యువతకు అందిస్తున్న వివిధ శిక్షణా కార్యక్రమాలు ఉపాధి కల్పన ధ్యేయంగా సాగాలని జిల్లా కలెక్టర్ శ్రీకేష్ లాఠకర్ అన్నారు. జిల్లాలో ఉపాధి శిక్షణ కార్యక్రమాలు నిర్వహిస్తున్న సంస్థలతో కలెక్టర్ కార్యాలయంలో శుక్రవారం జిల్లా కలెక్టర్ సమీక్షించారు. ఈ సందర్భంగా కలెక్టర్ మాట్లాడుతూ యువతకు శిక్షణ మాత్రమే కాదని, ఉపాధి కల్పనే ధ్యేయంగా పని చేయాలని స్పష్టం చేశారు. జిల్లాలో నైపుణ్య అభివృద్ధి కార్యక్రమాల్లో శిక్షణ పొందుతున్న అభ్యర్థుల వివరాలు అందుబాటులో ఉండాలని కలెక్టర్ చెప్పారు. అభ్యర్థులు ఏ కోర్సుల్లో చేరుతున్నారు, ఏ సంస్థలో ఉపాధి పొందుతున్నారు తదితర అంశాల వివరాలు ఉండాలని ఆయన అన్నారు. ఉపాధి లభించినప్పటికీ ఆ సంస్థలో ఎంత కాలం పని చేస్తున్నారు లేదా ఇతర సంస్థలకు  మారితే అందుకు స్పష్టమైన వివరాలు ఉండాలని ఆయన పేర్కొన్నారు. అభ్యర్థుల శిక్షణ ఉపాధి అవకాశాలు తదితర అంశాలపై పూర్తి సమాచారం ఉండాల్సిందేనని కలెక్టర్ స్పష్టం చేశారు  ఇందుకు ఒక ప్రత్యేక యాప్ రూపొందించాలని, ఆ యాప్ ద్వారా యువత ఉపాధి అవకాశాలు పొందుటకు అవకాశం కల్పించాలని సూచించారు. బ్యాంకుల ఆధ్వర్యంలో పనిచేస్తున్న గ్రామీణ స్వయం ఉపాధి శిక్షణ కేంద్రాల్లో శిక్షణ పొందిన అభ్యర్థులకు శత శాతం రుణాలు కల్పించి స్వయం ఉపాధికి బాటలు వేయాలని జిల్లా కలెక్టర్ అన్నారు. నాణ్యమైన శిక్షణ కల్పించడం వల్ల ఇది సాధ్యం అవుతుందని ఆయన పేర్కొన్నారు. శిక్షణ పొందడం ఒక ఎత్తు అయితే అనంతర పరిణామాలు మరో ఎత్తని వాటిపై స్పష్టమైన ప్రణాళికలు ఉండాలని పేర్కొన్నారు.  చేనేత కారులకు రాష్ట్ర నైపుణ్యాభివృద్ధి సంస్థ చేపడుతున్న ఇ కామర్స్ మరియు డిజిటల్ మార్కెటింగ్ లో శిక్షణ కల్పించాలని సూచించారు.

రాష్ట్ర నైపుణ్యాభివృద్ధి సంస్థ జిల్లా మేనేజర్ డా.గోవింద రావు మాట్లాడుతూ జిల్లాలో అకడమిక్, నాన్ అకడమిక్ కేటగిరీలుగా నైపుణ్య శిక్షణ కార్యక్రమాలను నిర్వహిస్తున్నామని వివరించారు. అకడమిక్ శిక్షణా కార్యక్రమాలను విద్యాసంస్థలలో చదివే విద్యార్థులకు అందిస్తున్నామని,  నాన్ అకడమిక్ రంగంలో నిరుద్యోగ యువతకు వివిధ కార్యక్రమాల కింద శిక్షణ అందిస్తున్నామని చెప్పారు. శిక్షణలో పాల్గొన్న యువతకు ల్యాప్టాప్, టాబ్  తదితర మౌలిక సదుపాయాలు కల్పిస్తున్నామని తెలిపారు. 2021 - 22 సంవత్సరంలో కోవిడ్ నేపథ్యంలో 1551 మంది శిక్షణలో చేరగా 336 మంది ఉపాధి పొందారని తెలిపారు. జిల్లాలో ఉపాధి నైపుణ్య శిక్షణ కేంద్రం నరసన్నపేట మండలంలో మంజూరైందని అందుకు అవసరమైన భూమిని కేటాయించాలని కోరారు. నైపుణ్య శిక్షణ కార్యక్రమాలు నిర్వహిస్తున్న ఇతర సంస్థల ప్రతినిధులు తమ వివరాలను తెలియజేశారు.

