శ్రీకాకుళం  జిల్లాలో చేపట్టిన ఆరో విడత ఫీవర్ సర్వే లో నిర్లక్ష్యం వహించిన తొమ్మిది మంది వాలంటీర్లను తొలగిస్తున్నట్లు జాయింట్ కలెక్టర్ డాక్టర్ కె. శ్రీనివాసులు తెలిపారు. ఈ మేరకు ఆదివారం ఒక ప్రకటన జారీ చేస్తూ ఫీవర్ సర్వే లో అత్యంత నిర్లక్ష్యంగా వ్యవహరించి అన్ని తప్పులు తడకలు రిపోర్టులను సమర్పించారని ఆయన తెలిపారు. తొలగింప బడిన వారిలో టెక్కలి మండలం టెక్కలి ఐదవ సచివాలయ పరిధికి చెందిన దండాసి డిల్లేశ్వర రావు,  దాసరి భారతి, దేవాది రామకృష్ణ, తోట వెంకటేష్,  బొడ్డు తులసి,  గండి రాజారెడ్డి.,  రణస్థలం మండలం నారువ సచివాలయ పరిధికి చెందిన పడగల రమణ,  భామిని మండలం బాలేరు 2 గ్రామ సచివాలయ పరిధికి చెందిన ఏ. రాజారావు,  లావేరు మండలం గుమడ గ్రామ సచివాలయానికి చెందిన గంగవరపు అప్పారావులు ఉన్నారని పేర్కొన్నారు. ఈ తొమ్మిది మందిని తొలగిస్తున్నట్లు జాయింట్ కలెక్టర్ తెలియజేస్తూ ఫీవర్ సర్వేను జిల్లా యంత్రాంగం అత్యంత ప్రతిష్టాత్మకంగా చేపడుతుందని అన్నారు. ఈ కార్యక్రమాన్ని ప్రతి ఒక్కరూ చిత్తశుద్ధితో, అంకితభావంతో నిర్వహించాలని ఆయన స్పష్టం చేశారు. వాలంటీర్, ఆరోగ్య సిబ్బంది ప్రతి ఇంటికి వెళ్లి ఫీవర్ సర్వే నిర్వహించాలని ఆయన పేర్కొంటూ అనేక మంది ఇంటింటికి సర్వేకు వెళ్లకుండా నివేదికలు సమర్పిస్తున్నట్లు తెలియవచ్చిందని అందులో భాగంగా తొమ్మిదిమందిని తొలగించడం జరిగిందని అన్నారు. ఎవరైతే నిర్లక్ష్యం చేస్తారో అటువంటి వారిని తొలగించడం జరుగుతుందని ఆయన హెచ్చరించారు. మండల సర్వేలియన్స్ అధికారులు పరిస్థితులను గమనించాలని ఆయన పేర్కొంటూ అవసరమైతే మండల సర్వేలియన్స్ అధికారులపై చర్యలు చేపడతామని ఆయన స్పష్టం చేశారు.

ఉత్తరాంధ్ర సంజీవినిగా పిల‌వ‌బ‌డుతున్న‌ షీలాన‌గ‌ర్ కోవిడ్ కేర్ సెంట‌ర్ ద్వారా కోవిడ్ భాదితులకు  భరోసా ల‌భిస్తుంది. అత్యాధునిక హంగుల‌తో, అత్యున్న‌త  ప్ర‌మాణాల‌తో ఎం.పి విజ‌య‌సాయి రెడ్డి సారథ్యంలోని ప్ర‌గ‌తి భార‌త్ ఫౌండేష‌న్ ఆధ్వర్యంలో షీలాన‌గ‌ర్ లోని వికాస్ కాలేజీలో ఏర్పాటు చేసిన 300 ప‌డ‌క‌ల ఆక్సిజ‌న్ సదుపాయం గ‌ల కోవిడ్ కేర్ సెంట‌ర్ ప్రారంభించిన రెండవ రోజుకే 110 మందికి పైగా కోవిడ్ భాదితుల‌కు ఆక్షిజ‌న్ అందించి ఊర‌ట క‌ల్పిస్తుంది. మిగ‌తా కోవిడ్ కేర్ సెంట‌ర్ల‌కు భిన్నంగా  కార్పోరేట్ ఆసుప‌త్రుల‌కు ధీటుగా మ‌ల్టీ టైర్ ఆక్సిజ‌న్ స‌రఫ‌రా విధానంతో పేషెంట్లకు ఆక్సిజ‌న్ స‌ర‌ఫ‌రాలో పూర్తి భద్ర‌త క‌ల్పిస్తుంది. ముఖ్యమంత్రి వైఎస్ జగన్ మోహన్ రెడ్డి ఆశ‌యాల‌కు అనుగుణంగా ఏర్పాటు చేసిన కోవిడ్ కేర్ సెంట‌ర్లో పౌష్టికాహారం అందించి వారి ఆరోగ్యం త్వ‌రిత గ‌తిన కోలుకునే విధంగా చ‌ర్య‌లు చేప‌డుతున్నారు.  