పార్వతీపురం మన్యం జిల్లాలో  సోమవారం స్పందన కార్యక్రమాన్ని మండల అధికారులు విధిగా నిర్వహించాలని జిల్లా కలెక్టర్ నిశాంత్ కుమార్ అన్నారు. స్పందనకు ప్రభుత్వం అత్యంత ప్రాదాన్యత ఇస్తుందని ఆయన పేర్కొంటూ సోమ వారం ఉదయం పూట మండల స్థాయి సమావేశాలు నిర్వహించారని ఆయన స్పష్టం చేశారు. స్పందన కార్యక్రమం జిల్లా కలెక్టర్ కార్యాలయంలో జిల్లా కలెక్టర్ నేతృత్వంలో సోమవారం జరిగింది. 204 మంది వినతి పత్రాలు సమర్పించారు.  తోటపల్లి ప్రాజెక్ట్ పునరావాసంలో భాగంగా కొత్తవలస గ్రీన్ఫీల్డ్ కాలనీలో  నిర్వాసితులకు ఇల్లు కేటాయించారని, అదే స్థలాల్లో ఇందిరా ఆవాస్ యోజన పథకం కింద ఇళ్ల నిర్మాణం చేపట్టినందున ఇంటి స్థలాలు మంజూరు చేయాలని అడ్డాపు శీల మండలం బంటు వాని వలస గ్రామ సర్పంచ్ సిహెచ్.గణేష్ వినతి పత్రాన్ని అందజేశారు.  గ్రామ రాయుడు చెరువు లోని ఏ.33.61 సెంట్ల విస్తీర్ణం కలిగిన భూమి అన్యాక్రాంతానికి గురవుతున్నందున  ప్రభుత్వ భూమి పరిరక్షణకు చర్యలు తీసుకోవాలని, అదే విధంగా చెరువులో జాతీయ ఉపాధి హామీ పథకం పనులు జరగకుండా కొందరు అడ్డుకుంటున్నారని, విచారణ జరిపి ఉపాధి హామీ పనులు జరిగే విధంగా చర్యలు చేపట్టాలని వీరఘట్టం మండలం వండువ గ్రామానికి చెందిన బాసూరు విశ్వేశ్వరరావు ఫిర్యాదును అందించారు. 2019 సంవత్సరంలో గ్రామ స్మశాన వాటిక కు చేపట్టిన సిసి రోడ్ల నిర్మాణ పనులకు బిల్లులు మంజూరు చేయాలని గురుగుబిల్లి మండలం సన్యాసి రాజు పేట గ్రామానికి చెందిన జాగాన వెంకట నాయుడు కోరారు. తొంపాలపాడు చౌక ధరల దుకాణం నుండి నిత్యవసర సరుకులు తీసుకువచ్చేందుకు ప్రజలు నానావస్థలు పడుతున్నందున ప్రజల సౌకర్యార్థం జరడ గ్రామం వద్ద నిత్యావసర సరుకులు తీసుకునే విధంగా రేషన్ డిపో ఏర్పాటు చేయాలని కురుపాం మండలం బొడ్డమాను గ్రామానికి చెందిన బిడ్డికొలు సుదర్శన్ అర్జీ అందజేశారు.

 గుమ్మలక్ష్మిపురం మండలం  గోయిపాక పంచాయితి కుంటేసు గ్రామ మండల పరిషత్ ప్రాథమిక పాఠశాల భవనానికి నాడు నేడు క్రింద  అభివృద్ధి చేశారని, అలాగే రెండో విడతలో మరి కొన్ని పాఠశాలల్లో అభివృద్ధి చేయాలని గోయిపాక గ్రామానికి చెందిన సామల కృష్ణ మూర్తి వినతి సమర్పించారు.  గ్రామంలో నిర్మాణ పనులు పూర్తిచేసిన అంగన్వాడి కేంద్రం భవనానికి బిల్లులు మంజూరు చేయాలని గుమ్మ లక్ష్మీ పురం గ్రామానికి చెందిన కే.రాజేష్ కోరారు. దివ్యాంగురాలు అయిన తనకు ఎటువంటి ఆధారం లేనందున ఉపాధి అవకాశం కల్పించాలని మండలంలోని కవిటీ భద్ర గ్రామానికి చెందిన తుమరాడ దుర్గమ్మ అర్జీ అందజేశారు. కురుపాం మండలం నీలకంటాపురం గ్రామ ప్రాథమిక ఆరోగ్య కేంద్రంలో ఖాళీగా ఉన్న పోస్ట్ లో వైద్యుని నియమించాలని అదే గ్రామానికి చెందిన ఏ.మన్మధరావు కోరారు. స్పందనకు వచ్చిన వినతులలో ఎక్కువగా రేషన్ కార్డు, సదరం దృవీకన పత్రాలు మంజూరు చేయాలని, భూసమస్యలు పరిష్కరించాలని దరఖాస్తులు వచ్చాయి. ఈ కార్యక్రమంలో జాయింట్ కలెక్టర్ ఓ.ఆనంద్, ఐటిడిఎ ప్రాజెక్ట్ అధికారి ఆర్.కూర్మనాథ్, జిల్లా రెవిన్యూ అధికారి జె. వెంకట రావు, జిల్లా అధికారులు పాల్గొన్నారు.

