ఒక‌వైపు జిల్లాలో కోవిడ్ క‌ట్ట‌డికి చ‌ర్య‌లు తీసుకుంటూనే మ‌రోవైపు రాష్ట్ర ప్ర‌భుత్వం ద్వారా కోవిడ్ ప్ర‌భావిత కుటుంబాల సంక్షేమానికి చ‌ర్య‌లు తీసుకుంటున్న‌ట్లు క‌లెక్ట‌ర్ డి.ముర‌ళీధ‌ర్‌రెడ్డి వెల్ల‌డించారు. బుధ‌వారం క‌లెక్ట‌రేట్‌లోని వివేకానంద స‌మావేశ మందిరంలో కోవిడ్ కారణంగా తల్లిదండ్రులు ఇద్దరూ మరణించిన, తల్లిదండ్రుల్లో ఒకరు ఇంతకు ముందే మరణించి, ఇప్పుడు కోవిడ్ తో మరొకరు మరణించడం వల్ల  అనాథ‌లైన చిన్నారుల పేరిట రూ.10 లక్షలు ఫిక్స్‌డ్ డిపాజిట్ చేసే కార్యకమాన్ని కలెక్టర్ డి. మురళీధర్‌రెడ్డి ప్రారంభించారు. కాకినాడ గ్రామీణ మండ‌లం, తిమ్మాపురం గ్రామానికి చెందిన 11 ఏళ్ల  చిన్నారితోపాటు రాజ‌మ‌హేంద్ర‌వ‌రానికి చెందిన‌, ప్ర‌స్తుతం గోక‌వ‌రంలో సంర‌క్షుల వ‌ద్ద ఉంటున్న ఒకే కుటుంబానికి చెందిన ఇద్ద‌రు చిన్నారుల సంర‌క్ష‌కుల‌కు డిపాజిట్‌కు సంబంధించిన ప‌త్రాల‌ను క‌లెక్ట‌ర్ అందించారు.  

