విజయనగరం జిల్లాలోని నెల్లిమ‌ర్ల‌లోని ఎల‌క్ట్రానిక్ ఓటింగ్ మిష‌న్లు (ఇవిఎం) గోదాముల‌ను జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్‌లాల్ శుక్రవారం  త‌నిఖీ చేశారు. గోదాముల‌కు వేసిన సీళ్ల‌ను ప‌రిశీలించారు. అక్క‌డి భ‌ద్ర‌తా ఏర్పాట్ల‌పై స‌మీక్షించారు. అనంత‌రం గోదాముల‌ను తెరిచి, ఇవిఎంల‌ను త‌నిఖీ చేసి, సీళ్లు వేశారు. సమీపంలోని పాత డ్వామా కార్యాలయంలో ఉన్న ఇవిఎంలను, ఇటీవలే ఖాళీ చేసిన ప్రస్తుత గోదాములోకి మార్చాలని ఆదేశించారు.  ఈ కార్య‌క్ర‌మంలో జిల్లా రెవెన్యూ అధికారి ఎం.గ‌ణ‌ప‌తిరావు, నెల్లిమ‌ర్ల తాశీల్దార్ గొట్పాపు రాము, డిప్యుటీ తాశీల్దార్ సూర్యాకాంతం, క‌లెక్టరేట్ హెచ్ సెక్ష‌న్ సూప‌రింటిండెంట్ పి.రామ‌కృష్ణ‌, నెల్లిమర్ల మున్సిపల్ వైస్ చైర్మన్ సముద్రపు రామారావు,  సిపిఐ ప్ర‌తినిధి తాలాడ స‌న్నిబాబు, ఇత‌ర రెవెన్యూ సిబ్బంది పాల్గొన్నారు.

శంఖవరం మండల అభివ్రుద్ధి అధికారి కార్యాలయంలో 7వ బ్యాచ్చి మహిళా పోలీసులకు గురువారం క్షేత్రస్థాయి శిక్షణ ఇచ్చారు. ఎంపీడీఓ జె.రాంబాబు ఆదేశాల మేరకు కార్యాలయ సీనియర్ అసిస్టెంట్ నగేష్ మహిళా పోలీసులకు ఎంపీడీఓ కార్యాలయంలో జరిగే కార్యకాలపాలు, మెయింటేన్ చేసే రిజిస్టర్లు, అభివ్రుద్ధి పనులు, పరిపాలనకు సంబంధించిన అంశాలపై శిక్షణ ఇచ్చారు. ఈసందర్బంగా సీనియర్ అసిస్టెంట్ మాట్లాడుతూ ప్రభుత్వం జీఓ నెంబరు 59 ద్వారా మహిళా పోలీసులను సాధారణ పోలీసులతో సమానంగా గుర్తించిన సందర్భంలో ప్రతీ ప్రభుత్వ కార్యాలయ పరిపాలనపైనా అవగాహన పెంచుకోవడం ద్వారా అత్యవసర సమయంలో ప్రజలకు సహాయ సహకారాలు అందించడానికి వీలుపడుతుందన్నారు. ఎంపీడీఓ కార్యాలయం నుంచి ఎప్పుడు ఎలాంటి అవసరం వచ్చినా మహిళా పోలీసులకు సమాచారం అందించడానికి, విధి నిర్వహణలో సహాయ పడటానికి సిద్దంగా ఉన్నామని వివరించారు. ఈ కార్యక్రమంలో  ఈ కార్యక్రమంలో మహిళా పోలీసులు జీఎన్ఎస్ శిరీష, కళాంజలి, ఉషారాణి తదితరులు పాల్గొన్నారు.

