మహావిశాఖ నగరపాలక సంస్థ పరిధిలోని చెత్త తరలించే వాహనాలు సమయపాలన పాటించాలని జివిఎంసి అదనపు కమిషనర్ డా. వి. సన్యాసిరావు శానిటేషన్ అధికారులను ఆదేశించారు. సోమవారం 3వ జోన్ 23వ వార్డు పరిధిలోని మద్దిలపాలెం పరిసర ప్రాంతాలలో జోనల్ కమిషనర్ కె. శివ ప్రసాద్ తో కలసి పర్యటించారు. ఈ సందర్భంగా ఆయన మాట్లాడుతూ చెత్త తరలించే వాహనాలు నిర్దేశించిన సమయానికి వచ్చి చెత్తను తరలించాలని, డంపర్ బిన్ల చుట్టూ చెత్త వేయకుండా స్థానికలకు అవగాహన కల్పించాలని, డోర్ టు డోర్ చెత్త ప్రతీ రోజూ సేకరించాలని, తడి-పొడి మరియు ప్రమాదకరమైన చెత్తగా ప్రజలే విభజించి ఇచ్చేలా వారికి అవగాహన కల్పించాలని, కాలువలు, రోడ్డ్లను శుభ్రపరచాలని, బహిరంగ ప్రదేశాలలో చెత్త వేయకుండా చూడాలని శానిటరీ ఇన్స్పెక్టర్ ను ఆదేశించారు. అనంతరం సీజనల్ వ్యాదులైన మలేరియా, డెంగ్యూ వ్యాధులు ప్రబలకుండా తీసుకొనే చర్యలపై మహిళా సంఘాలకు అవగాహన కార్యక్రమం నిర్వహించారు. వర్షాకాలంలో పూల కుండీలు, ఇంటిలో వాడే నీటి కుండీలు, కొబ్బరి బొండాలు, ఫ్రిడ్జ్ వెనుక భాగంలో నీటినిల్వలు ఉండకుండా చూడాలని, ఇంటిలో  వాడే నీటిపై మూతలు అమర్చాలని, వారంలో ఒక్క రోజు “డ్రై” డే పాటించాలని, ఈ కార్యక్రమం ద్వారా అవగాహన కల్పించారు. ఈ పర్యటనలో మూడవ జోనల్ కమిషనర్ కె. శివ ప్రసాద్, ఎఎంఒహెచ్ రమణ మూర్తి, శానిటరీ ఇన్స్పెక్టర్ శ్రీనివాస్, మలేరియా సిబ్బంది తదితరులు పాల్గొన్నారు. 

ఉపాధి హామీ పథకం క్రింద చేపడుతున్న వివిధ పనులను పూర్తి చేసి లక్ష్యాలు సాధించాల్సిందేనని జిల్లా కలెక్టర్ శ్రీకేష్ లాఠకర్ స్పష్టం చేశారు. టెక్కలి డివిజన్ లో ఉపాధి హామీ పథకం క్రింద చేపడుతున్న వివిధ పనులను గూర్చి కలెక్టరు కార్యాలయంలో సోమవారం జిల్లా కలెక్టర్ సమీక్షించారు. దేశంలోనే అత్యధిక వేజ్ కాంపొనేంట్ జనరెట్ చేసిన జిల్లా అన్నారు. మెటీరియల్ కాంపోనెంటు నిధులు వినియోగంలో వెనుకబడి ఉన్నామని గ్రహించాలని ఆయన చెప్పారు. పనులు సకాలంలో పూర్తి చేయడం పట్ల శ్రద్ద వహించాలని ఆయన ఆదేశించారు. రూ.60 కోట్లతో పనులు మంజూరు చేశామన్నారు. ఇంజనీర్లు వృత్తి నిపుణతతో