రాష్ట్ర ప్ర‌భుత్వం పేద‌ల సంక్షేమం ల‌క్ష్యంగా వారి జీవ‌న ప్ర‌మాణాల‌ను పెంచేందుకు అత్య‌ధిక ప్రాధాన్య‌మిస్తూ సంక్షేమ ప‌థ‌కాలు, కార్య‌క్ర‌మాల‌ను పార‌ద‌ర్శ‌కంగా, జ‌వాబుదారీత‌నంతో అమ‌లుచేస్తోంద‌ని కాకినాడ అర్బ‌న్ ఎమ్మెల్యే ద్వారంపూడి చంద్రశేఖ‌ర‌రెడ్డి పేర్కొన్నారు. మేయ‌ర్ సుంక‌ర పావ‌ని తిరుమ‌ల కుమార్, కాకినాడ అర్బ‌న్ డెవ‌ల‌ప్‌మెంట్ అథారిటీ (కుడా) ఛైర్‌ప‌ర్స‌న్ రాగిరెడ్డి చంద్ర‌క‌ళాదీప్తి త‌దిత‌రుల‌తో క‌లిసి ఎమ్మెల్యే కాకినాడ‌లోని గాంధీన‌గ‌ర్-ఎల్విన్‌పేట‌లో డా. బీఆర్ అంబేడ్క‌ర్ సామాజిక భ‌వ‌నం మొద‌టి అంత‌స్తు ప్రారంభోత్స‌వ కార్య‌క్ర‌మంలో పాల్గొన్నారు. తొలుత భారత రత్న డా. బీఆర్ అంబేడ్క‌ర్ విగ్ర‌హానికి పూల‌మాల‌లు వేసి ఘ‌నంగా నివాళులు అర్పించిన అనంత‌రం సామాజిక భ‌వ‌న విస్త‌ర‌ణలో భాగంగా నిర్మించిన ప్రాంగ‌ణాల‌ను ప్రారంభించారు. ఈ సంద‌ర్భంగా ఎమ్మెల్యే మాట్లాడుతూ గౌర‌వ ముఖ్య‌మంత్రి ప్ర‌జా సంక్షేమం ధ్యేయంగా పాల‌న సాగిస్తున్నార‌ని పేర్కొన్నారు. పుట్టి పెరిగిన ప్రాంతంలో అభివృద్ధి కార్య‌క్ర‌మాల‌ను ప్రారంభించే అదృష్టం ల‌భించినందుకు ఆనందంగా ఉంద‌న్నారు. ఎల్విన్‌పేట ప‌రిస‌ర ప్రాంతాల్లో మౌలిక వ‌స‌తుల‌ను అభివృద్ధి చేయ‌నున్నామ‌ని, రూ.6 కోట్ల ఖ‌ర్చుతో రిటైనింగ్ వాల్ ప‌నులు ప్రారంభించేందుకు చ‌ర్య‌లు తీసుకుంటున్న‌ట్లు తెలిపారు. భార‌త ర‌త్న డా. బీఆర్ అంబేడ్క‌ర్ ఆశ‌యాల స్ఫూర్తిగా ప్ర‌జల స‌మ‌స్య‌ల‌ను గుర్తించి, త‌క్ష‌ణ ప‌రిష్కారం దిశ‌గా కృషిచేస్తున్న‌ట్లు పేర్కొన్నారు. మున్ముందు ఇదే స్థాయిలో స్థానికంగా అభివృద్ధి కార్య‌క్ర‌మాలు చేప‌ట్టాల‌ని మేయ‌ర్ సుంక‌ర పావ‌ని తిరుమ‌ల కుమార్ ఆకాంక్షించారు. శాస‌న‌స‌భ్యులు ద్వారంపూడి చంద్ర‌శేఖ‌రరెడ్డి నేతృత్వంలో కాకినాడ‌లో అభివృద్ధి శ‌ర‌వేగంగా జ‌రుగుతోంద‌ని కుడా ఛైర్‌ప‌ర్స‌న్ రాగిరెడ్డి చంద్ర‌క‌ళాదీప్తి పేర్కొన్నారు. కార్య‌క్ర‌మంలో విశ్రాంత అడిష‌న‌ల్ డీఎంహెచ్‌వో డాక్ట‌ర్ ఎం.ప‌వ‌న్‌కుమార్‌, ఎగ్జిక్యూటివ్ ఇంజ‌నీర్ పి.స‌త్య‌కుమారి, స్థానిక ప్ర‌జాప్ర‌తినిధులు, అధికారులు త‌దిత‌రులు పాల్గొన్నారు.

తూర్పుగోదావ‌రి జిల్లాకు రెండేళ్ల పాటు క‌లెక్ట‌ర్‌గా సేవ‌లందించి, ప‌దోన్న‌తిపై రాష్ట్ర వైద్య సేవ‌లు, మౌలిక స‌దుపాయాల అభివృద్ధి సంస్థ (ఏపీఎంఎస్ఐడీసీ) ఎండీగా బ‌దిలీపై వెళ్తున్న డి.ముర‌ళీధ‌ర్‌రెడ్డి, హేమ దంప‌తుల‌కు అధికారులు, సిబ్బంది ఆత్మీయ వీడ్కోలు ప‌లికారు. శ‌నివారం క‌లెక్ట‌రేట్‌లోని వివేకానంద స‌మావేశ మందిరంలో జాయింట్ క‌లెక్ట‌ర్ (ఆస‌రా, సంక్షేమం) అధ్య‌క్ష‌త‌న ఉద్వేగ‌భ‌రిత వాతావ‌ర‌ణంలో జ‌రిగిన వీడ్కోలు కార్య‌క్ర‌మంలో క‌లెక్ట‌ర్ దంప‌తుల‌ను జిల్లా, డివిజ‌న‌ల్‌, మండ‌ల‌స్థాయి అధికారులు, సిబ్బంది ఘ‌నంగా స‌త్క‌రించారు. విశిష్ట అతిథులుగా హాజ‌రైన ఎస్‌పీ ఎం.ర‌వీంద్ర‌నాథ్‌బాబు, జాయింట్ క‌లెక్ట‌ర్ (రెవెన్యూ) డా. జి.ల‌క్ష్మీశ త‌దిత‌రులు క‌లెక్ట‌ర్ దంప‌తుల‌ను శాలువాలతో స‌న్మానించి, జ్ఞాపిక‌లు అందించి రెండేళ్ల కాలంలో ఆయ‌న జిల్లాకు అందించిన సేవ‌ల‌ను కొనియాడారు. జిల్లా అత్యున్న‌త అధికారితో త‌మ అనుబంధాన్ని గుర్తుచేసుకున్నారు. పూల‌తో ప్ర‌త్యేకంగా అలంక‌రించిన వాహ‌నాన్ని లాగుతూ పోలీస్ బ్యాండ్‌తో క‌లెక్ట‌రేట్ నుంచి క‌లెక్ట‌ర్ దంప‌తుల‌కు ఘ‌నంగా వీడ్కోలు ప‌లికారు.

