కేంద్ర ఆరోగ్య‌, కుటుంబ సంక్షేమ శాఖామంత్రి డాక్ట‌ర్‌ మ‌న్సుఖ్ మాండ‌వీయ విజయనగరం జిల్లా ప‌ర్య‌ట‌న ఏర్పాట్ల‌ను, క‌లెక్ట‌ర్ ఎ.సూర్య‌కుమారి ఆదివారం స్వ‌యంగా ప‌ర‌శీలించారు. ఈనెల 25వ తేదీన కేంద్ర‌మంత్రి జిల్లాకు చేరుకొని, 26వ తేదీన ప‌లు ప్రాంతాల్లో ప‌ర్య‌టించ‌నున్నారు.  విజ‌య‌న‌గ‌రం ప‌ట్ట‌ణ పేద‌ల‌కోసం గుంక‌లాంలో నిర్మాణంలో ఉన్న‌ జ‌గ‌న‌న్న కాల‌నీని కేంద్ర‌మంత్రి సంద‌ర్శించ‌నున్న నేప‌థ్యంలో,  క‌లెక్ట‌ర్ సూర్య‌కుమారి ఈ కాల‌నీని ప‌రిశీలించారు. అధికారుల‌తో మాట్లాడి, ఏర్పాట్ల‌పై స‌మీక్షించారు. హౌసింగ్ పిడి ఎస్‌వి ర‌మ‌ణ‌మూర్తి, ఇత‌ర అధికారుల‌కు ప‌లు ఆదేశాల‌ను జారీ చేశారు. ఈ ప‌ర్య‌ట‌న‌లో హౌసింగ్ ఇఇ శ్రీ‌నివాస‌రావు, ఇత‌ర ఇంజ‌నీర్లు పాల్గొన్నారు. జిల్లా మ‌హారాజా ప్ర‌భుత్వ‌ కేంద్రాసుప‌త్రిని క‌లెక్ట‌ర్ సంద‌ర్శించారు. మంత్రి ప‌ర్య‌ట‌న‌కు చేస్తున్న ఏర్పాట్ల‌ను స‌మీక్షించారు. డిఎంఅండ్‌హెచ్ఓ డాక్ట‌ర్ ఎస్‌వి ర‌మ‌ణ‌కుమారి, ఆసుప‌త్రి సూప‌రింటిండెంట్ డాక్ట‌ర్ సీతారామ‌రాజు, ఇత‌ర అధికారుల‌తో చ‌ర్చించారు.  ప‌ర్య‌ట‌న‌కు ప‌క‌డ్భందీగా ఏర్పాట్లు చేయాల‌ని క‌లెక్ట‌ర్ ఆదేశించారు.

కాకినాడ సాలిపేట గరల్స్ హైస్కూల్ ప్రాంగణంలో 2002న సర్వ శిక్షా అభియాన్ నిధులతో హిందూ స్పెషల్ ఎలిమెంటరీ స్కూల్ కు నిర్మించిన భవనాన్ని పాఠశాలల విలీనంతో విద్యాశాఖ ఉప తనిఖీ అధికారి కార్యాలయంగా వినియోగించడాన్ని కాకినాడ పౌర సంక్షేమ సంఘం తప్పుబడుతోంది. విద్యానిలయాలను విద్యకు మాత్రమే వినియగియోగించాలని, అంతేతప్పా పరిపాలనా సౌలభ్యం కోసం ప్రభుత్వ కార్యాలయాలుగా వినియోగించడం విద్యాహక్కు చట్టానికి విరుద్దమని పౌర సంఘం కన్వీనర్ దూసర్లపూడి రమణ రాజు ఆరోపించారు. తక్షణమే విద్యాశాఖ అధికారులు ఆ పాఠశాల భవనాన్ని ఖాళీ చేసి.. దానిని బాలికలతరగతి గదులకు వినియోగిం డిమాండ్ చేశారు. హైస్కూల్ మేడ మీద గదులను విద్యాశాఖ ఆధీనంలోవుంచడం ఎంత వరకూ భావ్యం కదాని హితవు పలికారు. ఈ విషయంలో వక్తలు ప్రజా ప్రతినిధులు స్పందించాలని కోరారు. చెట్లక్రింద తరగతుల నిర్వాహాణ జరుగుతున్నందుకు ఎమ్మెల్యే ఎంపీ మంత్రు లు కౌన్సిల్ ప్రజలకు క్షమాపణ చెప్పాలన్నారు. హైస్కూల్ స్థలంలో వున్న భవనాన్ని తరగతి గదులకు అప్పగించాల ని విద్యాశాఖ ఉప కార్యాలయానికి ఇచ్చిన కౌన్సిల్ అనుమతులు రద్దు చేయాలని డిమాండ్ చేశారు. జిల్లా కలెక్టర్ విజిట్ చేసి సాలిపేట గరల్స్ హైస్కూల్  సమస్యలు శాశ్వతంగా పరిష్కరించే జిల్లా అధికారులు చర్యలు తీసుకోవాలని డిమాండ్ చేశారు.