చికిత్స పొందుతున్న కోవిడ్ భాదితుల యోగ క్షేమాలు రిసెప్షన్ వద్ద నుండే  తెలుసుకునే విధంగా సిసి కెమెరాలు,కంప్యూట‌ర్లు మెద‌ల‌గు ఏర్పాట్లపై భాదితుల స‌హాయ‌కులు సంతృప్తి వ్య‌క్తం చేస్తున్నారు.  శనివారం ఉదయం నుండి ఆదివారం సాయంత్రం నాటికి మెత్తం 111 మంది బాదితులు కోవిడ్ కేర్ సెంట‌ర్లో చేర‌గా అందులో 75 పురుషులు, మిగిలిన 36 మంది స్త్రీలు ఉన్నారు.  మెద‌టి రోజు 66 మంది భాదితులు చేర‌గా రెండ‌వ రోజు సాయంత్రం 6 గంట‌ల వ‌ర‌కు 45 మంది భాదితులు చేరారు. డాక్ట‌ర్ల సూచ‌న‌లు మేర‌కు ఆదివారం సాయంత్రం నాటికి మెత్తం 16 మంది కోవిడ్ రోగులను మెరుగైన చికిత్స కోసం విమ్స్ ఆసుప‌త్రికి త‌ర‌లించారు. అంబులెన్స్ లో ఆక్సిజ‌న్ స‌దుపాయం క‌ల్సిస్తూ వైద్య సిబ్బంది ప‌ర్య‌వేక్ష‌ణ‌తో రోగుల‌ను విమ్స్ ఆసుప‌త్రికి త‌ర‌లించారు. వీరిలో 9 మంది పురుషులు కాగా మిగిలిన 7 మంది స్త్రీలు. శనివారం ఇద్ద‌రికి మాత్ర‌మే విమ్స్  ఆసుప‌త్రికి త‌ర‌లించ‌గా మిగిలిన 14 మందిని ఆదివారం డాక్ట‌ర్ల సూచ‌న‌ల మేర‌కు త‌ర‌లించారు.

ఆక్సిజన్ నిల్వలపై అపోహలు అవసరం లేదని పటిష్ట కార్యాచరణ తో ప్రభుత్వ యంత్రాంగం చర్యలు తీసుకుంటుందని జాయింట్ కలెక్టర్ హెల్త్ వీరబ్రహ్మం పేర్కొన్నారు. ఆదివారం సాయంత్రం స్థానిక ఆర్డీవో కార్యాలయంలో ఆయన ఆర్ డి ఓ  కనక నరసారెడ్డి తో కలిసి రీఫిలింగ్ కేంద్రాల యజమానులతో ప్రైవేట్ ఆస్పత్రుల ప్రతినిధులతో సమావేశమయ్యారు. ఈ సందర్భంగా ఆయన మాట్లాడుతూ జిల్లాకు ప్రస్తుతం సరఫరా అవుతున్న ఆక్సిజన్ క్వాంటిటీ పై దృష్టి సారించాలన్నారు.  జిల్లాలోని ప్రభుత్వ ప్రైవేట్ ఆస్పత్రుల లో అందుబాటులో ఉన్న ఆక్సిజన్ బెడ్ లకు అనుగుణంగా ప్రాణవాయువును సరఫరా చేసేందుకు కు చర్యలు తీసుకోవాలన్నారు. కోవిడ్ ఆస్పత్రులను రీఫిల్లింగ్ కేంద్రాలకు అనుసంధానం చేసి  ఆస్పత్రులకు తగినంత ప్రాణవాయువు నిరంతరాయంగా అందించాలని సూచించారు. ఆక్సిజన్ నిల్వలు , వినియోగం, వృధా పై ప్రత్యేక దృష్టి సారించాలని