 ప్ర‌త్యేక కార్య‌క్ర‌మం సంద‌ర్భంగా క‌లెక్ట‌ర్ ముర‌ళీధ‌ర్‌రెడ్డి మాట్లాడుతూ జిల్లాలోని ప్ర‌తి అధికారి అఖిల భార‌త స‌ర్వీసు అధికారేన‌ని విధి నిర్వ‌హ‌ణ‌లో దీక్షాద‌క్ష‌త‌తో, క‌ష్టించి ప‌నిచేసి తూర్పుగోదావ‌రిని ముందు వ‌రుస‌లో నిలిపార‌ని పేర్కొన్నారు. జిల్లాస్థాయి మొద‌లు గ్రామంలోని స‌చివాల‌యం వ‌ర‌కు ప్ర‌తి కార్య‌క్షేత్ర సిబ్బంది స‌మ‌న్వ‌యంతో ప‌నిచేశార‌ని, ఎన్ని స‌వాళ్లు ఎదురైనా ఎదుర్కొన్నార‌ని, వీరితో త‌న అనుబంధం మ‌రువ‌లేనిద‌న్నారు. ఏ అధికారి అయినా ప‌ద‌వీ విర‌మ‌ణ పొంది వెళ్లేట‌ప్పుడు మాత్ర‌మే త‌న దిగువ స్థాయి సిబ్బంది క‌ళ్ల‌లో నీళ్లు చూడాలేగానీ ప‌నిచేస్తున్న స‌మ‌యంలోనే వారి క‌ళ్లలో నీళ్లు చూడ‌కూడ‌ద‌ని పేర్కొన్నారు. ఈ విష‌యాన్ని గుర్తుంచుకొని యువ అధికారులు విధులు నిర్వ‌హించాల‌ని.. బృంద స్ఫూర్తి, స‌మాన‌త‌తో స‌మ‌న్వ‌యంతో పేద‌ల సంక్షేమం లక్ష్యంగా ప‌నిచేయాల‌ని సూచించారు. స‌వాళ్లు వ‌స్తుంటాయ‌ని.. అయితే వాటిని సానుకూల దృక్ఫ‌థంతో ఎదుర్కోవాల‌న్నారు. రెండేళ్ల కాలంలో జిల్లా ఎన్నో మ‌ధురానుభూతుల‌ను మిగిల్చింద‌ని, మూడున్న‌ర ల‌క్ష‌ల ఇళ్ల ప‌ట్టాలు అందించ‌డం, కోవిడ్ రెండు ద‌శ‌ల‌నూ ఎదుర్కోవ‌డం వంటివి అత్యంత సంతృప్తినిచ్చిన‌ట్లు క‌లెక్ట‌ర్ పేర్కొన్నారు. రెండేళ్ల‌కాలంలో వివిధ ప‌థ‌కాలు, కార్య‌క్ర‌మాల ద్వారా డీబీటీతో జిల్లా ప్ర‌జ‌ల‌కు రూ.10 వేల కోట్లు మేర ల‌బ్ధి జ‌రిగింద‌న్నారు.  రాష్ట్రంలో అత్య‌ధిక జ‌నాభా, భౌగోళికంగా వైవిధ్య‌మున్న జిల్లాలో సేవ‌లందించే అవ‌కాశాన్ని ఇచ్చిన గౌర‌వ ముఖ్య‌మంత్రికి ప్ర‌త్యేక ధ‌న్య‌వాదాలు తెలియ‌జేస్తున్న‌ట్లు తెలిపారు. ఈ సంద‌ర్భంగా ఎస్‌పీ ఎం.ర‌వీంద్ర‌నాథ్‌బాబు మాట్లాడుతూ సోద‌ర స‌మానులు అయిన ముర‌ళీధ‌ర్‌రెడ్డి రెండేళ్ల కాలంలో పోలీసు శాఖ‌కు ఎంతో మేలు చేశార‌ని, కారుణ్య నియామ‌కాల్లో ఎక్క‌డా పెండింగ్ లేకుండా చూశార‌ని.. ఇందుకు పోలీసు శాఖ త‌ర‌ఫున ధ‌న్య‌వాదాలు తెలియ‌జేస్తున్న‌ట్లు తెలిపారు.

గురు స‌మానులు: జేసీ(ఆర్‌) డా. జి.ల‌క్ష్మీశ‌

నిరాడంబ‌ర‌త‌తో ఆద‌ర్శ‌నీయ ల‌క్ష‌ణాలతో ప‌నితీరులో అత్యున్న‌త ఫ‌లితాలు సాధిస్తున్న ముర‌ళీధ‌ర్‌రెడ్డిగారు త‌న‌కు గురుస‌మానుల‌ని, ఆయ‌న్నుంచి రెండేళ్ల కాలంలో ఎంతో నేర్చుకున్నాన‌ని జాయింట్ క‌లెక్ట‌ర్ (ఆర్‌) డా. జి.ల‌క్ష్మీశ పేర్కొన్నారు. న‌లువైపుల నుంచి  ఎన్ని స‌వాళ్లు ఎదురైనా ఎక్క‌డా ఒత్తిడి అనే మాట లేకుండా వాటిని స‌మ‌ర్థ‌వంతంగా ఎదుర్కొన్నార‌న్నారు. ముఖంపై చిరున‌వ్వును చెద‌ర‌నివ్వ‌కుండా, విధి నిర్వ‌హ‌ణ ప‌రంగా రాజీప‌డ‌కుండా సేవ‌లందించార‌న్నారు. ఆయ‌న నుంచి నేర్చుకున్న విష‌యాలు త‌న భ‌విష్య‌త్ కెరీర్‌కు మార్గ‌ద‌ర్శ‌నంగా ఉంటాయ‌ని తెలిపారు. చాలా కీల‌క‌మైన ఆసుప‌త్రుల్లో మౌలిక వ‌స‌తుల అభివృద్ధి విభాగానికి ఎండీగా వెళ్తున్నార‌ని, ఆయ‌న ద్వారా రాష్ట్ర ప్ర‌జ‌ల‌కు మ‌రింత మెరుగైన సేవ‌లు అందుతాయ‌న్నారు. రాష్ట్రంలో కొత్త‌గా రానున్న 16 బోధ‌నాసుప‌త్రుల్లో వ‌స‌తుల క‌ల్ప‌న‌లో ఆయ‌న కీల‌క‌పాత్ర పోషిస్తార‌ని జేసీ ల‌క్ష్మీశ పేర్కొన్నారు.

- జాయింట్ క‌లెక్ట‌ర్ (ఆస‌రా, సంక్షేమం) జి.రాజ‌కుమారి మాట్లాడుతూ తూర్పుగోదావ‌రి జిల్లాలో ప‌నిచేయ‌డాన్ని అదృష్టంగా భావిస్తార‌ని, అయితే క‌లెక్ట‌ర్ డి.ముర‌ళీధ‌ర్‌రెడ్డి హ‌యాంలో ప‌నిచేయ‌డం మ‌రింత అదృష్ట‌మ‌ని పేర్కొన్నారు. స‌మ‌య‌పాల‌న‌, సానుకూల దృక్ప‌థం, బృంద స్ఫూర్తి, స‌రైన స‌మ‌యంలో వేగ‌వంతంగా స‌రైన నిర్ణ‌యాలు తీసుకోవ‌డం, స‌రైన ప్ర‌ణాళిక‌, విప‌త్తు నిర్వ‌హ‌ణ నైపుణ్యాలు, క్షేత్ర‌స్థాయికి స‌క్ర‌మ స‌మాచార పంపిణీ వంటి విశిష్ట ల‌క్ష‌ణాలు ఆయ‌న‌లో చూశామ‌ని పేర్కొన్నారు. కోవిడ్ వంటి క్లిష్ట సమ‌యంలో ఆయ‌న చూపిన ప‌నితీరు ప్ర‌శంస‌నీయ‌మన్నారు. డీఆర్‌వో సీహెచ్ స‌త్తిబాబు, కాకినాడ, రాజమహేంద్రవరం కమిష‌న‌ర్లు స్వప్నిల్ దినకర్ పుండ్కర్, అభిషిక్త్ కిషోర్, చింతూరు, రంప‌చోడ‌వ‌రం ఐటీడీఏ పీవోలు ఎ.వెంకట రమణ, సీవీ ప్రవీణ్ ఆదిత్య; రాజమహేంద్రవరం, రంపచోడవరం సబ్ కలెక్టర్లు ఇలాక్కియా, కట్టా సింహాచలం, అదనపు ఎస్‌పీ క‌ర‌ణం కుమార్, ఏపీఎస్పీ థ‌ర్డ్ బెటాలియన్ కమాండెంట్ సుమిత్ గరుడ్‌, ట్రైనీ కలెక్టర్ గీతాంజలి శర్మ; జెడ్‌పీ సీఈవో ఎన్‌వీవీ స‌త్య‌నారాయ‌ణ‌; డీఆర్‌డీఏ పీడీ వై.హ‌రిహ‌ర‌నాథ్‌, డీపీవో ఎస్వీ నాగేశ్వర్ నాయక్ , డీఎంహెచ్‌వో డా.కేవీఎస్ గౌరీశ్వరరావు, సాంఘిక సంక్షేమ శాఖ జేడీ జె.రంగలక్మీదేవి, డీడీ ట్రేజరరీ శర్మ, సివిల్ స‌ప్ల‌య్‌స్ జెడ్ ఎం డి.పుష్ప‌మ‌ణి, వివిధ ఉద్యోగ సంఘాల నేత‌లు, ప్ర‌తినిధులు; క‌లెక్ట‌రేట్ ఏవో శ్రీనివాస్‌, కలెక్టర్ కార్యాలయ వివిధ విభాగాల అధికారులు, సిబ్బంది, రెడ్‌క్రాస్ ఛైర్మన్ వైడీ రామారావు; కాకినాడ, పెద్దాపురం, అమలాపురం డివిజినల్ అధికారులు.. ఏజీ చిన్నికృష్ణ, ఎస్.మల్లిబాబు, ఎస్.వ‌సంత‌రాయుడు త‌దిత‌రులు హాజ‌ర‌య్యారు.