విజ‌య‌న‌గ‌రం జిల్లాలో గ‌త కొద్ది రోజులుగా రోజురోజుకూ ఉష్ణోగ్ర‌త పెరుగుతున్న‌ కార‌ణంగా, వ‌డ‌గాలుల ప‌ట్ల అప్ర‌మ‌త్తంగా ఉండాల‌ని జిల్లా క‌లెక్ట‌ర్ ఎ.సూర్య‌కుమారి ఒక ప్ర‌ట‌న‌లో కోరారు. మ‌రికొద్ది రోజుల‌పాటు అధిక ఉష్ణోగ్ర‌త‌లు కొన‌సాగే అవ‌కాశం ఉంద‌న్న వాతావ‌ర‌ణ శాస్త్ర‌వేత్త‌ల సూచ‌న‌ల‌ను బ‌ట్టి ప్ర‌తీఒక్క‌రూ త‌గిన జాగ్ర‌త్త‌లు పాటించాల‌ని అన్నారు. ఎండ‌వేడిమి ఉండే స‌మ‌యాల్లో వీలైనంత‌వ‌ర‌కు బ‌య‌ట‌కు రాకుండా ఉండాల‌ని, త‌ప్పనిస‌రి ప‌రిస్థితిల్లో బ‌య‌ట‌కు వ‌చ్చే ప‌క్షంలో, వేడినుంచి ర‌క్ష‌ణ క‌ల్పించేందుకు టోపీలు, గొడులు లాంటి ప‌రిక‌రాల‌ను వినియోగించాల‌ని, త‌మ చెంత మంచినీటిని ఉంచుకోవాల‌ని సూచించారు. ఈ వేస‌విలో లూజుగా ఉన్న కాట‌న్ దుస్తుల‌ను, తెలుపు రంగు దుస్తుల‌ను ధ‌రించ‌డం శ్రేయ‌స్క‌ర‌మ‌ని తెలిపారు. ముఖ్యంగా వృద్దులు, చిన్న‌పిల్ల‌ల‌ ప‌ట్ల మ‌రింత అప్ర‌మ‌త్తంగా ఉండాల‌ని కోరారు.  ఎక్కువ‌గా ఎండ కాసే ఉద‌యం 10 గంట‌లు నుంచి సాయంత్రం 4 గంట‌లు మ‌ధ్య బ‌య‌ట తిర‌గ‌డం, ఆరుబ‌య‌ట ప‌నిచేయ‌డం లాంటివి చేయ‌కూడ‌ద‌ని సూచించారు. ఈ వేస‌వి కాలంలో చ‌ల్ల‌ని శీత‌ల పాణీయాల‌ను త్రాగ‌కూడ‌ద‌ని, రోడ్ల ప్ర‌క్క‌న అమ్మే క‌లుషిత ఆహారాన్ని తిన‌కూడ‌ద‌ని, మాంసారాన్ని, మ‌సాలాల‌ను తిన‌కూడ‌ద‌ని, మ‌ద్యం సేవించ‌కూడ‌ద‌ని తెలిపారు.