పేద కుటుంబాల భ‌ద్ర‌త‌కు భ‌రోసా క‌ల్పించే వైఎస్సార్ బీమా ప‌థ‌కం ప‌రిధిలోకి వ‌చ్చే విధంగా జిల్లాలో అర్హుల న‌మోదు ప్ర‌క్రియ గ్రామ‌, వార్డు స‌చివాల‌య స్థాయిలో అత్యంత క‌చ్చిత‌త్వంతో జ‌రుగుతున్న‌ట్లు క‌లెక్ట‌ర్ డి.ముర‌ళీధ‌ర్‌రెడ్డి తెలిపారు. గురువారం ముఖ్య‌మంత్రి వైఎస్ జ‌గ‌న్‌మోహ‌న్‌రెడ్డి తాడేప‌ల్లి క్యాంపు కార్యాల‌యం నుంచి కొత్త మార్గ‌ద‌ర్శ‌కాల‌తో రూపొందిన వైఎస్సార్ బీమా ప‌థ‌కాన్ని వ‌ర్చువ‌ల్ విధానంలో ప్రారంభించారు. 2021-22లో రాష్ట్రంలో 1.32 కోట్ల పేద కుటుంబాల‌కు దాదాపు రూ.750 కోట్ల వ్య‌యంతో ఉచిత బీమా ర‌క్ష‌ణ క‌ల్పించే ఈ కార్య‌క్ర‌మానికి క‌లెక్ట‌రేట్ నుంచి రాష్ట్ర బీసీ సంక్షేమ శాఖ మంత్రి చెల్లుబోయిన శ్రీనివాస వేణుగోపాల‌కృష్ణ‌, ఎంపీ పిల్లి సుభాష్‌చంద్ర‌బోస్, కాకినాడ అర్బ‌న్ ఎమ్మెల్యే ద్వారంపూడి చంద్ర‌శేఖ‌ర‌రెడ్డి, క‌లెక్ట‌ర్ డి.ముర‌ళీధ‌ర్‌రెడ్డి, జాయింట్ క‌లెక్ట‌ర్ (ఆస‌రా, సంక్షేమం) జి.రాజ‌కుమారి త‌దిత‌రులు హాజ‌ర‌య్యారు. జిల్లాలోని వివిధ ప్రాంతాల‌కు చెందిన అర్హులైన వారికి బీమా కార్డుల‌ను కార్య‌క్ర‌మం సంద‌ర్భంగా అంద‌జేశారు. ఈ సంద‌ర్భంగా క‌లెక్ట‌ర్ మాట్లాడుతూ గ్రామ‌, వార్డు స‌చివాల‌య స్థాయిలో ఈ-కేవైసీ ద్వారా అర్హుల‌ను ప‌థకంతో అనుసంధానం చేసే ప్ర‌క్రియ‌లో భాగంగా జిల్లాలో చేప‌ట్టిన 16,53,364 రైస్‌కార్డుల స‌ర్వే పూర్తికావ‌స్తోంద‌ని, దాదాపు మూడు ల‌క్ష‌ల కార్డుల‌ను మాత్ర‌మే ఇంకా స‌ర్వే చేయాల్సి ఉంద‌ని వెల్ల‌డించారు. దుర‌దృష్టవ‌శాత్తు కుటుంబ పెద్ద‌ను కోల్పోయిన పేద కుటుంబాల‌కు వైఎస్సార్ బీమా ప‌థ‌కం ఆస‌రా కానుంద‌ని వివ‌రించారు. 18-50 ఏళ్ల మ‌ధ్య వ‌య‌సున్న వ్య‌క్తి స‌హ‌జంగా మ‌ర‌ణిస్తే ఆ కుటుంబానికి రూ.ల‌క్ష ఆర్థిక సాయం, అదే విధంగా 18-70 ఏళ్ల మ‌ధ్య వ‌య‌సున్న వ్య‌క్తి ప్ర‌మాదంలో మ‌ర‌ణించినా లేదా శాశ్వ‌త అంగ వైక‌ల్యం పొందినా ఆ కుటుంబానికి రూ.5 ల‌క్ష‌ల బీమా ప‌రిహారం అందుతుంద‌ని వివ‌రించారు. బీమా న‌మోదు, క్లెయిమ్‌ల చెల్లింపుల‌కు సంబంధించిన ఫిర్యాదుల న‌మోదుకు 155214 టోల్‌ఫ్రీ నెంబ‌రు కూడా అందుబాటులో ఉంద‌ని క‌లెక్ట‌ర్ వెల్ల‌డించారు. 

