రాష్ట్ర ప్రభుత్వం అమలు చేసే వివిధ సంక్షేమ పథకాలు అమలులో గ్రామ సచివాలయం పాత్ర కీలకమని, వీటి ద్వారా మరింత వేగంగా, మెరుగైన సేవలు అందించాలని జిల్లా కలెక్టర్ సి.హరికిరణ్ అధికారులను ఆదేశించారు. శుక్రవారం తాళ్లరేవు మండలం, నీలపల్లి  గ్రామ సచివాలయాన్ని  జిల్లా కలెక్టర్ సి.హరికిరణ్  ఆకస్మికంగా సందర్శించారు.గ్రామ సచివాలయం ద్వారా ప్రజలకు అందిస్తున్న సేవల వివరాలు,సచివాలయంలో ప్రదర్శించిన వివిధ సంక్షేమ పథకాల జాబితాను కలెక్టర్ పరిశీలించారు.కోవిడ్ పరీక్షలు, వ్యాక్సినేషన్ ప్రక్రియ , సిబ్బంది, వాలంటీర్లు బయోమెట్రిక్ హాజరును, ఇ- సర్వీసులు, పింఛన్లు, బియ్యం కార్డులు మంజూరు, వైఎస్సార్ బీమా క్లైమ్ ల వివరాలను కలెక్టర్  సిబ్బందినివివరాలు అడిగి తెలుసుకుని,క్షుణ్ణంగా రిజిస్టర్ లను తనిఖీ చేసారు. ఈ సందర్భంగా కలెక్టర్ మాట్లాడుతూ గ్రామాలలో  కోవిడ్ నిబంధనలు ప్రజలందరు తప్పనిసరిగా పాటించే విధంగా చూడాలన్నారు.గ్రామంలో అధిక వర్షాలు, వరదలు సమయాల్లో లోతట్టు ప్రాంతాల్లో పంట మునిగిపోవడంతో అనేక మంది రైతులు ఇబ్బందులకు గురిచేస్తున్న  గ్రామ కంఠం పరిధిలో ఉన్న  చెరువును సర్వే చేసి రాళ్లు వేయాలని రెవెన్యూ, సర్వే అధికారులకు కలెక్టర్ ఆదేశించారు. తొలుత తాళ్లరేవు మండలం నీలపల్లి గ్రామంలో ఉప్పంగల , జార్జి పేట, పిల్లంక ,గోవ లంక, ఇంజరం ,నీ‌లపల్లి గ్రామస్తులకు కొరకు సుమారుగా 11.66 ఎకరాల విస్తీర్ణంలో సిద్ధం చేసిన వైఎస్సార్ జ‌గ‌న‌న్న కాల‌నీలో జరుగుతున్న  గృహ నిర్మాణాలను కలెక్టర్ పరిశీలించారు. లేఅవుట్ లో జరుగుతున్న ఇంటి నిర్మాణ పనులు ,గ్రౌండింగ్ పూర్తయిన గృహాల వివరాలను ఇంజనీరింగ్, హౌసింగ్ అధికారులను కలెక్టర్ ఈ సందర్భంగా అడిగి తెలుసుకున్నారు.

     ఈ పర్యటనలో కలెక్టర్ వెంట తాళ్లరేవు ఎంపీడీవో పీ.విజయ్ థామస్, పంచాయతీరాజ్ డీఇ జిబివీ. రమేష్, హౌసింగ్ ఏఈ శ్రీనివాసు ,సచివాలయ సిబ్బంది,ఇతర ఇంజనీరింగ్ అధికారులు పాల్గొన్నారు.