కాకినాడ జిల్లా పోలీస్ స్పందన ద్వారా వచ్చిన ఫిర్యాదులను తక్షణమే పరిష్కరించి బాధితులకు న్యాయం చేసే విధంగా చర్యలుతీసుకోవాలని జిల్లా ఎస్పీ ఎం.రవీంధ్రనాధ్ బాబు పోలీసు అధికారులను ఆదేశించారు. సోమవారం జిల్లా ఎస్పీ కార్యాలయంలో నిర్వహించిన స్పందన కార్యక్రమం ద్వారా 47 మంది నుంచి వినతులు స్వీకరించారు. అర్జీదారులతో ముఖాముఖి మాట్లాడి సమస్యలను అడిగి తెలుసుకొని, వారి సమస్యలను క్షుణ్ణంగా పరిశీలించారు. కుటుంబ కలహాలు, భర్త/అత్తారింటి వేధింపులు, భూ వివాదాలు మరియు ఇతర సమస్యలపై ఫిర్యాదుదారులు ఎస్పీ ముందు స్వేచ్ఛగా విన్నవించుకోగా, వారి యొక్క సమస్యలపై ఎస్పీ సానుకూలంగా స్పందించారు. ఆపై సంబంధిత పోలీసు అధికారులతో వీడియో కాన్ఫరెన్స్ ద్వారా మాట్లాడి బాధితులకు చట్ట పరిధిలో తక్షణ న్యాయం అందించేలా చర్యలు తీసుకోవాలని ఆదేశాలు జారీచేశారు. ఈ కార్యక్రమంలో అడిషనల్ ఎస్పీ కరణం కుమార్ తదితరులు పాల్గొన్నారు.

పరిపాలన వికేంద్రీకరణ లో భాగంగా ఏర్పాటైన నూతన జిల్లాల యంత్రాంగం ప్రజలతో మమేకమైయ్యే దిశలో నియోజకవర్గ స్థాయి లో స్పందన కార్యక్రమం నిర్వహిస్తున్నట్లు జిల్లా కలెక్టర్ డా. కె. మాధవీలత పేర్కొన్నారు. సోమవారం నిడదవోలు మునిసిపల్ కార్యాలయ సమావేశ మందిరంలో స్థానిక శాసన సభ్యులు జి.శ్రీనివాసనాయుడు, జాయింట్ కలెక్టర్ సిహెచ్.శ్రీధర్ లతో కలిసి  స్పందన కార్యక్రమంలో ఆమె పాల్గొన్నారు. ఈ సందర్భంగా కలెక్టర్ మాధవీలత మాట్లాడుతూ, ప్రభుత్వం ప్రజా సమస్యల పట్ల అత్యంత ప్రాధాన్యత ఇస్తూ జిల్లా స్థాయి నుంచి గ్రామ స్థాయి (సచివాలయం) వరకు స్పందన కార్యక్రమం ద్వారా ఫిర్యాదులను స్వీకరించడం జరుగుతోందన్నారు. నూతన జిల్లాలు ఏర్పడడంతో జిల్లా యంత్రాంగం మరింత చేరువ కావడానికి తొలిసారిగా నిడదవోలు నియోజకవర్గ పరిధిలో స్పందన కార్యక్రమం ఏర్పాటు చేశామన్నారు. ప్రజల సమస్యలు పరిష్కారం కోసం మండల పరిధిలోనే అధికారులు అందుబాటులో ఉంటున్నా రన్నారు. సమస్య పరిష్కారం కోసం ప్రజలు ఇబ్బందులు పడకుండా ఒక వారం జిల్లా కలెక్టరేట్ నందు, తదుపరి వారం నియోజకవర్గ పరిధిలో ప్రజల నుంచి అభ్యర్థనలు స్వీకరించడం జరుగుతుందన్నారు.  ఫిర్యాదుల స్థాయిపై నిరంతర పర్యవేక్షణ వలన వెంటనే పరిష్కారం చూపడానికి క్షేత్ర స్థాయిలో స్పందన ద్వారా మంచి ఫలితాలు వస్తాయని మాధవీలత తెలిపారు. 

