ప్ర‌త్యేక భూసంబంధ వివాదాలు, స‌మ‌స్య‌లు ఉన్న గ్రామాల్లో తొలివిడ‌త‌లోనే స‌మ‌గ్ర భూస‌ర్వే చేప‌ట్టాల‌ని పుర‌పాల‌క శాఖ‌ మంత్రి బొత్స స‌త్య‌నారాయ‌ణ పేర్కొన్నారు. ఈ గ్రామాల్లో త్వ‌ర‌గా స‌మ‌స్య‌లు ప‌రిష్కారం జ‌ర‌గాల్సిన అవ‌స‌రం ఉంద‌న్నారు. వై.ఎస్‌.ఆర్‌.జ‌గ‌న‌న్న‌ స‌మ‌గ్ర భూహ‌క్కు, భూర‌క్ష ప‌థ‌కం అమ‌లుపై రాష్ట్ర స్థాయి ఉప‌సంఘంలో స‌భ్యుడిగా వున్న మంత్రి బొత్స జామి మండ‌లం విజినిగిరిలో శుక్ర‌వారం మాట్లాడుతూ అవ‌స‌ర‌మైతే రాష్ట్ర క‌మిటీ స‌మావేశంలో ఈ అంశంపై నిర్ణ‌యం తీసుకుంటామ‌న్నారు. ఇనాం, మ‌ఖాసా భూములు వంటి ప‌లు ర‌కాల భూసంబంధ స‌మ‌స్య‌లు ఉన్న‌చోట తొలివిడ‌త‌లోనే స‌ర్వే జ‌ర‌గాల‌ని చెప్పారు. మంత్రి శుక్ర‌వారం జామి మండ‌లం విజినిగిరిలో ప‌ర్య‌టించారు. ఈ గ్రామంలో ప‌లువురు మ‌ఖాసా భూముల స‌ర్వే ఎంతోకాలంగా పెండింగులో వున్న అంశం మంత్రి దృష్టికి తీసుకువ‌చ్చారు. ఈ సంద‌ర్భంగా జిల్లా క‌లెక్ట‌ర్  సూర్య‌కుమారికి సూచ‌న‌లు చేస్తూ ఈ అంశంపై తొలివిడ‌త‌లో చేప‌ట్టేందుకు ప్ర‌తిపాద‌న‌లు చేయాల‌న్నారు. రాష్ట్రంలో 2023 నాటికి స‌మ‌గ్ర‌ భూస‌ర్వే పూర్తిచేయాల‌ని ప్ర‌భుత్వం ల‌క్ష్యంగా నిర్దేశించుకుంద‌న్నారు. మ‌న రాష్ట్రంలో చేప‌ట్టిన త‌ర్వాత కేంద్రం కూడా జాతీయ‌స్థాయిలో అన్ని రాష్ట్రాల్లో ఇదే త‌ర‌హాలో భూస‌ర్వే చేప‌ట్టేందుకు నిర్ణ‌యించింద‌న్నారు.

గ్రామంలో రూ.40 ల‌క్ష‌ల ఎం.ఎన్‌.ఆర్‌.ఇ.జి.ఎస్‌. నిధుల‌తో నిర్మించిన గ్రామ స‌చివాల‌య భవనాన్ని మంత్రి ప్రారంభించారు. ఈ సంద‌ర్బంగా మంత్రి మాట్లాడుతూ ముఖ్య‌మంత్రి మాన‌స‌పుత్రిక గ్రామ స‌చివాల‌యాలు, వ‌లంటీర్ల వ్య‌వ‌స్థ అని పేర్కొంటూ, ఈ వ్య‌వ‌స్థ‌పై ముఖ్య‌మంత్రి  జ‌గ‌న్ ఎంతో న‌మ్మ‌కం పెట్టుకున్నార‌ని, ఆ న‌మ్మ‌కాన్ని నిల‌బెట్టేలా స‌చివాల‌య సిబ్బంది, వ‌లంటీర్లు ప‌నిచేయాల‌న్నారు. ఎట్టి ప‌రిస్థితుల్లోనూ ప్ర‌భుత్వానికి అప్ర‌తిష్ట తెచ్చే ప‌నులు చేయ‌వ‌ద్ద‌ని కోరారు. వ‌లంటీర్ల‌ను ప్ర‌భుత్వానికి క‌ళ్లు, చెవులుగా ముఖ్య‌మంత్రి భావిస్తున్నార‌ని వీరి ప‌నిత‌నంపైనే ప్ర‌భుత్వ ప్ర‌తిష్ట ఆధార‌ప‌డి వుంద‌న్నారు.