ప‌ని ఒత్తిడితో అల‌సిపోయిన‌వారికి, క్రీడ‌ల‌తో నూత‌నోత్సాహం క‌లుగుతుంద‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ అన్నారు. స్థానిక స‌ర్ విజ్జీ క్రీడా మైదానంలో సుమారు రూ.35ల‌క్ష‌ల‌తో ఆధునీక‌రించిన క్రికెట్ స్టేడియంను, ఎంఎల్ఏ కోల‌గ‌ట్ల వీర‌భ‌ద్ర‌స్వామి శ‌నివారం ప్రారంభించారు. ఈ కార్య‌క్ర‌మంలో ముఖ్య అతిధిగా క‌లెక్ట‌ర్ పాల్గొని మొక్క‌లు నాటారు. రెవెన్యూ అధికారుల క్రీడాపోటీల‌ను క‌లెక్ట‌ర్‌, ఎంఎల్ఏలు ప్రారంభించారు.  ఇద్ద‌రూ కొద్దిస‌మ‌యం క్రికెట్ ఆడి ఆక‌ట్టుకున్నారు. ఈ సంద‌ర్భంగా క‌లెక్ట‌ర్ హ‌రి జ‌వ‌హ‌ర్ లాల్‌ మీడియాతో మాట్లాడారు.  కోవిడ్ నియంత్ర‌ణ‌లో గానీ, ఇత‌ర దైనందిన  ప‌నుల‌తో గానీ,  రెవెన్యూ అధికారులు నిత్యం ప‌ని ఒత్తిడితో స‌త‌మ‌తం అవుతున్నార‌ని, వారికి కాస్త ఉల్లాసం క‌ల్గించేందుకు క‌ల్గించేందుకు ఇటువంటి క్రీడాపోటీలు దోహ‌దం చేస్తాయ‌ని అన్నారు. ఇలాంటి కార్య‌క్ర‌మాలు వారికి పున‌రుత్తేజం క‌ల్గిస్తాయ‌న్నారు. విజ్జీ స్టేడియాన్ని అభివృద్ది చేసేందుకు ఎంతో ఆస్కారం ఉంద‌ని, ఆధునిక‌ వ‌స‌తుల‌ను క‌ల్పిస్తే, అంత‌ర్జాతీయ స్థాయి పోటీల‌కు కూడా ఇక్క‌డ నిర్వ‌హించ‌వ్చ‌ని అన్నారు. స్టేడియం అభివృద్దికి చ‌ర్య‌లు తీసుకుంటున్న‌ట్టు చెప్పారు. ప‌ట్ట‌ణ ప‌రిదిలో ప‌చ్చ‌ద‌నం పెంచేందుకు ఎంఎల్ఏ కృషి చేస్తున్నార‌ని క‌లెక్ట‌ర్ అభినందించారు.

              ఎంఎల్ఏ కోల‌గ‌ట్ల వీర‌భ‌ద్ర‌స్వామి మాట్లాడుతూ, నిత్యం బాధ్య‌త‌ల్లో మునిగిఉండే రెవెన్యూ సిబ్బందికి, ఇలాంటి క్రీడాపోటీలు ఒక అట‌విడుపుగా పేర్కొన్నారు. ముఖ్య‌మంత్రి వైఎస్ జ‌గ‌న్ మోహ‌న‌రెడ్డి ఆదేశాల మేర‌కు ప‌ట్ట‌ణంలో జ‌గ‌న‌న్న ప‌చ్చ‌తోర‌ణం కార్య‌క్ర‌మం క్రింద విస్తృతంగా మొక్క‌ల‌ను నాటుతున్నామని అన్నారు. ప‌ట్ట‌ణ ప్ర‌జ‌లు, స్వ‌చ్ఛంద సంస్థ‌ల స‌హ‌కారంతో, రెండేళ్ల క్రితం నుంచే ప‌ట్ట‌ణంలో ల‌క్ష‌లాదిగా మొక్క‌ల‌ను నాటి, హ‌రిత విజయ‌న‌గ‌రంగా మార్చినందుకు జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ ను కొనియాడారు. అభివృద్ది కార్య‌క్ర‌మాల‌తోపాటుగా, క్రీడాభివృద్దికి కూడా అత్య‌ధిక ప్రాధాన్య‌త‌నిస్తున్న‌ట్లు తెలిపారు. రాష్ట్ర క్రికెట్ అసోసియేష‌న్ స‌హ‌కారంతో, విజ్జీ స్టేడియంను అభివృద్ది చేసేందుకు చ‌ర్య‌లు తీసుకుంటున్న‌ట్టు చెప్పారు. విద్య‌ల‌తోపాటుగా, క్రీడ‌ల‌కు కూడా విజ‌య‌న‌గ‌రం జిల్లా ఎంతో ప్ర‌సిద్ది అని, ఆ పేరును నిల‌బెట్టేందుకు త‌మ‌వంతు స‌హ‌కారాన్ని అందిస్తామ‌ని కోల‌గ‌ట్ల పేర్కొన్నారు.

           ఆంధ్రా క్రికెట్ అసోసియేష‌న్ సిఇఓ శివానంద రెడ్డి మాట్లాడుతూ, విజ్జీ స్టేడియంకు ఇప్ప‌టికే గొప్ప గుర్తింపు ఉంద‌ని అన్నారు. ఈ స్టేడియంలో భార‌త‌జ‌ట్టు క్రీడాకారులు వివిఎస్ ల‌క్ష్మ‌ణ్‌, రాబిన్ సింగ్,   జిఆర్ విశ్వ‌నాధ్‌ కూడా క్రికెట్ ఆడిన విష‌యాన్ని గుర్తు చేశారు. మైదానాన్ని మ‌రింత అభివృద్ది చేసేందుకు ఏసిఏ త‌ర‌పున స‌హ‌కారాన్ని అందిస్తామ‌ని హామీ ఇచ్చారు. దీనికోసం ఎంఓయు చేయాల్సి ఉంద‌ని, దానికి చ‌ర్య‌లు తీసుకోవాల‌ని క‌లెక్ట‌ర్‌ను కోరారు. యువ‌త అన్ని విధాలుగా అభివృద్ది చెందాలంటే, క్రీడా సౌక‌ర్యాల‌ను కూడా క‌ల్పించాల్సిన అవ‌స‌రం ఉంద‌ని అన్నారు.  ఈ కార్య‌క్ర‌మాల్లో జాయింట్ క‌లెక్ట‌ర్లు డాక్ట‌ర్ జి.సి.కిశోర్ కుమార్‌, డాక్ట‌ర్ ఆర్‌.మ‌హేష్ కుమార్‌, మ‌యూర్ అశోక్‌, జె.వెంక‌ట‌రావు, డిఆర్ఓ ఎం.గ‌ణ‌ప‌తిరావు, ఆర్‌డిఓ బిహెచ్ భ‌వానీ శంక‌ర్‌, సెట్విజ్ సిఇఓ విజ‌య్‌కుమార్‌, క్రీడాధికారి వెంక‌టేశ్వ‌ర్రావు, ఏసిఏ ట్రెజ‌ర‌ర్ గోపీనాధ‌రెడ్డి, జిల్లా క్రికెట్ అసోసియేష‌న్ కార్య‌ద‌ర్శి ఎంఎల్ఎన్ రాజు, కోశాధికారి రాంబాబు, ప‌లువురు కార్పొరేట‌ర్లు, రెవెన్యూ అసోసియేష‌న్ నాయ‌కులు తాడ్డి గోవింద‌,తాశీల్దార్ ఎం.ప్ర‌భాక‌రార‌వు, ఇత‌ర‌ అధికారులు త‌దిత‌రులు పాల్గొన్నారు. అనంత‌రం జ‌రిగిన  పోటీల్లో క‌లెక్ట‌ర్‌, జాయింట్ క‌లెక్ట‌ర్లు, ఇత‌ర రెవెన్యూ అధికారులు, సిబ్బంది క్రికెట్ ఆడి క్రీడాస్ఫూర్తిని ప్ర‌ద‌ర్శించారు.

తూర్పుగోదావరి జిల్లా కలెక్టర్ గా చేవూరి హరికిరణ్ ను నియమిస్తూ ప్రభుత్వ ప్రధాన కార్యదర్శి ఆదిత్యనాధ్ దాస్ ఉత్తర్వులు జారీచేశారు. ప్రస్తుతం ఇక్కడ పనిచేస్తున్న కలెక్టర్ జె.మురళీధరరెడ్డిని వైద్యశాఖ ఏపీఎంఎస్‌ఐడీసీ ఎండీగా బదిలీ చేసింది. రాష్ట్రంలో మొత్తం 16 మంది ఐఏఎస్ లను బదిలీ చేస్తూ ప్రభుత్వం శుక్రవారం ఉత్తర్వుల జారీచేసింది. అన్ని జిల్లాల్లో రెండేళ్లు పూర్తిచేసుకున్న కలెక్టర్లను ప్రభుత్వం బదిలీలు చేయడం విశేషం. మురళీధరరెడ్డి తూర్పుగోదావరి జిల్లా అభివ్రుద్ధిలోనూ, ప్రభుత్వ పథకాల అమలులోనూ చాలా కీలకంగా వ్యవహరించారు. స్పందన దరఖాస్తుల పరిష్కారంలో విశేషంగా క్రుషిచేసిన అధికారిగా పేరు తెచ్చుకున్నారు.