పనిచేయాలన్నారు. ఉపాధి హామీ వెబ్ సైట్ లో చూపిస్తున్న ప్రగతిని పరిశీలించే స్థాయిలో ఇంజనీర్లు ఉండాలని అందుకు అనుగుణంగా పనుల వేగం పెంచాలని ఆయన ఆదేశించారు. సమస్యలు అన్ని చోట్ల అన్ని జిల్లాల్లో ఉంటాయని వాటిని అధిగమించి లక్ష్యాలు సాధించాలని ఆయన స్పష్టం చేశారు. కంచిలి పంచాయతీ రాజ్ డిఇ ఆధ్వర్యంలో 238 పనులు మంజూరు కాగా 220 పనులు ప్రారంభం కాగా 20 శాతం పనులు పూర్తి అయ్యాయని అన్నారు. తక్కువ పనులు జరగడం పట్ల కలెక్టర్ ప్రశ్నించారు. ఎక్కువ పనులు ఒకే గుత్తేదారుకు అప్పగించడం వలన పనులు సకాలంలో పూర్తి అయ్యే అవకాశాలు ఉండవని ఆయన అన్నారు. పనులు జాప్యం చేస్తున్న గుత్తేదారులను మార్చాలని ఆయన సూచించారు. కంచిలి డిఇ, ఏఇ పరిధిలో ఉన్న పనులు తీవ్ర జాప్యం జరుగతోందని, ప్రగతి అతి తక్కువగా ఉందని ఆయన తెలిపారు. టెక్కలి డివిజన్ లో పనుల ప్రగతి తక్కువగా ఉందని ఆయన అన్నారు. వారం రోజుల్లో ప్రగతి కనిపించాలని ఆయన పేర్కొన్నారు. నందిగాం మండలంలో నాలుగు గ్రామాల్లో ఒక్క రూపాయి కూడా ఖర్చు కాకపోవడాన్ని ప్రశ్నించారు. పూర్తి అయిన పనులకు వెంటనే బిల్లులు పెట్టాలని ఆయన ఆదేశించారు. సోంపేట మండలంలో 24 గ్రామ సచివాలయాన్ని 22 పనులు ప్రారంభం అయ్యాయని డిఇ తెలియజేయగా మిగిలిన పనులను ఎన్ని రోజులలో పూర్తి చేయగలరని ప్రశ్నించారు. ప్రస్తుత వేగంతో పనులు జరిగితే భవనాల నిర్మాణం నిర్దేశిత గడువులోగా పూర్తి చేయడం సాధ్యం కాదని ఆయన చెప్పారు. పనుల ప్రగతి పరిగెట్టాలని ఆయన సూచించారు. ఉపాధి హామీ మెటీరియల్ కాంపొనెంట్ నిధులు ఉపయోగించుకుని ఎక్కువ పనులు చేపట్టాలని ఆయన అన్నారు. ఒక్క పైసా కూడా వృథాకారాదని ఆయన ఆదేశించారు. ప్రస్తుతం మొక్కలు నాటేందుకు అనువైన సమయమని రహదారికి ఇరువైపులా మొక్కలు నాటేందుకు చర్యలు చేపట్టామన్నారు ఆయన పేర్కొన్నారు. ఈ సమావేశంలో ఆసరా జాయింట్ కలెక్టర్ ఆర్. శ్రీరాములు నాయుడు, జిల్లా నీటి యాజమాన్య సంస్థ ప్రాజెక్ట్ డైరెక్టర్ హెచ్. కూర్మా రావు, జిల్లా పరిషత్ సిఇఓ బి. లక్ష్మీపతి, పంచాయతీ రాజ్ ఎస్ఇ కె. బ్రహ్మయ్య, టెక్కలి పీఆర్ ఇఇ, మండల పరిషత్ అభివృద్ధి అధికారులు పాల్గొన్నారు. 