అధికారులకు సూచించారు. ఆక్సిజన్ మేనేజ్మెంట్ పై  నిర్దిష్ట ప్రణాళిక తయారు చేసి మంగళవారం ఉదయం లోపు కలెక్టర్ కు  నివేదిక సమర్పించారు. ప్రస్తుతం అవసరానికి సరిపడా ఆక్సిజన్ అందుబాటులో ఉందన్నారు. జిల్లాలో అన్ని కోవేట్ కేర్ సెంటర్ లలోనూ ఆస్పత్రిలోనూ 18 టన్నుల ఆక్సిజన్ అవసరం ఉందన్నారు. జిల్లాకు ప్రతిరోజు 23 టన్నుల ఆక్సిజన్ ను ఇతర ప్రాంతాల  నుంచి సరఫరా చేస్తున్నామని తెలిపారు. ఆక్సిజన్ పై అనవసర అపోహలు వద్దని ప్రజలు ఈ విషయంపై భయపడాల్సిన పని లేదన్నారు.  ఈ సమావేశంలో అసిస్టెంట్ కలెక్టర్ అభిషేక్ కుమార్, ఆరోగ్యశ్రీ కో-ఆర్డినేటర్ బాల ఆంజనేయులు , డ్రగ్ ఇన్స్పెక్టర్ కీర్తన ,జిల్లాలోని కోవిడ్   ఆసుపత్రుల ప్రతినిధులు , రీఫిలింగ్ కేంద్రాల యజమానులు పాల్గొన్నారు.

క‌రోనా క‌ట్ట‌డికి ప‌టిష్ట‌మైన వ్యూహాన్ని అమ‌లు చేయ‌డం ద్వారా జిల్లాలో మెరుగైన ఫ‌లితాల‌ను సాధిస్తున్నామ‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ అన్నారు. అంద‌రి సమిష్టి కృషివ‌ల్లే ఇది సాధ్య‌ప‌డుతోంద‌ని ఆయ‌న ఒక ప్ర‌క‌ట‌న‌లో పేర్కొన్నారు. కోవిడ్ నియంత్ర‌ణ‌లో భాగంగా చేప‌ట్టిన చ‌ర్య‌ల్లో, ఇప్ప‌టికీ మ‌న జిల్లా మెరుగైన స్థానంలో ఉంద‌ని తెలిపారు.  విజ‌య‌న‌గ‌రం జిల్లాలో క‌రోనా నియంత్రణ కు స‌మిష్టి కృషి జ‌రుగుతోంద‌ని తెలిపారు. రోజుకు 3,500 నుంచి 4 వేల వ‌ర‌కూ క‌రోనా నిర్ధార‌ణా ప‌రీక్ష‌ల‌ను నిర్వ‌హించ‌డం జ‌రుగుతోంద‌న్నారు.  ఈ నెల మొద‌టి వారంలో 25,416 ప‌రీక్ష‌ల‌ను నిర్వ‌హించ‌గా, 6,737 పాజిటివ్ కేసులు వ‌చ్చాయ‌ని, రెండో వారంలో 22,220 టెస్టులు నిర్వ‌హించ‌గా, 5,851 పాజిటివ్ కేసులు వ‌చ్చాయ‌ని తెలిపారు. మే నెల‌లో అత్య‌ధికంగా ఇన్‌ఫెక్ష‌న్ రేటు న‌మోదైన‌ప్ప‌టికీ, ప్ర‌స్తుతం కొద్దిగా త‌గ్గుముఖం ప‌డుతోంద‌ని చెప్పారు. ఏప్రెల్ నెల‌లో 77,352 ప‌రీక్ష‌లు నిర్వ‌హించ‌గా, 9,183 పాజిటివ్ కేసులు న‌మోద‌య్యాయ‌ని తెలిపారు. వ్యాధిగ్ర‌స్తుల‌కు చికిత్స‌ను అందించడంలో వైద్యులు, సిబ్బంది చూపిస్తున్న అంకిత‌భావం, చిత్త‌శుద్ది కార‌ణంగా, జిల్లాలో రిక‌వ‌రీ రేటు అత్య‌ధికంగా స‌గ‌టున 85.7 శాతం న‌మోదవుతోంద‌ని చెప్పారు. కోవిడ్ కేర్ సెంట‌ర్ల‌లో 95.9 శాతం, హోమ్ ఐసోలేష‌న్‌లో 83.8 శాతం, ఆసుప‌త్రుల్లో 87.3 శాతం రిక‌వ‌రీ రేటు ఉండ‌ట‌మే ఇందుకు నిద‌ర్శ‌న‌మ‌ని తెలిపారు.

