తిరుపతిలోని శ్రీ గోవిందరాజస్వామివారి ఆలయంలో బాలాల‌య కార్యక్రమాల్లో భాగంగా నాలుగో రోజు ఆదివారం బాలబింబ స్థాపన శాస్త్రోక్తంగా జరిగింది. ఆలయంలోని కల్యాణమండపంలో బాలాల‌యం ఏర్పాటుచేసి స్వామి, అమ్మవార్లకు నిత్యకైంకర్యాలు నిర్వహిస్తున్నారు. యాగశాలలో ఉద‌యం శ్రీ గోవింద‌రాజ‌స్వామివారి బాల‌బింబ స్థాప‌న‌, మ‌ధ్యాహ్నం బింబ‌వాస్తు, మ‌హాశాంతి అభిషేకం చేపట్టారు. సాయంత్రం యాగ‌శాల‌ వైదిక కార్య‌క్ర‌మాలు, శ‌య‌నాధివాసం, హోత్రం, విశేష హోమం చేప‌డ‌తారు. సెప్టెంబ‌రు 13న సోమవారం ఉద‌యం యాగ‌శాల వైదిక కార్య‌క్ర‌మాలు, పూర్ణాహుతి, దివ్య‌ప్ర‌బంధ శాత్తుమొర నిర్వ‌హిస్తారు. ఉద‌యం 9.40 నుండి 10 గంట‌ల మ‌ధ్య తులా ల‌గ్నంలో బాలాల‌య సంప్రోక్ష‌ణం చేప‌డ‌తారు. మ‌ధ్యాహ్నం నిత్య‌క‌ట్ల కైంక‌ర్యం, సాయంత్రం యాగ‌శాల‌ వైదిక కార్య‌క్ర‌మాలు నిర్వ‌హిస్తారు. ఈ కార్య‌క్ర‌మంలో ఆల‌య ప్ర‌త్యేక‌శ్రేణి డెప్యూటీ ఈవో రాజేంద్రుడు, ఆల‌య ప్ర‌ధానార్చ‌కులు  పి.శ్రీ‌నివాస దీక్షితులు, ఆగ‌మ స‌ల‌హాదారు  వేదాంతం విష్ణుభ‌ట్టాచార్యులు, ఎఈవో  ఎం.ర‌వికుమార్‌రెడ్డి, సూప‌రింటెండెంట్  ఎ.నారాయ‌ణ, టెంపుల్ ఇన్‌స్పెక్ట‌ర్  ఎ.కామ‌రాజు పాల్గొన్నారు.

ఆంధ్రప్రదేశ్ హైకోర్టు ప్రధాన న్యాయమూర్తి జస్టిస్ అరూప్ కుమార్ గోస్వామి దంపతులు కాణిపాకం లోని శ్రీ స్వయంభు వరసిద్ధి వినాయకుని దర్శనం చేసుకున్నారు. శ్రీ స్వామి వారి దర్శనానికి వచ్చిన  వీరికి  వేద పండితులు స్వాగతం పలికి స్వామి వారి దర్శన ఏర్పాట్లను  కార్యనిర్వహణాధికారి  ఎ.వెంకటేశు చేయించారు.అనంతరం వారికి వేదపండితుల ఆశీర్వచనముతో శ్రీ స్వామి వారి తీర్థ ప్రసాదాలను,స్వామి వారి చిత్ర పఠమును అందచేశారు.ఈ కార్యక్రమంలో చిత్తూరు జిల్లా ఎస్పీ సెంథిల్ కుమార్, జిల్లా ప్రధాన న్యాయమూర్తి రవీంద్ర బాబు గారు, డి.ఎస్.పి సుధాకర్ రెడ్డి, ఆలయ ఏఈవో విద్యాసాగర్ రెడ్డి, ఐరాల ఎమ్మార్వో, ఆలయ అధికారులు, సిబ్బంది తదితరులు పాల్గొన్నారు.