తూర్పుగోదావ‌రి జిల్లాలో ఎస్‌సీ, ఎస్‌టీ అట్రాసిటీ కేసుల త‌క్ష‌ణ ప‌రిష్కారానికి ప‌టిష్ట ప్ర‌ణాళిక ప్ర‌కారం గ్రామ‌, మండ‌ల‌, జిల్లాస్థాయిలో కృషిచేస్తున్న‌ట్లు క‌లెక్ట‌ర్ డి.ముర‌ళీధ‌ర్‌రెడ్డి వెల్ల‌డించారు. శుక్ర‌వారం క‌లెక్ట‌రేట్‌లోని విధాన గౌత‌మి స‌మావేశ మందిరంలో క‌లెక్ట‌ర్ డి.ముర‌ళీధ‌ర్‌రెడ్డి అధ్య‌క్ష‌త‌న జిల్లాస్థాయి విజిలెన్స్ అండ్ మానిట‌రింగ్ క‌మిటీ (ఎస్‌సీ, ఎస్‌టీ అట్రాసిటీస్‌) స‌మావేశం జ‌రిగింది. ఈ స‌మావేశానికి జాయింట్ క‌లెక్ట‌ర్ (రెవెన్యూ) డా. జి.ల‌క్ష్మీశ‌, జాయింట్ క‌లెక్ట‌ర్ (ఆస‌రా, సంక్షేమం) జి.రాజ‌కుమారి, అద‌న‌పు ఎస్‌పీ క‌ర‌ణం కుమార్‌, ఎంఎల్‌సీ పండుల ర‌వీంద్ర‌బాబు, పి.గ‌న్న‌వ‌రం శాస‌న‌స‌భ్యులు కొండేటి చిట్టిబాబు త‌దిత‌రులు హాజ‌ర‌య్యారు. స‌మావేశంలో మొద‌ట క‌లెక్ట‌ర్ ముర‌ళీధ‌ర్‌రెడ్డి.. జిల్లాకు సంబంధించి ఎస్‌సీ, ఎస్‌టీ అట్రాసిటీ కేసులు, విచార‌ణ పురోగ‌తి, పెండింగ్ కేసుల ప‌రిష్కార ప్ర‌ణాళిక‌, బాధితుల‌కు ప‌రిహారం, బాధిత కుటుంబ స‌భ్యుల‌కు ఉద్యోగాలు త‌దిత‌ర వివ‌రాల‌తో పాటు గ‌తంలో క‌మిటీ చ‌ర్చించిన అంశాల‌పై కార్యాచ‌ర‌ణ నివేదిక‌ను స‌మావేశం ముందుంచారు. అనంత‌రం క‌లెక్ట‌ర్ మాట్లాడుతూ మూడు నెల‌ల‌కోసారి క‌మిటీ స‌మావేశాన్ని నిర్వ‌హిస్తున్నామ‌ని, గ‌త మార్చిలో జ‌రిగిన స‌మావేశానికి గౌర‌వ సాంఘిక సంక్షేమ శాఖ మంత్రి పినిపే విశ్వ‌రూప్ ముఖ్య అతిథిగా హాజ‌ర‌య్యారని, ఆ స‌మావేశంలో చ‌ర్చించిన అంశాల‌పై చ‌ర్య‌లు తీసుకున్న‌ట్లు వెల్ల‌డించారు. కోవిడ్ కార‌ణంగా ఈసారి స‌మావేశం కొంత ఆల‌స్య‌మైంద‌న్నారు. 

ఎస్‌సీ, ఎస్‌టీల‌పై వేధింపుల‌కు సంబంధించిన కేసుల త‌క్ష‌ణ ప‌రిష్కారానికి తీసుకోవాల్సిన చ‌ర్య‌ల‌పై చ‌ర్చించేందుకు ఇది అత్యుత్త‌మ వేదిక అని, అందువ‌ల్ల ఈ క‌మిటీ స‌మావేశాన్ని ప్ర‌భావ‌వంతంగా ఉప‌యోగించుకోవాల్సి ఉంద‌న్నారు. పెండింగ్ కేసుల‌ను వీలైనంత త్వ‌ర‌గా ప‌రిష్క‌రించ‌నున్న‌ట్లు వెల్ల‌డించారు. గౌర‌వ ముఖ్య‌మంత్రి మార్గ‌ద‌ర్శ‌కాల‌కు అనుగుణంగా వ‌చ్చే సోమ‌వారం నుంచి స్పంద‌న కార్య‌క్ర‌మం నిర్వ‌హించ‌నున్నామ‌ని, ఫిర్యాదులు అందించేందుకు ఈ కార్య‌క్ర‌మాన్ని కూడా ఉప‌యోగించుకోవ‌చ్చ‌ని తెలిపారు. బాధితుల‌కు స‌రైన న్యాయం జ‌రిగే విష‌యంలో ప‌క్ష‌పాత ధోర‌ణి లేకుండా సేవలందించాల‌ని పోలీసు అధికారుల‌ను ఆదేశించిన‌ట్లు వెల్ల‌డించారు. కేసుల పురోగ‌తి స‌మాచారాన్ని ఎప్ప‌టిక‌ప్పుడు బాధితుల‌కు తెలియ‌జేయ‌నున్న‌ట్లు తెలిపారు.

జాప్యం లేకుండా ప‌రిహారం:

చ‌ట్టం ప‌రిధిలో బాధితుల‌కు వీలైనంత త్వ‌రగా ప‌రిహారం అందేలా చూస్తున్నామ‌ని, వారికి పూర్తి భ‌రోసా క‌ల్పించే ల‌క్ష్యంతో ప‌నిచేస్తున్న‌ట్లు క‌లెక్ట‌ర్ వెల్ల‌డించారు. బాధిత కుటుంబాల‌కు చెందిన 29 మందికి ఉద్యోగాలు ఇచ్చామ‌ని, మ‌రో కేసుకు సంబంధించి త్వ‌ర‌లో ప‌రిష్క‌రించ‌నున్న‌ట్లు తెలిపారు. 2018 నుంచి 2021, మే 31 వ‌ర‌కు చూస్తే 617 కేసుల‌కు సంబంధించి 405 కేసుల్లో బాధితుల‌కు రూ.3,81,48,750 మేర ప‌రిహారం అందించిన‌ట్లు వెల్ల‌డించారు. డివిజ‌న‌ల్ స్థాయిలోనూ క‌మిటీ స‌మావేశాలు క్ర‌మంత‌ప్ప‌కుండా నిర్వ‌హించ‌నున్నామ‌ని, ఇందుకు సంబంధించి డివిజ‌న‌ల్ ఉన్న‌తాధికారుల‌కు మార్గ‌నిర్దేశ‌నం చేస్తున్న‌ట్లు తెలిపారు. వ‌చ్చే జిల్లాస్థాయి విజిలెన్స్ అండ్ మానిట‌రింగ్ క‌మిటీ (ఎస్‌సీ, ఎస్‌టీ అట్రాసిటీస్‌) స‌మావేశాన్ని సెప్టెంబ‌ర్ 24న నిర్వ‌హించ‌నున్నామ‌ని, క‌మిటీ స‌భ్యులు ద్వారా ఎవ‌రైనా స‌మ‌స్య‌ల‌ను స‌మావేశం దృష్టికి తీసుకురావ‌చ్చ‌ని క‌లెక్ట‌ర్ తెలిపారు. 

కీల‌క అంశాల‌ను లేవ‌నెత్తిన క‌మిటీ స‌భ్యులు

స‌మావేశంలో జిల్లాస్థాయి విజిలెన్స్ అండ్ మానిట‌రింగ్ క‌మిటీ స‌భ్యులు న‌క్కా చిట్టిబాబు, ఎ.రామేశ్వ‌ర‌రావు, పిడుగు రాముడు, కొమ్ము చిన‌బాబు, బీవీవీఎస్ఎస్ మూర్తి, బూర కృష్ణ‌వేణి, జంగా బాబూరావు ప‌లు కీల‌క అంశాల‌ను లేవ‌నెత్త‌గా.. ఉన్న‌తాధికారులు వివ‌ర‌ణ ఇచ్చారు. స‌భ్యులు లేవ‌నెత్తిన ప్ర‌ధాన అంశాల‌ను ప‌రిశీలించి, అవ‌స‌ర‌మైన చ‌ర్య‌లు తీసుకోనున్న‌ట్లు క‌లెక్ట‌ర్ తెలిపారు. కేసుల ప‌రిష్కారం, ప‌రిహారం విష‌యంలో త్వ‌రిత‌త‌గిన నిర్ణ‌యాలు తీసుకోనున్న‌ట్లు వివ‌రించారు. జిల్లాస్థాయిలో అట్రాసిటీ కేసుల‌కు సంబంధించి ఏవైనా స‌మ‌స్య‌లు ఉంటే క‌మిటీ స‌మావేశం దృష్టికి తీసుకురావాల‌ని సూచించారు.