రూపాయి భారం లేకుండా: మంత్రి చెల్లుబోయిన శ్రీనివాస వేణుగోపాల‌కృష్ణ‌*

పేద కుటుంబాల‌పై రూపాయి కూడా భారం ప‌డ‌కుండా రాష్ట్ర ప్ర‌భుత్వం ఉచిత బీమా అందిస్తోంద‌ని రాష్ట్ర బీసీ సంక్షేమ శాఖ మంత్రి చెల్లుబోయిన శ్రీనివాస వేణుగోపాల‌కృష్ణ పేర్కొన్నారు. దుర‌దృష్ట‌క‌ర సంఘ‌ట‌న జ‌రిగిన ప‌రిస్థితిలో ప‌థ‌కం కింద ఎలాంటి జాప్యం లేకుండా స‌త్వ‌రం క్లెయిమ్‌ల చెల్లింపున‌కు రాష్ట్ర ప్ర‌భుత్వం అన్ని ఏర్పాట్లు చేసింద‌న్నారు. కోవిడ్ క‌ష్ట‌కాలంలో సైతం ప్ర‌జ‌ల సంక్షేమానికి సంబంధించిన ప్ర‌తి కార్య‌క్ర‌మాన్ని గౌర‌వ ముఖ్య‌మంత్రి తు.చ‌.త‌ప్ప‌కుండా అమ‌లుచేస్తున్నార‌ని పేర్కొన్నారు. గ్రామ‌, వార్డు స‌చివాల‌యాల ద్వారా ప్ర‌తి ల‌బ్ధిదారునికీ ప‌థ‌కాల ఫ‌లాలు అందుతున్నాయ‌ని, సంక్షేమం విష‌యంలో రాష్ట్రం దేశానికే ఆద‌ర్శ‌వంతంగా ఉంద‌ని మంత్రి చెల్లుబోయిన శ్రీనివాస వేణుగోపాల‌కృష్ణ పేర్కొన్నారు. కార్య‌క్ర‌మంలో డీఆర్‌వో సీహెచ్ స‌త్తిబాబు, డీఆర్‌డీఏ పీడీ వై.హ‌రిహ‌ర‌నాథ్‌, మెప్మా పీడీ కె.శ్రీర‌మ‌ణి, కార్మిక శాఖ ఉప‌కమిష‌న‌ర్ ఎన్‌.బుల్లిరాణి త‌దిత‌రులతో పాటు జిల్లాలోని వివిధ ప్రాంతాల‌కు చెందిన‌, ప‌థ‌కం ప‌రిధిలోకి వ‌చ్చిన వారు హాజ‌ర‌య్యారు. 

నవరత్నాల్లో భాగంగా పేదలందరికీ ఇళ్లు మెగా గ్రౌండింగ్ మేళా కార్యక్రమం రాగోలు లే ఔట్ కాలనీ వద్ద మునిసిపల్ కమీషనర్ ఓబులేసు ఆధ్వర్యంలో గురువారం జరిగింది.  ఈ కార్యక్రమానికి ఎమ్మెల్యే ధర్మాన ప్రసాదరావు ముఖ్యఅతిథిగా పాల్గొని గృహ స్థల లబ్ధిదారులతో భూమి పూజ చేయించారు. ఈ సందర్భంగా ఆయన మాట్లాడుతూ ఇవి జగనన్న కాలనీలు కావని, ఈ కాలనీల్లో నిర్మిస్తున్న గృహాల వలన గ్రామాలే ఆవిర్బవించనున్నట్లు చెప్పారు. కాలనీల్లో నిరంతర విద్యుత్, తాగునీరు, సిమెంటు రహదారులు, కళ్యాణ మండపం, పార్కు, విద్యుత్ వెలుగులు, మురుగునీటి కాలువలు ఇలా సకల సౌకర్యాలు ఇందులో రానున్నట్లు చెప్పారు. ఇపుడు నిర్మిస్తున్న కాలనీలు మొత్తం పూర్తయితే కాలనీలుగా ఉండవని, సౌకర్య వంతమైన, విలాసవంతమైన గృహాలుగా జగనన్న కాలనీలు ఉండబోతున్నాయని,  అందరికీ శాశ్వత చిరునామాగా ఈ కాలనీలు మారబోతున్నాయని అని అన్నారు. ముఖ్యంగా మహిళల వారి పేరునే ఇళ్లు రిజిస్ట్రేషన్ చేయడం జరిగిందని అన్నారు. రాగోలు జగనన్న కాలనీలో 362 మందికి ఇంటి స్థలాలు మంజూరుచేయడం జరిగిందని, లబ్ధిదారులతో  పునాది రాయి వేసి పూజ చేసి కార్యక్రమాన్ని ప్రారంభించుకోవడం ఆనందంగా ఉందని అన్నారు. అనంతరం లబ్ధిదారుల మనోగతాన్ని శాసనసభ్యులు అడిగి తెలుసుకున్నారు. ఈ కార్యక్రమంలో  ప్రపథమంగా శంకుస్థాపన చేసిన 43వ డివిజన్ నివాసి లబ్ధిదారు దుక్క అపర్ణతో శాసనసభ్యులు మాట్లాడుతూ తమ జీవన విధానాన్ని అడిగి తెలుసుకున్నారు.  గత  20 ఏళ్లుగా స్వంత ఇళ్లు లేని తమకు జగనన్న కాలనీలో ఇంటి స్థలం మంజూరుకావడం, అందులో తాను శంకుస్థాపన చేసుకోవడం ఆనందంగా ఉందని శాసనసభ్యులకు వివరించారు. ఇంతవరకు చిరునామా అన్నది లేని తనకు జగనన్న దయవలన తన శాశ్వత చిరునామా రాగోలు కాలనీగా మారుతున్నoదుకు  చాలా ఆనందంగా ఉందన్నారు.