చిత్తూరుజిల్లా వ్యాప్తంగా ఇప్పటి వరకు 30,78,292 కోవిడ్ వ్యాక్సినేషన్ డోస్ లు పూర్తి చేసినట్లు, ఆదివారం స్పెషల్ డ్రైవ్ నిర్వహించి మరో 2.03 లక్షల డోస్ లు పూర్తి చేయనున్నట్లు జిల్లా కలెక్టర్ యం.హరినారాయణన్ పేర్కొన్నారు. గత  రెండు రోజులుగా స్పెషల్ డ్రైవ్ నిర్వహించి జిల్లా వ్యాప్తంగా కోవిడ్ వ్యాక్సినేషన్ కార్యక్రమం చేపట్టామని, ఇందులో భాగంగా ఈ నెల 11 వ తేది 93,248 రెండవ డోసులు మాత్రమే వేశామని, 12 వ తేది ఆదివారం మొదటి , రెండవ డోస్ లు వేసేందుకు 2.03 లక్షలు డోస్ లు జిల్లాకు అందాయని తెలిపారు. ఈ డోస్ లను 18 సంవత్సరాలు పై బడిన వారందరికి మొదటి, రెండవ డోస్ లు వేస్తున్నామని తెలిపారు. అన్ని మండలాలకు వ్యాక్సినేషన్ మందులు పంపిణీ చేయడమైనదని, ప్రతి మూడు మండలానికి ఒక స్పెషల్ ఆఫీసర్ పర్యవేక్షణలో వ్యాక్సినేషన్ కార్యక్రమం వేగవంతంగా పూర్తి చేయాలని జిల్లా కలెక్టర్ తెలిపారు. గ్రామ, వార్డు వాలంటీర్లు వారి పరిధిలో ఒక్కొక్కరు 15 మందిని గుర్తించి వ్యాక్సినేషన్ వేయించాలన్నారు. ఆదివారం ఉదయం నుండి వ్యాక్సినేషన్ ప్రక్రియ ప్రారంభమై మధ్యాహ్నానికల్లా 1,25,921 మొదటి, రెండవ డోసు లు అన్ని పి.హెచ్.సి పరిధిలో వేశారని తెలిపారు. ఆదివారం మధ్యాహ్నానికి మిగిలి ఉన్న 97 వేల డోస్ లు రాత్రి లోపు పూర్తి చేసేందుకు మదనపల్లి సబ్ కలెక్టర్ జాహ్నవి, చిత్తూరు, తిరుపతి ఆర్.డి.ఓ లు రేణుక, కనకనరసా రెడ్డి లను, మండల స్పెషల్ ఆఫీసర్లు, తాహాసిల్ధార్లు, ఎం.పి.డి.ఓ లు, మునిసిపల్ కమిషనర్ లను ప్రత్యేక దృష్టి సారించి పెండింగ్ లేకుండా జిల్లాకు కేటాయించిన లక్ష్యాలను పూర్తి చేయాలని సూచించారు. ఆదివారo నాడు జిల్లా వ్యాప్తంగా వేస్తున్న వ్యాక్సినేషన్ ప్రక్రియను జిల్లా కలెక్టర్ ఎప్పటికప్పుడు మానిటర్ చేయడంతో మండల, జిల్లా అధికారులను వ్యాక్సినేషన్ కార్యక్రమాన్ని వేగవంతం చేశారు. జిల్లాలో ఇప్పటి వరకు హెల్త్ కేర్ వర్కర్ లకు సంబందించి మొదటి డోసు 46,819 మందికి, రెండవ డోస్ 45,356 మందికి. ఫ్రంట్ లైన్ వర్కర్ లకు మొదటి డోస్ 1,07,125 మందికి, రెండవ డోస్ 97,536 మందికి వ్యాక్సినేషన్ ప్రత్యేక ప్రాధాన్యతను ఇచ్చి అవగాహన కల్పించి వేశామని తెలిపారు. అలాగే 18-45 సంవత్సరాల వయసు వారికి మొదటి డోస్ 7,38,979 మందికి, రెండవ డోస్ 1,31,481 మందికి వెరసి 8,70,460 డోసులు, అలాగే 45 వయసు దాటిన వారికి మొదటి డోస్ గా 11,26,620 మందికి, రెండవ డోస్ 7,29,306 మందికి, వెరసి 18,55,926 ఇన్ని డోస్ లు  పూర్తి చేసినట్లు జిల్లా కలెక్టర్ తెలిపారు.  