ఎస్‌సీ, ఎస్టీల‌కు సంబంధించి ప్ర‌తి కార్య‌క్ర‌మం పూర్తిస్థాయిలో అమ‌ల‌వుతుంద‌ని, ఈ విష‌యంలో ఎలాంటి అపోహ‌లు అవ‌స‌రం లేద‌ని ఎమ్మెల్సీ పండుల ర‌వీంద్ర‌బాబు స్ప‌ష్టం చేశారు. కోవిడ్ నేప‌థ్యంలో ఆర్థికంగా స‌మ‌స్య‌లు ఏర్ప‌డ్డాయ‌ని, కోవిడ్ బాధితుల‌కు పూర్తిస్థాయి వైద్య సేవ‌లు అందించేందుకు ప్ర‌భుత్వం ప్ర‌ణాళిక ప్ర‌కారం సేవ‌లందించింద‌న్నారు. విధాన‌ప‌ర నిర్ణ‌యాల‌కు సంబంధించి గౌర‌వ ముఖ్య‌మంత్రితో చ‌ర్చించ‌నున్న‌ట్లు పండుల ర‌వీంద్ర‌బాబు వెల్ల‌డించారు.  

క‌మిటీ స‌భ్యులు లేవ‌నెత్తిన వివిధ అంశాల‌ను గౌర‌వ ముఖ్య‌మంత్రి దృష్టికి తీసుకెళ్ల‌నున్న‌ట్లు పి.గ‌న్న‌వ‌రం శాస‌న‌స‌భ్యులు కొండేటి చిట్టిబాబు పేర్కొన్నారు. భార‌త‌ర‌త్న బాబా సాహెబ్ అంబేడ్క‌ర్ ఆశ‌యాల స్ఫూర్తిగా ఎస్‌సీ, ఎస్‌టీల సంక్షేమానికి ప్ర‌భుత్వం కృషిచేస్తున్న‌ట్లు తెలిపారు. ఎస్‌సీ, ఎస్‌టీల భ‌ద్ర‌త‌కు రాష్ట్ర ప్ర‌భుత్వం అత్యధిక ప్రాధాన్య‌మిస్తోంద‌ని, క్షేత్ర‌స్థాయిలో అధికారుల‌తో స‌మ‌న్వ‌యంతో ప‌నిచేస్తూ అట్రాసిటీ కేసుల త‌క్ష‌ణ ప‌రిష్కారానికి, బాధితుల‌కు భ‌రోసా క‌ల్పించేందుకు కృషిచేస్తున్న‌ట్లు వెల్ల‌డించారు.

అన్ని అంశాల‌పైనా నిశిత ప‌రిశీల‌న‌: జేసీ జి.రాజ‌కుమారి

జిల్లాస్థాయి విజిలెన్స్ అండ్ మానిట‌రింగ్ క‌మిటీ (ఎస్‌సీ, ఎస్‌టీ అట్రాసిటీస్‌) స‌మావేశంలో స‌భ్యులు లేవ‌నెత్తిన అన్ని అంశాల‌నూ ప‌రిశీలించి, అవ‌స‌ర‌మైన కార్యాచ‌ర‌ణ రూపొందించ‌నున్న‌ట్లు జేసీ (ఏ అండ్ డ‌బ్ల్యూ) జి.రాజ‌కుమారి తెలిపారు. స‌భ్యులు చాలా విలువైన అంశాల‌ను క‌మిటీ దృష్టికి తీసుకొచ్చార‌న్నారు. బాధితుల‌కు న్యాయం జ‌రిగే విష‌యంలో క్షేత్ర‌స్థాయిలో ఏవైనా స‌మ‌స్య‌లు ఉంటే వెంట‌నే ప‌రిష్క‌రించ‌నున్న‌ట్లు తెలిపారు. మ‌న‌బ‌డి-నాడు నేడు ద్వారా పాఠ‌శాల‌లు, సంక్షేమ హాస్ట‌ళ్ల‌ను ఆధునికీక‌రిస్తున్న‌ట్లు జేసీ వెల్ల‌డించారు. సంక్షేమ ప‌థ‌కాల ఫ‌లాలు ఎస్‌సీ, ఎస్‌టీల‌కు పూర్తిస్థాయిలో అందించేందుకు చ‌ర్య‌లు తీసుకున్న‌ట్లు వివ‌రించారు. స‌మావేశంలో డీఆర్‌వో సీహెచ్ స‌త్తిబాబు, సాంఘిక సంక్షేమ శాఖ జేడీ జె.రంగ‌ల‌క్ష్మీదేవి, జెడ్‌పీ సీఈవో ఎన్‌వీవీ స‌త్య‌నారాయ‌ణ‌, డీపీవో ఎస్‌వీ నాగేశ్వ‌ర్‌నాయ‌క్‌, డీఎంహెచ్‌వో డా. కేవీఎస్ గౌరీశ్వ‌ర‌రావు, హౌసింగ్ పీడీ జి.వీరేశ్వ‌ర‌ప్ర‌సాద్‌, ఎస్‌సీ కార్పొరేష‌న్ ఈడీ సునీత‌, సాంఘిక సంక్షేమం, పోలీస్‌, రెవెన్యూ త‌దిత‌ర శాఖ‌ల అధికారులు పాల్గొన్నారు.

ఎస్‌సి, ఎస్‌టి అట్రాసిటీ కేసుల ప‌రిష్కారంపై దృష్టి సారించాల‌ని, అధికారుల‌ను జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ ఆదేశించారు. ఎస్‌సి, ఎస్‌టి అత్యాచార నిరోద‌క చ‌ట్టం, పౌర హ‌క్కుల ర‌క్ష‌ణ చ‌ట్టం అమ‌లుపై త‌న క్యాంపు కార్యాల‌యంలో శుక్ర‌వారం స‌మీక్షా స‌మావేశాన్ని నిర్వ‌హించారు.   జిల్లాలో న‌మోదైన‌ అట్రాసిటీ కేసులు, వాటి స్థితిని, ప‌వ‌ర్‌పాయింట్ ప్ర‌జెంటేష‌న్ ద్వారా సాంఘిక సంక్షేమ‌శాఖ డిప్యుటీ డైరెక్ట‌ర్ కె.సునీల్ రాజ్‌కుమార్ వివ‌రించారు. జిల్లాలో ప్ర‌స్తుతం సుమారు 163 కేసులు పెండింగ్ లో ఉన్నాయ‌ని చెప్పారు. ఈ ఏడాది 18 కేసులు న‌మోదు కాగా, వాటిలో 4 కేసుల్లో ఛార్జిషీటు దాఖ‌లు చేయ‌డం జ‌రిగింద‌ని, మిగిలిన 14 కేసులకు ఛార్జ్‌షీట్‌ పెండింగ్ ఉంద‌ని ఎఎస్‌పి శ్రీ‌నివాస‌రావు తెలిపారు. అనంత‌రం క‌లెక్ట‌ర్ డాక్ట‌ర్ హ‌రి జ‌వ‌హ‌ర్ లాల్  మాట్లాడుతూ, అత్యాచార చ‌ట్టం క్రింద న‌మోదు చేసిన కేసుల ప‌రిష్కారంపై ప్ర‌త్యేకంగా దృష్టి సారించాల‌ని ఆదేశించారు. బాధితుల‌కు త‌క్ష‌ణ‌మే ప‌రిహారం ఇచ్చేందుకు చ‌ర్య‌లు తీసుకోవాల‌న్నారు.  కేసుల వారీగా స‌మీక్షించి, ఎస్‌సి, ఎస్‌టి కాల‌నీల‌కు రోడ్లు, అంగ‌న్‌వాడీ కేంద్రం ఏర్పాటు, త్రాగునీటి స‌మ‌స్య‌, త‌దిత‌ర  వాటికి సంబంధించిన ఉన్న‌తాధికారుల‌తో త‌క్ష‌ణ‌మే మాట్లాడి, వాటిని ప‌రిష్క‌రించాల‌ని సూచించారు.

