రాజీ మార్గం ద్వారా కేసులను పరిష్కరించు కోవడాని కి నేషనల్ లోక్ అదాలత్  చక్కటి పరిష్కార వేదికని ప్రకాశం జిల్లా న్యాయసేవాధికార సంస్థ చైర్మన్ మరియు జిల్లా ప్రధాన న్యాయమూర్తి పి వెంకట జ్యోతిర్మయి అన్నారు జూలై నెల 10వ తేదీ దేశవ్యాప్తంగా నిర్వహించే నేషనల్ లోక్ అదాలత్ లో భాగంగా ప్రకాశం జిల్లాలోని అన్ని న్యాయస్థానాలలో నేషనల్ లోక్ అదాలత్ నిర్వహించబడుతుంది అని ఈ సందర్భంగా రాజీ పడదగిన అన్ని క్రిమినల్ కేసులు మరియు అన్ని రకాల సివిల్ కేసులు మోటారు వాహన ప్రమాద బీమా పరిహారం చెల్లింపు కేసులు వివాహ సంబంధం కేసులు మరియు  చెక్ బౌన్స్ కేసులు పరిష్కరించ పడతాయని ఈ అవకాశాన్ని కక్షిదారులు ఇరువురూ సద్వినియోగం చేసుకోవాలని అన్నారు.

 జిల్లాలో సామర్థ్యం మేరకు కోవిడ్ పరీక్షలు నిర్వహించాలని, నమూనాలు విస్తృతంగా సేకరించాలని ఆయన జాయింట్ కలెక్టర్ ఆదేశించారు.  కనీసం పది రోజుల పాటు రోజుకు ఆరు నుంచి ఏడు వేల వరకు నమూనాలు సేకరించాలని అన్నారు.   ఈ టెలీ కాన్ఫరెన్స్ లో మండల ప్రత్యేక అధికారులు, వైద్యులు, మండల అధికారులు తదితరులు పాల్గొన్నారు.

గుంటూరు జిల్లాలో దివ్యాంగులకు ఆధార్ కార్డు నమోదు, కోవిడ్–19 వ్యాక్సినేషన్  ఇంటి వద్దకే వెళ్ళి అందించేందుకు అవసరమైన ప్రణాళికలు వెంటనే సిద్ధం చేయాలని జిల్లా కలెక్టర్ వివేక్ యాదవ్ అధికారులను ఆదేశించారు.మంగళవారం కలెక్టర్ క్యాంపు కార్యాలయం నుంచి జిల్లా కలెక్టర్ వివేక్ యాదవ్, సంయుక్త కలెక్టర్ (సచివాలయాలు, అభివృద్ధి) పి.ప్రశాంతితో కలసి దివ్యాంగులకు అధార్ కార్డు నమోదు, వ్యాక్సినేషన్పై రెవెన్యూ డివిజన్ అధికారులు, మున్సిపల్ కమిషనర్లు, తహశీల్దార్లు, ఎంపీడీవోలతో టెలికాన్ఫరెన్స్ నిర్వహించారు. ఈ సంధర్భంగా జిల్లా కలెక్టర్ వివేక్ యాదవ్ మాట్లాడుతూ, ప్రభుత్వం అందించే సంక్షేమ కార్యక్రమాలకు ఆధార్ కార్డు అనుసంధానం తప్పనిసరి కావటం తో ఆధార్ కార్డు నమోదు చేసుకోలేని దివ్యాంగులుకు సంక్షేమ పథకాలు అందించటంలో ఇబ్బందులు వస్తున్నాయన్నారు. ముఖ్యంగా మానసిక దివ్యాంగులు, నూరు శాతం వైకల్యంతో మంచానికే పరిమితమైన దివ్యాంగులను ఆధార్ నమోదు కేంద్రాలకు తీసుకువెళ్ళటానికి కుటుంబసభ్యులు చాలా కష్టాలు పడుతున్నారన్నారు. అటువంటి వారికి ఇంటి వద్దకే వెళ్ళి మొబైల్ టీంల ద్వారా ఆధార్ కార్డు నమోదుకు ప్రత్యేకంగా డ్రైవ్ నిర్వహించనున్నామన్నారు. 