ఈ కార్యక్రమంలో రెవిన్యూ డివిజనల్ అధికారి ఐ.జె.కిషోర్, జిల్లా పరిషత్ ముఖ్యకార్యనిర్వహణ అధికారి బి.లక్ష్మీపతి, కమీషనర్ ఓబులేసు, తహశీల్ధార్ ప్రసాద్, మండల పరిషత్ అభివృద్ధి అధికారి ప్రకాశరావు, శ్రీకాకుళం డివిజనల్ పంచాయతీ అధికారి   రాంప్రసాద్, కార్యనిర్వాహక ఇంజినీర్ సుగుణాకర్, ఏ.పి.కార్పొరేషన్ కార్యనిర్వాహక ఇంజినీర్ నాగేశ్వరరావు, మాజీ మునిసిపల్ ఛైర్ పర్సన్ మెంటాడ వెంకట పద్మావతీ, మెంటాడ స్వరూప్ , పొన్నాడా ఋషి, అందవరపు సంతోష్ ,చిట్టి జనార్దన్,చల్లా శ్రీనివాస్ రావు,సాధువైకుంటారావు, లంకం, రాగోలు సర్పంచులు, తదితరులు పాల్గొన్నారు

ప్రతి నిరుపేదకు సొంత ఇంటి కల సాకారం  కల్పించడమే రాష్ట్ర ప్రభుత్వ ముఖ్య లక్ష్యమని నర్సీపట్నం ఎమ్మెల్యే పెట్ల ఉమాశంకర్ గణేష్ పేర్కొన్నారు. గురువారం మెగా గ్రౌండింగ్ హౌసింగ్ మేళాలో భాగంగా బలిఘట్టం సర్వేనెంబర్ 552  బైపురెడ్డిపాలెంలో నిర్మిస్తున్న జగనన్న కాలనీలలో  లబ్ధిదారుల ఇళ్ల నిర్మాణాలకు శాసనసభ్యులు శంకుస్థాపన చేశారు. ఈ సందర్భంగా శాసన సభ్యులు మాట్లాడుతూ మన రాష్ట్ర ముఖ్యమంత్రి వైయస్ జగన్మోహన్ రెడ్డి నవరత్నాలు - పేదలందరికీ ఇళ్లు కార్యక్రమంలో భాగంగా ఇల్లు లేని ప్రతి నిరుపేద కు సొంత ఇల్లుకల నెరవేరుస్తున్నారన్నారు. ఇందుకు అందరి తరఫున ముఖ్యమంత్రి గారికి ధన్యవాదాలు తెలియజేసుకుంటున్నానన్నారు. జగనన్న కాలనీలలో త్రాగు నీరు, విద్యుత్తు, రోడ్లు, డ్రైన్లు తదితర మౌలిక వసతులు అన్నింటిని కల్పించడం జరుగుతుందన్నారు. సొంత స్థలం ఉండి ఆర్థికంగా ఇబ్బంది పడుతున్న వారికి ప్రభుత్వం తరఫున రూ.1.80 లక్షల ను మంజూరు చేస్తూ వారికి సిమెంటు, ఐరన్,ఇసుక సబ్సిడీ ధరలకే అందించడం జరుగుతుందన్నారు. ఇళ్ల నిర్మాణాలను నిర్దేశించిన సమయానికి పూర్తి చేసి వారి గృహప్రవేశాల కు సిద్ధం చేస్తామని అన్నారు. మెగా గ్రౌండింగ్ హౌసింగ్ మేళాలో నర్సీపట్నం ఇంచార్జ్ ఆర్ డి ఓ అనిత,  మున్సిపల్  చైర్పర్సన్ గుడిబండ ఆదిలక్ష్మి, వైస్ చైర్మన్ గొలుసు నరసింహమూర్తి, మున్సిపల్ కమిషనర్ కనకారావు ,హౌసింగ్ అధికారులు, సిబ్బంది హాజరయ్యారు.