ఈ సంద‌ర్భంగా క‌లెక్ట‌ర్ మాట్లాడుతూ కోవిడ్ విప‌త్తు కార‌ణంగా అనాథ‌లైన చిన్నారుల‌కు రూ.10 ల‌క్షల ఎక్స్‌గ్రేషియాను గౌర‌వ ముఖ్య‌మంత్రి ఇటీవ‌ల ప్ర‌క‌టించార‌ని, ఈ మేర‌కు జిల్లాలో అర్హుల‌ను గుర్తించి, వారికి ల‌బ్ధిచేకూర్చుతున్న‌ట్లు తెలిపారు. గ్రామ స్థాయి నుంచి జిల్లాస్థాయి వ‌ర‌కు కోవిడ్ నియంత్ర‌ణ‌, నివార‌ణతో పాటు బాధితుల‌కు మెరుగైన వైద్య సేవ‌లు అందించేందుకు చ‌ర్య‌లు తీసుకుంటున్న‌ట్లు చెప్పారు. విలేజ్ ఐసోలేష‌న్ కేంద్రాలు, కోవిడ్ కేర్ కేంద్రాల్లో (సీసీసీ) అవ‌స‌ర‌మైన అన్ని సౌక‌ర్యాలు ఏర్పాటు చేశామ‌న్నారు. ఆరోగ్యశ్రీ ద్వారా ప్రైవేటు ఆసుప‌త్రుల్లో ఉచితంగా కోవిడ్, బ్లాక్‌ఫంగ‌స్ బాధితుల‌కు వైద్యం అందించేలా చూస్తున్నామ‌న్నారు. ఇన్ని చ‌ర్య‌లు తీసుకుంటున్న‌ప్ప‌టికీ దుర‌దృష్ట‌వ‌శాత్తు కొన్ని కుటుంబాల్లో త‌ల్లిదండ్రులిద్ద‌రూ మ‌ర‌ణించిన ఘ‌ట‌న‌లు చోటుచేసుకుంటున్నాయ‌ని, ఇది అత్యంత విచార‌క‌ర‌మ‌న్నారు. ఈ కుటుంబాల బాధిత చిన్నారుల‌కు దేశంలో ఎక్క‌డా లేని విధంగా రాష్ట్ర ప్ర‌భుత్వం రూ.10 ల‌క్ష‌లు డిపాజిట్ చేసే కార్య‌క్ర‌మాన్ని అమ‌లుచేస్తోంద‌న్నారు. ఈ కార్య‌క్ర‌మం ద్వారా ప‌రిహారానికి అర్హులైన వారి పేరుతో ఏదైనా జాతీయ బ్యాంకులో రూ.10 ల‌క్ష‌లు డిపాజిట్ చేసి, బాండ్‌ను వారికి అందించనున్న‌ట్లు తెలిపారు. చిన్నారుల‌కు 25 ఏళ్లు నిండాక ఈ సొమ్ము తీసుకునేందుకు వీలుంటుంద‌ని, అప్ప‌టివ‌ర‌కు ఈ డిపాజిట్‌పై వ‌చ్చే వ‌డ్డీ మొత్తాన్ని నెల‌వారీగానీ, మూడు నెల‌ల‌కోసారి గానీ తీసుకోవ‌చ్చ‌ని వివ‌రించారు. వ‌డ్డీ ద్వారా వ‌చ్చే సొమ్ము చిన్నారుల చ‌దువుకు, ఇత‌ర అవ‌స‌రాల‌కు ఉప‌యోగ‌ప‌డుతుంద‌న్నారు. చిన్నారుల భ‌విష్య‌త్‌ను దృష్టిలో ఉంచుకొని ప్ర‌భుత్వం ఈ ఏర్పాటు చేసిన‌ట్లు తెలిపారు. చిన్నారుల‌కు అధిక వ‌డ్డీ వెళ్లేలా బ్యాంక‌ర్ల‌కు కూడా విజ్ఞ‌ప్తి చేయ‌నున్న‌ట్లు వెల్ల‌డించారు. చిన్నారుల‌కు ప్ర‌భుత్వ సంక్షేమ ప‌థ‌కాల ఫ‌లాలు అందేలా ఆయా శాఖ‌ల అధికారుల‌కు ఆదేశాలిచ్చామ‌న్నారు. ఇలాంటి చిన్నారులు ఇంకా ఎవ‌రైనా ఉంటే మీడియాతో పాటు స్థానిక ప్ర‌జాప్ర‌తినిధులు ఐసీడీఎస్ అధికారుల‌కు తెలియ‌జేయాల‌న్నారు. గ్రామ స్థాయిలో కోవిడ్ క‌ట్ట‌డి క‌మిటీల‌కు నేతృత్వం వ‌హిస్తున్న స‌ర్పంచ్‌లు ఈ విష‌యంలో కీల‌కంగా వ్య‌వ‌హ‌రించాల‌ని క‌లెక్ట‌ర్ సూచించారు. 

    కాకినాడ గ్రామీణ మండ‌లం తిమ్మాపురం గ్రామానికి చెందిన 11 ఏళ్ల చిన్నారి శ‌ర‌ణ్య‌తో క‌లెక్ట‌ర్ మాట్లాడుతూ బాగా చ‌దువుకొని, డాక్ట‌ర్ కావాల‌ని మార్గ‌నిర్దేశ‌నం చేశారు. కాకినాడ ఆర్ఎంసీలో వైద్య విద్య‌ను అభ్య‌సించాల‌ని ఆకాంక్షించారు. త‌ల్లిదండ్రులను కోల్పోవ‌డంతో నీకు ఎదురైన క‌ష్టం ఇంకెవ‌రికీ రాకుండా ఉండాలంటే త‌ప్ప‌నిస‌రిగా డాక్ట‌ర్ కావాల‌ని చిన్నారి భ‌విష్య‌త్‌కు దిశానిర్దేశం చేశారు. కార్యక్రమంలో జేసీ (ఆర్) డా. జి. లక్ష్మీశ, జేసీ (డీ) కీర్తి చేకూరి, జేసీ (డబ్ల్యూ) జి.రాజకుమారి, అసిస్టెంట్ కలెక్టర్ గీతాంజలి శర్మ, డీఆర్వో సీహెచ్ సత్తిబాబు, ఐసీడీస్ పీడీ జీవీ సత్యవాణి, డీఎంహెచ్‌వో ఎన్. ప్రసన్నకుమార్, డీసీపీవో వెంక‌ట్‌ తదితరులు పాల్గొన్నారు.

