జగనన్న కాలనీలలో మౌళిక సదుపాయాలను ప్రభుత్వం కల్పిస్తుందని శాసన సభాపతి తమ్మినేని సీతారాం అన్నారు. పేదవాడి సొంత ఇంటి కల నెరేరుతుందని చెప్పారు. నవరత్నాలు పేదలందరికీ ఇల్లు కార్యక్రమంలో భాగంగా సరుబుజ్జిలి మండలం బురిడి వలస, పెద్దపాలెం గ్రామాల్లో ఇళ్ల శంకుస్థాపన కార్యక్రమంలో  శాసన సభాపతి తమ్మినేని సీతారాం శనివారం పాల్గొన్నారు. ఈ సందర్భంగా ఆయన మాట్లాడుతూ రాష్ట్రంలో ఒక ఉద్యమం మాదిరిగా ఇళ్ల శంకుస్థాపన కార్యక్రమాలు జరుగుతున్నాయన్నారు. పేదవాడికి సొంత ఇల్లు అనేది కల - ఆ కల  ఎప్పుడు నిజం అవుతుందా అని పేదవాడు ఎదురు చూస్తున్న తరుణంలో ముఖ్యమంత్రి జగన్ మోహన్ రెడ్డి 31 లక్షల ఇళ్లను నిరుపేదలకు మంజూరు చేశారని తెలిపారు. ఇప్పటి వరకూ ఏ ప్రభుత్వము ఇంత గొప్ప విషయాన్ని చేపట్టలేదని ఆయన అన్నారు.  ఆంధ్రప్రదేశ్ లో  అమలవుతున్న సంస్కరణల దిశగా ప్రక్క రాష్ట్రాలు చూస్తున్నాయని ఆయన పేర్కొన్నారు. మనసు, మానవత్వం ఉంటే మార్గం ఉంటుందని జగన్ మోహన్ రెడ్డి నిరూపించారని ఆయన అన్నారు.  రాష్ట్రంలో అమలవుతున్న సంక్షేమ పథకాలు ఏ రాష్ట్రంలోనూ అమలు కావడం లేదని ఆయన స్పష్టం చేశారు. రాష్ట్రంలో ఒకేసారి 16 మెడికల్ కాలేజీలకు ప్రభుత్వం గ్రీన్ సిగ్నల్ ఇచ్చిందని, ప్రతి గ్రామంలో పాల శీతల కేంద్రాలను ఏర్పాటు చేయడం జరుగతుందన్నారు. తద్వారా మహిళలు పాల సరఫరాతో వారి ఆర్థిక స్వావలంబన సాధిస్తారని ఆయన చెప్పారు. జగనన్న  కాలనీలో నిర్మిస్తున్న ఇళ్లలో లోటుపాట్లను గమనించి అధికారులతో సమీక్షించి దానిని ముఖ్యమంత్రి దృష్టికి తీసుకెళతామని శాసన సభాపతి అన్నారు. జగనన్న  కాలనీలకు అధునాతన మౌళిక సదుపాయాలు ప్రభుత్వమే కల్పిస్తుందని చెప్పారు. పనిచేసే ముఖ్యమంత్రికి ఎల్లవేళలా తోడుగా  ఉండాలని, ఆయనకు భరోసా ఇవ్వాలి అని సభాపతి తమ్మినేని అన్నారు.

    ఈ కార్యక్రమంలో మండల ప్రత్యేక అధికారి  బొడ్డేపల్లి శాంతి,ఎమ్మార్వో కిరణ్, ఎంపీడీవో మురళీమోహన్,  స్థానిక నాయకులు మాజీ ఎంపీపీ కే వి జి సత్యనారాయణ, సురవరపు నాగేశ్వరరావు,  బెవర మల్లేశ్వరరావు హౌసింగ్ అధికారులు పాల్గొన్నారు.

రాబోయే సీజన్ లో వ్యాధులు ప్రబలకుండా నివారణకు చర్యలు చేపట్టాలని వైద్య ఆరోగ్య, కుటుంబ సంక్షేమ శాఖ కమిషనర్ కాటమనేని భాస్కర రావు వైద్యాధికారులు ఆదేశించారు.    వచ్చేది వర్షా కాలం సందర్భంగా వ్యాధుల నివారణ కార్యక్రమంపై జిల్లా జాయింట్ కలెక్టర్లు, డిఎంహెచ్ఓలు, వైద్యాధికారులతో ఆయన వీడియో కాన్ఫరెన్స్ నిర్వహించారు.  వ్యాక్సినేషన్ శత శాతం చేయాలన్నారు. డయోరియా, మలేరియా, డెంగ్యూ, తదితర వ్యాధులు రాకుండా నివారించేందుకు చర్యలు, వ్యాధులు వచ్చినా వాటిని కట్టడి చేసేందుకు తక్షణ చర్యలు తీసుకోవాలని ఆదేశించారు. పిల్లలులో ఎనీమియా లేకుండా చూడాలని, వారికి బలమైన ఆహారం సరఫరా చేసేందుకు అంగన్వాడీ కేంద్రాల్లో చేర్పించాలన్నారు.  కుటుంబ నియంత్రణ చర్యల్లో భాగంగా మొదట డెలివరీకి రెండవ డెలివరీలకు మద్య ౩ సంవత్సరాలు గ్యాప్ ఉండాలన్నారు. గిరిజన ప్రాంతాల్లో వ్యాధులు ప్రబలకుండా చర్యలు తీసుకోవాలని చెప్పారు. ప్రతీ నెల డెలివరీలకు సంబంధించిన రిపోర్టులు సబ్ సెంటర్లు నుంచి శత శాతం అప్ లోడ్ చేయించాలని ఆదేశించారు. వై.యస్.ఆర్. క్లినిక్స్ లో భవనాలు నిర్మాణాలు పూర్తి అయితే 14 రకాలు పరీక్షలు, 24 వైద్య సేవలు అందుబాటులో ఉంటాయన్నారు. PHC లకు వారానికి ఒకసారి ఒక స్పెషలిస్టు వెళ్లాలని సూచించారు. టుబాకో ప్రోగ్రాం, టిబి కంట్రోల్ ప్రోగ్రామ్, తదితర కార్యక్రమాలు, వ్యాదులపై ఆయన వివరించారు.