అర్హులైన  పేదవారికందరికి  ఇళ్లు కట్టించి ఇవ్వాలని సీఎం వై ఎస్ జగన్ మోహన్ రెడ్డి ఆశయమని  రాష్ట్ర పర్యాటక శాఖ మంత్రి ముత్తం శెట్టి శ్రీనివాసరావు తెలిపారు.  గురువారం నాడు  పెందుర్తి మండలం గుర్రంపాలెం  లేఅవుట్ లో  వై ఎస్ ఆర్ జగనన్న కాలనీలో   గృహ నిర్మాణాలకు  జిల్లా కలెక్టర్ వి.వినయ్ చంద్, స్థానిక ఎం ఎల్ ఎ  ఎ. అధీప్ రాజ్ లతో కలిసి  శంఖుస్థాపన చేసారు. ఈ సందర్భంగా మాట్లాడుతూ  పెందుర్తి మండలంలోని  గుర్రంపాలెం లో   11 ఎకరాలలో లే అవుట్  వేసి   454 ప్లాట్ లను  చేసారని, రూ 8.13 లక్షలతో  నీటి కనెక్షన్లు  ఇచ్చారని, రూ. 89.60లక్షలు   విద్యుదీకరణ పనులకు మంజూరు చేసారని , రూ 17.94 లక్షలు సైట్  లెవెలింగ్ చేయడానికి  వినియోగించారని తెలిపారు.  మెగా గ్రౌండింగ్ మేళా  సందర్భంగా  ఈ లే అవుట్ లో  100 గృహాలకు  శంఖుప్థాపన  చేయనున్నట్టు తెలిపారు.  జిల్లా కలెక్టర్  వి.వినయ్ చంద్ మాట్లాడుతూ నవరత్నాలు , పేదలందరికి ఇళ్లు పథకం కింద  చేపట్టిన  వై ఎస్ ఆర్ జగనన్న కాలనీలలో  రెండవ దపా మెగా గ్రౌండింగ్ సందర్భ౧గా జిల్లాలో  జూలై 1, 3,4 తేదీలలో  గ్రౌండింగ్  చేస్తున్నట్టు తెలిపారు. లబ్దిదారులు  గృహ నిర్మాణం పై  పూర్తి శ్రద్ద వహించి  పనులు చేయించాలని  కోరారు.  ప్రభుత్వం  20 టన్నుల ఇసుక లబ్దిదారునికి  ఉచితంగా  సరఫరా చేస్తుందని తెలిపారు.  ఇంకా అవసరమైన  స్టీలు, సిమెంటు గోదాములలో సిద్దంగా ఉందని తెలిపారు.  వెై ఎస్ ఆర్ జగనన్న కాలనీలలో  మౌళిక సదుపాయాలు, బోర్లు, ప్రతి ఇంటికి కొళాయి, అండర్ గ్రౌండ్ డ్రైనేజి, శానిటేషన్, విద్యుత్తు, రోడ్లు కల్పిస్తామని  అన్నారు. అంగన్ వాడీ కేంద్రాలను కూడా ఏర్పాటు చేస్తామని  తెలిపారు. లబ్దిదారులను ప్రోత్సహించి  ఇళ్ల నిర్మాణం మొదలు పెట్టాలని  అధికారులను  ఆదేశించారు. 

