శ్రీకాకుళంను సుందర నగరంగా తీర్చిదిద్దాలని జిల్లా కలెక్టర్  శ్రీకేష్ లాఠకర్ అన్నారు. ప్రతి పౌరుని లక్ష్యం కావాలని పేర్కొన్నారు. శుక్రవారం ఉదయం నగరంలోని పెదపాడు చెరువును, నాగావళి నదిలో నిర్మిస్తున్న డైక్ ను జిల్లా కలెక్టర్ సందర్శించారు. చెరువు మంచి పర్యాటక ఆకర్షణ కాగలదని, సుందరంగా తయారు చేయడం వలన నగరానికి మరింత శోభ చేకూరుతుందని కలెక్టర్ పేర్కొన్నారు. మన ఊరు మన చెరువు కార్యక్రమం కింద పెదపాడు చెరువు సుందరీకరణ పనులు చేపట్టాలని ఆయన చెప్పారు. విభిన్న ఏజెన్సీలు కాకుండా ఒకే ఏజెన్సీ పనులను చేపట్టాలని కలెక్టర్ సూచించారు. పనులు పూర్తి చేయుటకు నిర్దిష్ట గడువు కచ్చితంగా పెట్టుకోవాల్సిన అవసరం ఉందని ఆయన స్పష్టం చేశారు. ముందుగా చెరువు సరిహద్దులను గుర్తించాలని వాటికి మార్కింగ్ ఇవ్వాలని కలెక్టర్ ఆదేశించారు. వాకింగ్ ట్రాక్ ఏర్పాటుచేయాలని దానితో పాటుగా సైక్లింగ్ ట్రాక్ ఏర్పాటు చేయుటకు చర్యలు చేపట్టాలని సూచించారు. ఇరువైపులా మొక్కలు నాటి ఆహ్లాదకర వాతావరణాన్ని కల్పించాలని ఆయన అన్నారు. పెద్దపాడు గ్రామంలోనూ, చెరువు చుట్టుపక్కల ఎక్కడ బహిరంగ మలవిసర్జన ఉండకుండా అన్ని చర్యలు చేపట్టాలని గ్రామ సర్పంచ్ కలగ శ్రీనివాస్ కు కలెక్టర్ ఆదేశించారు. ప్రతి ఇంటి వద్ద మరుగుదొడ్లు ఉన్నాయని, వాటిని విధిగా వినియోగించాలని ఆయన స్పష్టం చేశారు. నిరంతరం నీటి సరఫరా లేనప్పుడు ఇంటివద్ద నీటి తొట్టెలు ఏర్పాటు చేసుకుని తద్వారా వినియోగించాలి ఆయన పేర్కొన్నారు.  గ్రామ, నగర పరిశుభ్రతకు ప్రతి ఒక్కరూ బాధ్యత వహించాలని ఆయన పిలుపునిచ్చారు. పరిసరాలు పరిశుభ్రంగా ఉండటం వలన ఆహ్లాదకర, ఆరోగ్యకర వాతావరణం తయారవుతుందని ఆయన పేర్కొన్నారు. ప్రతి ఒక్కరిలో ప్రవర్తనా పరమైన మార్పు రావాల్సిన అవసరం ఉందని సూచిస్తూ బహిరంగ మల విసర్జనకు పూర్తిగా నిలుపుదల చేయాలని కోరారు. శ్రీకాకుళం నగరంలో పారిశుద్ధ్య కార్యక్రమాలు ఇంకా మెరుగు పడాల్సిన అవసరం ఉందని కలెక్టర్ అభిప్రాయపడ్డారు. నగరపాలక అధికారులు తెలవారుతుండగానే రహదారులపై ఉండాలని ఆయన ఆదేశించారు. పారిశుద్ధ్యానికి అత్యంత ప్రాధాన్యత ఇవ్వాలని అనేక చోట్ల చెత్త కుప్పలు కనిపిస్తున్నాయని తద్వారా నగర పారిశుద్ధ్యానికి, ఆహ్లాదానికీ, సుందరీకరణకు ఆటంకంగా ఉంటుందని కలెక్టర్ అన్నారు. ప్రత్యేక అధికారి హోదాలో నగరంలో పారిశుద్ధ్య కార్యక్రమాలను వ్యక్తిగతంగా తనిఖీ చేయనున్నట్లు కలెక్టర్ చెప్పారు. 

డైక్ త్వరగా పూర్తి చేయాలి: నాగావళి నదిలో నిర్మిస్తున్న డైక్ ను అతి త్వరగా పూర్తి చేయాలని జిల్లా కలెక్టర్ శ్రీకేష్ ఆదేశించారు. ఇప్పటికే నిర్మాణం తీవ్ర జాప్యం అయిందని ఆయన పేర్కొన్నారు.  వర్షాలకు ముందే వీలైనంత ఎక్కువ పనులను చేపట్టాలని ఆయన చెప్పారు. నగరంలో రివర్ ఫ్రంట్ పార్క్ ఉండటం వలన మరింత శోభ చేకూరుతుందని ఆయన అన్నారు. నగరంలో చేపడుతున్న  పనులపై పూర్తి నివేదిక సమర్పించాలని ఆదేశించారు.  

