1 ENS Live Breaking News

చంటి పిల్లలకు తల్లిపాలతో సంపూర్ణ ఆరోగ్యం

చంటి పిల్లలకు తల్లిపాలతోనే సంపూర్ణ ఆరోగ్యం సిద్ధిస్తుందని విజయ వాహిని చారిటబుల్ ఫౌండేషన్ బ్లాక్ కో ఆర్డినేటర్ ఎం.హారిక అన్నారు. సోమవారం తల్లిపాల వారోత్స వాల సందర్భంగా టాటా ట్రస్ట్,  ఏషియన్ పెయింట్స్ ఆధ్వర్యంలో రామన్నపాలెం గ్రామంలో తల్లిపాలు వారోత్సవాలను ఘనంగా నిర్వహించారు. ఈ సందర్భంగా ఆమె మాట్లాడుతూ మురిపాలు ఫస్ట్ టీకాలా పనిచేస్తాయన్నారు. పిల్లలకు రోగనిరోధక శక్తిని పెంచుతుంద సూచించారు. తల్లిపాలు పట్టడం వల్ల తల్లికి బిడ్డలకి ఆరోగ్య సమస్య లు నివారణ అవుతాయన్నారు. అనంతరం డబ్బా పాలు వద్దు తల్లిపాలే ముద్దు అంటూ నిర్వహించారు. ఈ కార్యక్రమంలో ఎంపిటిసి లాలం శ్రీను, నాయుడు  అంగన్వాడీ టీచర్ పద్మ,పోశన్.సఖి అనూష, సివలక్ష్మి , ఎంఎల్ హెచ్పీ, ఆశా వర్కర్లు, పిల్లల తల్లిదండ్రుడు హాజరయ్యారు.

2023-08-07 09:24:08

తూటిపాలలో ఘనంగా చేనేత దినోత్సవం

మాకవరపాలెం మండలంలోని తూటిపాల ప్రాథమికోన్నత పాఠశాలలో సోమవారం జాతీయ చేనేత దినోత్సవాన్ని ఘనంగా  నిర్వహించారు. ఈ సందర్భంగా ప్రధానోపా ధ్యాయులు కోసూరు రాము ఉపాధ్యాయిని  సంతోషి, స్థానిక ఆరోగ్య కార్యకర్త, ముగ్గురు విద్యార్థులు చేనేత వస్త్రాలు ధరించి పాఠశాలకు హాజరయ్యారు. పీఎం నరేంద్ర మోడీ సూచనల మేరకు తొమ్మిదవ జాతీయ చేనేత దినోత్సవం సందర్భంగా పాఠశాలలో విద్యార్థులకు చేనేత వస్త్రాలు  ప్రాముఖ్యతను వివరించారు. నూలు వడకడము, రాట్నం, దారము ప్రాధాన్యతను  చేనేత కార్మికుడు నూకరాజు  విద్యార్థులకు వివరించారు. గాంధీ నూలు వడకడము జీవితాంతం తాను ఖద్దరు మాత్రమే ధరించారని విద్యార్థులకు తెలిపారు. అనంతరం గ్రామంలో విద్యార్థులు ఉపాధ్యాయులతో  చేనేతను ప్రోత్సహిద్దాం. మన భారతీయతను, మన సంస్కృతిని కాపాడుకుందాం ఖద్దరు ధరిద్దాం వంటి నినాదాలతో ర్యాలీ నిర్వహించారు.