స్దానిక శాసన సభ్యులు  ఎ. అదీప్ రాజ్ మాట్లాడుతూ  పెందుర్తి నియోజక వర్గంలో  32వేల మందికి  శాశ్వత గృహ వసతి సౌకర్యం కల్పిస్తున్నట్లు  తెలిపారు. జాయింట్ కలెక్టర్ ఎం .వేణుగోపాల్ రెడ్డి మాట్లాడుతూ    ప్రభుత్వమే  ఇసుక ధర ,  రవాణా ఖర్చులు భరించి తూర్పు గోదావరి, శ్రీకాకుళం జిల్లాల నుంచి ఇసుక తెప్పించి లబ్దిదారులకు ఉచితంగా  సరఫరా చేస్తున్నదని తెలిపారు. ఈ కార్యక్రమంలో  హౌసింగ్ పిడి  శ్రీనివాస్, నియోజక వర్గ ప్రత్యేకాధికారి హేమలత, మండల ప్రత్యేకాధికారి రాజు, ఎం ఆర్ ఓ పి.రామారావు,  ఎం పి డి ఓ  ఎస్ మంజుల వాణి, హౌసింగ్ డి ఇ రాజు,  సర్పంచ్ గోవిందరాజులు  పాల్గొన్నారు.

విశాఖ వేపగుంటకు చెందిన లక్ష్మీ బొడ్డేటి, భర్త రామక్రిష్ణ 4గురు కుటుంబ సభ్యులతో కలిసి బుధవారం శ్రీస్వామివారి దర్శనానికొచ్చారు. సింహాచలం కొండపై బస్టాప్ లోని మెట్లపై కూర్చొని  తమ స్మార్ట్ ఫోన్ ను మరిచిపోయారు. ఒక వివాహ కార్యక్రమానికొచ్చిన చిన్నవాల్టేర్ కు చెందిన ఆటో డ్రైవర్ ఎం. మోహన్ కు ఆ సెల్ ఫోన్ దొరకడంతో పీఆర్వో ఆఫీసు దగ్గరున్న పోలీసులకు దానిని అందించారు. దీనితో పోగొట్టుకున్న బాధితులకు ఆ స్మార్ట్ ఫోన్ ను గోపాలపట్నం సీఐ ఎం. అప్పారావు ద్వారా ఆమెకు అప్పగించారు. ఈ సంబర్భంగా బాధితురాలు పోలీసులకు, ఆలయ అధికారులకు,  దొరికిన ఫోన్ ను అప్పగించిన ఎం. మోహన్ కు ధన్యవాదాలు తెలిపారు. ఆటో డ్రైవర్ నిజాయితీని దేవస్థానం  ఈఓ సూర్యకళ, సిఐలు అభినందించారు . భక్తులు సెల్ ఫోన్లు భద్రపరచుకునేందుకు పీఆర్వో ఆఫీసుదగ్గర, ఫ్రీదర్శనం క్యూ దగ్గర కౌంటర్లు ఏర్పాటుచేశామని, మొబైల్స్ ఎవరూ బయట ఎక్కడా పెట్టొద్దని ఈఓ తెలిపారు. భక్తులకు ఎలాంటి సమస్యలున్నా తమ దృష్టికి తెస్తే వాటిని పరిష్కరిస్తామని ఈఓ భరోసా ఇచ్చారు.

రాష్ట్ర ప్రభుత్వం అత్యంత ప్రతిష్టాతకంగా అమలు చేస్తున్న నవరత్నాలు పేదలందరికి ఇళ్లు పధకంలో భాగంగా జూలై 1,3,4, తేదీలలో నిర్వహించే మెగా గ్రౌండిరగ్‌ విజయవంతం చేయడానికి కేత్రసాయి అధికారులు, గ్రామ వాలంటీర్లు లబ్దిదారులు బాగస్వామ్యంతో ప్రత్యేక చోరవ చూపాలని సబ్‌ కలెక్టరు ఇలాక్కియా ఆదేశించారు. మంగళవారం ఆమె గ్రామీణ మండల పరిధిలోని  తోర్రేడు  సీతానగరం మండలంలోని  మునికూడలి, చినకొండేపూడి  లేవుట్లలో పునాదులు త్రవ్వేందుకు మార్కింగ్‌, ఎలక్ట్రికల్‌ స్దంబాలు ఏర్పాటు, గ్రామీణ నీటి సరఫరా శాఖ మరియు పారిశుద్ద్యశాఖ ద్వారా బోరు బావులు నిర్మాణాలు, తదితర పనులను పరిశీలించారు. ఈ సందర్బంగా ఆమె మాట్లాడుతూ త్వరగా కనీస మౌలిక వసతులు గృహ నిర్మాణాల నిమిత్తం కల్పించి లబ్దిదారులను ప్రోత్సాహించి వారికి డ్వాకా ద్వారా అడ్వాన్ను రుణం మంజూరు చేయించి వెంటనే నిర్మాణాలు ప్రారంబింపజేయాలన్నారు. ప్రతి లబ్దిదారుడు గృహ నిర్మాణాలు తప్పకుండా చేపట్టేలా గ్రామ వాలంటీర్లు క్షేత్రస్దాయి అధికారులు ప్రత్యేక దృష్టిసారించి ప్రభుత్వం నిర్దేశించిన లక్ష్యాలు చేరుకోవాలని ఆదేశించారు.  