మంచానికే పరిమితమైన దివ్యాంగులకు కోవిడ్–19 వ్యాక్సిన్ను ఇంటి వద్దకే వెళ్ళి అందించనున్నామన్నారు.  సచివాలయంలోని వాలంటీర్లు తమ పరిధిలోని దివ్యాంగుల వివరాలను సేకరించి సచివాలయాల్లోని వెల్ఫేర్ అసిస్టెంట్ల సెక్రటరీలకు అందించాలన్నారు. గ్రామ సచివాలయాలకు అందిన వివరాలను ఎంపీడీవోలు జిల్లా పరిషత్ సీఈవోకు, వార్డు సచివాలయాలకు అందిన వివరాలను మున్సిపల్ కమిషనర్లు ఆర్డీఎంఏకు పంపించాలన్నారు. గ్రామీణ, పట్టణ ప్రాంతాలు వారీగా అందిన వివరాలకు అనుగుణంగా దివ్యాంగులకు  ఇంటి వద్దకే వెళ్ళి ఆధార్ నమోదు కోసం రూట్ ప్లాన్ను తయారు చేయాలన్నారు.  ఇంటికి వెళ్ళి ఆధార్ కార్డు నమోదు కోసం ఐరీష్, బయెమెట్రీక్ డివైజ్లతో పాటు కంప్యూటర్, ప్రింటర్ ఇద్దరు టెక్నిషీయన్లు ఒక వాహనంలో  మొబైల్ టీంలను ఏర్పాటు చేయాలన్నారు. జిల్లా వ్యాప్తంగా రూట్ ప్లాన్ రూపొందించిన వెంటనే సచివాలయాలు వారీగా ముందుగా సమాచారం అందించి మొబైల్ టీంలు దివ్యాంగుల ఇళ్ళకు వెళ్ళి ఆధార్ కార్డు నమోదు చేస్తారని తెలిపారు. కోవిడ్ –19 వ్యాక్సినేషన్ను 108 వాహనాల ద్వారా దివ్యాంగుల ఇంటికే వెళ్ళి అందిస్తారన్నారు.

టెలికాన్ఫరెన్సులో సంయుక్త కలెక్టర్ (ఆసరా, సంక్షేమం) కే శ్రీధర్ రెడ్డి, జిల్లా పరిషత్ సీఈవో చైతన్య, మున్సిపల్ ఆర్డీ శ్రీనివాసులు, సోషల్ వెల్ఫేర్ డీడీ మధుసూదనరావు, పాల్గొన్నారు.

గుంటూరు జిల్లాలో వైఎస్సార్ చేయూత పథకం లబ్ధిదారులు 2,10,529 మంది అక్కచెల్లమ్మలకు రూ.394.74 కోట్ల చెక్కును రాష్ట్ర హోం మరియు విపత్తుల నిర్వహణ శాఖ మంత్రి మేకతోటి సుచరిత, రాష్ట్ర శాసనసభ ఉప సభాపతి కోన రఘుపతి, రాష్ట్ర శాసనసభ ప్రభుత్వ విప్ పిన్నెల్లి రామకృష్ణారెడ్డి, జిల్లా కలెక్టర్ వివేక్ యాదవ్ లబ్ధిదారులకు అందించారు. వీడియో కాన్ఫరెన్స్ అనంతరం రాష్ట్ర హోం, విపత్తుల నిర్వహణ శాఖ మంత్రి మేకతోటి సుచరిత మీడియాతో  మాట్లాడుతూ రాష్ట్ర ముఖ్యమంత్రి వైఎస్ జగన్మోహన్ రెడ్డి మ్యానిఫెస్టోలో ఇచ్చిన హామీ మేరకు 45 నుంచి 60 సంవత్సరాలు  మధ్య వయస్సు ఉన్న ఎస్సీ, ఎస్టీ, బీసీ, మైనారిటీ అక్కచెల్లమ్మలకు ప్రతి సంవత్సరం రూ.18,750 చొప్పున ఐదు సంవత్సరాలలో రూ.75,000 ఆర్ధిక సహాయం అందించేందుకు వైఎస్సార్ చేయుత పథకంకు శ్రీకారం చుట్టారన్నారు. చేయూత పథకం ద్వారా ఆదాయం పెంచుకొని మహిళలు ఆర్ధికంగా స్థిరపడటం కోసం పాడి పరిశ్రమ, గొర్రెలు, మేకల పెంపకం, చిరు వ్యాపారులు నిర్వహించుకునేందుకు బ్యాంకుల ద్వారా రుణాలు అందిస్తున్నారన్నారు. 

