ఒంటిమిట్టలోని శ్రీ కోదండరామస్వామివారి ఆలయంలో మూడు రోజుల పాటు జరిగిన పవిత్రోత్సవాలు గురువారం ముగిశాయి. ఇందులో భాగంగా  సీతాలక్ష్మణ సమేత శ్రీరాములవారి ఉత్సవర్లను యాగశాలకు వేంచేపు చేశారు. ఉద‌యం బాల‌బోగం, చ‌తుష్టానార్చ‌న‌,  మహాపూర్ణాహుతి, పవిత్ర విసర్జన, ఉద్వాసనలు, కుంబప్రోక్షణ, మహానివేదన  చేప‌ట్టారు. సాయంత్రం ఆలయ ప్రాంగణంలో ఏకాంతంగా ఉత్సవమూర్తుల ఊరేగింపు చేపడతారు.ఈ కార్యక్రమంలో ఆలయ ఏఈవో శ్రీ ముర‌ళీధ‌ర్‌, సూపరింటెండెంట్ వెంక‌టేష్‌, కంక‌ణ‌భ‌ట్టార్  రాజేష్ స్వామి త‌దిత‌రులు పాల్గొన్నారు.

సీజనల్ వ్యాధులైన మలేరియా, డెంగ్యూ, చికున్ గున్యా వ్యాపించకుండా ప్రత్యేక శ్రద్ధ చూపాలని జివిఎంసి కమిషనర్ డాక్టర్ జి. సృజన మలేరియా సిబ్బందిని ఆదేశించారు. బుధవారం ఆమె 4వ జోన్ 33 వార్డు పరిధిలో బంగారుమెట్ట పరిసర ప్రాంతాలలో పర్యటించి, డోర్ నెం. 31-34-99 ఇంటిలో 11 సంవత్సరాల భరత్ అనే బాలునకు డెంగ్యూ వ్యాధి నిర్ధారణ అయినందున ఆ ఇంటికి వెళ్లి బాలుని యొక్క యోగక్షేమాలు అడిగి తెలుసుకున్నారు. చుట్టు ప్రక్కల 200 మీటర్ల వరకు స్ప్రేయింగ్, ఫాగింగ్ చేయించాలని మలేరియా సిబ్బందిని ఆదేశించారు. దోమలు వృద్ధి చెందకుండా తీసుకోవలసిన జాగ్రత్తలను ప్రజలకు తెలపాలని, వర్షాలు పడుతున్నందున ఎక్కడా నీటి నిల్వలు లేకుండా చూడాలని సిబ్బందిని ఆదేశించారు. వార్డులలో మలేరియాపై అవగాహన కల్పించే తనిఖీ స్టిక్కర్లు ను సరిగా పంపిణీ చేయని కారణంగా, బయాలజిస్ట్ పై ఆగ్రహం వ్యక్తం చేశారు. మలేరియా స్టిక్కర్లును ప్రతి ఇంటికి అతికించాలని, ప్రతివారం ప్రతి ఇంటిని సందర్శించి వారి యోగక్షేమాలు తెలుసుకొని సందర్శించినట్లు గోడపై స్టిక్కర్లు అంటించి, ఇంటి వారి వద్ద నుండి   సంతకం పెట్టించుకోవలని ఆదేశించారు. విధి నిర్వహణలో అలసత్వం ప్రదర్శించినా సహించేదిలేదని మలేరియా సిబ్బందిని హెచ్చరించారు. ప్రతి మంగళవారం, శుక్రవారం “డ్రై డే” గా పాటించాలని ప్రజలకు తెలుపమని సూచించారు. ఈ పర్యటనలో ప్రధాన వైద్యాధికారి డాక్టర్ కె.ఎస్.ఎల్.జి.శాస్త్రి, నాల్గవ జోనల్ కమిషనర్ బి.వి.రమణ, కార్యనిర్వాహక ఇంజనీరు చిరంజీవి, శానిటరీ సూపర్వైజర్ శ్రీనివాస రాజ్, మలేరియా ఇన్స్పెక్టర్, శానిటరీ ఇన్స్పెక్టర్ తదితరులు పాల్గొన్నారు.

