రాష్ట్ర పుర‌పాల‌క ప‌ట్ట‌ణాభివృద్ధి శాఖ మంత్రి బొత్స స‌త్య‌నారాయ‌ణ శుక్ర‌, శ‌నివారాల్లో జిల్లాలో ప‌ర్య‌టించ‌నున్నారు. పుర‌పాల‌క మంత్రి గురువారం సాయంత్రం 5 గంట‌ల‌కు విశాఖ చేరుకొంటారు. శుక్రవారం రోజంతా జామి, గంట్యాడ‌, గుర్ల‌, చీపురుప‌ల్లి మండ‌లాల్లో ప‌ర్య‌టించి గ్రామ స‌చివాల‌య భ‌వ‌నాలు, రైతుభ‌రోసా కేంద్ర భ‌వ‌నాలు, నాడు - నేడు కింద ఆధునీక‌రించిన పాఠ‌శాల‌ల‌ను, ఇంటిగ్రేటెడ్ అగ్రిక‌ల్చ‌ర్ ల్యాబ్‌ను ప్రారంభించ‌నున్నారు. 20వ తేదీ శుక్ర‌వారం ఉద‌యం 10 గంట‌ల‌కు జామి మండ‌లం విజినిగిరిలో గ్రామ స‌చివాల‌యం నూత‌న భ‌వ‌నాన్ని ప్రారంభిస్తారు. 11-30 గంట‌ల‌కు గంట్యాడ మండ‌లం కొర్లాంలో గ్రామ స‌చివాల‌య భ‌వ‌నాన్ని, రైతుభ‌రోసా కేంద్ర భ‌వ‌నాన్ని ప్రారంభిస్తారు.

మ‌ధ్యాహ్నం 2.30 గంట‌ల‌కు గుర్ల మండ‌లం ఎస్‌.ఎస్‌.ఆర్‌.పేట‌లో గ్రామ స‌చివాల‌య భ‌వ‌నాన్ని ప్రారంభిస్తారు. 3.30 గంట‌లకు చీపురుప‌ల్లి మండ‌లం వంగ‌ప‌ల్లిపేట‌లో వ్య‌వ‌సాయ శాఖ ఆధ్వ‌ర్యంలో నిర్మించిన ఇంటిగ్రేటెడ్ అగ్రి ల్యాబ్ భ‌వ‌నాన్ని ప్రారంభిస్తారు. 4.00 గంట‌ల‌కు చీపురుప‌ల్లి మండ‌లం పేరిపిలో నాడు - నేడు కింద ఆధునీక‌రించిన పాఠ‌శాల‌ను ప్రారంభిస్తారు.  21వ తేదీ శ‌నివారం నాడు స్థానికంగా ఏర్పాటైన కార్య‌క్ర‌మాల్లో పాల్గొని విశాఖ వెళ‌తారు. సాయంత్రానికి విజ‌య‌వాడ చేరుకుంటారు.

విభిన్న ప్ర‌తిభావంతుల‌కు కృత్రిమ అవ‌య‌వాల‌ను పంపిణీ చేసేందుకు, ఈ నెల 23 నుంచి నియోజ‌వ‌ర్గాల వారీగా శిబిరాల‌ను ఏర్పాటు చేయాల‌ని జిల్లా క‌లెక్ట‌ర్ ఏ.సూర్య‌కుమారి ఆదేశించారు. విభిన్న ప్ర‌తిభావంతులు, హిజ్రాలు మ‌రియు వ‌యోవృద్దుల సంక్షేమ‌శాఖ అధికారులు, కృత్రిమ అవ‌య‌వాల త‌యారీ కేంద్రం, వివిధ స్వ‌చ్ఛంద సంస్థ‌ల సహకారంతో కృత్రిమ అవయవాలు పంపిణీ జరుగుతుందని చెప్పారు. ఈ శిబిరాల నిర్వహణకు అన్ని ఏర్పాట్లు పూర్తి చేయాలని ఆదేశించారు. మున్సిపల్ కమిషనర్లు, ఎంపిడివోలతో గురువారం వెబ్క్స్ మీటింగ్  నిర్వహించారు.   ఈ సంద‌ర్భంగా జాయింట్ క‌లెక్ట‌ర్ (సంక్షేమం) జె.వెంక‌ట‌రావు మాట్లాడుతూ, జిల్లాలో వివిధ స్వ‌చ్ఛంద సంస్థ‌లు, వారు అందించే కృత్రిమ అవ‌య‌వాల త‌యారీ, పంపిణీ గురించి వివ‌రించారు. కృత్రిమ కాళ్లు, చేతులు, కాలిప‌ర్ల‌ను అందించ‌డం జ‌రుగుతుంద‌ని చెప్పారు.  క‌లెక్ట‌ర్ సూర్య‌కుమారి మాట్లాడుతూ, కృత్రిమ అవ‌య‌వాల‌ను త‌యారు చేసి, ఉచితంగా అంద‌జేయడం జరుగుతుందని చెప్పారు. ఈ నెల 23, 25, 27 తేదీల్లో నియోజకవర్గాల వారీగా శిబిరాల‌ను ఏర్పాటు చేసి, కృత్రిమ అవ‌యవాల‌ను పంపిణీ చేసేందుకు, కొలతలను తీసుకోవడం జరుగుతుందని తెలిపారు. ఈ శిబిరాల్లో దివ్యాంగులు ఎటువంటి ఇబ్బంది ప‌డ‌కుండా త‌గిన జాగ్ర‌త్త‌ల‌ను తీసుకోవాల‌ని సూచించారు. 

