మహావిశాఖనగర పాలక సంస్థ పరిధిలోని ప్రజలంతా వారానికి ఒక రోజు డ్రైడే పాటించడం ద్వారా వ్యాధులను నియంత్రించడానికి వీలుపడుతుందని జివిఎంసీ కమిషనర్ డా.జి.స్రిజన పిలుపునిచ్చారు. సోమవారం మూడవ జోన్ 24వ వార్డు నక్కవాని పాలెం ప్రాంతంలో   కమిషనర్  పర్యటించారు. ఈ సందర్భంగా ఆమె స్థానిక ప్రజలతో మాట్లాడుతూ రానున్న వర్షా కాలాన్ని దృష్టిలో పెట్టుకొని సీజనల్ వ్యాధులైన మలేరియా, డెంగ్యూ వంటి వ్యాధులు ప్రబలకుండా ముందు జాగ్రత్త చర్యలు తీసుకొవాలని, ఇళ్ళలో వాడే నీటికుండీలను ప్రతీ రెండు రోజులకు ఒక్కసారి నీటిని మార్చాలని, నీరు ఎక్కువ రోజులు నిల్వ ఉంచకూడదని, కొబ్బరిబొండాలు, ప్లాస్టిక్ వంటి వస్తువులు ఇంటి పరిసరాలలో ఉండకుండా చూడాలని, ప్రతీ ఒక్కరూ ప్రతీ శుక్రవారం “డ్రై” డే గా పాటించాలని సూచించారు. ఇంటి ముందు ఉన్న కాలువలకు అడ్డంగా రాళ్ళను పెట్టడం వలన నీరు నిల్వ ఉంటుందని వాటిని వెంటనే తొలగించాలని అధికారులను ఆదేశించారు. ఎవరైనా కాలువలకు అడ్డంగా రాళ్ళు, జాలీలు లాంటివి పెట్టినట్లయితే ఆ ఇంటి నుండి అపరాధ రుసుం వసూలు చెయాలని ప్రధాన వైధ్యాదికారిని ఆదేశించారు. రోడ్లను, కాలువలను ప్రతీ రోజు శుభ్రం చేయాలని, ఎక్కడా చెత్త కనిపించకూడదని, చెత్తను ఎప్పటికప్పుడు డంపింగు యార్డుకు తరలించాలని శానిటరి ఇన్స్పెక్టర్ ను ఆదేశించారు. ప్రతీ రోజు పారిశుధ్య సిబ్బంది డోర్ టు డోర్ చెత్త సేకరించాలని, తడి-పొడి చెత్తను వేరు వేరుగా తీసుకోవాలని, బహిరంగ ప్రదేశాలలో చెత్త వేయకుండా చూడాలని పారిశుధ్య సిబ్బందిని ఆదేశించారు. గృహ నిర్మాణ వ్యర్ధాలను వెంటవెంటనే తొలగించాలని, వ్యర్ధాలు తొలగించని యడల గృహ యజమానికి అపరాధ రుసుం వసూలు చేయాలని ఆసిస్టంట్ సిటీ ప్లానర్ ను ఆదేశించారు.  ఈ కార్యక్రమంలో ప్రధాన వైద్యాధికారి కె.ఎస్.ఎల్.జి.శాస్త్రి, జోనల్ కమిషనర్ శ్రీనివాస్, కార్య నిర్వాహక ఇంజినీరు చిరంజీవి, ఆసిస్టంట్ సిటీ ప్లానర్ ప్రసాద బాబు, ఎఎంఒహెచ్ రమణ మూర్తి, శానిటరి సూపర్వైజర్ జనార్ధన్,   శానిటరి ఇన్స్పెక్టర్ తదితరులు పాల్గొన్నారు.   