జిల్లాలో 2,10,529 మంది అక్కచెల్లమ్మలకు వైఎస్సార్ చేయూత పథకం ద్వారా వరుసగా రెండో ఏడాది రూ.394.74 కోట్లు నేరుగా మహిళల బ్యాంకు ఖాతాలకు జమ చేయటం జరిగిందన్నారు. రాష్ట్ర ముఖ్యమంత్రి వైఎస్ జగన్మోహన్ రెడ్డి చెప్పినట్లు 45 నుంచి 60 సంవత్సరాలు మధ్య వయస్సు ఉన్న మహిళలపైనే కుటుంబం మొత్తం ఆధారపడి ఉంటుందని,  పిల్లల పెళ్ళిళ్ళులకు ఇతర ఆర్ధిక అవసరాలు తీర్చాల్సిన బాధ్యత వారిపైనే ఉంటుందన్నారు. ఆర్ధిక అవసరాల కోసం  అధిక వడ్డీలకు అప్పులు చేయకుండా ఉండేందుకు వారికి వైఎస్సార్ చేయుత పథకం ద్వారా ఆర్ధిక సహాయం అందిస్తున్నామన్నారు. మహిళలకు సంక్షేమ పథకాలతో పాటు సాధికారికత కోసం నామినేటడ్ పదవులలో 50 శాతంకు మించి రిజర్వేషన్లు కల్పించి నిజమైన మహిళా సాధికారితను ముఖ్యమంత్రి చేసి చూపించారన్నారు. వితంతువులు, ఒంటరి  మహిళలు, వికలాంగులైన మహిళలకు పెన్షను ఇస్తునే వైఎస్సార్ చేయూత ద్వారా ఆర్ధిక సహాయం అందిస్తున్నారన్నారు. 

రాష్ట్రంలో ఆసరా, సున్నావడ్డీ, చేయూత తదితర సంక్షేమ పథకాలు ద్వారా ప్రతి కుటుంబంలోని మహిళకు రూ. లక్ష నుంచి రూ.1.50 లక్షల వరకు ఆర్ధిక సహాయం అందిస్తున్నారన్నారు. కరోనా కష్టకాలంలోను అన్ని సంక్షేమ పథకాలను అమలు చేస్తున్న  ప్రభుత్వం  మహిళలకు అండగా ఉంటుందన్నారు. కుటుంబంలో భార్యలనే భర్తలు నగదు అడిగే పరిస్థితిని తీసుకువచ్చిన రాష్ట్ర ముఖ్యమంత్రికి మహిళా లోకం మొత్తం ధన్యవాదాలు తెలుపుతుందన్నారు. ప్రకాశం బ్యారేజీ దగ్గర జరిగిన ఘటన పై రాష్ట్ర ముఖ్యమంత్రి తీవ్రంగా స్పందించారని, బాదితురాలికి రూ.5 లక్షల నగదును ప్రకటించి  జిల్లా కలెక్టర్ ద్వారా వెంటనే అందించేలా చర్యలు తీసుకుంటున్నారన్నారు. రాష్ట్రంలో మహిళల సంక్షేమంతో పాటు రక్షణకు రాష్ట్ర ముఖ్యమంత్రి వైఎస్ జగన్మోహన్ రెడ్డి చిత్తశుద్ధితో కృషి చేస్తున్నారన్నారు. మహిళ ఆనందంగా ఉంటేనే కుటుంబం ఆనందంగా ఉంటుందని, తద్వారా సమాజం, రాష్ట్రం ఆనందంగా ఉంటుందని, మహిళలకు అవసరమైన సంక్షేమ, రక్షణ కార్యక్రమాలను అమలు చేస్తున్న ముఖ్యమంత్రికి మహిళల తరుపున హృదయపూర్వకంగా ధన్యవాదాలు తెలుపుతున్నామన్నారు.

