విశాఖలోని సింహాలచం శ్రీశ్రీశ్రీ వరాహ లక్ష్మీ నృసింహ స్వామివారి చందనోత్సవానికి ... చందనం సమర్పించిన భక్తులకు దేవస్థానం అధికారులు స్వామివారి చందన ప్రసాదాన్ని పోస్టు ద్వారా పంపిస్తున్నారు.  అర కేజీ అంటే రూ. 10,116 (పదివేల నూటపదహార్లు),కేజీఅంటే రూ. 20,116(ఇరవైవేల నూటపదహార్లు) సమర్పించినవారికి ముందుగా చందనం పంపుతున్నారు.  పదివేల నూటపదహార్లు పంపినవారికి  చందనం ముక్క , 20వేల నూటపదహార్లు పంపినవారికి చందనం ముక్కతోపాటు శేషవస్త్రం అందిస్తున్నారు. దీనికి సంబంధించిన ప్యాకేజింగ్ ఆలయ ఏఈఓ రాఘవ కుమార్, కప్ప స్తంభం నాయుడు పర్యవేక్షణలో జరుగుతున్నాయి.  ఇప్పటికీ 20,116  అంటే కేజీ చందనం సమర్పించినవారి  రెండు అడ్రస్ లు పూర్తిగా తెలియరాలేదని, అందులో ఒకటి ఆఫ్రికాలోని గినియా దేశం నుంచి వచ్చిందని  గుర్తించినట్టు అధికారులు తెలియజేశారు. మరొకటి చెక్ రూపేణా అడ్రస్ లేకుండా పంపించారని పేర్కొన్నారు. వీరి అడ్రస్ లు కనిపెట్టేందుకు అధికారులు ప్రయత్నిస్తున్నారని అధికారులు తెలిపారు. ఇక దేవస్థానం ప్రత్యేక ఆహ్వానితులు గంట్ల శ్రీనుబాబు 3 కేజీల చందనం సమర్పించారు. పలువురు భక్తులు విదేశాల నుంచి విరాళాలు పంపినా... స్వదేశీ అడ్రస్ లనే ఇచ్చారు. కాగా స్వామివారి చందన సమర్పణకు ఏడాదిలో ఎప్పుడైనా విరాళాలు పంపించే అవకాశం భక్తులకు దేవస్థానం కల్పించింది. ఇది ఏడాది పొడవునా జరిగే ప్రక్రియని అధికారులు పేర్కొన్నారు.

విశాఖ జిల్లాలో బ్లాక్ ఫంగస్(మ్యూకార్ మైకోసిస్) పేషెంట్లకు చికిత్స నిమిత్తము కె.జి.హెచ్.లోని డెర్మటాలజీ విభాగంలో 20 పడకలు కేటాయించినట్లు జిల్లా కలెక్టర్ వి. వినయ్ చంద్ వెల్లడించారు.  ప్రభుత్వ ఆదేశాల మేరకు జిల్లాలో క్లినికల్ మేనేజ్ మెంట్ ప్రోటోకాల్ కమిటీని ఏర్పాటు చేయడం జరిగిందన్నారు.  ఆంధ్రా మెడికల్ కళాశాల ప్రిన్సిపల్ డా. పి.వి. సుధాకర్ నేతృత్వంలో సీనియర్ వైద్యులతో ఈ కమిటీని ఏర్పాటు చేసినట్లు తెలిపారు. ఈ కమిటీలో ప్రభుత్వ ఛాతీ, ENT, ప్రాంతీయ కంటి ఆసుపత్రి  సూపరింటెడెంటట్లు, న్యూరో సర్జరీ,  జనరల్ మెడిసిన్, డెర్మటాలజి మరియు మైక్రోబయాలజీల  విభాగాధిపతులు సభ్యులుగా ఉంటారని పేర్కొన్నారు. ఆసుపత్రులకు వచ్చిన  పేషెంట్లను చేర్చుకొని చికిత్స విధి విధానాలను పరిశీలిస్తారన్నారు.