రబీ ధాన్యానికి మద్దతు ధర కల్పించేందుకు అన్ని చర్యలు చేపట్టామని, దళారులు, ఏజెంట్ల మాయ మాటలు నమ్మి రైతులెవరూ ఆందోళన, నిరాశలతో తక్కువ ధరకు తమ ధాన్యం అమ్మి నష్ట పోవద్దని  జిల్లా కలెక్టర్ డి.మురళీధరరెడ్డి కోరారు.  సోమవారం సాయంత్రం జిల్లా కలెక్టర్ మురళీధరరెడ్డి జూమ్ వీడియో కాన్ఫరెన్స్ ద్వారా మీడియా ప్రతినిధులతో సమావేశం నిర్వహించి జిల్లాలో రైతుల రబీ ధాన్యానికి మద్దతు ధర కల్పించేదుకు, దళారుల బారి నుండి కాపాడేందుకు చేపట్టిన చర్యలను వివరించారు.  ఈ సందర్భంగా ఆయన మాట్లాడుతూ రైతుల రబీ ధాన్యానికి ఏ గ్రేడు రకానికి క్వింటాలుకు 1888 రూపాయలు ( 75 కేజీల బస్తాకు 1416 రూపాయలు), కామన్ రకానికి క్వింటాలుకు 1868 రూపాయలు (75 కేజీల బస్తాకు 1401 రూపాయలు) చొప్పున మద్దతు ధరను ప్రకటించిందని, జిల్లాలో రైతులందరూ తమ ధాన్యానికి ఈ కనీస మద్దతు ధరలు పొందేలా అన్ని చర్యలు చేపట్టామన్నారు.   రైతులెవరు దోపిడి చేసేందుకు ద‌ళారులు, క‌మిష‌న్ ఏజెంట్లు ప్రచారం చేసే వదంతుల‌ను నమ్మవద్దని , ముఖ్యంగా బోండాలు (ఎంటీయూ 3626) ర‌కం పండించిన రైతులు ఆందోళ‌న‌తో ఎంఎస్‌పీ కంటే త‌క్కువ ధ‌ర‌కు అమ్ముకోవ‌ద్ద‌ని, ఏవైనా సందేహాలుంటే వెంట‌నే రైతు భ‌రోసా కేంద్రాల‌ను, హెల్ప్ లైన్ ను సంప్ర‌దించాల‌ని సూచించారు.  ప్ర‌స్తుతం జిల్లాలో 375 ధాన్యం కొనుగోలు కేంద్రాలు, 865 రైతు భరోసా కేంద్రాలు ప‌నిచేస్తున్నాయ‌ని.. వీటిని 400 రైస్ మిల్లుల‌తో అనుసంధానించిన‌ట్లు తెలిపారు. సొంత వినియోగం పోనూ  సుమారు 11 లక్షల ధాన్యం మార్కెట్ కు వస్తుందని అంచనా కాగా,  ఇప్పటి వరకూ రైతుల నుండి 5 లక్షల మెట్రిక్ టన్నుల ధాన్యాన్ని మద్దతు ధరకు కొనుగోలు చేయడం జరిగిందని, ఇందులో దాదాపు 2.25 లక్షలు టన్నులు బొండాల రకం ధాన్యమే ఉందన్నారు.  రైతుల నుండి 852 కోట్ల 91 లక్షల విలువైన ధాన్యాన్ని పిపిసిల ద్వారా కొనుగోలు చేసి, ఇప్పటికే 255 కోట్ల 35 లక్షల మొత్తాన్ని వారి ఖాతాలకు జమచేశారన్నారు.  ఎక్కువ ధాన్యం గత వారంలోనే కొనుగోలు చేసారని, రానున్న  వారం, 10 రోజుల్లో మొత్తం సొమ్ము చెల్లింపు పూర్తి కానుందన్నారు.

         రైతుల పండించిన ప్రతి గింజకు కనీస మద్దతు ధర కల్పించేందుకు రాష్ట్ర ప్రభుత్వం, జిల్లా యంత్రాంగం అవసరమైన అన్ని చర్యలు చేపట్టడం జరిగిందని, రైతులెవరూ దళారులు, కమీషన్ ఏజెంట్ల మోసపూరిత మాటలు, వదంతులను నమ్మి నష్టపోవద్దని జిల్లా కలెక్టర్ కోరారు.  రైతులను ఎవ్వరైనా తప్పుద్రోవ పట్టించేందుకు ప్రయత్నించినా, తక్కవ ధరకు అమ్మాలని నిర్బంధించినా అటువంటి వారిపై చట్టపరమైన చర్యలు చేపడతామని కలెక్టర్ హెచ్చరించారు. అటువంటి వారి నుండి ఏ విధమైన సమస్య ఎదురైనా రైతలు వెంటనే రైతు భరోసా కేంద్రాలకు గానీ, జిల్లా స్థాయిలో 8886613611 హెల్ప్ లైన్ నెంబరుతో ప్రతి రోజూ ఉదయం 6 నుండి రాత్రి 6 గంటల వరకూ పనిచేసేలా ఏర్పాటు చేసిన కమాండ్ కంట్రోల్ రూమ్ కు సమాచారం అందించాలని సూచించారు.  ఇప్పటి వరకూ 450 మంది రైతులు ఈ  హెల్ప్ లైన్ సేవలను వినియోగించుకోవడం జరిగిందన్నారు. 

సమావేశంలో జాయింట్ కలెక్టర్  డా.జి.లక్ష్మీశ మాట్లాడుతూ జిల్లాలో ధాన్యం విక్రయానికి 97,824 మంది రైతులు ఆన్ లైన్  నమోదు చేయించుకున్నారని,  రైతులు తమ ధాన్యాన్ని నిర్థేశి ప్రమాణంలోపు తేమను నియంత్రించేలా బాగా ఆరబెట్టుకుని, తప్ప, తాళు లేకుండా సగటు నాణ్యత ఉండేలా శుబ్ర పరచు కొవాలని కోరారు.  అమలాపురం ఏరియాలో ప్రస్తుతం పంట కోతలు జరుగుతున్నాయని, రుతుపవన రాకతో వర్షాలు ప్రారంభం కానున్న దృష్ట్యా ధాన్యం తడవ కుండా అన్ని జాగ్రత్తలు తీసుకోవాలని కోరారు. 