జిల్లా క‌లెక్ట‌ర్  ఏ.సూర్య‌కుమారి మాట్లాడుతూ గ్రామానికి మంచి అంద‌మైన స‌చివాల‌య భ‌వ‌నాన్ని నిర్మించుకున్నార‌ని పేర్కొంటూ గ్రామ స‌ర్పంచ్‌ను అభినందించారు. అదే విధంగా గ్రామ ప్ర‌జ‌ల ఆరోగ్యంప‌ట్ల కూడా స్థానిక ప్ర‌తినిధులు శ్ర‌ద్ధ చూపి ప్ర‌జ‌లంతా కోవిడ్ వ్యాక్సిన్ వేసుకునేలా చ‌ర్య‌లు చేప‌ట్టాల‌న్నారు. జామి మండలంలో కోవిడ్ కేసులు అధికంగా వుండ‌టంతో పాటు వ్యాక్సినేష‌న్ త‌క్కువ‌గా జ‌రుగుతోంద‌ని, ఈ విష‌యంలో ప్ర‌జాప్ర‌తినిధులు, స్థానిక సంస్థ‌ల ప్ర‌తినిధులు ప్ర‌జ‌ల‌ను వ్యాక్సిన్ వేసుకునేలా ప్రోత్స‌హించాల‌ని కోరారు.  మూడో వేవ్ రాక ముందే జిల్లాలో ప్ర‌తి ఒక్క‌రికీ వ్యాక్సిన్ వేయాల‌ని ప్ర‌య‌త్నిస్తున్నామ‌ని దీనికి ప్ర‌తిఒక్క‌రూ స‌హ‌క‌రించాల‌న్నారు.

ఈ కార్య‌క్ర‌మంలో శాస‌న‌స‌భ్యులు బొత్స అప్ప‌ల‌న‌ర‌స‌య్య‌, క‌డుబండి శ్రీ‌నివాస‌రావు, శాస‌న‌మండ‌లి స‌భ్యుడు సురేష్‌బాబు త‌దిత‌రులు మాట్లాడారు. ఆర్‌.డి.ఓ. బిహెచ్‌.భ‌వానీ శంక‌ర్‌, పంచాయ‌తీరాజ్ ఎస్‌.ఇ. విజ‌య్ కుమార్‌, మండ‌ల ప్ర‌త్యేక అధికారి విజ‌య్ కుమార్‌, డివిజ‌న‌ల్ డెవ‌ల‌ప్ మెంట్ అఫీస‌ర్ రామ‌చంద్ర‌రావు, గ్రామ స‌ర్పంచ్ కిలారి సూర్యారావు త‌దిత‌రులు పాల్గొన్నారు. అనంత‌రం మంత్రి బొత్స గంట్యాడ మండ‌లం కొర్లాంలో గ్రామ స‌చివాల‌య భ‌వ‌నాన్ని, రైతుభ‌రోసా కేంద్రాన్ని ప్రారంభించారు.

తూర్పుగోదావరి జిల్లాలో ఆగస్టు 21న గ్రుహనిర్మాణ శాఖ మంత్రి చెరుకువాడ శ్రీరంగనాథ రాజు  రాజానగరం మండలో పర్యటించనున్నారని రాజమండ్రి హౌసింగ్ కార్యాలయం ఒక ప్రకటనలో తెలియజేసింది. ఈ మేరకు శుక్రవారం మీడియాకి ప్రకటన విడుదల చేశారు. రాష్ట్ర గృహ నిర్మాణ శాఖ మంత్రి తోపాటు, రాష్ట్ర హౌసింగ్ కార్పొరేషన్ చైర్మన్ దవులూరి దొరబాబు నరేంద్రపురం గ్రామంలో వైఎస్సార్ జగనన్న కాలనీలను సందర్శిస్తారని, అక్కడే పలు అభివ్రుద్ది కార్యక్రమాలకు, ఇళ్ల నిర్మాణాలకు శంఖుస్థాపనలు కూడా చేస్తారని ఆ ప్రకటనలో పేర్కొన్నారు.