Makavarapalem

2023-08-07 08:24:00

మమ్మల్ని పోలీసుశాఖలోనే కొనసాగించేలా చూడండి

గ్రామ, వార్డు సచివాలయాల్లో మహిళా పోలీసులుగా పనిచేస్తున్న తమను మాత్రుశాఖ పోలీసుశాఖలోనే కొనసాగించేలా చూడాలని సచివాలయ మహిళా పోలీసులు రాష్ట్ర వైద్య ఆరోగ్యశాఖ మంత్రి విడదల రజని రజనీని కలిసి వేడుకున్నారు. గురువారం చిలకలూరిపేట నియోజక వర్గంలోని క్యాంపు కార్యాలయంలో చిలకలూరిపేట అర్బన్, రూరల్, నాదెండ్ల మహిళా పోలీస్ లు సంయుక్తంగా తమ సమస్యలపై వినతిపత్రాన్ని సమర్పించారు. మహిళా పోలీసులకి సరైన జాబ్ చార్ట్ లేనందున అనేకమైన తీవ్ర ఇబ్బందులు పడుతున్నారన్నారు. లైన్ డిపార్ట్మెంట్ లేనందున సమస్యలు ఎదుర్కొంటున్నామని..తనుహోం డిపార్ట్మెంట్ లోనే  కొనసాగిస్తూ ఉద్యోగ భద్రత కల్పించాలని కోరారు. తమవిధులకు ఎలాంటి ఆటంకం లేకుండా పటిష్ఠమైన మహిళా పోలీస్ చట్టం తీసుకురావాలని కోరారు. మహిళా పోలీసుల సమస్యలపై స్పందించిన మంత్రి ఈ విషయాన్ని సీఎం వైఎస్.జగన్ మోహనరెడ్డి ద్రుష్టికి తీసుకెళతానని చెప్పారు. 

Chilakaluripet

2023-08-03 17:03:25

అన్నవరం పంచాయతీ కార్మికులకు ఈఎస్ఐ వర్తింపు

అన్నవరం పంచాయతీలోని పారిశుధ్య కార్మికులకు ఈఎస్ఐ వర్తింపు వలన వారికి ఆరోగ్యపరమైన ఇబ్బందులను అదిగమించడానికి అవకాశం వుంటుందని సర్పంచ్ ఎస్.కుమార్ రాజా పేర్కొన్నారు. మంగళవారం పంచాయతీ కార్యాలయంలో ఏర్పాటు చేసిన కార్యక్రమంలో ఆయన పంచాయతీకార్మికులు ఈఎస్ఐ ద్రువీకరణ పత్రాలను అందజేశారు. ఈ సందర్భంగా ఆయన మాట్టాడుతూ, ఇప్పటికే పారిశుధ్య కార్మికులకు పిఎఫ్ అమలు జరుగుతుందని..నేటి నుంచి ఈఎస్ఐ ప్రయోజనం కూడా కలుగుతుందన్నారు. కాకినాడ జిల్లాలో ఒక్క అన్నవరం పంచాయతీలో మాత్రమే కార్మికులకు ఈఎస్ఐ సౌకర్యాన్ని కల్పించినట్టు ఆయన తెలియజేశారు. తద్వారా కార్మికులు, వారి కుటుంబాలకు ఎంతో ప్రయోజనం కలుగుతుందన్నారు. ఈ కార్యక్రమంలో పంచాయతీ సిబ్బంది, సచివాలయ సిబ్బంది తదితరులు పాల్గొన్నారు.

Annavaram

2023-08-01 10:46:32

జోగుంపేటలో ఎమ్మెల్యే పెట్ల చిత్రపటానికి క్షీరాభిషేకం

నర్సీపట్నం నియోజకవర్గంలో జరుగుతున్న రోడ్డు విస్తరణ కార్యక్రమాలకు మద్దతుగా జోగుంపేటలో గొలుగొండ వైఎస్ ఎంపీపీ జక్కు నాగమణి ఆధ్వర్యంలో పెట్ల ఉమా శంకర్ గణేష్ చిత్రపటానికి క్షీరాభిషేకం చేశారు. ఈ సందర్భంగా ఆమె  మాట్లాడుతూ తన రాజకీయ స్వలాభం కన్నా ప్రజా శ్రేయస్నే మిన్నని భావించి నర్సీపట్నం ప్రధాన రహదారి విస్తరణతో పాటు ఎన్నో ఏళ్లపాటు అభివృద్ధికి నోచుకోని ఆరిలోవ అడవి రోడ్డు మార్గం విస్తరణ చేయడం ఒక్క ఎమ్మెల్యే వలనే సాధ్యమైందన్నారు. రోడ్డు విస్తరణలో నష్టపోతున్నామని కోర్టుకెళ్లిన బాధితులతో స్వయంగా ఇళ్లకు వెళ్లి నర్సీపట్నం పట్టణాభివృద్ధికి సహకరించాలని విన్నవించిన విధానం చరిత్రలో స్థిరస్థాయిగా నిలిచిపో తుం దన్నారు. ఈ కార్యక్రమంలో మండల అధికార ప్రతినిధి, జక్కు అప్పలస్వామి నాయుడు, పి.నాగరాజు, పి.అప్పలనాయుడు, వి.సత్యనారాయణ, జి.అప్పారా వు, కె.గంగ న్న, కె.శ్రీను జి. కన్నయ్య అధిక సంఖ్యలో మహిళలు పాల్గొన్నారు.