విశాఖజిల్లా కలెక్టర్ వి.వినయ్ చంద్ ఇచ్చిన పిలుపుతో అన్ని ప్రభుత్వ, ప్రైవేటు కంపెనీల యాజమాన్యాలు కరోనా సమయంలో తమ సహాయాన్ని అందించడానికి ముందుకు వస్తున్నాయి. ఇందులో భాగంగా ఆదివారం ఎస్బీఐ ఫౌండేషన్ ఇనాక్సిల్ టెక్నాలజీస్ కరోనా రోగులకు ఆక్సిజన్ అందించడానికి సుమారు 20 లక్షల విలువైన 5 ఆక్సిజన్ కాన్సన్ ట్రేటర్లను చెస్ట్ ఆసుపత్రికి అందజేసింది. వాటిని ఆంధ్రామెడికల్ కళాశాల ప్రిన్సిపాల్ డా.పివిసుధాకర్ కు అందజేశారు. ఈ కార్యక్రమంలో చెస్ట్ హాస్పిటల్ సూపరింటెండెంట్ కెవివి విజయకుమార్, లింక్ కన్సల్టెన్సీ డైరెక్టర్స్ లక్ష్మీ కామేశ్వరిల పాల్గొన్నారు. 

విద్యా, వైద్య రంగానికి రాష్ట్ర ప్రభుత్వం అధిక ప్రాధాన్యత ఇస్తోందని రాష్ట్ర ఉప ముఖ్య మంత్రి & ఎక్సైజ్ వాణి జ్య పన్నుల శాఖ మంత్రి  కె.నారా యణ స్వామి పేర్కొ న్నారు. సోమవారం ఉదయం తాడేపల్లి క్యాంపు కార్యాలయం నుండి రాష్ట్ర ముఖ్యమంత్రి వై.ఎస్.జగన్ మోహన్ రెడ్డి వర్చువల్ విధానం లో రాష్ట్ర వ్యాప్తంగా 14 మెడికల్ కాలేజీలకు శంకుస్థాపన రాష్ట్ర ముఖ్యమంత్రి వై.ఎస్. జగన్ మోహన్ రెడ్డి చేశారు.  ఇందులో భాగంగా చిత్తూరు జిల్లా మదన పల్లి ఆరోగ్య వరం వద్ద రూ.475 కోట్ల వ్యయం తో 95.44 ఎకరాల విస్తీర్ణంలో అత్యాధునిక వసతు లతో నిర్మించ బోతున్నమదనపల్లి, ప్రభుత్వ మెడికల్ కాలేజి శిలాఫలకంను రాష్ట్ర ఉప ముఖ్య మంత్రి & ఎక్సైజ్ వాణిజ్య పన్ను ల శాఖ మాత్యులు కె.నారాయణ స్వామి, రాష్ట్ర పంచాయతీ రాజ్ గ్రామీణాభివృద్ధి శాఖ  మాత్యులు పెద్దిరెడ్డి రామచంద్రా రెడ్డి, చిత్తూ రు,తిరుపతి పార్లమెంట్ స భ్యులు ఎన్. రెడ్డప్ప, గురుమూర్తి,పీలేరు,మదనపల్లి,తoబల్లపల్లి,పలమనేరు,చిత్తూరు శాసన సభ్యులు చిం తల రామ చంద్రారెడ్డి, నవాజ్ భాష,పెద్దిరెడ్డి ద్వారక నాధ్ రెడ్డి, వెంకటే గౌడ్,ఆరణి శ్రీనివాసులు, జిల్లా కలెక్టర్ యం.హరి నారాయణన్ లు ప్రారంభించారు.  

ఈ కార్యక్రమంలో డిప్యూటీ సీఎం మాట్లాడుతూ రాష్ట్ర ప్రభుత్వం విద్య, వైద్య రంగాలకు అధిక ప్రాధా న్యత ఇస్తూ  అందుకు అనుగుణంగా చర్యలు చేపడుతోందని నవ రత్నాల ద్వారా ప్రతి ఇంటికి సంక్షేమ పథ కాల లబ్ధి చేకూరు తుందని తెలిపారు. ప్రజల ఆరోగ్యం నిమి త్తం రాష్ట్ర ముఖ్య మంత్రి వై.ఎస్. జగన్ మోహన్ రెడ్డి వైద్య రంగం నకు అధిక ప్రాధా న్యత నిస్తూ నాడు- నేడు కింద ప్రభుత్వాసు పత్రిలో మౌలిక సదుపా యాలను కల్పించడం జరుగుతున్నదని తెలి పారు... అన్ని వర్గాల సంక్షేమానికి సంక్షేమ పథకాలను అమలు చేస్తున్నామని రైతు భరోసా, ఇన్సూరెన్స్ జలయజ్ఞం, వైఎస్ఆర్ జలకళ ఇలా పథకాల తో పాటు ఎస్సీ, ఎస్టీ, బీసీ,మైనారిటీ లకు రాజకీయ సమానత్వం ఇచ్చిన ఘనత ముఖ్య మంత్రి కే దక్కుతుందని తెలిపారు... ఈ ప్రాంతం లో మెడికల్ కళాశాలను ఏర్పాటు చేయడం  సంతోషం అన్నారు..

