలందరికీ ఇల్లు కార్యక్రమాన్ని సమర్థంగా నిర్వహిస్తుందన్నారు.  రాజకీయ పార్టీలు, కుల మతాలకు అతీతంగా అర్హులైన పేదలందరికీ ఇంటి స్థలం కేటాయిస్తున్నట్లు ఆయన తెలిపారు. యర్రగొండపాలెం నియోజకవర్గంలోని 37 లేఅవుట్లలో 2,800 గృహాలు నిర్మిస్తున్న విషయాన్ని ఆయన గుర్తు చేశారు. గొబ్బూరు గ్రామంలోని జగనన్న కాలనీని రూ.1.50 కోట్ల నిధులతో అభివృద్ధి చేస్తామన్నారు. గృహాలు నిర్మించుకోడానికి ప్రతి కుటుంబానికి రూ.1.80 లక్షల నగదును ప్రభుత్వం ఇస్తుందన్నారు. నేటికి స్థలం లేని వారు ఆందోళన చెందరాదని, సచివాలయంలో దరఖాస్తు చేసుకున్న 90 రోజుల్లోనే ఇంటి స్థలం కేటాయిస్తామని ఆయన స్పష్టం చేశారు. జగన్ మోహన్ రెడ్డి రాష్ట్ర ముఖ్యమంత్రి కుర్చీలో ఉన్నంతవరకు గృహ నిర్మాణాలకు ఎలాంటి ఆటంకం లేదని ఆయన భరోసా ఇచ్చారు.

              మధ్యవర్తుల ప్రమేయం లేకుండా లబ్ధిదారులకు నేరుగా సంక్షేమ పథకాలు చేర వేసే పేద ప్రజల పక్షపాతి ప్రభుత్వమని  మంత్రి  సురేష్ అభివర్ణించారు. గ్రామ సచివాలయాలతో ప్రభుత్వ పరిపాలన గ్రామాలలోని ప్రజలకు చేరువయ్యిందన్నారు. సుదీర్ఘ పాదయాత్రలో పేదల బాధలు, ఇబ్బందులు తెలుసుకున్న జగన్ మోహన్ రెడ్డి ముఖ్యమంత్రి కాగానే నవరత్నాలు పేరుతో సంక్షేమ కార్యక్రమాలు అమలు చేస్తున్నారని వివరించారు. పారదర్శకంగా పరిపాలన సాగిస్తూ దేశ చరిత్రలోనే ఏపీకి ప్రత్యేక గుర్తింపు తెచ్చి పెట్టారని ఆయన కితాబిచ్చారు. చిన్నారుల భవిష్యత్తుకు బంగారు బాటలు వేయడానికి రాష్ట్ర ముఖ్యమంత్రి మేనమామ బాధ్యత తీసుకున్నారని చెప్పారు. పండుగుల మాదిరిగా సంక్షేమ క్యాలెండర్, నిరుద్యోగులకు జాబ్ క్యాలెండర్ విడుదల చేసిన నిబద్ధతగల సీఎంగా చరిత్రకెక్కరని ఆయన వివరించారు. దేవరాజు గట్టు పునరావాస కాలనీలో త్వరలోనే గృహ నిర్మాణాలను ప్రారంభిస్తామని మంత్రి చెప్పారు.  గొబ్బూరు గ్రామంలో పేదలైన లబ్ధిదారులకు ప్రభుత్వమే గృహాలను నిర్మించి చేస్తుందని ఆయన తెలిపారు.

        నవరత్నాలు పేదలందరికీ ఇల్లు కార్యక్రమంలో జిల్లావ్యాప్తంగా 612 లే అవుట్ లో విజయవంతంగా గృహ నిర్మాణాలు ప్రారంభించామని జిల్లా గృహ నిర్మాణ శాఖ పీడీ కె.వి.ఎస్.సాయినాథ్ కుమార్ తెలిపారు. జిల్లాలో ఇప్పటికే 22 వేల ఇళ్ల నిర్మాణం మొదలయ్యాయన్నారు. మిగిలిన 46 వేల గృహాల నిర్మాణ పనులు ప్రారంభం కోసం ఈ నెల ఒకటి నుంచి నాలుగో తేదీ వరకు ప్రత్యేక డ్రైవ్ చేపట్టిన్నట్లు ఆయన తెలిపారు. జిల్లాలో నిర్మించనున్న గృహాలకు రూ.1512 కోట్ల నిధుల విడుదల అయ్యాయన్నారు. జగనన్న కాలనీలలో నీరు, విద్యుత్, రహదారులు, కాల్వలు  మౌలిక సదుపాయాల కల్పనకు రూ.30 వేల కోట్ల నిధులు మంజూరయ్యాయన్నారు. ఉచితంగా ఇసుక, తక్కువ ధరకే సిమెంటు, ఇనుము లబ్ధిదారులకు అందజేస్తున్నామని ఆయన వివరించారు.  కార్యక్రమంలో మార్కాపురం ఆర్డిఓ ఎం వి శేషి రెడ్డి, గృహ నిర్మాణ శాఖ కార్యనిర్వాహక ఇంజనీర్ రాజేంద్ర, డిఈ శ్రీనివాసరావు, స్థానిక తహసిల్దార్, ఎంపీడీవో, గ్రామ సర్పంచ్ అంగిరేకుల ఆదినారాయణ,  తదితరులు పాల్గొన్నారు.