కోరమండల్ కంపెనీ ఎగ్జిక్యూటివ్ వైస్ ఛైర్మన్ అరుణ్ అలగప్పన్  తన కంపెనీ టాప్ ఎగ్జిక్యూటివ్ లతో కలిసి బుధవారం సింహాచలం శ్రీశ్రీశ్రీ వరాహలక్ష్మీనృసింహ(సింహాద్రి అప్పన్న)స్వామివారిని దర్శించుకున్నారు. వారికి ఈఓ సూర్యకళ, ఏఈఓ ఆనంద్ కుమార్, అధికారులు స్వాగతం పలి స్వామివారి దర్శన ఏర్పాట్లు చేశారు. అనంతరం వారు స్వామివారి ప్రత్యేక పూజలు చేశారు. ఈ సందర్భంగా ఆయన విజిటర్స్ బుక్ లో స్వామివారిని దర్శించుకోవడం చాలా సంతోషంగా ఉందని రాశారు. అంతేకాకుండా దేవస్థానం అభివృద్ధి కార్యక్రమాలకు రూ.10,00,000 (పది లక్షల రూపాయలు)  ఇస్తానని ఈఓకు అలగప్పన్ హామీ ఇచ్చారు. ఈ సందర్భంగా ఆలయంలో చేపట్టిన అభివృద్ధి కార్యక్రమాలను అరుణ్ అలగప్పన్ కు ఈఓ వివరించారు. దేవస్థానం పరిసరాలను, పరిశుభ్రతను చూసి ఎంతోఆనందం వ్యక్తం చేశారు.  స్థల పురాణానాన్ని వివరించడంతోపాటు ఆలయం, కళ్యాణ మండపాన్ని కోరమండల్ టీంకు దగ్గరుండి చూపించారు. అనంతరం ఆలయంలో ఇటీవలే జరిగిన అభివృద్ధిని చూసి తెలుసుకొని మరిన్ని కార్యక్రమాలను చేపట్టాలని ఈఓను కోరారు.  వారం రోజుల్లో ప్రకటించిన చెక్ ఇస్తానని చెప్పారు. అంతేకాదు భవిష్యత్ లో చేపట్టబోయే అభివృద్ధి కార్యక్రమాల్లో భాగస్వామ్యమవుతామని కూడా ఆయన చెప్పారు.  అరుణ్ అలగప్పన్ తోపాటు కోరమండల్ కంపెనీ ఎండీ సమీర్ గోయల్,  దినేష్ (జీఎం- ఆపరేషన్స్ ), శంకర్ సుబ్రమమ్యం, బిజినెస్ హెడ్, రంగ కుమార్ (సీనియర్ జనరల్ మేనేజర్ హెచ్ఆర్), జయశ్రీ శటగోపన్, సీఎఫ్ ఓ, కాలిదాస్ (ఎగ్జిక్యూటివ్ వైస్ ప్రెసిడెంట్ మార్కటింగ్ , రంగకుమార్ సీనియర్ జనరల్ మేనేజర్, సింహాద్రినాథుణ్ణి దర్శించుకున్నారు. అంతకు ముందు అర్చక స్వాములు ఆశీర్వాదం అందించగా, ఆలయ సిబ్బంది స్వామివారి ప్రసాదాని కంపెనీ సిబ్బందికి అందజేశారు. కార్యక్రమంలో దేవస్థానం సిబ్బంది పాల్గొన్నారు.