విజ‌య‌న‌గరం జిల్లా స‌మాచార‌, పౌర సంబంధాల‌శాఖ‌ స‌హాయ సంచాల‌కులుగా పదోన్న‌తి పొందిన డిపిఆర్ఓ డి.ర‌మేష్‌ను. జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ అభినందించారు. ఆయ‌నను సోమ‌వారం క‌లెక్ట‌రేట్ ఆడిటోరియంలో దుశ్శాలువ‌తో స‌త్క‌రించి, పుష్ప‌గుచ్ఛం అంద‌జేశారు. జాయింట్ క‌లెక్ట‌ర్ డాక్ట‌ర్ జి.సి.కిశోర్ కుమార్ కూడా, ర‌మేష్‌కు పుష్ప‌గుచ్ఛాన్ని అంద‌జేసి అభినంద‌న‌లు తెలిపారు. క‌లెక్ట‌ర్‌, జెసిల‌కు ర‌మేష్ కృత‌జ్ఞ‌త‌లు తెలిపారు.  ప‌దోన్న‌తి పొందిన డిపిఆర్ఓ ర‌మేష్‌ను స‌మాచార‌, పౌర సంబంధాల‌శాఖ సిబ్బంది అభినందించారు. ఆయ‌న‌ను కార్యాయంలో దుశ్శాలువ‌తో స‌త్క‌రించి, పుష్ప గుచ్ఛాన్ని అంద‌జేశారు. వివిధ శాఖ‌ల అధికారులు, ప‌లు ప‌త్రిక‌లు, ఛాన‌ళ్ల ప్ర‌తినిధులు ర‌మేష్‌కు అభినంద‌న‌లు తెలిపారు. జిల్లా గ్రంథాల‌య సంస్థ మాజీ ఛైర్మ‌న్ రొంగ‌లి పోత‌న్న ప్ర‌త్యేకంగా స‌మాచార‌శాఖ కార్యాల‌యానికి వ‌చ్చి, ర‌మేష్‌ను అభినందించారు.

శ్రీకాకుళం జిల్లా రాజాంకు చెందిన వెంకట రమేష్, లక్ష్మీ ప్రియాంక దంపతులు శ్రీశ్రీశ్రీ వరాహలక్ష్మీనృసింహస్వామివారికి అరకేజీ చందనం సమర్పించారు. ఈ మేరకు శనివారం ఆలయ ఏఈఓ రాఘవ కుమార్ కు రూ.10,116 చెల్లించారు. చందన స్వామికి చందనం సమర్పించడం తమ పూర్వజన్మసుకృతమని వెంకటరమేష్ తెలిపారు. ఆయనకుఒక చందనం చెక్కను దేవస్థానం అధికారులు ప్రసాదంగా  ఇచ్చారు. ఈ సందర్భంగా ఏఈఓ మాట్లాడుతూ, స్వామివారికి చందనాన్ని ఎవరైనా, ఎప్పుడైనా సమర్పించవచ్చని,   డైరెక్టుగా ఆలయానికి వస్తే సమర్పిస్తే వెంటనే స్వామివారికి అత్యంత ప్రీతిపాత్రమైన చందనం చెక్కను  ప్రసాదంగా  ఇస్తామన్నారు.

గుంటూరు జిల్లాలో అత్యాధునిక వైద్య సేవలు అందించే హెల్త్ హబ్స్, సూపర్ స్పెషాలిటీ  ఆసుపత్రుల నిర్మాణాలకు అనువైన ప్రభుత్వ, ప్రైవేట్ స్థలాలను గుర్తించాలని రాష్ట్ర వైద్య ఆరోగ్య శాఖ ముఖ్య కార్యదర్శి అనిల్ కుమార్ సింఘాల్ అధికారులను కోరారు.  శనివారం మధ్యాహ్నం రాష్ట్ర వైద్య ఆరోగ్య శాఖ ముఖ్య కార్యదర్శి అనిల్ కుమార్ సింఘాల్ ఏ.పి.ఐ.ఏ.సి మేనేజింగ్ డైరెక్టర్ మరియు కమిషనర్ జే.వి.ఎన్. సుబ్రహ్మణ్యం, జిల్లా కలెక్టర్ వివేక్ యాదవ్, సంయుక్త కలెక్టర్ ( సచివాలయాలు, అభివృద్ది ) పి. ప్రశాంతి లతో కలసి  లా పరిశోధన కేంద్రం, మంగళగిరి వద్ద వున్న ఎయిమ్స్ పరిసర ప్రాంతాలలోని ప్రభుత్వ, ప్రైవేట్ భూములను పరిశీలించారు. మొదట తాడికొండ మండలం లాం పరిశోధన కేంద్రంలో వున్న ఐదు ఎకరాలు, తాడేపల్లి మండలం వడ్డేశ్వరం పరిధిలో వున్న 4.46 ఎకరాలను పరిశీలించడం జరిగింది. లాం పరిశోధన కేంద్రంలోని శాస్త్రవేత్తలు, డాక్టర్లతో అందుబాటులో వున్న స్థల లభ్యతపై మాట్లాడారు.  వడ్డేశ్వరం  గ్రామ శివారు ప్రాంతం ఎయిమ్స్ కు సమీపంలో వున్న భూములను పరిశీలించారు. ఈ ప్రాంతంలో లభ్యత వున్న స్థలాలను, అందుబాటులో  వున్న వనరులు, వసతులను గుర్తించి వివరాలు అందించాలని అధికారులకు సూచించారు. దీనికి సంబంధించి ప్రభుత్వానికి నివేదిక సమర్పించడం జరుగుతుందని తెలిపారు.  ఈ కార్యక్రమంలో గుంటూరు ఆర్ డి ఓ భాస్కర్ రెడ్డి, తాడికొండ తహశీల్దారు కుటుంబరావు, తాడేపల్లి తహశీల్దారు శ్రీనివాస రెడ్డి, రెవెన్యూ సిబ్బంది, సచివాలయ సెక్రెటరీ లు పాల్గొన్నారు. 