కార్య‌క్ర‌మం ద్వారా ల‌బ్ధి పొందేందుకు అర్హ‌త‌లు:

- ద‌ర‌ఖాస్తు చేసుకునే తేదీ నాటికి 18 ఏళ్ల లోపు వ‌య‌సుండాలి.

- కోవిడ్ కారణంగా తల్లిదండ్రులు ఇద్దరూ మరణించిన వారి పిల్ల‌లు.

- తల్లిదండ్రుల్లో ఒకరు ఇంతకు ముందే మరణించి, ఇప్పుడు కోవిడ్‌తో మరొకరు మరణించిన వారి పిల్ల‌లు.

- కుటుంబ ఆదాయం దారిద్ర్యరేఖ‌కు దిగువ‌న ఉండాలి.

- కోవిడ్ పాజిటివ్ రిపోర్టును స‌మ‌ర్పించాలి.

- ఇత‌ర బీమా సంస్థ‌ల నుంచి ల‌బ్ధిపొంద‌ని వారు అర్హులు.

- జిల్లాకు సంబంధించి చిన్నారుల వివ‌రాల‌ను టోల్‌ఫ్రీ నెంబ‌రు 1098కు కాల్‌చేసి, అందించ‌వ‌చ్చు.

అనంతపురం జిల్లాలో కోవిడ్ నియంత్రణ చర్యలకు తమవంతు సహాయంగా సాగర్ సిమెంట్స్ రూ.ఐదు లక్షల విరాళం ప్రకటించింది. తాత్కాలిక ఆసుపత్రి ప్రాంగణంలోనే సాగర్ సిమెంట్స్ లిమిటెడ్ వైస్ ప్రెసిడెంట్ ఈపీ రంగా రెడ్డి,  హెచ్ ఆర్ శ్రీమన్నారాయణలు ఐదు లక్షల రూపాయల చెక్కును జిల్లా కలెక్టరుకు గంధం చంద్రుడికి అందజేశారు. గతంలో కోవిడ్ పై పోరాటంలో భాగంగా సీఎం రిలీఫ్ ఫండుకు రూ.25 లక్షల రూపాయలు, పోలీసు శాఖకు రూ.2 లక్షల రూపాయల విలువైన పీపీఈ కిట్లను అందజేయడమే గాక తాజాగా ఐదు లక్షల రూపాయల విరాళం అందించిన సాగర్ సిమెంట్స్ మేనేజ్ మెంటును కలెక్టర్ అభినందించారు. కరోనా సమయంలో దాతల సహాయం కోవిడ్ రోగుల ప్రాణాలను కాపాడుతుందని అన్నారు.

తాడిపత్రి అర్జాస్ స్టీల్ వద్ద ఏర్పాటు చేస్తున్న 500 పడకల తాత్కాలిక ఆసుపత్రిలో ఆహ్లాదకరమైన వాతావరణం ఉండాలని జిల్లా కలెక్టర్ అధికారులను ఆదేశించారు. ఆసుపత్రి ప్రాంగణం పచ్చదనంతో నిండిపోవాలన్నారు. మంగళవారం సాయంత్రం తాత్కాలిక ఆసుపత్రి నిర్మాణ పనులను జిల్లా కలెక్టర్ పర్యవేక్షించారు. ఆసుపత్రిలో స్వచ్ఛ వాతావరణం కనిపించాలన్నారు. వేస్ట్ మ్యానేజ్ మెంట్ పకడ్బందీగా నిర్వహించాలని, 500 పడకల ఆసుపత్రి నిర్వహణకు కావాల్సిన సిబ్బందిని నియమించుకోవాలని తాడిపత్రి మునిసిపల్ కమిషనర్ ను అదేశించారు. ఆసుపత్రిలో వాహనం అనేది కనిపించకూడదన్నారు. వాహనాల పార్కింగ్ పూర్తిగా ఆసుపత్రి అవరణం బయటే ఉండాలన్నారు. సహాయకుల కోసం ప్రత్యేక వసతులు ఏర్పాటు చేయాలన్నారు. సహాయకుల కోసం ప్రత్యేక భోజన శాల, వెయిటింగ్ హాల్ ల నిర్మాణాలను త్వరితగతిన పూర్తి చేయాలన్నారు. ఆసుపత్రిలో సహాయకులను నియంత్రించేందుకు ప్రణాళికా బద్ధంగా వ్యవహరించాలని పోలీసు శాఖను అదేశించారు. సహాయకుల కోసం రిజిస్టర్ నిర్వహించుకుని బాధితుల వద్ద గడిపే సమయాన్ని నియంత్రించాలన్నారు. 