గండి పోచమ్మ అమ్మవారి దయతో పర్యాటక ప్రాంతాలు, గోదావరి నదీ ఆలయాలు అభివ్రుద్ధి చెందాలని రాష్ట్ర పర్యాటకశాఖ మంత్రి ముత్తంశెట్టి శ్రీనివాసరావు పేర్కొన్నారు. గురువారం మంత్రి గండి పోచమ్మ వారిని దర్శించుకుని అనంతరం వేద పండితుల మంత్రోచ్ఛారణల నడుమ గోదావరి జల హారతి పూజా కార్యక్రమాలు నిర్వహించి పాపికొండలు విహార యాత్ర పున ప్రారంభించారు. ఈ సందర్భంగా మంత్రి మాట్లాడుతూ,

ఉభయ గోదావరి జిల్లాలో ఉన్న దేవాలయాలను కూడా అభివృద్ధి పరచి భవిష్యత్ తరాలకు అందిస్తామన్నారు. గోదావరి తీరం వెంబడి పర్యాటకుల తాకిడి కి అనుగుణంగా బోటింగ్ పాయింట్లు పెంచామన్నారు. గతంలో జరిగిన పొరపాట్లు పునరావృతం కాకుండా ఎక్కడ నిర్లక్ష్యానికితావులేకుండా  పలురకాల శిక్షణలో ఇప్పించి ఆయా శిక్షణ పొందిన వారిని ఈ లాంచీల లో నియమించినట్టు చెప్పారు. స్థానిక శాసన సభ్యురాలు ధనలక్ష్మి మాట్లాడుతూ. ప్రతి అంశంలోనూ నిర్లక్ష్యానికి తావులేకుండా విహారయాత్ర కొనసాగేలా పర్యవేక్షణ వ్యవస్థను రాష్ట్ర ప్రభుత్వం తీసుకొని వచ్చిందన్నారు . రాజానగరం ఎమ్మెల్యే కాపు కార్పొరేషన్ చైర్మన్ జక్కంపూడి రాజా మాట్లాడుతూ పర్యాటకం అనగానే తూర్పుగోదావరి జిల్లా అందరి దృష్టిని ఆకర్షిస్తోందని పురుషోత్తపట్నం రామవరపు ఆవ ప్రాంతాన్ని ఏనుగు కొండ ప్రాంతాన్ని పర్యాటకంగా తీర్చిదిద్దాలని పర్యాటక మంత్రి ని కోరారు. రాష్ట్ర పర్యాటక శాఖ మేనేజింగ్ డైరెక్టర్ సత్యనారాయణ మాట్లాడుతూ రాష్ట్రంలో ఆరు చోట్ల పర్యాటక ప్రాంతాలు అభివృద్ధి పరిచి 6 స్టార్ హోటల్స్ నిర్మించాలని యోచనలో రాష్ట్ర ప్రభుత్వం ఉందన్నారు. అదేవిధంగా ప్రముఖ దేవాలయాలు కలిగిన ఏడు ప్రాంతాలకు అభివృద్ధి పరచి పర్యాటకంగా ఆదాయాన్ని ఆర్జించే యోచనలో ప్రభుత్వం ఉందన్నారు. రాజమహేంద్రవరం పార్లమెంట్ సభ్యులు మార్గాన్ని భరత్ రామ్ మాట్లాడుతూ జిపిఎస్ అనుసంధానంతో పర్యాటక రక్షణ వ్యవస్థ బలోపేతం చేయడం జరిగిందని కాకినాడ మచిలీపట్నం పోర్టు ల ద్వారా లైసెన్సులు ఇవ్వడం జరుగుతుందని ఆయ కోర్టుల మార్గదర్శకాలను పూర్తిగా అమలు చేయడం జరుగుతుందన్నారు. ఈ కార్యక్రమంలో డిసిసిబి మాజీ చైర్మన్ అనంత బాబు ఐ టి డిఎ వివో ప్రవీణ్ ఆదిత్య సబ్ కలెక్టర్ సింహాచలం పర్యాటక శాఖ సిబ్బంది రమణ మురళి తదితరులు పాల్గొన్నారు.

