రాష్ట్ర ప్రభుత్వం అందిస్తున్న సహకారంతో జిల్లాను అభివృద్ధి పథంలో తీసుకువెళ్లేందుకు ప్రతి ఒక్కరూ భాగస్వాములు కావాలని రాష్ట్ర రెవిన్యూ, రిజిస్ట్రేషన్లు, స్టాంపుల శాఖ మంత్రి ధర్మాన ప్రసాదరావు జిల్లాఅధికారులకు పిలుపు నిచ్చారు. మంగళవారం స్థానిక జిల్లా పరిషత్ సమావేశ మందిరంలో జిల్లా ప్రగతిపై అధికారులతో సమీక్షించారు.ఈ సందర్భంగా మంత్రి మాట్లాడుతూ జిల్లాను అభివృద్ధి పథంలో తీసుకువెళ్తున్న అధికారులకు ముందుగా శుభాకాంక్షలు తెలిపిన ఆయన ఇదే స్ఫూర్తితో జిల్లాను మరింత అభివృద్ధి పథంలోకి తీసుకువెళ్లేందుకు చేపట్టవలసిన అంశాలపై అధికారులు మరింత దృష్టి సారించాలన్నారు. ఇందుకు ప్రభుత్వపరంగా కావలసిన పరిపాలన అనుమతులు, నిధుల విషయమై ప్రభుత్వం దృష్టికి తీసుకువెళ్తానని హామీ ఇచ్చారు. అందరం కలిసి కట్టుగా పనిచేసి జిల్లాను మరింత అభివృద్ధి పథంలోకి తీసుకురావాలనేదే తమ ధ్యేయమని, అంతేగాని శాఖల పనితీరును ప్రశ్నించడం తమ ఉద్దేశ్యం కాదని మంత్రి స్పష్టం చేశారు. మంత్రిగా బాధ్యతలు స్వీకరించిన తరువాత శాఖల పనితీరు తెలుసుకోవాలని సమావేశాన్ని ఏర్పాటు చేయాలని కోరినట్లు పేర్కొన్నారు.తొలుత వైఎస్ఆర్ జగనన్న శాశ్వత భూహక్కు- భూ రక్ష పథకం సంబంధించి సమీక్షా ప్రారంభించిన మంత్రి బాధ్యతలు తీసుకొన్న ప్రతి అధికారి పూర్తిస్థాయిలో బాధ్యతలు స్వీకరించినపుడే లక్ష్యాలను అధిగమించగల మని మంత్రి తెలిపారు. విధుల నిర్వహణలో ప్రణాళికలు రూపొందించుకొని లక్ష్యాలు అధిగమించే దిశగా అడుగులు వేయాలని కోరారు. శాశ్వత భూహక్కు- భూరక్ష క్రింద జిల్లాలో 1466 గ్రామాలు ఉండగా వీటిని 2023 డిసెంబర్ నాటికి భూసర్వే పూర్తికావాలని అన్నారు. గ్రామ స్థాయిలో సభలు నిర్వహించి సర్వే వేగవంతం చేయాలన్నారు. మ్యాపులు సర్వే అయిన తదుపరి రెవెన్యూ శాఖ వాటిని సరిచూసుకోవాలని అధికారులను మంత్రి ఆదేశించారు. 2023 డిసెంబర్ నెలాఖరు నాటికి శత శాతం భూ సర్వే పూర్తవుతుందని కలెక్టర్ మంత్రికి వివరించారు.జిల్లాలో నీటి పన్ను వసూలుకు లక్ష్యాలను నిర్దేశించడం జరిగిందని కలెక్టర్ తెలిపారు.