                  అట్రాసిటీ కేసులు న‌మోదైన‌, సంఘ‌ట‌న‌లు చోటుచేసుకున్న గ్రామాల్లో శాంతి క‌మిటీల‌ను వేయాల‌ని క‌లెక్ట‌ర్ ఆదేశించారు. ప్ర‌తీనెలా 30వ తేదీ లేదా చివ‌రి రోజున సివిల్ రైట్స్ డే నిర్వ‌హించాల‌ని సూచించారు. ఆ రోజున రెవెన్యూ, పోలీసు అధికారులు ఏదో ఒక గ్రామాన్ని లేదా కాల‌నీని సంద‌ర్శించి, అక్క‌డి ప్ర‌జ‌ల‌కు చ‌ట్టంపై అవ‌గాహ‌న క‌ల్పించాల‌ని సూచించారు. అట్రాసిటీ కేసుల ప‌రిష్కారంపైనా, సివిల్ రైట్స్ డే నిర్వ‌హ‌ణ పైనా ప్ర‌త్యేకంగా దృష్టి పెట్టాల‌ని స‌బ్ క‌లెక్ట‌ర్‌, ఆర్‌డిఓల‌ను కోరారు. పెండింగ్  కేసుల ప‌రిష్కారంపై న్యాయ‌ప‌రంగా చ‌ర్య‌లు తీసుకోవాల‌ని సూచించారు. కేసుల్లో ద‌ర్యాప్తు ప్ర‌క్రియ‌ను వేగ‌వంతం చేయాల‌ని పోలీసు అధికారుల‌ను క‌లెక్ట‌ర్‌ కోరారు.

                 ఈ స‌మావేశంలో జిల్లా ఎస్‌పి దీపికా పాటిల్‌, జాయింట్ క‌లెక్ట‌ర్‌(సంక్షేమం) జె.వెంక‌ట‌రావు, పార్వ‌తీపురం స‌బ్ క‌లెక్ట‌ర్ భావ‌న‌, డిఆర్ఓ ఎం.గ‌ణ‌ప‌తిరావు, ఆర్‌డిఓ బిహెచ్ భ‌వానీ శంక‌ర్‌, సోష‌ల్ వెల్ఫేర్ డిడి కె.సునీల్‌రాజ్‌కుమార్‌, ఐసిడిఎస్ పిడి ఎం.రాజేశ్వ‌రి, పిఆర్ ఇఇ విజ‌య్‌కుమార్‌, డిఎస్‌పి అనిల్‌కుమార్‌, ఇత‌ర శాఖ‌ల అధికారులు పాల్గొన్నారు.

కోవిడ్ పాజిటివ్  అధిక నమోదు ప్రస్తుతం తగ్గుముఖం పట్టినప్పటికీ ప్రతి ఒక్కరూ కోవిడ్ నియమ నిబంధనలు తప్పనిసరిగా పాటించాలని కలెక్టర్ డి. మురళీధర్ రెడ్డి అన్నారు. శుక్రవారం  కలెక్టర్, జాయింట్ కలెక్టర్ కీర్తి చేకూరి తో కలిసి కాకినాడ ప్రభుత్వ సామాన్య ఆసుపత్రి లోని పిల్లల ప్రసూతి కేంద్రం తో పాటు  నవజాత శిశు చికిత్సా కేంద్రాలను డాక్టర్ల్ తో కలిసి సందర్శించారు. ఈ సందర్భంగా కలెక్టర్ మీడియాతో మాట్లాడుతూ కోవిడ్ పాజిటివిటీ తగ్గుముఖం పట్టిందని , అలాగని  అజాగ్రత్తతో ఉండకూడదన్నారు. ముఖ్యమంత్రి వైయస్  జగన్మోహన్ రెడ్డి థర్డ్ వేవ్ పట్ల అప్రమత్తం చేస్తున్న దృష్ట్యా  ప్రభుత్వ ఆసుపత్రిలో చేపడుతున్న పనులను పర్యవేక్షిస్తున్నట్టు చెప్పారు. థర్డ్ వేవ్ ను ఎదుర్కోడానికి అవసరమైన  అన్ని చర్యలు తీసుకుంటున్నామని  ఆగస్టు ఒకటో తేదీ నాటికి జిజిహెచ్ లో జరుగుతున్న పనులు   పూర్తి అవుతాయన్నారు.  థర్డ్ వేవ్ దృష్టిలో పెట్టుకొని కాకినాడ  సామాన్య ఆసుపత్రిలో రెండు వందల పఅడకల ను సిద్ధం చేస్తున్నామన్నారు. కాకినాడ జిజిహెచ్ కు జిల్లా తో  పాటు ఇతర జిల్లాల నుండి రోగులు వస్తుంటారని  వాటికి తగిన విధంగా ఏర్పాట్లు జరుగుతున్నాయన్నారు.  మొదటి ,రెండోవ  దశల కోవేట్ ను  ఎదుర్కో గలిగామని థర్డ్ వేవ్ కావలసిన  అన్ని ఏర్పాట్లు జరుగుతున్నాయని కలెక్టర్ తెలిపారు.   

 వరదలు భారీ వర్షాలు తో పోలవరం వద్ద  గోదావరి నీటిమట్టం పెరుగుతున్న దృశ్య ధవళేశ్వరం వద్ద శనివారం సాయంత్రం, ఆదివారం ఉదయం నాటికి నీటి మట్టం పెరిగే అవకాశాలు ఉన్నాయన్నారు.  వీటిని దృష్టిలో పెట్టుకుని  జిల్లా కలెక్టర్ కార్యాలయం తో పాటు రెవిన్యూ డివిజనల్ కేంద్రాలు, మండల కేంద్రాలలో కంట్రోల్ రూమ్లు ఏర్పాటు చేసి ఎప్పటికీ అప్పుడు పరిస్థితులను గమనిస్తున్నామన్నారు. అవసరమైన సహాయక చర్యలు తగిన విధముగా ఏర్పాటు చేయడం జరిగిందన్నారు.  ముఖ్యంగా ముంపుకు  గురవుతున్న ఏజెన్సీ ప్రాంతంలో బిసి సంక్షేమ శాఖ మాత్యులు  చెల్లి బోయిన వేణు గోపాల కృష్ణ వారితో శనివారం నాడు పర్యటించనున్నట్లు కలెక్టర్  వెల్లడించారు.  ప్రస్తుతం  జిల్లాలో ప్రాణ, ఆస్తి  నష్టము జరగ లేదని అన్ని ముందస్తు జాగ్రత్తలు తీసుకోవడం జరుగుతుందని కలెక్టర్ వివరించారు. తొలుతగా కలెక్టర్ జిజిహెచ్ లో హాస్పిటల్ సూపర్నెంట్ ఆర్ మహాలక్ష్మి,  డాక్టర్ల బృందాలతో కలిసి డిపార్ట్మెంట్ ఆఫ్ పీడియాట్రిక్ ,శిశుసంజీవని, నవజాత శిశువు చికిత్స కేంద్రం, నర్సింగ్ స్టేషన్,  ఐ సి యు ,స్పెషల్ కేర్ జోన్ , నియోనేటల్ ఇన్సెంటివ్ కేర్ యూనిట్ల ప్రస్తుతం అక్కడ జరుగుతున్న పనులను కలెక్టర్ బృందం పరిశీలించి పనులు త్వరితగతిన సంబంధిత కాంట్రాక్టర్లకు కలెక్టర్ పలు సూచనలు చేశారు. 