 పూర్తయిన సర్జ్ ట్యాంకు నిర్మాణం 

అర్జాస్ స్టీల్స్ వారు పూర్తి చేసిన సర్జ్ ట్యాంకును కలెక్టర్ పరిశీలించారు. సర్జ్ ట్యాంక్ వరకూ అనుకున్న సమయానికి ఆక్సిజన్ సరఫరా చేయడంపై సంతృప్తి వ్యక్తం చేశారు. సర్జ్ ట్యాంకు నుంచి పడకలకు ఆక్సిజన్ సప్లై చేయడానికి సంబంధించిన పనులు పూర్తి చేయాలని ఏపీఎమ్ఎస్ ఐడీసీ ఈఈ ని ఆదేశించారు. కోవిడ్ బాధితులకు వైద్య అందించేందుకు అవసరమైన సిబ్బంది సిద్ధంగా ఉన్నారని, మందులను సిద్ధం చేసి ఉంచామని డీఎంహెచ్వో తెలిపారు. 

జిల్లా కలెక్టర్ ఆసుపత్రి పర్యవేక్షణలో అసిస్టెంట్ కలెక్టర్ సూర్య తేజ, ఆర్డీవో గుణ భూషణ్ రెడ్డి, ఆర్ అండ్ బి ఎస్ ఈ తదితరులు పాల్గొన్నారు. 

 సాగర్ సిమెంట్స్ రూ.5 లక్షలు విరాళం 

జిల్లాలో కోవిడ్ నియంత్రణ చర్యలకు తమవంతు సహాయంగా సాగర్ సిమెంట్స్ రూ.ఐదు లక్షల విరాళం ప్రకటించింది. తాత్కాలిక ఆసుపత్రి ప్రాంగణంలోనే సాగర్ సిమెంట్స్ లిమిటెడ్ వైస్ ప్రెసిడెంట్ ఈపీ రంగా రెడ్డి,  హెచ్ ఆర్ శ్రీమన్నారాయణలు ఐదు లక్షల రూపాయల చెక్కును జిల్లా కలెక్టరుకు అందజేశారు. గతంలో కోవిడ్ పై పోరాటంలో భాగంగా సీఎం రిలీఫ్ ఫండుకు రూ.25 లక్షల రూపాయలు, పోలీసు శాఖకు రూ.2 లక్షల రూపాయల విలువైన పీపీఈ కిట్లను అందజేయడమే గాక తాజాగా ఐదు లక్షల రూపాయల విరాళం అందించిన సాగర్ సిమెంట్స్ మేనేజ్ మెంటును కలెక్టర్ అభినందించారు. 