స‌చివాల‌య సిబ్బంది ఉత్త‌మ సేవ‌ల ద్వారా గ్రామీణ ప్ర‌జ‌ల అభిమానాన్ని పొందాల‌ని, ప్ర‌భుత్వానికి మంచి పేరు తీసుకురావాల‌ని జాయింట్ క‌లెక్ట‌ర్(ఆస‌రా) జె.వెంక‌ట‌రావు హిత‌వు ప‌లికారు. ప్ర‌భుత్వం స‌చివాల‌య సిబ్బందిపైనే ఎన్నో ఆశ‌లు పెట్టుకుంద‌ని, ముఖ్య‌మంత్రి శ్రీ జ‌గ‌న్ మోహ‌న్ రెడ్డి ఎంతో మంచి ఆశ‌యంతో ప్ర‌వేశ‌పెట్టిన ఈ వ్య‌వ‌స్థ‌ను విజ‌య‌వంతం చేసేందుకు శాయ‌శ‌క్తులా కృషిచేయాల‌న్నారు.  జాయింట్  క‌లెక్ట‌ర్(ఆసరా) జె.వెంక‌ట‌రావు గురువారం  డెంకాడ మండ‌లంలో విస్తృతంగా ప‌ర్య‌టించారు. అమ‌కాం, గొల‌గాం(గంట్లాం) లోని గ్రామ స‌చివాల‌యాల‌ను, రైతుభ‌రోసా కేంద్రాన్ని త‌నిఖీ చేశారు. ఈ సంద‌ర్భంగా ఆయా గ్రామాల్లో స‌చివాల‌యాల ద్వారా అందుతున్న సేవ‌ల‌పై ఆరా తీశారు. ఆయా గ్రామాల్లోని స‌చివాల‌య రికార్డుల‌ను త‌నిఖీ చేశారు. సంక్షేమ ప‌థ‌కాలు అందిస్తున్న తీరును తెలుసుకున్నారు. వ‌లంటీర్లు ప్ర‌జ‌ల‌కు అందుబాటులో వున్న‌దీ లేనిదీ ఆరా తీశారు.

గ్రామీణ ప్రాంత ప్ర‌జ‌ల‌కు వారి గ్రామంలోనే వుంటూ ప్ర‌భుత్వ సేవ‌లు, ప్ర‌భుత్వ ప‌థ‌కాలు అందుకోవాల‌నే స‌దుద్దేశ్యంతో ముఖ్య‌మంత్రి  వై.ఎస్‌.జ‌గ‌న్ మోహ‌న్ రెడ్డి గ్రామ స‌చివాల‌యాలు, రైతుభ‌రోసా కేంద్రాల‌ను ప్ర‌వేశ‌పెట్టార‌ని ఆ ల‌క్ష్యాలు నెర‌వేరేలా స‌చివాల‌య సిబ్బంది, ఆర్బీకెల సిబ్బంది చిత్త‌శుద్దితో కృషిచేయాల‌ని జాయింట్ క‌లెక్ట‌ర్‌(రెవిన్యూ) డా.జి.సి.కిషోర్ కుమార్ పేర్కొన్నారు. సచివాల‌యాలు, ఆర్బీకెల ద్వారా గ్రామీణుల‌కు ఉత్త‌మ సేవ‌లు అందించే దిశ‌గా ప‌నిచేసి ఈ వ్య‌వ‌స్థ‌ను విజ‌య‌వంతం చేసే బాధ్య‌త స‌చివాల‌యాల సిబ్బందిపైనే వుంద‌న్నారు. జాయింట్  క‌లెక్ట‌ర్(రెవిన్యూ) డా.కిషోర్ కుమార్ గురువారం మ‌ధ్యాహ్నం డెంకాడ మండ‌లంలో విస్తృతంగా ప‌ర్య‌టించారు. చింత‌ల‌వ‌ల‌స‌, ర‌ఘుమండ‌, బొడ్డ‌వ‌ల‌స గ్రామాల్లో స‌చివాల‌యాల‌ను త‌నిఖీ చేశారు. ఈ సంద‌ర్భంగా ఆయా గ్రామాల్లో స‌చివాల‌యాల ద్వారా అందుతున్న సేవ‌ల‌పై ఆరా తీశారు. ఆయా గ్రామాల్లోని వ‌లంటీర్ల‌తో మాట్లాడి త‌మ ప‌రిధిలోని కుటుంబాల‌కు ఏవిధంగా సేవ‌లు అందిస్తున్న‌దీ తెలుసుకున్నారు. ఇ-కెవైసి జ‌రుగుతున్న తీరు, సంక్షేమ ప‌థ‌కాలు అందిస్తున్న తీరును తెలుసుకున్నారు. వ‌లంటీర్లు ప్ర‌జ‌ల‌కు అందుబాటులో వున్న‌దీ లేనిదీ ఆరా తీశారు. ఈ ప‌ర్య‌ట‌న‌లో మండ‌ల త‌హ‌శీల్దార్ ఆదిల‌క్ష్మి త‌దిత‌రులు పాల్గొన్నారు.