      ఈ కార్యక్రమంలో వంశధార పర్యవేక్షక ఇంజినీర్ డోల తిరుమల రావు, మున్సిపల్ కమిషనర్ సిహెచ్. ఓబులేసు, జిల్లా నీటి యాజమాన్య సంస్థ ప్రాజెక్టు అధికారి హెచ్. కూర్మా రావు, ప్రజారోగ్య కార్యనిర్వాహక ఇంజనీర్ పి.సుగుణాకర రావు, నగరపాలక  ఇంజనీర్ రమణ మూర్తి, ప్రజారోగ్య శాఖ డిఇ దక్షిణామూర్తి, తాహసిల్దార్ వై.వి.ప్రసాద్, మండల పరిషత్ అభివృద్ధి అధికారి ప్రకాష్ తదితరులు పాల్గొన్నారు.

మహా విశాఖనగరం మరింత సుందరంగా తీర్చిదిద్దేందుకు ప్రజల సహకారమే ముఖ్య భూమికని జివిఎంసి కమిషనర్ డా. జి.సృజన అన్నారు. గురువారం ఆమె 4వ జోన్ 30వ వార్డు పరిధిలోని కొత్త జాలారి పేట, రెల్లివీధి మెయిన్ రోడ్డు పరిసర ప్రాంతాలలో పర్యటించారు. ఈ సందర్భంగా ఆమె మాట్లాడుతూ నగరాన్ని “డస్ట్ బిన్ ఫ్రీ సిటీ” గా తీర్చిదిద్దేందుకు ప్రజల సహాయ సహకారాలు అవసరమన్నారు. రోడ్డు అడ్డంగా ఉన్న ఇంటి నిర్మాణ సామగ్రిని తొలగించాలని అధికారులను ఆదేశించారు. వార్డులలో సరిపడే పారిశుధ్య సిబ్బంది ఉన్నారని,  పిన్ పాయింట్ వారిగా కార్మికులను సర్దుబాటు చేసి, ఎవరికి నిర్దేశించిన పనిని వారిచే చేయించాలని శానిటరీ అధికారులను ఆదేశించారు. బహిరంగ ప్రదేశాల్లో చెత్త అధికంగా ఉందని, చెత్త వేసే వారిపై నిఘా ఉంచి వారి నుండి అపరాధ రుసుము వసూలు చేయాలని శానిటరీ ఇన్స్పెక్టర్లును ఆదేశించారు. ప్రతి రోజూ చెత్త తరలించే వాహనాలు డిప్లోయ్మెంట్ ప్రకారం వస్తున్నాయా అని శానిటరీ కార్యదర్శిని అడిగి తెలుసుకున్నారు. పారిశుద్ధ్య సిబ్బంది ప్రతిరోజు ఇంటింటికి వచ్చి తడి-పొడి చెత్త సేకరణ చేస్తున్నదీ లేనిదీ స్థానిక ప్రజలను అడిగి తెలుసుకున్నారు. కొద్ది రోజుల్లో డస్ట్ బిన్లను, లిట్టర్ బిన్లను తొలగిస్తామని ప్రతి ఇంటికి మూడు రంగుల చెత్త డబ్బాలు ఇవ్వడం జరుగుతుందని, వాటితో తడి-పొడి మరియు ప్రమాదకరమైన చెత్తగా విభజించి పారిశుద్ధ్య కార్మికులకు అందించాలని ప్రజలకు సూచించారు. ప్రతి దుకాణం ముందు మూడు రంగుల చెత్త డబ్బాలు ఉండేలా చూడాలని అధికారులను ఆదేశించారు. వీధి లైట్లు వెలగడం లేదని స్థానిక ప్రజలు తెలుపగా సాయంత్రం లోగా వీధి లైట్లు వెలిగించాలని సహాయక ఇంజినీరు(ఎలక్ట్రికల్)ను ఆదేశించారు.  

ఈ పర్యటనలో ప్రధాన వైద్యాధికారి కె.ఎస్.ఎల్.జి.శాస్త్రి, నాలుగవ జోనల్ కమిషనర్ బి.వి.రమణ, కార్యనిర్వాహక ఇంజినీర్లు చిరంజీవి, పి.శ్రీనివాస రావు, గణేష్ కుమార్, వెటర్నరి  డాక్టరు కిషోర్, సహాయక ఇంజినీరు విల్సన్, ఎస్.ఎస్. శ్రీనివాస రాజు, శానిటరీ ఇన్స్పెక్టర్ చిన్నాజీ, వార్డు సచివాలయ కార్యదర్శులు పాల్గొన్నారు.   