శాసనసభ్యులు జి. శ్రీనివాస్ నాయుడు మాట్లాడుతూ, రాష్ట్ర ప్రభుత్వం సంక్షేమానికి, అభివృద్ధికి సమాన ప్రాధాన్యత ఇవ్వడం జరుగుతోందన్నారు. ముఖ్యమంత్రి వైఎస్ జగన్ మోహన్ రెడ్డి ప్రజా సమస్య ఎక్కడ ఉంటే అక్కడ కి వెళ్లి పరిష్కారం చూపాలని గ్రామ, వార్డు సచివాలయ వ్యవస్థ లు తీసుకుని వచ్చారన్నారు.  ప్రజా సమస్య  పరిష్కార వేదికగా ప్రతి సోమవారం జిల్లా, డివిజన్, మండల, గ్రామ స్థాయిలో స్పందన ను ఏర్పాటు చేసి , ఆయా సమస్యల పరిష్కారం కోసం కాల పరిమితి నిబంధన అమలు చేస్తున్నట్లు తెలిపారు.  నూతన జిల్లా కలెక్టర్ గా వొచ్చిన డా. మాధవీలత ఒక అడుగు ముందుకు వేసి మన నియోజకవర్గం లో తొలి స్పందన కార్యక్రమం ఏర్పాటు చేసినందుకు ప్రజలు తరపున కృతజ్ఞతలు వ్యక్తం చేశారు. స్పందన పిర్యాదు ల పరిష్కారాన్ని తదుపరి స్పందన లో తీసుకున్న చర్యలపై  సమీక్షించడానికి చర్యలు తీసుకోవాలని కోరారు. 

ఈ కార్యక్రమానికి జేసీ సిహెచ్. శ్రీధర్, ఆర్డీవో ఎస్. మల్లిబాబు, జిల్లా అధికారులు, మహిళా శిశు సంక్షేమ అధికారి కె. విజయకుమారి, ఆర్డబ్ల్యూ ఎస్ ఇంజినీరింగ్ అధికారి డి.బాలశంకర రావు, డిప్యూటీ డైరెక్టర్ గ్రౌండ్ వాటర్ పీఎస్ విజయకుమార్, జెడి మత్స్యాశాఖ ఈ.కృష్ణారావు, డీఎస్ఓ పి.ప్రసాదరావు, డీసీఎస్ఎం కె.తులసి, జిల్లా వ్యవసాయ శాఖాధికారి  ఎస్.మాధవరావు, జీఎం పరిశ్రమలు బి.వెంకటేశ్వరరావు,  నిడదవోలు, పెరవలి, ఉండ్రాజవరం మండల అధికారులు వివిధ శాఖల అధికారులు పాల్గొన్నారు.

అనకాపల్లి జిల్లా కలెక్టరేట్ లో  సోమవారం జరిగిన స్పందన కార్యక్రమం లో జిల్లా కలెక్టర్ రవి సుభాష్ పటంశెట్టి, జాయింట్ కలెక్టర్ కల్పనా కుమార  ఫేషియల్, డి ఆర్ ఓ పి వెంకట రమణ ప్రజల నుండి అర్జీలు స్వీకరించారు. జిల్లా నలుమూలల నుండి ప్రజలు వచ్చి స్పందనలో తమ సమస్యలను తెలియజేస్తూ దరఖాస్తులు సమర్పించుకున్నారు. దేవరాపల్లి మండలం వాలాబు గ్రామానికి చెందిన టి. హేమలత మెక్సికా ఫేషియల్ వ్యాధితో చికిత్స పొందుతూ సహాయం కోసం   తల్లిదండ్రులతో కలసి వచ్చి స్పందన లో దరఖాస్తు చేసుకున్నారు.  దీనిపై జిల్లా కలెక్టర్ వెంటనే స్పందించి జిల్లా స్త్రీ శిశు సంక్షేమ అధికారి సీతామహాలక్ష్మిని పిలచి వివరాలను తెలుసుకుని సహాయం చేయాల్సిందిగా ఆదేశించారు.  బాలికకు వెంటనే వికలాంగ పింఛను మంజూరు చేయవలసిందిగా డీ ఆర్ డి ఎ ఏపీడిని ఆదేశించారు. ఆరోగ్యశ్రీ పథకంలో చికిత్స చేయించాల్సిందిగా ఆరోగ్యశ్రీ కోఆర్డినేటర్ ను ఆదేశించారు.  తక్షణ సహాయం అందించిన కలెక్టర్ కు బాలిక తల్లిదండ్రులు కృతజ్ఞతలు తెలిపారు.