క్షేత్ర‌స్థాయిలో ప‌నిచేసే స‌చివాల‌య సిబ్బంది ప్ర‌భుత్వానికి క‌ళ్లూ, చెవులు లాంటివార‌ని జిల్లా క‌లెక్ట‌ర్ సూర్య‌కుమారి పేర్కొన్నారు. ప్ర‌భుత్వ ప‌థ‌కాల అమ‌లు తీరు, క్షేత్ర‌స్థాయి స‌మ‌స్య‌లు వీరిద్వారానే స‌రిగ్గా తెలుసుస్తుంద‌ని అన్నారు.  స‌చివాల‌య‌ సిబ్బంది అంతా ప్ర‌భుత్వ ప‌థ‌కాలను సంపూర్ణంగా అవ‌గాహ‌న చేసుకొని, వాటిపై ప్ర‌జ‌ల‌కు సానుకూలంగా అవ‌గాహ‌న క‌ల్పించాల‌ని సూచించారు.  జిల్లా క‌లెక్ట‌ర్ ఏ. సూర్య‌కుమారి, గ‌రివిడి మండ‌లంలో శుక్ర‌వారం విస్తృతంగా ప‌ర్య‌టించారు. తాశీల్దార్‌, ఎంపిడిఓ కార్యాల‌యాల‌ను సంద‌ర్శించారు. ప‌లుచోట్ల  మొక్క‌ల‌ను నాటారు. వాటికి ప్ర‌తిరోజూ నీరుపోసి సంర‌క్షించాల‌ని సూచించారు. అనంత‌రం మండ‌లంలోని తోండ్రంగి గ్రామానికి వెళ్లి, కొత్త‌గా నిర్మించిన ఆర్‌బికె భ‌వ‌నాన్ని ప‌రిశీలించారు.  రైతుల‌తో, వ్య‌వ‌సాయాధికారి సంగీత‌తో మాట్లాడి, పంట‌ల ప‌రిస్థితిని తెలుసుకున్నారు.  అనంత‌రం స‌చివాల‌యాన్ని త‌నిఖీ చేశారు. స‌చివాల‌య సిబ్బంది ప్ర‌తీఒక్క‌రితో మాట్లాడారు. వారి శాఖ‌ల ప‌రంగా ప‌థ‌కాల అమ‌లు తీరుపై ప్ర‌శ్నించారు. పెండింగ్ ధ‌ర‌ఖాస్తులు, క్షేత్ర‌స్థాయి స‌మ‌స్య‌లు, జ‌గ‌న‌న్న కాల‌నీల నిర్మాణం, స‌మ‌గ్ర స‌ర్వే, ఇ-క్రాప్‌, చేయూత గ్రౌండింగ్‌, రేష‌న్ స‌రుకుల స‌ర‌ఫ‌రా, ఫోర్టిఫైడ్ బియ్యం వినియోగంపైనా ఆరా తీశారు.  వివిధ వ‌ర్గాల‌ ప్ర‌జ‌ల‌తో భేటీ అయి, వేక్సినేష‌న్‌పై వారి అభిప్రాయాన్ని తెలుసుకున్నారు. స‌చివాల‌యంలో నిర్వ‌హిస్తున్న వేక్సినేష‌న్ ప్ర‌క్రియ‌ను ప‌రిశీలించారు. గ్రామ స‌ర్పంచ్ పి.బంగారుల‌క్ష్మితో మాట్లాడి, గ్రామంలోని స‌మ‌స్య‌ల‌ను తెలుసుకున్నారు. ఇంటింటి కుళాయిలు ప్ర‌భుత్వ‌ప‌రంగా మంజూరు చేస్తామ‌ని, రోడ్డు నిర్మాణంలో మాత్రం గ్రామంనుంచి భాగ‌స్వామ్యం కావాల‌ని అన్నారు.