               వ‌డ‌దెబ్బ త‌గ‌ల‌కుండా ప్ర‌తీఒక్క‌రూ అప్ర‌మ‌త్తంగా ఉండి, త‌గిన జాగ్ర‌త్త‌ల‌ను పాటించాల‌ని క‌లెక్ట‌ర్ సూచించారు. ఎక్కువ‌గా ద్ర‌వ‌ప‌దార్ధాల‌ను, ఓఆర్ఎస్ లాంటి ద్రావ‌కాల‌ను తీసుకోవాల‌న్నారు. ఎండ తీవ్ర‌త వ‌ల్ల శ‌రీర ఉష్ణోగ్ర‌త ఒక్క‌సారిగా 104.9 డిగ్రీల వ‌ర‌కు పెరిగిపోయి, దానిని నియంత్రించే శ‌క్తికి శ‌రీరం కోల్పోవ‌డ‌మే వ‌డ‌దెబ్బ‌గా ప‌రిగ‌ణిస్తార‌ని తెలిపారు. నిర్లక్ష్యం చేస్తే ఇది ప్రాణాంత‌క‌మ‌ని పేర్కొన్నారు. శ‌రీర ఉష్ణోగ్ర‌త ఎక్కువ‌గా ఉండ‌టం, వ‌ణుకు పుట్ట‌డం, మ‌గ‌త నిద్ర లేదా క‌ల‌వ‌రింత‌లు, ఫిట్స్ లేదా పాక్షికంగా అప‌స్మార‌క స్థితి వ‌డ‌దెబ్బ ల‌క్ష‌ణాల‌ని తెలిపారు.  ప్ర‌మాద‌వ‌శాత్తూ ఎవ‌రైనా వ‌డ‌దెబ్బ‌కు గురి అయితే, వారిని నీడ‌లో ఉంచి, గాలి త‌గిలేలా చేసి, త‌డి గుడ్డ‌తో తుడిచి శ‌రీరాన్ని చ‌ల్ల‌బ‌ర‌చాల‌ని సూచించారు. వీలైతే వారికి ఉప్పు క‌లిపిన మ‌జ్జిగ‌ను, గ్లూకోజ్, ఓఆర్ఎస్ లాంటివాటిని ఇవ్వాల‌ని చెప్పారు. అయితే వ‌డ‌దెబ్బ‌కు గురై, అప‌స్మార‌క స్థితికి చేరిన‌వారికి మాత్రం నీరు త్రాగించ‌కూడ‌ద‌ని స్ప‌ష్టం చేశారు. వారిని వీలైనంత త్వ‌ర‌గా ఆసుప‌త్రికి త‌ర‌లించాల‌ని సూచించారు. వ‌డ‌దెబ్బకు త‌క్ష‌ణ చికిత్స నందించేందుకు అవ‌స‌ర‌మైన మందుల‌ను అన్ని ఆసుప‌త్రుల్లో సిద్దంగా ఉంచామ‌ని క‌లెక్ట‌ర్‌ తెలిపారు.