కోవిడ్ - 19 మూడవ దశకు ఇప్పటి నుంచే సిద్ధంగా ఉండాలని, ప్రైవేటు ఆసుపత్రులను ఇప్పటి నుండే సందర్శించి సమన్వయం చేసుకోవాలన్నారు. ఆక్సిజన్ నిల్వ, సరఫరాలపై ఎపిఎంఐడితో సమన్వయం చేసుకోవాలని, ఆసుపత్రుల్లో పడకలు, సిబ్బంది, ఆక్సిజన్, తదితర వాటిని చూసుకోవాలని పేర్కొన్నారు.  నోడల్ అధికారులు ఆసుపత్రులకు రోజూ వెళ్లే విధంగా చూడాలని చెప్పారు. ఫీవర్ సర్వే పక్కాగా ఇంటింటికి వెళ్ళి చేయాలన్నారు. నిర్లక్ష్యం చేయకూడదని ఆయన అన్నారు. కోవిడ్ కేర్ కేంద్రాలు, ప్రైమరీ, సెకండరీ కాంట్రాక్టు లను గుర్తించాలని తెలిపారు. ఇప్పటి నుండే సిద్ధం కావాలని ఆదేశించారు. అనంతరం జిల్లా జాయింట్ కలెక్టర్ డాక్టర్ శ్రీనివాసులు వైద్యాధికారులతో నిర్వహించిన సమావేశంలో మాట్లాడుతూ నిర్దేశించిన లక్ష్యాలను డిశంబరు నాటికి ఎట్టి పరిస్థితుల్లోనూ పూర్తి చేయాలని ఆదేశించారు. ఏ ఒక్కటీ పెండింగ్ లో ఉండరాదని ఆయన స్పష్టం. జిల్లా నుండి వీడియో కాన్పరెన్స్ లో జిల్లా జాయింట్ కలెక్టర్ డాక్టర్ శ్రీనివాసులు, అదనపు డిఎంహెచ్ఓ బి. జగన్నాధరావు, టిబి కంట్రోల్ అధికారి ఎన్. అనూరాధ, తదితరులు పాల్గొన్నారు.

శ్రీకాకుళం జిల్లాకు కోటి రూపాయల విలువగల కోవిడ్ సామగ్రిని భారత పరిశ్రమల సమాఖ్య (సిఐఐ) జిల్లా యంత్రాంగానికి అందజేసింది.  జిల్లా కలెక్టర్ కార్యాలయంలో శనివారం జరిగిన కార్యక్రమంలో రాష్ట్ర ఉప ముఖ్యమంత్రి ధర్మాన కృష్ణదాస్ చేతుల మీదుగా భారత పరిశ్రమల సమాఖ్య రాష్ట్ర అధ్యక్షులు దాట్ల తిరుపతి రాజు సామాగ్రిని జిల్లా యంత్రాంగంకు అందజేశారు. ఈ సందర్భంగా ఉప ముఖ్యమంత్రి మాట్లాడుతూ ఎంతో బాధ్యతతో కోవిడ్ సామగ్రిని అందించిన భారత పరిశ్రమల సమాఖ్య రాష్ట్ర శాఖను అభినందించారు. మానవతా దృక్పథంతో ముందుకు రావడం ముదావహం అని ఆయన పేర్కొన్నారు. సేవా దృక్పథం గొప్పదని, దాత గొప్పవాడని అయన అన్నారు. రాష్ట్ర ముఖ్యమంత్రి రాష్ట్ర అభివృద్ధి దిశగా ఆలోచనలు చేస్తున్నారని, ఆ దిశగా అందరూ ఆలోచన చేసి సహాయ సహకారాలు అందించడం అభినందనీయమని ఆయన పేర్కొన్నారు. రాష్ట్ర ప్రభుత్వం నుండి అవసరమైన సహాయ సహకారాలు అందించడానికి సిద్ధంగా ఉన్నామని ఆయన పేర్కొన్నారు. జిల్లా కలెక్టర్ శ్రీకేశ్ లాఠకర్ మాట్లాడుతూ జిల్లాకు కోటి రూపాయల విలువ గల సామగ్రి పంపిణీ చేయడం అభినందనీయమన్నారు. మూడవ దశను ఎదుర్కొనుటకు సిద్ధంగా ఉన్నామని అందుకు ఈ సామాగ్రి మరింత ఉపకరిస్తుందని పేర్కొన్నారు. మొదటి, రెండవ దశలో అప్పటి కప్పుడు సామగ్రిని సమకూర్చుకోవాల్సిన పరిస్థితి ఏర్పడిందని, అటువంటి సమస్య మూడవ దశలో ఉండబోదని తెలిపారు. జిల్లాలో కోవిడ్ పర్యవేక్షణ జాయింట్ కలెక్టర్లు సుమిత్ కుమార్, డాక్టర్ కే.శ్రీనివాసులు చక్కగా చేస్తున్నారని ఆయన తెలిపారు.