            ఈ సంద‌ర్భంగా క‌లెక్ట‌ర్ మాట్లాడుతూ, ప్ర‌స్తుత వ్య‌వ‌స్థ‌లో స‌చివాల‌య సిబ్బంది, వ‌లంటీర్లు ఎంతో కీల‌క‌మ‌ని అన్నారు. ప్ర‌భుత్వ ప‌థ‌కాల‌ను ప్ర‌జ‌ల్లోకి తీసుకువెళ్లి, వాటిని స‌క్ర‌మంగా అమ‌లు చేసే బాధ్య‌త వారిపైనే ఉంద‌ని స్ప‌ష్టం చేశారు. ప్ర‌తీ ప‌థ‌కంపైనా పూర్తిగా అవ‌గాహ‌న క‌ల్పించుకోవాల‌ని, వాటిని అర్హుల‌కు అంద‌జేయాల‌ని సూచించారు. ప్ర‌భుత్వం పంపిణీ చేస్తున్న ఫోర్టిఫైడ్ బియ్యాన్ని ప్ర‌తీఒక్క‌రూ వినియోగించేలా చూడాల‌న్నారు. ఈ బియ్యానికి అద‌నంగా పోష‌కాలను క‌లుపుతున్నార‌ని, వాటిని వాడ‌టం వ‌ల్ల ర‌క్త‌హీన‌త నివారింప‌బ‌డుతుంద‌ని చెప్పారు. ప్ర‌తీ ఒక్క‌రూ కోవిడ్ వేక్సిన్ వేయించుకోవాల‌ని సూచించారు. ముఖ్యంగా గ‌ర్భిణీలు త‌ప్ప‌నిస‌రిగా వేక్సిన్ వేయించుకోవాల‌ని, వ‌లంటీర్లు, ఇత‌ర సిబ్బంది వారికి అవ‌గాహ‌న క‌ల్పించాల‌ని ఆదేశించారు. స‌చివాల‌య సిబ్బంది అంతా స‌కాలంలో విధుల‌కు హాజ‌రై, స‌క్ర‌మంగా ప‌నిచేయాల‌ని కోరారు. ప్ర‌భుత్వ ప‌థ‌కాల‌ను స‌క్ర‌మంగా అమ‌లు చేయ‌డంలో భాగ‌స్వాములు కావాల‌ని క‌లెక్ట‌ర్‌ పిలుపునిచ్చారు. అనంత‌రం హౌసింగ్ కాల‌నీ లేఅవుట్‌ను ప‌రిశీలించారు.

           ఈ కార్య‌క్ర‌మాల్లో మండ‌ల తాశీల్దార్ శివ‌న్నారాయ‌ణ‌, ఎంపిడిఓ జి.భాస్క‌ర‌రావు, మండ‌ల వ్య‌వ‌సాయాధికారి టి.సంగీత‌, పిఆర్ డిఇ ఎం.శ్రీ‌నివాస‌కుమార్‌, ఏఈ పి.చంద్ర‌శేఖ‌ర్‌, హైసింగ్ ఏఈ ఎంవి ర‌మ‌ణ‌, వైకెపి ఏపిఓ ఎస్‌.ర‌త్న‌మాల‌, ఎపిఎం ఎల్‌.ప‌ద్మ త‌దిత‌రులు పాల్గొన్నారు.

            క‌లెక్ట‌ర్ సూర్య‌కుమారి మందుగా గ‌రివిడి ఫేక‌ర్ ఆద్వ‌ర్యంలో నిర్వ‌హిస్తున్న శ్రీ‌రామ్ జూనియ‌ర్ కాలేజ్‌, ఆర్ట్స్‌, అప్ల‌యిడ్ కాలేజ్‌, ఫేక‌ర్ కంటి ఆసుప‌త్రుల‌ను సంద‌ర్శించారు. ఆవ‌ర‌ణ‌లో మొక్క‌ల‌ను నాటారు. ఈ కార్య‌క్ర‌మంలో ఫేక‌ర్ సిఇఓ శ‌ర్మ‌, డిజిఎం ఎల్‌.నారాయ‌ణ‌మూర్తి, ఎజిఎం క‌మ‌లాక‌ర‌రావు, గ‌రివిడి లైన్స్‌క్ల‌బ్ గ‌వ‌ర్న‌ర్ టివివిఎస్ఎన్‌రాజు, ఇత‌ర స‌భ్యులు, ఫేక‌ర్ అధికారులు పాల్గొన్నారు.