కృత్రిమ అవ‌య‌వాల త‌యారీ కేంద్రం (ఏఎల్ఎంయు),  గురుదేవ ఛారిట‌బుల్ ట్ర‌స్టు, అసోసియేష‌న్ సాయి కొరియ‌న్ త‌దిత‌ర సంస్థలు కృత్రిమ అవయవాలను, కాలిపర్స్ పంపిణీ చేస్తాయని చెప్పారు. శారీరకంగా వికలాంగత్వం ఉన్నవారికి ఇదొక గొప్ప అవకాశమని పేర్కొన్నారు. ఈ శిబిరాల ఏర్పాటు గురించి గ్రామ స్థాయిలో కూడా విస్తృతంగా ప్రచారం చేసి, ఎక్కువమంది వినియోగించుకొనేవిధంగా చూడాలని కోరారు.

      ఈ సమావేశంలో వయోవృద్ధులు, విభిన్న ప్రతిభావంతుల సంక్షేమ శాఖ సహాయ సంచాలకులు నీలకంఠ ప్రధానో, వివిధ మండలాల ఎంపిడివోలు, మున్సిపల్ కమిషనర్లు పాల్గొన్నారు.

చట్టప్రకారం అర్హులైన వారికే నష్ట పరిహారం అందేలా అధికారులు పద్ధతి ప్రకారం పారదర్శకతతో పనిచేయాలని జిల్లా కలెక్టర్ శ్రీ ప్రవీణ్ కుమార్ ఆదేశించారు. నీటి ప్రాజెక్టులు, రహదారుల నిర్మాణం, రామాయపట్నం పోర్టుల భూ సేకరణలపై సంబంధిత అధికారులతో బుధవారం స్థానిక ప్రకాశం భవనంలోని కలెక్టర్ ఛాంబర్లో ఆయన సమీక్షించారు. రెవిన్యూ వ్యవస్థ జిల్లాలో సరిగా లేకపోవడంతో పలు రకాల భూ సమస్యలు ఎదురవుతున్నాయని కలెక్టర్ అసహనం వ్యక్తంచేశారు. కొన్ని మండలాల్లో రెవిన్యూ దస్త్రాలు ట్యాంపరింగ్, వెబ్ ల్యాండింగ్ లో అక్రమాలు జరిగాయన్నారు. రెవిన్యూ అధికారులు నిర్లక్ష్యంగా వ్యవహరిస్తే సహించేది లేదని ఆయన ఘాటుగా హెచ్చరించారు. ముఖ్యంగా సగదు అనుసంధానంతో చేపట్టే భూ సేకరణ ప్రక్రియలో అధికారులు పారదర్శకంగా నిజాయితితో పనిచేయాలన్నారు. సాంకేతిక పరిజ్ఞానాన్ని అందిపుచ్చుకొని శాస్త్రీయ బద్ధంగా విధులు నిర్వర్తించాలన్నారు. నిర్దేశించిన లక్ష్యం మేరకు ప్రణాళికలు రూపొందించుకోవాలన్నారు. ప్రభుత్వం చేపడుతున్న వివిధ అభివృద్ధి కార్యక్రమాలకు భూ సేకరణ ప్రక్రియ వేగంగా పూర్తి చేయాలన్నారు. రెవిన్యూ వ్యవస్థను సరిచేయాల్సిన బాధ్యత జిల్లా సంయుక్త కలెక్టర్ పై ఉందని, ప్రత్యేక దృష్టి పెట్టాలంటూ ఆయన మార్గనిర్దేశం చేశారు.

