ఘనంగా శిష్టకరణం యువత ఉగాది వేడుకలు..

విశాఖ పౌర గ్రంథాలయంలో ఉగాది వేడుకలు అనే పేరుతో బాలబాలికల చే వివిధ సాంస్కృతిక కార్యక్రమాలు నిర్వహించి తదనంతరం వారికి బహుమతులు అందజేసే కార్యక్రమాన్ని  శిష్టకరణం యువత వెల్ఫేర్ సొసైటీ ఎంతో ఘనంగా నిర్వహించారు. అంతర్జాతీయ స్థాయి కూచిపూడి నాట్యం శ్రీ సాయినాథ్ కళాసమితి నిర్వాహకులు పక్కి అరుణ్ కుమార్ సాయి నేతృత్వంలో విభిన్నమైన కూచిపూడి నృత్యాలు చిన్నారులు వేసి ఆహుతులను మైమరిపించారు. థియేట్రికల్ ఆర్ట్స్ అధినేత నాగరాజు పట్నాయక్ నేతృత్వంలో చిన్నారుల బృందం వివిధ జానపద నృత్యాలను ప్రదర్శించి ప్రపంచంలోని వివిధ దేశాల జానపద నృత్య రీతులను కళ్లకు కట్టినట్లు చూపించారు. వచ్చిన ఆహుతులు సభా వేదిక మీద ఉన్న ప్రత్యేక అతిథులు శిష్టకరణం చిన్నారులు చూపిన ప్రతిభ ను అద్భుతంగా ఉందని అని కొనియాడారు. ఇలాంటి కార్యక్రమాన్ని నిర్వహించిన శిష్టకరణం యువత బృందాన్ని ప్రత్యేకంగా అభినందించాలని ఎందుకు అంటే చిన్నారుల్లో ఉండే కళలను ప్రోత్సహిస్తే వారు భవిష్యత్తులో ఆ కళల పట్ల ఆసక్తితో ఉన్నత స్థాయికి చేరుతారని ఈ విధంగా కృషి చేస్తున్నాను మానాపురం సురేష్ కుమార్ ని తప్పక అభినందించాలని వక్తలు ప్రసంగించారు. ముఖ్యఅతిథిగా విచ్చేసిన జిహెచ్ఎంసి కోఆప్షన్ సభ్యులు బెహరా భాస్కరరావు మాట్లాడుతూ శిష్టకరణం యువత ప్రారంభించి రెండు సంవత్సరాల నప్పటికీ ప్రతి నెలా ఏదో సేవా కార్యక్రమం   చేస్తూ ఎందరో కళాకారులను ప్రోత్సహిస్తున్నారని అదేవిధంగా ఆపదలో ఉన్న వారికి ఆదుకున్నారని ఈ విధంగా నిరంతరం కార్యక్రమాలు చేసే మానాపురం సురేష్ కుమార్ ని తప్పక అభినందించాలని కులం పట్ల సంఘం పట్ల ఎంతో నిబద్ధతతో కార్యక్రమం నిర్వహిస్తున్నారు యువత బృందాన్ని అభినందించారు. ఈ కార్యక్రమంలో  సంఘానికి సేవ చేస్తున్న ఉమామహేశ్వర రావుని డబ్బీరు శ్రీకాంత్ ని పక్కి అరుణ్ సాయి కుమార్ ని నాగరాజు పట్నాయక్ , జాతీయ జర్నలిస్టుల సంఘము కార్యదర్శి వైజాగ్ జర్నలిస్ట్ లు ఫోరమ్ అధ్యక్షుడు గంట్ల శ్రీనుబాబు కార్పొరేషన్ డైరెక్టర్ సదాశివుని కృష్ణ డబ్బీరు ప్రశాంతి పట్నాయక్ సన్మానించారు. ఈ కార్యక్రమాన్ని శిష్టకరణం యువత అధ్యక్షులు సదాశివుని రమ శంకర్రావు సురేష్ కుమార్ ల సారథ్యంలో లో ఘనంగా నిర్వహించేందుకు సభ్యులందరూ వీరిని అభినందించారు వీటి ద్వారానే మరిన్ని కార్యక్రమాలు సమాజంలో జరపాలని చిన్నారులను ప్రోత్సహించాలని రమా శంకర్రావు మీడియాతో మాట్లాడుతూ అన్నారు.

ఘనంగా స్మార్ట్ సిటీ రిపోర్టర్స్ వెల్ఫేర్ అసోసియేషన్ ఉగాది వేడుకలు..

సమాజానికి నిలువెత్తు అద్దం పాత్రికేయులేనని పలువురు వక్తలు పేర్కొన్నారు. మంగళ వారం ఉదయం నుండి సాయంత్రం వరకు సింధూర ఫంక్షన్ హాల్ లో స్మార్ట్ సిటి రిపోర్టర్స్ వెల్ఫేర్ అసోసియేషన్ ఆధ్వర్యంలో ఉగాది సంబరాలు జరిగాయి.  మిలీనియం సాప్ట్ వేర్ సొల్యూషన్స్ సి.ఈవో  జి.శ్రీధర్ రెడ్డి ముఖ్య అతిథిగా పాల్గొని స్మార్ట్ సిటీ రిపోర్టర్స్ వెల్ఫేర్ అసోసియేషన్ చేస్తున్న సేవలను అభినందించారు. ముందుగా పిళ్లా శర్మ పంచాంగ పఠణంతో ఉగాది సంబరాల కార్యక్రమం

ప్రారంభమైంది. ముఖ్య అతిధులకూ సభ్యులకూ ఆయన పండిత ఆశీర్వాదం అందజేశారు. కార్యక్రమానికి ఈటీవీ ఫేమ్ ఎమ్మెస్సార్ నాయుడు, సీనియర్ జర్నలిస్ట్ పద్మజ వ్యాఖ్యాతలుగా వ్యవహరించారు. ఈ కార్యక్రమంలో భాగంగా మధురవాడ జాతర  ప్రాంతంలోని ప్రముఖ నాట్యాచార్యులు మురళి గోవింద్ నిర్దేశకత్వంలో చిన్నారులు శాస్త్రీయ జానపద నృత్య రీతులను ప్రదర్శించారు. జర్నలిస్ట్ లీలా ప్రసాద్ మిమిక్రీ తో, దేవీ ప్రసాద్ జానపద గీతాలతో అలరించారు.  కార్యక్రమంలో భాగంగా జర్నలిస్టులు శ్రీమతులు పద్మజ, ప్రసన్న, శిరీష, మాణిక్యాంబ, రోజ, సంధ్య, వెంకటలక్ష్మి, జ్యోతి లతో పాటు శ్రీయుతులు ఎమ్.వి.ఎస్ అప్పారావు, ఆదినారాయణ, సూరిబాబు, రంగధామ్, ఈశ్వరరావు, అబ్బిరెడ్డి చంద్రశేఖర్, బాలు పాత్రో, ఎస్.ఎస్.నాయుడు, ఎం.పి.ఎ.రాజు, ఎం.లక్ష్మణ్ యాదవ్, జోగ శ్రీనివాసరావు, రిషికేష్, ఎల్లాజీరావు, ఎన్. 