అక్క చెల్లెమ్మల ఆర్థిక స్వావలంబన, వారి జీవితాల్లో వెలుగు నింపడానికి  చేయూత కార్యక్రమాన్ని అమలు చేస్తున్నట్లు ముఖ్య మంత్రి వై.ఎస్.జగన్ మోహన్ రెడ్డి పేర్కొన్నారు. వై.ఎస్.ఆర్ చేయూత పథకం లో అర్హులైన మహిళల  ఖాతాలలోనికి రెండవ సంవత్సరం ఒక్కొక్కరికి  రూ.18,750 చొప్పున నగదు జమ  చేసే కార్యక్రమం ముఖ్య మంత్రి మంగళ వారం ఉదయం తాడేపల్లి క్యాంపు కార్యాలయం నుండి వీడియో కాన్ఫరెన్స్ ద్వారా ప్రారంభించారు.  ఈ సందర్భంగా ఆయన మాట్లాడుతూ మహిళలు ఆర్ధికంగా నిలదొక్కుకునేందుకు వారిలో ఆత్మవిశ్వాసం నింపేందుకు అమ్మఒడి, ఆసరా, సున్నావడ్డీ, పేదలందరికీ ఇళ్లు పథకాలను అందిస్తున్నట్లు పేర్కొన్నారు.  45-60 సంవత్సరాల మధ్య ఉన్న ఎస్.సి, ఎస్.టి, బీసీ, మైనారిటీ కార్పొరేషన్ ల ద్వారా మంజూరు చేసిన రెండవ విడత నగదు లబ్ధిదారుల ఖాతాలలోకి జమ చేశారు. జగనన్న ప్రభుత్వం అందిస్తున్న కానుక వరసగా రెండో ఏడాది వైయస్సార్ చేయూత కార్యక్రమం ద్వారా ఎస్సీ, ఎస్టీ, బీసీ, మైనార్టీకి చెందిన దాదాపు 23,14,342 లక్షల మంది అక్కచెల్లెమ్మలకు 4,339.39 కోట్ల ఆర్థిక సహాయాన్ని అందిస్తున్నారు. 

ఈ సందర్భంగా విశాఖపట్నం నుండి వీడియో కాన్ఫరెన్స్ లో పాల్గొన్న జిల్లా కలెక్టర్ మాట్లాడుతూ, జిల్లాలో వై.ఎస్.ఆర్  చేయూత వివరాలు తెలియజేస్తూ జిల్లాలో 1,99,695 మంది లబ్దిదారులకు రూ.374,42,81,250 లు వారి ఖాతాలకు జమ అవుతుందన్నారు.  జివియంసి పరిధిలో రూ.118,37,62,500లు నమోదవుతుందని చెప్పారు.  ఎస్.సి. కార్పొరేషన్ ద్వారా 18,583 మంది లబ్దిదార్లకు, ఎస్.టి. కార్పొరేషన్ ద్వారా 28,811 బి.సి. కార్పొరేషన్ ద్వారా 1,48,810 మందికి, మైనార్టీ కార్పొరేషన్ ద్వారా 3,491 మందికి  చేయూత పథకంలో లబ్ది చేకూరినట్లు వెల్లడించారు. ఈ కార్యక్రమంలో నగర మేయరు జి.వి.హరికుమారి, డిప్యూటి మేయరు బియ్యాని శ్రీధర్, జివియంసి కమిషనర్ డా.జి.సృజన, శాసన సభ్యులు గుడివాడ అమర్ నాథ్, కరణం ధర్మశ్రీ, మత్స్యకార అభివృద్ధి, సంక్షేమ కార్పొరేషన్ ఛైర్మన్ కోలా గురువులు, జాయింట్ కలెక్టర్ ఆర్.గోవిందరావు, డి.ఆర్.డి.ఎ. పి.డి. వి.విశ్వేశ్వరరావు, యు.సి.డి. పి.డి. శ్రీనివాస్, మెప్మా పి.డి. తదితరులు పాల్గొన్నారు.  

