ప్రజలెవరూ ఇబ్బంది పడకూడదన్నదే రాష్ట్ర ప్రభుత్వ లక్ష్యమని రాష్ట్ర విద్యుత్, అటవీ, పర్యావరణ, శాస్త్ర సాంకేతిక శాఖల మంత్రి  బాలినేని శ్రీనివాసరెడ్డి చెప్పారు. రాష్ట్రంలోనే ప్రథమంగా ఒంగోలు నగరంలో రూ.56.74 కోట్ల వ్యయంతో నిర్మించిన డబుల్ సర్క్యూట్ భూగర్భ విద్యుత్ సరఫరా వ్యవస్థను బుధవారం ఆయన ప్రారంభించారు. ఇదే సందర్భంగా మరో రూ.23.79 కోట్ల వ్యయంతో నిర్మించనున్న భూగర్భ కేబుల్ విద్యుత్ లైన్ల నిర్మాణానికి కూడా వీరు శంకుస్థాపన చేశారు.  అనంతరం మంగమూరు రోడ్డులో ప్రత్యేక పైలాన్ ను మంత్రి ఆవిష్కరించారు. ఈ సందర్భంగా ఏర్పాటు చేసిన బహిరంగ సభలో ఆయన ప్రసంగించారు. భూగర్భ విద్యుత్ సరఫరా వ్యవస్థను ఏర్పాటు చేయడం ద్వారా కొన్ని దశాబ్దాలుగా ఎదురు చూస్తున్న ఒంగోలు ప్రజల కల నేడు నెరవేరిందని అన్నారు. హైటెన్షన్ విద్యుత్ తీగల కారణంగా గతంలో పదుల సంఖ్యలో ప్రాణాలు కోల్పోయారన్నారు. ప్రస్తుతం ఇళ్ల పైనుంచి వెళ్తున్న ఈ హైటెన్షన్ వైర్లను  త్వరలోనే తొలగించాలని విద్యుత్ శాఖ సిబ్బందిని  మంత్రి ఆదేశించారు. ఈ చర్య ద్వారా 33, 34, 35, 36 డివిజన్లలోని ప్రజలకు ఇబ్బందులు తొలగాయని అన్నారు.  నగరాన్ని మరింతగా అభివృద్ధి చేస్తామని, ఈనెల 15వ తేదీ నుంచి ప్రతి ఇంటికీ తిరుగుతామని మంత్రి చెప్పారు. ప్రజల అభివృద్ధి, సంక్షేమం కోసం రాష్ట్ర ప్రభుత్వం అనేక చర్యలు చేపట్టిందని ఈ సందర్భంగా మంత్రి పేర్కొన్నారు. ఒంగోలు నగర ప్రజల ఇబ్బందులను తొలగించేలా పోతురాజు కాలువను ఆధునీకరిస్తున్నామన్నారు. ఈ పనుల్లో ఇప్పటికే 25 శాతం పూర్తి అయ్యాయని చెప్పారు. మిగిలిన పనులను వచ్చే ఆరు నెలల్లో పూర్తి చేస్తామని మంత్రి ప్రకటించారు. ఒంగోలు నగరానికి తాగునీటి సమస్యను పరిష్కరించేందుకు రూ.409 కోట్ల వ్యయంతో పనులు చేపట్టేందుకు ముఖ్యమంత్రి అంగీకరించారని, వీటికి సంబంధించిన టెండర్లను త్వరలోనే ఇస్తామని చెప్పారు.