                     జిల్లాలో ప్ర‌స్తుతం 6,662 మంది హోమ్ ఐసోలేష‌న్‌లో ఉన్నార‌ని, వీరిలో 6,115 మందికి కోవిడ్ కిట్ల‌ను పంపిణీ చేయ‌డం ద్వారా, 91.79శాతాన్ని సాధించి, మ‌న జిల్లా రాష్ట్రంలోనే ప్ర‌ధ‌మ స్థానంలో నిలిచింద‌ని క‌లెక్ట‌ర్ తెలిపారు. జిల్లాలో ఫీవ‌ర్ స‌ర్వే జోరుగా జ‌రుగుతోంద‌ని, ఇప్ప‌టివ‌ర‌కు సుమారు 35.23 శాతం పూర్త‌య్యింద‌న్నారు. జిల్లాలో 7,47,312 వాసాల‌కు గానూ, ఇప్ప‌టివ‌ర‌కు 2,63,248 ఆవాసాల్లో స‌ర్వే పూర్త‌య్యింద‌ని తెలిపారు. జిల్లాలో మ‌రోవైపు వేక్సినేష‌న్ ప్ర‌క్రియ జోరుగా జ‌రుగుతోంద‌ని, దీనికోసం 67 కేంద్రాల‌ను ఏర్పాటు చేశామ‌ని చెప్పారు. జిల్లాలో 44 కేంద్రాల్లో కోవిషీల్డ్‌, 23 కేంద్రాల్లో కోవేగ్జిన్ వేస్తున్నార‌న్నారు. జిల్లాలో ఇప్ప‌టివ‌ర‌కు 2,53,861 మందికి మొద‌టి డోసు, 102432 మందికి రెండో డేసు  వేయ‌డం జ‌రిగింద‌ని క‌లెక్ట‌ర్ ప్ర‌క‌ట‌న‌లో తెలిపారు.

కరోనా విలయతాండవం చేస్తున్నవేళ రోగులకు ఒకపూట భోజనం పెట్టాలనుకున్న ఆ అన్నదాత ఆలోచనకు మరో నలుగురు యువకులు తోడయ్యారు.. అనుకున్నదే తడవుగా చేయి చేయి కలిపి 300 మందికి ఆకలి తీర్చారు.. ఈ అరుదైన అన్నదాన కార్యక్రమానికి  ఆదివారం కాకినాడ జనరల్ హాస్పిటల్ వేదికైతే.. ఈఎన్ఎస్ లైవ్ మొబైల్ యాప్ ప్రధాన సాక్షిగా నిలిచింది..  కరోనాతో బాధపడుతున్న రోగులకు, వారికి సహాయం ఉండటానికి వచ్చిన వారికి, రోగులకు వైద్యసేవ చేసే ఆసుపత్రి సిబ్బందికి ఆహార పొట్లాలు అందించి తమ మానవత్వాన్ని చాటుకున్నారు ఆ యువకులు. ఎక్కువ మందికి అన్నదానం చేద్దామనుకున్న శంఖవరం గ్రామసచివాలయం-1లో సర్వేయర్ గా విధులు నిర్వహిస్తున్న వీర్ల సురేష్ కి మరో దాత శ్రీనివాస్ తోడయ్యారు. ఆదివారం ఆసుపత్రిలో అన్నదానం చేద్దామని శుక్రవారమే ప్లాన్ చేసుకున్నారు. దానికోసం భోజనాలు స్వయంగా చేయిద్దామని భావించి సతీష్ అనే వంటలు వండే వ్యక్తిని సంప్రదిస్తే.. మీరు నిరుపేదలకు ఆకలి తీర్చే మంచి కార్యక్రమం చేస్తున్నారు.. విపత్కర సమయంలో మీరు చేసే మంచిపనిలో నన్నూ భాగస్వామిని కానీయండంటూ ఆహారాన్ని మొత్తం ఉచితంగానే తయారు చేసి అందించాడాయన.. ఇపుడు వండిన ఆహారాన్ని ఆసుపత్రికి తరలించాలి.. ఆటో కోసం చూస్తున్న సమయంలో డ్రైవర్ వెంకట అప్పలనాయుడు తారస పడ్డాడు.. ఇన్ని అన్నం పొట్లాలు ఎక్కడ దించాలని అని ప్రశ్నించాడు ఆటో డ్రైవర్.. ఈరోజు ప్రభుత్వ ఆసుపత్రిలో పేద రోగులకు అన్నదానం