           కృష్ణా జలాలు 2022వ సంవత్సరంలో టన్నెల్ ద్వారా ప్రకాశంలోకి తరలించడానికి ప్రభుత్వం చర్యలు తీసుకుంటుందని జిల్లా కలెక్టర్ తెలిపారు. వెలుగొండ ప్రాజెక్టు భూసేకరణ ప్రక్రియ అత్యంత వేగంగా పూర్తి చేయాలని ఆయన ఆదేశించారు. భూములు కోల్పోతున్న వారికి నష్ట పరిహారం నగదు వెంటనే అందేలా చర్యలు తీసుకోవాలన్నారు. స్టేజ్-1 కింద ప్యాకేజి ఒకటి నుంచి ఐదు వరకు నిర్దేశించిన గ్రామాలలో భూసేకరణ అత్యవసరంగా చేపట్టాలన్నారు. ప్రతినెల లక్ష్యాలను నిర్దేశించుకుంటూనే 824 ఎకరాలు భూసేకరణ త్వరలో పూర్తి చేయాలన్నారు. నిర్వాసితులైన 7,262 మందిలో ఆర్. అండ్. " ఆర్. ప్యాకేజి కింద 2,411 మందికి ఇంటి స్థలాలు పంపిణీ చేయగా, మిగిలిన 761 మందికి తక్షణమే ప్లాట్లు ఇవ్వాలన్నారు. ప్యాకేజి ప్రక్రియలో అనర్హులను పూర్తిగా తొలగించాలన్నారు. అసైన్డ్ భూములు, ఆక్రమిత భూముల నిర్ధారణలో స్పష్టత ఉండాలన్నారు.

          రామాయపట్నం పోర్టుకోసం ప్రతిపాధించిన భూములను వేగంగా సేకరించాలని కలెక్టర్ చెప్పారు. రావూరు, చేవూరు గ్రామాలలో ప్రభుత్వ, చుక్కల భూమి పట్టా భూముల వివరాలపై సమీక్షించారు. జిల్లాలో భూముల రీ సర్వే ప్రక్రియ పక్కాగా నిర్వహించాలన్నారు. భూముల లెక్కింపు జరుగుతోందని. 32 గ్రామాలలో డ్రోన్ కెమేరాలతో భూముల స్థితిగతులను చిత్రీకరించినట్లు ఆయన తెలిపారు. మొదటి విడతలో మరో ఏడు గ్రామాలను అదనంగా చేర్చినట్లు ఆయన వివరించారు. సంబంధిత ఏడు గ్రామాలలో 4,549.47 ఎకరాలలలో సర్వే చేయాలన్నారు. ఆ ప్రాంతాలలోని 2,234 మంది రైతులకు నోటీసులు జారీ చేయాలన్నారు.

          వై.పాలెం-పామూరు జాతీయ రహదారికి 104 ఎకరాల భూ సేకరణ వేగంగా చేపట్టాలని కలెక్టర్ తెలిపారు. వై.పాలెం-పామూరు 565 జాతీయ రహదారికి మిగిలిన 164 ఎకరాలు వేగంగా సేకరించాలన్నారు. యడ్లపల్లి గ్రామంలో అటవి భూములను పరిశీలించాలని, ఆ భూముల దస్త్రాలు నిశితంగా పరిశీలించాలన్నారు. చీరాల ఒంగోలు జాతీయ రహదారి నిర్మాణం పూర్తయినప్పటికి 6.63 ఎకరాలకు భూ సేకరణ సమస్య ఉందని, తక్షణమే పరిష్కరించాలన్నారు. సి.ఎస్.పురం కందుకూరు జాతీయ రహదారి నిర్మాణానికి 89 ఎకరాల భూ సేకరణలో జాప్యంపై ఆయన ఆరాతీశారు. పర్చూరు. పెదజాగర్లమూడి రాష్ట్రీయ రహదారికి భూసేకరణ పూర్తి చేయాలన్నారు. గుంటూరు-గుంతకల్లు రైల్వేలైన్ నిర్మాణానికి 56 ఎకరాల భూసేకరణ పెండింగ్ లో ఉండటంపై వివరాలు అడిగి తెలుసుకున్నారు. గూడూరు-విజయవాడ మూడవ రైల్వేలైన్ విస్తరణకు, నడికుడి-శ్రీకాళహస్తి రైల్వేలైన్ నిర్మాణానికి 153 ఎకరాల భూమి వేగంగా సేకరించాలన్నారు.