 ప్రతిరోజు పగటివేళ తాగునీరు సరఫరా చేయడానికి చర్యలు తీసుకుంటున్నట్లు తెలిపారు. నగరంలోని అన్ని ప్రధాన రోడ్లలో సెంట్రల్ లైటింగ్ వ్యవస్థను ఏర్పాటు చేస్తామని ప్రకటించారు. రూ.180 కోట్లతో రిమ్స్ లో సూపర్ స్పెషాలిటీ ఆస్పత్రిని తీసుకొస్తున్నట్లు చెప్పారు. కొత్తపట్నంలో రూ.400 కోట్లతో ఫిషింగ్ హార్బర్ ఏర్పాటు చేయబోతున్నామని, వీటికి సంబంధించిన టెండర్ల  ప్రక్రియను పూర్తి చేశామని, త్వరలోనే పనులు ప్రారంభమవుతాయని మంత్రి చెప్పారు. ఔత్సాహిక పారిశ్రామికవేత్తలను ప్రోత్సహిస్తున్నామని, గ్రోత్ సెంటరులో సుమారు 700 మందికి ఉద్యోగాలు కల్పించేలా సాఫ్ట్ వేర్ కంపెనీ త్వరలోనే ఏర్పాటు చేసేలా చర్యలు తీసుకుంటున్నానన్నారు. సంక్షేమం తో పాటు అభివృద్ధికి కూడా సమ ప్రాధాన్యం ఇస్తున్నట్లు తెలిపారు. ఒంగోలులో 24వేల మందికి ఇళ్ల స్థలాలు ఇవ్వడానికి చర్యలు తీసుకోగా, కోర్టు కేసుల వల్ల జాప్యం జరిగిందని, వీటిని పరిష్కరించి పేదలకు త్వరలోనే పట్టాలు ఇచ్చి, ఉచితంగా ఇళ్లు కట్టిస్తామని మంత్రి ప్రకటించారు. రాష్ట్రంలో గుడిసె లేకుండా అందరికీ పక్కా ఇళ్లు కట్టిస్తామని చెప్పారు. హైటెన్షన్ విద్యుత్ తీగల ముప్పు తొలగిన స్థానికులు ఈ సందర్భంగా మంత్రికి కృతజ్ఞతలు తెలిపారు. 

 కర్నూలు రోడ్డులో ఉన్న ట్రాన్స్ కో ప్రాంగణంలో జరిగిన ఈ కార్యక్రమంలో మంత్రితో పాటు కలెక్టర్ ఏ.ఎస్.దినేష్ కుమార్, జాయింట్ కలెక్టర్ జె.వి.మురళి, ట్రాన్స్ కో  జె.ఎం.డి. మల్లారెడ్డి, ఎస్.ఈ. రామచంద్రారెడ్డి కూడా పాల్గొన్నారు.  నగర మేయర్ గంగాడ సుజాత, డిప్యూటీ మేయర్లు వేమూరి సూర్యనారాయణ, మాధవ రావు, ట్రాన్స్ కో ఎస్.ఈ. రామచంద్రారెడ్డి, ఓడీఈ శ్రీనివాసరావు, ఆర్యవైశ్య కార్పొరేషన్ చైర్మన్ కుప్పం ప్రసాద్, మున్సిపల్ ఇంజినీర్ సుందరరామిరెడ్డి, పలువురు స్థానిక ప్రజాప్రతినిధులు పాల్గొన్నారు.   దీనికి ముందుగా కొప్పోలు ఫ్లై ఓవర్ నుంచి కర్నూల్ రోడ్డు వరకూ ద్విచక్రవాహనాలతో స్థానికులు ర్యాలీ నిర్వహించి మంత్రికి ఘన స్వాగతం పలికారు. కేసవరాజు కుంట, బాలినేని భరత్ కాలనీ, గోపాల నగర్, గోపాల్ నగర్ మినీ బైపాస్ రోడ్డు లో రూ.2.04 కోట్ల విలువైన రోడ్లు, డ్రైనేజీ పనులకు మంత్రి శంకుస్థాపన చేశారు. నెహ్రూ నగర్ పార్కును ప్రారంభించారు. 