ప్రభుత్వం ప్రతిష్టాత్మకంగా తీసుకున్న నవరత్నాలు పథకంలో ఇళ్ళ స్థలాలను కేటాయించడం జరుగుతుందని, ఇంకా అర్హులైన వారు ఎవరైనా దరఖాస్తు చేసుకుంటే 90రోజుల్లో పరిష్కరించేలా చర్యలు చేపట్టడం జరుగుతుందని అన్నారు. జిల్లాకు 17 తహశీల్దార్ కార్యాలయ భవనాలు మంజూరు అయ్యాయని అందులో 13 భవనాలు పూర్తి అయ్యాయని, వాటికి సంబంధించి చెల్లింపులు చేయాల్సి ఉందని అన్నారు.  జిల్లాలో 355 రైస్ మిల్లులు ఉన్నాయని,ప్రతి నెల మొదటి తేదీన సంచార వాహనాల ద్వారా లబ్ధిదారుల ఇళ్లకు నిత్యావసర సరుకులు అందజేయడం జరుగుతుందని జె.సి మంత్రికి వివరించారు. అలాగే ప్రభుత్వం తీసుకున్న విప్లవాత్మక నిర్ణయం వలన ప్రతీ రైతు భరోసా కేంద్రాన్ని ధాన్యం కొనుగోలు  కేంద్రంగా మార్పుచేయడం ద్వారా రైతులకు మేలు జరిగిందని అన్నారు. రైతు దగ్గరకి టెక్నికల్ సిబ్బంది వెళ్లి ధాన్యంలో తేమ శాతం నిర్ధారించి కొనుగోలు జరిగిందన్నారు. కొన్నిచోట్ల ధాన్యం కొనుగోలు జరగలేదనే విమర్శలు వస్తున్నాయని, అవికూడా లేకుండా చూడలని మంత్రి ఆదేశించారు. సోనా మసూరి వలన ఈ సమస్య తలెత్తుతుందని విత్తనాలు అందుబాటులో లేకుండా చర్యలు చేపటితే బాగుంటుందని జాయింట్ కలెక్టర్ కోరారు. ముఖ్య మంత్రి  అదేశాలను అనుసరించి  రైతు భరోసా కేంద్రాలలో రైతులకు కావలసిన విత్తనాలు, ఎరువులు, పురుగుమందులు, పరికరాలు అందుబాటులో ఉంచడం జరుగుతుందని జిల్లా కలెక్టర్ తెలియజేయగా. వరి సాగు నిలుపుదల చేసి ప్రత్యామ్నాయ పంటలపై రైతులకు అవగాహన కల్పించాలని మంత్రి వివరించారు. 

ఉద్యానవన, పట్టు పరిశ్రమ శాఖల పనితీరుపై ఆరా తీసిన మంత్రి సిబ్బందికి లక్ష్యాలు నిర్దేశించి పూర్తిచేయాలన్నారు. అనంతరం మత్స్య శాఖను సమీక్షించిన మంత్రి  జిల్లాలో  11తీర ప్రాంత మండలాలు, 193 కి.మీ తీర ప్రాంతం,104 మత్స్యకార గ్రామాలు ఉన్నాయని కలెక్టర్ తెలిపారు. వంశధార పనులకు చెందిన నిధులు విడుదల అవుతున్నా యని సంబంధిత పనులు వేగవంతం చేయడం జరుగుతుందని మంత్రికి ఎస్.ఈకి వివరించగా, ప్రణాళికలు రూపొందించుకొని పనులు వేగవంతం చేయాలని ఆదేశించారు. జిల్లాలో నిర్వహిస్తున్న వ్యాక్సినేషన్ పూర్తికావాలని,ప్రాథమిక ఆరోగ్య కేంద్రాల్లో బయోమెట్రిక్  కొనసాగుతుందని, పొందని వాటిపై నిత్యం పర్యవేక్షిస్తామని జిల్లా వైద్య ఆరోగ్యశాఖ అధికారి మంత్రికి వివరించారు. తెలిపారు. నవరత్నాలలో భాగంగా పేదలందరికీ ఇల్లు కార్యక్రమంపై ఆరా తీసిన మంత్రి గృహ పనులు మరింత వేగవంతం కావాలని అన్నారు.