ఈ సమావేశంలో జాయింట్ కలెక్టర్ ఆర్. శ్రీరాములు నాయుడు, జిల్లా ఉపాధి కల్పనాధికారి జి. శ్రీనివాసరావు, సెట్ శ్రీ ముఖ్య కార్య నిర్వహణాధికారి కె.సూర్య ప్రభాకర రావు, క్రీడల చీఫ్ కోచ్ బి. శ్రీనివాస కుమార్, డిఆర్డిఎ పిడి బి.శాంతి శ్రీ,  ఏపీఈడబ్ల్యుఐడిసి ఇఇ కె.భాస్కర రావు, నాక్ సహాయ సంచాలకులు చిట్టిబాబు, నెహ్రూ యువ కేంద్ర ఏవో డి.శ్రీనివాస్, ఇతర సంస్థల ప్రతినిధులు పాల్గొన్నారు.

భారత స్వాతంత్ర్యదినోత్సవం సందర్భంగా మహా విశాఖపట్నం నగరపాలక సంస్థ పరిధిలో ఉన్న మాంసాహార విక్రయాలను ఆదివారం నిషేదించినట్టు జివిఎంసి కమిషనర్ డా. జి. సృజన తెలిపారు. ఈ మేరకు మీడియాకి ప్రకటన విడుదల చేశారు. 75వ స్వాతంత్ర్యదినోత్సవ సందర్భంగా జివిఎంసి పరిధిలోని అన్ని మాంసము, చేపలు, రొయ్యల మార్కెట్లు తదితర మాంసాహారం విక్రయించే దుకాణాలు మూసివేయాలన్నారు. ఈవిషయంలో ప్రజలు, దుకాణదారులు సహకరించాలని కమిషనర్ కోరారు.  ఈ మాంసం విక్రయాలు జరగకుండా తగిన చర్యలు చేపట్టాలని ప్రధాన వైధ్యాధికారిని, జోనల్ కమిషనర్లను, సహాయ వైధ్యాధికారులను కమిషనర్ ఆదేశించారు. తెరిచిన వారిపై కేసులు నమోదు చేయాలని ఆ ప్రకటనలో కోరారు.

తూర్పుగోదావరి జిల్లాలో ఈ నెల 16వ తేదీన రాష్ట్ర ముఖ్యమంత్రి  వై.ఎస్.జగన్మోహనరెడ్డి  జిల్లాలో జరుపనున్న పర్యటనకు అన్ని ఏర్పాట్లను సమగ్రంగా చేపట్టాలని జిల్లా కలెక్టర్ సి.హరికిరణ్ వివిధ శాఖల అధికారులను ఆదేశించారు. గురువారం సాయంత్రం కలెక్టరేట్ వివేకానంద సమావేశ హాలులో జిల్లా కలెక్టర్ సి.హరికిరణ్, జిల్లా పోలీస్ సూపరింటెండెంట్ యం.రవీంద్రనాద్ బాబు సంయుక్తంగా జిల్లా అధికారులతో ప్రత్యేక సమావేశం నిర్వహించి ఈ నెల 16వ తేదీన రాష్ట్ర ముఖ్యమంత్రి పి.గన్నవరంలో జరిపే పర్యటన కొరకు చేపట్టవలసిన ఏర్పాట్లను సమీక్షించారు.  ఈ సందర్భంగా జిల్లా కలెక్టర్ హరికిరణ్ మాట్లాడుతూ ముఖ్యమంత్రి వై.ఎస్.జగన్మోహనరెడ్డి ఈ నెల 16వ తేదీ ఉదయం 10-30 గం.లకు హెలికాప్టర్ లో పి.గన్నవరం చేరుకుని అనంతరం 11 గం.ల నుండి మద్యాహ్నం ఒంటి గంట వరకూ జడ్పి హైస్కూల్లో తొలి దశ నాడు-నేడు కార్యక్రమం క్రింద రాష్ట్రంలో పూర్తి చేసిన పాఠశాలల అభివృద్ది పనులను ప్రజలకు అంకితం చేస్తారని, అలాగే రెండవ దశ నాడు-నేడు పనులను ప్రారంభించి, జగనన్న విద్యాకానుక కిట్లను విద్యార్థులకు పంపిణీ చేసి వారితో బహిరంగ సభలో ముచ్చటిస్తారని తెలిపారు.  ముఖ్యమంత్రి పర్యటన సందర్భంగా పి.గన్నవరంలో వివిధ ప్రదేశాలలో చేపట్టవలసిన ఏర్పాట్లకు జాయింట్ కలెక్టర్లను, ఆర్డిఓలను ఆయన ఇన్చార్జిలుగా నియమించారు. 