విజయనగరం జిల్లా ఎస్సీ కార్పొరేషన్ ఎన్ఫోర్స్మెంట్ డైరెక్టర్ గా జి. కామేశ్వరరావు బుధవారం బాధ్యతలు స్వీకరించారు.ఈ సందర్భంగా ఆయన మీడియాతో మాట్లాడుతూ, ఎస్సీకార్పోషన్ ద్వారా అందే సంక్షేమ పథకాలు పూర్తిస్థాయిలో ఎస్సీలకు అందించడంలో శక్తివంచన లేకుండా క్రుషి చేస్తానని చెప్పారు.  ఈయన ఇప్పటి వరకు పశ్చిమ గోదావరి జిల్లాలో ఎస్సీ కార్పరేషన్ ఈ.వో. పని చేసి పదోన్నతిపై జిల్లాకు విచ్చేశారు. ఈ మేరకు జిల్లా కలెక్టర్ ఎ. సూర్యకుమారిని ఆయన మర్యాదపూర్వకంగా కలిశారు. ఎస్సీ కార్పొరేషన్ జిల్లా అధికారులు, కింది స్థాయి ఉద్యోగులు, సిబ్బంది ఆయన్ని కలిసి శుభాకాంక్షలు తెలిపారు. 

ఏప్రిల్ 27 నుంచి మే 9వ తేదీ వ‌రకు జ‌రిగే ప‌దో త‌ర‌గ‌తి ప‌రీక్ష‌ల‌ను 181 కేంద్రాల్లో నిర్వ‌హించ‌నున్న‌ట్లు జిల్లా రెవెన్యూ అధికారి ఎం. గ‌ణ‌ప‌తిరావు తెలిపారు. ఈ మేర‌కు దాదాపు అన్ని ఏర్పాట్లు పూర్త‌య్యాయ‌ని పేర్కొన్నారు. ఉమ్మ‌డి జిల్లాల‌కు సంబంధించిన‌ ప‌రీక్ష‌ల నిర్వ‌హ‌ణ ప్రక్రియ‌ ఇక్క‌డి నుంచే జరుగుతుంద‌ని స్ప‌ష్టం చేశారు. ప‌రీక్ష‌ల‌ను ప్రశాంత వాతావ‌ర‌ణంలో నిర్వ‌హించేందుకు త‌గిన చ‌ర్య‌లు తీసుకోవాని సంబంధిత అధికారుల‌ను ఆదేశించారు. ఈ నెల 27వ తేదీ నుంచి జ‌ర‌గ‌బోయే ప‌దో త‌ర‌గ‌తి ప‌రీక్ష‌ల ఏర్పాట్ల‌పై వివిధ శాఖ‌ల అధికారుల‌తో ఆయ‌న క‌లెక్ట‌రేట్ ఆడిటోరియంలో బుధ‌వారం స‌మీక్షా స‌మావేశం నిర్వ‌హించారు. ప‌రీక్ష‌ల నిర్వ‌హ‌ణ‌లో అనుస‌రించాల్సిన విధి విధానాల‌పై మార్గ‌ద‌ర్శ‌కాలు జారీ చేశారు. రెగ్యుల‌ర్‌, సార్వ‌త్రిక విద్యాపీఠం నుంచి మొత్తం 29,567 మంది విద్యార్థులు ప‌దో త‌ర‌గ‌తి ప‌రీక్ష‌ల‌కు హాజ‌ర‌వుతున్నార‌ని ఈ మేర‌కు ప‌టిష్ట ఏర్పాట్లు చేయాల‌ని అధికారుల‌ను ఆయన ఆదేశించారు. మారుమూల కేంద్రాల‌కు ప్ర‌త్యేక బ‌స్సుల‌ను న‌డ‌పాల‌ని ఆర్టీసీ అధికారుల‌కు సూచించారు. వేస‌విని దృష్టిలో