 రాష్ట్ర పంచాయతీరాజ్ గ్రామీణాభివృద్ధి శాఖ మాత్యులు మాట్లాడు తూ రాష్ట్ర ప్రభుత్వం  రెండేళ్లు పాలనలో  లబ్ధిదారుల ఖాతాలకు సంక్షేమ పథకాల లబ్ధి ని జమ చేయడం జరిగిం దని, అభివృద్ధి సంక్షేమ మే ధ్యేయంగా రాష్ట్ర ముఖ్యమంత్రి వై.ఎస్. జగన్ మోహన్ రెడ్డి  సంక్షేమ పథకాలను అమలు చేస్తున్నారని తెలిపారు.. అన్ని ప్రభు త్వ పాఠశాలలను, ప్రభుత్వ ఆసుపత్రుల ను నాడు -నేడు కింద ఆధునీకరణ చేయడం జరుగుతున్నదని తెలి పారు. సన్న,చిన్న కారు రైతుల కు వై ఎస్ ఆర్ జలకళ  ద్వారా బోర్లు వేయడం జరుగు చున్నదని,సాగు,త్రాగునీటి కి ఇబ్బంది లేకుం డా చర్యలు చేపడు తున్నామని మూడు రిజర్వాయర్ ల ను ఒక సంవత్సరం లోపు పూర్తి చేసేందుకు కృత నిశ్చ యంతో ఉన్నామని తెలిపారు. మదనపల్లి, మెడికల్ కళాశాలను 95.44 ఎకరాలలో రూ. 475 కోట్లతో నిర్మించ డం ఈ ప్రాంతంలో వైద్య సేవలను పేద వారికి అందించేలా ఈ ప్రాంత ప్రజలకు ఈ ఆసుపత్రి ఒక వరమ ని,రాబోయే తరా ల కు ఈ ప్రాంతంలో పూర్తి స్థాయిలో  వైద్య సేవలు అందించేoదుకు ఉప యోగపడుతుందన్నారు.భారతదేశం లోనే ఒకే సారి 16 మెడికల్ కళాశాలకు శంకుస్థాపన చేయడం, 15 లక్షల ఇళ్ల పట్టాలు పంపిణీ చేసిన ఘనత రాష్ట్ర ముఖ్యమంత్రి కే దక్కు తుందన్నారు.. 50 కుటుంబాలకు ఒక వాలంటీర్ నియామకం, సచివాలయం వ్యవస్థ ద్వారా పౌర సేవలు ప్రజలు ఇంటి ముంగిటకే తీసుకురావడం జరిగిం దని తెలిపారు..

 చిత్తూరు పార్లమెంటు సభ్యులు మాట్లాడుతూ దేశంలోని అన్ని రాష్ట్రా ల ముఖ్యమంత్రులకు రాష్ట్ర ముఖ్యమంత్రి వై.ఎస్ జగన్ మోహన్ రెడ్డి ఆదర్శప్రాయుడని, కుల, మత,పార్టీ లకు అతీతంగా సంక్షేమ పథ కాలను అమలు చేస్తూ అన్ని వర్గాల సంక్షేమా నికి కృషి చేస్తున్నారని తెలిపారు... కొన్ని దశాబ్దాలుగా ఈ ప్రాంతానికి రావాల్సిన మెడికల్ కళాశాలకు నేడు ముఖ్యమంత్రి శంకుస్థాపన చేయడం చాలా అదృష్టం అని, నిరంతరం ప్రజల సంక్షేమానికి ముఖ్య మంత్రి కృషి చేస్తున్నా రని తెలిపారు...