Golugonda

2023-08-01 07:03:47

రైల్వే స్టేషన్‌లో రూఫ్‌ ప్లాజాలు, సిటీ సెంటర్లు ఏర్పాటుచేయాలి

అనకాపల్లి రైల్వే స్టేషన్‌ స్టేషన్‌లో రూఫ్‌ ప్లాజాలు, సిటీ సెంటర్లు ఏర్పాటు చేయాలని రాష్ట్ర వినియోగదారుల సంఘాల సమాఖ్య అధ్యక్షుడు కాండ్రేగుల వెంకటరమణ రైల్వే శాఖకు విజ్ఞప్తి చేశారు. ఇందుకోసం అన్ని వర్గాల వినియోగదారుల సూచనలు, సలహాలతో రూపొందించిన మాస్టర్‌ ప్లాన్‌ను మాత్రమే అమలు చేయాలని డిమాండ్‌ చేశా రు. ఈమేరకు దక్షిణ మధ్య రైల్వే డీఆర్‌ఎంకు సోమవారం ఆయన ట్విట్టర్‌, ఈ మెయిల్‌ ద్వారా వినతిపత్రాన్ని పంపారు. అనంతరం ఆయన మీడియాతో మాట్లాడు తూ, స్టేషన్‌ లో వివిధ గ్రేడ్‌లు / రకాల వెయిటింగ్‌ హాళ్లు, రిటైరింగ్‌ రూములు, మంచి ఫలహారశాలలు / ఆచరణీయమైన రిటైల్‌ షాపులు, ఉన్నత శ్రేణి ప్లాట్‌ఫారాలు (760-840 ఎం.ఎం.) ఏర్పాటు చేయాలన్నారు. దీర్ఘకాలిక దృష్టి, మౌలిక సదుపాయాల కల్పనకు నిరంతర ప్రాతిపదికన ఆధునికీకరించేలక్ష్యంతో అనకాపల్లి రైల్వే శాఖ స్టేషన్‌ను ‘అ మృత్‌ భారత్‌ స్టేషన్‌’పథకంలో కేంద్రం ఎంపిక చేయడం అభినందనీయమన్నారు.

Anakapalle

2023-07-31 10:29:25

పర్యావరణ పరిరక్షణకై ప్రతీఒక్కరూ ముందుకి రావాలి

పర్యావరణాన్ని పరిరక్షించడం ప్రతీ ఒక్కరూ బాధ్యతగా గుర్తించి ముందడువేయాలని  దేవాదాయశాఖ కమిషనర్ ఎస్.సత్యన్నారాయణ పేర్కొన్నారు. ప్రపంచ పర్యావరణ దినోత్సవం సందర్భంగా ఏపీ ఐఏఎస్ అధికారుల భార్యల అసోసియేషన్ ఆధ్వర్యంలో శుక్రవారం అన్నవరం శ్రీ సత్యదేవ మారేడు వనంలో మారేడు, జమ్మి, సంపంగి, తులసి మొక్కలు నాటారు. ఈ సందర్భంగా ఆయన మాట్లాడుతూ, వాతావరణంలో జరుగుతున్న విపరీత మార్పుల వలన సకాలంలో వర్షాలు కురవడం లేదని, అలాగే భూగర్భ జాలాలు అడుగంటులున్నాయ, ఎండల తీవ్రత పెరిగి హిమాలయాలు కరిగిపోవడం, కాలుష్యం పెరిగుదల జరుగుతున్నాయన్నారు. అలాంటి పరిస్థితుల నుంచి బయటపడాలంటే మొక్కలను విరివిగా పెంచాలన్నారు. ప్రతీఒక్కరూ సామాజిక బాధ్యతగా మొక్కలు పెంచి ఉష్టోగ్రతల నియంత్రకు క్రుషిచేయాలన్నారు. ఈ కార్యక్రమంలో దేవస్థానం ఈఓ చంద్రశేఖర ఆజాద్ సిబ్బంది పాల్గొన్నారు.