విద్య ఒక్కట అన్ని ఆయుధాల కంటే ఎంతో శక్తివతమైనదని, మిగతావి ఏవైనా విద్య తరువాత స్థానంలో నిలవాల్సిందేనని  ఆంధ్రప్రదేశ్ హై కోర్ట్ జడ్జి, ఏ పి రాష్ట్ర న్యాయ సేవా సంస్థ ఎగ్జిక్యూటివ్ ఛైర్మన్  జస్టిస్ అషానుద్దీన్ అమానుల్లా పేర్కొన్నారు.శనివారం ఆనం కళా కేంద్రం .. నార్ని కేదారేశ్వరుడు కళావేదిక పై జిల్లా న్యాయ సేవాధికార సంస్థ ఆధ్వర్యంలో నిర్వహించిన నల్సా.. గిరిజన ప్రాంతాల్లో ఆర్థిక సాధికారకత.. అవగాహన కార్యక్రమానికి ముఖ్య అతిథిగా హాజరయ్యారు. ఈ సందర్భంగా జస్టిస్ అషానుద్దీన్ అమానుల్లా మాట్లాడుతూ, సమాజంలో ఒక బాధ్యత యుతమైన వ్యక్తిగా మనం ఏది చెయ్యాలో అది చెయ్యాల్సిన సామాజిక బాధ్యత మనపై ఉందన్నారు. ఎవరైనా 20 సమస్యలు పేర్కొన్న సందర్భంలో వాటిలో ఒక్క దానికైన పరిష్కారం చూపగల గాలన్నరు. ప్రతిదీ ప్రభుత్వం, అధికారులే చెయ్యాలనే ఆలోచన విడనాడి చొరవ తీసుకుని ముందుగుడు వేయాల్సి అవశ్యకత ఎంతైనా ముఖ్యం అని పేర్కొన్నారు. ముఖ్యంగా దేశ అభివృద్ధిలో యువత భాగస్వామ్యం కీలకం అయిన నందున ఆత్మ విశ్వాసం తో కూడి ఉండాలని జస్టిస్ పిలుపు నిచ్చారు. మానవ సంబంధాలను కలిగి ఉండాలని, అది మన భారతీయ సంస్కృతిలో ఒక భాగం అన్నారు.  దేశంలో అందుబాటులో ఉన్న వనరులను సద్వినియోగం చేసుకునే హక్కు ప్రతి ఒక్కరికీ ఉందని పేర్కొన్నారు. నేటికీ కనీస అవసరాలు కోసం ఎదురు చూస్తున్న సంఘటనలు చూస్తున్నామని, సాంకేతిక పరంగా ఎంతో అభివృద్ధి దిశగా అడుగులు వేస్తున్నా, ఇటువంటి అంశాలపై తీవ్రంగా ఆలోచన చెయ్యాల్సి ఉందన్నారు. విద్యా ద్వారా అభివృద్ధి సాధ్యమని, విద్యా అనే ఆయుధం ఉంటే సాధ్యం కానిది ఏది ఉండదని ఆయన అన్నారు. 

ఒక న్యాయవాదిగా, హై కోర్టు జడ్జి గా డి ఎస్ ఎస్ ఎ  యొక్క కీలక పాత్ర గుర్తించ లేదని, తదుపరి రోజుల్లో దాని యొక్క ప్రాముఖ్యత గుర్తించానని తెలిపారు. ప్రజల కోసం సేవా చేసేందుకు ఒక గొప్ప అవకాశం గా పదవి లభించిందని భావిస్తానని, ఒక పౌరునికి కనీస అవసరాలు తీర్చే ప్రయత్నం గా పదవీని భావిస్తానని జస్టిస్ అషానుద్దీన్ అమానుల్లా పేర్కొన్నారు. భారతీయ సంస్కృతిని సాంప్రదాయాలను ప్రతిబింభించేలా మీ నృత్య రీతులు ఆకట్టుకున్నాయ ని పేర్కొన్నారు. వాటిని సజీవంగా నిలిపేందుకు మీ కృషి అభనందనీయం అన్నారు.

జిల్లా ప్రధాన న్యాయ మూర్తి -  జిల్లా న్యాయ సేవా ధికర సంస్థ - ఛైర్మన్  శ్రీమతి పి. వెంకట జ్యోతిర్మయి మాట్లాడుతూ, పేదరిక నిర్మూలన, అందరికీ చేరువ లో న్యాయ సేవలు, ఉండాలన్న లక్ష్యాలతో డి ఎల్ ఎస్ ఏ పని చేస్తుందని ఆమె తెలిపారు. సమస్య ఏదైనా డి ఎల్ ఎస్ ఏ దృష్టికి తీసుకొని వొస్తే సహాయం చేయడం జరుుతుందన్నారు. కరోనా సమయంలో కూడా ప్రభుత్వం అందచేస్తున్న కార్యక్రమాలు కు పథకాలు చేరువ చెయ్యడం లో కీలక బాధ్యతలు నిర్వహించడం జరిగిందన్నారు. డబ్బులు ఉంటేనే న్యాయం జరుగుతుందనే భావనను కాకుండా అందరికి సమ న్యాయం కోసం పనిచేస్తుందని తెలిపారు.