 తిరుపతి పార్లమెంటు సభ్యులు మాట్లాడుతూ దేశంలోనే ఆదర్శవంతం  గా రాష్ట్ర ముఖ్యమంత్రి పాలన  సాగుతోందని, దేశ చరిత్రలో ఒకేసారి 16 మెడికల్ కళాశాలకు శంకుస్థాపన చేసి ఘన త ముఖ్యమంత్రి కే దక్కు తుందన్నారు..  అత్యాధునిక పరికరాల తో వైద్య సేవలు అందిం చడం,104,108 వాహ నాలు అన్ని ప్రాంతాలకు వెళ్లి వారికి వైద్య సేవలు  వైఎస్ఆర్ అర్బన్ హెల్త్ క్లినిక్ లు ఇలా రాష్ట్రాన్ని ఆరోగ్య ఆంధ్రప్రదేశ్ గా మార్చుటకు రాష్ట్ర ముఖ్యమంత్రి అధిక ప్రాధాన్యత ఇస్తున్నారని తెలిపారు..

 మదనపల్లి శాసన సభ్యులు మాట్లాడుతూ మదనపల్లిలో మెడికల్ కళాశాల మంజూరు చేయడం ఈ ప్రాంత వాసులు అదృష్టమని సుదీర్ఘ పాదయాత్రలో ముఖ్యమంత్రి ఈ ప్రాంతంలో మెడికల్ కళాశాల ను మంజూరు చేస్తానని హామీ ఇచ్చా రని ఆ హామీనినిలబెట్టు  కుంటూ మెడికల్ కళా శాల ను మంజూరు చేశారని...ఈ ప్రాంతం రానున్న కాలంలో మరింత అభివృద్ధి చెందేందుకు  కృషి చేస్తామని తెలిపారు..

 పీలేరు శాసనసభ్యులు  మాట్లాడుతూ నేడు ఒక చారిత్రాత్మక ఘట్టమని దాదాపు వంద సంవత్స రాల నుండి టీవీ వ్యాధి గ్రస్తులకు ఆరోగ్య వరం ప్రసిద్ధిగాంచిందని, మద నపల్లి ప్రభుత్వ మెడికల్ కాలేజి ద్వారా ఈ ప్రాం తంలో ఉపాధి అవ కాశాలు పెరుగు తాయని తెలిపారు

ఈ కార్యక్రమంలో డిసిసిబి చైర్ పర్సన్ రెడ్డమ్మ, జిల్లా జాయిం ట్ కలెక్టర్ (అభివృద్ధి) వి.వీర బ్రహ్మo, మదన పల్లి సబ్ కలెక్టర్ జాహ్న వి, ఎన్ ఆర్ ఈ జి ఎస్ స్టేట్ కౌన్సిల్ మెంబర్ ఎం. విశ్వ నాదం,ఏ పి ఎం ఐ డి సి ఈఈ ధనుంజయ రెడ్డి, మదనపల్లి మునిసి పల్ చైర్మన్ మనుజా, తహశీల్దార్ కుప్ప స్వామి, ఎంపీ డీఓ లీలా మాధవి, పోత బోలు సర్పంచ్ ఈశ్వ రయ్య,ఇతర ప్రజా ప్రతినిధులు, అధి కారులు పాల్గొన్నారు

పేద‌లంద‌రికీ ఇళ్లు కార్య‌క్ర‌మంలో జిల్లాలోని ఇళ్లులేని  నిరుపేద కుటుంబాల‌కు రాష్ట్ర ప్ర‌భుత్వం మంజూరు చేసిన ఇళ్ల నిర్మాణాన్ని జూన్ 3వ తేదీన శ్రీ‌కారం చుట్ట‌నున్న‌ట్టు జిల్లా క‌లెక్ట‌ర్ డా.ఎం.హ‌రిజ‌వ‌హ‌ర్ లాల్ వెల్ల‌డించారు. రాష్ట్ర ముఖ్య‌మంత్రి శ్రీ వై.ఎస్‌.జ‌గ‌న్ మోహ‌న్ రెడ్డి వ‌ర్చ్యువ‌ల్ విధానంలో వీడియో కాన్ఫ‌రెన్సు ద్వారా ప్రారంభిస్తార‌ని తెలిపారు. గ‌జ‌ప‌తినగ‌రం అసెంబ్లీ నియోజ‌క‌వ‌ర్గ ప‌రిధిలోని బొండ‌ప‌ల్లి మండ‌లం గొట్లాంలో జ‌గ‌న‌న్న హౌసింగ్ కాల‌నీల ఏర్పాటులో భాగంగా రూపొందించిన  ఇళ్ల స్థ‌లాల లే అవుట్‌లో ఇళ్ల నిర్మాణ ప‌నుల‌ను ముఖ్య‌మంత్రి ఆన్ లైన్‌లో ప్రారంభిస్తార‌ని పేర్కొన్నారు. ఈ లే అవుట్‌లో 185 ఇళ్ల నిర్మాణం ప‌నులు చేప‌ట్ట‌డం జ‌రుగుతుంద‌న్నారు. జ‌గ‌న‌న్న  కాల‌నీ ఏర్పాటులో భాగంగా జిల్లా వ్యాప్తంగా 928 లే అవుట్ల‌ను అభివృద్ధి చేయ‌డం జ‌రిగింద‌న్నారు.  రాష్ట్ర  గృహ‌నిర్మాణ సంస్థ, గ్రామీణ నీటిస‌ర‌ఫ‌రా, విద్యుత్ పంపిణీ సంస్థ‌ల ఆధ్వ‌ర్యంలో ఇప్ప‌టికే ఈ కాల‌నీల్లో ఇళ్ల నిర్మాణానికి వీలు క‌ల్పించేలా నీటివ‌స‌తి క‌ల్పించేందుకు బోర్ల త‌వ్వ‌కం, అంత‌ర్గ‌త రోడ్ల నిర్మాణం, విద్యుత్ స‌ర‌ఫ‌రా లైన్ల ఏర్పాటు వంటి సౌక‌ర్యాలు క‌ల్పించ‌డం వంటి మౌళిక స‌దుపాయాల ప‌నులు ముమ్మ‌రంగా చేప‌ట్ట‌డం జ‌రుగుతోంద‌ని తెలిపారు.

