థర్ఢ్ వేవ్ కరోనాను ద్రుష్టిలో ఉంచుకొని ప్రభుత్వ పాఠశాలల్లో పనిచేస్తున్న అందరు ఉపాధ్యాయులు కరోనా వేక్సిన్ వేయించుకోవాలని ఎంఈఓ ఎస్వీరమణ సూచించారు. బుధవారం శంఖవరంలో తన కార్యాలయంలో ఆయన మీడియాతో మాట్లాడారు. ఇప్పటికే మండలంలోని 46 ప్రభుత్వ పాఠశాలల్లో పనిచేస్తున్న ఉపాధ్యాయులందరికీ ఆదేశాలు జారీచేశామన్నారు. కొందరు మొదటి డోసు వేసుకుని, రెండ డోసుకి సిద్ధంగా ఉన్నవారిని కూడా వేక్సిన్లు వేయించుకోవాలని సూచించామన్నారు. ప్రభుత్వ ఆదేశాల మేరకు ప్రతీపాఠశాలలో కోవిడ్ నిబంధనలు అమలు చేస్తున్నట్టు చెప్పిన ఎంఈఓ అత్యవసర సమయంలో పాఠశాలల్లో బ్లీచింగ్ చల్లించే ఏర్పాటు కూడా చేస్తున్నామన్నారు. పిల్లలను కూడా దూరం దూరంగానే కూర్చోబెట్టాలనే నిబంధనను కూడా అమలు చేస్తున్నట్టు ఆయన వివరించారు.

పేద ప్రజలకు మెరుగైన వైద్యం అందించాలనేది రాష్ట్ర ముఖ్యమంత్రి వైఎస్ జగన్ మోహన్ రెడ్డి లక్ష్యమని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు అన్నారు. మధురవాడలో నాడు-నేడులో భాగంగా 69 లక్షలతో అభివృద్ధి చేసిన ప్రాథమిక ఆరోగ్యకేంద్ర భవనాన్ని మంత్రి బుధవారం ప్రారంభించారు. ఈసంధర్బంగా మంత్రి మాట్లాడుతూ.. మధురవాడ ఎంతో అభివృద్ధి చెందుతున్న ప్రాంతమని.. ఇక్కడి స్థానికులకు  మెరుగైన వైద్యం అందించేందుకు పీహెచ్ సీ అభివృద్ధి చేయడం సంతోషంగా ఉందన్నారు. ఈ పీహెచ్ సీని అప్పర్ ప్రైమరీ హెల్త్ సెంటర్ గా అప్ గ్రేడ్ చేసేవిధంగా చర్యలు తీసుకోవాలని డీఎంహెచ్ఓకు మంత్రి సూచించారు. ఆసుపత్రిలో పురుషులకు, మహిళలకు వేర్వేరుగా ఓపీ వార్డులు ఏర్పాటు చేయాలని మంత్రి సూచించారు. ఆసుపత్రికి ఒక డాక్టర్, నైట్ సెక్యూరిటీ, ఇద్దరు వాచ్ మెన్లను నియమించాలని మంత్రి అధికారులను ఆదేశించారు. ఆసుపత్రి ఆవరణలో సుందరీకరణ చేపట్టాలని, రోగుల బంధువులు వేచి ఉండేందుకు ఒక షెడ్డు నిర్మించాలని కూడా మంత్రి ఆదేశించారు. ఆసుపత్రిలో కార్పొరేట్ తరహా వసతులు, ప్రజలకు వైద్యం అందాలని మంత్రి అన్నారు. పీహెచ్ సీని రాబోయే రోజుల్లో కార్పొరేట్ ఆసుపత్రి స్థాయిలో అభివృద్ధి చేసేందుకు కృషి చేస్తానని మంత్రి అన్నారు. గతంలో ప్రభుత్వాసుపత్రులకు, ప్రభుత్వ పాఠశాలలకు వెళ్లాలంటే సామాన్యులు ఆలోచించేవారని.. ఇప్పుడు నాడు-నేడులో భాగంగా సీఎం జగన్ మోహన్ రెడ్డి ఆసుపత్రులను, పాఠశాలలను అభివృద్ధి చేసి వారికి చేరువ చేసారని అన్నారు. కరోనాను ఎదుర్కొనేందుకు వ్యాక్సినేషన్ ఒకటే మార్గమని ప్రజలంతా వ్యాక్సిన్ వేయించుకోవాలని మంత్రి కోరారు. కరోనా టెస్టుల్లో, వ్యాక్సినేషన్లో దేశంలోనే ఏపీ అగ్రగామిగా ఉందని అన్నారు. మధురవాడకు డిగ్రీ కాలేజ్ తీసుకొచ్చేందుకు కృషి చెస్తానని మంత్రి అన్నారు.