జీవ వైవిధ్యాన్ని (బ‌యో డైవ‌ర్సిటీ) ప‌రిర‌క్షించ‌డంలో భాగంగా జిల్లాలో ఆదిక‌వి న‌న్న‌య విశ్వ‌విద్యాల‌యంలో బ‌యోడైవ‌ర్సిటీ పార్కు ఏర్పాటుకు ప్ర‌ణాళికాయుత చ‌ర్య‌లు తీసుకుంటున్న‌ట్లు క‌లెక్ట‌ర్ చేవూరి హ‌రికిర‌ణ్ పేర్కొన్నారు. బుధ‌వారం కాకినాడ‌లో క‌లెక్ట‌రేట్‌లో ఏపీ స్టేట్ బ‌యోడైవ‌ర్సిటీ బోర్డు స‌భ్య కార్య‌ద‌ర్శి డా. న‌ళినీ మోహ‌న్‌తో క‌లిసి క‌లెక్ట‌ర్ హ‌రికిర‌ణ్.. జాయింట్ క‌లెక్ట‌ర్ (రెవెన్యూ) డా. జి.ల‌క్ష్మీశ‌, కాకినాడ న‌గ‌ర‌పాల‌క సంస్థ క‌మిష‌న‌ర్ స్వ‌ప్నిల్ దిన‌క‌ర్ పుండ్క‌ర్‌, డీఎఫ్‌వో (టెరిటోరియ‌ల్‌) ఐకేవీ రాజు, డీఎఫ్‌వో (సోష‌ల్ ఫారెస్ట్రీ) ఆర్‌.శ్రీనివాస్ త‌దిత‌రుల‌తో స‌మీక్షా స‌మావేశం నిర్వ‌హించారు. 7.13 ఎక‌రాల్లో ఏర్పాటుచేయ‌నున్న బ‌యోడైవ‌ర్సిటీ పార్కుకు సంబంధించి భూమి, ల్యాండ్‌స్కేప్ అభివృద్ధి, నిర్మాణాలు, ప్రాజెక్టు అంచ‌నా వ్య‌యం, టెండ‌ర్ ప్ర‌క్రియ‌, బ‌య‌ట నుంచి ర‌హ‌దారులు, అంత‌ర్గ‌త జీవ వ‌న‌రుల పార్కులు త‌దిత‌ర అంశాల‌పై చ‌ర్చించారు. ఈ సంద‌ర్భంగా క‌లెక్ట‌ర్ మాట్లాడుతూ బ‌యోడైవ‌ర్సిటీ పార్కులో సీతాకోక చిలుక, ఔష‌ధ‌, ఆక్వాటిక్‌, ఫైక‌స్, ఆరోమాటిక్‌, గృహ వైద్య త‌దిత‌ర గార్డెన్ల‌తో పాటు ఫుడ్‌కోర్టు, ఇంట‌ర్‌ప్రెటేష‌న్, యోగా/మెడిటేష‌న్ సెంట‌ర్‌, కిడ్స్ జోన్ వంటివి కూడా ఏర్పాటు కానున్నందున అట‌వీ, రెవెన్యూ, వ‌ర్సిటీ అధికారులు స‌మ‌న్వ‌యంతో ప‌నిచేస్తూ ప్రాజెక్టు విజ‌య‌వంతంగా ప్రారంభమ‌య్యేందుకు కృషిచేయాల‌ని అధికారుల‌కు సూచించారు. ఏపీ స్టేట్ బ‌యోడైవ‌ర్సిటీ బోర్డు అధికారుల మార్గ‌నిర్దేశం, స‌హ‌కారంతో ద‌శ‌ల వారీగా ప‌నులు చేప‌ట్టాల‌న్నారు. ఇప్ప‌టికే జిల్లాస్థాయి ప్ర‌త్యేక బృందం భూ త‌నిఖీలు నిర్వ‌హించినందున తర్వాత చేప‌ట్టాల్సిన ప‌నుల‌పై దృష్టిసారించాల‌ని సూచించారు. అదే విధంగా జిల్లాలో జీవ వైవిధ్య ప‌రిర‌క్ష‌ణ‌కు జీవ వైవిధ్య నిర్వ‌హ‌ణ క‌మిటీ (బీఎంసీ)ల ద్వారా స‌మ‌గ్ర కార్యాచ‌ర‌ణ రూపొందించి, అమ‌లుచేయ‌నున్న‌ట్లు క‌లెక్ట‌ర్ వెల్ల‌డించారు. జంతువులు, ప‌క్షులు, ప్ర‌కృతి, ప‌ర్యావ‌ర‌ణం త‌దిత‌రాల‌కు సంబంధించిన నిపుణుల‌ను కూడా క‌మిటీల్లో చేర్చుతున్న‌ట్లు తెలిపారు. 