జిల్లాలో త‌మ సొంత స్థ‌లాల్లో ప్ర‌భుత్వ అందించే రూ.1.80 ల‌క్ష‌ల‌ ఆర్ధిక స‌హాయంతో ఇళ్లు నిర్మించుకొనేందుకు ముందుకు వ‌చ్చిన వారితో, అదేవిధంగా ప్ర‌భుత్వం జిల్లాలో అభివృద్ధి చేసిన 928 జ‌గ‌న‌న్న హౌసింగ్ కాల‌నీల లేఅవుట్ల‌లో ప్ర‌భుత్వం అందించే స‌హాయం వినియోగించుకొని త‌మంత‌ట తాముగా ఇళ్లు నిర్మించుకొనే వారితో ముందుగా ఇళ్ల‌నిర్మాణాలు ప్రారంభించేందుకు ఏర్పాట్లు చేస్తున్న‌ట్టు గృహ‌నిర్మాణ‌సంస్థ జిల్లా ప్రాజెక్టు డైర‌క్ట‌ర్ ఎస్‌.వి.ర‌మ‌ణ‌మూర్తి తెలిపారు. జిల్లాలో తొలివిడ‌త‌గా 98,286 ఇళ్ల‌ను మంజూరు చేయ‌డం జ‌రిగింద‌ని ప్రాజెక్టు డైర‌క్ట‌ర్ చెప్పారు.

విశాఖలోని సింహాచలం శ్రీశ్రీశ్రీ వరాహ లక్ష్మీ నృసింహస్వామివారి దేవస్థానంలో  జూన్ 1 నుంచి సింహాద్రి అప్పన్న  దర్శనాల సమయం పెంచిన సందర్భంగా భక్తులకు ఎలాంటి అసౌకర్యం కలగకుండా ఏర్పాట్లు చేయాలని ఈఓ ఎంవీ సూర్యకళ అధికారులను ఆదేశించారు. ఆదివారం ఈ మేరకు ఘాట్ రోడ్డు టోల్ గేట్ వద్ద టిక్కెట్టు కౌంటర్ ను పరిశీలించారు. భక్తుల సౌకర్యార్ధం రూ.300, 100, టోల్ గేట్ల టిక్కెట్లను ఒకే చోట ఇవ్వాలని సూచించారు. కోవిడ్ నిబంధనలను ద్రుష్టిలో పెట్టుకొని క్యూలైన్యలలో సౌకర్యాలు కల్పించాలన్నారు. ప్రధాన ప్రాంతాల్లో భక్తులకు తెలిసే విధంగా బోర్డులను ఏర్పాటు చేయాలని సూచించారు. అనంతరం అంతరాలయం, టిక్కెట్ కౌంటర్, క్యూలైన్లు, ఇత్తడి, రాగి గ్రిల్స్ పాలిషింగ్ పనులను ఈఓ పరిశీలించారు. ఈకార్యక్రమంలో ఏఈఓ రమణమూర్తి తదితరులు పాల్గొన్నారు. 