 భారత పరిశ్రమల సమాఖ్య రాష్ట్ర అధ్యక్షులు దాట్ల తిరుపతి రాజు మాట్లాడుతూ కోవిడ్ ను ఎదుర్కొనుటకు ప్రభుత్వం సిద్ధంగా ఉండడం అభినందనీయమని అన్నారు. ప్రభుత్వం చేస్తున్న కృషికి, సహకారానికి తమ వంతు కొంత విరాళంగా సామగ్రిని అందిస్తున్నామని ఆయన పేర్కొన్నారు.  డాక్టర్ అలోక్ మిశ్రా రూ. 63 లక్షల విలువగల పరికరాలు అందించారని ఆయన అభినందించారు.  అందించిన సామగ్రిలో ఆక్సిజన్ సరఫరా పరికరాలు, ఆక్సిజన్ కాన్సెంట్రేటర్ లు, ఇతర కోవిడ్ సంబంధిత పరికరాలను అందజేశారు. ఈ కార్యక్రమంలో జాయింట్ కలెక్టర్లు సుమిత్ కుమార్, డాక్టర్ కే.శ్రీనివాసులు, కేంద్ర మాజీ మంత్రి ఇ డాక్టర్ కిల్లి కృపారాణి, మాజీ మున్సిపల్ చైర్ పర్సన్ ఎం.వి.పద్మావతి, ప్రభుత్వ సర్వజన ఆసుపత్రి సూపరింటెండెంట్ డాక్టర్ ఏ.కృష్ణమూర్తి, డాక్టర్ ఆర్. అరవింద్, ఎన్.పి. సి.ఎల్ ప్రతినిధులు బంగారయ్య శెట్టి, రవి కుమార్, డాక్టర్ బి.ఆర్ అంబేద్కర్ విశ్వవిద్యాలయం ఎక్జిక్యూటివ్ మెంబర్ డాక్టర్ బుడుమూరు రాజేష్  తదితరులు పాల్గొన్నారు.

నదీజలాల విషయంలో ఏపీ, తెలంగాణల మధ్య జలవివాదాలకు కారకుడు మాజీ ముఖ్యమంత్రి చంద్రబాబునాయుడేనని డిప్యూటీ సీఎం ధర్మాన కృష్ణదాస్ తీవ్రంగా ధ్వజమెత్తారు. శనివారం స్థానిక జిల్లా వైసీపీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ స్వ ప్రయోజనాల కోసం రాష్ట్రాన్ని తాకట్టు పెట్టి, అధోగతి పాలు చేసిన వ్యక్తిగా చంద్రబాబు అన్నారు   ఆనాడు పాదయాత్రలో ప్రజలు సమస్యలు తెలుసుకున్న జగన్మోహన్రెడ్డి నవరత్నాలు అమలులో, మ్యానిఫెస్టోలో పెట్టిన హామీలలో 95శాతం అమలు చేసి సూపర్ సీఎం గా పేరు తెచ్చుకున్నారన్నరు 

 ఈ విషయం చంద్రబాబు నాయుడు వారి కుమారుడు నారా లోకేష్లు గుర్తెరగాలన్నారు. ఆయన పై లేనిపోని ఆరోపణలు సరికాదన్నారు. ఆనాడు వైఎస్ రాజశేఖర్రెడ్డి హయాంలో మాజీ రెవెన్యూ మంత్రి, పస్తుత ఎమ్మెల్యే ధర్మాన ప్రసాదరావు నేరడి బ్యారేజీ రెండవ దశ కు కృషి చేశారని, నేడు అన్ని ప్రాజెక్టులతోపాటు శ్రీకాకుళం జిల్లాకు చెందిన అన్ని నీటి వనరులను పూర్తి చేసే దిశగా చర్యలు చేపడుతున్నట్లు ధర్మాన కృష్ణదాస్ తెలిపారు. తమ పార్టీ నీటిపారుదల శాఖ మంత్రి అనిల్ కుమార్ యాదవ్ నేరడి బ్యారేజీని సందర్శించారని, రెండో దశ ను త్వరలోనే పూర్తి చేసేందుకు ముఖ్యమంత్రి జగన్మోహన్రెడ్డి ఆద్వర్యంలో తోటపల్లి, బహుదా ప్రాజెక్టులతోపాటు ఆఫ్షోర్ రిజర్వాయర్ను కూడా అభివృద్ధి చేసేందుకు చర్యలు తీసుకుంటున్నట్లు కృష్ణదాస్ తెలిపారు. వ్యవసాయ ఆధారిత జిల్లా అయినందున రైతులకు నీటి వనరులకు ఇబ్బందులు లేకుండా అభివృద్ధిని చేద్దామని జగన్మోహన్రెడ్డి తెలియజేశారన్నారు. ప్రజలకు చేరువగా వైఎస్ఆర్ కాంగ్రెస్ ప్రభుత్వ హయాంలో అభివృద్ధి జరుగుతుంటే జగన్మోహన్ రెడ్డిపై చంద్రబాబు నాయుడు, తన కుమారుడు లోకేష్ విమర్శలు చేయడం సరికాదన్నారు. రెండు చోట్ల ఎమ్మెల్యేగా పోటీ చేసి ఓడిపోయిన లోకేష్ జగన్మోహన్రెడ్డిని విమర్శించే అర్హతలేదన్నారు. వైపీపీపై టీడీపీ చేస్తున్న విమర్శలు ప్రజలు గమనిస్తున్నారని, ఇదివరకే ప్రజలు బుద్ధిచెప్పారని టీడీపీ నాయకులు గుర్తెరగాలన్నారు. టీడీపీ నాయకులు చెప్పేవన్నీ నీతులు, చేసేవన్నీ తప్పులన్నారు. మీడియా ప్రతినిధులు కూడా వాస్తవికతను పరిశీలించి వార్తలు రాయలన్నారు. తాను తప్పుచేస్తే పెద్ద హెడ్లైన్స్లో రాయాలని, ఎవరి మెప్పుకోసమో వాస్తవికతను దాచి తప్పుడు రాతలు రాయొద్దని కోరారు. తన తండ్రి వైఎస్ రాజశేఖరెడ్డి నాడు ఇచ్చిన హామీలు, తాను నెరవేర్చేందుకు జగన్ కృషిచేస్తున్నట్లు తెలియజేశారు. దిశ యాప్్వరా మహిళలకు రక్షణ, మహిళలకు 50శాతం రిజర్వేషన్లు, మహిళలకు 25 లక్షల ఇళ్ల పట్టాలు ఇస్తామని చెప్పిన హామీని 30లక్షలకు పెంచి ఆదుకుంటున్నారన్నారు. కరోనా మహమ్మారి వలన ఆసుపత్రుల నిర్మాణం, 14వైద్య కళాశాలల నిర్మాణం వైఎస్ జగన్మోహన్ రెడ్డి సాధించిన అభివృద్ధి అన్నారు. తామంతా ఒకేపార్టీ వైఎస్ఆర్ కాంగ్రెస్ పార్టీఅని, తమలో ఎటువంటి విభేధాలు లేవని, తమ నాయుడు వైఎస్ జగన్మోహన్రెడ్డి అని తెలియజేశారు. తమలో విభేదాలు ఉన్నాయని ప్రచారం చేయడం లో నిజం లేదన్నారు. వైసీపీ జిల్లా అధ్యక్షురాలు కిల్లి కృపారాణి మాట్లాడుతూ శ్రీకాకుళం జిల్లాకు రూ.45కోట్లు ఖర్చుచేసి జిల్లాలో ఉన్న చెరువులను అభివృద్ధి చేసేందుకు జిల్లాను పైలెట్ ప్రాజెక్టుగా ధర్మాన కృష్ణదాస్ కృషి వల్లే ఎంపిక చేశారని, త్వరలో చెరువుల గట్లపై మొక్కలు పెంపకం, వాకింగ్ ట్రాక్ నిర్మాణం  చేపడుతున్నట్లు తెలిపారు. తెలంగాణా, ఆంధ్రప్రదేశ్ మధ్య జలవివాదాలకు కారణం చంద్రబాబునాయుడు అనే విషయం అందరికీ తెలుసన్నారు. ఈ సమావేశంలో డీసీఎంఎస్ మాజీ ఛైర్మన్ పిరియా సాయిరాజ్, మున్సిపల్ మాజీ ఛైర్పర్సన్ ఎంవీ.పద్మావతి, పార్టీ వర్కింగ్ ప్రెసిడెంట్ l శిమ్మ రాజశేఖర్, కామేశ్వరి, టి. నాగేశ్వరరావు, గుంట జ్యోతి తదితరులు పాల్గొన్నారు.