అశోక్ రెడ్డి, లీలా ప్రసాద్, మోహనరావు లకు ఉగాది పురస్కారాలను ఇచ్చి గౌరవించారు. ఈ సందర్భంగా నిర్వహించిన సభా వేదికపై ముఖ్యఅతిథిగా పాల్గొన్న మిలీనియం సాఫ్ట్ వేర్ సొల్యూషన్స్ సి.ఈ.వో శ్రీధర్ రెడ్డి మాట్లాడుతూ బంగారు అశోక్ కుమార్ ఆధ్వర్యంలో జర్నలిస్టులకు మెరుగైన సేవా కార్యక్రమాలు జరుగుతున్నాయని అభినందించారు.  జర్నలిస్టుల సంక్షేమం పట్ల చిత్తశుద్ధితో అశోక్ కుమార్ ఆధ్వర్యంలోని బృందం విశేషంగా కృషి చేస్తుందని అభినందించారు. హుదూద్ కాలం లోనూ, కరోనా కష్ట పరిస్థితుల్లోనూ స్మార్ట్ సిటీ రిపోర్టర్స్ వెల్ఫేర్ అసోసియేషన్ సభ్యులకు అండగా నిలిచిన తీరు ఆదర్శంగా ఉందని శ్రీధర్ రెడ్డి భావించారు. రాజ్యసభ సభ్యులు విజయసాయి రెడ్డి తరపున తాను ఈకార్యక్రమంలో పాల్గొన్నట్లుగా ఆయన వెళ్లడించారు. సమాజ సేవలో అహర్నిశలు కృషి చేస్తుండే జర్నలిస్టులకు ఎప్పుడూ అండగా ఉండాలనే ఎమ్.పి విజయసాయి రెడ్డి ఆదేశాలను తప్పకుండా పాటిస్తామన్నారు. అన్ని వేళల జర్నలిస్టులు వారి కుటుంబ సభ్యులకు అండగా ఉంటామని ఈసందర్భంగా మిలీనియం సాప్ట్ వేర్ సొల్యూషన్స్ సి.ఈవో శ్రీధర్ రెడ్డి ప్రకటించారు. జి.వి.ఎమ్.సి మాజీ డిప్యూటీ మేయర్ రంగస్థలం సంస్థల కళాకారుల ప్రోత్సాహకులు దాడి సత్యనారాయణ గౌరవ అతిథిగా ప్రసంగం చేశారు. ఈ సందర్భంగా ఆయన మాట్లాడుతూ జర్నలిస్టుల సహకారంతోనే సమాజంలో పలువురు గుర్తింపును గౌరవాన్ని జనాదరణనూ పొందుతున్నారని పేర్కొన్నారు.  అందులో తాను ఉన్నానని చెబుతూ జర్నలిస్టులతో తనకున్న అనుబంధాన్ని గుర్తు చేసుకున్నారు. అన్ని వేళలా జర్నలిస్టుల వారి కుటుంబ సభ్యులకు కళాకారులకు ఎటువంటి సేవలైన అందించేందుకు అయినా తాను సిద్ధంగా ఉంటానని ఆయన వెల్లడించారు. ఇదే వేదిక పై సీనియర్ జర్నలిస్టులు నాగన బోయిన నాగేశ్వరరావు, అప్పారావుపాత్రుడు.,  కె.చంద్రమోహన్ మాట్లాడుతూ జర్నలిస్టులకు అండగా నిలుస్తున్న ప్రతి ఒక్కరికి కృతజ్ఞతలు తెలియజేశారు. జర్నలిస్టులు పూర్తిస్థాయిలో తమ సమయాన్ని సమాజానికి ఉపయోగపడే సేవలులో నిమగ్నమై ఉంటామని వెల్లడించారు. ఇప్పటికే పలువురు జర్నలిస్టులు హుధుద్ సమయంలోనూ, కరోనా సమయంలోనూ ఇబ్బందులు ఎదుర్కొన్నారని గుర్తు చేశారు. విధి నిర్వహణలో కొందరు జర్నలిస్టులు ప్రాణాలను సైతం కోల్పోయారని విచారం వ్యక్తం చేశారు. ఈ నేపథ్యంలో స్మార్ట్ సిటీ అసోసియేషన్ తరపున అధ్యక్షులు బంగారు అశోక్ కుమార్ సభ్యులైన ప్రతి ఒక్కరికి వారి కుటుంబ సభ్యులకు అవసరమైన సేవలను అందించడం అభినందనీయమన్నారు. ఇప్పటికే రక్తదాన శిబిరాలు, ఉచిత వైద్య శిబిరాలు, పేద విద్యార్థులకు సహాయ కార్యక్రమాలు ఇలా  పలు విధాలుగా జర్నలిస్టులు వారి కుటుంబ సభ్యులకు అశోక్ కుమార్ అండగా నిలిచారని గుర్తు చేశారు. సభకు అధ్యక్షత వహించిన స్మార్ట్ సిటీ రిపోర్టర్స్ వెల్ఫేర్ అసోసియేషన్ అధ్యక్షులు బంగారు అశోక్ కుమార్ మాట్లాడుతూ అసోసియేషన్ తరపున అందించే ప్రతి సేవా కార్యక్రమంలో ఎందరో అందిస్తున్న సహాయ సహకారాలు ఉన్నాయన్నారు.  అత్యధిక సంఖ్యలో జర్నలిస్టులకు సహాయపడడంలో  దొరికే ఆనందం మాటలతో చెప్పలేనిది అన్నారు.  తమ ఈ లక్ష్యానికి చేదోడుగా నిలుస్తున్న దాతలు పోలీసులు సామాజిక సంఘ సేవ ఆసక్తి పరులు, రాజకీయ పక్షాలు ఇతరులు అందరికీ అసోసియేషన్ కృతజ్ఞతతో ఉంటుందన్నారు. నిబద్ధత క్రమశిక్షణలతో జర్నలిస్టులు వారి కుటుంబ సభ్యులను ఆదుకోవాలనే లక్ష్యంతో ముందుకు సాగుతున్నా రిపోర్టర్స్ వెల్ఫేర్ అసోసియేషన్ సొంతంగా ఒక భవనాన్ని ఏర్పాటు చేసుకోవడం ద్వారా అవసరమైన నిధులను సమకూర్చుకొని అవసరమైన అన్ని సేవలను అందించగలిగితే తమ లక్ష్యం నెరవేరినట్లేనని ఈసందర్భంగా స్మార్ట్ సిటీ రిపోర్ట్స్ వెల్ఫేర్ అసోసియేషన్ వ్యవస్థాపక అధ్యక్షులు బ్యంగారు అశోక్ కుమార్ వెల్లడించారు. ఇదే కార్యక్రమంలో సభ్యులైన వారికి ఉగాది పర్వదినాన్ని పురస్కరించుకుని ఉగాది పచ్చడి స్వీట్స్ నిత్యావసర సరుకులు వంటివి అతిధుల చేతుల మీదుగా పంపిణీ చేశారు. హాజరైన సభ్యులకు ఉగాది పచ్చడి  విందు అందజేశారు.ఈ కార్యక్రమంలో ఎస్.సి.ఆర్.డబ్ల్యూ.ఏ సభ్యులు పాల్గొన్నారు.