రాష్ట్రంలో పర్యాటకుల భద్రతే ధ్యేయంగా 9 కమాండ్ కంట్రోల్ రూములు ఏర్పాటు చేసి పర్యవేక్షణ వ్యవస్థలు బలోపేతం చేసినట్లు రాష్ట్ర పర్యాటక శాఖ మాత్యులు ముత్తం శెట్టి శ్రీనివాసరావు తెలిపారు. గురువారం ఆయన గండి పోచమ్మ ఆలయం వద్ద పాపికొండలు విహారయాత్రలు పునః ప్రారంభించారు. ఈ సందర్భంగా ఆయన మాట్లాడుతూ రాష్ట్ర ముఖ్యమంత్రివర్యులు ఆదేశాల మేరకు పర్యాటకుల భద్రత రక్షణ కొరకు గండి పోచమ్మ పోచవరం రాజమహేంద్రవరం పశ్చిమగోదావరి జిల్లాలో సింగంపల్లి పేరంటాలపల్లి విశాఖ జిల్లా రుషికొండ గుంటూరు జిల్లా నాగార్జునసాగర్ కర్నూలు జిల్లా శ్రీశైలం కృష్ణాజిల్లా బేరం పార్క్ లవద్ద కమాండ్ కంట్రోల్ రూమ్ లు ఏర్పాటు చేసినట్లు తెలిపారు. ఈ కంట్రోల్ రూమ్ లో జలవనరుల శాఖ పర్యాటక శాఖ పర్యాటక శాఖ సిబ్బంది పోలీస్ డిపార్ట్మెంట్ అధికారులు అందుబాటులో ఉంటారని మీరు లాంచీల రాకపోకలు, పర్యాటకుల రక్షణకు సంబంధించిన అంశాలను పర్యవేక్షిస్తారని ఆయన తెలిపారు. ప్రస్తుతం పర్యాటకశాఖ కు రెండు లాంచీలు ప్రైవేట్ సంబంధించి నాలుగు లాంచీలు లైసెన్స్ లకొరకు అనుమతులు పొందాయని ఆయన స్పష్టం చేశారు. కంట్రోల్ రూమ్ లో సీసీటీవీ సర్వే లెను అగ్నిమాపక కేంద్రాలు ప్రాథమిక చికిత్స కిట్టు లైఫ్ సేవింగ్ ఎక్విప్మెంట్ పి ఎ.సిస్టం కంప్యూటర్ సెటప్ సమాచారవ్యవస్థ టికెట్ కౌంటర్ ఉంటాయని పాపికొండలు బోటింగ్ ఆపరేటింగ్ కొరకు నాలుగు చోట్ల కంట్రోల్ రూమ్లు ఏర్పాటు చేశామన్నారు. లాంచీల లో కెపాసిటీకి తగిన విధంగా పర్యాటకులను ఎకించుకోవాలని సూచించారు. లాంచీల లో లైఫ్ జాకెట్లు అగ్నిమాపక యంత్రాలు ప్రాథమిక చికిత్స కిట్టు శాటిలైట్ ఫోన్ నావిగేషన్ మరియు కమ్యూనికేషన్ పరికరాలు బైనాక్యులర్స్ పిఎ సిస్టం లు అందుబాటులో ఉంటాయన్నారు. గతంలో జరిగిన సంఘటనలు పునరావృతం కాకుండా రాష్ట్ర  ప్రభుత్వం పటిష్టమైన భద్రతా వ్యవస్థ ను అమల్లోకి తెచ్చింది అన్నారు. కరోనా మూలంగా పర్యాటక యాత్రను పునరుద్ధరించడానికి సమయం పట్టిందని 2019 సెప్టెంబర్ 15 న కచులూరు వద్ద జరిగిన ప్రమాదంలో పెద్ద ఎత్తున ప్రాణ నష్టం జరగడంతో పర్యాటక పరంగా సమూలమైన మార్పులను రాష్ట్ర ప్రభుత్వం అమల్లోకి తెచ్చిందని తదనుగుణంగా భద్రతా వ్యవస్థను పటిష్టపరచడం జరిగిందన్నారు. పడవలలో పర్యాటకులు మద్యం సేవించ రాదని పాపికొండలు  ప్రకృతిని ఆస్వాదించాలని ఆయన స్పష్టం చేశారు. గోదావరి తీరం వెంబడి ఉన్న గిరిజనులకు రవాణా వ్యవస్థను పునరుద్ధరించడానికి పర్యాటక పరంగా ఉపాధి పొందుతున్న 200 మంది ఉపాధిని పెం దించడానికి గురువారం పాపికొండలు విహార యాత్ర ప్రారంభించడం జరిగిందన్నారు. పాలవరం ప్రాజెక్టు వద్ద ఇమేజ్ పార్కును రెస్టారెంట్లను అభివృద్ధి పరిచేందుకు చర్యలు చేపట్టామన్నారు. పోలవరం ప్రాజెక్టు ఆంధ్రులకు జీవనాడి అని నెల రోజుల తర్వాత పోలవరం ప్రాజెక్టు ప్రాంతంలో పర్యటించడం జరుగుతుందని ఆయన స్పష్టం చేశారు. రాష్ట్ర పర్యాటకులు దృష్టి పోలవరం ఉభయగోదావరి ప్రాంతాల్లో ఉన్న పర్యాటక ప్రాంతాలను ఆకర్షించే విధంగా పలు అభివృద్ధి కార్యక్రమాలు ప్రవేశపెట్టామన్నారు. ఈ కార్యక్రమంలో డిసిసిబి మాజీ చైర్మన్ అనంత బాబు ఐ టి డిఎ వివో ప్రవీణ్ ఆదిత్య సబ్ కలెక్టర్ సింహాచలం పర్యాటక శాఖ సిబ్బంది రమణ మురళి తదితరులు పాల్గొన్నారు.