రాష్ట్ర ప్రభుత్వం కరోనా కట్టడి చర్యల్లో భాగంగా ప్రతిష్టాత్మకంగా నిర్వహిస్తున్న ఫీవర్ సర్వే విషయంలో నిర్లక్ష్యం వహిస్తే చర్యలు తీసుకుంటామని జిల్లా కలెక్టర్ తెలిపారు. జిల్లాలో ఫీవర్ సర్వే ఆధారంగా కరోనా లక్షణాలున్న వారికి సకాలంలో టెస్టులు నిర్వహించని ఐదుగురు మెడికల్ ఆఫీసర్లకు షోకాజు నోటీసులు జారీ చేశారు. గుమ్మగట్ట, కొండాపురం, గుడిబండ, గోరంట్ల, ఆవులదట్ల పీహెచ్సీల మెడికల్ ఆఫీసర్లు షోకాజ్ నోటీసులను అందుకున్నారు. ఆదివారం ఫీవర్ సర్వే-టెస్టులు అంశంపై జిల్లా కలెక్టర్ టెలీ కాన్ఫరెన్సు నిర్వహించారు. మెడికల్ ఆఫీసర్లు బాధ్యతగా వ్యవహరించి ఫీవర్ సర్వేను ఆధారంగా సేకరించిన డేటాను కరోనాను కట్టడి చేసేందుకు వినియోగించాలన్నారు. ఫీవర్ సర్వే ద్వారా కరోనా లక్షణాలు ఉన్నవారికి వెంటనే టెస్టులు నిర్వహించాలన్నారు. ప్రస్తుతం సర్వేలో కరోనా లక్షణాలు కలిగివుండి, కరోనా టెస్టు పెండింగ్ లో వారికి ఉన్న నేడు సాయంత్రం లోగా టెస్టులు పూర్తి చేయాలన్నారు. 

వాలంటీర్లు గతంలో కరోనా వచ్చిన వారిని కూడా జ్వర లక్షణాలు కనిపించగానే ఫీవర్ సర్వేలో నమోదు చేయడం వల్ల డూప్లికేషన్ సమస్య ఉత్పన్నమవుతోన్న విషయం తమ దృష్టికి వచ్చిందన్నారు. క్షేత్ర స్థాయిలో ఉత్పన్నమయ్యే ఇటువంటి సమస్యలను పరిష్కరించేందుకు జిల్లా యంత్రాంగం సిద్ధంగా ఉందన్నారు.

కాన్ఫరెన్సులో జేసీ సిరి, జేసీ గంగాధర్ గౌడ్, డీఎంహెచ్ఓ కామేశ్వర్ ప్రసాద్ తదితరులు పాల్గొన్నారు. 

ప్రకాశం జిల్ల కలెక్టర్ పోలాభాస్కర్ ముందు చూపు..జిల్లా పంచాయతీ అధికారి తూతిక విశ్వనాధ శ్రీనివాస్ కార్యదీక్ష..ఎంపీడీఓల చురుకుదనం.. గ్రామ వాలంటీర్ల శ్రమ..వెరసీ ప్రకాశం జిల్లా వరుసగా 8, 9, 10, 11 నాలుగు దఫాలుగా ఫీవర్ సర్వేలో ముందు వరుస నిలుచుంది. అంతేకాదు ఈ జిల్లాలో కరోనా రోగులకు అందించే సేవల విషయంలో ఇక్కడి నోడల్ అధికారులు చురుకైన పాత్ర పోషిస్తూ...వైద్య సేవలు అందించే విషయంలో ప్రజల మన్ననలు పొందారు. ఈ జిల్లాలో కరోనా పాజిటివ్ రోగులకు ఆసుపత్రులు, ప్రత్యేక కోవిడ్ కేర్ కేంద్రాల్లో బెడ్లు ఇప్పించే విషయంలోనూ అధికారు చేస్తున్న సేవలు రాష్ట్రవ్యాప్తంగా ఇపుడు చర్చనీయాంశం అవుతున్నాయి. జిల్లా యంత్రాంగం బాగా పనిచేస్తే ఒకసారి జిల్లా ఫీవర్ సర్వేలో మొదటి స్థానం సంపాదించుకుంటుంది. ఈ లెక్కన చూస్తే ఏ స్థాయిలో పనిచేస్తే వరుసగా నాలుగు సార్లు ప్రకాశం జిల్లా ఫీవర్ సర్వేలో మొదటిస్థానంలో నిలిచిందంటే ఇక్కడి కలెక్టర్ కార్యదీక్ష..ప్రజలకు సత్వరమే సేవలందించాలనే తపన ఏస్థాయిలో ఉందో వేరేగా చెప్పాల్సిన పనిలేదు...ప్రకాశం జిల్లా మాదిరిగా రాష్ట్రంలోని అన్నిజిల్లాల అధికారులు పనిచేస్తే ప్రభుత్వానికి ఈ కోరనా సమయంలో మరింతగా సేవలు చేయడానికి ఆస్కారం ఏర్పడుతుంది.. రధసారధి ఉత్తముడైతే వచ్చే ఫలితాల ఈ విధంగానే ఉంటాయనడానికి ప్రకాశం జిల్లా ఒక నిలువెత్తు నిదర్శనం..