విశాఖలోని హిందుస్తాన్ పెట్రోలియం కార్పొరేషన్ లిమిటెడ్ కంపెనీ  రిఫైనరీ,  జిల్లా లోని ప్రభుత్వ ఆసుపత్రులలో కోవిడ్ రోగులకు  ఆక్సిజన్ సరఫరా నిమిత్తము రూ. 35 లక్షలు విరాళంగా అందజేసింది. బుధవారం నాడు స్థానిక కలెక్టరేట్ లో సంస్థ ఎగ్జిక్యూటివ్ డైరెక్టర్ వి. రత్నరాజ్ చెక్కు ను జిల్లా కలెక్టర్ వి.వినయ్ చంద్ కు అందజేశారు. ఈ కార్యక్రమంలో జాయింట్ కలెక్టర్ ఎం.వేణుగోపాల్ రెడ్డి, హెచ్ పిసిఎల్ జనరల్ మేనేజర్ రాజు, పిఆర్ ఓ ఎం. కాళీ, జిల్లా పరిశ్రమల కేంద్రం జనరల్ మేనేజర్ రామలింగరాజు పాల్గొన్నారు. కోవిడ్ సమయంలో పలు కేంద్ర ప్రభుత్వ సంస్థలు ఉదారంగా స్పందించడం అభినందనీయమని కలెక్టర్ అభినందించారు.

విజ‌య‌న‌గ‌రం జిల్లాలో క‌రోనా నియంత్ర‌ణ‌కు ప‌టిష్ట చ‌ర్య‌లు చేప‌ట్టాల‌ని, ప్ర‌జ‌ల నుంచి చిన్న విమ‌ర్శ కూడా రాకుండా సేవ‌లందించాల‌ని మంత్రులు బొత్స స‌త్య‌నారాయ‌ణ‌, వెల్లంప‌ల్లి శ్రీ‌నివాసు అధికారుల‌ను ఆదేశించారు. ఆసుప‌త్రుల‌పై మ‌రింత ప‌ర్య‌వేక్ష‌ణ పెంచి సేవ‌లు స‌త్వ‌ర‌మే అందేలా చ‌ర్య‌లు తీసుకోవాల‌ని సూచించారు. ప్ర‌భుత్వ‌, ప్ర‌యివేటు ఆసుత్రుల్లో అందుతున్న సేవ‌ల‌పై నిరంత‌రం స‌మీక్షిస్తూ త‌గిన చ‌ర్య‌లు తీసుకోవాల‌ని చెప్పారు. ప్ర‌ధానంగా ప్ర‌భుత్వ ఆసుప‌త్రుల్లో అవ‌స‌ర‌మైన మేర‌కు అద‌న‌పు వైద్య సిబ్బందిని త్వ‌ర‌త‌గ‌తిన నియ‌మించుకోవాల‌ని సూచించారు. 