వివక్షతకు కారణమైన అంశాలను కూకటివేళ్లతో పెకిలించేందుకు ఎస్.సి., ఎస్.సి. అత్యాచార నిరోధక చట్టం ఎంతగానో దోహదపడుతుందని రాష్ట్ర విద్యాశాఖ మంత్రి డాక్టర్ ఆదిమూలపు సురేష్ అన్నారు. ఎస్.సి.,ఎస్.టి. అత్యాచార నిరోధక చట్టం నిఘా, పర్యవేక్షణ నూతన కమిటీ తొలి సమావేశం ప్రకాశం భవనంలోని కలెక్టర్ కాన్ఫరెన్స్ హాలులో శుక్రవారం జరిగింది. సాంఘిక సంక్షేమ శాఖ ఆధ్వర్యంలో నిర్వహించిన జిల్లా స్థాయి కమిటీ సమావేశానికి జిల్లా కలెక్టర్ ప్రవీణ్ కుమార్ అధ్యక్షత వహించగా ముఖ్య అతిధిగా మంత్రివర్యులు పాల్గొన్నారు.  సమాజంలో అన్యాయం జరిగిన బాధితులకు ప్రభుత్వం అండగా ఉంటుందని మంత్రి సురేష్ చెప్పారు. సమానత్వం, సామ్యవాదం, సౌభాతృత్వం పరిరక్షణ కోసం ప్రత్యేకంగా చట్టాన్ని రూపొందించిన విషయాలను ఆయన వర్ణించారు. చట్టం ఎవరికీ చుట్టం కాదని, అందరికీ సమాన హక్కులు కల్పించడమే ముఖ్య

ఉద్దేశమన్నారు. స్వాతంత్య్రం వచ్చి 75 సంవత్సరాలు దాటినప్పటికీ కులాలు సమాజంపై ప్రభావాన్ని చూపడం బాధాకరమన్నారు. సాంకేతిక రంగం ఎంతో అభివృద్థి చెందినప్పటికీ, పోలీసుల నిఘా వ్యవస్థ పెరిగినప్పటికీ ఎస్.సి., ఎస్.టి. లపై నేటికీ వివక్ష, దాడులు ఆగడంలేదన్నారు. ఎస్.సి., ఎస్.టి. లకు తగిన ప్రాధాన్యత కల్పించడానికి ఈ ప్రత్యేక చట్టం ఉపకరిస్తుందన్నారు. మేధావుల్లో ఆలోచనా సరళి మారాలని, ప్రభుత్వం

సమానత్వాన్ని పరిరక్షిస్తుందన్నారు. సామాన్య ప్రజలు స్వేచ్ఛగా జీవించడానికి రాష్ట్ర ప్రభుత్వం ప్రత్యేక దృష్టి సారించి భరోసా, విశ్వాసాన్ని కల్పిస్తుందన్నారు. దీంతో గడిచిన రెండేళ్లలో అట్రాసిటీ కేసులు తగ్గుముఖం పట్టాయన్నారు. విచారణ పేరుతో అట్రాసిటీ కేసులను పెండింగ్‌లో పెట్టడం మంచి పద్థతి కాదని అధికారులకు మంత్రి

సూచించారు. చట్టం అమలులోకి వచ్చినప్పటి నుంచి జిల్లాలో 1,816 కేసులు నమోదు కాగా, నిరాధారమైన తప్పుడు కేసులుగా 802 నమోదు కావడంపై ఆయన ఆరా తీశారు. 50 శాతం కేసులు ఇలా నమోదు కావడం ఏమిటని పోలీసు అధికారులను వివరాలడిగి తెలుసుకున్నారు. 198 కేసులు విచారణ స్థాయిలోనే పెండింగ్‌లో

ఉండడంపై ఆయన సమీక్షించారు. మిగిలిన 496 కేసులు కోర్టు పరిధిలోనే పెండింగ్‌లో ఉన్నాయని వాటిపై పబ్లిక్ ప్రాసిక్యూటర్ ప్రత్యేక చొరవ తీసుకోవాలన్నారు. చట్టం క్రింద ఎఫ్.ఐ.ఆర్. నమోదు కాగానే బాధితులకు పరిహారం వెంటనే అందించాలన్నారు. కులధృవీకరణ పత్రాల జారీ, కేసుల పరిష్కారంలో అధికారులు బాధ్యతగా