విజయనగరం జిల్లాలో వైఎస్ఆర్ పింఛన్లు పొందుతున్న లబ్ధిదారులకు సంబంధించిన ఈ- కేవైసీ ప్రక్రియ జోరుగా సాగుతోంది. జిల్లాలో మొత్తం 3,36,590 వైఎస్ఆర్ పింఛనుదార్లు ఉండగా శనివారం నాటికి 33 శాతం అనగా 1,11,766 మంది లబ్ధిదారులకు సంబంధించిన ఈ - కేవైసీలను పూర్తి చేసినట్లు కలెక్టర్ డా.ఎం. హరిజవహర్ లాల్ శనివారం ఓ ప్రకటనలో తెలిపారు. ప్రభుత్వం అందిస్తున్న పింఛన్ల పంపిణీలో అవకతవకలను అరికట్టేందుకు, నిజమైనా లబ్ధిదారులను గుర్తించేందుకు ఈ ప్రక్రియ తోడ్పడుతుందని ఆయన పేర్కొన్నారు. ప్రభుత్వం అందిస్తున్న పథకాల్లో  పారదర్శకతను తీసుకొచ్చేందుకే ఈ ప్రక్రియ చేపడుతున్నామని, త్వరలోనే అందరి లబ్ధిదారుల ఈ- కేవైసీలను పూర్తి చేసేందుకు చర్యలు తీసుకున్నట్లు ఈ సందర్భంగా ఆయన తెలిపారు.

విద్యుత్ పరికాల స్రుష్టికర్త నికోలా టెస్లాను ప్రతీ ఒక్క ఎలక్ట్రీషియన్ గుర్తు పెట్టుకోవాలని గోదావరి ఎలక్ట్రికల్ వర్కర్స్ ట్రేడ్ యూనియన్, గోదావరి ప్రైవేట్ ఎలక్ట్రికల్ వర్కర్స్ వెల్ఫేర్ అసోసియేషన్ అధ్యక్ష కార్యదర్శిలు బొజ్జారామక్రిష్ణ, కరణం రాజులు పిలుపు నిచ్చారు. శనివారం సంఘం ఆధ్వర్యంలో నికోలా టెస్లా జయంతి వేడుకలను ఘనంగా నిర్వహించారు. ఈ సందర్భంగా వారు మాట్లాడుతూ, సంఘం సభ్యులు అన్ని విషయాల్లో కలిసికట్టుగా ముందుకి సాగాలన్నారు. అదేవిధంగా ఎవరిక ఏ కష్టమొచ్చినా ముందు సంఘ సభ్యులు స్పందించి వారిని ఆదుకోవాలని అన్నారు. సమిష్టిగా ఉద్యమిస్తే ఎలాంటి సమస్యనైనా నెరవేర్చుకోవడానికి ఆస్కారం వుంటుందని చెప్పారు. కరోనా సమయంలో చాలా మంది ఎలక్ట్రికల్ వర్కర్లు, కాంట్రాక్టర్లు పనులు లేకుండా పోయాయని..అలాంటి ఇబ్బందులు రానున్న రోజుల్లో రాకుండా ఉండేందుకు ముందుగానే ఏర్పాట్లు చేసుకోవాలన్నారు. అదే సమయంలో సభ్యు సంక్షేమం కోసం కూడా ద్రుష్టి సారించాలన్నారు. ఈ సందర్భంగా సభ్యులకు నూతన ఐడికార్డులు పంపిణీ చేశారు. ఈ కార్యక్రమంలో వైస్ ప్రెసిడెంట్ కరణం రాజు, సెక్రటరీ ఆశపు శ్రీనివాస్, ట్రెజరర్ సర్వ కోట లక్ష్మణరావు, గౌరవ అధ్యక్షులు, సలహాదారులు క్షత్రి మోతీ సింగ్, యడ్ల సూర్యచంద్రరావు, కొల్లి