ప్రతి పేదవానికి ఇల్లు ఉండాలనే సంకల్పంతో రాష్ట్ర ముఖ్యమంత్రివర్యులు ఈ కార్యక్రమానికి శ్రీకారం చుట్టారన్నారు. రాష్ట్ర ముఖ్యమంత్రివర్యులు మానస పుత్రిక నవరత్నాలు` పేదలందరికి ఇల్లు కార్యక్రమమన్నారు. మెగా గ్రౌండిరగ్‌ కార్యక్రమం పండుగ వాతావరణాన్ని తలపించే విధంగా ఉండాలని ఆమె అన్నారు.  పదవారి సొంతింటి కలను సాకారం చేసేందుకు నూటినూరు శాతం పాటుపడాలన్నారు.  ప్రభుత్వం అందించే రూ 1,80,000లకు అదనంగా స్వయం సహాయక సంఘాల ద్వారా మరో రూ 50 వేలు అడ్వాన్పు రుణం ఇప్పించి  పక్కాగా ఇల్లు  నిర్మించుకునేలా ప్రోత్సాహాన్ని లబ్దిదారులుకు అందించాలన్నారు.  ఒక్కొక్కరు ఇల్లు నిర్మించుకోవాలంటే  అయ్యేపనికాదని అందుకని 10 మంది నుంచి 25 మంది వరకు గ్రూపుగా ఏర్పడి ఇళ్ళ నిర్మాణాన్ని ఆరంబించేలా వాలంటీర్లు పంచాయితీ కార్యదర్శులు ప్రోత్సాహాన్ని అందించి ఉమ్మడిగా నిర్మాణాలు చేసుకుంటే లబ్దిదారులుకు మెటీరియల్‌ పరంగా, నిర్మాణ వ్యయాలు పరంగా ఖర్చులు తగ్గి ఎంతో మేలు చేకూరుతుందని ఆమె స్ఫష్టం చేసారు. ఇళ్ల నిర్మాణాలు విషయంలో ఎక్కడా ఎలాంటి సమస్యలు తలెత్తకుండా లబ్దిదారులుకు అధికారులు బాసటగా నిలవాలని ఆమె అన్నారు. అదేవిధంగా జిల్లా స్దాయిలో  ఏర్పాటు చేసిన కంట్రోల్‌ రూంలో విద్యుత్‌, గ్రామీణ నీటి సరపరా,  పంచాయితీ రాజ్‌ వంటిశాఖల సిబ్బంది అందుబాటులో వుండి వెంటనే సమస్యలను పరిష్కరించడం జరుగుతుందన్నారు  విద్యుత్‌ లైన్లు త్వరగా వేసి గృహ నిర్మాణాల కొరకు  నీటి సరఫరా కొరకు ట్రాన్సుకో అధికారులు తోడ్పాటు నందించాలన్నారు.అదేవిధంగా గ్రామీణ నీటి సరఫరా అధికారులు బోరుబావులు 2 మాత్రమే పూర్తి చేసారని మూడవ బోరుబావిను వెంటనే త్రవ్వాలని ఆదేశించారు. మునికూడలి లేవుల్‌ చాలవరకు పునాదులుత్రవ్వి నిర్మాణాలు ప్రారంబించడం జరిగిందన్నారు. బొబ్బర్లంక ములక్లలంక గ్రామాలలో కూడా ఆమె పర్యటించారు.  ఈ కార్యక్రమాలలో తాహసిల్దార్లు పవన్‌ కుమార్‌. రియాజ్‌ హుస్సేన్‌. మండల పరిషత్‌ అభివృద్ది అధికారి  మూర్తి, నోడల్‌ అధికారి, ఎడి మైనింగ్‌  రంగా కుమార్‌ కొంతమూరు ట్రాన్సుకో ఎ.ఇ కిశోర్‌ కుమార్‌. గ్రామ కార్యదర్శులు, గ్రామ రెవిన్యూ అధికారులు, గృహనిర్మాణ సంస్ద ఇంజనీర్లు వర్కు ఇన్‌స్పెక్టర్లు, తదితరులు పాల్గొన్నారు.  