Annavaram

2023-07-28 08:57:11

శ్రీ సత్యదేవుడిని దర్శించుకున్న దేవాదాయశాఖ కమిషనర్

అన్నవరం శ్రీ వీరవేంకట సత్యన్నారాయణ స్వామివారిని ఆంధ్రప్రదేశ్ దేవాదావశాఖ కమిషనర్ ఎస్.సత్యన్నారాయణ దంపతులు దర్శించుకున్నారు. శుక్రవారం ఈ మేరకు అన్నవరం వచ్చిన ఆయనకు ఈఓ చంద్రశేఖర్ ఆజాద్, అర్చకులు పూర్ణకుంభంతో స్వాగతం పలికారు. అనంతరం ఆయన అంతరాయలయంలో సత్యదేవుడిని దర్శించుకుని ప్రత్యేక పూజలు చేశారు. కమిషనర్ దంపతులకు వేద పండితులు ఆశీర్వచనాలు అందజేయగా, ఈఓ స్వామి ప్రసాదాలను అందజేశారు. ఈ కార్యక్రమంలో దేవస్థానం అధికారులు పాల్గొన్నారు.

Annavaram

2023-07-28 08:29:05

బూదరాళ్ల రహదారిలో ముమ్మరంగా పోలీస్ తనిఖీలు

ఆంధ్రా ఒడిసా సరిహద్దు ప్రాంతంలో ఈనెల జూలై 28 నుంచి ఆగస్టు 3 వరకు మావోయిస్టు వారోత్సవాలు జరుగుతున్న నేపథ్యంలో ఏజెన్సీలోని మావోయిస్టు ప్రభావిత ప్రాంతాల్లో ఎలాంటి అవాంఛనీయ సంఘటనలు జరగకుండా పోలీసులు కూంబింగ్ చేపడుతున్నారు. అడువులు, సరిహద్దు ప్రాంతాలు జల్లెడ పడుతున్నారు. మావోయిస్టుల వారోత్సవాల నియంత్రణ చర్యల్లో భాగంగా బుధవారం కొయ్యూరు సీఐ స్వామినాయుడు ఆధ్వర్యంలో  కొయ్యూరు ఎస్ఐ రాజారావు, మంప ఎస్ఐ లోకేష్ కుమార్ తమ పోలీస్ సిబ్బందితో అటవీప్రాంతాల్లో తనిఖీలు నిర్వహించారు. ఇందులో భాగంగా బూదరాళ్ల రోడ్డులో గుడ్లపల్లి, మర్రివాడ,  తదితర పరిసర ప్రాంతాలలో ఏరియా డామినేషన్ నిర్వహించారు. అనుమానస్పద ప్రాంతాలను క్షుణ్ణంగా తనిఖీ చేసారు. అంతేకాకుండా రాత్రి సమయాల్లో ఏజెన్సీలోని నైట్ హాల్ట్ ఆర్టీసి సర్వీసులను పోలీస్ స్టేషన్ల వద్దే నిలుపుదల చేస్తున్నారు.

Koyyuru

2023-07-26 16:12:36

నిర్ణీత సమయానికి హైవేలో హోటళ్లు మూసివేయాలి

జాతీయ రహదారికి అనుకొని వున్న హోటళ్లు, దాబాలు నిర్ణీత సమయానికి ప్రతీరోజూ మూసివేయాలరి నక్కపల్లి సిఐ జి.అప్పన్న సూచించారు. నక్కపల్లి  సర్కిల్ పరిధి లో ఉన్న హోటళ్లు , దాబాల యజమానులతో బుధవారం సాయంత్రం  సమావేశం నిర్వహించారు. ఈ సందర్భంగా ఆయన మాట్లాడుతూ, ప్రతిరోజు రాత్రి పదిగంటలకల్లా హోటళ్లు , దాబాలు మూసివేయాలన్నారు. హోటళ్ల లో ఎవరైనా కూర్చుని మద్యం సేవించినా.. గొడవలకు దిగినా యజమానులపై చర్యలు తీసుకుంటామని హెచ్చరిం చారు. అంతేకాకుండా కేసులు కూడా నమోదు చేస్తామన్నారు. హైవే డాబాలు పక్కన ఎవరైనా వాహనాలు ఆపిన సమయంలో ప్రమాదాలు జరిగితే దానికి సదరు నిర్వాహకులే బాధ్యత వహించాల్సి వుంటుందన్నారు. ఈ కార్యక్రమంలో  ఎస్ఐ ప్రసాదరావుతోపాటు సిబ్బంది, పలు హోటళ్ల నిర్వాహకులు తదితరులు పాల్గొన్నారు.