తదుపరి జలజీవన్ మిషన్ , పంచాయతీ రాజ్, జిల్లా పరిషత్, ఆర్ అండ్ బి, తదితర శాఖలకు సంబంధించి శాఖల వారిగా చేపడుతున్న పనులపై సమీక్షించారు.జిల్లా పరిషత్ చేపడుతున్న పనులపై ఆరా తీయగా జిల్లాలో మండల పరిషత్ భవనాలు లేవని మంజూరు చేయమని సి.ఈ.ఓ మంత్రిని కోరారు. ఎచ్చెర్ల శాసనసభ్యులు గొర్లె కిరణ్ కుమార్ మాట్లాడుతూ నియోజకవర్గంలో పరిశ్రమలు ఎక్కువగా ఉన్నాయని వివిధ ఫ్యాక్టరీ యాజమాన్యాలతో సమావేశం ఏర్పాటు చేసి యువతకు ఉద్యోగావకాశాలు కల్పించాలన్నారు.నియోజక వర్గంలోని లావేరు మండలంలో ధాన్యం నిల్వలు ఉన్నాయని వాటిని కొనుగోలు చేయాలని కోరారు.

 ఈ సమావేశంలో కళింగ కోమటి కార్పొరేషన్ చైర్మన్ ఆంధవరపు సూరి బాబు, తూర్పు కాపు కార్పొరేషన్ చైర్మన్ మామిడి శ్రీకాంత్,పలాస శ్రీకాకుళం ఆర్.డి.ఓలు జయరామ్, బి.శాంతి, జిల్లా గ్రామీణాభివృద్ధి సంస్థ పథక సంచాలకులు బి.శాంతిశ్రీ, జిల్లా పరిషత్ ముఖ్యకార్య నిర్వహణాధికారి బి.లక్ష్మీపతి, జిల్లా పంచాయతీ అధికారి వి.రవికుమార్, ఆర్ అండ్ బి పర్యవేక్షక ఇంజినీర్ కాంతిమతి, ఇరిగేషన్ పర్యవేక్షక ఇంజినీర్ డోల తిరుమల రావు. వివిధ శాఖల అధికారులు సిబ్బంది తదితరులు పాల్గొన్నారు.

శ్రీకాకుళం జిల్లాలో రణస్థలం మండలం పైడిభీమవరం సమీపంలో డీశాలినేషన్ ప్లాంటును ఏర్పాటు చేయాలని రాష్ట్ర ప్రభుత్వం ప్రతిపాదించిందని, ఇందుకు అవసరమైన అనుమతులు కావాలని జిల్లా కలెక్టరు శ్రీకేశ్ లాఠకర్ ను ఎల్ అండ్ టి అధికారులు కోరారు. డీశాలినేషన్ ప్లాంటు నిర్మాణంపై సోమవారం కలెక్టర్ క్యాంపు కార్యాలయంలో జిల్లా కలెక్టరును ఎల్ అండ్ టి అధికారులు కలిసారు. పబ్లిక్ ప్రైవేట్ పార్టనర్ షిప్ (పిపిపి) విధానంలో ప్లాంటును స్థాపించాలని రాష్ట్ర ప్రభుత్వం ప్రతిపాదించినట్లు చెప్పారు. ఈ ప్లాంటు నిర్మాణానికి సుమారు 40 ఎకరాల స్థలం అవసరముంటుందని, ఇందుకు అవసరమైన స్థలాన్ని ప్రభుత్వం మంజూరుచేయాలని కోరారు. అలాగే అటవీశాఖ, మత్స్య శాఖ, సంబంధిత తహశీల్దార్లు సహకారం కావాలని అధికారులు కలెక్టరును కోరగా సంబంధిత అధికారులకు ఆదేశాలు జారీచేస్తామని హామీ ఇచ్చారు.  ఈ సమావేశంలో ఎల్ అండ్ టి బిజినెస్ హెడ్ శ్రీధర్, ఏపిఐఐసి చీఫ్ ఇంజనీర్ నాగేశ్వర రావు, డాక్టర్ సుబ్రమణ్యం తదితరులు పాల్గొన్నారు.