కరోనా కట్టడికి వెక్షినేషన్ తప్పనిసరి, 45 సంవత్సరాలు నిండిన ప్రతి ఒక్కరూ విధిగా  వెక్షినేషన్ చేయించుకోవాలి, వెక్షినేషన్ పై అపోహలు విడండి అని సబ్ కలెక్టర్ భావన పేర్కొన్నారు. కరోనా కట్టడిలో భాగంగా శతశాతం వెక్షినేషన్ స్పెషల్ డ్రైవ్ పార్వతీపురం డివిజన్ లో పార్వతీపురం మండలం ములగ, మక్కువ మండలం తురుమామిడి పంచాయతీలో శుక్రవారం స్పెషల్ డ్రైవ్ నిర్వహించారు. ఈ ప్రక్రియలో నిర్దేశిత గ్రామ పంచాయతీలలో 45 సంవత్సరాల వయస్సు పై బడి ఉన్న వారికి వెక్షినేషన్ స్పెషల్ డ్రైవ్ ఉదయం ప్రారంభించారు. ములగ పంచాయతీలో నిర్వహిస్తున్న కార్యక్రమానికి సబ్ కలెక్టర్ భావన పర్యవేక్షించి, నిర్వహిస్తున్న వెక్షినేషన్ పై ఆరా  తీశారు. అనంతరం సబ్ కలెక్టర్ మాట్లాడుతూ 45 సంవత్సరాలు నిండిన ప్రతి ఒక్కరూ విధిగా వెక్షినేషన్ చేయించుకోవాలని, వెక్షినేషన్ పై చాలా మందికి అపోహలు ఉన్నాయి, అపోహలు విడి వెక్షినేషన్ చేయించుకొని కరోనా కట్టడికి అందరూ సహకరించాలన్నారు.  ఈ పర్యటనలో వైద్య ఆరోగ్య శాఖ అధికారులు, సిబ్బంది పాల్గొన్నారు.

స్త్రీ శిశు సంక్షేమ శాఖ వైద్య ఆరోగ్యశాఖ శాఖలు సంయుక్తంగా గిరిజనులు రక్తహీనత నుఅధిగమిం చేందుకు చర్యలు చేపడుతూ మాతాశిశు మరణాలను తగ్గించాలని జిల్లా కలెక్టర్ సి హరి కిరణ్ పేర్కొన్నారు. బుధవారం స్థానిక ఐటీడీఏ కార్యాలయం ఐటీడీఏ పరిధిలోని సెక్టోరియల్ అధికారులతో సమావేశం నిర్వహించి పలు అంశాల పురోగతిని సమీక్షించారు. ఈ సందర్భంగా ఐటీడీఏ పీవో ప్రవీణ్ ఆదిత్య భౌగోళిక నైసర్గిక ఐ టి డి ఎ స్వరూపాలను ప్రభుత్వ పరంగా చేపట్టిన అభివృద్ధి కార్యక్రమాల పవర్ పాయింట్ ప్రజెంటేషన్ ద్వారా కలెక్టర్ వివరించారు. విద్యా కార్యక్రమాలపై సమీక్షించి పిమ్మట ఐటీడీఏ పరిధిలో మిగులు టీచర్లను డీఎడ్ కళాశాలల్లో బోధన కొరకు నియమించాలని డి డి ఎం సరస్వతిని ఆదేశించారు. రెగ్యులర్ పాఠశాలలో దివ్యాంగుల అవసరాల కొరకు వసతులను కల్పించాలని అందుకు అనుగుణంగా అంచనాలు రూపొందించిన సమర్పించాలని ఆదేశించారు. మాతా శిశు మరణాలు నివారణ  వరకు  ప్రసవాల  కొరకు నిరీక్షించు వార్డులలో సేవలు మెరుగుపరిచి బలోపేతం చేయాలని తదనుగుణంగా మాతాశిశు మరణాల రేటును తగ్గించాలని ఆదేశించారు వైద్య సేవలు మెరుగుదలకు ఏజెన్సీ పరిధిలో కమ్యూనికేషన్ వ్యవస్థను విస్తరించాలని సూచించారు. తీవ్ర పోషకాహార లోపాలు గల పిల్లలు గర్భిణీలు గుర్తించి ప్రత్యేక పోషకాహారం నుంచి అందించి ఆరోగ్య భద్రతకు పాటుపడాలన్నారు.