ఆర్హత కలిగిన ప్రతి లబ్ధిదారునికి సొంతింటి కళ సాకారం చేసేందుకు ఆన్ని శాఖలు సమన్వయంతో పనిచేయాలని ఐ.టి.డి.ఎ ప్రోజెక్ట్ అధికారి ఆర్ కూర్మనాథ్ పేర్కొన్నారు. జూలై 1 న నిర్వహించనున్న మెగా గ్రౌండింగ్ మేళాకు ముందస్త ఏర్పాట్ల పరిశీలనలో భాగంగా కొమరాడ మండలం కొమరాడ, గుమడ గ్రామాల్లో, పార్వతీపురం మండలం కృష్ణపల్లి గ్రామంలో  హౌసింగ్ లేఅవుట్ ను, మంగళవారం ప్రోజెక్ట్ అధికారి సందర్శించారు, ఈ సందర్భంగా చేపడుతున్న ఏర్పాట్ల పై సంబంధిత అధికారులతో సమీక్షించి సూచనలు అందించారు. అనంతరం ప్రోజెక్ట్ అధికారి మాట్లాడుతూ జూలై 1న చేపట్టనున్న మెగా హౌసింగ్ గ్రౌండింగ్ మేళాలో పార్వతీపురం మండలంలో మంజూరైన 55 లేఅవుట్లలో, సొంత స్థలాలలో 207  మొత్తం 3165 మంజూరు కాగా అందులో 735 గ్రౌండింగ్ పూర్తి అయ్యాయని మిగిలిన ఇళ్లు జూలై 1న గ్రౌండింగ్  అయ్యేలా ఆన్ని చర్యలు చేపట్టాలని, అలాగే కొమరాడ మండలంలో 25 లే అవుట్లులో 334 ఇళ్లు, సొంత స్థలంలో 2.141 ఇళ్లు మొత్తం 2475 మంజూరు అయ్యాయని, లబ్ధిదారులు   మెగా  గ్రౌండింగ్ మేళా ఇళ్లు నిర్మాణానికి ముందుకు వచ్చేలా చర్యలు చేపట్టాలని, మెగా మేళా ఒక పండగ వాతావరణంలో చేపట్టాలని ఆన్ని శాఖలు సమన్వయంతో పనిచేయాలని పిలుపు నిచ్చారు.

           కొమరాడ మండలం కొమరాడ గ్రామ సచివాలయంలో చేపడుతున్న పనులను పరిశీలించారు. సచివాలయంలో అందిస్తున్న సేవల పై ఆరా తీశారు, అనంతరం ప్రాజెక్ట్ అధికారి మాట్లాడుతూ సిబ్బంది పనిచేసే చోటే నివాసం ఉండాలన్నరు. సంక్షేమ పథకాల అమలులో ప్రభుత్వ ఆదేశాలను, నియమాలను అందరూ తప్పకుండా ఆనుసరించాలని, సేవల్లో పారదర్శకత పాటించాలని సిబ్బందికి సూచించారు. అందరూ  సమయపాలన పాటించాలని అన్నారు.  పిర్యాదుల సేకరణలో పరిష్కారంలో ఆలసత్వం ప్రదర్శించ వద్దని సూచించారు.  ఈ క్రమంలో సిబ్బంది హజరుపట్టి, ప్రగతి నివేదికల పట్టిక తదితర రికార్డులు పరిశీలించారు, వోలంటరీ వ్యవస్థను సక్రమంగా వినియోగించు కోవాలని హితవుపలికారు. 

      ఈ కార్యక్రమంలో సబ్ కలెక్టర్ ఎస్.వేంకటేశ్వరులు, పార్వతీపురం కొమరాడ ఎం.పి.డి.ఓలు, తహసీల్దార్లు, హౌసింగ్ ఇ.ఇ, గ్రామ సచివాలయం సిబ్బంది తదితరులు పాల్గొన్నారు.