శంఖవరం మండలం పరిధిలోని 25వేల గొర్రెలు, మేకలకు నట్టల నివారణ వేక్సిన్ పంపిణీ చేసినట్టు పశు సంవర్ధకశాక సహాయ సంచాలకులు డా.ఎం వీరరాజు తెలియజేశారు. గురువారం శంఖవరం పశువుల ఆసుపత్రిలో ఆయన మీడియాతో మాట్లాడారు. మొత్తం సుమారు 16 గ్రామ సచివాలయాల పరిధిలోని 14 పంచాయతీల్లో 30వే మేకలు,గొర్రెలు ఉండగా25 మేకలు, గొర్రెలకు వేక్సిన్ వేశామన్నారు. ఈనెలాఖరులో మిగిలిన వాటికి కూడా పూర్తి చేస్తామని ఏడి వివరించారు. వేక్సిన్ కోసం గ్రామ సచివాలయాల పరిధిలోని వెటర్నరీ సహాయకులను సంప్రదించాలని ఆయ సూచించారు.

గ్రామ స‌చివాల‌య సిబ్బంది ప్ర‌జ‌ల‌కు నిత్యం అందుబాటులో వుంటూ స‌చివాలయాల ద్వారా మెరుగైన‌, వేగ‌వంత‌మైన‌ సేవ‌లందించాల‌ని జాయింట్ క‌లెక్ట‌ర్(ఆస‌రా) జె.వెంక‌ట‌రావు ఆదేశించారు. గుర్ల మండ‌లంలో జె.సి. బుధ‌వారం ప‌ర్య‌టించి ప‌లు గ్రామ సచివాల‌యాల‌ను త‌నిఖీ చేశారు. ముందుగా కెల్ల గ్రామ స‌చివాల‌యాన్ని సంద‌ర్శించి అక్క‌డి సిబ్బంది హాజ‌రుపై ఆరా తీశారు. సిబ్బంది నిర్ణీత వేళ‌ల్లో విధుల‌కు హాజ‌ర‌వుతోందీ లేనిదీ త‌నిఖీ చేశారు. కార్యాల‌య రిజిష్ట‌ర్ల‌ను, రికార్డుల‌ను ప‌రిశీలించారు. ప్ర‌భుత్వ ప‌థ‌కాలు పొందేందుకు ల‌బ్దిదారుల‌కు వుండాల్సిన అర్హ‌తలు, ద‌ర‌ఖాస్తు చేసుకొనే విధానం త‌దిత‌ర అంశాల‌పై స‌చివాల‌యంలో పూర్తిస్థాయిలో స‌మాచారం అందుబాటులో వుంచిన‌దీ లేనిదీ ప‌రిశీలించారు. సిబ్బంది ఎవ‌రెవ‌రు ఏయే విధులు నిర్వ‌హిస్తున్న‌దీ గ్రామంలో ఏ ర‌క‌మైన సేవ‌లంందించిందీ తెలుసుకున్నారు. ప్ర‌జ‌ల నుంచి వివిధ స‌మ‌స్య‌ల‌పై వ‌చ్చే ద‌ర‌ఖాస్తుల‌ను ప‌రిష్క‌రించేందుకు ఎంత స‌మ‌యం తీసుకుంటున్న‌దీ అడిగి తెలుసుకున్నారు. ప్ర‌జ‌ల నుంచి వ‌చ్చే విన‌తుల ప‌రిష్కారంలో జాప్యానికి తావివ్వొద్ద‌ని హెచ్చ‌రించారు.

అనంత‌రం ఇదే మండ‌లంలోని కోట‌గండ్రేడు గ్రామ స‌చివాల‌యాన్ని జె.సి. సంద‌ర్శించారు. ఈ సంద‌ర్భంగా సంక్షేమ ప‌థ‌కాల ల‌బ్దిదారుల ఎంపిక విధానం, వ‌లంటీర్ల ప‌నితీరుపై స‌మీక్షించారు. ప్ర‌భుత్వం నిర్దేశించిన విధంగా రేష‌న్ కార్డులు, ఇళ్ల‌స్థ‌లాలు, ఫించ‌న్ల మంజూరు త‌దిత‌ర అంశాల్లో గ‌డువులోగా వాటిని మంజూరు చేస్తున్న‌దీ లేనిదీ తెలుసుకున్నారు.