జాయింట్ కలెక్టర్ అరుణ్ బాబు మాట్లాడుతూ.. రాష్ట్రంలో నాడు-నేడు ద్వారా ప్రభుత్వం ఆసుపత్రులను అభివృద్ధి చేస్తోందని అన్నారు. జిల్లాలో  77 ఆసుపత్రులు 53కోట్ల రూపాయలతో అభివృద్ధి చేస్తున్నామని అన్నారు. మరో 9 ఆసుపత్రులు నిర్మిస్తామని అన్నారు. ప్రస్తుతం పనుల దశల్లో ఉన్న ఆసుపత్రులను 15-20 రోజుల్లో పూర్తి చేయాలని అధికారులను జాయింట్ కలెక్టర్ ఆదేశించారు. ఆసుపత్రి ఆవరణలో సెక్యూరిటీ ఉంచాలని.. రాత్రిళ్ళు పోలీసులు పెట్రోలింగ్ నిర్వహించాలని ఆదేశించారు. థర్డ్ వేవ్ వార్తల నేపథ్యంలో అందరూ వాక్సినేషన్ వేయించుకోవాలని అన్నారు.

మేయర్ హరి వెంకట కుమారి మాట్లాడుతూ.. నాడు-నేడులో భాగంగా ఆసుపత్రులను అభివృద్ధి చేయడం, ప్రజలకు మెరుగైన సేవలు అందించడం ముఖ్యమంత్రి జగన్ మోహన్ రెడ్డికే సాధ్యమైందని అన్నారు. ప్రజలకు  ప్రభుత్వాస్పత్రుల్లో మంచి వైద్యం లభించడం సంతోషించే విషయమని ఆమె అన్నారు.

ఈ కార్యక్రమంలో జోనల్ కమిషనర్ రాము, జీవీఎంసీ చీఫ్ విప్, ఆరో వార్డు కార్పొరేటర్ ముత్తంశెట్టి ప్రియాంక, డిఎంహెచ్ఓ సూర్యనారాయణ, నగరాల కార్పొరేషన్ చైర్ పర్సన్ పిల్లా సుజాత, కార్పొరేటర్లు,, ఆసుపత్రి సిబ్బంది తదితరులు పాల్గొన్నారు.

తూర్పుగోదావరి జిల్లాలో141 హార్టికల్చర్ అసిస్టెంట్ పోస్టులు ఖాళీలు ఉన్నట్టు హార్టికల్చర్ డిప్యూటీ డైరెక్టర్ ఎస్.రామ్మోహన్ తెలియజేశారు. బుధవారం కాకినాడలో ఆయన మీడియాతో మాట్లాడారు. జిల్లాలోని 64 మండాల్లోని గ్రామ సచివాలయాల్లో ఇప్పటి వరకూ 300 మంది హార్టికల్చర్ అసిస్టెంట్లను భర్తీచేశామన్నారు. జిల్లాకి 441 పోస్టులను ప్రభుత్వం కేటాయించినట్టు ఆయన వివరించారు. ప్రస్తుతం ఉన్న ఖాళీలను ఇటీవలే ప్రభుత్వానికి నివేదించినట్టు చెప్పారు.  ఇంకా మిగిలిన పోయిన ఖాళీలను ప్రభుత్వం మరోసారి చేపట్టే నియామకాల్లో భర్తీచేసే అవకాశాలున్నాయన్నారు.

థర్డ్ వేవ్ కోవిడ్ నుంచి తప్పించుకోవాలంటే అన్ని వర్గాల ప్రజలు కోవిడ్ వేక్సిన్ వేయించుకోవాలని ఎస్సీకార్పోరేషన్ ఈడి తూతిక విశ్వనాధ శ్రీనివాసరావు పేర్కొన్నారు. బుధవారం జిల్లాలోని జరుగుమిలి గ్రామపంచాయతీలోని మున్నంగి సీ ఫుడ్స్ కర్మాగారంలో 140 దినసరి కూలీలకు ఆయన దగ్గరుండి కోవిడ్ వేక్సిన్ వేయించారు.  ఈ సందర్భంగా ఆయన మాట్లాడుతూ, ప్రభుత్వ అన్ని వర్గాల వారికి, ముఖ్యం సంచార కూలీలకు కోవిడ్ టీకాలు వేయించాలని ప్రత్యేకంగా సూచించిందని, అలాంటి వారిని గుర్తించి వారి కోసం ప్రత్యేకంగా కోవిడ్ వేక్సినేషన్ క్యాంపులు పెట్టి టీకాలు వేస్తున్నట్టు ఆయన చెప్పారు. స్థానిక పీహెచ్సీ డా.శ్రీధర్ రెడ్డి పర్యవేక్షణలో కార్మికులందరికీ కోవిడ్ టీకా వేసినట్టు ఆయన వివరించారు. ఈ కార్యక్రమంలో మున్నంగి సీఫుడ్ డైరెక్టర్ జివిరామారావు తదితరులు పాల్గొన్నారు.