జిల్లా ఇన్‌ఛార్జి మంత్రి వెల్లంప‌ల్లి శ్రీ‌నివాస‌రావు ఆధ్వ‌ర్యంలో, జిల్లాలో కోవిడ్ నియంత్ర‌ణ‌కు తీసుకుంటున్న చ‌ర్య‌లు, రోగుల‌కు అందిస్తున్న వైద్యం త‌దిత‌ర అంశాల‌పై జిల్లా అధికారుల‌తో మంత్రి బొత్స స‌త్య‌నారాయ‌ణ బుధ‌వారం జూమ్ కాన్ఫ‌రెన్స్ ద్వారా స‌మీక్షా స‌మావేశాన్ని నిర్వ‌హించారు. ముందుగా జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ జిల్లాలోని గ‌త స‌మావేశంలో చ‌ర్చించిన అంశాల‌ను, చేప‌ట్టిన చ‌ర్య‌ల‌ను, జిల్లాలోని తాజా ప‌రిస్థితిని మంత్రుల‌కు వివ‌రించారు. కోవిడ్ మొద‌టి వేవ్‌తో పోలిస్తే, ప్ర‌స్తుతం ఇన్‌ఫెక్ష‌న్ రేటు ఎక్కువ‌గా ఉంద‌ని, రిక‌వ‌రీ రేటు కొంత త‌గ్గింద‌ని చెప్పారు. జిల్లాలోని 27 ఆసుప‌త్రుల్లో ప్ర‌స్తుతం కోవిడ్‌కు చికిత్స అందిస్తున్నామని తెలిపారు. జిల్లా వ్యాప్తంగా ఫీవ‌ర్ స‌ర్వేలు నిర్వ‌హిస్తున్నామ‌ని, పాజిటివ్ వ‌చ్చిన వారిని హౌం ఐసోలేష‌న్‌లో ఉంచి కోవిడ్ కిట్ల అంద‌జేస్తున్నామ‌ని వివ‌రించారు. గ‌త స‌మావేశంలో మంత్రులు, శాస‌న స‌భ్యులు ప్రస్తావించిన స‌మ‌స్య‌ల ప‌రిష్కారానికి చ‌ర్య‌లు చేప‌ట్టామ‌ని తెలిపారు. జిల్లా కేంద్రాసుప‌త్రిలో 10 కె.ఎల్‌. సామ‌ర్థ్యం గ‌ల ఆక్సిజ‌న్ ట్యాంక‌ర్‌ని అందుబాటులోకి తీసుకొచ్చామ‌ని చెప్పారు. దీనికి ఎంపీ ల్యాడ్స్ నుంచి రూ.20 లక్ష‌ల కేటాయించిన‌ట్లు పేర్కొన్నారు. బొబ్బిలిలో గ‌తంలో నాలుగు ప‌డ‌క‌ల‌కు ఆక్సిజ‌న్ ఉండేద‌ని.. ప్ర‌స్తుతం ప‌ది ప‌డ‌క‌ల‌కు ఆక్సిజ‌న్ స‌దుపాయం క‌ల్పించామ‌ని చెప్పారు. పార్వ‌తీపురం ఏరియా ఆసుప‌త్రిలో ఉన్న 100 ప‌డ‌క‌ల‌ను వినియోగంలోకి తీసుకొచ్చేందుకు త‌గిన చ‌ర్య‌లు చేప‌ట్టామ‌ని వివ‌రించారు. జిల్లాకు కావాల్సిన అద‌న‌పు అంబులెన్స్‌ల‌ను, ఒక మ‌హాప్ర‌స్థానం వాహ‌నాన్ని అందుబాటులోకి తీసుకొచ్చేందుకు నిర్ణ‌యించామ‌న్నారు. బ‌యో మెడిక‌ల్ ఇంజినీర్ నియామ‌కానికి, మిమ్స్ ఆసుప‌త్రిలో 6 కె.ఎల్‌. స‌మార్థ్యం గ‌ల ట్యాంకర్‌ను ఏర్పాటు చేసేందుకు చ‌ర్య‌లు తీసుకున్నామ‌ని క‌లెక్ట‌ర్‌ వివ‌రించారు. ప‌రీక్ష‌లు, టీకా ప్ర‌క్రియ స‌జావుగా సాగుతోంద‌ని వెల్లడించారు. ఇప్ప‌టి వ‌ర‌కు ఫస్ట్ డోస్ 2.54 ల‌క్ష‌ల మందికి, రెండో డోస్ 1.05 ల‌క్ష‌ల మందికి వేశామ‌ని తెలిపారు. కోవిడ్ కేర్ సెంట‌ర్ల నిర్వ‌హ‌ణ బాగుంద‌ని అన్ని వ‌స‌తులు స‌మ‌కూర్చామ‌ని, సేవ‌లు బాగా అందుతున్నాయ‌ని వివ‌రించారు. 

జేసీలు కిశోర్ కుమార్‌, మ‌హేష్ కుమార్‌, వెంక‌ట‌రావు పాల్గొని ప‌లు అంశాల‌పై మాట్లాడారు. కోవిడ్ కేర్ సెంట‌ర్ల నిర్వ‌హ‌ణ‌, ఆక్సీజ‌న్ స‌ర‌ఫ‌రా, వైద్యుల నియామ‌కం, మందుల స‌ర‌ఫ‌రా, ఆరోగ్య శ్రీ సేవ‌లు, ప్ర‌యివేటు ఆసుప‌త్రుల్లో అందుతున్న‌ సేవ‌ల గురించి వివ‌రించారు. మిమ్స్‌లో 6 కె.ఎల్. ఆక్సీజ‌న్ ట్యాంక‌ర్ ఏర్పాటుకు చ‌ర్య‌లు తీసుకుంటున్నామ‌ని జేసీ మ‌హేష్ కుమార్ తెలిపారు. జిల్లాలోని ప్ర‌ధాన ఆసుప‌త్రుల‌కు, సీహెచ్‌సీల‌కు, ఏరియా ఆసుప‌త్రుల‌కు అవ‌స‌ర‌మైన మందులు ప‌క్కా అంద‌జేస్తున్నామ‌ని వివ‌రించారు. ఎల్‌.కోట‌లో మ‌రో కోవిడ్ కేర్ సెంట‌ర్‌ను అందుబాటులోకి తీసుకురావాల‌ని మంత్రి బొత్స స‌త్య‌నారాయ‌ణ సూచించ‌గా జేసీ కిశోర్ కుమార్ స్పందిస్తూ ఆ ప్రాంతంలో ఒక సారి ప‌ర్య‌టించి కేంద్ర ఏర్పాటుకు చ‌ర్య‌లు తీసుకుంటామ‌ని చెప్పారు. 