స్వర్గీయ డాక్టర్ వై.యస్. రాజశేఖర్ రెడ్డి, 72వ జయంతి సందర్భంగా మహా విశాఖపట్నం నగరపాలక సంస్థ మేయర్ గొలగాని హరి వెంకట కుమారి జివిఎంసి  ప్రధాన కార్యాలయం సిబ్బందికి మాస్కులు, మిఠాయిలు పంపిణీ చేశారు. ఈ సందర్భంగా మేయర్ మాట్లాడుతూ స్వర్గీయ వై.యస్.రాజశేఖర్ రెడ్డి ఉమ్మడి ఆంధ్రప్రదేశ్ ను ఎంతో అభివృద్ధి చేశారని,  అందులో భాగంగా మన విశాఖను ప్రత్యేకంగా అభివృద్ధి పరచడంలో ఆయన కృషి ఎంతో ఉందని, హనుమంతువాక జంక్షన్ నుండి అడవివరం వరకు  విశాఖ నుండి పెందుర్తి జంక్షన్ వరకు బిఆర్టిఎస్ రోడ్డును అభివృద్ధి పరిచిన ఘనత ఆయన దేనని కొనియాడారు.  ఈ  కార్యక్రమంలో ప్రధాన వైద్యాధికారి కె.ఎస్.ఎల్.జి.శాస్త్రి, జివిఎంసి సిబ్బంది పాల్గొన్నారు.  

మహా నేత,  బడుగు బలహీన వర్గాల ఆశా జ్యోతి స్వర్గీయ డాక్టర్ వై.యస్. రాజశేఖర్ రెడ్డి 72వ జయంతి సందర్భంగా మహా విశాఖపట్నం నగరపాలక సంస్థ మేయర్ గొలగాని హరి వెంకట కుమారి ఆధ్వర్యంలో వేడుకలు ఘనంగా జరిగాయి ఈ సందర్భంగా వైఎస్సార్  విగ్రహానికి రాష్ట్ర పర్యాటక, సాంస్కృతిక శాఖ మంత్రి ముత్తంశెట్టి శ్రీనివాసరావు, విశాఖ నగర అధ్యక్షులు వంశీక్రిష్ణ శ్రీనివాస్ తో కలిసి ఆయన విగ్రహానికి పూలమాలలు వేసి ఘన నివాళులు అర్పించారు. ఈ సందర్భంగా మేయర్ మాట్లాడుతూ, మహా నేత ఆంధ్రుల ఆరాధ్య దైవము, బడుగు బలహీన వర్గాల ఆశా జ్యోతి అయిన డాక్టర్ వై.ఎస్.రాజశేఖర్ రెడ్డి ఈ ధరణి ఉన్నంతవరకు ప్రజల గుండెల్లో చిరస్మరణీయంగా నిలిచి ఉంటారని, ఆయన రాష్ట్ర ముఖ్యమంత్రిగా పేద ప్రజలకు ఎన్నో సంక్షేమ పథకాలు పెట్టి, ప్రజలకు ఎనలేని సేవ చేశారని, విశాఖ అభివృద్దికి మూలకారకుడు అని,  విశాఖకు ఎన్నో ప్రాజెక్టులను ప్రారంభించి విశాఖ అభివృద్ధికి ఎంతో కృషి చేశారని కొనియాడారు.

విజ‌య‌న‌గ‌రం కార్పొరేష‌న్‌కు స‌మీపంలో మెడిక‌ల్ హ‌బ్స్ ఏర్పాటు చేసేందుకు స్థ‌లాల‌ను గుర్తించాల‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ ఆదేశించారు. ప‌ట్ట‌ణానికి రెండుమూడు కిలోమీట‌ర్ల దూరంలోనే, ఒక్కొక్క‌టి 3 నుంచి 5 ఎక‌రాలు చొప్పున‌, క‌నీసం ఐదారు ప్రాంతాల‌ను ఎంపిక చేయాల‌ని సూచించారు. వివిధ శాఖ‌ల అధికారుల‌తో క‌లెక్ట‌ర్‌ త‌న క్యాంపు కార్యాల‌యంలో గురువారం సాయంత్రం నిర్వ‌హించిన స‌మావేశంలో వివిధ అంశాల‌పై స‌మీక్షించారు.  ఈ సంద‌ర్భంగా ఆయ‌న మాట్లాడుతూ, కార్పొరేష‌న్‌కు స‌మీపంలో మెడిక‌ల్ హ‌బ్స్‌ను ఏర్పాటు చేసి, వివిధ ర‌కాల సూప‌ర్ స్పెషాలిటీ సేవ‌ల‌ను ప్ర‌జ‌ల‌కు అందుబాటులోకి తేవ‌డానికి ప్ర‌భుత్వం నిర్ణ‌యించింద‌ని, దీనికోసం శుక్ర‌వారం సాయంత్రానికి స్థ‌లాల‌ను గుర్తించాల‌ని ఆదేశించారు. వేక్సినేష‌న్ ప్ర‌క్రియ‌ను వేగ‌వంతం చేయాల‌ని, 45 ఏళ్లు పైబ‌డిన ప్ర‌తీఒక్క‌రికీ వేక్సినేష‌న్‌ను పూర్తి అయ్యేలా చూడాల‌ని స్ప‌ష్టం చేశారు. కోవిడ్ ప‌రీక్ష‌ల‌ను విస్తృతం చేయాల‌ని, రోజుకు 4వేల నుంచి 5వేల వ‌ర‌కూ టెస్టుల‌ను నిర్వ‌హించాల‌ని చెప్పారు. పార్వ‌తీపురంలో వైరాల‌జీ ల్యాబ్‌ను ఏర్పాటు చేసేందుకు త‌క్ష‌ణ‌మే చ‌ర్య‌లు తీసుకోవాల‌న్నారు.