సుధీర్గమైన తన పాదయాత్రలో నేను విన్నాను నేను ఉన్నాను అని ప్రజల కష్టాలను మనసు తో చూసిన ముఖ్యమంత్రి  వైఎస్. జగన్ మోహన్ రెడ్డి తన రెండేళ్ళ పాలనలో ప్రజా సంక్షేమమే మొదటి ఎజెండా గ పాలన సాగించారని బిసి సంక్షేమ శాఖా మంత్రి  చెల్లుబోయిన శ్రీనివాస వేణుగోపాల కృష్ణ  అన్నారు. వైఎస్.ఆర్ కాంగ్రెస్ పార్టి వైఎస్ జగన్ మోహన్ రెడ్డి నాయకత్వం లో రెండేళ్ళ పాలన పూర్తీ చేసుకున్న సందర్బంగా పట్టణములోని క్యాంపు కార్యాలయం వద్ద ఆదివారం మంత్రి వేణు గోపాల కృష్ణ పార్టి జెండాను ఆవిష్కరించారు. అనంతరం పార్టి కార్యాలయంలో నాయకులు ప్రజాప్రతినిదుల సమక్షంలో కేకు ను కట్ చేసి స్వీట్లు పంచారు , ఈ సందర్బంగా ఆయన మాట్లాడుతూ గాంధిజీ కలలు కన్నా గ్రామ స్వరాజ్యమును దేశములో ఎక్కడా లేని విదముగా గ్రామ సచివాలయ వ్యవస్డను తీసుకుని వచ్చి ప్రభుత్వ పధకాలను ప్రజల వద్దకే నేరుగా అందించిన ఘనత సి.యం జగన్ మోహన్ రెడ్డి ది అన్నారు. గతములో టిడిపి హయాంలో జన్మభూమి కమిటి లతో అవినీతికి బార్ల తెరిచిన టిడిపి ప్రభుత్వమునకు బిన్నంగా అవినీతికి తావు లేకుండా సంక్షేమ పడకాలని నేరుగ లబ్దిదారుఅల్ ఖాతాలకు వై.ఎస్.ఆర్ కాంగ్రెస్ పార్టి ప్రభుత్వం అందిస్తూ నూతన ఒరవడికి శ్రీకారం చుట్టింది. రెండేళ్ళ ప్రభుత్వ పాలన లో సి.యం జగన్ మోహన రెడ్డి రాష్ట్ర ప్రజల గుండెల్లో స్దానం సంపందించారు అన్నారు. గతములో ఏ ప్రభుత్వం చేయని విదముగా ఈ రెండేళ్ళ కాలములో అన్ని వర్గాల వారికి రూ 1.83  లక్షల కోట్లు ప్రజలకు నేరుగా సంక్షేమ పదకాల ద్వారా అందించడం జరిగింది అన్నారు. ఏడాది నర కాలము గా కరోనా కష్ట కాలములో రాష్ట్ర ప్రజలు ఎటువంటి యిబ్బందిలు ఎదుర్కోనరాదని  ఎన్ని యిబ్బందులు ఉన్న ఒక్క సంక్షేమ పదకాన్ని కూడా ఆపకుండా అందించిన ఘనత సి.యం జగన్ మోహన రెడ్డి ది అన్నారు. గతములో తెలుగుదేశం ప్రభుత్వం బి.సి లను ఓటు బ్యాంకు గ వాడుకుంటే జగన్నన్న ప్రభుత్వం బి.సి లు వెన్నుముక్క లాంటి వారు అని పేర్కొంటూ వెన్ను దన్ను గా నిలిచారు అన్నారు. 13 జిల్లాలోని 139 బి.సి కులాలను ఏక తాటిపైకి తీసుకుని వస్తూ 56 కార్పోరేషన్లు ఏర్పాటు చేసి బిసి లకు రాజ్యంగా పదవులు యిచ్చిన ఘనత సి.యం జగన్ మోహన రెడ్డి ది అన్నారు. కార్పోరేషన్లు ఏర్పాటు ద్వారా రూ 83000 కోట్లు బిసిలకు అందించడం లో ఆయా కులాలలో చెరగని ముద్ర వేశారు అన్నారు. 

జిల్లా లో అన్ని వర్గాల వార్కి పారదర్శకం గా సంక్షేమ పధకాలను అందించడం జరిగింది అన్నారు. జగనన్న చేదోడు పదకం ద్వారా ట్రైలర్స్ , నాయి బ్రాహ్మిణ లు రజకులకు 25078 మందికి రూ 2.50 కోట్లు రెండవ విడత లో 30519 మందికి రూ 3.05 కోట్లు నేరుగా వారి ఖాతాలకు జమ చేయడం జరిగింది అన్నారు. కాపు నేస్తం పడకం ద్వారా రెండు విడతలు గా 97353 లబ్దిదారులకు రూ 14.60 కోట్లు బ్యాంకు ఖాతా లలో జమచేయడం జరిగింది అన్నారు. రెండేళ్ళ వై.ఎస్.ఆర్ కాంగ్రెస్ పార్టి ప్రభుత్వ పాలనలో రామచంద్రాపురం నియోజక వర్గము లో సంక్షేమ పదకాల ద్వార లబ్దిదారులకు నేరుగా వారి ఖాతాలకు జమ చేయడం జరిగినది అన్నారు.