జిల్లా కలక్టర్ డా. మాధవీలత మాట్లాడుతూ, డి ఎల్ ఎస్ ఏ కి జిల్లా యత్రాంగం తరపున పూర్తి సహాయ సహకారాలు అందజేస్తాన్నారు. ఆర్థిక సాధికరత సాధించే దిశగా ప్రభుత్వం అడుగులు వేస్తున్నట్లు తెలిపారు. అమ్మఒడి, జగనన్న విద్యా దివేన, వసతి దీవెన, చేయూత వంటి ఎన్నో నగదు ప్రోత్సహక పథకాలు అమలు చేయడం జరుగుతోందన్నారు. ఆర్థిక సాధకారత సాధించాలంటే సంక్షేమ పథకాలను సద్వనియోగం చేసుకోవాలన్నారు. ఎస్పీ ఐశ్వర్య రాస్తోగి మాట్లాడుతూ, ప్రజలకు న్యాయ పరమైన అంశాలలో అండగా ఉంటున్నమన్నరు. ఎన్నో నూతన సాంకేతిక పరిజ్ఞానాన్ని అందుబాటులో తీసుకుని రావడం ద్వారా రక్షణ కల్పిస్తున్నట్లు తెలిపారు. 

జిల్లా ప్రధాన న్యాయ మూర్తి -  జిల్లా న్యాయ సేవా ధికర సంస్థ - ఛైర్మన్  శ్రీమతి పి. వెంకట జ్యోతిర్మయి, రాష్ట్ర డిఎస్ఎల్ఏ కార్యదర్శి ఎమ్.బబిత, సీనియర్ సివిల్ జడ్జి కం జడ్జి జిల్లా న్యాయ సేవ ధికార సంస్థ - సెక్రెటరీ  శ్రీమతి కె.ప్రత్యుషకుమారి ,  తూర్పు గోదావరి జిల్లా కలెక్టర్ డా. కె. మాధవీలత, కూడా ఎస్పీలు  ఐశ్వర్యరాస్తోగి, కే వి ఎస్ ఎస్ సుబ్బారెడ్డి,  వివిధ జిల్లాల జాయింట్ కలెక్టర్ లు ఇలాక్కియా, జీ. సూరజ్ ధనుంజయ్, రాష్ట్ర బార్ కౌన్సిల్ సభ్యులు ముప్పాళ్లసుబ్బారావు, డిఆర్ఓ సత్తిబాబు, ఆర్డీవో ఏ. చైత్ర వర్షిణి, పలువురు జడ్జిలు, న్యాయవాదులు, లా విద్యార్ధులు, మహిళలు,  తదితరులు పాల్గొన్నారు.

కాకినాడ జిల్లాలోని కలెక్టరేట్ లో ఈ నెల 25వ తేదీ ఆఖరి సోమవారాన్ని పురస్కరించి ఉదయం 9-30 గంటల నుంచి మద్యాహ్నం 1-30 గంటల వరకూ స్పందన ప్రజా విజ్ఞాపనల స్వీకరణ కార్యక్రమం,  అలాగే మద్యాహ్నం 3 గంటల నుండి  ఎస్.సి., ఎస్.టి ప్రత్యేక స్పందన గ్రివెన్స్ సెల్ కార్యక్రమం జరుగుతాయని జిల్లా కలెక్టర్ డా.కృతికా శుక్లా ఒక ప్రకటనలో తెలిపారు.  జిల్లాకు చెందిన అర్జీదారులు ఈ అంశాన్ని గమనించి స్పందన కార్యక్రమాలను పూర్తిస్థాయిలో  సద్వినియోగం చేసుకోవాలని ఆమె మీడియాకి విడుదల చేసిన ప్రకటన ద్వారా కోరారు.