                  క‌రోనా మూడోద‌శ‌పై అన్ని విభాగాలూ అప్ర‌మ‌త్తంగా ఉండ‌టంతోపాటుగా, కోవిడ్ నిబంధ‌న‌ల‌పై మ‌రింత విస్తృతంగా ప్ర‌చార కార్య‌క్ర‌మాల‌ను నిర్వ‌హించాల‌ని క‌లెక్ట‌ర్ చెప్పారు. దీనికోసం ప్ర‌భుత్వం ఇచ్చిన అన్ని ర‌కాల టాస్క్‌ల‌ను వెంట‌నే పూర్తి చేయాల‌ని ఆదేశించారు. ప్ర‌తీ సోమ‌వారం నో మాస్క్‌-నో ఎంట్రీ, మంగ‌ళ‌వారం నోమాస్క్‌-నో రైడ్‌, బుధ‌వారం నో మాస్క్‌-నో బిజినెస్ అన్న అంశాల‌ను ప్ర‌చారం చేయాల‌ని సూచించారు. అర్బ‌న్ క్లీనిక్కుల నిర్మాణాన్ని త్వ‌రిత‌గ‌తిన పూర్తిచేయాల‌ని, వైద్య సేవ‌ల‌ను త్వ‌ర‌గా అందుబాటులోకి తీసుకురావాల‌ని కోరారు. కోవిడ్ కార‌ణంగా త‌ల్లితండ్రులిద్ద‌రినీ కోల్పోయి అనాధ‌లైన పిల్ల‌ల‌ను గుర్తించి, వారికి ప్ర‌భుత్వం నుంచి ప‌రిహారాన్ని ఇప్పించాల‌ని క‌లెక్ట‌ర్‌ సూచించారు.

                 ఈ స‌మావేశంలో జాయింట్ క‌లెక్ట‌ర్ (రెవెన్యూ) డాక్ట‌ర్ జి.సి.కిశోర్ కుమార్‌, జాయింట్ క‌లెక్ట‌ర్ (అభివృద్ది) డాక్ట‌ర్ ఆర్‌.మ‌హేష్‌కుమార్‌, జాయింట్ క‌లెక్ట‌ర్ (ఆస‌రా) జె.వెంక‌ట‌రావు, డిఎంఅండ్‌హెచ్ఓ డాక్ట‌ర్ ఎస్‌వి ర‌మ‌ణ‌కుమారి, డిసిహెచ్ఎస్ డాక్ట‌ర్ జి.నాగ‌భూష‌ణ‌రావు, డిఐఓ డాక్ట‌ర్ గోపాల‌కృష్ణ‌, పిఓ డిటిటి డాక్ట‌ర్ బాల‌ముర‌ళీకృష్ణ‌, డిపిఆర్ఓ డి.ర‌మేష్‌, ఎపిఐఐసి జోన‌ల్ మేనేజ‌ర్ త‌దిత‌రులు పాల్గొన్నారు.

ప్రభుత్వం అందజేస్తున్న సంక్షేమ పథకాలు లబ్ధిదారులకు చేకూరేలా త్వరితగతిన పనులు పూర్తిచేయాలని జిల్లా కలెక్టర్ శ్రీకేశ్ లాఠకర్ అధికారులను ఆదేశించారు. గురువారం కలెక్టర్ ఛాంబర్ లో వై.యస్.ఆర్.జగనన్న శాస్వత భూహక్కు , భూరక్ష , డిజిటల్ లైబ్రరీలు, గృహ పట్టాలు తదితర అంశాలపై సంబంధిత అధికారులతో సమీక్షా సమావేశాన్ని నిర్వహించారు. ఈ సందర్భంగా కలెక్టర్ మాట్లాడుతూ జిల్లాలో వై.యస్.ఆర్. జగనన్న శాస్వత భూహక్కు మరియు భూరక్ష పథకానికి సంబంధించి శ్రీకాకుళం, పాలకొండ, టెక్కలి  రెవిన్యూ డివిజనల్ పరిధిల్లో రీ సర్వే చేయమని ఆదేశించడం జరిగిందన్నారు. శ్రీకాకుళం డివిజన్ పరిధిలోని పోలాకి మండలం సంతలక్ష్మీపురం, కోటబొమ్మాళి మండలంలోని ఆనందపురం, పాలకొండ మండలంలోని పరశురాంపురం ప్రాంతాల్లో రీసర్వే పనులపై ఆరా తీసిన ఆయన అందుకు అవసరమైన పనులను త్వరితగతిన పూర్తిచేయాలని ఆదేశించారు. మధ్య తరగతి వారికి అందజేస్తున్న గృహ పట్టాలను త్వరితగతిన భూమిని సేకరించాలని, సేకరించిన భూమి  అందరికీ ఆమోదయోగ్యంగా ఉండేలా చర్యలు తీసుకోవాలన్నారు. లబ్ధిదారులు వచ్చి స్వయంగా స్వీకరించే విధంగా  ఆ స్థలం ఉండేలా చూడాలన్నారు. 90 రోజుల్లో పట్టాలకు సంబంధించి మాట్లాడుతూ పట్టాల పంపిణీకి సంబంధించిన పట్టాదారు పాసుపుస్తకాలు ప్రింటింగ్ వేగవంతం చేయాలని చెప్పారు. జగనన్న కాలనీ లేఔట్లు గురించి మాట్లాడుతూ లేఔట్లకు సంబంధించి ఏవైతే కోర్టు కేసులు పెండింగులో ఉన్నాయో వాటిపై దృష్టి సారించాలని అన్నారు. ప్రభుత్వ న్యాయవాదులతో మాట్లాడి ఆ కేసులు త్వరితగతిన పరిష్కారం అయ్యేలా చూడాలన్నారు. లేఔట్లు సిద్ధంగా ఉంటే లబ్ధిదారులకు అందజేసేందుకు వీలుగా ఉంటుందని అన్నారు. జిల్లాలో గల 15 మండలాల్లో 178 డిజిటల్ లైబ్రరీలకు ఏర్పాటుకు ప్రతిపాదనలు వచ్చాయని, వీటికి సంబంధించి ఒక్కో డిజిటల్ లైబ్రరీకి ఐదు సెంట్లు చొప్పున స్థలాన్ని సేకరించి త్వరితగతిన ప్రభుత్వానికి నివేదిక అందించాలని చెప్పారు. రైతులకు రుణకార్డుల ద్వారా రుణాలను మంజూరుచేయాలని, యల్.డి.ఎంతో మాట్లాడి  గతంలో రైతు భరోసా నిధులు  ఏ ఖాతాల్లో పడ్డాయో ఆ ఖాతాల్లో రైతులకు రుణాలు మంజూరయ్యేలా చర్యలు తీసుకోవాలని అధికారులను కలెక్టర్ ఆదేశించారు.