Nakkapalli

2023-07-26 13:38:12

అరకు ప్రాంతంలో సెల్ టవర్లను సత్వరమే నిర్మించండి

కేంద్రప్రభుత్వం ఇటీవల మంజూరు చేసిన సెల్ ఫోన్ టవర్లను సత్వరమే పూర్తిచేసి గిరిజ ప్రాంతాల్లో సమాచార వ్యవస్థను మెరుగు పరచాలని అరకు ఎంపి గొడ్డేటి మాధవి కేంద్ర రైల్వే, కమ్యూనికేషన్ శాఖ మంత్రి అశ్విన్ వైష్ణవ్ ను కోరారు. ఈ మేరకు ఆమె బుధవారం ఢిల్లీలో ఆయనను కలిసి తన పార్లమెంటు నియోజకవర్గం పరిధిలోని సమాచార వ్యవస్థ, ఇబ్బందులను వివరించారు. అల్లూరి సీతారమరాజు జిల్లాలోని అరకు, మన్యం పార్వతీపురం జిల్లాలలో ప్రధానంగా నెలకొన్న పలు రైల్వే సమస్యలను కూడా మంత్రి దృష్టికి తీసుకెళ్లారు. సెల్ టవర్లు, రైల్వే పనులకు సంబంధిచి ప్రత్యేకంగా వినతి పత్రం సమర్పించారు. ప్రస్తుతం చాలా గ్రామాల్లో నేటికీ సెల్ ఫోన్లు సైతం పనిచేసే అవకాశం లేకుండా పోయింది. ప్రస్తుతం కేంద్రం తీసుకున్న నిర్ణయం కారణంగా చాలాచోట్ల సెల్ టవర్ల ఏర్పాటుకు మార్గం సుగమం అయ్యింది.

Araku (St)

2023-07-26 13:16:45

జగనన్న ఇండ్ల నిర్మాణాలు వేగవంతం చేయాలి

విశాఖజిల్లాలో జగనన్న కాలనీ ఇండ్ల నిర్మాణాలు వేగవంతం చేయాలని జిల్లా కలెక్టర్ డా ఏ మల్లికార్జున సంబంధిత శాఖల అధికారులు , గుత్తేదారులని ఆదేశించారు. మంగళవారం సాయంత్రం  జిల్లాలోని జగనన్న లేఅవుట్ల ఇళ్ల నిర్మాణంపై వెబెక్స్ ద్వారా జిల్లాలోని ఎస్ఈ లు , డీఈలు, ఏఈలు , జివిఎంసి , అన్ని మండలాల ఎంపిడిఓలు , గుత్తేదారులతో  తో సమీక్ష నిర్వహించారు. ఈ సందర్భంగా ఆయన మాట్లాడుతూ జగనన్న లేఅవుట్లలో సకాలంలో ఇళ్ల నిర్మాణం జరిగేలా ప్రణాళికలు సిద్ధం చేయాలని సమీక్షలో  పాల్గొన్న అధికారులను ఆయన ఆదేశించారు. ఈ సమావేశంలో జిల్లా కలెక్టర్ గుత్తేదారు  వారీగా సమీక్ష నిర్వహించారు. బిలో బేస్మెంట్ స్థాయిలో ఉన్న గృహాలన్నీ బేస్మెంట్ స్థాయికి తీసుకు రావాలన్నారు.

 బేస్మెంట్ లెవెల్ అంతకన్నా ఎక్కువ స్థాయిలో ఉన్న గృహాలన్నీ రూప్ క్యాస్టింగ్ స్థాయికి తీసుకురావాలన్నారు. అలాగే ఎప్పటికప్పుడు ఇళ్ల నిర్మాణాలను వేగంగా పూర్తి చేసి స్టేజి అప్డేషన్ చేయాలన్నారు. ఇళ్ల నిర్మాణానికి అవసరమైన ఇసుక, స్టీల్, సిమెంట్ లను లేఅవుట్లకు ఎప్పటికప్పుడు సరఫరా చేసేలా చూడాలని, సకాలంలో ఇళ్ల నిర్మాణాలు పూర్తి అయ్యేలా అధికారులు చర్యలు తీసుకోవాలన్నారు. క్షేత్ర స్థాయిలో ఇంజనీరింగ్ అధికారులు పూర్తి స్థాయిలో సహకరించి పనిచేయాలన్నారు .
ఈ వెబెక్స్ సమావేశంలో జాయింట్ కలెక్టర్ కె ఎస్ విశ్వనాథన్ , హోసింగ్ పిడి శ్రీనివాసరావు , వి ఎం అర్ డి ఎ అధికారులు , ఈపీడీసీఎల్ , మండల పరిధిలోని ఎంపీడీఓ లు,  ఏఈలు తదితరులు పాల్గొన్నారు.