డా.బీఆర్ అంబేద్కర్ గురుకులాల్లో ప్రవేశాలకు ఆహ్వానం..

విజయనగరం జిల్లాలోని డాక్ట‌ర్ బిఆర్ అంబేద్క‌ర్ గురుకుల విద్యాల‌యాల్లో 5వ త‌ర‌గ‌తి, ఇంట‌ర్‌లో ప్ర‌వేశాల‌కు అర్హులైన విద్యార్థులు ద‌ర‌ఖాస్తు చేసుకోవాల‌ని జిల్లా క‌లెక్ట‌ర్ ఎ.సూర్య‌కుమారి కోరారు. ఈ ప్ర‌వేశాల‌కు సంబంధించిన క‌ర‌ప‌త్రాల‌ను సోమ‌వారం క‌లెక్ట‌రేట్ ఆడిటోరియంలో ఆవిష్క‌రించారు. ఈ సంద‌ర్భంగా క‌లెక్ట‌ర్ మాట్లాడుతూ, 2022-23 విద్యాసంవ‌త్స‌రానికి సంబంధించి జిల్లాలోని 10 గురుకులాల్లో ప్ర‌వేశాల కోసం ఈనెల 31లోగా ద‌ర‌ఖాస్తు చేసుకోవాల‌ని సూచించారు. 4వ త‌ర‌గ‌తి చ‌దువుతున్న విద్యార్థులు ఐదో త‌ర‌గ‌తిలో, ప‌దో త‌ర‌గ‌తి విద్యార్థులు ఇంట‌ర్‌లో ప్ర‌వేశానికి, ఆన్‌లైన్ ద్వారా ద‌ర‌ఖాస్తు చేసుకోవ‌చ్చ‌ని సూచించారు. అంబేద్క‌ర్ గురుకుల విద్యాల‌యాలు బాలుర‌కు చీపురుప‌ల్లి, నెల్లిమ‌ర్ల‌, వియ్యంపేట‌, వేపాడ‌, కొమ‌రాడ‌, గ‌రుగుబిల్లి, బాలిక‌ల‌కోసం బాడంగి, కొప్పెర్ల‌, సాలూరు, పార్వ‌తీపురంలో ఉన్నాయ‌ని తెలిపారు. వీటిలో ప్ర‌వేశాల‌కు  వ‌చ్చేనెల 24న ప్ర‌వేశ‌ప‌రీక్ష జ‌రుగుతుంద‌ని తెలిపారు. వివ‌రాల‌కోసం స‌మీపంలోని అంబేద్క‌ర్ గురుకుల పాఠ‌శాల‌, నెట్ సెంట‌ర్ లేదా ఫోన్ నెంబ‌ర్ 8333033434 కు సంప్ర‌దించ‌వ‌చ్చ‌ని సూచించారు. ఈ క‌ర‌ప‌త్రాల‌ ఆవిష్క‌ర‌ణ‌ కార్య‌క్ర‌మంలో గురుకుల విద్యాల‌యాల జిల్లా స‌మ‌న్వ‌యాధికారి బ‌ల‌గ చంద్ర‌వ‌తి, సిబ్బంది పాల్గొన్నారు.

భక్తుల కొంగు బంగారం శ్రీ కనకమహాలక్ష్మీ..