ఈ కార్యక్రమంలో  సంయుక్త కలెక్టర్ సుమిత్ కుమార్, సంయుక్త కలెక్టర్ ( హౌసింగ్ ) హిమాంశు కౌశిక్, టెక్కలి సబ్ కలెక్టర్ వికాస్ మర్మాట్, జిల్లా రెవిన్యూ అధికారి బలివాడ దయానిధి, శ్రీకాకుళం, పాలకొండ రెవిన్యూ డివిజనల్ అధికారులు ఐ.కిశోర్, టి.వి.ఎస్.జి.కుమార్, ఇతర అధికారులు తదితరులు పాల్గొన్నారు. 

మత్స్యకారులు,ఆక్వా రైతుల అభివ్రుద్ధే ధ్యేయంగా  వైఎస్సార్సీపీ ప్రభుత్వం పనిచేస్తుందని ఉప ముఖ్యమంత్రి పాముల పుష్పశ్రీవాణి స్పష్టం చేశారు. గురువారం విజయనగరంలో రూ. 47.30 లక్షల వ్యయంతో నిర్మించిన ఆక్వా ల్యాబ్ ను ఆమె ఎమ్మెల్యే  కోలగట్ల వీరభద్ర స్వామి, జిల్లా కలెక్టర్ డా.హరిజవహర్ లాల్, మత్స్యశాఖ ఉప సంచాలకులు ఎన్.నిర్మలకుమారిల తో కలిసి ప్రారంభించారు. ఈ సందర్భంగా ఉప ముఖ్య మంత్రి మాట్లాడుతూ, ప్రభుత్వం “వై.ఎస్.ఆర్, మత్స్యకార భరోసా” పధకం ద్వారా అనేక కార్యక్రమాలు చేపడుతోందని పేర్కొన్నారు. దివంగత ముఖ్యమంత్రి డా. వై.ఎస్. రాజశేఖర రెడ్డి జన్మదినోత్సవం సందర్భంగా.. ఆ మహానేత గుర్తుగా ఆక్వాల్యాబ్ ప్రారంభించడం ఎంతో ఆనందాన్నిచ్చిందన్నారు. ఆక్వా రంగాన్ని ప్రోత్సహించడానికి, నాణ్యమైన సీడ్, ఫీడ్, ఆక్వా కల్చర్ అనుమతులు పొందడం కోసం రాష్ట్రంలో మూడు చట్టాలును (ఆంధ్రప్రదేశ్ ఫిష్ సీడ్ (క్వాలిటీ కంట్రోల్) యాక్ట్ 2020, ఆంధ్రప్రదేశ్ ఆక్వాకల్చర్ సీడ్ (క్వాలిటీ కంట్రోల్) (సవరణ) యాక్ట్ 2020, ఆంధ్రప్రదేశ్ రాష్ట్ర ఆక్వాకల్చర్ అభివృద్ధి సంస్థ చట్టం 2020) వైఎస్సార్సీపీ ప్రభుత్వం తీసుకొచ్చిందని గుర్తుచేశారు. ఎమ్మెల్యే మాట్లాడుతూ, మత్స్యకారులు, ఆక్వా రైతులందరికీ ఆక్వా లాబ్ సేవలు అందిచడం ద్వారా వారి యొక్క ఉత్పాదకతను అధికంగా పెంచుకోవడానికి వీలుపడుతందని స్పష్టం చేశారు. జిల్లా కలెక్టర్ మాట్లాడుతూ, ప్రభుత్వం రాష్ట్రంలో ఎనిమిది ఇంటిగ్రేటెడ్ ఆక్వా లాబ్ లు, అయిదు ఆక్వా ల్యాబ్ లను ఆధునీకరించిందన్నారు. మత్స్యశాఖ డిడి నిర్మల కుమారి మాట్లాడుతూ, ఈ ఆక్వా ల్యాబ్ ద్వారా విజయనగరం జిల్లాలో గల 67మంది ఆక్వా రైతులు, 52 స్వదేశీ మత్స్యకార సహకార సంఘాలకు సేవలు అందుతాయన్నారు. ఈ ఆక్వాల్యాబ్ లో మట్టిని, నీటిని, మేత కోసం పరీక్షలు చేస్తారని వివరించారు. అలాగే చేపలకు వచ్చిన లేదా రాబోయే వ్యాధులను తెలుసుకొని వాటికి నియంత్రిణ చర్యలు చేపట్టి ఆక్వా రైతులు, మత్స్యకారుల నష్టాలను తగ్గించుకో వచ్చునని వివరించారు. ఈ కార్యక్రమంలో సంయుక్త కలక్టర్ జి.సి. కిషోర్ కుమారు, జిల్లా మత్స్యకార సహకార సంఘం అధ్యక్షులు మరియు FISHCOPFED, డైరెక్టర్  బర్రి చిన్నప్పన్న,  మత్స్య శాఖ సహాయ సంచాలకులు  పి. కిరణ్ కుమార్, మత్స్యశాఖ అభివృద్ధి అధికారి యు.చాందిని, మత్స్యకార సహకార సంఘాల అధ్యక్షులు, సభ్యులు, మత్స్యకారులు, ఆక్వా రైతులు, మత్స్య శాఖ సిబ్బంది తదితరులు పాల్గొన్నారు.