 సింహాచలంలోని శ్రీశ్రీశ్రీ వరాహ లక్ష్మీ నృసింహ స్వామివారికి విశాఖ ఎంవీపీ కాలనీకి చెందిన గోపి. జగన్మోహన్ రావు లక్ష ఒక్క రూపాయలు (రూ. 1,00,001) విరాళం అందించారు. గురువారం దేవస్థానంలోని పీఆర్వో కార్యాలయ కౌంటర్ లో చెక్ అందించారు. తన భార్య గోపి,రాధ  ప్రధమ వర్దంతి 09-07-2021 జరుగుతోందని ఆరోజు ఆమె జ్ఞాపకార్థం ఈ నెల 9 వ తేదీన అన్నదానం చేయాలని కోరారు. అంతేకాకుండా తమ పెళ్లి రోజైన 20-04-21న కూడా అన్నదానం చేయాలని గోపి.జగన్మోహన్ రావు కోరారు. స్వామివారి దయతో తమ ఇద్దరు కొడుకులుఅమెరికాలో సాఫ్ట్ వేర్ ఇంజనీర్లుగా సెటిలయ్యారని ఆయన చెప్పారు. అంతకు ముందు స్వామివారిని దర్శించుకొని తీర్ధ ప్రశాదాలతోపాటు, వేదపండితుల ఆశీర్వచనాలు తీసుకున్నారు. కార్యక్రమంలో దేవస్థాన సిబ్బంది పాల్గొన్నారు.

కరోనా విపత్కర సమయంలో రక్తం దానం చేయడానికే జూనియర్ డాక్టర్లు ముందుకి రావడం శుభ పరిణామమని ఆంధ్రా మెడికల్ కాలేజీ ప్రన్సిపాల్ డా.సుధాకర్ పేర్కొన్నారు.  గురువారం జాతీయ వైద్యుల దినోత్సవం సందర్భంగా ఏఎంసీలో జరిగిన కార్యక్రమంలో జూనియర్ వైద్యులు 30 మంది రక్తదానం చేశారు. ఈ సందర్బంగా ప్రిన్సిపాల్ మాట్లాడుతూ, వైద్య విద్య చదువుకునే సమయంలోనే ఇలాంటి సేవా కార్యక్రమాలు చేపట్టే వైద్యులకు మంచి భవిష్యత్తు వుంటుందన్నారు. ఒకరు రక్తదానం చేయడం ద్వారా 8 మంది ప్రాణాలు కాపాడవచ్చుననే నినాదంతో వైద్యవిద్యార్ధులు చేస్తున్న ఈ రక్తదాన కార్యక్రమం ఎందరికో స్పూర్తిగా వుంటుందన్నారు. ఈ కార్యక్రమంలో వైద్యులు ఏ.శ్యామలాదేవి, బ్లడ్ బ్యాంక్ మెడికల్ ఆఫీసర్ రాజ్ గ్రుబక్షాని తదితరులు పాల్గొన్నారు..