వెంకట రావు, కాకి రవి బాబు, రాయవరపు జగదీష్, అసోసియేషన్ కార్యదర్శి, ట్రేడ్ యూనియన్ జాయింట్ సెక్రటరీ గోవాడ కొండబాబు, అసోసియేషన్ వైస్ ప్రెసిడెంట్ బోరా వెంకట గోపాలకృష్ణారెడ్డి, కమిటీ మెంబర్లు స్వామి అయ్యప్ప, చల్లా వర ప్రసాద్, పండురి శివ శంకర్ వర ప్రసాద్, ఆముదాలపల్లి కామేశ్వరరావు, గొల్ల రవి, ఊర్ల శ్రీరాములు, యడ్ల శేఖర్ రబ్బానీ, గుబ్బల జ్యోతి కుమార్, విరవల్లి ఆచారి సుదర్శన్ ,తదితరులు పాల్గొన్నారు.

ఇరువర్గాల రాజీమార్గం ద్వారా ఇంత వరకు పరిష్కరించబడని కేసులను సత్వరమే పరిష్కరించుకోవడానికే జాతీయ లోక్ అదాలత్ నిర్వహిస్తున్నట్టు జిల్లా ప్రధాన న్యాయమూర్తి జి.రామకృష్ణ స్పష్టం చేశారు. శనివారం జిల్లా కోర్టుల సముదాయంలో జాతీయ లోక్ అదాలత్ కార్యక్రమం జిల్లా ప్రధాన న్యాయమూర్తి,  జిల్లా న్యాయ సేవాధికార సంస్థ ఆద్వర్యంలో జరిగింది. ఈ కార్యక్రమానికి జిల్లా ప్రధాన న్యాయమూర్తి జిల్లా కలెక్టర్ శ్రీకేశ్ లాఠకర్ తో కలిసి లోక్ అదాలత్ కార్యక్రమాన్ని ప్రారంభించారు. ఈ సందర్భంగా జిల్లా ప్రధాన న్యాయమూర్తి మాట్లాడుతూ రోజువారీ కూలిపనులు చేసుకునే సామాన్య ప్రజలకు చెందిన భూ తగాదాలు, ఇతర తగాదాల పరిష్కారానికి కోర్టులను ఆశ్రయించవలసి వస్తుందని, అటువంటి   సందర్భంలో తమ దినసరి కూలీ పనులు మానుకొని కోర్టుల చుట్టూ తిరగాల్సి ఉంటుందన్నారు. ఇందుకోసం న్యాయవాదులకు, కోర్టు ఫీజులు మరియు రవాణా కోసం పెద్దమొత్తంలో ఖర్చు చేయాల్సి ఉంటుందని తెలిపారు. అయినప్పటికీ తగిన న్యాయం జరుగు తుందనే నమ్మకం ఉండదని, దిగువ కోర్టులో న్యాయం జరగకపోతే పైకోర్టులను ఆశ్రయించాల్సి ఉంటుందన్నారు. అటువంటి కేసుల సత్వర పరిష్కారానికి లోక్ అదాలత్ చక్కని వేదిక అని కొనియాడారు. అదాలత్ నందు ఇరువర్గాల ఆమోదంతో కేసులు పరిష్కరించబడుతున్నందున ఇతర కోర్టులను ఆశ్రయించాల్సిన అవసరం ఉండబోదని, అదే రోజు కేసు పరిష్కరించబడుతుందని తెలిపారు. అంతేకాకుండా కోర్టు ఫీజులు వాపసు ఇవ్వబడు తుందని, ఫీజులు చెల్లించుకోలేని వారికి న్యాయవాదులను ఏర్పాటుచేయడం జరుగుతుందని ప్రధాన న్యాయమూర్తి వివరించారు. 

