దేవాలయానికి వచ్చే భక్తుల్లో ఆధ్యాత్మిక భక్తి భావం నింపేందుకు భజన మండలిలు అందిస్తున్న సేవలు ప్రశంసనీయమని సింహాచలం దేవస్ధానం  ధర్మకర్తల మండలి ప్రత్యేక ఆహ్వానితులు, జాతీయ జర్నలిస్టుల సంఘం కార్యదర్శి, వైజాగ్ జర్నలిస్టుల ఫోరం అధ్యక్షుడు గంట్ల శ్రీనుబాబు కొనియాడారు. మంగళవారం విశాఖ కంచరపాలెం సమీపంలో ఉన్న మధుసూదన్ నగర్ దుర్గాదేవి ఆలయంలో జాతీయ జర్నలిస్టుల సంఘం కార్యదర్శిగా 2వసారి నియమితులైన గంట్ల శ్రీనుబాబు ను స్థానిక వైభవ వెంకటేశ్వర కోలాటం భజన మండలి సభ్యులు ఘనంగా సత్కరించారు. ఈ సందర్భంగా శ్రీనుబాబు మాట్లాడుతూ ఇక్కడ దేవస్థానంతో పాటు అన్ని దేవాలయాల్లోనూ ఈ భజన మండలి  తమ ప్రదర్శనలతో భక్తులను విశేషంగా అలరిస్తోంది అన్నారు..మరోవైపు  స్వామి, అమ్మవారులుని కూడా ఘనంగా కీర్తించడం అభినందనీయమన్నారు. ఆన్ని. భజన మండలలుకు అవసరమైన ప్రోత్సాహం అందించాల్సిన బాధ్యత   ఆయా  దేవాలయాల పైనే ఉందన్నారు. వైభవ వెంకటేశ్వర కోలాటం భజన మండలి అనేక ప్రదర్శనలు ఇచ్చి నగర ప్రజలను విశేషంగా అలరిస్తుందన్నారు.  ఈ భజన మండలి కి తన వంతు సంపూర్ణ సహకారం అందిస్తామని శ్రీనుబాబు హామీ ఇచ్చారు ఈ సందర్భంగా శ్రీనుబాబు ను వీరంతా ఘనంగా సన్మానించి సత్కరించారు..శ్రీ వైభవ వెంకటేశ్వర కోలాటం భజన మండలిఅధ్యక్షురాలు చిక్కాల గీతా కుమారి, కార్యదర్శి ఇరోతి శశి, కోశాధికారి మళ్ల జ్యోతి, సభ్యులు సేనాపతి మంగ, రేవతి, వెంకటలక్ష్మి,సరళ,లోవ, సత్య, సుబద్ర, తదితరులు పాల్గొన్నారు.

తిరుమలలోని అంజనాద్రిలో హనుమంతుని జన్మస్థలానికి భూమి పూజను ఫిబ్రవరి 16న మాఘ పౌర్ణమి నాడు నిర్వహించనున్నట్లు టిటిడి ఈవో డాక్టర్ కె.ఎస్.జవహర్ రెడ్డి తెలిపారు. ఆకాశ‌గంగ వ‌ద్ద భూమి పూజ ఏర్పాట్ల‌ను ఈవో, అద‌న‌పు ఈవో  ఎవి.ధ‌ర్మారెడ్డితో క‌లిసి మంగ‌ళ‌వారం ప‌రిశీలించారు.   అనంతరం ఈవో మీడియాతో మాట్లాడుతూ తిరుమల ఆకాశ గంగ సమీపంలోని అంజనాద్రి శ్రీ ఆంజనేయ‌స్వామివారి జన్మస్థల‌మ‌ని భౌగోళిక, పౌరాణిక‌, శాస్త్రోక్తమైన ఆధారాలతో టిటిడి ధ‌ర్మ‌క‌ర్త‌ల మండ‌లి ప్రకటించింద‌న్నారు. ఇందులో భాగంగా ఈ ప్రాంతాన్ని పుణ్యక్షేత్రంగా అభివృద్ధి చేయాలని నిర్ణయించి, సుందరీకరణ చేపట్టేందుకు టిటిడి ఫిబ్రవరి 16న భూమిపూజ నిర్వహించనున్న‌ట్లు చెప్పారు. ఈ సంద‌ర్భంగా హ‌నుమంతుని జ‌న్మ‌వృత్తంతంపై పుస్త‌కం విడుద‌ల చేస్తామ‌న్నారు.  అంజ‌నాదేవి, బాల ఆంజ‌నేయ‌స్వామివారి ఆల‌యం ఎదురుగా ముఖ మండ‌పం, గోపురాలు, గోగ‌ర్భం డ్యాం వ‌ద్ద రోట‌రీ దాత‌ల స‌హ‌కారంతో ఏర్పాటు చేస్తామ‌న్నారు. టిటిడి మాజీ బోర్డు స‌భ్యులు  నాగేశ్వ‌ర‌రావు,  ముర‌ళీ కృష్ణ ఆర్ధిక స‌హ‌యంతో ప్ర‌ముఖ ఆర్ట్ డైరెక్ట‌ర్  ఆనంద సాయి ఆధ్వార్యంలో నిర్మాణాలు చేప‌ట్ట‌నున్న‌ట్లు వివ‌రించారు.  విశాఖ శారద పీఠం పీఠాధిపతి స్వరూపానంద సరస్వతీ స్వామి, అయోధ్య శ్రీ రామ‌జ‌న్మ భూమి ఆల‌య నిర్మాణ ట్ర‌స్టు కోశాధికారి స్వామి గోవింద్ దేవ్ గిరి మహారాజ్‌, చిత్రకూట్ పీఠాధిపతి  రామభద్రాచార్యులు,  కోటేశ్వ‌ర‌ శ‌ర్మ‌ తదితర ఆధ్యాత్మిక ప్రముఖులను ఈ ఉత్సవానికి ఆహ్వానించామ‌న్నారు. 