Visakhapatnam

2023-07-25 15:47:12

టమాటా ధరల నియంత్రణకు ప్రభుత్వం చర్యలు తీసకుంటుంది..

టమాటా దిగుబడి తగ్గి, మార్కెట్ లో ధరలు హాఠాత్తుగా పెరగడంతో.. వినియోగదారులకు సబ్సిడీ ధరపై టమాటాలు విక్రయించేందుకు తమ ప్రభుత్వం అన్ని చర్యలు తీసుకుందని రాష్ట్ర హోంమంత్రి, విపత్తుల నిర్వహణ శాఖ మంత్రి డాక్టర్ తానేటి వనిత తెలిపారు. సోమవారం కొవ్వూరు పట్టణంలోని వాటర్ ట్యాంక్ వద్ద గల రైతు బజారులో సబ్సిడీ పై టమాటా విక్రయ కౌంటర్ ను ఆమె ప్రారంభించారు. అనంతరం టమాలను సబ్సిడీ ధరపై వినియోగదారులకు మంత్రి అందజేశారు. రూ.50 లకే నాణ్యమైన, స్వచ్చమైన టమాటాలు ప్రభుత్వం అందించడంతో మహిళలు చాలా సంతోషంగా వ్యక్తం చేస్తున్నారని హోంమంత్రి తెలిపారు. నిత్యావసర ధరలను కంట్రోల్ చేయడానికి సీఎం వై.ఎస్. జగన్ మోహన్ రెడ్డి అన్ని చర్యలు తీసుకుంటున్నారని తెలిపారు. మొన్నటి వరకు ఎండలు, ఇప్పుడు భారీ వర్షాల కారణంగా టమాటా దిగుబడులు తగ్గాయని, దీంతో మార్కెట్లో టమాటా ధరలు ఆమాంతం పెరిగి కిలో ధర రూ.120 నుంచి రూ.150 లు ఉందన్నారు. ఈ నేపథ్యంలో ప్రజలపై భారం పెరగకుండా చూసేందుకు ప్రభుత్వం సబ్సిడీ ధరల్లో టమాటాలు అందిస్తోందని హోంమంత్రి తానేటి వనిత వివరించారు. కొవ్వూరు రైతు బజారుకు సోమవారం సుమారు 800 కిలోల(30 ట్రేలు) నాణ్యమైన టమాటాలు దిగుమతి చేసుకున్నామని తెలిపారు. ఈసబ్సిడీ టమాటా పలమనేరు రైతులు నుండి స్వయంగా ప్రభుత్వం దిగుమతి చేసుకుంటుందని హోంమంత్రి తానేటి వనిత తెలిపారు.ఈ కార్యక్రమంలో స్థానిక ప్రజా ప్రతినిధులు, నాయకులు, అధికారులు, రైతులు పాల్గొన్నారు.  

Kovvur

2023-07-03 10:29:12

టీడీపీ విజయంతోనే యువతకు న్యాయం.. గంటా రవితేజ

తెలుగుదేశం పార్టీ వచ్చే ఎన్నికల్లో ఘన విజయం సాధిస్తుందని, అప్పుడే యువతకు తగిన గుర్తింపు, న్యాయం జరుగుతుందని ఆ పార్టీ యువనేత, మాజీ మంత్రి గంటా శ్రీనివాసరావు తనయుడు, మరో మాజీ మంత్రి నారాయణ అల్లుడు గంటా రవితేజ అన్నారు.. యువగళం పాదయాత్రలో భాగమై.. అనంతరం నెల్లూరులో నారా లోకేష్‌తో రవితేజ ప్రత్యేకంగా భేటీ అయ్యారు. ఈ సందర్భంగా రవితేజ మాట్లాడుతూ యువతకు అన్నివిధాలా తెలుగుదేశం పార్టీ అండగా నిలుస్తోందన్నారు.. నిరుద్యోగ సమస్యకు చెక్‌ చెప్పి.. ఉద్యోగావకాశాలు పెరగాలంటే అదొక్క టీడీపీతోనే సాధ్యమన్నారు. యువతకు నిరుద్యోగ భృతి అందించిన ఒకే ఒక్క పార్టీ టీడీపీయేనని చెప్పారు. అలాగే వచ్చే ఎన్నికల్లో యువతకు అధిక సీట్లు కేటాయించే అవకాశముందన్నారు. వైసీపీ అధికారంలోకి వచ్చిన తర్వాత యువత చాలా నష్టపోయిందని ఆవేదన వ్యక్తం చేశారు.. తగిన ఉద్యోగావకాశాలు కరువై ఇబ్బందులు పడుతున్నారని తెలిపారు. టీడీపీని మళ్లీ అధికారంలోకి తీసుకొచ్చేందుకు యువత కృషి చేయాల్సిన అవసరమెంతైనా ఉందన్నారు. యువతీయువకులంతా సంఘటితంగా టీడీపీకి మద్దతు పలికి.. వచ్చే ఎన్నికల్లో సత్తా చూపించాలని విజ్ఞప్తి చేశారు.