ఏపీ స్టేట్ బ‌యోడైవ‌ర్సిటీ బోర్డు స‌భ్య కార్య‌ద‌ర్శి డా. న‌ళినీ మోహ‌న్ మాట్లాడుతూ ప్రజలు జీవ వైవిధ్యం ఆవ‌శ్య‌క‌త‌పై అవగాహన పెంపొందించుకోవ‌డం ద్వారా జీవ వైవిధ్యాన్ని పరిరక్షించేందుకు కృషి చేయడం ప్ర‌తి ఒక్క‌రి బాధ్య‌త అని పేర్కొన్నారు. వివిధ విభాగాల మ‌ధ్య స‌మ‌న్వ‌యం, స‌హ‌కారం; జీవ వైవిధ్య కార్యాచ‌ర‌ణ అమ‌లుకు గ్రామ‌, మండ‌ల స్థాయి క‌మిటీల స‌హ‌కారం, ప్ర‌జా భాగ‌స్వామ్యం అవ‌స‌ర‌మ‌ని తెలిపారు. జిల్లాలోని ఆదిక‌వి న‌న్న‌య విశ్వ‌విద్యాల‌యంలో బ‌యోడైవ‌ర్సిటీ పార్కు.. ప్ర‌జ‌ల్లో జీవ‌వైవిధ్యంపై అవ‌గాహ‌న  పెంపొందించేందుకు, విద్యార్థులు ప‌రిశోధ‌న‌లు చేసేందుకు ఉప‌యోగ‌ప‌డుతుంద‌ని వివ‌రించారు. జీవ‌వైవిధ్య చ‌ట్టం-2002 అమ‌లుకు రాష్ట్ర స్థాయిలో స్టేట్ బ‌యోడైవ‌ర్సిటీ బోర్డు కొత్త న‌మూనాలో ప‌లు చ‌ర్య‌లు తీసుకుంటోంద‌ని, ఈ క్ర‌మంలోనే బ‌యోడైవ‌ర్సిటీ ప్రాజెక్టుల‌ను చేప‌డుతున్న‌ట్లు న‌ళినీ మోహ‌న్ తెలిపారు. స‌మావేశంలో జెడ్‌పీ సీఈవో ఎన్‌వీవీ స‌త్య‌నారాయ‌ణ‌, కాకినాడ ఆర్‌డీవో ఏజీ చిన్నికృష్ణ‌, ఆదిక‌వి న‌న్న‌య యూనివ‌ర్సిటీ డీన్ (సీడీసీ) ప్రొఫెస‌ర్ ఎన్‌.క‌మ‌ల‌కుమారి; కాకినాడ రూర‌ల్ ఎంపీడీవో, త‌హ‌సీల్దార్ పి.నారాయ‌ణ‌మూర్తి, వి.ముర‌ళీకృష్ణ త‌దిత‌రులు పాల్గొన్నారు.