భక్తుల కొరిన కోర్కెలు తీర్చే కల్పవల్లిగా శ్రీకనక మహాలక్ష్మీ అమ్మవారు పేరుగాంచారని విశాఖ పోర్టు ట్రస్టు చైర్మన్‌ కె.రామ్మోహన్‌రావు అన్నారు. ఆదివారం శ్రీ కనకమహాలక్ష్మీ అమ్మవారి ఆలయంలో జీవీఎంసీ డిప్యూటీ కమిషనర్‌ ఆఫ్‌ రెవెన్యూ (డిసిఆర్‌) పి.నల్లనయ్య రూపొందించిన భక్తిపాటల సిడీని రామ్మోహన్‌రావు ముఖ్యఅతిథిగా హాజరై ప్రారంభించారు. ఈ సందర్భంగా ఆయన మాట్లాడుతూ, అమ్మవార్లు మహిమలను ప్రజలందరికీ తెలియజేసే విధంగా ఇటువంటి సిడీలు రూపొందించడం అభినందనీయమన్నారు. నగర మేయర్‌ గొలగాని హరి వెంకట కుమారి మాట్లాడుతూ రాష్ట్రంలో పలు దేవాలయాల చరిత్రలను తెలియజేసే విధంగా నల్లనయ్య  భక్తి గీతాల సీడిలను తీసుకురావడం ప్రశంసనీయమన్నారు. ఒక వైపు విధులు నిర్వహిస్తునే మరో వైపు ఆధ్యాత్మిక భక్తి భావాల్లో ముందుకు సాగడం చాలా అభినందనీయమని నల్లనయ్య ప్రతిభను కొనియాడారు. విశిష్ట అతిథిగా హాజరైన అప్పన్న ధర్మకర్తల మండలి ప్రత్యేక ఆహ్వానితులు, జాతీయ జర్నలిస్టుల సంఘం కార్యదర్శి, వైజాగ్‌ జర్నలిస్టుల ఫోరం అధ్యక్షుడు గంట్ల శ్రీనుబాబు మాట్లాడుతూ ఇప్పటికే శ్రీకూర్మం,రామతీర్థం, సింహచలం పుణ్యక్షేత్రాలకు సంబంధించి చరిత్రలను భక్తి గీతాల రూపంలో అనువదించిన నల్లనయ్య ఇప్పుడు కనకమహాలక్ష్మీ  ఆలయ చరిత్రను తెలియజేసే విధంగా సిడీని తయారు చేయడం ప్రశంసనీయమన్నారు. ఈ కార్యక్రమంలో గీత రచయిత పల్లి లక్ష్మీ,  శ్రీ కనకమహాలక్ష్మీ అమ్మవారి దేవస్ధానం చైరపర్సన్‌ కొల్లి సింహాచలం, ట్రస్టీలు వంకయాల మూరుతి ప్రసాద్‌, బుద్దల అనురాధ, మాతా రికార్డింగ్‌ చైర్మన్‌ పల్లి నాగభూషన్‌, కలియుగ బిరుదుకాంతిడు బిన్నాల నరసింహమూర్తి, గాయకులు శాంతి వేణుమాధవ్‌, శ్రీలత, సంగీతం వేణుమాధవ్‌చ సిఎస్‌ఎస్‌ మురళీ పాల్గొన్నారు. 

సార్వత్రిక సమ్మెకు కాకినాడ పౌరసంక్షేమ సంఘం సంపూర్ణ మద్దతు..

దేశవ్యాప్తంగా ఈనెల 28,29 తేదీల్లో సార్వత్రిక సమ్మె జయప్రదానికి భారతీయ పౌర సమాజం సంపూర్ణ సంఘీభావం తెలియజే స్తున్నదని పౌరసంక్షేమ సంఘం కన్వీనర్ దూసర్లపూడి రమణ రాజు ఒక ప్రకటనలో పేర్కొన్నారు. ఈ మేరకు ఆదివారం కాకినాడలో మీడియాకి ప్రకటన విడుదల చేశారు. కార్మిక సంక్షేమం కుంటుపడితే దేశఆర్థిక స్వావలంబన విషవలయంలో చిక్కు కుంటోందన్నారు.  కాంట్రాక్ట్ కార్మికులను పర్మినెంట్ చేసి సమాన పనికి సమాన వేతనం కల్పించాలని, అంగన్ వాడి, ఆశ, మధ్యాహ్న భోజనం మున్నగు స్కీమ్ వర్కర్లకు కనీస వేతనం, సామాజిక భద్రతపథకాల అమలుతో సర్వీస్ క్రమబద్దీకరణ చేపట్టాలని డిమాండ్ చేశారు. మహాత్మా గాంధీ జాతీయ గ్రామీణ ఉపాధి హామీ పథకానికి  బడ్జెట్ పెంచి పట్టణ నగర ప్రాంతాలకు విస్తరించాలన్నారు. ఆదాయపు పన్ను పరిధిలో లేని కార్మిక కుటుంబాలకు ఆహార ఉపాధికి నెలకు రూ.7,500 ఇవ్వాలని, సంయుక్త కిసాన్ మోర్చా వంటి 6అంశాలపై ఛార్టర్డ్  డిమాండ్స్, కనీస వేతనాల జీవో  అమలు చేయాలన్నా రు. రు.26,500కు కనీస వేతనం పెంచాలని ప్రభుత్వ రంగ సంస్థల్లో  డిజిన్వెస్ట్ మెంట్ విధానం, జాతీయ మానిటైజేషన్ ఉపసంహరించాల న్నారు. ఉరితాళ్లుగా మారిన 4లేబర్ కోడ్ లు ఎసెన్షియల్ డిఫెన్స్ సర్వీసెస్ యాక్ట్ రద్దు చేయాలని కాకినాడ పౌరసంక్షేమ సంఘం కన్వీనర్ దూసర్లపూడి రమణ రాజు మీడియాకి విడుదల చేసిన ప్రకటనలో డిమాండ్ చేశారు. 

ఆ తప్పుడు వాయిస్ మెసేజ్ నమ్మవద్దు..