పెట్టుకొని తాగునీటి స‌దుపాయం, వైద్య స‌దుపాయాలు క‌ల్పించాల‌ని చెప్పారు. నిరంత‌రాయ విద్యుత్ స‌ర‌ఫ‌రా చేయాల‌ని స‌బంధిత శాఖ అధికారులను ఆదేశించారు. ప‌రీక్ష‌ల నిర్వ‌హ‌ణలో ఎలాంటి ఇబ్బందులూ తలెత్త‌కుండా అన్ని విభాగాల అధికారులు స‌మ‌న్వ‌యంతో ప‌ని చేయాల‌ని సూచించారు. ఎలాంటి అవ‌క‌త‌వ‌క‌లు జ‌ర‌గ‌కుండా,  ఇబ్బందులు త‌లెత్త‌కుండా విజ‌య‌వంతంగా నిర్వ‌హించాల‌ని చెప్పారు. పోలీసు, రెవెన్యూ శాఖ‌ల వారు స‌మ‌న్వ‌యంతో వ్య‌వ‌హ‌రించి 144 సెక్ష‌న్ ను ప‌టిష్టింగా అమ‌లు చేయ‌టం ద్వారా శాంతియుత‌మైన వాతావ‌ర‌ణంలో ప‌రీక్ష‌లు జ‌రిగేలా చ‌ర్య‌లు తీసుకోవాల‌ని సూచించారు. అలాగే ప‌రీక్ష‌ల స‌మ‌యంలో ఉచిత బ‌స్సు సౌక‌ర్యాన్ని వినియోగించుకునేందుకు విద్యార్థులు త‌ప్ప‌కుండా బ‌స్ పాస్‌లు తీసుకురావాల‌ని డీఆర్వో స్ప‌ష్టం చేశారు.

విజ‌య‌న‌గ‌రం, పార్వ‌తీపురం డీఈవోలు జ‌య శ్రీ‌, ర‌మ‌ణ మాట్లాడుతూ ప‌రీక్ష‌ల నిర్వ‌హ‌ణ‌కు సంబంధించి ప‌లు అంశాల‌పై సూచ‌న‌లు చేశారు. జిల్లాలో మొత్తం 181 కేంద్రాల్లో ఈ నెల 27వ తేదీ నుంచి మే 9వ తేదీ వ‌రకు ప‌రీక్ష‌లు జ‌రుగుతాయన్నారు. రెగ్యులర్ వారు 29,561 మంది ప్ర‌యివేటు వారు ఆరుగురు మొత్తం 29,567 మంది ప‌రీక్ష‌లకు హాజ‌ర‌వుతున్నార‌ని వివ‌రించారు. రెగ్యుల‌ర్ వారికి ఉద‌యం 9.30 నుంచి మ‌ధ్యాహ్నం 12.45 గంట‌ల వ‌ర‌కు ప్ర‌యివేటు వారికి మ‌ధ్యాహ్నం 2.00 నుంచి సాయంత్రం 5.00 గంట‌ల వ‌ర‌కు ప‌రీక్ష‌లు జ‌రుగుతాయ‌ని పేర్కొన్నారు. ఇదే క్ర‌మంలో ఓపెన్ ఇంట‌ర్మీడియ‌ట్ వారికి మే 7 నుంచి 21వ తేదీ వ‌రకు ఉద‌యం 9.00 నుంచి మ‌ధ్యాహ్నం 12.00 గంట‌ల వ‌ర‌కు థియ‌రీ ప‌రీక్ష‌లు జ‌రుగుతాయ‌న్నారు. మే 24 నుంచి 28వ తేదీ వ‌ర‌కు ఓపెన్ ఇంట‌ర్ విద్యార్థులు ప్రాక్టిక‌ల్స్ ఉంటాయ‌ని వివ‌రించారు. పరీక్షా కేంద్రాల్లోకి ఎలాంటి సాంకేతిక ప‌రిక‌రాలు తీసుకురాకూడాదని స్ప‌ష్టం చేశారు.