 కోవిడ్ మూడవ దశ పొంచి ఉన్నందున నివారణ చర్యలు ఆస్పత్రులను బలోపేతం చేయాలని ఆక్సిజన్ తో కూడిన పడకల సంఖ్యను అవసరాలకు అనుగుణంగా పెంచాలని ఆదేశించారు ప్రాంతీయ ఆసుపత్రి లో ఆర్ టి పి సి ఆర్ టెస్ట్ నిర్వహణకు యోచన చేయాలని అని సూచించారు. కోవిడ్ మూడో దశ సన్నద్ధత చర్యలను ఆయన సమీక్షించారు. మలేరియా నియంత్రణ చర్యలపై సమీక్షించి జ్వర పీడిత నుండి రక్త నమూనాలు సేకరించేందుకు లక్ష్యాలు నిర్దేశించి నియంత్రణ చర్యలు బలోపేతం చేయాలని ఆదేశించారు. గిరిజనుల అనారోగ్య సమస్యలు చాలా సున్నితమైనవని

 వాటి నివారణకు అధికారులు అప్రమత్తంగా వ్యవహరించాలని ఆయన ఆదేశించారు. ఉద్యాన సాగును వ్యవసాయాన్ని ఉపాధి హామీ అనుసంధానంతో ప్రోత్సహించి గిరిజన అభివృద్ధికి తోడ్పాటును అందించాలి అన్నారు. తోటల పెంపకం సంబంధించి అంటు మొక్కలు సరఫరా చేస్తూ అధిక దిగుబడులు సాధించేలా ప్రోత్సహించాలన్నారు. అటవీ హక్కుల గుర్తింపు చట్టం కింద గిరిజనులకు అందించిన భూములను నరేగా ద్వారా ఫలదాయకం గా తీర్చి దిద్ది ఉద్యాన పంటల సాగు  యాంత్రీకరణ ఉపకరణాల ద్వారా లాభసాటిగా మార్చాలని ఆదేశించారు. అటవీ హక్కుల గుర్తింపు చట్టం నందిని క్రీములను అన్ని దశలలో నిశితంగా పరిశీలించి అర్హులకు న్యాయం చేకూర్చాలని ఆదేశించారు. వర్షాధార పంట లను ప్రోత్సహించడంతో పాటు నీటి వనరులు ఉన్న చోట ఖరీఫ్లో వరి సాగును రబీ సీజన్లో అపరాలు సాగును ప్రోత్సహించాలని గిరిజన ప్రాంతాల్లో రబీ సీజన్ లో పశువుల కట్టడికి చర్యలు చేపట్టాలన్నారు.