సామాజిక మాద్యమాల్లో ఏఎన్ఎం లకు ఇన్ సర్వీసు క్రింద ఇచ్చే జిఎన్ఎం స్టాఫ్ నర్సు శిక్షణ విషయంలో అభ్యర్ధులను తప్పుదేవ పట్టించే విధంగా ట్రోల్ అవుతున్న తప్పుడు వాయిస్ మెసేజ్ పట్ల అప్రమత్తంగా ఉండాలని తూర్పుగోదావరి జిల్లా వైద్యఆరోగ్యశాఖ అధికారిణి డా.బొడ్డేపల్లి మీనాక్షి సూచించారు. ఈ మేరకు ఆమె ఈఎన్ఎస్ తో శనివారం ప్రత్యేకంగా మాట్లాడారు. ఏఎన్ఎం నుంచి జిఎన్ఎం శిక్షణకు వెళ్లేవారందకా శిక్షణ తరువాత ఉద్యోగాలు రావని, వారంతా కాంట్రాక్టు విధానంలోనే ఉద్యోగాలు చేయాలనే విషయాన్ని ఉటంకిస్తూ ఒక మహిళ వాయిస్ మెసేజ్ జిల్లా వ్యాప్తంగా సామాజిక మాద్యమాల్లో ట్రోల్ అవుతున్న విషయం తమ ద్రుష్టికి వచ్చిందన్నారు. అయితే అలాంటి వాటిని అభ్యర్ధులు ఎవరూ నమ్మవద్దని, ఇన్ సర్వీస్ ఏఎన్ఎంలకు జిఎన్ఎం స్టాఫ్ శిక్షణ విషయంలో ప్రభుత్వ నిబంధనలను మాత్రమే అమలు చేస్తామని డిఎంహెచ్ఓ సూచిస్తున్నారు. ఎరికైనా ఇలాంటి తప్పుడు మెసేజ్ లు వస్తే జిల్లా కార్యాలయంలో తమను సంప్రదించాలి తప్పితే ఎవరో ఊరు పేరు లేని వ్యక్తులు పెట్టే తప్పుడు వాయిస్ మెసేజ్ లను నమ్మవద్దని, ఒక వేళ అలాంటి నకిలీ మెసేజ్ లు విని భయపడటం ద్వారా ఇబ్బందులు పడతారని మీడియా ద్వారా డిఎంహెచ్ఓ డా.బొడ్డేపల్లి మీనాక్షి ఇన్ సర్వీస్ స్టాఫ్ నర్స్ శిక్షణకు వెళ్లే ఏఎన్ఎంలకు సూచించారు. 

ఫ్లోటింగ్ జెట్టీకోసం స్థలం గుర్తింపు..

విజయగరం జిల్లా పూసపాటిరేగ మండలంలోని చింతపల్లిలో ప్రభుత్వం నిర్మించ తలపె ట్టిన ఫ్లోటింగ్ జెట్టీ పనులు వేగం పుంజుకున్నట్టు కనిపిపస్తున్నాయి. ఈ మేరకు శుక్రవారం మత్స్యశాఖ అదనపు సంచాలకులు ఎన్.నిర్మలకుమారి ఆధ్వర్యంలో తహశీల్దార్ క్రిష్ణమూర్తి మరియు రెవిన్యూ సిబ్బంది స్థలాన్ని గుర్తించారు. ప్రభుత్వ ఆదేశాల మేరకు జెట్టీ నిర్మాణం కోసం ఆరు ఎకరాల స్థలాన్ని గుర్తించి వాటిని జియో ట్యాగింగ్ చేసి వివరాలను రాష్ట్ర కార్యాలయానికి నివేదించారు. ఇటీవలే ఈ ప్రాంతంలో ఫ్లోటింగ్ జెట్టీ నిర్మాణం కోసం కేంద్ర కమిటీ ఆధ్వర్యంలో పరిశీలన కూడా జరిగింది. ఆ తరువాత దాని నిర్మాణ విషషయంలో ప్రభుత్వం ముందడుగు వేయడంతో పురోగతిని సంతరించుకుంది. ఈ కార్యక్రమంలో జిల్లా మత్స్య సహకార సంఘం అధ్యక్షుడు బర్రి చినప్పన్న, మత్స్యశాఖ ఏడి కిరణ్ కుమార్, ఎఫ్ డిఓ చాందిని,  గ్రామీణ మత్స్యసహాయకులు, మత్స్యకార సంఘాల ప్రతినిధులు తదితరులు పాల్గొన్నారు.

విశాఖలో 26 నుంచి చేనేత వస్త్ర ప్రదర్శన..

మహా విశాఖనగరంలోని 26వ తేదీ నుంచి జిల్లా హ్యాండ్లూమ్ ఎక్స్ పో- 2022  చేనేత వస్త్ర ప్రదర్శన అమ్మకాలు ప్రారంభిస్తున్నట్టు  విజయవాడ చేనేత సేవా కేంద్రం విశాఖలోని మీడియాకి  ప్రకటన విడుదల చేసింది.  జీవీఎంసీ కమిషనర్ లక్ష్మిశ శనివారం ఉదయం గం.11-00 లకు ఈ ప్రదర్శనను ప్రారంభిస్తారని తెలియజేశారు. ఎగ్జిబిషన్ 26 వ తేదీ నుండి 30 వ తేదీ వరకు ఉదయం గం. 11-00 నుండి రాత్రి గం.9-00 ల వరకు సెలవు రోజు లతో సహా అన్ని రోజులు ఉంటుందని పేర్కొన్నారు.. డైమండ్ పార్క్ దగ్గర గల శంకర మఠం ఎదురుగా భక్త మార్కండేయ పద్మశాలి భవనం లో ఏర్పాటు చేస్తున్నట్టు తెలియజేశారు. చేనేత యొక్క విశిష్టత తెలిసేలా చేయడం, చేనేత కార్మికులకు ప్రోత్సాహాన్ని అందించే ఉద్దేశంతో ఏర్పాటు చేస్తున్నట్టు పేర్కొన్నారు. ఈ ఎగ్జిబిషన్ లో చీరలు డ్రెస్ మెటీరియల్ ఖద్దరు వస్త్రాలు ఇతర చేనేత వస్త్రాలు దుస్తులు ఉంటాయని, ప్రజలందరూ విచ్చేసి కొనుగోలు చేసి చేనేతను ప్రోత్సహించవలసిన దిగా చేనేత సేవాకేంద్రం నిర్వాహకులు కోరుతున్నారు.

ఈ ఒక్క వీడియోతో మీరు 20శాతం ఇంగ్లీషులో మాట్లాడతారు.

దిశ వాహనాలతో మహిళలకు మరింత రక్షణ..