           అదేవిధంగా తిరుమ‌ల‌లోని త‌రిగొండ వెంగ‌మాంబ బృందావ‌నంలో ఉన్న 1.5 ఎక‌రాల స్థ‌లం అభివృద్ధి చేయాల‌ని టిటిడి ధ‌ర్మ‌క‌ర్త‌ల మండ‌లి నిర్ణ‌యించింద‌న్నారు. ఇక్క‌డ ధ్యాన‌మందిరం, ఉద్యాన‌వ‌నం ఏర్పాటు చేయ‌నున్న‌ట్లు తెలిపారు. త్వ‌ర‌లో ఇందుకు సంబంధించి కార్యాచ‌ర‌ణ ప్ర‌ణాళిక‌లు రూపొందించి, బృందావ‌నం అభివృద్ధి ప‌నులు ప్రారంభించ‌నున్న‌ట్లు ఈవో చెప్పారు.   అంత‌కుముందు ఈవో ఆకాశ‌గంగ ప‌రిస‌రాల్లో భూమి పూజ నిర్వ‌హించే ప్రాంతాన్ని ప‌రిశీలించి అధికారుల‌కు ప‌లు సూచ‌న‌లు చేశారు. అనంత‌రం గోగ‌ర్భం డ్యాం, రింగ్ రోడ్డు ప‌రిస‌రాల‌లో నూత‌నంగా అభివృద్ధి చేసిన కూడ‌ళ్ళ‌ను, త‌రిగొండ వెంగ‌మాంబ బృందావ‌నంను ఆయ‌న అధికారుల‌తో క‌లిసి ప‌రిశీలించారు.

          టిటిడి సివిఎస్వో గోపినాథ్ జెట్టి, సిఇ  నాగేశ్వ‌ర‌రావు, ఇంచార్జ్ డిఎఫ్‌వో  ప్ర‌శాంతి, ఎస్ఇ -2  జ‌గ‌దీశ్వ‌ర్‌రెడ్డి, ఇఇ జ‌గ‌న్మోహ‌న్ రెడ్డి, విజివో బాలిరెడ్డి, మాజీ టిటిడి బోర్డు స‌భ్యులు నాగేశ్వ‌ర‌రావు, ఆర్ట్ డైరెక్ట‌ర్ ఆనంద సాయి, ఇత‌ర అధికారులు ఈవో వెంట ఉన్నారు.  ప్ర‌పంచ‌వ్యాప్తంగా ఉన్న భ‌క్తుల కొర‌కు ఈ కార్య‌క్ర‌మాన్ని ఉద‌యం 9.30 గంట‌ల నుండి ఎస్వీబిసిలో ప్ర‌త్య‌క్ష ప్ర‌సారం చేస్తామ‌న్నారు.