స‌మావేశంలో డీఆర్వో ఎం. గ‌ణ‌ప‌తిరావుతో పాటు విజ‌య‌న‌గ‌రం డీఈవో ఎం. జ‌య శ్రీ‌, పార్వ‌తీపురం డీఈవో ఎస్.డి.వి. ర‌మ‌ణ‌, ప‌రీక్ష‌ల నిర్వ‌హ‌ణ అసిస్టెంట్ క‌మిష‌న‌ర్ ల‌క్ష్మి, ఆర్టీసీ, పోస్ట‌ల్‌, విద్యుత్‌, రెవెన్యూ, ఇంట‌ర్మీడియ‌ట్ బోర్డు, వైద్యారోగ్య త‌దిత‌ర శాఖ‌ల నుంచి జిల్లాస్థాయి అధికారులు త‌దిత‌రులు పాల్గొన్నారు.

చిత్తూరు సమాచార శాఖ డిప్యూటీ డైరెక్టర్ గా బి .పద్మజ  అదనపు బాధ్యతలు గురువారం సాయంత్రం స్వీకరించారు. ఇప్పటివరకు డిప్యూటీ డైరెక్టర్ గా పనిచేసిన ఐ.ఆర్. లీలావతి స్వచ్ఛంద పదవీ విరమణ చేయడంతో ప్రభుత్వం తిరుపతి,తిరుమల సమాచార శాఖ అసిస్టెంట్ డైరెక్టర్ గా పని చేస్తున్న బి .పద్మజ కు అదనపు బాధ్యతలు అప్పగించారు. ఈ మేరకు ఆమె ఐ ఆర్ లీలావతి నుంచి బాధ్యతలను స్వీకరించారు. ఈ సందర్భంగా కార్యాలయ అధికారులు, సిబ్బంది డిడిని మర్యాదపూర్వకంగా కలుసుకొని శుభాకాంక్షలు తెలియజేశారు.

సమాజానికి నిలువెత్తు అద్దం పాత్రికేయులేనని పలువురు వక్తలు పేర్కొన్నారు. మంగళ వారం ఉదయం నుండి సాయంత్రం వరకు సింధూర ఫంక్షన్ హాల్ లో స్మార్ట్ సిటి రిపోర్టర్స్ వెల్ఫేర్ అసోసియేషన్ ఆధ్వర్యంలో ఉగాది సంబరాలు జరిగాయి.  మిలీనియం సాప్ట్ వేర్ సొల్యూషన్స్ సి.ఈవో  జి.శ్రీధర్ రెడ్డి ముఖ్య అతిథిగా పాల్గొని స్మార్ట్ సిటీ రిపోర్టర్స్ వెల్ఫేర్ అసోసియేషన్ చేస్తున్న సేవలను అభినందించారు. ముందుగా పిళ్లా శర్మ పంచాంగ పఠణంతో ఉగాది సంబరాల కార్యక్రమం

ప్రారంభమైంది. ముఖ్య అతిధులకూ సభ్యులకూ ఆయన పండిత ఆశీర్వాదం అందజేశారు. కార్యక్రమానికి ఈటీవీ ఫేమ్ ఎమ్మెస్సార్ నాయుడు, సీనియర్ జర్నలిస్ట్ పద్మజ వ్యాఖ్యాతలుగా వ్యవహరించారు. ఈ కార్యక్రమంలో భాగంగా మధురవాడ జాతర  ప్రాంతంలోని ప్రముఖ నాట్యాచార్యులు మురళి గోవింద్ నిర్దేశకత్వంలో చిన్నారులు శాస్త్రీయ జానపద నృత్య రీతులను ప్రదర్శించారు. జర్నలిస్ట్ లీలా ప్రసాద్ మిమిక్రీ తో, దేవీ ప్రసాద్ జానపద గీతాలతో అలరించారు.  కార్యక్రమంలో భాగంగా జర్నలిస్టులు శ్రీమతులు పద్మజ, ప్రసన్న, శిరీష, మాణిక్యాంబ, రోజ, సంధ్య, వెంకటలక్ష్మి, జ్యోతి లతో పాటు శ్రీయుతులు ఎమ్.వి.ఎస్ అప్పారావు, ఆదినారాయణ, సూరిబాబు, రంగధామ్, ఈశ్వరరావు, అబ్బిరెడ్డి చంద్రశేఖర్, బాలు పాత్రో, ఎస్.ఎస్.నాయుడు, ఎం.పి.ఎ.రాజు, ఎం.లక్ష్మణ్ యాదవ్, జోగ శ్రీనివాసరావు, రిషికేష్, ఎల్లాజీరావు, ఎన్. 