ప్ర‌భుత్వం వివిధ వ‌ర్గాల వారికోసం ఉద్దేశించి అమ‌లు చేస్తున్న సంక్షేమ ప‌థ‌కాల‌ను ఆయా వ‌ర్గాలకు చెందిన అర్హులైన వారికి స‌క్ర‌మంగా, స‌త్వ‌రం అందించేందుకు స‌చివాల‌య ఉద్యోగులు కృషిచేయాల‌ని జాయింట్ క‌లెక్ట‌ర్(గ్రామ‌, వార్డు స‌చివాల‌యాలు) డా.ఆర్‌.మ‌హేష్ కుమార్ అన్నారు. స‌చివాల‌యాల ద్వారా గ్రామీణ‌ ప్ర‌జ‌ల‌కు అత్యుత్త‌మ సేవ‌లందించి ఉద్యోగులు వారి అభిమానం పొందాల‌న్నారు. డెంకాడ‌, భోగాపురం మండ‌లాల్లో జాయింట్ క‌లెక్ట‌ర్ డా.మ‌హేష్ కుమార్ బుధ‌వారం ప‌ర్య‌టించి ప‌లు గ్రామ స‌చివాల‌యాల‌ను త‌నిఖీ చేశారు. డెంకాడ మండ‌లం శింగ‌వ‌రం, డెంకాడ మండ‌ల కేంద్రం, భోగాపురంలో గ్రామ స‌చివాల‌యాల‌ను జె.సి త‌నిఖీ చేశారు. స‌చివాల‌యంలో రికార్డులు, రిజిష్ట‌ర్ల‌ను ప‌రిశీలించారు. స‌చివాల‌యానికి వ‌చ్చే విన‌తుల ప‌రిష్కారం ఏవిధంగా చేస్తున్న‌దీ ఆరా తీశారు. ప్ర‌జ‌ల నుంచి వివిధ సేవ‌ల నిమిత్తం వ‌చ్చే విన‌తుల‌ను జాప్యం లేకుండా త‌క్ష‌ణం ప‌రిష్క‌రించాల‌ని సిబ్బందిని ఆదేశించారు. ఆధార్ న‌మోదుపై సిబ్బందిని అడిగి తెలుసుకున్నారు. సంక్షేమ ప‌థ‌కాల‌ను ల‌బ్దిదారుల‌కు స‌క్ర‌మంగా అందిస్తున్న‌దీ లేనిదీ తెలుసుకున్నారు. అర్హులైన వారికే ప‌థ‌కాలు అందించాల‌ని స్ప‌ష్టంచేశారు. స‌చివాల‌య సిబ్బంది ప‌నివేళ‌ల్లో ప్ర‌జ‌ల‌కు అందుబాటులో వుంటూ గ్రామ‌స్థుల స‌మ‌స్య‌ల‌ను ప‌రిష్క‌రించాల‌ని చెప్పారు. గ్రామ స్థాయిలో ప‌రిష్కారం సాధ్యం కాన‌ట్ల‌యితే వారు ఏ కార్యాల‌యానికి వెళ్తే ప‌రిష్కారం జ‌రుగుతుందో ప్ర‌జ‌ల‌కు మార్గ‌ద‌ర్శ‌నం చేయాల‌న్నారు.

వైజాగ్ జర్నలిస్టు ల ఫోరం ఆధ్వర్యంలో ప్రతి ఏటా మాదిరిగానే ఈ ఏడాది కూడా తమ సభ్యులందరికీ మట్టి వినాయక విగ్రహాలను పంపిణీ చేయనున్నట్లు ఫోరమ్ అధ్యక్ష కార్యదర్శులు గంట్ల శ్రీనుబాబు, ఎస్.దుర్గారావులు బుదవారం తెలిపారు. ఈ మేరకు వీరు మాట్లాడుతూ గురువారం  ఉదయం 10 గంటల నుంచి సీతమ్మ దార విజేఎఫ్ వినోద వేదిక,నార్లవెంకటేశ్వరరావు భవన ప్రాంగణంలో ఈ కార్యక్రమం ప్రారంభం అవుతుందన్నారు. జర్నలిస్ట్ లుకు వినాయక విగ్రహాలతో పాటు వ్రతకల్ప పుస్తకం, వివిధ రకాల పూలమొక్కలు అందజేస్తామన్నారు.

పర్యావరణానికి పెద్ద పీట వేస్తూనే నిబంధనలు పాటిస్తూ ఈ కార్యక్రమం నిర్వహిస్తామన్నారు.. క్లబ్ సభ్యులంతా ఈ కార్యక్రమంలో పాల్గొని వినాయక విగ్రహాలు తదితర సామాగ్రి స్వీకరించవలసిందిగా కోరారు. ప్రభుత్వ ఉద్యోగులు మాదిరిగానే జర్నలిస్టులు కూడా అన్ని పండుగలు నిర్వహించుకోవాలని, అందరు కలిసి మెలిసి సుఖసంతోషాలతో ఉండాలన్నదే వైజాగ్ జర్నలిస్టుల ఫోరం పాలకవర్గం లక్ష్యమన్నారు.  సీనియర్ కొరియోగ్రాఫర్ ఆర్ నాగరాజు పట్నాయక్ ఆధ్వర్యంలో స్కూల్ ఆఫ్ దియేటర్ సౌజన్యం తో ఉదయం నుంచి పలు సాంస్కృతిక కార్యక్రమాలు నిర్వహించనున్నట్లు వీరు చెప్పారు. ఈ కార్యక్రమంలో కార్యవర్గ సభ్యలు పాల్గొన్నారు.