ఆలయ ఏఈవో నక్కాన  ఆనంద్ కుమార్ అన్నారు. గురువారం వరాహ పుష్కరిణీ ప్రాంగణంలో ఉత్తరాంధ్ర సామాజిక గ్రామీణ ప్రాంత వైద్యులు సంక్షేమ సంఘం(అర్ఎంపీ )ఆధ్వర్యంలో మొక్కలు నాటే కార్యక్రమాన్ని చేపట్టారు. దివంగత నేత,మాజీ ముఖ్యమంత్రి వైయస్ రాజశేఖర రెడ్డి జయంతిని పురస్కరించుకుని ఏర్పాటు చేసిన ఈ కార్యక్రమంలో ఆనంద్ కుమార్ ముఖ్య అతిథిగా పాల్గొని మాట్లాడారు. వరాహ పుష్కరిణి అభివృద్ధికి ఆలయ ఈఓ సూర్యకళ ఆధ్వర్యంలో కృషి చేస్తున్నామన్నారు. గౌరవ అతిథిగా హాజరైన అప్పన్న ధర్మకర్తల మండలి ప్రత్యేక ఆహ్వానితులు, జాతీయ జర్నలిస్టుల సంఘం కార్యదర్శి, వైజాగ్ జర్నలిస్టుల ఫోరం అధ్యక్షుడు గంట్ల శ్రీనుబాబు మాట్లాడుతూ, వరాహ పుష్కరిణి ని పర్యావరణ ప్రాంతం గా తీర్చి దిద్దాలని ఈఓని తాను ఇప్పటికే కోరామని పేర్కొన్నారు. పుష్కరిణి అభివృద్ధికి దేవస్థానం పూర్తి స్థాయిలో కృషి చేయాలన్నారు. భక్తులు తొలుత ఈ వరాహ పుష్కరణీ లో  పుణ్యస్నానమాచరించి ఆ తర్వాతే సింహాద్రి అప్పన్నను దర్శించుకోవడం ఆనవాయితీగా వస్తోందన్నారు. అటువంటి పుష్కరణిని అందంగా తీర్చిదిద్దితే భక్తులతో పాటు స్థానిక పరిసర గ్రామాల ప్రజలు కూడా ఇక్కడ సేద తీరే  అవకాశం ఉందన్నారు. ఉత్తరాంధ్ర సామాజిక గ్రామీణ వైద్యుల సంక్షేమ సంఘం వ్యవస్థాపక అధ్యక్షులు జంఘము జోషి,కార్యదర్శి లోగిశ గణేషు మాట్లాడుతూ, వైయస్ రాజశేఖర్రెడ్డి హయాంలోనే తమకు మేలు చేసే విధంగా జీవో ఇచ్చారని గుర్తుచేశారు. చాలా మంది అర్ఎంపీ  వైద్యులుకి ఆ జీవో  ద్వారా మేలు జరిగిందన్నారు.అనంతరం వైస్సార్ కి ఘనంగా నివాళులు అర్పించారు. సంఘం ప్రతినిధులు, దేవస్థానం అధికారి ముద్దాడ వెంకట రమణ,సంఘం ఇంచార్జి ఆకుల శ్రీనివాస్,ప్రెసిడెంట్ బాల శశంకర రావు, కళ, రంగారావు,పూర్ణ,పద్మావతి తదితరులు ఈ కార్యక్రమంలో పాల్గొన్నారు.