జిల్లా నుంచి ప్ర‌జాప్ర‌తినిధులు, అధికారులు మాట్లాడిన త‌ర్వాత జిల్లా ఇన్‌ఛార్జి మంత్రి వెల్లంప‌ల్లి శ్రీ‌నివాసు మాట్లాడుతూ ఆరోగ్య శ్రీ ప‌థ‌కం ద్వారా అందుతున్న కోవిడ్ సేవ‌ల‌పై నిఘా పెంచాల‌ని ఎప్ప‌టిక‌ప్పుడు స‌మీక్షించుకోవాల‌ని సూచించారు. ప్ర‌యివేటు ఆసుప‌త్రుల్లో సేవ‌లు స‌వ్యంగా అందుతున్నాయో లేదో స‌రిచూసుకోవాల‌ని చెప్పారు. అలాగే వ్యాక్సినేష‌న్ ప్ర‌క్రియ‌ను సజావుగా నిర్వ‌హించాల‌ని ఆదేశించారు. అధికారులు నిరంత‌రం అప్ర‌మ‌త్తంగా ఉంటూ కోవిడ్‌ను తరిమి కొట్టేందుకు కృషి చేయాల‌ని చెప్పారు. ప్ర‌జ‌ల్లో విశ్వాసం నింపేలా త‌గిన విధంగా సేవ‌లందించాల‌ని చెప్పారు. ఆక్సీజ‌న్, మందులు స‌వ్యంగా అందేలా రాష్ట్ర ప్ర‌భుత్వం చ‌ర్య‌లు చేప‌డుతోంద‌ని పేర్కొన్నారు. 

రాష్ట్ర పుర‌పాల‌క‌, ప‌ట్ట‌ణాభివృద్ధి శాఖా మంత్రి బొత్స స‌త్యనారాయ‌ణ మాట్లాడుతూ క‌రోనాను నియంత్రించేందుకు పటిష్ట చ‌ర్య‌లు చేప‌ట్టాల‌ని చెప్పారు. అధికారులు, ప్ర‌జాప్ర‌తినిధులు స‌మ‌న్వ‌యంతో వ్య‌వ‌హ‌రిస్తూ జిల్లాలో కోవిడ్‌ను క‌ట్ట‌డి చేయాల‌ని తెలిపారు. సేవ‌లు స‌వ్యంగా అందేలా త‌గినంత మంది వైద్య సిబ్బందిని నియ‌మించుకోవాల‌ని జిల్లా అధికారుల‌కు సూచించారు. సంబంధిత ప్ర‌క‌ట‌ను జారీ చేయాల‌ని ఆదేశించారు. బెడ్స్‌, రెమిడెసివ‌ర్ ఇంజ‌క్ష‌న్లు, ఆక్సీజ‌న్‌ను అవ‌స‌ర‌మైన మేర అందుబాటులో ఉంచుకోవాల‌ని సూచించారు. జిల్లాలోని ఎల్‌.కోట‌, ఎస్‌.కోట‌, వేపాడ‌, జామి ప్రాంతాల్లో కోవిడ్ కేసులు ఎక్కువ‌గా న‌మోద‌వుతున్నందున అక్క‌డ పరిస్థితిని స‌మీక్షించాల‌ని చెప్పారు. అవ‌సర‌మైతే ఎల్‌.కోట హైస్కూల్‌లో కోవిడ్ కేర్ సెంట‌ర్‌ను ఏర్పాటు చేయాల‌ని జిల్లా అధికారుల‌ను ఆదేశించారు. అలాగే జిల్లాలో ఏర్పాటు చేసిన నాలుగు కోవిడ్ కేర్ సెంట‌ర్ల‌లో సేవ‌లు బాగా అందేలా చ‌ర్య‌లు చేపట్టాల‌ని చెప్పారు. మంచి భోజ‌నం, స‌మ‌యానికి మందులు అంద‌జేయాల‌ని ఆదేశించారు.  పార్వ‌తీపురం ఏరియా ఆసుప‌త్రిలో 6 కె.ఎల్. సామ‌ర్థ్యం గ‌ల ఆక్సీజ‌న్ ట్యాంక‌ర్‌ను త్వ‌రిత‌గ‌తిన అందుబాటులోకి తీసుకురావాల‌ని సూచించారు. ఫీవ‌ర్ స‌ర్వే స‌రిగా జ‌రిగేలా చూసుకోవాల‌ని, హోం ఐసోలేష‌న్ కిట్ల పంపిణీ స‌రిగా జ‌రుగుతుందా లేదా అనే విష‌యాన్ని ఎప్ప‌టిక‌ప్పుడు పరిశీలించుకోవాల‌ని చెప్పారు. ప్ర‌జ‌ల నుంచి చిన్న విమ‌ర్శ కూడా రాకుండా కోవిడ్ సేవ‌లందాల‌ని మంత్రి జిల్లా అధికారుల‌ను ఆదేశించారు. ప్ర‌యివేటు ఆసుప‌త్రుల్లో సేవ‌ల‌ను స‌మీక్షించుకోవాల‌ని సూచించారు. జిల్లాలో ప్ర‌స్తుతం అధికారులు చేప‌డుత‌న్న చ‌ర్య‌లు బాగున్నాయని.. మ‌రింత విస్తృత పరిచి కోవిడ్‌ను నియంత్రించాల‌ని ఈ సంద‌ర్భంగా మంత్రి పేర్కొన్నారు.