రౌతులపూడి మండలంలో 1242 హెక్టార్లలో ఇప్పటి వరకూ వరినాట్లు జరిగినట్టు వ్యవసా యాధికారి పడాల గాంధీ తెలియజేశారు. మంగళవారం రౌతులపూడి వ్యవసాయశాఖ కార్యాలయంలో ఆయన మీడియాతో మాట్లాడారు. 2021-2022 ఖరీఫ్ సీజన్ కు సంబంధించి క్షేత్రస్థాయిలో వరి పంట నాట్లు చివరి దశకు చేరుకున్నాయన్నారు. మండలంలోని 26 పంచాయతీలు, గ్రామ సచివాలయాల పరిధిలో వ్యవసాయ సహాయకుల ద్వారా పంటల నమోదు కూడా జరుగుతుందన్నారు. అదే సమయంలో నాట్టు పూర్తయిన తరువాత వారి ద్వారా సస్యరక్షణ చర్యలకు సంబంధించి సూచనలు, సలహాలు కూడా రైతులకు అందిస్తామని ఆయన వివరించారు. వ్యవసాయ రైతులకు ప్రభుత్వం నుంచి ఎలాంటి సహాయం కావాలన్నా, గ్రామసచివాలయాల పరిధిలోని రైతుభరోసా కేంద్రాల్లోని తమ సిబ్బందిని సంప్రదించవచ్చునని వ్యవసాయాధికారి చెప్పారు.

గోదారోళ్లు ఏం చేసినా కాస్త యరైటీగానే ఉంటుందనడానికి ఇదొక చిన్న నిదర్శనం. ఎప్పుడూ అందరిలో తాము కాస్త ప్రత్యేకంగా ఉండాలని కోరుకుంటారు..సరిగ్గా శ్రీక్రిష్ణాష్టమి రోజున కూడా ఆ విధంగా వ్యవహరించారు. సోమవారం రాత్రి తూర్పుగోదావరి జిల్లా, శంఖవరం మండల కేంద్రంలోని జన్మాష్టమి సందర్భంగా ఉట్టికొట్టిన వారికి కాజా బహుమతిగా ఇచ్చారు. అదేదో సాదారణంగా ఉందనుకుంటన్నారా..ఏకంగా ఐదుకేజీలు ఉంది..దానిని జాగ్రత్త పట్టుకోవాలంటే రెండు చేతులతోనూ మోయాల్సిందే.. శంఖవరం గ్రామంలో శ్రీక్రిష్ణ యాదవ యువజన సంక్షేమ సంఘం ఆధ్వర్యంలో ఉట్టిపండుగ ఘనంగా నిర్వహించారు. అందులో గెలుపొందిన వ్యక్తి మొదటి బహుమతి కింద 5కేజీల కాజా.. రెండవ బహుమతి కింద 3 కేజీల కాజాను బహుమతిగా ఇచ్చారు. ఈ కాజాలను గ్రామానికే చెందిన మిఠాయిల తయారీ దారుడు ఎల్.వెంకటరమణ తన వంతు బహుమతిగా వీటిని అందజేశారు.  ప్రస్తుతం ఈ కాజాల సైజులు జిల్లాలోనే కాదు రాష్ట్రంలోనే హల్ చల్ చేస్తున్నాయి..

ఎస్.రాయవరం మండలం, సైతారుపేట గ్రామంలో ప్రారంభించడానికి సన్నాహాలు చేస్తున్న ప్రభుత్వ బ్రాంది షాప్ తమ గ్రామం లో ఏర్పాటు చేయవద్దంటూ  సర్పంచ్ రావి రమణబాబు ఆధ్వర్యంలో మహిళలు, గ్రామస్తులు సోమవారం ఆందోళన చేపట్టారు. యలమంచిలి నుంచి యస్.రాయవరం వెళ్లే తయారు రోడ్డును లో ఉన్న తమ గ్రామ సెంటర్ లో బ్రాందిషాపు ఏర్పాటుకు అధికారులు ప్రయటించడం అన్యాయమన్నారు. ఈమేరకు సర్పంచ్ మాట్లాడుతూ, ప్రభుత్వం నిబంధనల ప్రకారం ఈ సెంటర్ లోనే ఆంజనేయ స్వామి, వినాయకుడి గుడి, జిల్లా పరిషత్ ఉన్నత పాఠశాల ఉన్నందున నిబంధనలకు విరుద్ధంగా ఎలా ఏర్పాటు చేస్తారని ప్రశ్నించారు. అటు యలమంచిలి వైపు గాని, ఎస్.రాయవరం వైపు గాని ప్రయాణం చేయడానికి బస్, ఆటో, ఇతర వాహనాల కోసం మహిళలు,  ఇతరులు వేచి ఉండే సెంటర్ లో ప్రజల సొమ్ము, ప్రాణాలను గుల్ల చేసే బ్రాంది షాపు ప్రారంభించం తగదన్నారు. దశల వారిగా మద్యం నిషేధం దిశగా అడుగులు వేస్తామని తెలిపిన ప్రస్తుత ప్రభుత్వమే బ్రాంది షాపులు పెంచి అమ్మకాలు పెంచుకోవడానికి ప్రయత్నాలు చేయడం చిగ్గు చేటని మహిళలు నినాదాలు చేశారు. గ్రామం మొత్తం తీర్మాణం చేసి ఫిర్యాదును జిల్లా కలెక్టర్ కి పోస్టుద్వారా పంపినట్టు వారు మీడియాకి వరించారు. కార్యక్రమంలో డ్వాక్రా సంఘాల మహిళలు, స్థానిక యువత పాల్గొన్నారు.