విశాఖలో 31న జర్నలిస్ట్ ల ఉగాది సంబురాలు.. గంట్ల శ్రీనుబాబు

ఆంధ్ర ప్రదేశ్ వర్కింగ్ జర్నలిస్టుల ఫెడరేషన్,ఆంధ్రప్రదేశ్ బ్రాడ్ కాస్ట్ జర్నలిస్టుల అసోసియేషన్ ల ఆధ్వర్యంలో (సంయుక్తంగా )ఈనెల 31 తేదీన శ్రీ శుభకృత్ నామ సంవత్సర ఉగాది సంబరాలను ఘనంగా నిర్వహించనున్నట్లు జాతీయ జర్నలిస్టుల సంఘం కార్యదర్శి, ఏపీ వర్కింగ్ జర్నలిస్టుల ఫెడరేషన్ రాష్ట్ర కార్యదర్శి గంట్ల శ్రీనుబాబు తెలిపారు. విశాఖలోని  వి జె ఎఫ్ వినోద వేదికక లో జరిగిన కార్యవర్గ సమావేశానికి ఏపీ డబ్ల్యూజేఎఫ్ నగర అధ్యక్షులు పి. నారాయణ్ అధ్యక్షత వహించారు. ఈ సందర్బంగా గంట్ల శ్రీనుబాబు మాట్లాడుతూ నిరంతరం మానసిక ఒత్తిడికి లోనయ్యే జర్నలిస్టులు వారి కుటుంబ సభ్యులకు ఆటవిడుపుగా ఈ సంబరాలు నిర్వహిస్తున్నామని, జర్నలిస్టుల సంక్షేమంతో పాటు వినోద కార్యక్రమాలు కూడా నిర్వహించడం జరుగుతోందన్నారు. ఆరోజు ఉదయం 10 గంటలకు వైశాఖ జలఉద్యానవనములో ఈ వేడుకలు మొదలవుతాయని పంచాంగ శ్రవణం,లక్కీ డిప్, సంస్కృతిక కార్యక్రమాలు ప్రత్యేక ఆకర్షణగా నిలవనున్నాయని చెప్పారు. ఈ సందర్బంగా సీనియర్ జర్నలిస్టులను సత్కరిస్తామన్నారు. ఏపీడబ్ల్యుజేఎఫ్ నగర అధ్యక్షులు పి.నారాయణ్ మాట్లాడుతూ ప్రతి ఏటా మాదిరిగానే ఈ ఏడాది కూడా ఉగాది సంబరాలను వైశాఖి జలఉద్యానవనంలో నిర్వహిస్తున్నామని ప్రింట్ మరియు ఎలక్ట్రానిక్ మీడియా జర్నలిస్టులు తమ కుటుంబాలతో పెద్ద సంఖ్యలో హాజరు కావాలని కోరారు.ఉదయముఅల్పాహారంనుంచి విందు భోజనంవరకూ ఆయా కార్యక్రమాలు నిర్వహిస్తున్నట్లు చెప్పారు..ఈ సమావేశంలో ఏపీడబ్ల్యుజేఎఫ్ నగర కార్యదర్శి ఎస్. అనురాధ,ఏపీ బిజేఏ నగర అధ్యక్షుడు ఈరోతి ఈశ్వరరావు, నేషనల్ కౌన్సిల్ సభ్యులు జి. శ్రీనివాస్,కోశాధికారి బి. సీతారామమూర్తి, ఉపాధ్యక్షులు బండారు శివ ప్రసాద్,  కే. మురళీకృష్ణ, ఇతర ప్రతినిధులు చింతా ప్రభాకర్, ఎం. ఏ. ఎన్. పాత్రుడు, కామన్న, ఎం. వి.రాజశేఖర్ తదితరులు పాల్గొన్నారు.

ఘనంగా బంగారమ్మ పరస మహోత్సవం..

అప్పన్న సోదరి, ఏడు గ్రామల ప్రజల ఇలవేల్పు శ్రీ బంగారమ్మ తల్లి పరస మహోత్సవం అత్యంత ఘనంగా నిర్వహించారు. గురువారం తెల్లవారుజాము నుంచి వేలాది మంది భక్తులు అమ్మవారిని దర్శించుకుని తీర్థప్రసాదాలను స్వీకరించారు. ఇక సిడిగంపేటలో కొలువైన ఎల్లమ్మ తల్లి పండుగ మహోత్సవం వైభవంగా జరిపించారు. ఉదయం నుంచి పెద్ద ఎత్తున భక్తులు అమ్మవారిని దర్శించుకుని పసుపు,కుంకుమలు సమర్పించు కున్నారు. ముడుపులు,మొక్కుబడులు చెల్లించుకున్నారు.ఆయా కార్యక్రమాల్లో సింహచలం దేవస్ధానం దర్మకర్తల మండలి ప్రత్యేక ఆహ్వానితులు, జాతీయ జర్నలిస్టుల సంఘం కార్యదర్శి, వైజాగ్‌ జర్నలిస్టుల ఫోరం అధ్యక్షుడు గంట్ల శ్రీనుబాబు దంపతులు పాల్గొని ప్రత్యేక పూజులు నిర్వహించారు. అమ్మవార్లుకు పసుపు,కుంకమలు సమర్పించారు. ఈ సందర్భంగా ఎల్లమ్మ తల్లి ఆలయ కమిటీ నిర్వాహకులకు గంట్ల శ్రీనుబాబు దంపతులు రూ.25వేలు విరాళంగా అందజేశారు. ఇక వేపగుంట ప్రజల గ్రామదేవత ముత్స్యమాంబ అమ్మవారి మారువారం పండుగ మహోత్సవం ఘనంగా నిర్వహించారు. అమ్మవారిని గంట్ల శ్రీనుబాబు దంపతులు దర్శించుకని ముడుపులు,మొక్కుబుడులు చెల్లించుకున్నారు.

ఔత్సాహిక పారిశ్రామిక వేత్తలను ప్రోత్సహించాలి..