నిడదవోలు నియోకవర్గం స్థాయిలో సోమవారం నిర్వహించే స్పందన కార్యక్రమం పూర్తిస్థాయిలో సద్వినియోగం చేసుకోవాలని జిల్లా కలెక్టర్ డా. కె. మాధవీలత ఆదివారం మీడియాకి విడుదల చేసిన ఒక ప్రకటనలో తెలిపారు.  ప్రజల వద్దకు ప్రభుత్వ సంక్షేమ పథకాలను, అభివృద్ధి కార్యక్రమాలను అమలు చేస్తున్నామని తెలియజేశారు. ఆదిశలోనే ప్రతి నియోజకర్గ స్థాయిలో స్పందన కార్యక్రమం ఏర్పాటు చేసే విధానం లో తొలిసారిగా నిడదవోలు నియోజకవర్గం లో స్పందన కార్యక్రమం ఏర్పాటు చేశామని పేర్కొన్నారు. నిడదవోలు నియోజకవర్గం పరిధిలో ఉన్న మూడు మండలాలు అయిన నిడదవోలు, పెరవలి, ఉండ్రాజవరం మండలాలకు చెందిన ప్రజలు కోసం ఈ స్పందన కార్యక్రమం ఏర్పాటు చెయ్యడం జరిగిందన్నారు. నిడదవోలు మున్సిపల్ కార్యాలయంలో  ఉదయం 10.30 నుంచి మ.1.00 వరకు ఫిర్యాదులు స్వీకరిస్తామని తెలిపారు.

కేంద్ర ఆరోగ్య‌, కుటుంబ సంక్షేమ శాఖామంత్రి డాక్ట‌ర్‌ మ‌న్సుఖ్ మాండ‌వీయ  జిల్లా ప‌ర్య‌ట‌న ఖ‌రార‌య్యింది. ఆయ‌న విస్తృత‌ ప‌ర్య‌ట‌న‌కు అధికారులు ఏర్పాట్లు పూర్తి చేశారు. కేంద్రమంత్రి పర్యటన వివరాలను జిల్లా కలెక్టర్  ఎ. సూర్యకుమారి ఒక ప్రకటనలో తెలిపారు. ఈనెల 25వ తేదీ సోమ‌వారం సాయంత్రం 6.45 గంట‌ల‌కు కేంద్ర‌మంత్రి మ‌న్సుఖ్‌ జిల్లాకు చేరుకొని, విజ‌య‌న‌గ‌రం ప‌ట్ట‌ణంలోని ఎస్‌-క‌న్వెన్ష‌న్ హాలులో మేధావులు, స్వ‌చ్ఛంద సంస్థ‌ల ప్ర‌తినిధులు, పార్టీ నాయకులతో స‌మావేశ‌మ‌వుతారు. రాత్రి జెడ్‌పి అతిధిగృహంలో బ‌సచేస్తారు.  26వ తేదీ ఉద‌యం 8.30కు బ‌య‌లుదేరి, గుంక‌లాం మెగా హౌసింగ్ లేఅవుట్‌ను ప‌రిశీలిస్తారు. అక్క‌డినుంచి 9.30 గంట‌ల‌కు బొండ‌ప‌ల్లి మండ‌లం గొట్లాం జిల్లా ప‌రిష‌త్ ఉన్న‌త పాఠ‌శాల‌ను చేరుకొని, నాడూ-నేడు ప‌నుల‌ను ప‌రిశీలిస్తారు. అక్క‌డినుంచి బ‌య‌లుదేరి, 10.15 గంటలకు నెల్లిమ‌ర్ల మండ‌లం రామ‌తీర్ధం చేరుకొని, శ్రీ సీతారామ‌స్వామి వారి ఆల‌యాన్ని సంద‌ర్శిస్తారు. స్వామివారి ద‌ర్శ‌నం అనంత‌రం 10.30 గంట‌ల‌కు పూస‌పాటిరేగ మండ‌లం కుమిలి చేరుకొని, మ‌హాత్మాగాంధీ జాతీయ గ్రామీణ ఉపాధిహామీ ప‌థ‌కంలో భాగంగా జ‌రుగుతున్నఅభివృద్ది ప‌నుల‌ను ప‌రిశీలిస్తారు. రైతుల‌తో, వ‌లంటీర్ల‌తో మాట్లాడ‌తారు. పేద‌ల ఇంటింటికీ నిత్యావ‌స‌రాల‌ను పంపిణీ చేసే ఎండియు యూనిట్‌ను ప‌రిశీలిస్తారు. అక్క‌డినుంచి బ‌య‌లుదేరి 11.45కి విజ‌య‌న‌గ‌రంలోని జిల్లా కేంద్రాసుప‌త్రిని సంద‌ర్శిస్తారు. తిరిగి 12.45కి జిల్లా ప‌రిష‌త్ అతిధిగృహానికి చేరుకుంటారు. మ‌ధ్యాహ్నం 1.45 గంట‌ల‌కు అక్క‌డినుంచి బ‌య‌లుదేరి, క‌లెక్ట‌రేట్ ఆడిటోరియం వ‌ద్ద ఏర్పాటు చేయ‌నున్న ఫొటో ఎగ్జిబిష‌న్‌ను తిల‌కిస్తారు. 2.15 గంట‌ల‌కు క‌లెక్ట‌రేట్ ఆడిటోరియంలో జిల్లా కలెక్టర్  ఎ. సూర్యకుమారి ఆధ్వర్యంలో అధికారులతో సాయంత్రం 4 గంటలు వరకు  స‌మావేశాన్ని నిర్వ‌హిస్తారు. ఈ సమావేశంలో పార్వతీపురం మన్యం జిల్లా కలెక్టర్ కూడా పాల్గొంటారు. సమావేశం అనంత‌రం విశాఖ‌ప‌ట్నం ఎయిర్‌పోర్టుకు బ‌య‌లుదేరి వెళ్తారు.