చేస్తున్నాం టైమవుతుంది త్వరగా వెళ్లాలి అని చెప్పారు.. అంత మంది ఆకలి తీరుస్తున్నారు.. నేనూ మీ సేవకు తోడవుతాను నాకు ఎలాంటి డబ్బులు ఇవ్వొద్దు, నేనూ కూడా మీతో పాటే అందరికీ అన్నం పంచుతాను నాకూ ఓ అవకాశం ఇవ్వండి అని అడిగాడు.. చక్కగా ప్యాకింగ్ చేసిన ఆహార పొట్లాలు మొత్తం నా ఆటోలో వేసేయండి నేనే తీసుకు వస్తానంటూ వండిన అన్నం ప్యాకెట్లు మొత్తం ఆసుపత్రికి హుటా హుటీన తరలించేశారు.. తీరా అక్కడ అన్నం అందరికీ పంచాలి.. ఆసుపత్రి సిబ్బంది అంతా విధుల్లో ఉన్నారు..కోవిడ్ కావడంతో ఎవరూ అందుబాటులో ఎవరూ లేరు.. సహాయం కోసం వెతుకున్న సమయంలో  రాబిన్ హుడ్ ఆర్మీ బ్రుందం సభ్యులు వి.రామ్, ఎ.లలిత్ సాయిలు వీరికి తోడయ్యారు.. అంతే చక చకా ఆసుపత్రిలో రోగులతోపాటు, సిబ్బందికి కడుపునిండా అన్నం పెట్టి దాహం తీర్చారు.. ఈ సమయంలో ప్రభుత్వం సూచించిన కరోనా నిబంధనలు(మొహానికి మాస్కులు, చేతికి హేండ్ గ్లౌజులు, చూట్టూ శానిటషన్ మధ్య మధ్యలో శానిటైజర్ తోశుభ్రం) పాటించారు ఆ యువకులంతా.. అక్కడ ఆహార పొట్లాలు తీసుకున్న ప్రతీ ఒక్కరూ ఆ ఐదురుగురు యువకుల వైపు చూస్తూ మీరంతా చల్లగా ఉండాలి బాబు, కష్టకాలంలో కడుపునిండా అన్నం పెట్టారంటూ నిండైన హ్రుదయంతో దీవించారు. దానికి ఆ యువకులు బదులిస్తూ.. సీఎం వైఎస్. జగన్మోహనరెడ్డి అలుపెరగ కుండా ప్రజలను ఈ కరోనా వైరస్ నుంచి కాపాడటానికి ఎంతో శ్రమిస్తున్నారు.. వైద్యం అందిస్తున్నారు, అన్నం పెడుతున్నారు, వైద్యసిబ్బందితో సేవలు చేస్తున్నారు, అంతలా ఆయన శ్రమిస్తున్న తీరు మాలో స్పూర్తి నింపి ఈ అన్నదాన కార్యక్రమానికి ప్రేరేపించింది అంటూ వారికి బదులిచ్చారు యువకులు.. ఐదుగురు యువకులు ఆసుపత్రిలో రోగుల  కడుపు నింపడం కోసం చేసిన అన్నదాన కార్యక్రమం విజయవంతం అయ్యింది.. ఈ అన్నదాన కార్యక్రమం, యువకులు సేవతో ముందుకి వచ్చిన తీరు అక్కడి అధికారులను, వెద్య సిబ్బంది,  కరోనా రోగుల సహాయకులను ఎంతగానో ఆలోచింపజేసింది. ఇంతటి మంచి కార్యక్రమాన్ని బాహ్య ప్రపంచానికి తెలియజేయాలనే ఉద్దేశ్యంతో ఈఎన్ఎస్ నేషనల్ న్యూస్ ఏజెన్సీ, అధికారిక మొబైల్ న్యూస్ ఈఎన్ఎస్ లైవ్, www.enslive.net పాఠకుల ముందుకి తీసుకు వచ్చింది. ప్రార్ధించే పెదవుల కన్నా సాయం చేసే చేతులు మిన్న అనే మంచిని పాటించిన ఈ యువ అన్నదాతల స్పూర్తితో మరింత మంది ఈ కరోనా సమయంలో ముందికి వచ్చి సాయమందిలన్నదే ప్రధాన ఉద్దేశ్యం..జైహింద్..! 