విశాఖ ఏజెన్సీ ప్రాంతంలోని వాల్మీకి షెడ్యూల్ తెగ ను నవశకం వెబ్ సైట్ లో నమోదు చేయడానికి వెంటనే చర్యలు తీసుకోవాలని రాష్ట్ర ఉప ముఖ్యమంత్రి పాముల పుష్ప శ్రీవాణి గిరిజన సంక్షేమ శాఖ ప్రిన్సిపల్ సెక్రటరీ కాంతిలాల్ దండే ను ఆదేశించారు. ఏజెన్సీ ప్రాంతంలోని వాల్మీకి తెగ ఎస్టీ జాబితాలో ఉండగా రాష్ట్రంలోని వివిధ కులాలకు సంబంధించిన సమాచారాన్ని పొందుపరిచే ప్రభుత్వ అధికారిక వెబ్ సైట్ నవశకం లో ఏజెన్సీ లోని ఎస్టీ తెగల జాబితా నుంచి వాల్మీకి తెగను తొలగించారు. ఈ విషయం తన దృష్టికి వచ్చిన నేపథ్యంలో ఆదివారం ఉప ముఖ్యమంత్రి పుష్ప శ్రీవాణి కాంతిలాల్ దండే తో ఫోన్లో మాట్లాడారు.  నవశకం వెబ్ సైట్ లో వాల్మీకి తెగ ను ఎస్టీ కులాల జాబితాలో చేర్చడానికి వెంటనే చర్యలు తీసుకోవాలని ఆదేశించారు. జరిగిన ఈ పొరపాటు కు కారణం ఏమిటో తెలుసుకోవాలని కోరారు. నవశకం వెబ్ సైట్ నిర్వహణకు సంబంధించిన రాష్ట్ర స్థాయి అధికారులతో మాట్లాడి ఈ సమస్యను వెంటనే పరిష్కరించేలా చూస్తామని ఈ సందర్భంగా కాంతిలాల్ దండే ఉప ముఖ్యమంత్రి కి హామీ ఇచ్చారు. కాగా ఈ విషయం గా వాల్మీకి తెగకు చెందిన గిరిజనులు ఆందోళన చెందాల్సిన అవసరం లేదని పుష్ప శ్రీవాణి పేర్కొన్నారు. 

సీజనల్ వ్యాధులు ప్రబలకుండా జాగ్రత్తలు పాటించాలని జివిఎంసి అదనపు కమిషనర్ డాక్టర్.వి.సన్యాసిరావు  ప్రజలకు విజ్ఞప్తి చేశారు. శనివారం ఆయన 6వ జోన్ 86వార్డు పరిధిలోని  కుమ్మరపాలెంలోని శాతవాహన నగర్ పరిసర ప్రాంతాల్లో పర్యటించారు.  వార్డులో ఆర్. పుష్పకు డెంగ్యూ వచ్చినందున ఆ ఇంటికి వెళ్లి ఆ కుటుంబాన్ని పరామర్శించారు. వర్షపు నీరు, ఇళ్లలో వాడే నీరు ఎక్కువ రోజులు నిలువ ఉండటం వలన, దోమలు వృద్ధి చెందుతాయని, నీటి నిల్వలు లేకుండా చూడాలని వారంలో మంగళవారం, శుక్రవారం “డ్రై డే”పాటించాలని సూచించారు. డెంగ్యూ కేసు నమోదైన ఇంటి పరిసరాలలో 200 మీటర్ల పరిధిలో ఫాగింగ్, స్క్రీనింగ్ చేయాలని మలేరియా సిబ్బందిని ఆదేశించారు. మలేరియా సిబ్బంది, సచివాలయ కార్యదర్శులు కలిసి మలేరియా పై ప్రజలకు ఎప్పటికప్పుడు అవగాహన కల్పించాలని ఆదేశించారు. మలేరియా సిబ్బంది ప్రతి ఇంటిని సందర్శించి వారి యోగక్షేమాలు అడిగి ఇంటి గోడ పై సంతకం చేయాలని ఆదేశించారు.  విధుల పట్ల అలసత్వం ప్రదర్శించరాదని మలేరియా సిబ్బందిని హెచ్చరించారు. వార్డు సచివాలయ శానిటరీ కార్యదర్శులు ప్రతిరోజు ఉదయం వార్డుల్లో పర్యటించి కాలువలను శుభ్రం చేయించాలని, కాలువలలో అడ్డంకులను తొలగించి వర్షపు నీరు,  మురుగునీరు సాఫీగా పోయే విధంగా చూడాలని ఆదేశించారు.   పిన్ పాయింట్ వారీగా పారిశుద్ధ్య కార్మికులను సర్దుబాటు చేసి ఎవరికి నిర్దేశించుకున్న పనిని వారిచే చేయించాలని, బహిరంగ ప్రదేశాల్లో చెత్త కనిపించకూడదని, డోర్ టు డోర్ చెత్త నిర్వహణ పక్కాగా జరగాలని శానిటరీ ఇన్స్పెక్టర్ ను ఆదేశించారు.   ఈ పర్యటనలో వార్డు శానిటరీ ఇన్స్పెక్టర్, మలేరియా సిబ్బంది, సచివాలయ కార్యదర్శులు తదితరులు పాల్గొన్నారు.