 

తిరుప‌తి శ్రీ వేంక‌టేశ్వ‌ర గోసంర‌క్ష‌ణ‌శాల‌లో జ‌రుగుతున్న అభివృద్ధి ప‌నుల‌ను బుధ‌వారం టిటిడి ఈవో డాక్ట‌ర్ కెఎస్‌.జ‌వ‌హ‌ర్‌రెడ్డి త‌నిఖీ చేశారు.ఈ సంద‌ర్భంగా స్వామివారికి వాడిన పుష్పాలు, అదేవిధంగా పంచ‌గ‌వ్యాల‌తో కూడిన మిశ్ర‌మంతో అగ‌ర‌బ‌త్తిల త‌యారీకి ఏర్పాటు చేస్తున్న షెడ్డు, ప‌శువుల దాణా గోడౌన్‌, దాణా మిక్సింగ్ ప్లాంటుల‌ను ఈవో అధికారుల‌తో క‌లిసి ప‌రిశీలించారు. అనంత‌రం గోశాల‌లోనికి ప్ర‌వేశించేందుకు నూత‌నంగా ఏర్పాటు చేసిన రోడ్డు, ఆర్చిల‌ను ప‌రిశీలించి ప‌లు సూచ‌న‌లు చేశారు. మొత్తం గోశాలలో ప‌శువుల సంఖ్య‌, వాటికి అందిస్తున్న‌ దాణా వివ‌రాలు గోశాల డైరెక్ట‌ర్ డాక్ట‌ర్ హ‌రినాథ‌రెడ్డి, ఈవోకు వివ‌రించారు. త‌రువాత‌ ఇంజినీరింగ్ అధికారులు గోశాలలో చేప‌ట్టిన అభివృద్ధి కార్య‌క్ర‌మాల‌ను ఈవోకు వివ‌రించారు.   ఈవో వెంట సిఇ  నాగేశ్వ‌ర‌రావు, ఎస్ ఇ జ‌గ‌దీశ్వ‌ర్‌రెడ్డి, ఎస్ ఇ ఎల‌క్ట్రిక‌ల్  వెంక‌టేశ్వ‌ర్లు, డిఇ  ర‌వికుమార్‌రెడ్డి ఇత‌ర అధికారులు పాల్గొన్నారు.

భారత ప్రభుత్వ, గృహ పట్టణ వ్యవహారాల మంత్రిత్వ శాఖ కార్యదర్శి దుర్గా శంకర్ మిశ్రా స్మార్ట్ సిటీ పనుల పురోగతిపై వీడియో కాన్ఫరెన్స్ నిర్వహించగా విశాఖపట్నం నుంచి గ్రేటర్ విశాఖపట్నం స్మార్ట్ సిటీ కార్పొరేషన్ లిమిటెడ్ సి.ఇ.ఒ./జివిఎంసి  కమిషనర్ డా. జి.సృజన పాల్గొన్నారు. బుధవారం ఆయన ఢిల్లీ నుంచి అన్ని రాష్ట్రాలలోని 100 నగరాలలో అమలవుతున్న స్మార్ట్ సిటీ పనులపై ఆరా తీశారు. స్మార్ట్ సిటీ పనులు యొక్క భౌతిక, ఆర్థిక పురోగతిని అడిగి తెలుసుకున్నారు. కమిషనర్ డా. జి.సృజన జివిఎంసిలో స్మార్ట్ సిటీ పనులు దాదాపు పూర్తయ్యాయని, కొన్ని పనులు కోవిడ్-19 కారణంగా కొద్దిగా ఆలస్యం అయ్యాయని వాటిని త్వరలోనే పూర్తి చేస్తామని తెలియజేశారు. ఈ సందర్భంగా కార్యదర్శి మాట్లాడుతూ విశాఖపట్నంలో స్మార్ట్ సిటీ పనులపై సంతృప్తి  వ్యక్తపరుస్తూ, మిగిలిన పనులు నిర్ణీత కాలంలో పూర్తి చేయాలని ఆదేశించి నిధులను ఏమైనా రావలసి ఉంటే వెంటనే విడుదల చేస్తామని తెలియజేశారు. ఈ వీడియో కాన్ఫరెన్స్ ను జాయింట్ డైరెక్టర్ అండ్ మిషన్ డైరెక్టర్, ఎం.ఒ.హెచ్.యు.ఎ., గవర్నమెంట్ ఆఫ్ ఇండియా తరుపున కునాల్ కుమార్ మోడరేట్ చేయగా, ఆంధ్రప్రదేశ్ గవర్నమెంట్ తరుపున ఎం.ఎ. & యు.డి. ప్రత్యేక కార్యదర్శి రామ్  మనోహర్ పాల్గొన్నారు.