విశాఖలోని సింహాలచంలోని శ్రీశ్రీశ్రీ వరాహలక్ష్మీనృసింహస్వామి(సింహాద్రి అప్పన్న) దర్శనాలు ఆదివారం నుంచి తిరిగి ప్రారంభం అయ్యాయి. కరోనా, చందనోత్సవం నేపథ్యంలో 15వ తేదీ వరకూ భక్తులకు దర్శనాలు నిలుపుదల చేసిన దేవస్థానం అధికారులు తిరిగి ఆదివారం దర్శనాలు ప్రారంభించడంతో  ఉదయం 7.30 నుంచి 9.30 వరకూ భక్తులు స్వామివారిని దర్శించుకుంటున్నారు. అయితే కేవలం స్వామివారి దర్శనాలు రెండు గంటల పాటు మాత్రమే భక్తులకు అవకాశం కల్పించి ఇతర సేవలన్నీ ఏకాంతంగానే నిర్వహిస్తున్నారు. ఆదివారం దర్శనాలు ప్రారంభం అయ్యే సమయంలోనే వర్షం పడటం స్వామివారి మహిమ గా భక్తులు వర్ణించారు. కరోనా నిబంధనలు పాటిస్తూ భక్తులకు దర్శన ఏర్పాట్లు చేశారు దేవస్థానం అధికారులు. స్వామివారి ఆర్జిత సేవలన్నీ ఆన్ లైన్ ద్వారా వీక్షించాలని అధికారులు సూచిస్తున్నారు.

విశాఖలోని సింహాలచంలోని శ్రీశ్రీశ్రీ వరాహలక్ష్మీనృసింహస్వామి(సింహాద్రి అప్పన్న)కు ప్రభుత్వ సలహాదారు టి.వెంకటలక్ష్మీనరసింహమూర్తి రూ.3.10 లక్షల విలువైన పెండాల్స్ విరాళంగా సమర్పించారు. ఆదివారం స్వామివారి దేవస్థానంలో వీటిని ఆయన తరపున సింహాద్రి మఠం వ్యవస్థాపకులు కె. సురేంద్రస్వామి ఏఈఓ రాఘవకుమార్ కి అందజేసి రసీదు పొందారు. ఈ పెండాల్స్ ను పెడిమాంబ లైటింగ్ అండ్ సౌండ్స్ అధినేత భాస్కరరావు ఎలాంటి రుసుము తీసుకోకుండా స్వామివారికి కానుకగా వాటిని తయారు చేశారు. వేసవిలో భక్తులు సేదతీరడానికి ఈ పెండాల్స్ ఎంతగానో ఉపయోగపడతాయని దేవస్థాన అధికారులు చెబుతున్నారు. అనంతరం దాతలకు స్వామివారి ప్రసాదాన్ని అందజేశారు. ఈ కార్యక్రమంలో ఆలయ సిబ్బంది పాల్గొన్నారు.

విశాఖలోని సింహాలచంలోని శ్రీశ్రీశ్రీ వరాహలక్ష్మీనృసింహస్వామి(సింహాద్రి అప్పన్న)కు వెండి కలసం మొక్కురూపంలో అందింది. విశాఖకు చెందిన ఫణిసోమరాజు, అంజనీదేవి దంపతులు ఆదివారం రూ.75వేలు విలువ చేసే 29 గ్రాముల వెండి కలశాన్ని స్వామివారికి సమర్పించారు. దానిని ఆలయ ఏఈఓ రాఘవకుమార్ కి అందజేశారు. ఈ సందర్భంగా వారు మాట్లాడుతూ, స్వామి క్రుపతో తమ పిల్లల మొక్కు నెరవేరిందని, స్వామికి మొక్కుకున్నట్టుగా వెండి కలశాన్ని సమర్పించి తమ మొక్కు తీర్చుకున్నట్టు చెప్పారు. ఏఈఓ మాట్లాడుతూ భక్తులు ఎవరు  మొక్కులు నగదు లేదా వస్తురూపంలో సమర్పించినా రసీదు పొందాలన్నారు.  ప్రభుత్వం నిర్ధేశించి నిబంధనల ప్రకారమే స్వామివారిని దర్శించుకోవాలని సూచించారు.