కేంద్ర ఆరోగ్య‌, కుటుంబ సంక్షేమ శాఖామంత్రి డాక్ట‌ర్‌ మ‌న్సుఖ్ మాండ‌వీయ విజయనగరం జిల్లా ప‌ర్య‌ట‌న ఏర్పాట్ల‌ను, క‌లెక్ట‌ర్ ఎ.సూర్య‌కుమారి ఆదివారం స్వ‌యంగా ప‌ర‌శీలించారు. ఈనెల 25వ తేదీన కేంద్ర‌మంత్రి జిల్లాకు చేరుకొని, 26వ తేదీన ప‌లు ప్రాంతాల్లో ప‌ర్య‌టించ‌నున్నారు.  విజ‌య‌న‌గ‌రం ప‌ట్ట‌ణ పేద‌ల‌కోసం గుంక‌లాంలో నిర్మాణంలో ఉన్న‌ జ‌గ‌న‌న్న కాల‌నీని కేంద్ర‌మంత్రి సంద‌ర్శించ‌నున్న నేప‌థ్యంలో,  క‌లెక్ట‌ర్ సూర్య‌కుమారి ఈ కాల‌నీని ప‌రిశీలించారు. అధికారుల‌తో మాట్లాడి, ఏర్పాట్ల‌పై స‌మీక్షించారు. హౌసింగ్ పిడి ఎస్‌వి ర‌మ‌ణ‌మూర్తి, ఇత‌ర అధికారుల‌కు ప‌లు ఆదేశాల‌ను జారీ చేశారు. ఈ ప‌ర్య‌ట‌న‌లో హౌసింగ్ ఇఇ శ్రీ‌నివాస‌రావు, ఇత‌ర ఇంజ‌నీర్లు పాల్గొన్నారు. జిల్లా మ‌హారాజా ప్ర‌భుత్వ‌ కేంద్రాసుప‌త్రిని క‌లెక్ట‌ర్ సంద‌ర్శించారు. మంత్రి ప‌ర్య‌ట‌న‌కు చేస్తున్న ఏర్పాట్ల‌ను స‌మీక్షించారు. డిఎంఅండ్‌హెచ్ఓ డాక్ట‌ర్ ఎస్‌వి ర‌మ‌ణ‌కుమారి, ఆసుప‌త్రి సూప‌రింటిండెంట్ డాక్ట‌ర్ సీతారామ‌రాజు, ఇత‌ర అధికారుల‌తో చ‌ర్చించారు.  ప‌ర్య‌ట‌న‌కు ప‌క‌డ్భందీగా ఏర్పాట్లు చేయాల‌ని క‌లెక్ట‌ర్ ఆదేశించారు.

కాకినాడ సాలిపేట గరల్స్ హైస్కూల్ ప్రాంగణంలో 2002న సర్వ శిక్షా అభియాన్ నిధులతో హిందూ స్పెషల్ ఎలిమెంటరీ స్కూల్ కు నిర్మించిన భవనాన్ని పాఠశాలల విలీనంతో విద్యాశాఖ ఉప తనిఖీ అధికారి కార్యాలయంగా వినియోగించడాన్ని కాకినాడ పౌర సంక్షేమ సంఘం తప్పుబడుతోంది. విద్యానిలయాలను విద్యకు మాత్రమే వినియగియోగించాలని, అంతేతప్పా పరిపాలనా సౌలభ్యం కోసం ప్రభుత్వ కార్యాలయాలుగా వినియోగించడం విద్యాహక్కు చట్టానికి విరుద్దమని పౌర సంఘం కన్వీనర్ దూసర్లపూడి రమణ రాజు ఆరోపించారు. తక్షణమే విద్యాశాఖ అధికారులు ఆ పాఠశాల భవనాన్ని ఖాళీ చేసి.. దానిని బాలికలతరగతి గదులకు వినియోగిం డిమాండ్ చేశారు. హైస్కూల్ మేడ మీద గదులను విద్యాశాఖ ఆధీనంలోవుంచడం ఎంత వరకూ భావ్యం కదాని హితవు పలికారు. ఈ విషయంలో వక్తలు ప్రజా ప్రతినిధులు స్పందించాలని కోరారు. చెట్లక్రింద తరగతుల నిర్వాహాణ జరుగుతున్నందుకు ఎమ్మెల్యే ఎంపీ మంత్రు లు కౌన్సిల్ ప్రజలకు క్షమాపణ చెప్పాలన్నారు. హైస్కూల్ స్థలంలో వున్న భవనాన్ని తరగతి గదులకు అప్పగించాల ని విద్యాశాఖ ఉప కార్యాలయానికి ఇచ్చిన కౌన్సిల్ అనుమతులు రద్దు చేయాలని డిమాండ్ చేశారు. జిల్లా కలెక్టర్ విజిట్ చేసి సాలిపేట గరల్స్ హైస్కూల్  సమస్యలు శాశ్వతంగా పరిష్కరించే జిల్లా అధికారులు చర్యలు తీసుకోవాలని డిమాండ్ చేశారు.