 అలాగే పర్యటన కార్యక్రమాలకు హాజరైయ్యే ప్రముఖులు, ముఖ్యమంత్రి సిబ్బంది, విద్యార్థులు, వివిధ జిల్లాలల్లో నాడు-నేడు ఉత్తమ పనులకు అవార్డు గ్రహీతలక, రాష్ట్ర స్థాయి అధికారులకు తగు సదుపాయాలను కల్పించాలని ఆయన ఆదేశించారు.  వాహనాలు, సమూహాల నియంత్రణ, బారికేడింగ్, పబ్లిక్ ఎడ్రస్, లైవ్ కవరేజి, మీడియా సమన్వయం తదితర అంశాలపై ఆయా శాఖల ఆధికారులకు సూచనలు జారీ చేశారు.  రానున్న 5 రోజుల్లో వర్ష సూచన ఉన్నందున, వర్షాల కారణంగా ముఖ్యమంత్రి పర్యటనకు ఏవిధమైన ఆటంకాలు రాకుండా ఏర్పాట్లు చేపట్టాలని అధికారులను ఆదేశించారు. కోవిడ్ ఉనికి నేపద్యంలో పటిష్టమైన జాగ్రత్తలను అమలు పరచాలని ఆయన కోరారు. జిల్లా ఎస్పీ యం.రవీంద్రనాద్ బాబు మాట్లాడుతూ భద్రతా పరమైన అంశాలపై అధికారులకు సూచనలు జారీ చేసి, అన్ని శాఖల సమన్వయంతో ముఖ్యమంత్రి పర్యటనను విజయవంతం చేయాలని కోరారు. ఈ సమావేశంలో జాయింట్ కలెక్టర్లు డా.జి.లక్ష్మిశ, కీర్తి చేకూరి, బార్గవతేజ్, జి.రాజకుమారి, కాకినాడ మున్సిపల్ కమీషనర్ స్వప్నిల్ దినకర్ పుండక్కర్,  వివిధ శాఖల జిల్లా అధికారులు పాల్గొన్నారు. 