            సమావేశంలో జిల్లా సంయుక్త కలెక్టర్ (ఆర్.బి. ఆండ్, ఆర్.) జె. వెంకట మురళి, డి.ఆర్.ఓ. ఎస్. సరళా వందనం, మార్కాపురం ఆర్.డి.ఓ. లక్ష్మీ శివజ్యోతి, ప్రత్యేక ఉప కలెక్టర్లు గ్లోరియా, వసంతబాబు, శ్రీదేవి, నారదముని, సర్వే ల్యాండ్స్ ఏ.డి. రామకృష్ణారెడ్డి, వివిధ శాఖల అధి కారులు పాల్గొన్నారు.

       

బ‌హిరంగ ప్ర‌దేశాల్లో ధూమ‌పానంపై, పొగాకు వాడకంపై నియంత్ర‌ణ  ఉండాల‌ని జేసీ మ‌హేష్ కుమార్ అభిప్రాయ‌పడ్డారు. బ‌హిరంగ ప్ర‌దేశాల్లో ధూమపానం చేయ‌కుండా సంబంధిత అధికారులు చ‌ర్య‌లు తీసుకోవాల‌ని ఆదేశించారు. బుధ‌వారం క‌లెక్ట‌రేట్ మీటింగ్ హాలులో జ‌రిగిన నేష‌నల్ టొబాకో కంట్రోల్ ప్రోగ్రామ్‌లో ఆయ‌న ఈ మేర‌కు మాట్లాడారు. పొగాకు వాడ‌కాన్ని త‌గ్గించేందుకు చ‌ట్టంలో పేర్కొన్న నిబంధ‌న‌ల‌ను క‌ఠినంగా అమ‌లు చేయాల‌ని సూచించారు. నిబంధ‌న‌లు అతిక్ర‌మించిన వారిపై చ‌ర్య‌లు తీసుకోవాల‌ని, జ‌రిమానాలు విధించాల‌ని చెప్పారు. ముఖ్యంగా యువ‌త పొగాకు వాడకానికి ద‌గ్గ‌ర కాకుండా చూడాల‌న్నారు. పిల్ల‌ల‌పై ప్ర‌భావం ప‌డ‌కుండా జాగ్ర‌త్త‌లు వ‌హించాల‌ని సూచించారు. అనంత‌రం పొగాకు వాడ‌కంపై హెచ్చ‌రిక‌లు, సూచ‌న‌ల‌తో కూడిన పోస్ట‌ర్‌ను ఆవిష్క‌రించారు. కార్య‌క్ర‌మాల్లో జేసీ జె. వెంక‌ట‌రావు, టొబాకో స్టేట్ క‌న్స‌ల్టెంట్ శివ‌కుమార్‌, డీఎం &హెచ్‌వో ర‌మ‌ణ కుమారి, డీసీహెచ్ఎస్ నాగ‌భూష‌ణ‌రావు, జిల్లా కేంద్రాసుప‌త్రి సూప‌రింటెండెంట్ డా. సీతారామ‌రాజు, డీఐవో డా. గోపాల కృష్ణ‌, అద‌నపు ఎస్సీ పీఎస్ఎన్ రావు, అద‌నపు డీఎం & హెచ్‌వో రామ్మోహ‌న్‌రావు, ఇత‌ర అధికారులు, వైద్యులు త‌దిత‌రులు పాల్గొన్నారు.

క‌రోనా మూడో ద‌శ‌ను ఎదుర్కొనేందుకు అన్ని ర‌కాలుగా సిద్ధంగా ఉండాల‌ని జాయింట్ క‌లెక్ట‌ర్ ఆర్‌. మ‌హేష్ కుమార్ అధికారుల‌కు సూచించారు. జిల్లాలో గుర్తించిన 15 ఆసుప‌త్రుల్లో అన్ని ర‌కాల‌ వ‌స‌తులు స‌మ‌కూర్చుకొనేలా చ‌ర్య‌లు తీసుకోవాల‌ని ఆదేశించారు. క‌రోనా థ‌ర్డ్ వేవ్ నేప‌థ్యంలో తీసుకొనే చ‌ర్య‌లు, అనుస‌రించాల్సిన ప‌ద్దతుల‌పై చ‌ర్చించేందుకు జేసీ జిల్లా వైద్యారోగ్య శాఖ‌, ఇత‌ర అధికారుల‌తో క‌లెక్ట‌రేట్ మీటింగ్ హాలులో బుధ‌వారం స‌మావేశం నిర్వ‌హించారు. జిల్లాలో గుర్తించిన 15 ప్ర‌యివేటు ఆసుప‌త్రుల్లో ముంద‌స్తు ఏర్పాట్లు జ‌రిగేలా, అన్ని ర‌కాల వ‌స‌తుల‌ను స‌మ‌కూర్చుకొనేలా చ‌ర్య‌లు తీసుకోవాల‌ని చెప్పారు. మూడో ద‌శ‌లో ఎలాంటి ప్రాణ న‌ష్టం జ‌ర‌గ‌కుండా ముందుగానే అప్ర‌మ‌త్తంగా  ఉండాల‌ని ఆదేశించారు. మొద‌టి రెండు ద‌శ‌ల్లో జ‌రిగిన ప‌రిణామాల‌ను దృష్టిలో ఉంచుకొని జాగురూక‌త వ్య‌వ‌హ‌రించాల‌ని సూచించారు.  డీఎం &హెచ్‌వో ర‌మ‌ణ కుమారి, డీసీహెచ్ఎస్ నాగ‌భూష‌ణ‌రావు, జిల్లా కేంద్రాసుప‌త్రి సూప‌రింటెండెంట్ డా. సీతారామ‌రాజు, డీఐవో డా. గోపాల కృష్ణ‌, అద‌నపు ఎస్సీ పీఎస్ఎన్ రావు, అద‌నపు డీఎం & హెచ్‌వో రామ్మోహ‌న్‌రావు, ఇత‌ర అధికారులు, వైద్యులు త‌దిత‌రులు పాల్గొన్నారు.

