కరోనా వైరస్ నియంత్రణకి ప్రతీ ఒక్కరూ సహకరించి టీకా వేయించుకోవడానికి ముందుకి రావాలని శంఖవరం ఈఓపీఆర్డీ కెవివిఎస్ విశ్వనాధ్, పంచాయతీ కార్యదర్శి రామచంద్రమూర్తి(రాంబాబు) పిలుపునిచ్చారు. గురువారం ప్రభుత్వ హైస్కూలులో ఏర్పాటు చేసిన శాస్వత కోవిడ్ వేక్సిన్ కేంద్రంలోని టీకా పంపిణీ కార్యక్రమాన్ని వీరు పరిశీలించారు. ఈ సందర్భంగా వీరు మాట్లాడుతూ, ప్రభుత్వం 5ఏళ్లలోపు పిల్లలున్న తల్లులకు కోవిడ్ వేక్సినేషన్ లో ప్రధాన్యత ఇస్తుందన్నారు. థర్ఢ్ వేవ్ ని ద్రుష్టిలో పెట్టుకొని పిల్లల తల్లులందరికీ వేక్సిన్ వేస్తున్నామన్నారు. అదేవిధంగా మొదటి డోసు తీసుకుని 84 రోజులు పూర్తయిన వారికి రెండో డోసు కూడా వేస్తున్నట్టు చెప్పారు. ముఖ్యంగా ప్రజలు అపోహలు వీడి ప్రభుత్వ నిభందనల మేరకు వేక్సినేషన్ వేయించుకోవాలన్నారు. పీహెచ్సీవైద్యాధికారి డా.ఆర్వీవి సత్యన్నారాయణ మాట్లాడుతూ, కరోనా నిబంధనలు అనుసరించి వేక్సినేషన్ చేపడుతున్నామన్నారు.  ఈరోజు సెషన్ లో 200 మందికి కోవిడ్ టీకాలు వేసినట్టు డాక్టర్ వివరించారు. ఈ కార్యక్రమంలో సచివాలయం2,3 కార్యదర్శి శంకరాచార్యులు, సత్య, జూనియర్ అసిస్టెంట్ రమణమూర్తి, తదితరులు పాల్గొన్నారు.

విజ‌య‌న‌గ‌రం జిల్లాలోని బొండ‌ప‌ల్లి మండ‌లం నెలివాడ వ‌ద్ద నిర్మాణంలో జిల్లాస్థాయి ఇంటిగ్రేటెడ్ అగ్రికల్చర్ ల్యాబ్ నిర్మాణాన్ని జాయింట్ క‌లెక్టర్(రెవిన్యూ) డా.జి.సి.కిషోర్ కుమార్ గురువారం ప‌రిశీలించారు. రూ.3.63 కోట్ల వ్య‌యంతో రాష్ట్ర పోలీసు హౌసింగ్ కార్పొరేష‌న్ ఆధ్వర్యంలో దీని నిర్మాణాన్ని చేప‌ట్టారు. అయితే ఈ భ‌వ‌న నిర్మాణం ఎలివేష‌న్‌కు సంబంధించి కొన్ని స‌మ‌స్యలు ఏర్పడ‌టంతో ఇటీవ‌లి కాలంలో నిర్మాణం ప‌నులు నిలిచిపోయాయి. వాటిని ప‌రిష్కరించి ల్యాబ్ నిర్మాణాన్ని వీలైనంత త్వరగా పూర్తిచేసే ల‌క్ష్యంతో శుక్రవారం జాయింట్ క‌లెక్టర్ నిర్మాణ సంస్థ ప్రతినిధులు, ఏపి పోలీసు హౌసింగ్ కార్పొరేష‌న్ ఇంజ‌నీర్లు, వ్యవ‌సాయ అధికారుల‌తో త‌న ఛాంబ‌రులో స‌మావేశం ఏర్పాటు చేశారు. ఈ నేప‌థ్యంలో జె.సి. డా.కిషోర్ కుమార్ గురువారం నిర్మాణంలో ఉన్న ల్యాబ్ భ‌వ‌నాన్ని ప‌రిశీలించారు. ల్యాబ్ నిర్మాణం ప‌నులు దాదాపు 65 శాతం వ‌ర‌కు పూర్తయ్యాయ‌ని వ్యవ‌సాయ శాఖ ఏ.డి. మ‌హ‌రాజ‌న్ జె.సి.కి వివ‌రించారు. ఈ ప‌ర్యట‌న‌లో భాగంగా బొండ‌ప‌ల్లి మండ‌లంలో క‌నిమెర‌క‌, బొండ‌ప‌ల్లిలో నిర్మాణంలో ఉన్న రైతుభ‌రోసా కేంద్రాల‌ను జాయింట్ క‌లెక్టర్ డా.కిషోర్ కుమార్ ప‌రిశీలించారు. జూలై 8న ఈ భ‌వ‌నాల‌ను ప్రారంభించేందుకు సిద్ధం చేయాల‌ని వ్యవ‌సాయ అధికారి ర‌వీంద్రను ఆదేశించారు.