పనిచేయాలన్నారు. తప్పు చేసిన వారికి శిక్ష విధించే వరకు చట్టం తనపని తాను చేసుకునేలా అధికారులంతా  సమన్వయంతో సహకరించాలన్నారు. ప్రతి మూడునెలలకొకసారి సమావేశం నిర్వహించాలని, ప్రతి నెల

ఆర్.డి.ఓ.లు, పోలీసు, సాంఘిక సంక్షేమ శాఖ అధికారులు తమ స్థాయిలో సమీక్షలు చేయాలన్నారు. గడిచిన రెండు సంవత్సరాలలో చట్టం క్రింద బాధిత కుటుంబాలకు రూ.4 కోట్లు పరిహారం అందించామని మంత్రి తెలిపారు. అలాగే బాధిత కుటుంబాల నుంచి 11 మందికి ప్రభుత్వ ఉద్యోగం కల్పించామన్నారు. చట్టం ద్వారా ఏర్పడిన కమిటీ బాధితులకు తప్పనిసరిగా అండగా ఉంటుందని, అన్యాయం జరగకుండా చర్యలు

తీసుకుంటుందన్నారు. జిల్లా కలెక్టర్ , ఎస్.పి.లు సమన్వయంతో బాధితులకు న్యాయం జరిగేలా కృషి చేస్తున్నారని ఆయన అభినందించారు. ఎస్.సి., ఎస్.టి. అట్రాసిటీ కేసులను సత్వరమే పరిష్కరించడానికి ఏర్పాటైన ప్రత్యేక కోర్టులో తుదితీర్పు వేగంగా వెలువడాలన్నారు. అన్యాయానికి గురై క్షోభిస్తున్న బాధితులకు సత్వరమే న్యాయం జరిగేలా ప్రత్యేక కోర్టు పనిచేయాలన్నారు. ఎస్.సి. లు అధికంగా ఉన్న ప్రకాశం జిల్లాలో ఈ చట్టం క్రింద నమోదైన కేసులను వేగంగా పరిష్కరించాలని జిల్లా కలెక్టర్ ప్రవీణ్ కుమార్ చెప్పారు. బాధితుల నుంచి ఫిర్యాదు రాగానే క్షేత్రస్థాయి పరిశీలన ఉండాలని, ఎఫ్.ఐ.ఆర్. కాగానే పరిహారం అందివ్వాలన్నారు. అట్రాసిటీ కేసులపై ప్రతి సోమవారం ఆర్.డి.ఓ.లు సమీక్షించుకోవాలన్నారు. విచారణ సమయంలో పోలీసులకు రెవిన్యూ

అధికారులు సహకరించాలన్నారు. కులధృవీకరణ పత్రాల జారీలో రెవిన్యూ అధికారులు, ఛార్జిషీటు నమోదులో పోలీసుల అలసత్వం ఉండరాదన్నారు. నిందితులు హైకోర్టును ఆశ్రయించడం ద్వారా ఎదురయ్యే సాంకేతిక సమస్యలు పరిష్కారానికి కృషి చేయాలన్నారు. బాధితులకు న్యాయం జరిగేలా చూస్తామని ఆయన తెలిపారు. రాష్ట్ర ప్రభుత్వం ఆదేశాలతో రాష్ట్ర పరిపాలనా వ్యవస్థ సమర్థంగా పనిచేస్తుందన్నారు. విచారణ పేరుతో కేసుల పరిష్కారంలో జాప్యం చేయడం సరికాదన్నారు. ఎస్.సి., ఎస్.టి. అత్యాచార నిరోధక చట్టం కేసుల పరిష్కారంపై పోలీసు యంత్రాంగం నిరంతరం

పనిచేస్తుందని జిల్లా ఎస్.పి. సిద్థార్థ్ కౌశల్ చెప్పారు. కేసుల విచారణపై ప్రతిరోజు డి.ఎస్.పి.లకు సూచనలు చేస్తున్నామన్నారు. కేసులపై మరింత నిఘా పెంచామని, వేగంగా విచారిస్తున్నామని ఆయన వివరించారు. కుల ధృవీకరణ పత్రాల జారీలో కొంత జాప్యం జరుగుతోందని, దీంతో విచారణ ముందుకు సాగడం లేదన్నారు. హైకోర్టు ఆదేశాలు, సూచనలు, చట్టం మార్గదర్శకాల మేరకు నిరంతరం చిత్తశుద్థితో పనిచేస్తున్నామని ఆయన తెలిపారు. కొన్ని కేసులలో కొందరి ఆచూకీ లభించక జాప్యం జరిగిన అంశాలను మంత్రికి వివరించారు. ప్రజలకు నిరంతరం అందుబాటులో ఉంటున్నామని, అధునాతన

సాంకేతిక పరిజ్ఞానంతో ముందుకు వెళ్తున్నామని ఆయన తెలిపారు.

పౌరహక్కుల దినోత్సవాలను క్రమం తప్పకుండా ప్రతి నెలా నిర్వహించాలని చట్టం జిల్లా కమిటీ సభ్యులు పి.నాగరాజు, పి.లక్ష్మయ్య మంత్రిని కోరారు. కుల ధృవీకరణ పత్రాలు వేగంగా జారీ చేయాలని, సకాలంలో ఛార్జీ షీటు వెయ్యాలని, ఎఫ్.ఐ.ఆర్. నమోదులో జాప్యం ఉండరాదన్నారు. కోవిడ్ తో మృతి చెందిన గిరిజనులకు స్మైల్ పధకం వర్తింప చెయ్యాలని, సభ్యులకు గుర్తింపు కార్డులు ఇవ్వాలని మంత్రికి  విన్నవించారు. సమావేశంలో జాయింట్ కలెక్టర్ (ఆసరా మరియు సంక్షేమం) కె.కృష్ణవేణి, ఏ.ఎస్.పి. డి.రవిచంద్ర, డి.ఆర్.ఓ. డి.తిప్పే నాయక్, ఎస్.సి.సెల్ డి.ఎస్.పి. ఎన్.సురేష్ బాబు, సాంఘిక సంక్షేమ

శాఖ డి.డి. లక్ష్మా నాయక్, గిరిజన సంక్షేమ శాఖ అధికారిణి టి.లలితా బాయి, ఒంగోలు, మార్కాపురం, కందుకూరు ఆర్.డి.ఓ.లు, కమిటి సభ్యులు, అధికారులు, తదితరులు పాల్గొన్నారు.