నియోకవర్గం స్థాయి లో స్పందన కార్యక్రమం చేపట్టే కార్యక్రమంలో భాగంగా ఏప్రిల్ 25 సోమవారం నిడదవోలు లో స్పందన కార్యక్రమం నిర్వహిస్తున్నామని జిల్లా కలెక్టర్ డా. కె. మాధవీలత శనివారం ఒక ప్రకటనలో తెలిపారు. శనివారం సాయంత్రం ఒక ప్రకటనలో కలెక్టర్ మాట్లాడుతూ, ప్రజల వద్దకు ప్రభుత్వ సంక్షేమ పథకాలను, అభివృద్ధి కార్యక్రమాలను అమలు చేస్తున్నా మన్నారు. ఆదిశలోనే ప్రతి నియోజకర్గ స్థాయిలో స్పందన కార్యక్రమం ఏర్పాటు చేసే విధానం లో తొలిసారిగా నిడదవోలు నియోజకవర్గం లో స్పందన కార్యక్రమం ఏర్పాటు చేశామన్నారు. నిడదవోలు నియోజకవర్గం పరిధిలో ఉన్న మూడు మండలాలు అయిన నిడదవోలు, పెరవలి, ఉండ్రాజవరం మండలాలకు చెందిన ప్రజలు కోసం ఈ స్పందన కార్యక్రమం ఏర్పాటు చెయ్యడం జరిగిందన్నారు. ఉదయం 10.30 నుంచి మ.1.00 వరకు ఫిర్యాదులు స్వీకరిస్తామని తెలిపారు. జిల్లా కలెక్టరేట్ లో ప్రతి సోమవారం నిర్వహించే స్పందన కార్యక్రమం యధాతధంగా నిర్వహించడం జరుగు తుందని జిల్లా కలెక్టర్ మాధవీలత పేర్కొన్నారు. రాజమహేంద్రవరం లోని కలెక్టరేట్ నందు డిఆర్వో, ఇతర అధికారులు ఆధ్వర్యంలో ప్రజల నుంచి ఫిర్యాదులు స్వీకరించడం జరుగుతుందన్నారు. ఆర్టీసి బస్టాండ్ నుంచి కలెక్టరేట్ కి ఉచిత బస్సు సర్వీసు ఉ.9 నుంచి మ.2 వరకు నడుపుతున్నట్లు తెలియచేశారు. స్పందన ఫిర్యాదులు మీ మీ గ్రామ వార్డ్ సచివాలయంలో , మండల పరిధిలో తీసుకోవడం జరుతుందన్నారు. 