స్పందన అర్జీల పరిష్కారంలో నాణ్యత ఉండాలని జిల్లా కలెక్టర్ డాక్టర్ ఎ. మల్లికార్జున అధికారులను ఆదేశించారు. జిల్లా కలెక్టర్ కార్యాలయ సమావేశ మందిరంలో   జిల్లా జాయింట్ కలెక్టర్లు ఎం. వేణుగోపాల్ రెడ్డి, పి. అరుణ్ బాబులతో ఆయన స్పందన కార్యక్రమం, సచివాలయ సిబ్బంది సర్వీసు రెగ్యులరైజ్ లపై ఆయన సమీక్షించారు.  ఈ సందర్భంగా ఆయన మాట్లాడుతూ స్పందనకు వచ్చే దరఖాస్తులు ఏ శాఖ వద్ద పెండింగ్ లో ఉంచరాదన్నారు.  స్పందన అర్జీలపై ఎప్పటికప్పుడు సమీక్షించుకొని పెండింగ్ లో లేకుండా అధికారులు దృష్టి సారించాలని ఆదేశించారు. శాఖల వారీగా పెండింగ్ లో ఉన్న అర్జీలు పై సమీక్షించి  పెండింగ్ కు గల కారణాలను సంబంధిత అధికారులను అడిగి తెలుకొని, అర్జీల పరిష్కారానికి తక్షణ చర్యలు చేపట్టాలని పేర్కొన్నారు. అర్జీలు పరిష్కారంలో నాణ్యత ఉండాలని, పరిష్కరించే అర్జీలు నాణ్యత లోపిస్తే అలాంటి అర్జీలు పునరావృత్తం అవుతాయన్నారు. గ్రామ /వార్డు సచివాలయ సిబ్బింది సర్వస్ రెగ్యులరైజేషన్, ప్రొబేషన్ డిక్లరేషన్ కు ప్రతిపాదనలు వెంటనే పంపాలని ఆదేశించారు.

తూర్పుగోదావరి జిల్లాలో పశు కమేలాలపై ప్రభుత్వం ప్రత్యేకంగా నియమించిన అధికారులు సిబ్బంది ద్వారా డేగ కన్ను వేసినట్టు తెలుస్తుంది. ఇందులోభాగంగానే పశువుల రవాణాపై ప్రత్యేకంగా నిఘా ఏర్పాటు చేసింది. జిల్లాలో కొందరు వ్యాపారులు పశువులను తరలించడంతోపాటు, వాటిని కమేలాలకు తరలించి మాంస విక్రయాలు కూడా అత్యధికంగా చేపడుతున్నట్టు అధికారులు సమాచారం అందుకున్నారు. మరికొంత మంది పశువల ఎముకలు, కొవ్వులతో ప్రత్యేకంగా నూనెలు తయారు చేసి కల్తీలకు పాల్పడుతున్నట్టు కూడా తెలియడంతో అలాంటి స్థావరాలు జిల్లాలో ఎక్కడెక్కడ ఉన్నాయి.. వాటి నిర్వహకులు ఎవరు, వారికి ఎవరు సహకారం అందిస్తున్నారు, వారి వ్యాపారాలు ఏ ప్రాంతం వేదికగా సాగుతున్నాయి తదితర వివరాలు సేకరించే పనిలో పడినట్టుగా తెలుస్తుంది. అందులో భాగంగానే పోలీసులు గట్టి నిఘా పెట్టడంతో మంగళవారం పిఠాపురం టౌన్ స్టేషన్ పరిధిలోని రాజా రామ్మోహన్ రాయ్ మున్సిపల్ పార్క్ వద్ద రెండు బొలేరో వాహనాల్లో గుట్టు చప్పుడు కాకుండా తరలిస్తున్న గోవులను పోలీసులు  గుర్తించినట్టు చెబతున్నారు. అలా గుర్తించిన వాటిపై పిఠాపురం ఎసై శంకర్ రావు కేసును నమోదు చేశారు. ఈ సందర్భంగా సిఐ మాట్లాడుతు వాహనంలో ఉన్న 23 ఆవులను కాకినాడ గో సంరక్షణ కేంద్రానికి తరలించి కేసులు నమోదు చేసినట్టు పిఠాపురం సిఐ శ్రీనివాస్ తెలియజేశారు. ప్రస్తుతం ఈ ప్రాంతంలో గోవుల రవాణా అధికంగా జరుగుతోందని వాటి నియంత్రకు ప్రత్యేకంగా నిఘా ఏర్పాటు చేసినట్టు పేర్కొన్నారు.  ఆవులను అక్రమంగా రవాణా చేస్తే ఉపేక్షించేది లేదని హెచ్చరించారు.  పిఠాపురం సర్కిల్ పరిధిలో అసాంఘిక, అక్రమ రవాణాపై నిరంతరం పర్యవేక్షణ ఉంటుందన్నారు. అక్రమ రవాణాలపై తమకు సమాచారాన్ని తెలియజేసిన వారి వివరాలను గోప్యంగా ఉంచుతామని సీఐ శ్రీనివాస్ తెలిపారు. ప్రస్తుతం ఈ అంశం గో ఆధారిత ఉత్పత్తులు తయారు చేసేవారు, మాంస విక్రయాలు చేసేవారి గుండెల్లో రైళ్లు పరిగెట్టిస్తున్నాయి.