విజ‌య‌న‌గ‌రం జిల్లాలో గ‌త కొద్ది రోజులుగా రోజురోజుకూ ఉష్ణోగ్ర‌త పెరుగుతున్న‌ కార‌ణంగా, వ‌డ‌గాలుల ప‌ట్ల అప్ర‌మ‌త్తంగా ఉండాల‌ని జిల్లా క‌లెక్ట‌ర్ ఎ.సూర్య‌కుమారి ఒక ప్ర‌ట‌న‌లో కోరారు. మ‌రికొద్ది రోజుల‌పాటు అధిక ఉష్ణోగ్ర‌త‌లు కొన‌సాగే అవ‌కాశం ఉంద‌న్న వాతావ‌ర‌ణ శాస్త్ర‌వేత్త‌ల సూచ‌న‌ల‌ను బ‌ట్టి ప్ర‌తీఒక్క‌రూ త‌గిన జాగ్ర‌త్త‌లు పాటించాల‌ని అన్నారు. ఎండ‌వేడిమి ఉండే స‌మ‌యాల్లో వీలైనంత‌వ‌ర‌కు బ‌య‌ట‌కు రాకుండా ఉండాల‌ని, త‌ప్పనిస‌రి ప‌రిస్థితిల్లో బ‌య‌ట‌కు వ‌చ్చే ప‌క్షంలో, వేడినుంచి ర‌క్ష‌ణ క‌ల్పించేందుకు టోపీలు, గొడులు లాంటి ప‌రిక‌రాల‌ను వినియోగించాల‌ని, త‌మ చెంత మంచినీటిని ఉంచుకోవాల‌ని సూచించారు. ఈ వేస‌విలో లూజుగా ఉన్న కాట‌న్ దుస్తుల‌ను, తెలుపు రంగు దుస్తుల‌ను ధ‌రించ‌డం శ్రేయ‌స్క‌ర‌మ‌ని తెలిపారు. ముఖ్యంగా వృద్దులు, చిన్న‌పిల్ల‌ల‌ ప‌ట్ల మ‌రింత అప్ర‌మ‌త్తంగా ఉండాల‌ని కోరారు.  ఎక్కువ‌గా ఎండ కాసే ఉద‌యం 10 గంట‌లు నుంచి సాయంత్రం 4 గంట‌లు మ‌ధ్య బ‌య‌ట తిర‌గ‌డం, ఆరుబ‌య‌ట ప‌నిచేయ‌డం లాంటివి చేయ‌కూడ‌ద‌ని సూచించారు. ఈ వేస‌వి కాలంలో చ‌ల్ల‌ని శీత‌ల పాణీయాల‌ను త్రాగ‌కూడ‌ద‌ని, రోడ్ల ప్ర‌క్క‌న అమ్మే క‌లుషిత ఆహారాన్ని తిన‌కూడ‌ద‌ని, మాంసారాన్ని, మ‌సాలాల‌ను తిన‌కూడ‌ద‌ని, మ‌ద్యం సేవించ‌కూడ‌ద‌ని తెలిపారు.