రాష్ట్ర ప్రభుత్వం మహిళలు సంక్షేమానికి పెద్ద పీట వేస్తూ, ఆర్థిక సాధికారికత దిశగా అడుగులు వేస్తున్నామని రాష్ట్ర హోం మంత్రి డా. తానేటి వనిత పేర్కొన్నారు. శనివారం కొవ్వూరులో సుందర స్థాయి కళ్యాణ మంటపం లో  వాలంటీర్ సన్మాన కార్యక్రమం, సున్న వడ్డీ చెక్కుల పంపిణీ కార్య్రమంలో పాల్గొన్నారు. ఈ సందర్భంగా మంత్రి తానేటి వనిత మాట్లాడుతూ, తూర్పు గోదావరి జిల్లాలో 4,596 సంఘాలకు రు.45.51 కోట్ల మేర సున్న వడ్డీ రాయతీ ని అందించామన్నారు. కొవ్వూరు నియోజకవర్గ స్థాయిలోని 4576 గ్రూపులో ఉన్న మహిళలకు రు.6.68 కోట్ల మేర సున్న వడ్డీ రాయతీ నేరుగా వారి బ్యాంకు ఖాతాకు జమ చేశామన్నారు. గ్రామ, వార్డు వాలంటీర్లు ప్రజలకు, ప్రభుత్వా నికి వారధిగా నిలుస్తున్నారని తానేటి వనిత పేర్కొన్నారు. వారి సేవలను గుర్తిస్తూ తగిన రీతిన సత్కరించిన సందర్భం ఎప్పుడు జరుగలేదని, కేవలం జగనన్న హాయంలో  అటువంటి గుర్తింపు ఇస్తున్నట్లు తెలిపారు. ఈ కార్యక్రమానికి మునిసిపల్ ఛైర్ పర్సన్ బావన రత్నకుమా రి, మునిసిపల్ వైస్ ఛైర్ పర్సన్ గండ్రోతు అంజలీ దేవి, మాజి ఎమ్మెల్సీ కోడూరి శివరామ కృ ష్ణ, అక్షయ పాత్ర శ్రీని వాస రవీం ద్ర,  ఆర్. భాస్కర రావు, పలువురు కౌన్సిలర్లు, స్థానిక ప్రజా ప్రతినిధులు, అధికారులు  తదితరులు పా ల్గొన్నారు.

అనకాపల్లిజిల్లాకు మంజూరైన రెండవ విడత నాడు-నేడు పనులు మొదటి విడత లానే విద్యార్థులకు  సౌకర్యవంతంగా సుందరంగా  తీర్చి దిద్దాలని జిల్లా కలెక్టర్ రవి సుభాష్ పటంశెట్టి విద్యాశాఖ ఇంజనీరింగ్ అధికారులను ఆదేశించారు. కలెక్టర్ కార్యాలయంలో శనివారం నాడు నేడు పనులపై సర్వ శిక్ష అభియాన్, ఏ పీ ఈ డబల్ యు ఐ డి సి ఇంజనీరింగ్ అధికారులతో సమీక్ష సమావేశం నిర్వహించారు.  కలెక్టర్ మాట్లాడుతూ నాడు నేడు రెండో విడతలో జిల్లాకు 379 పాఠశాలలు ఎంపిక చేయబడ్డాయన్నారు.  నాడు నేడు పనుల మూలంగా ప్రభుత్వ పాఠశాలల రూపురేఖలు మారి తల్లిదండ్రులు పిల్లలను ఎక్కువగా ప్రభుత్వ పాఠశాలలకు పంపిస్తున్నారు అన్నారు.  పాఠశాలను అందంగా ఆకర్షణీయంగా తీర్చిదిద్దడం తో పాటు పనులను మరింత వేగంగా పూర్తి చేయాలన్నారు. ఈ సమావేశంలో జిల్లా విద్యాశాఖ అధికారి లింగేశ్వర రెడ్డి సర్వ శిక్ష అభియాన్ ఈ ఈ నరసింహారావు ఏపీఈ డబ్ల్యుఐడిసి డి.ఈ. మృత్యుంజయరావు ఏ.ఈ.లు తదితరులు పాల్గొన్నారు.

అర్హులందరికీ సచివాలయాల ద్వారా వివిధ సేవలను సకాలంలో అందించాలని జిల్లా కలెక్టర్ రవి సుభాష్ పటంశెట్టి ఆదేశించారు శనివారం ఆయన సబ్బవరం మండలం అసకపల్లి, గొట్టివాడ సచివాలయాల ను సందర్శించి పనితీరును పరిశీలించారు.  సచివాలయానికి పనులపై వచ్చిన వారు నిరాశగా వెనుకకు పోరాదన్నారు.  అర్హులైనప్పటికి కొందరికి ప్రభుత్వ సంక్షేమ పథకాల పట్ల అవగాహన ఉండదని అటువంటి వారికి పథకాలను గూర్చి తెలియజేయాలన్నారు.  అసకపల్లి లో హౌసింగ్ లే అవుట్లను, నిర్మాణాలను పరిశీలించారు. ఇసుక సిమెంటు సరఫరాపై లబ్ధిదారులతో మాట్లాడారు. ప్రభుత్వం అమలు చేస్తున్న సంక్షేమ పథకాలను వినియోగించుకోవాలని కోరారు.