స‌మావేశంలో భాగంగా ముందుగా ప‌లువురు ప్ర‌జాప్ర‌తినిధులు ప‌లు అంశాల‌పై మాట్లాడారు. త‌మ ప‌రిధిలో ఉన్న స‌మ‌స్య‌ల‌ను మంత్రుల దృష్టికి తీసుకొచ్చారు. ఎమ్మెల్సీ సురేష్ బాబు మాట్లాడుతూ కోవిడ్ ఆసుప‌త్రుల్లో నియ‌మించే అద‌న‌పు సిబ్బందిలో ఎంబీబీఎస్ వాళ్ల‌తో పాటు, బీడీఎస్ వాళ్ల‌ను కూడా తీసుకుంటే బాగుంటుంద‌ని అభిప్రాయ‌ప‌డ్డారు. ఎస్‌.కోట ఎమ్మెల్యే క‌డుబండి శ్రీ‌నివాస‌రావు మాట్లాడుతూ ఎస్‌.కోట ప‌రిధిలో ఇప్ప‌టికే మూడు ఆక్సీజ‌న్ కాన్స‌లేట‌ర్స్ ఏర్పాటు చేశామ‌ని, మ‌రో మూడు కాన్స‌లేట‌ర్స్ కావాల‌ని కోరారు. అలాగే స్థానిక ఆసుప‌త్రులకు స్టెరాయిడ్స్ అంద‌జేయాల‌ని చెప్పారు. గ‌జ‌ప‌తిన‌గ‌రం ఎమ్మెల్యే బొత్స అప్ప‌ల‌న‌ర‌సయ్య మాట్లాడుతూ గత వారం స‌మావేశం నిర్వ‌హించి చ‌ర్చించిన చాలా స‌మ‌స్య‌లు ప‌రిష్కార‌మ‌య్యాయ‌ని, జిల్లాలో ప్ర‌స్తుతం ప‌రిస్థితి అదుపులోనే ఉంద‌ని పేర్కొన్నారు. జిల్లా అధికారులు చేప‌డుతున్న చ‌ర్య‌లు బాగున్నాయ‌ని అన్నారు. పార్వ‌తీపురం ఎమ్మెల్యే అల‌జంగి జోగారావు మాట్లాడుతూ పార్వ‌తీపురం ఏరియా ఆసుప‌త్రికి సంబంధించి గ‌త మీటింగ్‌లో ప్ర‌స్తావించిన స‌మ‌స్య‌లు ప‌రిష్కార‌మ‌య్యాయ‌ని తెలిపారు. ఆర్‌.టి.పి.సి.ఆర్ ల్యాబ్‌ను ఏర్పాటు చేశార‌ని, అద‌నంగా అంబులెన్స్‌ను కేటాయించార‌ని పేర్కొన్నారు. 