రాష్ట్ర వ్యాప్తంగా భారీగా కురుస్తున్న వర్షాలకు పులిచింతల, ప్రకాశం బ్యారేజ్ నుంచి  వర్షపు నీటిని దిగువకు  విడుదల చేస్తున్న నేపధ్యంలో అధికారులంతా అప్రమత్తమంగా ఉండి సహాయక చర్యలు చేపట్టాలని జిల్లా కలెక్టర్ వివేక్ యాదవ్ పేర్కొన్నారు. శుక్రవారం కలెక్టరేట్ లోని వీడియో కాన్ఫరెన్స్ హాల్ నుంచి జిల్లాలోని గుంటూరు, నరసరావుపేట, తెనాలి, గురజాల డివిజన్ల రెవెన్యూ అధికారులు, తహాశీల్ధార్ల తో జిల్లా కలెక్టర్ వివేక్ యాదవ్, సంయుక్త కలెక్టర్( రైతు భరోసా-రెవెన్యూ) ఏ.ఎస్. దినేష్ కుమార్, సంయుక్త కలెక్టర్(సచివాలయాలు-అభివృద్ధి) పి.ప్రశాంతి, సంయుక్త కలెక్టర్( ఆసరా-సంక్షేమం) శ్రీధర్ రెడ్డి, జిల్లా రెవెన్యూ అధికారి కొండయ్యలతో కలిసి అకాల వర్షాలకు తీసుకోవాల్సిన జాగ్రత్తలు, ప్రభుత్వ సంక్షేమ పధకాల అమలుపై సమీక్షా సమావేశం నిర్వహించారు. జిల్లా కలెక్టర్ వివేక్ యాదవ్ మాట్లడుతూ జిల్లాలో అల్పపీడన ప్రభావంతో కురుస్తున్న వర్షాలకు ప్రజలు ఎవ్వరూ ఇబ్బందులు పడకుండా అధికారులు ముందస్తు జాగ్రత్తలు తీసుకోవాలని ఆదేశించారు. ప్రభుత్వం అమలు చేస్తున్న సంక్షేమ,అభివృద్ధి పధకాలు అమలులో ఎక్కడా జాప్యం జరగకుండా అధికారులు నిరంతర పర్యవేక్షణతో పని చేయాలన్నారు. ప్రధానంగా భూసేకరణ ద్వారా పేదలకు ఇళ్ళ స్థలాలు, భూముల రీసర్వే, కౌలు రైతు కార్డులు, రైసు కార్డులు, రైల్వేలైన్ల డబ్లింగ్ పనులకు భూసేకరణ, జగనన్న కాలనీల అభివృద్ధి, చిలకలూరిపేట బైపాస్ రహదారి నిర్మాణానికి భూములు సేకరణ, రైతు భరోసా కేంద్రాలు, డిజిటల్ లైబ్రరీలకు స్థలాలు, కోవిడ్ నివారణ చర్యలు, ప్రభుత్వ భవనాల నిర్మాణం, జమాబంది, త్వరితగతిన పేదప్రజల సమస్యల పరిష్కారం, సచివాలయాల్లో సిబ్బంది విధులు, వాలంటీర్ల వ్యవస్థల పనితీరుపై సమీక్ష నిర్వహించారు. రెవెన్యూ అధికారులు సకాలంలో కోర్టు కేసుల పరిష్కారంలో చొరవ చూపాలన్నారు. మీసేవ కేంద్రాల్లో ప్రజలు,రైతుల నుంచి వస్తున్న సమస్యలను త్వరిత గతిన విచారించి తాత్సారం చేయకుండా పరిష్కరించాలని జిల్లా కలెక్టర్ ఆదేశించారు. 

  సంయుక్త కలెక్టర్( రైతు భరోసా-రెవెన్యూ) ఏ.ఎస్. దినేష్ కుమార్ మాట్లాడుతూ ప్రభుత్వం అమలు చేస్తున్న అభివృద్ధి, సంక్షేమ పధకాలను లబ్ధిదారులకు అందేలా  రెవెన్యూ అధికారులు వేగం పెంచాలని అన్నారు. రెవెన్యూ అధికారులు ప్రభుత్వ పధకాలపై నిరంతర పర్యవేక్షణ చేపట్టం వలన మండల అధికారులు, సిబ్బందిలో జవాబు దారితనం పెరుగుతుందన్నారు. తరచూ సంక్షేమ పధకాల అమలులో వెనుకబడుతున్న మండలాలను రెవెన్యూ అధికారులు గుర్తించి, మండల అధికారులు, రెవెన్యూ సిబ్బందికి ఆధునిక సాంకేతిక వ్యవస్థ విధానంపై తగిన శిక్షణఇప్పించి  పనుల వేగం పెరిగేలా చూడాలన్నారు. జిల్లాలో రెవెన్యూ సమస్యలు అధికంగా వస్తున్న మండలాలను గుర్తించి సత్వర పరిష్కారం చూపడానికి గల అవకాశాలను అధికారులు అందిపుచ్చుకోవాలన్నారు. ముఖ్యమంత్రి వైయస్ జగన్ మోహన్ రెడ్డి సంక్షేమ, అభివృద్ధి పధకాల అమలుపై ప్రత్యేక శ్రద్ధ తీసుకొని పని చేస్తున్నారని, అందుకు అనుగుణంగా మనం కూడా ప్రజా సమస్యల  సత్వర పరిష్కారంలో వేగం పెంచాలని ఆదేశించారు. దీంతో పాటు సంక్షేమ పధకాల అమలుపై ప్రత్యేక దృష్టి సారించి అర్హులైన ప్రతీ ఒక్కరికీ అందేలా చర్యలు తీసుకోవాలని సూచించారు. ఈకార్యక్రమంలో గుంటూరు డివిజన్ ఆర్.డి.ఒ భాస్కరరెడ్డి, కలెక్టరేట్ కార్యాలయ అధికారులు, సిబ్బంది తదితరులు పాల్గొన్నారు.

నిరుపేదలకు బలవర్ధకమైన పౌష్టికాహారం అందించే లక్ష్యంతోనే కేంద్ర ప్రభుత్వం రాష్ట్రీయ ఆహార భద్రత చట్టం (ఎన్ఎఫ్ఎస్ఏ) 2013 ను అమలు చేస్తుందని  పర్యవేక్షణ కమిటీ నోడల్ అధికారి డా. ఉపేంద్ర సింగ్ పేర్కొన్నారు. శుక్రవారం కలెక్టరేట్లోని డీఆర్సీ హాలులో నోడల్ అధికారి జిల్లా సంయుక్త కలెక్టర్ (రైతుభరోసా,రెవెన్యూ) ఎఎస్ దినేష్ కుమార్, సంయుక్త కలెక్టర్ (ఆసరా, సంక్షేమం) కే శ్రీధర్ రెడ్డితో కలిసి జిల్లా విజిలెన్స్ మానిటరింగ్ కమిటీ సభ్యులతో ప్రత్యేక సమావేశం నిర్వహించారు. ఈ సంధర్భంగా ఆయన మాట్లాడుతూ నిరుపేదలకు  ఆహార భద్రత చట్టం ద్వారా ఉచితంగా ప్రతి నెల అందించే 5 కేజీల బియ్యం వారికి ఎంతో విలువైనదన్నారు. ఉచిత బియ్యం నిరుపేదలకు సక్రమంగా అందకపోతే దేశంలో కార్మికుల శ్రమశక్తి పైన తీవ్ర ప్రభావం పడుతుందన్నారు. ఎన్ఎఫ్ఎస్ఏ 2013 పటిష్టంగా అమలుకు జిల్లా విజిలెన్స్ మానిటరింగ్ కమీటీల పాత్ర ఎంతో కీలకం అన్నారు. ఆహార భద్రత చట్టం అమలులో వచ్చే సమస్యలను విజిలెన్స్ మానిటరింగ్ కమీటీల ద్వారానే పరిష్కారం సాధ్యమవుతుందన్నారు.  దేశ వ్యాప్తంగా వివిధ రాష్ట్రాల ఎన్ఎఫ్ఎస్ఏ 2013 అమలు తీరును పరిశీలన చేసి ఫీడ్ బ్యాక్ అందించేందుకు కేంద్ర ప్రభుత్వం జయపూర్లోని కమ్యూనికేషన్ మరియు స్టడీస్ డెవలప్మెంట్ సెంటరుకు బాధ్యతలు అప్పగించిందన్నారు. దీనిలో భాగంగా కేంద్ర ప్రభుత్వం నియమించిన పర్యవేక్షణ బృందం గుంటూరు జిల్లాలో శుక్రవారం, శనివారం, ఆదివారం  ఎన్ఎఫ్ఎస్ఏ 2013 అమలును క్షేత్రస్థాయిలో రేషన్ షాపుల వద్ద పరిశీలిస్తుందని, రేషన్ కార్డు లబ్ధిదారులతో మాట్లాడి ఫీడ్ బ్యాక్ తీసుకుంటుందన్నారు. జిల్లా విజిలెన్స్ మానిటరింగ్ కమిటీ సభ్యులు ఇచ్చిన ఫీడ్ బ్యాక్ ప్రకారం జిల్లాలో ఆహర భద్రత చట్టం అమలు సంతృప్తికరంగా ఉందని, క్షేత్ర స్థాయిలో పర్యటించి మరోసారి ఫీడ్ బ్యాక్ అందిస్తామన్నారు.