ప్ర‌కృతి వ్య‌వ‌సాయం ద్వారా పండించిన ఉత్ప‌త్తుల‌తో ప‌రిపూర్ణ ఆరోగ్యాన్ని పొంద‌వ‌చ్చ‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్ లాల్ సూచించారు. పూర్తిగా ప్ర‌కృతి వ్య‌వ‌సాయం చేస్తున్న జిల్లాగా విజ‌య‌న‌గ‌రం మారాల‌ని ఆయ‌న ఆకాంక్షించారు. ప్ర‌కృతి వ్య‌వ‌సాయంపై జిల్లా స్థాయి క‌న్వ‌ర్జెన్సీ స‌మావేశం క‌లెక్ట‌రేట్ ఆడిటోరియంలో బుధ‌వారం జ‌రిగింది. జిల్లాలో ప్ర‌స్తుతం ప్ర‌కృతి వ్య‌వ‌సాయం ప‌రిస్థితి, విస్త‌ర‌ణ‌కు ఉన్న అవ‌కాశాలు, ల‌క్ష్యాలు, దీనివ‌ల్ల క‌లిగే ప్ర‌యోజ‌నాల‌ను, జిల్లా ప్ర‌కృతి వ్య‌వ‌సాయం స‌హాయ సంచాల‌కులు ప్ర‌కాష్ ముందుగా ప‌వ‌ర్ పాయింట్ ప్రెజెంటేష‌న్ చేశారు.  అనంత‌రం క‌లెక్ట‌ర్ హ‌రి జ‌వ‌హ‌ర్ లాల్ మాట్లాడుతూ, ప్ర‌తీవ్య‌క్తీ వందేళ్లు బ్ర‌త‌కాలంటే, ప్ర‌కృతి వ్య‌వ‌సాయం ద్వారా పండించిన ఉత్ప‌త్తుల‌ను తిన‌డ‌మే ఏకైక మార్గ‌మ‌ని ఆయ‌న స్ప‌ష్టం చేశారు. ప్ర‌కృతి వ్య‌వ‌సాయ ఉత్ప‌త్తుల‌ను వినియోగించి, విజ‌య‌న‌గ‌రం జిల్లా ప్ర‌జ‌లు శ‌తాయుష్షును పొందాల‌ని పిలుపునిచ్చారు. రాష్ట్రంలోనే మొట్ట‌మొద‌టి సంపూర్ణ ప్ర‌కృతి సేద్య‌పు జిల్లాగా విజ‌య‌న‌గ‌రం మారాల‌ని ఆయ‌న ఆకాంక్షించారు. దీనికి జిల్లాలో పూర్తి అవ‌కాశాలు, త‌గిన వాతావ‌ర‌ణ, భౌగోలిక ప‌రిస్థితులు ఉన్నాయ‌ని అన్నారు. ప‌చ్చ‌ద‌నం, ప‌రిశుభ్ర‌త‌, ప‌రిపూర్ణ ఆరోగ్యం త‌మ ప్ర‌ధాన ల‌క్ష్యాల‌ని, ప‌రిపూర్ణ ఆరోగ్యానికి ప్ర‌కృతి వ్య‌వ‌సాయం ఏకైక మార్గ‌మ‌ని స్ప‌ష్టం చేశారు.

            మ‌న‌సుపెట్టి ప‌నిచేస్తే, దేనినైనా సాధించ‌వ‌చ్చ‌ని క‌లెక్ట‌ర్ అన్నారు.  ప్ర‌తీ ప్ర‌భుత్వ శాఖా, త‌మ ప‌రిధిలో ప్ర‌కృతి వ్య‌వ‌సాయానికి ప్రాధాన్య‌త‌నివ్వాల‌ని ఆదేశించారు. దీనికి స‌మ‌గ్ర ప్ర‌ణాళిక‌ల‌ను త‌యారు చేయాల‌ని సూచించారు. ముఖ్యంగా గిరిజ‌న ప్రాంతంలో దృష్టి కేంద్రీక‌రించాల‌ని, ఉద్యాన పంట‌ల‌ను కూడా ప్ర‌కృతి సేద్యంతో సాగు చేయాల‌ని కోరారు. ఆర్‌బికేలు కేంద్ర‌దంగా రైతుల‌కు విస్తృతంగా అవ‌గాహ‌నా కార్య‌క్ర‌మాల‌ను నిర్వ‌హించాల‌న్నారు. మ‌న ముఖ్య‌మంత్రి ఆదేశాల ప్ర‌కారం, ప్ర‌తీనెలా మొద‌టి శుక్ర‌వారం గ్రామ‌స్థాయిలో, రెండో శుక్ర‌వారం మండ‌ల స్థాయిలో, మూడో శుక్ర‌వారం జిల్లా స్థాయిలో ప్ర‌చార కార్య‌క్ర‌మాల‌ను ఏర్పాటు చేయాల‌న్నారు. దీనికోసం స్వ‌చ్ఛంద సంస్థ‌ల‌తోపాటు, గ్రామ స్వ‌యం స‌హాయ‌క సంఘాల సేవ‌ల‌ను కూడా వినియోగించుకోవాల‌ని క‌లెక్ట‌ర్ సూచించారు.

             ఈ స‌మావేశంలో జాయింట్ క‌లెక్ట‌ర్ (రెవెన్యూ, రైతు భ‌రోసా) డాక్ట‌ర్ జి.సి.కిశోర్ కుమార్‌, వ్య‌వ‌సాయ‌వాఖ జెడి ఎం.ఆశాదేవి, సిపిఓ జె.విజ‌య‌ల‌క్ష్మి, వ్య‌వ‌సాయ అనుబంధ శాఖ‌లు, ఇత‌ర శాఖ‌ల అధికారులు, సిబ్బంది పాల్గొన్నారు.