భారతీయ సమాజంలో బాలబాలికల లింగ నిష్పత్తి ఎంతో నిస్పృహకు గురి చేస్తుందని, దీన్ని కాపాడుకోవలసిన బాధ్యత అందరిపై ఉందని జిల్లా ప్రధాన న్యాయమూర్తి జి.రామకృష్ణ పేర్కొన్నారు. శుక్రవారం కలెక్టర్ కార్యాలయ సమావేశ మందిరంలో పి.సి అండ్ పియన్ డిటి చట్టం అమలుపై జిల్లా స్థాయి బహుళ సభ్యుల సమావేశం జిల్లా వైద్య ఆరోగ్య శాఖాధికారి ఆధ్వర్యంలో జరిగింది. ఈ సందర్భంగా జిల్లా ప్రధాన న్యాయమూర్తి మాట్లాడుతూ ఆర్ధిక పరిస్థితుల దృష్ట్యా సంఘంలో ఆడపిల్లల పట్ల వివక్షత, మూఢనమ్మకాలు పెరుగుతున్నాయని, వీటిని గట్టిగా అరికట్టాలని సూచించారు. గర్భస్థ శిశు లింగనిర్ధారణపై వైద్యాధికారులు దృష్టి సారించాలని, లింగ నిర్ధారణ కేంద్రాలపై నిరంతర పరిశీలన అవసరమని, ప్రతిరోజూ లింగ నిర్ధారణ కేంద్రాలకు వస్తున్న వారి వివరాలు సేకరించాలని చెప్పారు. ప్రభుత్వం 0-6 సంవత్సరాల బాలికల లింగ నిష్పత్తిని పెంచడానికి పిసి అండ్ పియన్ డిటి 1994 లింగ నిర్ధారిత పరీక్షల నిరోధక చట్టాన్ని తీసుకురావడం జరిగిందని అన్నారు. దీన్ని  కఠినంగా అమలు చేయడం ద్వారా లింగ నిర్ధారిత పరీక్షలు, ఆడ శిశు భ్రూణహత్యలు తగ్గి కొంతమేర ఫలితాలు సాధించవచ్చని అన్నారు. లింగ నిర్ధారణ పరీక్షలను జరిపి వివరాలు వెల్లడించమని కోరిన వారికి మరియు లింగ నిర్ధారణ పరీక్షలు చేసి వివరాలు వెల్లడించిన వైద్యులకు సెక్షన్ 22 ప్రకారం మొదటి తప్పుకు 3 సం.లు జైలుశిక్ష మరియు రూ॥॥ 50,000/- జరిమానా, రెండవసారి తప్పు చేస్తే 5 సం॥.లు జైలుశిక్ష మరియు లక్షరూపాయల జరిమానాతో పాటు వైద్యులకు వైద్య ధృవీకరణ పత్రము భారత వైద్యమండలి నందు రద్దు చేయబడుతుందని చెప్పారు. ఈ చట్టం అతిక్రమణకు పాల్పడిన వ్యక్తికి సెర్చ్ వారెంట్లు జారీ చేసే అధికారం కూడా ఈ చట్టానికి ఉన్నట్లు ప్రధాన న్యాయమూర్తి స్పష్టం చేసారు. ఇప్పటికే  మండల న్యాయ సేవాధికార సంస్థల ద్వారా భ్రూణహత్యలు, శిశు లింగనిర్ధారణ అంశాలపై ప్రజల్లో చైతన్యం కలిగించడం జరుగుతుందని, వీటిపై జిల్లా, మండల, గ్రామస్థాయిలో  సమావేశాలను నిర్వహించి మరింత ప్రచారం చేయాల్సిన ఆవశ్యకత ఎంతైనా ఉందన్నారు.

          జిల్లా సూపరింటెండెంట్ ఆఫ్ పోలీస్ అమిత్ బర్ధార్ మాట్లాడుతూ జిల్లాలో లింగ నిర్ధారణ కేంద్రాలపై నిఘాను మరింత పటిష్టం చేయాలన్నారు. జిల్లాలో లింగ నిర్ధారణ కేంద్రాలు రోజురోజుకు పెరుగుతూ వస్తున్నాయని, ముఖ్యంగా లింగ నిర్ధారణ కేంద్రాల నిర్వాహకులు, సిబ్బంది ఆర్ధిక స్థితిగతులపై ఆరా తీయాలన్నారు. తద్వారా దీన్ని కొంతమేర అరికట్టేందుకు అవకాశం కలుగుతుందన్నారు. అలాగే పిసి అండ్ పియన్ డిటి చట్టం అమలు చేయని కేంద్రాలపై చట్టపరమైన చర్యలు తప్పవని హెచ్చరించారు. లింగ నిర్ధారణ కేంద్రాలకు వస్తున్న వారి వివరాలు ఎప్పటికపుడు సేకరించి లింగ నిర్ధారణ వివరాలు తెలియచేయకుండా  వైద్య ఆరోగ్య శాఖ పటిష్ట చర్యలు తీసుకోవాలని కోరారు. ఆడ శిశువుల రక్షణకై ప్రభుత్వం ఇప్పటికే అనేక కార్యక్రమాలను అమలుచేస్తోందని, వీటి గురించి ప్రజల్లో అవగాహన కలిగించడం ద్వారా ఆడపిల్లల పట్ల వివక్షత తగ్గే అవకాశాలు మెండుగా ఉంటాయని ఆయన అభిప్రాయపడ్డారు. సమాజంలో లింగ నిర్ధారణ పరీక్షలకు వెళ్లవద్దని ఆడపిల్లలను మగ పిల్లలను సమానంగా చూడాల్సిన బాధ్యత అందరిపై ఉందని అన్నారు. అందరూ  కలిసికట్టుగా పనిచేసి లింగ వివక్షతకు చరమగీతం పాడాలని,  ఆడపిల్లల రక్షణ బాధ్యత మనదేనని యస్.పి వివరించారు.