ఈజ్ ఆఫ్ డూయింగ్ లో శ్రీకాకుళం జిల్లా ముందు ఉండాలని జిల్లా కలెక్టర్  శ్రీకేష్ లాఠకర్ అన్నారు. ఈజ్ ఆఫ్ డూయింగ్ బిజినెస్ పై సంబంధిత అధికారులతో బుధ వారం కలెక్టరు కార్యాలయంలో జిల్లా కలెక్టర్ సమీక్షించారు. ఈ సందర్భంగా జిల్లా కలెక్టర్ మాట్లాడుతూ అగ్నిమాపక శాఖ, కాలుష్య నియంత్రణ మండలి, జిఎస్టి, కర్మాగారాలు, బాయిలర్లు, భూగర్భ జలవనరులు, డ్రగ్స్, మునిసిపాలిటీ, రెవిన్యూ, పరిశ్రమలు, కార్మిక శాఖ, పర్యాటక, పట్టణ ప్రణాళిక, రిజిస్ట్రేషన్లు తదితర శాఖలు వీటిలో ప్రధానంగా భాగస్వామ్యం కావాలని ఆయన తెలిపారు. ఈ శాఖల క్రింద 402 విభాగాల వినియోగదారులు ఉన్నారని ఆయన చెప్పారు. ఈజ్ ఆఫ్ డూయింగ్ ద్వారా ఎంత సులభంగా సేవలు పొందవచ్చు అనే విషయంపై అవగాహన కల్పించాలని ఆయన సూచించారు. ఆగస్టు చివరి వారంలో అవగాహన సదస్సులు నిర్వహించాలని ఆయన ఆదేశించారు. కార్యాలయానికి భౌతికంగా రాకుండానే దరఖాస్తు చేయడం, సంబంధిత పత్రాలు పొందడం జరగాలని ఆ విధానం ఏ మేరకు ఉపయుక్తంగా ఉందో పరిశీలించాలని ఆయన అన్నారు. విధానాల్లో మంచి మార్పులకు సూచనలు స్వీకరించాలని వాటిని ప్రభుత్వానికి ప్రతిపాదించడం జరుగుతోందని ఆయన వివరించారు. మంచి విధానాల సూచనలు, ఈజ్ ఆఫ్ డూయింగ్ ఇంకా మెరుగు పడుటకు అన్ని చర్యలు తీసుకోవాలని, జిల్లా ఆదర్శవంతంగా ఉండాలని ఆయన పేర్కొన్నారు.

ఈ సమావేశంలో జిల్లా పరిశ్రమల కేంద్రం జనరల్ మేనేజర్ జె.ఉమామహేశ్వర రావు, జిఎస్టి సహాయ కమీషనర్ రాణి మోహన్, జిల్లా అగ్ని మాపక అధికారి సి.హెచ్.కృపావరం, కార్మిక శాఖ ఉప కమీషనర్ ఎస్.డి.వి ప్రసాద రావు, జిల్లా రిజిస్ట్రార్ సత్యనారాయణ, పర్యావరణ ఇంజినీర్ ఎస్.శంకర నాయక్, కర్మాగారాల డిప్యూటీ చీఫ్ ఇన్స్పెక్టర్ ఆర్. సత్యనారాయణ, భూగర్భ జల వనరుల శాఖ ఎడి లక్ష్మణ రావు, డ్రగ్స్ ఇన్స్పెక్టర్ కళ్యాణి తదితరులు పాల్గొన్నారు.