అశోక్ రెడ్డి, లీలా ప్రసాద్, మోహనరావు లకు ఉగాది పురస్కారాలను ఇచ్చి గౌరవించారు. ఈ సందర్భంగా నిర్వహించిన సభా వేదికపై ముఖ్యఅతిథిగా పాల్గొన్న మిలీనియం సాఫ్ట్ వేర్ సొల్యూషన్స్ సి.ఈ.వో శ్రీధర్ రెడ్డి మాట్లాడుతూ బంగారు అశోక్ కుమార్ ఆధ్వర్యంలో జర్నలిస్టులకు మెరుగైన సేవా కార్యక్రమాలు జరుగుతున్నాయని అభినందించారు.  జర్నలిస్టుల సంక్షేమం పట్ల చిత్తశుద్ధితో అశోక్ కుమార్ ఆధ్వర్యంలోని బృందం విశేషంగా కృషి చేస్తుందని అభినందించారు. హుదూద్ కాలం లోనూ, కరోనా కష్ట పరిస్థితుల్లోనూ స్మార్ట్ సిటీ రిపోర్టర్స్ వెల్ఫేర్ అసోసియేషన్ సభ్యులకు అండగా నిలిచిన తీరు ఆదర్శంగా ఉందని శ్రీధర్ రెడ్డి భావించారు. రాజ్యసభ సభ్యులు విజయసాయి రెడ్డి తరపున తాను ఈకార్యక్రమంలో పాల్గొన్నట్లుగా ఆయన వెళ్లడించారు. సమాజ సేవలో అహర్నిశలు కృషి చేస్తుండే జర్నలిస్టులకు ఎప్పుడూ అండగా ఉండాలనే ఎమ్.పి విజయసాయి రెడ్డి ఆదేశాలను తప్పకుండా పాటిస్తామన్నారు. అన్ని వేళల జర్నలిస్టులు వారి కుటుంబ సభ్యులకు అండగా ఉంటామని ఈసందర్భంగా మిలీనియం సాప్ట్ వేర్ సొల్యూషన్స్ సి.ఈవో శ్రీధర్ రెడ్డి ప్రకటించారు. జి.వి.ఎమ్.సి మాజీ డిప్యూటీ మేయర్ రంగస్థలం సంస్థల కళాకారుల ప్రోత్సాహకులు దాడి సత్యనారాయణ గౌరవ అతిథిగా ప్రసంగం చేశారు. ఈ సందర్భంగా ఆయన మాట్లాడుతూ జర్నలిస్టుల సహకారంతోనే సమాజంలో పలువురు గుర్తింపును గౌరవాన్ని జనాదరణనూ పొందుతున్నారని పేర్కొన్నారు.  అందులో తాను ఉన్నానని చెబుతూ జర్నలిస్టులతో తనకున్న అనుబంధాన్ని గుర్తు చేసుకున్నారు. అన్ని వేళలా జర్నలిస్టుల వారి కుటుంబ సభ్యులకు కళాకారులకు ఎటువంటి సేవలైన అందించేందుకు అయినా తాను సిద్ధంగా ఉంటానని ఆయన వెల్లడించారు. ఇదే వేదిక పై సీనియర్ జర్నలిస్టులు నాగన బోయిన నాగేశ్వరరావు, అప్పారావుపాత్రుడు.,  కె.