 ఏజెన్సీ పరిధిలో బ్యాంకింగ్ వ్యవస్థ సేవలు విస్తరించాలని కలెక్టర్ దృష్టికి తెచ్చారు నాబార్డు ద్వారా రహదారులు విద్యాసంస్థల్లో వసతులు మెరుగుదలకు పూర్తిస్థాయిలో చర్యలు చేపట్టాలన్నారు సి సి డి పి కింద అణగారిన కొండరెడ్ల అభ్యున్నతికి పాటుపడాలన్నారు.  ఐఎపి నిధులతో నక్సల్స్ ప్రభావిత ప్రాంతాల్లో యువత కొరకు వసతులు మెరుగుపరిచి ఉపాధి కల్పనకు చర్యలు చేపట్టాలని ఆదేశించారు. అటవీ  అభ్యంతరాలను శాఖల సమన్వయంతో పరిష్కరించుకుంటూ గిరిజన అభివృద్ధికి తోడ్పడాలి అన్నారు. గిరిజన ఆవాసాల్లో పూర్తిస్థాయిలో అనుసంధానం రోడ్లు వివిధ గ్రాంట్ కింద నరేగా అనుసంధానంతో వేయాలని ఆదేశించారు. వివిధ అభివృద్ధి పనులు చేపడుతున్న ఇంజనీరింగ్ విభాగం వారు ఆయా పనులు ఎప్పటిలోగా పూర్తి చేస్తారో గడువులు విధించి పర్యవేక్షణా వ్యవస్థను బలోపేతం చేయాలని సూచించారు. జల జీవన్ మిషన్ ద్వారా ప్రతి ఇంటికి కుళాయిలు వేయాలని ccdp కింద 24 ఆవాసాలకు సౌరశక్తితో మంచినీటి సదుపాయం జరుగుతోందన్నారు. గ్రామీణ పేదరిక నిర్మూలన సమస్త ప్రయోజనాలను గిరిజనులకు వర్తింపజేసి  వారు పేదరికాన్ని జయించి ఆర్థిక ప్రగతి వైపు పయనించేలా చర్యలు వేగవంతం చేయాలని ఆదేశించారు. గిరిజనులు వీడి వీకే గ్రూపులుగా ఏర్పడి చిన్నతరహా అటవీ పాఠశాల సేకరించుకుని విలువ ఆధారితంగా మార్చుకునేందుకు ప్రాసెసింగ్ యూనిట్లు బాసటగా నిలుస్తున్నాయి అని ఉన్నాయని కోవిడ్ సమయంలో ఈ యూనిట్లను ప్రారంభించడం సంతోషంగా ఉన్నారు.

 ఏడు మండలాల్లో రైతు ఉత్పత్తిదారుల సంఘాలు విలువ ఆధారిత పరిశ్రమల స్థాపించుకుని తమ ఉత్పత్తులకు గిట్టుబాటు ధర పొందాలని సూచించారు ఏజెన్సీ పరిధిలో రెండు ఫుడ్ పార్క్ ఏర్పాటుకు ప్రతిపాదనలు ఒక్కొక్కటి 10 కోట్లతో చేయడం జరిగిందని తద్వారా ఒక్కొక్క దాని ద్వారా సుమారు పదివేల మంది ఆర్థికంగా లబ్ధి పొందగలరు అని ఆయన అన్నారు. ccdp కింద మినీ రైస్ మిల్లు పశువుల షెడ్లు ఏర్పాట్లకు ప్రతిపాదనలు చేయడం జరిగిందన్నారు వైయస్ఆర్ సంపూర్ణ పోషణ ప్లస్ పోషణ అభియాన్ కింద రక్తహీనతను అధిగమించేందుకు చర్యలు చేపట్టి మాతా శిశు మరణాలు అరికట్టాలని  మాతా శిశు మరణాలు సంభవించినప్పుడు సంభవించడానికి గల కారణాలను అన్వేషించి ఆయా గ్యాపులను పూరించుకోవాలని ఆదేశించారు. సెక్టోరియల్ అధికారులు తమ పరిధిలో ఏవైనా