భ‌వ‌న నిర్మాణ ప‌క్షోత్స‌వాల్లో భాగంగా ఎమ్మెల్యే డా. స‌త్తిసూర్య‌నారాయ‌ణ‌రెడ్డి, జాయింట్ క‌లెక్ట‌ర్ (ఆస‌రా, సంక్షేమం) జి.రాజ‌కుమారి, జాయింట్ క‌లెక్ట‌ర్ (గృహ నిర్మాణం) ఎ.భార్గ‌వ్ తేజ త‌దిత‌రుల‌తో క‌లిసి బిక్క‌వోలులో రూ.25 లక్ష‌ల‌తో నిర్మించిన గ్రామ స‌చివాల‌యం-1, రూ.40 ల‌క్ష‌లు ఖ‌ర్చుతో నిర్మించిన గ్రామ స‌చివాల‌యం-3 భ‌వ‌నాల‌కు కలెక్టర్ మురళీధర్ రెడ్డి ప్రారంభోత్స‌వం చేశారు. అనంత‌రం స‌చివాల‌య సిబ్బందితో మాట్లాడి.. విధుల నిర్వ‌హ‌ణ‌కు శాశ్వ‌త భ‌వ‌నాలు అందుబాటులోకి వ‌చ్చినందున మ‌రింత స‌మ‌ర్థ‌వంతంగా సేవ‌లందించేందుకు అవ‌కాశం ఏర్ప‌డింద‌న్నారు. ఈ సంద‌ర్భంగా మీడియాతో మాట్లాడుతూ చాలా కీల‌కైన రెండు ముఖ్య భ‌వ‌నాల‌కు నేడు ప్రారంభోత్స‌వం చేయ‌డం చాలా ఆనందంగా ఉందని పేర్కొన్నారు. గౌర‌వ ముఖ్య‌మంత్రి ఈ జిల్లాలోని క‌ర‌పలో 2019, అక్టోబ‌ర్ 2న తొలి గ్రామ స‌చివాల‌యాన్నిప్రారంభించార‌ని, అప్ప‌టి నుంచి స‌చివాల‌య సిబ్బంది అంకితభావంతో ప‌నిచేస్తూ ప్ర‌జ‌ల మ‌న్న‌న‌లు పొందుతున్నార‌ని పేర్కొన్నారు. సిబ్బందితో పాటు ప్ర‌జ‌ల‌కు ఉప‌యోగ‌ప‌డేలా శాశ్వ‌త భ‌వ‌నాల‌ను అందుబాటులోకి తీసుకొస్తున్న‌ట్లు తెలిపారు. వీటితోపాటు రైతు భ‌రోసా కేంద్రాలు, వైఎస్సార్ ఆరోగ్య కేంద్రాలు, బ‌ల్క్ మిల్క్ యూనిట్లు త‌దిత‌రాలకు కూడా శాశ్వ‌త భ‌వ‌నాల‌ను నిర్మిస్తున్న‌ట్లు వెల్ల‌డించారు. అన‌ప‌ర్తి నియోజ‌క‌వ‌ర్గంలో ఎమ్మెల్యే డా. స‌త్తిసూర్య‌నారాయ‌ణ‌రెడ్డి కృషితో భ‌వ‌నాల నిర్మాణాలు శ‌ర‌వేగంగా పూర్త‌వుతున్న‌ట్లు పేర్కొన్నారు. కార్య‌క్ర‌మంలో జెడ్‌పీ సీఈవో ఎన్‌వీవీ స‌త్య‌నారాయ‌ణ‌, డీపీవో ఎస్‌వీ నాగేశ్వ‌ర్‌నాయ‌క్‌, రామ‌చంద్రాపురం ఆర్‌డీవో పి. సింధు సుబ్రహ్మణ్యం, డ్వామా పీడీ ఎ.వెంక‌ట‌ల‌క్ష్మి, బిక్క‌వోలు స‌ర్పంచ్ స‌రెళ్ల సుమ‌ల‌త‌, త‌హ‌సీల్దార్ కె.వెంక‌ట మాధ‌వ‌రావు త‌దిత‌రులు పాల్గొన్నారు.