రైతులకు నాణ్యమైన విత్తనాలు, ఎరువులు అందించి వ్యవసాయాన్ని లాభసాటి చేయడమే ఆర్బీకే సెంటర్ల ఏర్పాటు లక్ష్యమని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు అన్నారు. భీమిలీ నియోజకవర్గంలోని భీమునిపట్నంలో 73.54 లక్షలతో నిర్మించిన వైఎస్సార్ అగ్రి టెస్టింగ్ ల్యాబ్ ను మంత్రి ప్రారంభించారు. 50 లక్షలతో  వ్యవసాయ మార్కెట్ నూతన కార్యాలయంకు శంకుస్థాపన చేశారు. ఈ సందర్భంగా మంత్రి మాట్లాడుతూ.. రైతుల బాధలు అర్తం చేసుకున్న ముఖ్యమంత్రి వైఎస్ జగన్ మోహన్ రెడ్డి నియోజకవర్గానికో అగ్రి టెస్టింగ్ ల్యాబ్ ఏర్పాటు చేస్తున్నారని అన్నారు. 

ఆర్గానిక్ ఫార్మింగ్ వైపు మళ్లీ ప్రపంచం అడుగులేస్తోంది. మారిన జీవన విధానం, ఆరోగ్య పరిస్థితుల దృష్ట్యా మంచి పోషకాహారం తీసుకోవడం ఎంతో అవసరం అని అన్నారు. నియోజకవర్గంలోని 47 ఆర్బీకే సెంటర్లకుగానూ ఆగస్టు నెలాఖరుకు సగం పూర్తవ్వాలని.. దసరాకు మొత్తం ఆర్బీకే సెంటర్ల నిర్మాణం పూర్తికావాలని అధికారులను ఆదేశించారు. పంట నష్టం జరిగితే రైతులు నష్టపోకూడదని ఈ-క్రాప్ విధానం తీసుకొచ్చి ఇన్సూరెన్స్ సౌకర్యం కల్పించారని అన్నారు. నియోజకవర్గంలోని రైతుల సమస్యలు తన దృష్టికి తీసుకొస్తే పరిష్కరించేందుకు కృషి చేస్తానని అన్నారు. రైతులకు సేవ చేస్తే.. భగవంతునికి చేసినట్టేనని మంత్రి ఈ సందర్బంగా అన్నారు. 

మేయర్ హరి వెంకట కుమారి మాట్లాడుతూ.. రైతులకు నాణ్యమైన విత్తనాలు, ఎరువులు లభించేందుకు ఈ అగ్రి ల్యాబ్స్ ఉపయోగపడతాయని అన్నారు. రైతుల సంక్షేమం కోరి ప్రభుత్వం అందిస్తున్న సౌకర్యాలను రైతులు ఉపయోగించుకోవాలని అన్నారు. అగ్రికల్చరల్ జాయింట్ డైరెక్టర్ లీలావతి మాట్లాడుతూ.. ప్రతి నియోజకవర్గస్థాయిలో ఒక ఇంటిగ్రేటెడ్ అగ్రిల్యాబ్ స్థాపణతో నాణ్యమైన విత్తనాలు, ఎరువులు వాడుకునే అవకాశం ఉందన్నారు. జిల్లాలో ఉన్న 627 రైతు భరోసా కేంద్రాల ద్వారా నాణ్యమైన విత్తనాలు, ఎరువులు, పురుగుమందులు సరఫరా చేస్తున్నామని అన్నారు. రైతులందరూ ఈపంటలో పేర్లు నమోదు చేసుకోవాలని ఆమె కోరారు. 

ఈ కార్యక్రమంలో వ్యవసాయ మార్కెట్ చైర్మన్ దాట్ల పెదబాబు, అగ్రికల్చరల్ ఏడీ, హార్టికల్చరల్ ఏడీ, జిల్లా పశుసంవర్ధక శాఖ చైర్మన్ గాడు వెంకటప్పడు, వ్యవసాయ అధికారులు, మాజీ ఎంపీపీ కొరడ వెంకటరావు, , కార్పొరేటర్లు, మార్కెటింగ్ కమిటీ డైరెక్టర్లు, పీఏసీఎస్ అధ్యక్షులు, మూడు మండలాల సర్పంచులు, ఎంపీటీసీ అభ్యర్థులు, రైతులు తదితరులు పాల్గొన్నారు.