న్యాయ,పోలీసు,రెవిన్యూ వ్యవస్థలు ప్రజలు కోసమే ఉన్నాయన్న సంగతిని ప్రజలు గుర్తించాలన్నారు. కోవిడ్ నేపథ్యంలో కోర్టులను ఆశ్రయించలేనివారి కోసం వర్చువల్ విధానంలో కేసులను పరిష్కరించడం జరుగు తుందని అన్నారు. కావున కక్షిదారులు ఈ అవకాశాన్ని సద్వినియోగం చేసుకొని, తమ కేసులను పరిష్కరించు కోవాలని ఆయన ఆకాంక్షించారు.జిల్లా కలెక్టర్ శ్రీకేశ్ లాఠకర్ మాట్లాడుతూ కోర్టులలో చాలావరకు పలు కేసులు పెండింగులో ఉండిపోయాయని, వాటిని త్వరితగతిన పరిష్కరించేందుకు సుప్రీం కోర్టు వారు జాతీయ,రాష్ట్ర,జిల్లా స్థాయిలో న్యాయ సేవాధికార సంస్థలను ఏర్పాటుచేసిందని చెప్పారు. దీనిద్వారా ప్రీలిగేంట్ కేసులు, పోలీస్ స్టేషనులో నమోదుకాని కేసులు, ఇంకా మోటార్ వాహనాల కేసులు వంటివి ఇరువర్గాల రాజీతో అక్కడికక్కడే పరిష్కరించు కోవచ్చని కలెక్టర్ సూచించారు. కక్షిదారులు ఏ ఇతర ఖర్చులు కూడా చేయనవసరం లేదని పేర్కొన్నారు. సుప్రీం కోర్టు కల్పించిన ఈ సదవకాశాన్ని కక్షిదారులు సద్వినియోగం చేసుకొని, పెండింగ్ లో ఉన్న తమ కేసులను సత్వరమే పరిష్కరించుకోవాలని కలెక్టర్ ఆశాభావం వ్యక్తం చేశారు. 

ఈ కార్యక్రమంలో సెకెండ్ అడిషనల్ డిస్ట్రిక్ట్ జడ్జి టి.వెంకటేశ్వర్లు, థర్డ్  అడిషనల్ డిస్ట్రిక్ట్ జడ్జి పి.అన్నపూర్ణ, పెర్మనంట్ లోక్ అదాలత్ చైర్మన్ గాయాత్రిదేవి, ప్రిన్సిపాల్ సీనియర్ సివిల్ జడ్జి కె.నాగమణి, జిల్లా న్యాయ సేవాధికార సంస్థ కార్యదర్శి కె.జయలక్ష్మి, ప్రిన్సిపాల్ జూనియర్ సివిల్ జడ్జి ఎన్. జయలక్ష్మి, స్పెషల్ జ్యూడిషియల్ మేజిస్ట్రేట్ ఆఫ్ ఫస్ట్ క్లాస్ జడ్జి జె.కిషోర్ కుమార్, జ్యూడిషియల్ మేజిస్ట్రేట్ ఆఫ్ ఫస్ట్ క్లాస్ జడ్జి జి.లెనిన్ బాబు, ఫస్ట్ అడిషనల్ జ్యూడిషియల్ మేజిస్ట్రేట్ కె.రాణి, జిల్లా రెవిన్యూ అధికారి బి.దయానిధి, అడిషనల్ సూపరింటెండెంట్ ఆఫ్ పోలీస్ పి.సోమశేఖర్,జిల్లా బార్ అసోసియేషన్ అధ్యక్షులు ఎస్.రమేష్ ,కక్షిదారులు తదితరులు పాల్గొన్నారు.

          ఈ కార్యక్రమంలో జిల్లా నీటియాజమాన్య సంస్ధ ప్రాజెక్టు డైరక్టర్ హెచ్.కూర్మారావు, అటవీ రేంజ్ అధికారి సింధు, డిప్యూటి రేంజ్ అధికారి జగదీష్, సర్పంచులు మెట్ట నాగజ్యోతి, సురేష్, స్ధానిక నాయకులు తమ్మినేని శ్రీరామమూర్తి, బెండి గోవింద రావు, బెడ్డేపల్లి నారాయణ రావు, గురుగుబెల్లి శ్రీనివాసరావు, తిర్లంగి రామారావు, తదితరులు పాల్గొన్నారు.