స‌మావేశంలో జిల్లా కోవిడ్ స్పెష‌ల్ ఆఫీస‌ర్ స‌త్య‌నారాయ‌ణ‌, గ‌జ‌ప‌తిన‌గ‌రం ఎమ్మెల్యే బొత్స అప్ప‌ల‌న‌ర‌స‌య్య‌, పార్వ‌తీపురం ఎమ్మెల్యే అల‌జంగి జోగారావు, ఎస్‌.కోట ఎమ్మెల్యే క‌డుబండి శ్రీ‌నివాస‌రావు, ఎమ్మెల్సీ సురేష్ బాబు, జేసీలు కిశోర్ కుమార్‌, మ‌హేష్ కుమార్‌, వెంక‌ట‌రావు, డీఎం&హెచ్‌వో ర‌మ‌ణ‌కుమారి, డీసీహెచ్ఎస్ నాగ‌భూష‌ణ‌రావు, మ‌హారాజ ఆసుప‌త్రి సూప‌రింటెండెంట్ డా. సీతారామ‌రాజు, మిమ్స్ డైరెక్ట‌ర్ డా. భాస్క‌ర‌రాజు, జడ్పీ సీఈవో వెంక‌టేశ్వ‌రరావు, విజ‌య‌న‌గ‌రం, బొబ్బిలి, పార్వ‌తీపురం మున్సిప‌ల్ క‌మిష‌న‌ర్లు, ఇత‌ర అధికారులు త‌దిత‌రులు పాల్గొన్నారు.  

చేపలవేట ప్రధాన జీవనోపాధిగా వున్న మత్స్యకారులకు ప్రభుత్వం అన్ని విధాల అండగా వుంటుం దని రాష్ట్ర ముఖ్యమంత్రి  వై.ఎస్. జగన్‌మోహన్ రెడ్డి చెప్పారు. వై.ఎస్.ఆర్. మత్స్యకార భరోసా పథకం కింద అర్హుల బ్యాంకు ఖాతాల్లో వరుసగా మూడవ ఏడాది రూ. 10 వేల చొప్పున నగదు జమచేస్తున్న సందర్భంగా మంగళవారం తాడేపల్లి క్యాంపు కార్యాలయం నుంచి అన్ని జిల్లాల కలెక్టర్లతో ఆయన వీడి యో కాన్ఫరెన్స్ నిర్వహించారు. ఈ సందర్భంగా ఆయన మాట్లాడుతూ చేపల వేట నిషేధం వల న ప్రభావితమయ్యే ప్రతి మత్స్యకార కుటుంబానికి ఎన్నికల సమయంలో ఇచ్చిన హామీ మేరకు ఈ ఆర్థిక సహాయం చేస్తున్నట్లు చెప్పారు. కరోనా వల్ల రాష్ట్ర ప్రభుత్వానికి ఆర్థికంగా ఇబ్బందులు ఎదురవుతున్నా సాధారణ ప్రజల పరిస్థితిని దృష్టిలో

పెట్టుకొని మాట ఇచ్చిన మేరకు సకాలంలో వారికి ఆర్థిక సహాయం చేస్తున్నట్లు స్పష్టం చేశారు. మరోవైపు మత్స్యకారుల జీవనోపాధి పెంచేందుకు చర్యలు తీసుకుంటున్నామని అన్నారు. ఈ దిశగా ఎనిమిది జిల్లాల్లో ఫిషింగ్ హార్బర్లు ఏర్పాటుచేయాలని ఇప్పటికే నిర్ణయం తీసుకున్నామని తెలిపారు. ఈ క్రమంలోనే ప్రకాశం జిల్లాలోని కొత్తపట్నంలో నిర్మించబోయే హార్బర్ కు ఈ ఏడాదే టెండర్లు పిలిచేలా చర్యలు తీసుకుంటామని ముఖ్యమంత్రి ప్రకటించారు. అనంతరం జిల్లానుంచి ఈ కార్యక్రమంలో పాల్గొన్న రాష్ట్ర విద్యుత్, అటవీ, శాస్త్ర సాంకేతిక, పర్యావరణ శాఖల మంత్రివర్యులు బాలినేని శ్రీనివాస రెడ్డి మత్స్యకారులను ఉద్థేశించి వ ూట్లాడుతూ కొత్తపట్నంలో ఫిషింగ్ హార్బర్ నిర్మాణం కోసం భూమి సిద్ధంగా వుందని చెప్పారు. ఈ హార్బర్ అందుబాటులోకి వస్తే మత్స్యకారుల జీవనోపాధి మరింత మెరుగు పడుతుందన్నారు. తమ కోసం ఒక భవనం కావాలని మత్స్యకారులు కోరారని, ఈ దిశగా కూడా చర్యలు తీసుకుంటామని మంత్రి హామీ ఇచ్చారు. ఈ భవనం కోసం 16 సెంట్లు భూమిని వారం రోజుల్లోనే సమకూర్చి పెడతామని కలెక్టరు చెప్పినట్లు బాలినేని ప్రకటించారు. రాష్ట్ర విద్యాశాఖ మంత్రి  ఆది మూలపు సురేష్ మాట్లాడుతూ పేద లు, చేతివృత్తులపై ఆధారపడ్డ