బ్లడ్ డొనేషన్ క్యాంపులను వారంలో  ప్రతీ మంగళవారం, శుక్రవారం జిల్లాలో ఏర్పాటు చేయవలసినదిగా జిల్లా కలెక్టరు డా.ఎ.మల్లిఖార్జున వైద్యాధికారులను ఆదేశించారు. శనివారం కలెక్టరు కార్యాలయ సమావేశ మందిరంలో ఏర్పాటు చేసిన సమావేశంలో జిల్లా కలెక్టరు మాట్లాడుతూ వాతావరణ పరిస్థితులలో వస్తున్న మార్పుల వలన డెంగ్యూ, మలేరియా సీజనల్ వ్యాధులు ఇంకా రెండు, మూడు నెలలు పెరిగే అవకాశం ఉన్నందున ఆయా వ్యాధులను నియంత్రించడానికి పటిష్టమైన చర్యలను చేపట్టాలన్నారు. ప్యాండమిక్ సీజన్ వలన జిల్లాలో బ్లడ్ డొనేషన్ క్యాంపులను నిర్వహించలేకపోయినందున బ్లడ్ బ్యాంకులలో రక్త నిల్వలు తగ్గిపోయాయన్నారు. బ్లడ్ డొనేషన్ కు సంబంధించి అన్ని విధాల సహకారం అందిస్తామని కలెక్టరు తెలిపారు. కాబట్టి అత్యవసరంగా రక్తదాన కేంద్రాలను ఏర్పాటు చేయాలనన్నారు.  డెంగ్యూ వ్యాధి నియంత్రణకుసంబంధించి ప్లేట్లెట్స్ అవసరమని, సింగిల్ బ్లడ్ డోనర్స్ ను గుర్తించి ప్లేట్లెట్స్ సేకరణ చేయాలన్నారు. రక్త దాతల లిస్టును దగ్గర పెట్టుకుని రక్తం అవసరమైన పరిస్థితులలో వారికి ఫో్ను చేసి రప్పించే ఏర్పాటు చేయాలన్నారు.  రేర్ బ్లడ్ గ్రూపు, ముఖ్యంగా నెగిటివ్ బ్లడ్ గ్రూపు వారిని ప్రోత్సహించి ప్రత్యేకంగా ఒక వాట్సాప్ గ్రూపును ఏర్పాటు చేసి రక్తం అవసరం ఏర్పడినప్పుడు దాతలు ముందుకు వచ్చే విధంగా గ్రూపులో మెసేజ్ పెట్టాలన్నారు. బ్లడ్ డొనేషన్ క్యాంపులు ఏరోజు పెడుతున్నది ప్రసార మాధ్యమాల ద్వారా విసృత ప్రచారం కల్పించాలన్నారు. ప్రవేటు ఆసుపత్రులు, స్వచ్చంధ సంస్థలు సేకరించిన రక్త నిధులలో 30 శాతం కె.జి.హెచ్ కు అందజేయాలన్నారు. సింగిల్ డోనార్స్ ఉంటే కె.జి.హెచ్ కు పంపించాలన్నారు.  పాడేరులో రెడ్ క్రాస్ సొసైటి ఒక బ్లడ్ బ్యాంకును ప్రత్యేకంగా ఏర్పాటు చేయాలని సూచించారు. జిల్లా వైద్యఆరోగ్య శాఖాధికారి డా.సూర్యనారాయణ మాట్లాడుతూ జిల్లాలో 5 ప్రభుత్వ ఆసుపత్రులు, 5 స్వచ్ఛంధ సంస్థలు, 10 ప్రైవేటు ఆసుపత్రులలో బ్లడ్ బ్యాంకులు ఉన్నాయని తెలిపారు. విక్టోరియా, అనకాపల్లి, పాడేరు ఏరియా ఆసుపత్రులలో కాంపోనెంట్ సెపరేషన్ యూనిట్లు లేవని, సంబంధిత టెక్నికల్ సిబ్బంది కూడా తక్కువగా ఉన్నారని తెలిపారు. అందుకు కలెక్టరు స్పందిస్తూ తగు ఏర్పాట్లు చేస్తామన్నారు. బ్లడ్ స్టోరేజి యూనిట్లు నర్సీపట్నం, చింతపల్లి, చోడవరం, అరకు, కోటపాడు, నక్కపల్లి , అగనంపూడి లలో ఉన్నాయని తెలిపారు.  ఈ సమావేశంలో ఎ.ఎం.సి. ప్రిన్సిపాల్ డా.సుధాకర్, కె.జి.హెచ్ బ్లడ్ బ్యాంకు మెడికల్ ఆఫీసర్ డా.శ్యామల, డిఎల్ఒ డా.సత్యవాణి,ఎ.ఎస్.రాజా, ఎన్.టి.ఆర్, రోటరీ, లయన్స్, రెడ్ క్రాస్ సొసైటీ బ్లడ్  బ్యాంకుల ప్రతినిధులు, నగరంలో గల పది ప్రవేటు ఆసుపత్రుల బ్లడ్ బ్యాంకు ప్రతినిధులు హాజరయ్యారు.