ఏపీఐఐసి, ఎన్ఎఓబీ, నక్కపల్లి, ఎన్ హెచ్ -16, పాడేరు గ్రీన్ క్యారిడార్ , ఆర్ అండ్ ఆర్, నిర్వాసితులకు గృహ నిర్మాణాలు తదితర అంశాలు,   భూ  సమస్య ల కు సంబంధించిన పనులను వేగ వంతంగా  పూర్తి చేయాల్సింది గా జిల్లా కలెక్టర్ డా ఏ మల్లిఖార్జున సంబంధిత అధికారులను ఆదేశించారు. గురువారం స్థానిక కలెక్టర్ కార్యాలయ సమావేశ మందిరంలో జాయింట్ కలెక్టర్ ఆర్ గోవింద రావు, విశాఖపట్నం,అనకాపల్లి,నర్సీపట్నం, ఆర్డీఓ లు, స్పెషల్ డిప్యూటీ కలెక్టర్లు,ఏపీఐఐసి అధికారులతో ,వీడియో కాన్ఫరెన్స్ ద్వారా మండల తహశీల్దార్ లతో  సమీక్షించారు. ఈ సందర్భంగా కలెక్టర్ మాట్లాడుతూ జిల్లా లో ఏ పీ ఐ ఐ సి , ఎన్ ఏ ఓ బీ, ఎన్హెచ్ 16 భూములకు సంబంధించి పనులు పెండింగ్ లేకుండా చూడాలన్నారు. వాటికి సంబంధించి ఏమైనా ప్రతి పాదనలు ఉంటే  వెంటనే పంపించాలన్నారు. నక్కపల్లి, పాయకరావుపేట, అచ్చుతాపురం, రాంబిల్లి మండలాల్లో ప్రభుత్వ, మరియూ జిరాయితీ భూముల వివరాలను అడిగి తెలుసుకొన్నారు. బీచ్ కారిడార్, రోడ్ల అభివృద్ధి పనులకు సంబంధించి నిర్దేశించిన లక్ష్యాలను పూర్తి చేయాలన్నారు. దీర్ఘ కాలంగా పెండింగ్ లోఉన్న పనులను వేగవంతం గా పూర్తి చేయాల్సింది గా ఆదేశించారు.అనకాపల్లి, మునగ పాక, అచ్యుతాపురం రోడ్ అభివృద్ధి పనులకు సంబంధించి అబ్జెక్షన్స్ పై డ్రాఫ్ట్ డిక్లరేషన్ ఇవ్వాలన్నారు. పైన తెల్పిన అంశాల పురోగతి పై ప్రతీ నెల  సమీక్ష నిర్వహిస్తామనీ, సంబంధిత అధికారులు,సిబ్బంది పనుల అభివృద్ధి పై ప్రత్యేక దృష్టి పెట్టాలన్నారు. ఈ సమావేశం లో జాయింట్ కలక్టర్ ఆర్ గోవింద రావు, ఆర్డీవో లు పెంచల కిషోర్,సీతా రామా రావు,అనిత,స్పెషల్ డిప్యూటీ కలెక్టర్ రంగయ్య, ఏపీఐఐసి జెడ్ ఎమ్ యతిరాజులు, మినిష్టరీ ఆఫ్ రోడ్ సేఫ్టీ పీ డి రవి షేక్, ఇతర అధికారులు హాజరయ్యారు.

కె.జి.హెచ్. లో  రోగులకు మంచి వైద్య సేవలు అందించాలని, పరిసరాలన్నింటిని శుభ్రంగా ఉంచాలని జిల్లా కలెక్టరు డా.ఎ.మల్లిఖార్జున  వైద్యాధికారులకు సూచించారు. గురువారం సాయంత్రం కలెక్టరు కె.జి.హెచ్ ను సందర్శించారు. ఈ సందర్భంగా వైద్యాధికారులతో సమీక్ష నిర్వహించారు.  ఆరోగ్య శ్రీ కింద వైద్య సేవలను అధికం చేయాలని తద్వారా వచ్చే ఆదాయాన్ని కె.జి.హెచ్ అభివ్రద్దికి వినియోగించాలన్నారు. నాడు-నేడు క్రింద షిప్టు చేయాల్సిన శాఖలను రిలోకేట్ చేయడానికి రెండు ప్లాన్ లను సిద్దం గావించాలన్నారు. వైద్య పరికరాల మరమత్తులకు బిల్లులను చెల్లింపు కోసం పెట్టాలన్నారు. కె.జి.హెచ్ కు కొత్త ఎమ్.ఆర్.ఐ. స్కాన్ తీసుకురావడానికి కృషి చేస్తానన్నారు. వేస్ట్ డిస్పాజిల్ పై చర్చించారు. 

తదుపరి కలెక్టరు ఎవర్జెన్సీ వార్డు పరిశీలించి  డాక్టరుకు పలు సూచనలు చేశారు.  వార్డులలో పరిశుబ్రమైన ఆహాదకరమైన వాతావరణం ఉండాలన్నారు.  ఒపి ప్రవేశద్వారం వద్ద వీల్ చెయిర్ లు,  24 గంటలు అందుబాటులో ఉంచి, సిబ్బంది అందుబాటులో ఉండాలన్నారు. ఈ కార్యక్రమంలో శాసనసభ్యులు వాసుపపల్లి గణేష్ కుమార్, జివిఎమ్ సి కమిషనర్ డాక్టర్ సృజన, కె.జి.హెచ్ సూపరింటిండెంట్ డాక్టర్ వైధిలి,ఎపిఎమ్ ఎస్ ఐ సి ఇంజనీర్, ఎ.ఎమ్.సి .ప్రిన్సిపాల్ డాక్టర్ సుధాకర్, డిఎమ్ అండ్ హెచ్ఒ సూర్యనారాయణ తదితరులు పాల్గ్గొన్నారు. 