చంద్రమోహన్ మాట్లాడుతూ జర్నలిస్టులకు అండగా నిలుస్తున్న ప్రతి ఒక్కరికి కృతజ్ఞతలు తెలియజేశారు. జర్నలిస్టులు పూర్తిస్థాయిలో తమ సమయాన్ని సమాజానికి ఉపయోగపడే సేవలులో నిమగ్నమై ఉంటామని వెల్లడించారు. ఇప్పటికే పలువురు జర్నలిస్టులు హుధుద్ సమయంలోనూ, కరోనా సమయంలోనూ ఇబ్బందులు ఎదుర్కొన్నారని గుర్తు చేశారు. విధి నిర్వహణలో కొందరు జర్నలిస్టులు ప్రాణాలను సైతం కోల్పోయారని విచారం వ్యక్తం చేశారు. ఈ నేపథ్యంలో స్మార్ట్ సిటీ అసోసియేషన్ తరపున అధ్యక్షులు బంగారు అశోక్ కుమార్ సభ్యులైన ప్రతి ఒక్కరికి వారి కుటుంబ సభ్యులకు అవసరమైన సేవలను అందించడం అభినందనీయమన్నారు. ఇప్పటికే రక్తదాన శిబిరాలు, ఉచిత వైద్య శిబిరాలు, పేద విద్యార్థులకు సహాయ కార్యక్రమాలు ఇలా  పలు విధాలుగా జర్నలిస్టులు వారి కుటుంబ సభ్యులకు అశోక్ కుమార్ అండగా నిలిచారని గుర్తు చేశారు. సభకు అధ్యక్షత వహించిన స్మార్ట్ సిటీ రిపోర్టర్స్ వెల్ఫేర్ అసోసియేషన్ అధ్యక్షులు బంగారు అశోక్ కుమార్ మాట్లాడుతూ అసోసియేషన్ తరపున అందించే ప్రతి సేవా కార్యక్రమంలో ఎందరో అందిస్తున్న సహాయ సహకారాలు ఉన్నాయన్నారు.  అత్యధిక సంఖ్యలో జర్నలిస్టులకు సహాయపడడంలో  దొరికే ఆనందం మాటలతో చెప్పలేనిది అన్నారు.  తమ ఈ లక్ష్యానికి చేదోడుగా నిలుస్తున్న దాతలు పోలీసులు సామాజిక సంఘ సేవ ఆసక్తి పరులు, రాజకీయ పక్షాలు ఇతరులు అందరికీ అసోసియేషన్ కృతజ్ఞతతో ఉంటుందన్నారు. నిబద్ధత క్రమశిక్షణలతో జర్నలిస్టులు వారి కుటుంబ సభ్యులను ఆదుకోవాలనే లక్ష్యంతో ముందుకు సాగుతున్నా రిపోర్టర్స్ వెల్ఫేర్ అసోసియేషన్ సొంతంగా ఒక భవనాన్ని ఏర్పాటు చేసుకోవడం ద్వారా అవసరమైన నిధులను సమకూర్చుకొని అవసరమైన అన్ని సేవలను అందించగలిగితే తమ లక్ష్యం నెరవేరినట్లేనని ఈసందర్భంగా స్మార్ట్ సిటీ రిపోర్ట్స్ వెల్ఫేర్ అసోసియేషన్ వ్యవస్థాపక అధ్యక్షులు బ్యంగారు అశోక్ కుమార్ వెల్లడించారు. ఇదే కార్యక్రమంలో సభ్యులైన వారికి ఉగాది పర్వదినాన్ని పురస్కరించుకుని ఉగాది పచ్చడి స్వీట్స్ నిత్యావసర సరుకులు వంటివి అతిధుల చేతుల మీదుగా పంపిణీ చేశారు. హాజరైన సభ్యులకు ఉగాది పచ్చడి  విందు అందజేశారు.ఈ కార్యక్రమంలో ఎస్.సి.ఆర్.డబ్ల్యూ.ఏ సభ్యులు పాల్గొన్నారు.