               వ‌డ‌దెబ్బ త‌గ‌ల‌కుండా ప్ర‌తీఒక్క‌రూ అప్ర‌మ‌త్తంగా ఉండి, త‌గిన జాగ్ర‌త్త‌ల‌ను పాటించాల‌ని క‌లెక్ట‌ర్ సూచించారు. ఎక్కువ‌గా ద్ర‌వ‌ప‌దార్ధాల‌ను, ఓఆర్ఎస్ లాంటి ద్రావ‌కాల‌ను తీసుకోవాల‌న్నారు. ఎండ తీవ్ర‌త వ‌ల్ల శ‌రీర ఉష్ణోగ్ర‌త ఒక్క‌సారిగా 104.9 డిగ్రీల వ‌ర‌కు పెరిగిపోయి, దానిని నియంత్రించే శ‌క్తికి శ‌రీరం కోల్పోవ‌డ‌మే వ‌డ‌దెబ్బ‌గా ప‌రిగ‌ణిస్తార‌ని తెలిపారు. నిర్లక్ష్యం చేస్తే ఇది ప్రాణాంత‌క‌మ‌ని పేర్కొన్నారు. శ‌రీర ఉష్ణోగ్ర‌త ఎక్కువ‌గా ఉండ‌టం, వ‌ణుకు పుట్ట‌డం, మ‌గ‌త నిద్ర లేదా క‌ల‌వ‌రింత‌లు, ఫిట్స్ లేదా పాక్షికంగా అప‌స్మార‌క స్థితి వ‌డ‌దెబ్బ ల‌క్ష‌ణాల‌ని తెలిపారు.  ప్ర‌మాద‌వ‌శాత్తూ ఎవ‌రైనా వ‌డ‌దెబ్బ‌కు గురి అయితే, వారిని నీడ‌లో ఉంచి, గాలి త‌గిలేలా చేసి, త‌డి గుడ్డ‌తో తుడిచి శ‌రీరాన్ని చ‌ల్ల‌బ‌ర‌చాల‌ని సూచించారు. వీలైతే వారికి ఉప్పు క‌లిపిన మ‌జ్జిగ‌ను, గ్లూకోజ్, ఓఆర్ఎస్ లాంటివాటిని ఇవ్వాల‌ని చెప్పారు. అయితే వ‌డ‌దెబ్బ‌కు గురై, అప‌స్మార‌క స్థితికి చేరిన‌వారికి మాత్రం నీరు త్రాగించ‌కూడ‌ద‌ని స్ప‌ష్టం చేశారు. వారిని వీలైనంత త్వ‌ర‌గా ఆసుప‌త్రికి త‌ర‌లించాల‌ని సూచించారు. వ‌డ‌దెబ్బకు త‌క్ష‌ణ చికిత్స నందించేందుకు అవ‌స‌ర‌మైన మందుల‌ను అన్ని ఆసుప‌త్రుల్లో సిద్దంగా ఉంచామ‌ని క‌లెక్ట‌ర్‌ తెలిపారు.

విద్య ఒక్కట అన్ని ఆయుధాల కంటే ఎంతో శక్తివతమైనదని, మిగతావి ఏవైనా విద్య తరువాత స్థానంలో నిలవాల్సిందేనని  ఆంధ్రప్రదేశ్ హై కోర్ట్ జడ్జి, ఏ పి రాష్ట్ర న్యాయ సేవా సంస్థ ఎగ్జిక్యూటివ్ ఛైర్మన్  జస్టిస్ అషానుద్దీన్ అమానుల్లా పేర్కొన్నారు.శనివారం ఆనం కళా కేంద్రం .. నార్ని కేదారేశ్వరుడు కళావేదిక పై జిల్లా న్యాయ సేవాధికార సంస్థ ఆధ్వర్యంలో నిర్వహించిన నల్సా.. గిరిజన ప్రాంతాల్లో ఆర్థిక సాధికారకత.. అవగాహన కార్యక్రమానికి ముఖ్య అతిథిగా హాజరయ్యారు. ఈ సందర్భంగా జస్టిస్ అషానుద్దీన్ అమానుల్లా మాట్లాడుతూ, సమాజంలో ఒక బాధ్యత యుతమైన వ్యక్తిగా మనం ఏది చెయ్యాలో అది చెయ్యాల్సిన సామాజిక బాధ్యత మనపై ఉందన్నారు. ఎవరైనా 20 సమస్యలు పేర్కొన్న సందర్భంలో వాటిలో ఒక్క దానికైన పరిష్కారం చూపగల గాలన్నరు. ప్రతిదీ ప్రభుత్వం, అధికారులే చెయ్యాలనే ఆలోచన విడనాడి చొరవ తీసుకుని ముందుగుడు వేయాల్సి అవశ్యకత ఎంతైనా ముఖ్యం అని పేర్కొన్నారు. ముఖ్యంగా దేశ అభివృద్ధిలో యువత భాగస్వామ్యం కీలకం అయిన నందున ఆత్మ విశ్వాసం తో కూడి ఉండాలని జస్టిస్ పిలుపు నిచ్చారు. మానవ సంబంధాలను కలిగి ఉండాలని, అది మన భారతీయ సంస్కృతిలో ఒక భాగం అన్నారు.  దేశంలో అందుబాటులో ఉన్న వనరులను సద్వినియోగం చేసుకునే హక్కు ప్రతి ఒక్కరికీ ఉందని పేర్కొన్నారు. నేటికీ కనీస అవసరాలు కోసం ఎదురు చూస్తున్న సంఘటనలు చూస్తున్నామని, సాంకేతిక పరంగా ఎంతో అభివృద్ధి దిశగా అడుగులు వేస్తున్నా, ఇటువంటి అంశాలపై తీవ్రంగా ఆలోచన చెయ్యాల్సి ఉందన్నారు. విద్యా ద్వారా అభివృద్ధి సాధ్యమని, విద్యా అనే ఆయుధం ఉంటే సాధ్యం కానిది ఏది ఉండదని ఆయన అన్నారు. 