జీవితంలో మార్పును తీసుకొని రాగలిగే శక్తి విద్యకు మాత్రమే ఉందని.. పేద ప్రజలు చీకటిలో చదవకుండా వారు మంచి వాతా వరణంలో చదివేలా రాష్ట్ర ప్రభుత్వం మన బడి నాడు నేడు కార్యక్రమాన్ని చేపట్టడం జరిగిందని జిల్లా కలెక్టర్ యం.హరినారాయణన్ అన్నారు. బుధవారం ఉదయం డి.ఆర్.డి ఏ సమావేశ మందిరంలో నాడు – నేడు రెండవ విడత చేపట్టనున్న కార్యక్రమాలకు సంబందించి శిక్షణా కార్యక్రమాన్ని జ్యోతి వెలిగించి ప్రారంబించారు.  ఈ సంధర్భంగా జిల్లా కలెక్టర్ మాట్లాడుతూ మొదటి విడతలో 1533 పాఠశాలల్లో ఈ కార్యక్రమాన్ని చేపట్టడం జరిగిందని, 95 శాతం పాఠశాలల స్థితి గతులు మార్చి ఒక మంచి వాతావరణాన్ని సృష్టించడం జరిగిందని, మిగతా పాఠశాలల్లో చిన్న చిన్న మార్పులు కూడా చేస్తున్నారని పాఠశాలలకు వెళ్లినప్పుడు విధ్యార్ధుల తల్లి దండ్రులు, విధ్యార్ధులు, ఉపాద్యాయులు కూడా పాఠశాలల్లో చేపట్టిన పనులకు రాష్ట్ర ప్రభుత్వాన్ని అభినందించడం జరుగుతోందన్నారు. ప్రస్తుతం ఇరిగేషన్, రోడ్లు భవనాలు, గ్రామీణ నీటి పారుదల సర్వ శిక్ష అభియాన్ కు చెందిన ఇంజినీరింగ్ అధికారులు రెండవ విడతలో 1671 పాఠశాలలను ఎంపిక చేయడం జరిగిందన్నారు. మనం చేస్తున్న ఈ కార్యక్రమం నిండు మనసుతో విధ్యార్ధుల భాయిషత్తు కోసం చేయాలని, రాష్ట్ర భవిష్యతే దేశ భవిష్యత్ అని ఈ రెండింటిని ముందుకు తీసుకో పొగలిగినది విధ్యార్ధుల భవిష్యత్ కోసం మనం కృషి చేస్తున్న విషయం మరువ కూడదన్నారు. ప్రతి ఒక్క తల్లిదండ్రులు తమ పిల్లల భవిష్యత్ బాగుండాలని అనుకోవడం సహజమని రాష్ట్ర ప్రభుత్వం అందరి భావిషత్ కోసం మార్పులు తీసుకొని రావాలని భావించిందన్నారు. 