సమస్యలు ఉత్పన్నం అయినప్పుడు నేరుగా  ఎస్ ఎం ఎస్ వాట్సాప్  చేయవచ్చునని తెలిపారు ఎస్ఎంఎస్ చేసినప్పుడు పేరు హోదా కూడా తెలపాలన్నారు. ఏజెన్సీ పరిధిలో ఆరోగ్య సమస్యలు చాలా సున్నితంగా ఉంటాయని ఆయా సమస్యల నివారణకు వైద్యులు అప్రమత్తంగా వ్యవహరించాలని ఆదేశించారు. అధికారులకు ఏ విధమైన సపోర్ట్ అవసరమైన అందించడానికి సిద్ధంగా ఉన్నామన్నారు అనంతరం మారేడుమిల్లి ప్రాథమిక ఆరోగ్య కేంద్రం లోని భర్వెయిటింగ్ హాల్ ఉన్న గర్భిణీల ఆరోగ్య స్థితిగతులను ఆరా తీశారు. సమయానికి వైద్య సహాయం భోజన వసతి అందుతున్న తీరును అడిగి తెలుసుకున్నారు. అలాగే కలెక్టర్ గర్భిణీల కుటుంబాల ఆర్థిక స్థితిగతులను అడిగి తెలుసుకున్నారు. వ్యాధి నిరోధక టీకాలు ఇమ్యునైజేషన్ ప్రక్రియలు సకాలంలో నిర్వహించుకునే వదిలింది అడిగి తెలుసుకున్నారు. ఐరిస్కగర్భిణీలకు ముందుగానే గుర్తించి మెరుగైన వైద్య సేవలకు సిఫార్సు చేయాలని ఆదేశించారు. ఈ కార్యక్రమంలో ఐటీడీఏ పీవో ప్రవీణ్ ఆదిత్య సబ్కలెక్టర్ సింహాచలం సబ్ డిఎఫ్ఒ నిషా కుమారి సెక్టోరియల్ అధికారులు తదితరులు పాల్గొన్నారు.

పచ్చని మొక్కలపైనే మానవ మనుగడ ఆధారపడి ఉందని రాష్ట్ర విద్యుత్ నియంత్రణ మండలి (ఈఆర్సీ) సలహా కమిటీ సభ్యులు కాండ్రేగుల వెంకటరమణ అన్నారు. జాతీయ భీమా కార్మిక సంస్థ వ్యవస్థాపక దినోత్సవం సందర్భంగా శ్రీకనకదుర్గ అమ్మవారి దేవాలయం సత్యనారాయణపురం కళ్యాణగిరిపై బుధవారం ఆయన మొక్కలు నాటారు. అనంతరం మాట్లాడుతూ, మానవ మనుగడలో అత్యంత కీలకమైన పర్యావరణం, మొక్కలు నాటడాన్ని సామాజిక బాధ్యతగా అందరూ తీసుకోవాలని పిలుపునిచ్చారు. శాస్త్ర, సాంకేతిక విప్లవం.. విస్తారమైన వ్యవసాయ క్షేత్రాలు.. సింథటిక్ ఉత్పత్తుల వినియోగం, వాటి ఉత్పత్తి పద్ధతులు ఇవన్నీ ప్రకృతికి విఘాతం కలిగిస్తూ క్రమంగా పర్యావరణాన్ని నాశనం చేస్తున్నాయని ఆయన ఆందోళన వ్యక్తం చేశారు. ఉ ష్ణోగ్రతల్లో మార్పులు, వాయు కాలుష్యం లాంటి వాటి గురించి ప్రజల్లో అవగాహన పెంచాల్సిన అవసరం ఉందన్నారు. చెట్లు పర్యావరణానికి ఎంతో ముఖ్యమని కాండ్రేగుల వెంకటరమణ   అన్నారు. కార్యక్రమంలో దేవాలయం వ్యవస్థక కార్యదర్శి బోయిన నాగేశ్వరరావు, జాతీయ భీమా కార్మిక సంస్థ కేంద్ర కమిటీ సభ్యుడు బొడ్డేడ అప్పలనరసయ్య, సభ్యులు ఎం.జగదీష్, లక్కరాజు అప్పారావు తదితరులు పాల్గొన్నారు.