సింహాచలం శ్రీశ్రీశ్రీ వరాహ లక్ష్మీ నరసింహ(సింహాద్రి అప్పన్న)స్వామివారిని రాష్ట్ర పర్యాటకశాఖ మంత్రి ముత్తంశెట్టి శ్రీనివాసరావు కుటుంబ సమేతంగా శనివారం దర్శించుకున్నారు. ఈ మేరకు ఆలయ ఈఓ ఎంవీసూర్యకళ మంత్రికి స్వాగతం పలికి స్వామివారికి దర్శన ఏర్పాట్లు చేశారు. అనంతరం మంత్రి కుంటుంబం అప్పన్నకు ప్రత్యేక పూజలు చేశారు. అనంతరం వారు కప్పస్థంబాన్ని ఆలింగనం చేసుకున్నారు. వారికి దేవస్థానం వేదపండితులు ఆశీర్వచనాలు అందించగా, అధికారులు ప్రసాదాలను అందజేశారు. ఈ కార్యక్రమంలో దేవస్థానం అధికారులు పాల్గొన్నారు.

సింహాచలం శ్రీశ్రీశ్రీ వరాహ లక్ష్మీ నృసింహ(సింహాద్రి అప్పన్న)స్వామి వారి దేవస్థానానికి ISO 9001:2015 (ఇంటర్నేషనల్ ఆర్గనైజేషన్ ఫర్ స్టాండర్డైజేషన్ ) సర్టిఫికెట్ లభించడం ఎంతో గర్వకారణమని రాష్ట్ర పర్యాటక శాఖ మంత్రి ముత్తంశెట్టి శ్రీనివాసరావు అన్నారు. శనివారం ఈ మేరకు దేవస్థానానికి వచ్చిన గుర్తింపుని ఈఓ ఎంవీ సూర్యకళ మంత్రికి చూపించారు. ఈ సందర్భంగా మంత్రి మాట్లాడుతూ, స్వామి వైభవం అంతర్జాతీయ స్థాయికి చేరుకోవడం ఆయన మహిమేనన్నారు. "ఐఎస్ఓ సర్టిఫికెట్ వచ్చేలా కృషిచేసిన దేవస్థానం ఈఓ సూర్యకళ, సిబ్బందిని మంత్రి అభినందించారు. ఈఓ మాట్లాడుతూ, ఆలయానికి చెందిన అన్ని అంశాలనూ పరిగణనలోకి తీసుకుని హెచ్ వైఎం ఇంటర్నేషనల్ సర్టిఫికేషన్స్   సంస్థ ఈ గుర్తింపునిచ్చింది.  ఈ సర్టిఫికెట్ ను... రాష్ట్ర మంత్రి అవంతి శ్రీనివాస్, దేవస్థానం ఈఓ సూర్యకళ అందుకున్నారు. ఈఓ మాట్లాడుతూ, మంత్రి చేతులమీదుగా ఈ అవార్డును స్వీకరించడం చాలా శుభ పరిమాణం అన్నారు. ఫుడ్ అండ్ సేఫ్టీ ఆడిటింగ్ ప్రస్తుతం దేవస్థానంలో జరుగుతోందని.. ఆ రంగంల్లోనూ ఐఎస్ఓ సర్టిఫికెట్ వస్తుందని ఆశిస్తున్నామని అన్నారు. గత ఆర్నెళ్ల నుంచి దేవస్థానంలో ఉద్యోగుల నాణ్యమైన సేవల గురించి ఆడిటర్ ద్వారా అంతర్జాతీయ సంస్థకు సమాచారం ఎప్పటికప్పుడు అందిస్తూ వచ్చామని, అంతర్జాతీయ ప్రమాణాలు కల్పించే దేవస్థానంగా ఇపుడు గుర్తింపు పొందామని అన్నారు. కాగా  ప్రసాద్ స్కీం ద్వారా రూ.54 కోట్లు మంజూరయ్యాయని కరోనా సెకెండ్ వేవ్ వల్ల నిధులు రావడం కాస్త ఆలస్యమైందని మంత్రి వివరించారు. ఇప్పుడు ఆ పనులను కూడా త్వరలోనే ప్రారంభిస్తామని పేర్కొన్నారు. ఈ కార్యక్రమంలో దేవస్థాన అధికారులు సిబ్బంది పాల్గొన్నారు.