ఈ కార్యక్రమంలో విశ్రాంత న్యాయమూర్తి పప్పల జగన్నాథరావు, సంయుక్త కలెక్టర్  డా. కె.శ్రీనివాసులు, అదనపు జిల్లా వైద్యఆరోగ్య శాఖాధికారి డా.బగాది జగన్నాధరావు, జిల్లా ఇమ్యూనైజేషన్ అధికారి డా. కె.అప్పారావు, కమిటీ సభ్యులు  డా. కె.అనూష ( గైనకాలజిస్ట్ ),డా. ఆర్.కిరణ్మయి ( రేడియాలజిస్ట్ ), డా.గిరిదొర (పిడియాట్రిషియన్), ప్రముఖ వైద్యులు డా. కె.అమ్మన్నాయుడు, న్యాయవాది ఆర్.సత్యవాణి, బెజ్జిపురం యూత్ క్లబ్ అధ్యక్షులు యం.ప్రసాదరావు, ఇతర అధికారులు తదితరులు పాల్గొన్నారు. 

శ్రీకాకుళం జిల్లాలో పెండింగులో గల సాగునీటి ప్రోజెక్టులను వెంటనే పూర్తి చేస్తామని నీటి పారుదల శాఖ మంత్రి పి. అనిల్ కుమార్ యాదవ్ తెలిపారు. శుక్రవారం సాయంత్రం జిల్లా పరిషత్ సమావేశ మందిరంలో  జిల్లా సాగునీటి వనరులపై ఉప ముఖ్యమంత్రి  ధర్మాన కృష్ణదాస్, రాష్ట్ర శాసన సభాపతి తవ్మిునేని సీతారాం లతో కలసి అధికారులతో  సమీక్షా సమావేశం నిర్వహించారు. ఈ సమావేశంలో జిల్లాలో నిర్మాణంలో గల సాగునీటి ప్రోజెక్టుల పనుల పురోగతిపై అధికారులు  వివరించారు. వంశధార ప్రోజెక్టు కు సంబంధించి అత్యవసరంగా కావలసిన షట్టర్స్, లస్కర్స్ సమస్యలను వెంటనే పరిష్కరించుటకు ప్రతిపాదనలు పంపించాలని అధికారులను ఆదేశించారు.  87, 88 ప్యాకేజీ పనులను పూర్తి చేసి డిసెంబరు నాటికి ప్రోజెక్టు  పూర్తి చేయాలని తెలపారు. సమావేశానికి ప్రత్యేక అతిధిలుగా హాజరైన ఉప ముఖ్యమంత్రి  ధర్మాన కృష్ణదాస్ మాట్లాడుతూ ప్రోజెక్టులను పూర్తిచేయుటకు అవసరమైన నిధులకు నివేదికలు తయారుచేసి వెంటనే విడుదల చేయాలన్నారు.  రాష్ట్ర శాసన సభాపతి తవ్మిునేని సీతారాం మాట్లాడుతూ వంశధార కాలువలపనులు రెండువైపులా త్వరితగతిన పూర్తిచేయాలని తెలిపారు.  జిల్లా కలెక్టరు శ్రీకేష్ లాఠకర్ మాట్లాడుతూ జిల్లాలో ప్రోజెక్టుల పూర్తిచేయుటకు కృషిచేస్తున్న మంత్రులకు కృతజ్ఞతలు తెలయజేస్తూ ప్రోజెక్టులు పనులు త్వరితగతిన పూర్తిచేయుటకు చర్యలు తీసుకుంటామన్నారు. 

                పాలకొండ శాసనసభ్యులు విశ్వాసరాయి కళావతి మాట్లాఢుతూ తమ నియోజక వర్గంలో గల పెండింగు ప్రోజెక్టులను త్వరగా పూర్తిచేయాలని కోరారు. జంపరకోట రిజర్వాయరు పూర్తిచేయాలని, సి.డబ్య్లు.ఎస్. ప్రోజెక్టు కింద మంచినీటి సరఫరా, చానల్స్ కు ఉపాధిహామీ అనుసంధానం చేయాలని, బామిని మండలానికి లిప్ట్ ఇరిగేషన్ మంజూరు చేయాలని కోరారు.  ఈ కార్యక్రమంలో శాసనమండలి సభ్యులు  దువ్వాడ శ్రీనివాసరావు,   శాసనసభ్యులు కంబాల జోగులు, రెడ్డి శాంతి, డి.సి.సి.బి. మాజీ అద్యక్షలు పాలవలస విక్రాంత్,   సాగునీటి పారుదల శాఖ  నార్త్ కోస్టల్ చీఫ్ ఇంజనీరు ఎస్. సుగుణాకరరావు, జిల్లా ఎస్.ఇ. డోల తిరుమలరావు,  డిసిసిబి మాజీ అధ్యక్షులు పాలవలస విక్రాంత్, తదితర అధికారులు, అనధికారులు పాల్గొన్నారు.