సంయుక్త కలెక్టర్ (రైతుభరోసా, రెవెన్యూ) ఏఎస్ దినేష్ కుమార్ జిల్లాలో ఎన్ఎఫ్ఎస్ఏ 2013 అమలు గురించి పర్యవేక్షణ కమిటీ నోడల్ అధికారికి వివరిస్తూ  రాష్ట్రీయ ఆహార భద్రత చట్టం 2013 ప్రకారం జనాభాలో 75 శాతం మందికి మాత్రమే ఉచితంగా బియ్యం పంపిణీ చేయ్యాలని నిబంధన ఉన్న రాష్ట్రంలో మాత్రం అర్హతే ప్రమాణికంగా 90 శాతం మందికి పైగా బియ్యం కార్డులు అందించి  బియ్యం పంపిణీ చేస్తున్నామన్నారు. జిల్లాలో 14,92,004 బియ్యం కార్డులు ఉన్నాయని, వీటిలో 8,54,265 ఎన్ఎఫ్ఎస్ఏ  బియ్యం కార్డులు ఉన్నాయన్నారు. ఈ పాస్ డివైజ్ ద్వారా 2803 రేషన్ దుకాణాల ద్వారా ప్రతి నెల బియ్యం పంపిణీ జరుగుతుందన్నారు. దేశంలో ఎక్కడా లేని విధంగా రేషన్ బియ్యంను 901 ఎండీయుల ద్వారా లబ్ధిదారుల ఇంటిముంగిటకే పంపిణీ చేస్తున్నామన్నారు. సచివాలయ, వాలంటీర్ల వ్యవస్థ ద్వారా గ్రామ స్థాయిలో అర్హత ఉన్న ప్రతి ఒక్కరికి బియ్యం కార్డులు అందించటం జరుగుతుందన్నారు. ప్రతి 50 ఇళ్ళకు ఒక వాలంటీరును నియమించి ప్రభుత్వ సంక్షేమ పథకాలను అర్హతే ప్రమాణికంగా లబ్ధిదారుల ఇంటి వద్దకే అందించటం జరుగుతుందన్నారు. సంక్షేమ పథకాల లబ్ధిని సైతం నేరుగా లబ్ధిదారుల బ్యాంకు ఖాతాలకు జమ చేయటం జరుగుతుందన్నారు. మహిళా సాధికారికతలో భాగంగా సంక్షేమ పథకాల లభ్ధిని మహిళలకే అందించటంతో పాటు పేదలందరికీ ఇళ్ళ పథకం ద్వారా జిల్లాలో దాదాపు 3 లక్షల ఇంటి పట్టాలను మహిళల పేరుతోనే ఇవ్వటం జరిగిందన్నారు. ఇంటి స్థలాలలో మొదటి విడతలో 1,20,000 గృహాల నిర్మాణాలు ప్రారంభించామన్నారు.

  సమావేశంలో జిల్లా విజిలెన్స్ మానిటరింగ్ కమిటీ మెంబర్ కన్వీనర్ జిల్లా పౌర  సరఫరాల అధికారిణి  పద్మశ్రీ,  సభ్యులు సివిల్ సప్లయిస్ జిల్లా మేనేజరు జయంతి, సోషల్ వేల్ఫేర్ డీడీ మధుసూదనరావు, తూనికలు కొలతల శాఖ జిల్లా కంట్రోలర్ సలీం రాజు, అసిస్టెంట్ ఫుడ్ కంట్రోలర్ గౌస్ మొహీద్దీన్, జిల్లా గిరిజన సంక్షేమ శాఖ అధికారిణి దుర్గాబాయి, జిల్లా మహిళా శిశు అభివృద్ధి శాఖ ప్రాజెక్టు డైరక్టర్ మనోరంజని, జిల్లా విద్యాశాఖ అధికారిణి గంగా భవానీ, జిల్లా వినియోగదారుల సమాచార విభాగం ఇన్చార్జి చదలవాడ హరిబాబు, చాంబర్ ఆఫ్  కామర్స్ అధ్యక్షులు ఆతుకూరి ఆంజనేయులు, రేషన్ దుకాణాల అసోసియేషన్ జిల్లా  ఉపాధ్యక్షులు వైఏబీ ప్రసాదు, సివిల్ సప్లయిస్ అధికారులు పాల్గొన్నారు.

తిరుమ‌ల‌లో ఖాళీగా ఉన్న ప్ర‌దేశాల్లో ప‌చ్చ‌ద‌నం పెంచి భ‌క్తుల‌కు ఆహ్లాద‌క‌రంగా ఉండేలా తీర్చిదిద్దేలా ఏర్పాట్లు చేస్తున్నట్టు ఈఓ  డాక్ట‌ర్ కెఎస్‌.జ‌వ‌హ‌ర్‌రెడ్డి వివరించారు. శుక్ర‌వారం తిరుమ‌ల‌లోని ప‌లు ప్రాంతాల్లో త‌నిఖీలు నిర్వ‌హించారు. గ‌తంలో త‌నిఖీల సంద‌ర్భంగా సూచించిన ప‌లు ప‌నుల ప్ర‌గ‌తిని ప‌రిశీలించారు. అనంత‌రం ఈవో మీడియాతో మాట్లాడుతూ  ద‌క్షిణ మాడ వీధిలో ప‌చ్చ‌ద‌నం పెంచేలా, అవ‌స‌ర‌మైన ఇత‌ర ప్రాంతాలు, కాటేజీల మ‌ధ్య‌భాగంలో ఉద్యాన‌వ‌నాలు పెంచేలా చ‌ర్య‌లు చేప‌ట్టామ‌ని తెలిపారు. భ‌క్తులు న‌డిచే ఫుట్‌పాత్‌ల‌లో విరిగిన టైల్స్ స్థానంలో కొత్త‌వి ఏర్పాటు, భ‌క్తులు కూర్చునేందుకు బెంచీలు ఏర్పాటుకు ఆదేశించామ‌న్నారు. శ్రీ‌వారికి అవ‌స‌ర‌మ‌య్యే పుష్పాలను తిరుమ‌ల‌లోనే పండించేందుకు కార్యాచ‌ర‌ణ రూపొందించామని, ఇందుకోసం ప‌లువురు దాత‌లు కూడా ముందుకొస్తున్నార‌ని చెప్పారు. శ్రీ‌వారికి నైవేద్యానికి, దీపారాధ‌న కోసం దేశీయ ఆవునెయ్యిని ఇక్క‌డే త‌యారుచేసేందుకు ప్ర‌య‌త్నిస్తున్నామ‌ని తెలిపారు. టిటిడి ఆల‌యాల్లో వినియోగించిన పుష్పాల‌ను మ‌రుస‌టి సేక‌రించి తిరుప‌తిలోని గోశాల‌లో అగ‌ర‌బ‌త్తీలు త‌యారుచేసేందుకు చ‌ర్య‌లు చేప‌ట్టామ‌ని, ఆగ‌స్టు 15 నాటికి కొన్ని ఉత్ప‌త్తుల‌ను విడుద‌ల చేస్తామ‌ని చెప్పారు. ఈ అగ‌ర‌బ‌త్తీలను తిరుమ‌ల‌లో కౌంట‌ర్లు ఏర్పాటుచేసి భ‌క్తుల‌కు విక్ర‌యిస్తామ‌ని, ఇందులో వ‌చ్చే లాభాన్ని గోసంర‌క్ష‌ణ‌కు వినియోగిస్తామ‌ని వివ‌రించారు.

           అంత‌కుముందు బూందీ పోటులో శ‌న‌గ‌పిండి మిక్సింగ్‌, బూందీ త‌యారీ, థ‌ర్మోఫ్లూయిడ్ స్టౌలను ఈవో ప‌రిశీలించారు. అదేవిధంగా జిఎన్‌సి టోల్‌గేట్‌, సైనిక్ నివాస్, ల‌డ్డూ కౌంట‌ర్లు, గోశాల, నిర్మాణంలో ఉన్న ప‌ర‌కామ‌ణి భ‌వ‌నాన్ని ప‌రిశీలించారు. నారాయ‌ణ‌గిరి ఉద్యాన‌వ‌నాల్లో వ్య‌ర్థాల‌ను తొల‌గించాల‌ని అధికారుల‌కు సూచించారు. శ్రీ‌వారిమెట్టు మార్గంలో ప‌ల్ల‌పు ప్రాంతాల్లో ఉద్యాన‌వ‌నాలు పెంచాల‌న్నారు. ఏఎన్‌సి ప్రాంతంలో వ‌ర్ష‌పునీరు నేరుగా ఉద్యాన‌వ‌నాల్లోని చెట్ల‌కు చేరేలా ఏర్పాటు చేయాల‌న్నారు. ఈవో వెంట టిటిడి అద‌న‌పు ఈవో ఎవి.ధ‌ర్మారెడ్డి, సివిఎస్వో  గోపినాథ్ జెట్టి, చీఫ్ ఇంజినీర్  నాగేశ్వ‌ర‌రావు, గోశాల డైరెక్ట‌ర్ డాక్ట‌ర్ హ‌ర‌నాథ‌రెడ్డి, గార్డెన్ డెప్యూటీ డైరెక్ట‌ర్ శ్రీ‌నివాసులు, డిఎఫ్‌వో చంద్ర‌శేఖ‌ర్‌, రిసెప్ష‌న్‌ డెప్యూటీ ఈవోలు  లోక‌నాథం, భాస్క‌ర్‌, ఆరోగ్య శాఖాధికారి డాక్ట‌ర్ సునీల్ త‌దిత‌రులు ఉన్నారు.