శ్రీకాకుళం జిల్లాలో కోవిడ్ థర్డ్ వేవ్ రాకుండా ప్రతి ఒక్కరూ అప్రమత్తంగా ఉండాలని జిల్లా సంయుక్త కలెక్టర్ డా. కె.శ్రీనివాసులు పేర్కొన్నారు. నగరంలోని ఏడురోడ్ల కూడలి నుండి సూర్యమహల్ జంక్షన్ వరకు కోవిడ్ థర్డ్ వేవ్ పై కొవ్వొత్తుల అవగాహన ర్యాలీ కార్యక్రమాన్ని జిల్లా వైద్య ఆరోగ్య శాఖ బుధవారం నిర్వహించింది. ఈ కార్యక్రమానికి సంయుక్త కలెక్టర్ ముఖ్యఅతిథిగా పాల్గొని కొవ్వొత్తుల ర్యాలీనకు జెండా ఊపి లాంఛనంగా ప్రారంభించారు.  ఈ సందర్భంగా జె.సి మాట్లాడుతూ ప్రతీ ఒక్కరూ మాస్కులను ధరిస్తూ సామాజిక దూరం పాటించడం, శానిటైజేషన్ లేదా సబ్బుతో తరచూ శుభ్రపరచుకోవడం వలన కరోనా నివారించవచ్చని చెప్పారు. కోవిడ్ ఫస్ట్ వేవ్ మరియు సెకెండ్ వేవ్ లలో ప్రజలు పూర్తిగా సహకరించి కరోనా నియంత్రణకు ఏ విధంగా సహకరించారో అదేవిధంగా రానున్న థర్డవేవ్ లో కూడా ప్రజలు స్వీయ జాగ్రత్తలు పాటిస్తూ కరోనాను నియంత్రించాలని సూచించారు. జిల్లాలో కరోనా నియంత్రణకు జిల్లా యంత్రాంగం పటిష్టమైన చర్యలు చేపట్టిందని అందులో భాగంగా ప్రతీ ఒక్కరికీ వేక్సినేషన్ కార్యక్రమం చేపట్టడం జరిగిందని అన్నారు. మొదటి దశలో 60 ఏళ్లకు పైబడిన వారికి, రెండవ దశలో 45 నుండి 60 ఏళ్లు గల వారికి టీకాలు వేయడం జరిగిందని, అలాగే గర్భిణీ స్త్రీలకు, ఇతర వ్యాధులతో బాధపడుతున్న వారందరికీ వేక్సినేషన్ కార్యక్రమం చేపట్టడం జరిగిందని గుర్తుచేసారు. జిల్లాలో దాదాపు 10 లక్షల మందికి వేక్సిన్లు వేశామన్నారు.

 టీకాల ప్రక్రియ నిరంతరం కొనసాగుతుందని, టీకాల సరఫరాలో ప్రభుత్వం ప్రత్యేక శ్రద్ధను కనబరస్తుందన్నారు. అంతేకాకుండా ప్రభుత్వ ఆసుపత్రులలో కోవిడ్ పేషెంట్లకు వైద్య సదుపాయాలను కల్పించడం జరుగుతుందన్నారు. మెగా టీకా కార్యక్రమంలో జిల్లా ప్రథమ స్థానంలో నిలిచిందని, అలాగే రాష్ట్రంలోనే అతి ఎక్కువ టీకాలు వేసిన జిల్లాల్లో శ్రీకాకుళం ముందంజలో ఉందన్నారు. ప్రభుత్వపరంగా ఎన్ని చర్యలు చేపట్టినప్పటికీ ప్రజలు సహకారంతోనే దానిని నివారించగలమని గుర్తుచేసారు. కోవిడ్ థర్ఢ్ వేవ్ రాకుండా ప్రతీ ఒక్కరూ మాస్కులను తప్పనిసరిగా ధరించాలని, సామాజిక దూరం పాటిస్తూ ఎప్పటికపుడు శానిటైజేషన్ చేసుకోవాలని  జె.సి నగర ప్రజలకు పిలుపునిచ్చారు.

         ఈ కార్యక్రమంలో జిల్లా వైద్య ఆరోగ్య శాఖాధికారి డా. కె.సి.చంద్రనాయక్, జిల్లా గ్రామీణాభివృద్ధి సంస్థ పథక సంచాలకులు బి.శాంతిశ్రీ, మెప్మా పథక సంచాలకులు యం.కిరణ్ కుమార్, జగన్మోహన్ రావు, నగరపాలక సంస్థ ప్రజా ఆరోగ్య అధికారి డా. వెంకటరావు, అర్బన్ హెల్త్ క్లినిక్ డా. జె.కృష్ణమోహన్ , టెక్కలి అదనపు వైద్య ఆరోగ్య శాఖాధికారి డా. లీల, ఇతర అధికారులు , ఆశావర్కర్లు, ఎ.ఎన్.ఎంలు, సచివాలయ సిబ్బంది తదితరులు పాల్గొన్నారు.