గుంటూరు జిల్లాలో రెవెన్యూ, హౌసింగ్, అభివృద్ది సంక్షేమ పధకాల అమలుకు  అధికారు లు  సమన్వయంతో పనిచేసి లక్ష్యాలను అధిగమించాలని  జిల్లా కలెక్టర్ ఎం. వేణుగోపాల్ రెడ్డి  పేర్కొన్నారు.  సోమవారం సాయంత్రం కలక్టరేట్ లోని  వీడియో కాన్ఫరెన్స్ హాల్ నుండి జిల్లాలోని డిప్యూటీ కలెక్టర్లు, ఆయా శాఖల ప్రాజెక్టు డైరెక్టర్లు, ఆర్డిఓ లు, మున్సిపల్ కమిషనర్లు, తహశీల్దార్లు, యంపీడీఓ లు, హౌసింగ్ తదితర శాఖల అధికారులతో జిల్లా కలెక్టర్ ఎం.వేణుగోపాల రెడ్డి అభివృద్ది సంక్షేమ పధకాల అమలుపై సమీక్ష నిర్వహించారు.  ఈ సందర్భంగా జిల్లా కలెక్టర్ మాట్లాడుతూ ఇక నుండి ప్రతి సోమవారం స్పందన గ్రీవెన్స్ కార్యక్రమాలకు ప్రత్యక్షంగా జిల్లా అధికారులు, వీడియో కాన్ఫరెన్స్ ద్వారా మండల అధికారులు తప్పనిసరిగా హాజరు కావాలన్నారు. ప్రభుత్వం నిర్ధేశించిన అభివృద్ది సంక్షేమ పధకాల లక్ష్యాలకు దూరంగా వున్న అధికారులతో చర్చించారు. లక్ష్యాన్ని నిర్ధేశించుకున్న తరువాత అధికారులంతా సమన్వయంతో పనులను పూర్తి చేయించాలన్నారు.   వైయస్.ఆర్. జగనన్న పేదలందరికీ ఇళ్ళు, గృహ నిర్మాణాలకు సంబంధించిన డ్వాక్రా రుణాలు, జనగన్న తోడు, ఓటియస్ రిజిస్ట్రేషన్, గ్రామ సచివాలయాల పనితీరు మెరుగుపరచడం, రెవెన్యూ అంశాలకు సంబంధించి 22 ఎ లిస్ట్ లో వున్న సమస్యల పరిష్కారం, వైద్య ఆరోగ్యం, మహిళా శిశు సంక్షేమం, అంగన్ వాడీ కార్యక్రమాలు, వైయస్.ఆర్. సంపూర్ణ పోషకాహార పధకం, వైయస్.ఆర్. సంపూర్ణ పోషకాహారం ప్లస్ పధకం,  టిడ్కో గృహాలు, రిజిస్ట్రేషన్లు అంశాలు, ఆన్ లైన్ లో వచ్చిన ఫిర్యాదులను పరిష్కరించడంలో ఎదురవుతున్న ఇబ్బందులు, వైయస్.ఆర్. జలకళ, క్లాప్, మరుగుదొడ్లు, ఇతర ప్రభుత్వ కార్యాలయాల నిర్మాణ కార్యక్రమాలు పూర్తి స్థాయిలో అమలు చేయాలని ఆదేశాలు ఇచ్చారు. ప్రభుత్వం నిర్ధేశించిన పధకాలలో ఏ ఒక్కదానిని కూడా విస్మరించకుండా పూర్తి స్థాయిలో అమలు చేసేలా చూడాలని జిల్లా అధికారులను ఆదేశించారు. మండలాల వారీగా అధికారులతో జిల్లా కలెక్టర్ మాట్లాడుతూ వచ్చే సోమవారం నాటికి పూర్తి స్థాయి నివేదికలతో సమావేశంలో పాల్గొనాలని ఆదేశించారు.  