స్టాండ్ అప్ ఇండియా పధకంలో భాగంగా ఔత్సాహిక పారిశ్రామిక వేత్తలు పరిశ్రమలు పెట్టడానికి ముందుకు వచ్చేందుకు ప్రోత్సహించాలని జాయింట్ కలెక్టర్ (ఆసరా) వెంకటరావు తెలిపారు.  శనివారం కలెక్టర్ కార్యాలయ సమావేశ మందిరంలో జిల్లా స్థాయి పరిశ్రమలు మరియు ఎగుమతుల ప్రోత్సాహక కమిటీ (డి.ఐ.ఇ.పి.సి) సమావేశాన్ని నిర్వహించారు.   ఈ సందర్భంగా జాయింట్ కలెక్టర్ మాట్లాడుతూ కేంద్రప్రభుత్వం ఎస్.సి., ఎస్.టి. మహిళా పారిశ్రామిక వేత్తలను ప్రోత్సహించేందుకు స్టాండ్ అప్ ఇండియా పధకాన్ని ప్రవేశపెట్టిందని, అన్ని బ్యాంకులలో రుణ సౌకర్యం కల్పించాల్సివుంటుందన్నారు.  పరిశ్రమల ఏర్పాటుకు సంబంధించి ప్రజలలో అవగాహన కల్పించేందుకు మండల స్థాయిలో విస్తృత ప్రచారం కల్పించాలన్నారు.   ప్రభుత్వ మార్గదర్శకాలకు సంబంధించిన పూర్తి వివరాలను సర్క్యులర్ తయారుచేసి అన్ని గ్రామ, వార్డు సచివాలయాలలో ప్రదర్శించడం ద్వారా ఈ పధకం విజయవంతం అవుతుందన్నారు.  జిల్లాలో వివిధ పరిశ్రమల అభివృద్దికి సంబంధించి అధికారులతో చర్చించారు.  క్రిందటి నెలలో నిర్వహించిన డి.ఐ.ఇ.పి.సి సమావేశంలో చేపట్టిన అంశాలపై సమీక్షించారు.  భూగర్భ జలాలను వినియోగించే పరిశ్రమల వారు ఈనెలాఖరులోగా భూగర్భ జల శాఖ నుండి నిరభ్యంతర పత్రాలను (ఎన్.ఓ.సి) తప్పనిసరిగా పొందాలన్నారు.  లేని పక్షంలో సంబంధిత పరిశ్రమల యాజమాన్యంపై చర్యలు చేపట్టడం జరుగుతుందని హెచ్చరించారు.  పరిశ్రమల నుండి వెలువడే వాయు, నీటి, శబ్ద కాలుష్యాలకు సంబంధించి కాలుష్య నియంత్రణ శాఖ ద్వారా వున్న నియమనిబంధనలను కచ్చితంగా అమలు పర్చాలన్నారు.   పరిశ్రమల నిర్వహణకు అవసరమైన నీటి సరఫరాకు సంబంధించి ఇరిగేషన్, మున్సిపల్, ఎపిఐఐసి లనుండి నిబంధనలకు అనుకూలంగా తీసుకోవల్సివుంటుందన్నారు.  జిల్లా పరిశ్రమల శాఖ జనరల్ మేనేజర్ శ్రీధర్ మాట్లాడుతూ ఈ నెలలో సింగిల్ డస్క్   పోర్టల్ (ఎస్.డి.పి)లో  54 దరఖాస్తులు వచ్చాయని, వాటిలో 35 పరిశ్రమలకు అనుమతులు మంజూరు చేయడం జరిగిందన్నారు.  మిగిలినవి పరిశీలనలో వున్నాయని తెలిపారు.  ఈ సమావేశంలో డిఐఇపిసి కమిటీ మెంబర్లు ఎల్.డి.ఎం, ఎపిఐఐసి, ఎం.ఎస్.ఎం.ఇ., కాలుష్యనియంత్రణ, ఫ్యాక్టరీలు, పంచాయితీరాజ్, ఇరిగేషన్, అగ్నిమాపక, మున్సిపల్, విఎంఆర్డిఎ, కార్మిక తదితర శాఖల జిల్లా స్థాయి అధికారులు హాజరయ్యారు.

ప్ర‌త్యామ్నాయ పంట‌ల‌ను ప్రోత్స‌హించాలి..

విజ‌య‌న‌గ‌రం జిల్లాలో వ‌రి,చెర‌కు త‌దిత‌ర‌ సంప్ర‌దాయ పంట‌ల‌ బ‌దులు, రైతుల‌ను లాభ‌సాటిగా ఉండే ప్ర‌త్యామ్నాయ పంట‌ల‌వైపు మ‌ళ్లించాల‌ని జిల్లా క‌లెక్ట‌ర్  ఎ.సూర్య‌కుమారి కోరారు. రైతుల‌తో మ‌మేక‌మై, వారి స‌మ‌స్య‌ల ప‌రిష్కారానికి కృషి చేయాల‌ని వ్య‌వ‌సాయ‌శాఖాధికారుల‌కు క‌లెక్ట‌ర్‌ పిలుపునిచ్చారు.  పంట‌ల మ‌ళ్లింపు విధానంపై స్థానిక కృషిభ‌వ‌న్‌లో శ‌నివారం ఏర్పాటు చేసిన వ‌ర్క్‌షాపును క‌లెక్ట‌ర్ ప్రారంభించారు. ఈ సంద‌ర్భంగా ఆమె మాట్లాడుతూ నేల స్వ‌భావం, రైతుల స్థితిగ‌తుల ఆధారంగా ప్ర‌త్యామ్నాయ‌ పంట‌ల‌ను సూచించాల‌ని అన్నారు. ముఖ్యంగా ఆయా పంట‌ల‌కు ఉన్న‌ మార్కెట్ అవ‌కాశాల‌ను దృష్టిలో పెట్టుకొని మాత్ర‌మే పంట‌ల‌ను ఎంపిక చేయాల‌ని సూచించారు.  ఎంతో సాంకేతిక ప‌రిజ్ఞానం అందుబాటులో ఉన్న‌ప్ప‌టికీ, అది రైతుల‌వ‌ర‌కు చేర‌డం లేద‌ని అన్నారు. అధికారులు  క్షేత్ర‌స్థాయిలో విస్తృతంగా ప‌ర్య‌టించి, రైతుల‌తో మ‌మేక‌మై, వారి వాస్త‌వ అవ‌స‌రాల‌ను గుర్తించాల‌ని సూచించారు. పంట‌ల మ‌ళ్లింపుపై  రైతుల‌వారీగా, గ్రామం వారీగా ప్ర‌ణాళిక‌ను రూపొందించి, అమ‌లు చేయాల‌ని సూచించారు. మార్కెట్‌లో డిమాండ్‌ను బ‌ట్టి, ఉద్యాన‌, వాణిజ్య‌పంట‌లను సూచించాల‌న్నారు. ముందు అధికారుల దృక్ఫ‌థంలో మార్పు రావాల‌ని సూచించారు. ఈ-క్రాప్ న‌మోదు  రైతుకు కీల‌క‌మ‌ని, దీనిపై ప్ర‌తీఒక్క‌రికీ అవ‌గాహ‌న క‌ల్పించాల‌న్నారు. ముఖ్యంగా పంట పండించే ప్ర‌తీ రైతుకు మేలు చేయ‌డం మ‌న ల‌క్ష్యం కావాల‌ని చెప్పారు. రైతుల‌కు పంట రుణాలు విరివిగా ఇప్పించేందుకు కృషి చేయాల‌న్నారు. ప్ర‌కృతి వ్య‌వ‌సాయాన్నిపెద్ద ఎత్తున ప్రోత్స‌హించాల‌ని కోరారు. ప్ర‌తీ గ్రామంలో కూడా ఎంతోకొంత ప్ర‌కృతి సేద్యం చేయించాల‌ని, తద్వారా వారిని చూసి, ఇత‌ర రైతులు కూడా స్ఫూర్తి పొందే అవ‌కాశం ఉంద‌ని అన్నారు. విధి నిర్వ‌హ‌ణ‌లో మ‌న‌సుపెట్టి ప‌నిచేయ‌డం ద్వారా, మంచి ఫ‌లితాల‌ను సాధించ‌వ‌చ్చ‌ని స్ప‌ష్టం చేశారు. వ‌చ్చే ఖ‌రీఫ్ నాటికి రైతుల దృక్ఫ‌థంలో మార్పును తీసుకువ‌చ్చి, ప్ర‌త్యామ్నాయ పంట‌ల‌వైపు మ‌ళ్లే విధంగా ప్ర‌తీ వ్య‌వ‌సాయ అధికారి కృషి చేయాల‌ని క‌లెక్ట‌ర్ కోరారు. ఈ కార్య‌క్ర‌మంలో వ్య‌వ‌సాయ‌శాఖ జెడి తార‌క‌రామారావు, డిడి బిఎస్ఆర్ నందు, ఎడిఏలు, ఏఓలు, వ్య‌వ‌సాయ స‌హాయ‌కులు పాల్గొన్నారు.