అనకాపల్లి జిల్లాలో పేదలందరికీ ఇల్లు కార్యక్రమంలో చేపట్టిన లేఅవుట్ల నిర్మాణాలు వేగంగా పూర్తి చేయాలని జిల్లా కలెక్టర్ రవి సుభాష్ పటంశెట్టి అధికారులను ఆదేశించారు.  శనివారం కలెక్టర్ కార్యాలయంలో నిర్వహించిన సమీక్షా సమావేశంలో ఆయన మాట్లాడుతూ జగనన్న కాలనీలకు సంబంధించి విద్యుత్ సరఫరా బోరుబావులు అప్రోచ్ రోడ్ల పనులు తక్షణం పూర్తయ్యేందుకు తగిన చర్యలు చేపట్టాలన్నారు. నియోజకవర్గాల వారీగా ఇళ్ల నిర్మాణం పై క్షుణ్ణంగా చర్చించారు. ప్రతిపాదించిన లేఅవుట్లు, మంజూరు చేసిన గృహాల నిర్మాణాల పురోగతిని తెలుసుకున్నారు. వివిధ స్థాయిల్లో ఉన్న ఇళ్ళ పనులను మరింత వేగవంతం చేయాలన్నారు. వివిధ శాఖల సమన్వయంతో లబ్ధిదారులను ప్రోత్సహించి గృహ నిర్మాణాలు పూర్తి చేయాలన్నారు. విధినిర్వహణలో అలసత్వం వహిస్తే క్రమశిక్షణ చర్యలు తప్పవన్నారు.  ఏ.ఈ, డీ.ఈ. లు నిరంతర పర్యవేక్షణ చేస్తూ ఉండాలన్నారు. అవసరమైన చోట్ల బోరుబావులను వెంటనే ఏర్పాటు చేయాలని, విద్యుత్ సరఫరా చేయాలని ఆర్డబ్ల్యూఎస్, విద్యుత్ శాఖ ఇంజనీర్లను ఆదేశించారు లేఅవుట్ల నిర్మాణాల్లో, గృహ నిర్మాణాలు ప్రారంభించడంలో ప్రగతి చూపించిన పెందుర్తి, ఎలమంచిలి ఎగ్జిక్యూటివ్ ఇంజనీర్ లను ఈ సందర్భంగా కలెక్టర్ అభినందించారు. అదే స్ఫూర్తితో మిగిలిన వారు కూడా పనిచేసి గృహనిర్మాణంలో జిల్లాను మొదటి స్థానంలో నిలపాలన్నారు.  నిర్మాణాలు మందకొడిగా ఉన్న మండలాలను పరిశీలించవలసిందిగా అనకాపల్లి, నర్సీపట్నం ఆర్డీవో లను ఆదేశించారు.

జాయింట్ కలెక్టర్ కల్పనా కుమారి మాట్లాడుతూ క్షేత్రస్థాయిలో ఎదురయ్యే సమస్యలను పై అధికారులకు తెలియజేస్తూ ఉండాలన్నారు. నిర్మాణ సామాగ్రి ప్రణాళికాయుతంగా సరఫరా చేస్తూ ఉండాలన్నారు. ఈ సమావేశంలో అనకాపల్లి, నర్సీపట్నం రెవిన్యూ డివిజనల్ అధికారులు చిన్నికృష్ణ, గోవిందరావు, నర్సీపట్నం డి ఎల్ డి ఓ సత్యనారాయణ జిల్లా గృహనిర్మాణ అధికారి రఘురామ, జిల్లా ఆర్డబ్ల్యూఎస్ అధికారి ఉమా శంకర్ గృహ నిర్మాణ శాఖ ఈ.ఈ.లు  డి.ఈ.లు తదితరులు పాల్గొన్నారు.