రాష్ట్ర స్థాయి ఆయుష్ యోగా పోటీలలోవిజేతలకు జిల్లా కలెక్టర్ వి.వినయ్ చంద్ మంగళవారం తన కార్యాలయంలో అభినందనలు తెలిపారు. అంతర్జాతీయ యోగా దినోత్సవం-2021 సందర్భంగా 18 సంవత్సరముల లోపు పిల్లలకు ఆంధ్రప్రదేశ్ ప్రభుత్వం ఆయుష్ శాఖ ఆధ్వర్యంలో నిర్వహించిన రాష్ట్ర స్థాయి వర్చువల్ యోగా పోటీలలో ప్రథమ బహుమతి పొందిన ఎలమంచిలి జిల్లా పరిషత్ హైస్కూలులో ఏడవ తరగతి చదువుతున్న విద్యార్థి జి.లయవర్ధన్, కన్సోలేషన్ బహుమతి పొందిన చోడవరం రవి కాన్వెంట్ లో ఆరవ తరగతి విద్యార్థిని పి.వెన్నెలశ్రీ లకు మంగళవారం తన ఛాంబర్ లో జిల్లా కలెక్టర్ వి.వినయ్ చంద్ బహుమతి ప్రధానం చేశారు. ఈ కార్యక్రమంలో చోడవరం శాసనసభ్యులు కరణం ధర్మశ్రీ, ఆయుష్ శాఖ సీనియర్ వైద్యాధికారి డాక్టర్ వెంకటరావు, డాక్టర్ హరికృష్ణ, యోగా గురువులు సతీష్, కిరణ్ కుమార్, విద్యార్థుల తల్లిదండ్రులు పాల్గొన్నారు.

రాష్ట్రంలో ఆర్థిక ఇబ్బందులున్నా సంక్షేమ పథకాల విషయంలో వెనకడుగు వేయకుండా అమలు చేస్తున్నామని రోడ్లు భవనాల శాఖా మంత్రి మాలగుండ్ల శంకర నారాయణ పేర్కొన్నారు. మంగళవారం స్థానిక కలెక్టరేట్ లోని వీసీ హాలునందు వైఎస్సార్ చేయూత రెండవ విడత నగదు బదిలీ కార్యక్రమంలో మంత్రి శంకర నారాయణ పాల్గొన్నారు. తాడేపల్లి గూడెం క్యాంపు కార్యాలయం నుంచి ముఖ్యమంత్రి వైఎస్ జగన్మోహన్ రెడ్డి బటన్ నొక్కి రాష్ట్ర వ్యాప్తంగా 23,14,342 మంది మహిళల ఖాతాల్లో రూ.4,339.39 కోట్ల రూపాయలు జమ చేశారు. జిల్లాలో 1,99,370 మందికి రూ.373.82 కోట్ల లబ్ది చేకూరింది. ముఖ్యమంత్రి నగదు బదిలీ చేసిన అనంతరం మంత్రి శంకరనారాయణ స్థానిక పాత్రికేయులతో మాట్లాడారు. లక్షల మంది మహిళలకు ఆర్థిక భరోసానిస్తున్న వైఎస్సార్ చేయూత రెండవ విడత కార్యక్రమం నిర్వహించుకోవడంపై మంత్రి సంతోషం వ్యక్తం చేశారు. ఈ నెలలో ఇప్పటికే జగనన్న ఇళ్ల నిర్మాణ పనులకు శంకు స్థాపన, జగనన్న తోడు ద్వారా చిరు వ్యాపారులకు వడ్డీ లేని రుణాలు, వాహన మిత్ర ద్వారా డ్రైవర్లకు నగదు బదిలీ వంటి కార్యక్రమాలు విజయవంతంగా నిర్వహించుకున్నామని.. అదే కోవలో నేడు వైఎస్సార్ చేయూత రెండవ విడత అందించామన్నారు.  చేయూత సొమ్ము వృథా కాకుండా ఆర్థికంగా ఎదగాలనుకునే మహిళలకు మల్టీ నేషనల్ కంపెనీల ద్వారా హోల్ సేల్ ధరలకే ఉత్పత్తులు అందించి లాభసాటి వ్యాపారాలు చేసుకునే అవకాశం కల్పిస్తున్నామన్నారు. మహిళలు ఆర్థికంగా బలంగా ఉన్నప్పుడే ప్రతి కుటుంబం కూడా ఆర్థికంగా నిలదొక్కుగోలదనే ఆలోచనతో జగనన్న సంక్షేమ పథకాలు చేపడుతున్నారన్నారు. 