రాష్ట్ర వ్యాప్తంగా కోవిడ్ రోగుల ఆరోగ్య పరిరక్షణ కోసం ఐసోలేషన్ కేంద్రాలను ఏర్పాటు చేసి వైద్య చికిత్స, మందులు, బెడ్లు, పౌష్టికాహరం అందించడం అభినందనీయమని  శాసన మండలి ప్రోటెం స్పీకర్‌ విఠలపు బాల సుబ్రమణ్యం అన్నారు. శుక్రవారం స్థానిక గుఱ్ఱం జాషువా విజ్ఞాన కేంద్రంలో ఏర్పాటు చేసిన ప్రజారోగ్యవేదిక, యూటిఎఫ్ కార్యాలయాన్ని శాసన మండలి ప్రోటెం స్పీకర్‌ విఠలపు బాల సుబ్రమణ్యం సందర్శించారు. ఈ సందర్భంగా శాసన మండలి ప్రోటెం స్పీకర్‌ విఠలపు బాల సుబ్రమణ్యం మీడియాతో మాట్లాడుతూ డి.వై.ఎఫ్‌.ఐ, ఇతర ప్రజాసంఘాల సహాకారంతో గుంటూరులో కరోనా ఐసోలేషన్‌ సెంటర్‌ ను సామాజిక సేవా భావంతో నడిపిన ఘనతను కొనియాడారు. యుటిఎఫ్ సంఘాల నాయకులు ఆహ్వానం మేరకు   గుంటూరు బ్రాడీపేటలోని సిపియం జిల్లా కార్యాలయంలో నిర్వహిస్తున్న కరోనా ఐసోలేషన్‌ కేంద్రాన్ని సందర్శించానన్నారు. కరోనా రెండవ దశ వేగంగా విస్తరిస్తూ ప్రజల ప్రాణాలను బలిగొంటున్న నేపధ్యంలో కార్యకర్తలు ప్రాణాలకు తెగించి కేంద్రాన్ని నిర్వహిస్తున్నారు. వారి సేవలకు అభినందనలు తెలిపారు. మూడవ దశ కరోనా వస్తుందనే చర్చ జరుగుతున్న నేపధ్యంలో అప్రమత్తంగా వుండాలని, తగిన వైద్య సౌకర్యాలు, డాక్టర్లు, మందులు, పారామెడికల్‌ సిబ్బందిని సిద్ధం చేయాల్సిన అవసముందన్నారు. కరోనా ఐసోలేషన్‌ కేంద్రానికి సహకరించిన దాతలను అభినందించారు.  శాసన మండలి సభ్యులు కె.యస్‌.లక్ష్మణరావు మాట్లాడుతూ కరోనా సోకిన వారిని సొంత బందువులే పట్టించుకోని స్థితిలో ఐసోలేషన్‌ కేంద్రాన్ని ఏర్పాటు చేసి ప్రాణాలు కాపాడటం గొప్ప విషయమన్నారు. 

ఈ కార్యక్రమంలో సిపియం జిల్లా కార్యదర్శి పాశం రామారావు, యు.టి.ఎఫ్‌ గౌరవ అధ్యక్షులు బాబురెడ్డి, నగర కార్యదర్శి కె.నళినీకాంత్‌, ప్రజారోగ్యవేదిక జిల్లా కన్వీనర్‌ ఎల్‌.ఎస్‌.భారవి, వ్యవసాయ కార్మిక సంఘం జిల్లా కార్యదర్శి ఈమని అప్పారావు, డివైఎఫ్‌ఐ జిల్లా కార్యదర్శి బి. లక్ష్మణరావు, యు.టి.ఎఫ్‌ జిల్లా అధ్యక్ష ప్రధాన కార్యదర్శులు ప్రేమ్‌కుమార్‌, కళాధర్‌, ప్రజాసంఘాల నాయకులు కిరణ్‌, కిన్నెర తదితరులు పాల్గొన్నారు.

ఇవిఎం ల భద్రత విషయంలో రాజీపడకుండా అవసరమైన అన్ని చర్యలు పకడ్బందీగా తీసుకోవాలని జిల్లా కలెక్టరు వివేక్ యాదవ్  అధికారులను ఆదేశించారు. రాష్ట్ర ముఖ్య  ఎన్నికల  అధికారి  ఆదేశాల  మేరకు త్రైమాసిక తనిఖీలలో భాగంగా గుంటూరు ఆర్డీవో కార్యాలయం ఆవరణలోని ఇవియంలు భద్రపరిచిన గోడౌన్ ను,   ఫిరంగిపురం మండలం రేపూడి గ్రామంలో వ్యవసాయ మార్కెట్  గోడౌన్ లో భద్రపరచిన వీవీపాట్స్  లను జిల్లా కలెక్టర్   శుక్రవారం  తనిఖీ చేసారు. రాజకీయపార్టీల ప్రతినిధుల  సమక్షంలో గోడౌన్లకు వేసిన  సీళ్ళు తొలగించి తాళాలు తీశారు. గోడౌన్  లోపల ఉన్న ఇవియం, వివిపాట్స్ బాక్సులకు  వేసిన సీల్డ్ ను జిల్లా కలెక్టర్ వివేక్ యాదవ్  పరిశీలించారు.  ఈ కార్యక్రమంలో  అమరావతి– అనంతపురం ఎక్స్ప్రెస్వే స్పెషల్ డిప్యూటీ కలెక్టర్, ఈవీఎం, వీవీప్యాట్ గోడౌన్లు నోడల్ ఆఫీసర్ వి.శైలజ, గుంటూరు ఆర్డీవో భాస్కరరెడ్డి, గుంటూరు పశ్చిమ మండల తహశీల్దారు మోహనరావు, ఫిరంగిపురం తహశీల్దారు సాంబశివరావు, హెచ్ సెక్షన్ సూపరింటెండెంట్ సునీల్, బహుజన సమాజ్ పార్టీ సిటి ప్రెసిడెంట్ చిరతనగండ్ల వాసు, సీపీఐ పార్టీ తరుపున కె.ఈశ్వరరావు, కాంగ్రెస్ పార్టీ తరుపున అడవి ఆంజనేయులు,  ఏఐఎంఐఎం జిల్లా అధ్యక్షులు బాజిత్ బాషా, రేపూడి గ్రామం వ్యవసాయ మార్కెట్  గోడౌన్ లో భద్రపరచిన వివిపాట్స్ బాక్సుల పరిశీలనలో సిపియం నాయకులు సి. వెంకటేశ్వర్లు, టిడిపి నుండి ఎం. నరసింహారావు, బిజేపి నుండి చంద్ర శేఖర్ రావు, వైసిపి పార్టీ నుండి కే. చినపరెడ్డి,  రెవెన్యూ అధికారులు పాల్గొన్నారు.