ప్ర‌ణాళికాబద్ధంగా రీసర్వే ప్రక్రియ..

జ‌గ‌న‌న్న శాశ్వ‌త‌ భూహ‌క్కు, మ‌రియు భూర‌క్ష (రీ సర్వే) ప‌థ‌కాన్ని జిల్లాలో ప‌క‌డ్బంధీగా అమ‌లు చేయనున్నామని, ఈ మేరకు చర్యలు తీసుకున్నామని జిల్లా క‌లెక్ట‌ర్ డా. ఎ. మల్లిఖార్జున చెప్పారు. ప్ర‌ణాళికాబ‌ద్దంగా స‌మ‌గ్ర రీస‌ర్వే ప్ర‌క్రియ‌ను నిర్వ‌హిస్తున్న‌ట్లు ఆయన పేర్కొన్నారు. వివిధ జిల్లాల క‌లెక్ట‌ర్లు, జాయింట్ క‌లెక్ట‌ర్లతో, విజ‌య‌వాడ నుంచి భూ ప‌రిపాల‌న ప్ర‌ధాన క‌మిష‌న‌ర్ జి. సాయిప్ర‌సాద్‌, స‌ర్వే సెటిల్‌మెంట్స్ క‌మిష‌న‌ర్ సిద్దార్థ‌ జైన్ గురువారం వీడియో కాన్ఫ‌రెన్స్ నిర్వ‌హించారు. రాష్ట్ర ప్ర‌భుత్వం ఎంతో ప్ర‌తిష్టాత్మ‌కంగా చేప‌డుతున్న ఈ  రీస‌ర్వే ప్ర‌క్రియ‌ను క్షేత్ర‌స్థాయిలో క‌లెక్ట‌ర్లు ప‌ర్య‌వేక్షించాల‌ని సూచించారు. ఈ వీడియో కాన్ఫరెన్స్ కు జిల్లా నుంచి జిల్లా కలెక్టర్ డా. ఎ. మల్లిఖార్జున, జాయింట్ కలెక్టర్ ఎం. వేణుగోపాల్ రెడ్డి, డి.ఆర్.వో. శ్రీనివాసమూర్తి హాజరయ్యారు.

ఈ సంద‌ర్భంగా జిల్లా క‌లెక్ట‌ర్ మాట్లాడుతూ రీ సర్వే ప్రక్రియకు సంబంధించి జిల్లాలో ఇప్పటి వరకు చేపట్టిన చర్యలను వివరించారు. స‌ర్వే ప్ర‌క్రియను మ‌రింత వేగంగా నిర్వహించేందుకు అన్ని రకాల చర్యలు తీసుకుంటామని చెప్పారు. ప్రజలకు ఇబ్బంది లేకుండా ప్రక్రియను సజావుగా నిర్వహిస్తామని వెల్లడించారు. ఇచ్చిన ల‌క్ష్యాల మేర‌కు ఇప్పటి వరకు గుర్తించిన పది మండలాల్లో 26 గ్రామాల్లో సర్వే పూర్తి చేశామని తెలిపారు.

అంత‌కుముందు సిసిఎల్ఏ సాయిప్ర‌సాద్ మాట్లాడుతూ భూముల మ్యుటేష‌న్ కోసం ప్ర‌జ‌ల‌ నుంచి వ‌స్తున్న‌ ద‌ర‌ఖాస్తుల‌పై ప్ర‌త్యేక దృష్టి సారించాల‌ని ఆదేశించారు. తహశీల్దార్లు వాటిని ఎందుకు తిర‌స్క‌రిస్తున్నారో, తిర‌స్క‌ర‌ణ‌కు స‌రైన కార‌ణాలు ఉన్నాయో లేవోన‌ని, క్షేత్ర‌స్థాయిలో ప‌రిశీలించాల‌ని సూచించారు. ముటేషన్ ప్రక్రియకు సంబంధించి అకారణంగా ధరఖాస్తుల తిరస్కరణ ఇదే విధంగా కొనసాగితే భవిష్యత్తులో రిజెక్షన్ పవర్స్ ఆర్డీవో కి బదిలీ చేయనున్నట్లు సిసిఎల్ ఏ స్పష్టం చేశారు. కార్యక్రమంలో జాయింట్ కలెక్టర్ ఎం. వేణుగోపాల్ రెడ్డి, జిల్లా రెవెన్యూ అధికారి శ్రీనివాసమూర్తి, సర్వే విభాగం సహాయ సంచాలకులు తదితరులు పాల్గొన్నారు.