జిల్లా మహిళలు చేయూత మరియు ఇతర పథకాల ద్వారా ప్రభుత్వం నుంచి అందుతున్న సొమ్మును ఆర్థికంగా అభివృద్ధి చెందేందుకు వినియోగిస్తున్నారని జిల్లా కలెక్టర్ నాగలక్ష్మి సెల్వరాజన్ తెలిపారు. ఎక్కువ మంది మహిళలు పశువుల పెంపకం, పాడి పరిశ్రమ, కిరాణా షాపులు, గార్మెంట్స్ షాపుల నిర్వహణ వంటి పనులు చేపడుతున్నారన్నారు. ఇవేగాక మహిళలు వ్యాపారాలు చేసుకోవడానికి ముందుకు వస్తే బ్యాంకుల ద్వారా రుణాలు కూడా అందిస్తున్నామన్నారు. 

ప్రభుత్వ విప్ కాపు రామచంద్రా రెడ్డి మాట్లాడుతూ వేన్నీళ్లకు చన్నీళ్లు తోడైనట్టు ఇంట్లో మగవారి ఆదాయానికి మహిళల ఆదాయం కూడా తోడైతే ఆ ఇంటికి ఆర్థిక ఇబ్బందులు ఉండవనే ఆలోచనతో ముఖ్యమంత్రి జగన్ మోహన్ రెడ్డి వైఎస్సార్ చేయూత వంటి పథకాల ద్వారా మహిళలకు ఆర్థిక సహాయం చేస్తున్నారన్నారు. మహిళలు సంతోషంగా ఉన్నపుడే కుటుంబాలు సంతోషంగా, రాష్ట్రం సుభిక్షంగా ఉండగలదన్నారు. కరోనా ఆర్థిక కష్టాలలోనూ అద్భుతమైన పథకాలను అందిస్తున్న ఆదర్శ ముఖ్యమంత్రి జగన్ మోహన్ రెడ్డి అని కదిరి ఎమ్మెల్యే డా.సిద్దారెడ్డి వ్యాఖ్యానించారు. ముఖ్యమంత్రి జగన్ మోహన్ రెడ్డి మాటల మనిషి కాదని చేతల మనిషని ఎమ్మెల్సీ మొహమ్మద్ ఇక్బాల్ పేర్కొన్నారు.

 

వీడియో కాన్ఫరెన్సులో అనంతపురం కలెక్టరేట్ నుంచి ఎంపీ గోరంట్ల మాధవ్, ఎమ్మెల్సీ వెన్నపూస గోపాల్ రెడ్డి, ఎమ్మెల్యేలు ఉషాశ్రీ చరణ్, జొన్నలగడ్డ పద్మావతి, వై.వెంకట్రామి రెడ్డి, దిద్దుకుంట శ్రీధర్ రెడ్డి, జాయింట్ కలెక్టర్ (ఆసరా) గంగాధర్ గౌడ్, మేయర్ వసీం, డిప్యూటీ మేయర్ వాసంతి సాహిత్య, డీఆర్డీఏ పీడీ నరసింహా రెడ్డి, మెప్మా పీడీ రమణా రెడ్డి మరియు లబ్ధిదారులు తదితరులు పాల్గొన్నారు.