వారి సంక్షేమానికి రాష్ట్ర ప్రభుత్వం చిత్తశుద్థితో పనిచేస్తోందని చెప్పారు. సముద్ర వేట నిషేధ కాల భృతిని గత ప్రభుత్వంలో వున్న రూ. 4 వేల నుంచి 10 వేలకు పెంచడం, మత్స్యకారుల బోట్లకు వాడే డీజిల్‌పై రాయితీని రూ. 6.03 నుంచి రూ. 9 లకు పెంచడం, ప్రమాదవశాత్తు మరణించిన మత్స్యకారుల కుటుంబాలకు ఇస్తున్న నష్టపరిహారాన్ని రూ. 5 లక్షల నుంచి 10 లక్షలకు పెంచడం, ఆక్వా రైతులు వినియోగించే విద్యుత్ ఛార్జీల

యూనిట్ రేటును రూ. 3.86 నుంచి రూ. 1.50 లకు తగ్గించడం, వై.ఎస్.ఆర్. పెన్షన్ కానుక క్రింద మత్సకారుల అర్హత వయస్సును 50 ఏళ్లకు తగ్గించడం, మత్సకారులకు, ఆక్వారైతులకు ప్రభుత్వ సేవలను మరింత చేరువచే సేలా జిల్లాలో 84 మంది గ్రామ మత్స్య సహాయకులను, 65 మంది సాగరమిత్రలను నియమించడం ప్రభుత్వ చిత్తశుద్థికి నిదర్శనమని వివరించారు. జిల్లా కలెక్టర్ పోల భాస్కర్ మాట్లాడుతూ మత్స్యకార భరోసా కింద జిల్లాలో ప్రస్తుతం 12 వేల 284 మంది రూ. 12.284 కోట్ల మేరకు లబ్దిపొందుతున్నట్లు చెప్పారు. సముద్ర వేట నిషేధకాల భృతి రూ. 36.334

కోట్లు, మత్సకారులకు డీజిల్‌పై సబ్సిడి రూ. 20.40 కోట్లు, ఆక్వా రైతులకు విద్యుత్ సబ్సిడి రూ. 210 కోట్లు, వేట చేస్తూ మరణించే మత్స్యకార కుటుంబాలకు ఆర్థిక సహా యం రూ. 1.20 కోట్లు, రిజర్వాయర్లు, చెరువుల్లో ఉచితముగా చేప పిల్లల విడుదలకు రూ. 30 లక్షలు కలిపి 2019 జూన్ నుంచి ఇప్పటి వరకు జిల్లాలోని మత్సకారులకు మొత్తం రూ. 268.234 కోట్ల ఆర్థిక సహాయం అందించినట్లు తెలిపారు. అనంతరం మత్స్యకార

భరోసాకు సంబంధి ంచిన నిధుల చెక్కును మంత్రులు, ప్రజాప్రతినిధులు, కలెక్టర్ , జాయింట్ కలెక్టర్ చేతుల మీదుగా మత్స్యకారులు అందుకున్నారు. ఈ కార్యక్రమంలో శాసన మండలి సభ్యురాలు శ్రీమతి పోతుల సునీత, చీరాల శాసన సభ్యులు కరణం బలరామక్రిష్ణమూర్తి, జాయింట్ కలెక్టర్ (ఆర్.బి. అండ్. ఆర్) జె. వెంకట మురళి, పి.డి.సి.సి. బ్యాంకు ఛైర్మన్ మాదాసు వెంకయ్య, మత్స్యశాఖ జె.డి. చంద్రశేఖర రెడ్డి, పశు సంవర్థక శాఖ జె.డి. బేబీరాణి, ఇతర అధికారులు పాల్గొన్నారు.