ఒక న్యాయవాదిగా, హై కోర్టు జడ్జి గా డి ఎస్ ఎస్ ఎ  యొక్క కీలక పాత్ర గుర్తించ లేదని, తదుపరి రోజుల్లో దాని యొక్క ప్రాముఖ్యత గుర్తించానని తెలిపారు. ప్రజల కోసం సేవా చేసేందుకు ఒక గొప్ప అవకాశం గా పదవి లభించిందని భావిస్తానని, ఒక పౌరునికి కనీస అవసరాలు తీర్చే ప్రయత్నం గా పదవీని భావిస్తానని జస్టిస్ అషానుద్దీన్ అమానుల్లా పేర్కొన్నారు. భారతీయ సంస్కృతిని సాంప్రదాయాలను ప్రతిబింభించేలా మీ నృత్య రీతులు ఆకట్టుకున్నాయ ని పేర్కొన్నారు. వాటిని సజీవంగా నిలిపేందుకు మీ కృషి అభనందనీయం అన్నారు.

జిల్లా ప్రధాన న్యాయ మూర్తి -  జిల్లా న్యాయ సేవా ధికర సంస్థ - ఛైర్మన్  శ్రీమతి పి. వెంకట జ్యోతిర్మయి మాట్లాడుతూ, పేదరిక నిర్మూలన, అందరికీ చేరువ లో న్యాయ సేవలు, ఉండాలన్న లక్ష్యాలతో డి ఎల్ ఎస్ ఏ పని చేస్తుందని ఆమె తెలిపారు. సమస్య ఏదైనా డి ఎల్ ఎస్ ఏ దృష్టికి తీసుకొని వొస్తే సహాయం చేయడం జరుుతుందన్నారు. కరోనా సమయంలో కూడా ప్రభుత్వం అందచేస్తున్న కార్యక్రమాలు కు పథకాలు చేరువ చెయ్యడం లో కీలక బాధ్యతలు నిర్వహించడం జరిగిందన్నారు. డబ్బులు ఉంటేనే న్యాయం జరుగుతుందనే భావనను కాకుండా అందరికి సమ న్యాయం కోసం పనిచేస్తుందని తెలిపారు.

జిల్లా కలక్టర్ డా. మాధవీలత మాట్లాడుతూ, డి ఎల్ ఎస్ ఏ కి జిల్లా యత్రాంగం తరపున పూర్తి సహాయ సహకారాలు అందజేస్తాన్నారు. ఆర్థిక సాధికరత సాధించే దిశగా ప్రభుత్వం అడుగులు వేస్తున్నట్లు తెలిపారు. అమ్మఒడి, జగనన్న విద్యా దివేన, వసతి దీవెన, చేయూత వంటి ఎన్నో నగదు ప్రోత్సహక పథకాలు అమలు చేయడం జరుగుతోందన్నారు. ఆర్థిక సాధకారత సాధించాలంటే సంక్షేమ పథకాలను సద్వనియోగం చేసుకోవాలన్నారు. ఎస్పీ ఐశ్వర్య రాస్తోగి మాట్లాడుతూ, ప్రజలకు న్యాయ పరమైన అంశాలలో అండగా ఉంటున్నమన్నరు. ఎన్నో నూతన సాంకేతిక పరిజ్ఞానాన్ని అందుబాటులో తీసుకుని రావడం ద్వారా రక్షణ కల్పిస్తున్నట్లు తెలిపారు. 

జిల్లా ప్రధాన న్యాయ మూర్తి -  జిల్లా న్యాయ సేవా ధికర సంస్థ - ఛైర్మన్  శ్రీమతి పి. వెంకట జ్యోతిర్మయి, రాష్ట్ర డిఎస్ఎల్ఏ కార్యదర్శి ఎమ్.బబిత, సీనియర్ సివిల్ జడ్జి కం జడ్జి జిల్లా న్యాయ సేవ ధికార సంస్థ - సెక్రెటరీ  శ్రీమతి కె.ప్రత్యుషకుమారి ,  తూర్పు గోదావరి జిల్లా కలెక్టర్ డా. కె. మాధవీలత, కూడా ఎస్పీలు  ఐశ్వర్యరాస్తోగి, కే వి ఎస్ ఎస్ సుబ్బారెడ్డి,  వివిధ జిల్లాల జాయింట్ కలెక్టర్ లు ఇలాక్కియా, జీ. సూరజ్ ధనుంజయ్, రాష్ట్ర బార్ కౌన్సిల్ సభ్యులు ముప్పాళ్లసుబ్బారావు, డిఆర్ఓ సత్తిబాబు, ఆర్డీవో ఏ. చైత్ర వర్షిణి, పలువురు జడ్జిలు, న్యాయవాదులు, లా విద్యార్ధులు, మహిళలు,  తదితరులు పాల్గొన్నారు.