nellore

2023-07-03 09:36:56

గిరి ప్రదక్షిణలో భక్తులకు ఆర్యవైశ్యుల ఫలహార వితరణ..

సింహాచలం వరాహ నరసింహస్వామి గిరి ప్రదక్షిణ సందర్భంగా విశాఖపట్నం ఆర్యవైశ్య యువజన సంఘం ఆధ్వర్యంలో సీతమ్మధార మెయిన్ రోడ్ హెచ్. బి.కాలనీ లాస్ట్ బస్ స్టాప్ వద్ద గల బాలాజీ ఫంక్షన్ హాల్ ఎదురుగా భక్తులకు ఇడ్లీ, టమాటా బాత్, తీపి బూంది పలహారాలను అందించారు. ఆదివారం సాయంత్రం 5 గంటల నుండి నిర్విరామంగా అందజేశారు. గిరి ప్రదక్షిణ చేస్తున్న సిబిఐ మాజీ జాయింట్ డైరెక్టర్ లక్ష్మీనారాయణ ఆ మార్గంలో ప్రయాణిస్తూ ఈ శిబిరంలో సేవ చేస్తున్న ఆర్యవైశ్య సంఘం సభ్యులను గిరి ప్రదక్షిణ చేస్తున్న భక్తులకు బలవర్ధకమైన ఫలహారం అందిస్తున్నందుకు అభినందించి కొంతసేపు భక్తులకు ఫలహార పంపిణీ చేసారు. ఈ సందర్భంగా సంఘం అధ్యక్షులు నల్లూరి నూకరాజు. కార్యదర్శి పూసర్ల సురేష్ కుమార్ మాట్లాడుతూ ప్రతిఏటా నిర్వహించే ఆధ్యాత్మిక కార్యక్రమాల్లో భాగంగా గిరి ప్రదక్షిణ భక్తులకు ఫలహారం పంపిణీ కార్యక్రమం చేపట్టినట్లు తెలిపారు.  కార్యక్రమ చైర్మన్ పూసర్ల సుధీర్ మాట్లాడుతూ, సంఘం సభ్యులు స్వచ్ఛంద విరాళ రూపంలో అందించిన పచారీ సరుకులు, నగదు  మొత్తంతో భక్తులకు ప్రసాదం పంపిణీ చేస్తున్నట్లు విరించారు. అంతకుముందు ఈ పలహార వితర కార్యక్రమాన్ని ప్రముఖ న్యాయవాదులు ఎం.కే. శ్రీనివాస్, ఎం.ఎస్. వెంకటేష్ లు ప్రారంభించారు. ఈ కార్యక్రమంలో సంఘం కోశాధికారి గ్రంధి దుర్గాప్రసాద్, కన్యకాపరమేశ్వరి దేవస్థానం అధ్యక్షులు ఆరిశెట్టి దినకర్, ఇసుక కొండ సత్యనారాయణ స్వామి దేవస్థానం మాజీ అధ్యక్షుడు విన్నకోట రామమూర్తి, సభ్యులు దుర్గా సోమేశ్వరరావు వెదుళ్ళపల్లి శ్రీనివాసరావు, సుగ్గు శివకుమార్, కె.వి. రమణయ్య, పూసర్ల సంజీవరావు, కంకటాల సతీష్, తదితరులు పాల్గొన్నారు.

Visakhapatnam

2023-07-03 06:31:09