ప్ర‌భుత్వం అందిస్తున్న పోష‌కాహారాన్ని ల‌బ్దిదారుల‌కు స‌కాలంలో, స‌క్ర‌మంగా అందించేందుకు చ‌ర్య‌లు తీసుకోవాల‌ని మ‌హిళాభివృద్ది, శిశు సంక్షేమ‌శాఖ రీజ‌న‌ల్ జాయింట్ డైరెక్ట‌ర్ బి.చిన్మ‌యాదేవి ఆదేశించారు. ఆమె గురువారం జిల్లాలో పర్య‌టించి, త‌మ శాఖ‌కు సంబంధించిన అధికారులు, సంస్థ‌ల ప్ర‌తినిధుల‌తో స్థానిక మ‌హిళా ప్రాంగ‌ణంలో స‌మీక్షా స‌మావేశాన్ని నిర్వ‌హించారు.  ఈ సంద‌ర్భంగా ఆర్‌జెడి చిన్మ‌యాదేవి మాట్లాడుతూ, సిడిపిఓలు, అంగ‌న్‌వాడీ సూప‌ర్‌వైజ‌ర్లు త‌ర‌చూ క్షేత్ర‌స్థాయిలో త‌నిఖీలు నిర్వ‌హించాల‌ని సూచించారు. వివిధ ప్ర‌భుత్వ ప‌థ‌కాలు స‌క్ర‌మంగా అమ‌లు జ‌రిగేలా చూడాల‌న్నారు. ముఖ్యంగా వైఎస్ఆర్‌ సంపూర్ణ పోష‌ణ‌, సంపూర్ణ పోష‌ణ ప్ల‌స్ కార్య‌క్ర‌మాల అమ‌లుపై ప్ర‌త్యేక దృష్టి సారించి, పోషకాహారాన్ని శ‌త‌శాతం, స‌క్ర‌మంగా అంద‌జేయాల‌ని కోరారు. ప‌థ‌కాల‌ను అమ‌లు చేసే విష‌యంలో నిర్ల‌క్ష్యం వ‌హించినా, నిర్లిప్త‌త ప్ర‌ద‌ర్శించినా చ‌ర్య‌లు తీసుకుంటామ‌ని హెచ్చ‌రించారు.  నిర్మాణంలో ఉన్న అంగ‌న్‌వాడీ కేంద్రాల‌ను ప‌రిశీలించాల‌ని, అవి త్వ‌ర‌గా పూర్తిఅయ్యేలా సంబంధి అధికారుల‌ను కోరాల‌ని సూచించారు. ఇప్ప‌టికీ ప్రారంభించ‌న భ‌వ‌నాల నిర్మాణాన్ని త‌క్ష‌ణ‌మే, ప్రారంభించేందుకు చ‌ర్య‌లు తీసుకోవాల‌న్నారు. పాల స‌ర‌ఫ‌రాపై ప్ర‌త్యేకంగా దృష్టి కేంద్రీక‌రించాల‌ని, మిల్క్‌యాప్‌లో న‌మోదు చేయాల‌ని సూచించారు. గృహ‌హింస‌, దిశ సంబంధిత‌ కేసుల‌ను త్వ‌ర‌గా ప‌రిష్క‌రించేందుకు చ‌ర్య‌లు తీసుకోవాల‌ని కోరారు.

              ఈ స‌మావేశంలో ఐసిడిఎస్ ప్రాజెక్టు డైరెక్ట‌ర్ ఎం.రాజేశ్వ‌రి, కేర్ ఇండియా ప్ర‌తినిధి సుబ్ర‌మ‌ణ్యం, సిడిపిఓలు, సూప‌ర్ వైజ‌ర్లు, ఒన్ స్టాప్ సెంట‌ర్‌, డివి సెల్ సిబ్బంది. చిల్డ్ర‌న్ హోమ్ ప్ర‌తినిధులు త‌దిత‌రులు పాల్గొన్నారు.