జాయింట్ కలెక్టర్ (అభివృద్ది) వి.వీర బ్రహ్మo మాట్లాడుతూ చదువు ఎటు వారినైనా ఉన్నత శిఖరాలకు తీసుకెళుతుందని అటువంటి ఉజ్వల భవిష్యత్ కల్పించే పాఠశాలల రూపు రేఖలు మార్చే అవకాశం వచ్చినందుకు అదృష్టంగా భావించి పనులు చేయించాలని ప్రధానంగా పాఠశాలలు 12 అంశాలను ప్రాధాన్యతగా భావించాలని ఇందులో మరుగు దొడ్లు ఏర్పాటు అందుకు నీటి సరఫరా, ఆర్.ఓ సిస్టమ్ ద్వారా మంచి నీటి సరఫరా, చిన్న లేదా పెద్ద రిపేర్లు, విధ్యుత్ సౌకర్యం తో పాటు ఫ్యాన్ లు, ట్యూబ్ లైట్లు ఏర్పాట్లు, విధ్యార్ధులకు, ఉపాద్యాయులకు ఫర్నిచర్, గోడలకు అందమైన పెయింటింగ్, గ్రీన్ చాక్ బోర్డు, ఇంగ్లీషు ల్యాబ్, వంట గది, కాంపౌండ్ వాల్స్, అదనపు గదుల నిర్మాణం, పాఠశాలలకు అనుబందంగా ఉన్న అంగన్ వాడి కేంద్రాల రిపేర్లు, నాణ్యతగా చేయాలని అన్నారు. ఎస్.ఎస్.ఎ.ఎ.పి.సి వెంకట రమణ రెడ్డి మాట్లాడుతూ గతంలో మొదట 1517 పాఠశాలలను ఇవ్వడం జరిగిందని కొన్ని మార్పుల అనంతరం 1533 పాఠశాలలను ఇచ్చారని దాదాపుగా అన్ని పాఠశాలల రూపు రేఖలు మార్చామని రానున్న కాలం లో రెండవ విడత 1671 పాఠశాలల రూపు రేఖలను మార్చేందుకు అనుమతి ఇచ్చారన్నారు. ఈ శిక్షణా కార్యక్రమం తరువాత మండల స్థాయిలో జరిగే శిక్షణ అందరూ సంబందిత మండల అధికారులు పాల్గొనాలని ఎ.పి.సి అన్నారు. ఈ కార్యక్రమంలో జిల్లా కలెక్టర్ తో పాటు జాయింట్ కలెక్టర్ (అభివృద్ది) వి.వీరబ్రహ్మo, ఎస్.ఎస్.ఎ.ఎ.పి.సి వెంకట రమణ రెడ్డి, ఆర్.డబ్ల్యూ.ఎస్.ఈ విజయ్ కుమార్, డి.ఈ.ఓ పురుషోత్తంలతో పాటు వివిధ శాఖల ఇంజినీర్లు పాల్గొన్నారు. 

అనంతపురం అంబేద్కర్ నగర్ ను అన్ని విధాలా అభిరుద్దీ చేస్తామని నగర మేయర్ మహమ్మద్ వసీం పేర్కొన్నారు. నగరంలోని 21 వ డివిజన్ పరిధిలో  పారిశుద్ధ్య పనులను బుధవారం నగర మేయర్  నగరంలోని అంబేద్కర్ నగర్ లో డిప్యూటీ చైర్మన్ కొగటం విజయ్ భాస్కర్ రెడ్డి, నగర కమిషనర్ పివివిఎస్ మూర్తి, స్థానిక కార్పొరేటర్ సాకే చంద్రలేఖ తో కలసి పర్యటించారు. డివిజన్ లో పలుచోట్ల డ్రైనేజీలు లేఖ మురుగునీరు రోడ్డుపైకి వస్తున్న విషయాన్ని స్థానికులు మేయర్ దృష్టికి తీసుకెళ్లారు.పేదలు అధికంగా నివసిస్తున్న అంబేద్కర్ నగర్ లో డ్రైనేజీలు, రోడ్లు సరిగా లేక దోమలు ప్రబలుతున్నాయని తద్వారా తరచూ స్థానికులు రోగాల బారిన పడుతున్నారని మేయర్ దృష్టికి తీసుకువచ్చారు. దీనిపై స్పందించిన ఆయన అంబేద్కర్ నగర్ అభిరుద్దీ పై ప్రత్యేక దృష్టి సారిస్తామని భరోసా ఇచ్చారు. ఈ కార్యక్రమంలో కార్పొరేటర్ అనీల్ కుమార్ రెడ్డి, స్థానిక వైకాపా నాయకులు కుల్లాయి స్వామి,ఏ ఈ నాగజ్యోతి తదితరులు పాల్గొన్నారు.