ఇక నుంచి జిల్లా అధికారులతో పాటు, డివిజన్, మండల, గ్రామ స్థాయి అధికారులు వారికి నిర్దేశించిన  ప్రాంతాలలో క్షేత్ర స్థాయిలో పర్యటించి పరిస్థితులను అవగాహన చేసుకొని సంక్షేమ పధకాలను సమస్యలు లేకుండా ప్రజలకు అందేలా చర్యలు తీసుకోవాలన్నారు.  ప్రతి ఒక్క పధకం అమలులో తహశీల్దార్, యంపీడీఓ లతో పాటు సంబంధిత శాఖల మండల అధికారులు భాగస్వామ్యులై లక్ష్యాలను పూర్తి చేసేందుకు చర్యలు తీసుకోవాలని ఆదేశించారు.  సమీక్షా సమావేశంలో సంయుక్త కలెక్టర్ జి. రాజ కుమారి, డిప్యూటీ కలెక్టర్ లలితా, హౌసింగ్ పీడీ సాయి నాథ్, జెడ్పీ సిఈఓ డా. శ్రీనివాస రెడ్డి, డి యం అండ్ హెచ్ ఓ డా. జే. యాస్మిన్,  మహిళా శిశు సంక్షేమ శాఖ పీడీ మనోరంజని, పంచాయితీ రాజ్ ఎస్ ఈ బ్రహ్మయ్య, మెప్మా పీడీ సత్యనారాయణ, లీడ్ బ్యాంక్ మేనేజర్ రాంబాబు, సీపీఓ శేషశ్రీ, ఈడియం రత్నం,  రాష్ట్రీయ బాల స్వస్థ జిల్లా  కో ఆర్డినేటర్ డా. జి. మాధవి, కలక్టరేట్ ఏఓ తాతా మోహన్ రావు, జి సెక్షన్ సూపరింటెండెంట్ లీలా సజీవ కుమారి తదితరులు పాల్గొన్నారు. 

కక్షిదారులకు సమన్యాయం చేసే విధంగా క్రుషి చేస్తానని, ప్రభుత్వ సేవలు అందించడా నికి పూర్తిస్థాయిలో క్రుషిచేస్తానని  రాజమహేంద్రవరం జిల్లా కోర్ట్ లో జిల్లా ప్రధాన న్యాయ మూర్తి  పి.వెంకట జ్యోతిర్మ యి పేర్కొన్నారు.  సోమవారం జిల్లాలో నూతనంగా బాధ్యతలు స్వీకరించిన అనంతరం ఆమె మీడియాతో మాట్లాడారు.  ప్రకాశం జిల్లా ఒంగోలు లో జిల్లా ప్రధాన న్యా య మూర్తి గా విధులు నిర్వర్తిం చి, బదిలీ పైరాజమహేంద్రవరం జిల్లా కోర్ట్ కి వచ్చినట్టు పేర్కొన్నారు. పాత తూర్పు గోదావరి జిల్లా పరిధిలో ప్రస్తుతం ఉన్న 3 జిల్లాల కోర్టులు తన పరిధిలో కి వస్తాయన్నారు. అనంతరం కోర్ట్ ప్రాంగణంలో చలివేంద్రాన్ని ప్రారంభించారు. ఈ సందర్భంగా సిబ్బంది జడ్జిని మర్యాద పూర్వకంగా కలిసి విభాగాల వారీగా పరిచయాలు సచేకుని శుభాకాంక్షలు తెలియజేశారు. ఈ కార్యక్రమంలో జిల్లా కోర్టు కార్యాలయ సిబ్బంది, పలువురు న్యాయవాదులు, ప్రభుత్వ న్యాయవాదులు తదితరులు పాల్గొన్నారు.