ఉద్యాన పంటలతోనే గిరిజనులు ఆర్థికంగా అభివృద్ధి చెందుతారని ఐటిడిఏ కూర్మనాథ్ పేర్కొన్నారు. బుధవారం ఈ మేరకు తన కార్యాలయంలో ఎం.జి.ఎన్.ఆర్.ఇ.జి.ఎస్, ఉద్యాన శాఖ, సబ్ ప్లాన్ మండలాల పి.ఓ లు, ఉద్యాన అధికారులతో సమీక్షా సమావేశం నిర్వహించారు. ఈ సందర్భంగా  ఉద్యాన పంటలపై నేటికీ నిర్వహిస్తున్న పనులపై ఆరా తీశారు. అనంతరం ప్రోజెక్ట్ అధికారి మాట్లాడుతూ ఆర్.ఓ.ఎఫ్.ఆర్. పట్టాలు పొందిన లబ్ధిదారులు అందరికి ఉద్యాన పంటలు పండించే విధంగా చర్యలు చేపట్టాలని సూచించారు. అందులో భాగంగా రేపటి నుండి సబ్ ప్లాన్ మండలాలలో ప్రత్యేక గ్రామ సభలు నిర్వహించాలని లబ్ధిదారులు గ్రామ సభలకు హాజరయ్యే విధంగా ముందస్తు చర్యలు చేపట్టాలన్నారు. గ్రామ సభలో ఉద్యాన పంటలపై లబ్ధిదారులు పూర్తి అవగాహన కల్పించాలని కోరారు.  అనంతరం  జూలై 1 వ తేదీ నుండి జీడి మామిడి, జామా, మామిడి మొక్కలు నాటే విధంగా ప్రణాళికలు సిద్ధం చేసుకొని మొక్కలు నాటే కార్యక్రమం ప్రారంభించాలని . అందు నిమిత్తం ప్రతి మండలంలో మండల స్థాయిలో ఫీల్డ్ అసిస్టెంట్లు, పి. ఎ లు, పి.ఓ లు, గ్రామ వ్యవసాయ సహాయకులు, గ్రామ ఉద్యాన సహాయకులు సమన్వయంతో విధులు నిర్వహించి లబ్ధిదారులకు లబ్ధి చేకూరేలా చర్యలు చేపట్టాలన్నారు. అలాగే ఉద్యాన ఆధికారులు మొక్కలు పరీక్షించి మేలుజాతి మొక్కలు లబ్ధిదారులకు అందజేయాలని, జూలై 30 నాటికి జియో టేగింగ్ పూర్తి కావాలని ఆదేశించారు.

           ఈ సమావేశంలో ఎం.జి.ఎన్.ఆర్.ఇ.జి.ఎస్ ఎ.పి.డి శ్రీహరి, పి.హెచ్.ఓ. చిట్టిబాబు, సబ్ ప్లాన్ మండలాల ఉద్యాన ఆధికారులు,  పి.ఓలు తదితరులు పాల్గొన్నారు.