నైరుతి రుతుపవన కాలంలో ఎదురైయ్యే తుఫానులు, వరదలను సమర్థవంతంగా ఎదుర్కొనేందుకు పటిష్టమైన విపత్తు నియంత్రణ ప్రణాళికలతో సంసిద్దంగా ఉండాలని జిల్లా కలెక్టర్ డి.మురళీధరరెడ్డి అధికారులను ఆదేశించారు.  మంగళవారం ఉదయం జిల్లా కలెక్టర్ మురళీధరరెడ్డి జిల్లా, డివిజన్, మండల అధికారులతో జూమ్ వీడియో కాన్ఫరెన్స్ ద్వారా డిజాస్టర్ మిటిగేషన్ సమావేశం నిర్వహించారు. ఈ సందర్భంగా ఆయన మాట్లాడుతూ జిల్లాలో జూన్ నుండి సెప్టెంబరు వరకూ నైరుతి రుతుపవన కాలంలలో తరచుగా తుఫానులు, వరదలు వంటి విపత్తులు సంభవిస్తున్నాయన్నారు.  కాకినాడ, అమలాపురం, పెద్దపురం డివిజన్ల పరిధిలోని 13 తీర మండలాలు తుఫానుల వల్ల ప్రభావితమౌతుండగా, ఏజెన్సీ, మైదాన ప్రాంతాల్లోని 27 మండలాలు వరదల తాకిడికి గురైతున్నాయన్నారు.  గత అనుభవాలను పరిగణలోకి గైకొంటూ తుఫానులు, వరదలను సమర్థవంతంగా ఎదుర్కొనేందుకు వివిధ శాఖల ద్వారా చేపట్టవలసిన  విధివిధానాలతో  ప్రమాణిక విపత్తు నియంత్రణ ప్రణాళికలను రూపొందించడం జరిగిందని, ఈ ప్రణాళికల ప్రకారం అన్ని శాఖలు ముందస్తు కార్యాచరణతో సమాయత్తం కావాలని జిల్లా కలెక్టర్ ఆదేశించారు. తుఫాను, వరద ప్రభావానికి లోనైయ్యే అన్ని మండలాల్లో కమ్యూనికేషన్ వ్యవస్థలన్నిటినీ సక్రమంగా పనిచేసేలా చూడాలని, విపత్తు నివారణ, నియంత్రణకు అవసరమైన సామాగ్రి నిల్వలను ఫ్లడ్ స్టోర్ లలో పూర్తి స్థాయిలో అందుబాటులో ఉంచాలని సూచించారు. విపత్తు హెచ్చరిక వెలువడిన వెంటనే నియంత్రణ అధికారులు అందరూ తమతమ మండల ప్రధాన కార్యస్థానాలకు చేరుకుని, సహాయ, పునరావాస యంత్రాగాన్ని  సంసిద్ధ పరచాలన్నారు. విపత్తు తాకిడి మండలాల్లో ప్రస్తుతం నిర్వహిస్తున్న కోవిడ్ రోగులకు ఆరోగ్య సేవలందిస్తున్న కమ్యూనిటి హెల్త్ సెంటర్లు, విలేజి ఐసోలేషన్ సెంటర్లు ఇతర వ్యవస్థలకు విఘాతం కలుగకుండా అవసరమైన చర్యలుచేపట్టాలని, అవసరమైతే ముందే సురక్షిత ప్రాంతానికి తరలించాలని సబ్ కలెక్టర్లు, ఆర్డిఓలను ఆదేశించారు. అలాగే ఈ కేంద్రాలన్నిటిలో జనరేటర్లు విధిగా ఉండేలా చూడాలన్నారు.  అవసరమైన మందుల  నిల్వలను వైద్యఆరోగ్య అధికారులు, ఆహార, నిత్యావసర సరుకుల నిల్వలను పౌర సరఫరా అధికారులు విపత్తు తాకిడ్ మండలాల్లో తగిన పరిమాణంలో అందుబాటులో ఉంచాలని ఆదేశించారు.  సహాయక చర్యల కొరకు లైసెన్స్డు బోట్లును పోర్టు, మత్స్య, టూరిజం శాఖల అధికారులు గుర్తించి ఉంచాలన్నారు. రహదారుల పునరుద్దరణకు అవసరమైన జెసిబిలు, పవర్ రంపాలను ఆర్ అండి బి అధికారులు, విద్యుత్ సరఫరా పునరుద్దరణకు అవసరమైన సిబ్బంది, సామాగ్రిని ట్రాన్స్ అధికారులు సిద్దం చేయాలని తెలిపారు. ప్రభావిత ప్రాంతాలలో త్రాగునీటి సమస్య రాకుండా ఆర్ డబ్ల్యూ ఎస్ అధికారులు తగు ప్రత్యామ్నాయ ఏర్పాటు చేపట్టాలన్నారు. భారీ వర్షాలు, వరద ముంపుల గురించి రైతులను సకాలంలో అప్రమత్తం చేసి, పంటలను కాపాడుకునే విధానాలపై అవగాహన కల్పించాలని వ్యవసాయ అధికారులకు సూచించారు. తుఫానుల గురించి  మత్య్సకారులను హెచ్చరించి, సురక్షితంగా తీరానికి చేరుకునేలా మత్య్సశాఖ అధికారులు చర్యలు చేపట్టాలని ఆదేశించారు. వరద కట్టలను నిశితంగా తనిఖీ చేసి బలహీనమైన గట్లను పటిష్టపరచాలని, వరద జల మట్టాల సమాచారాన్ని ఎప్పటికప్పడు రక్షణ, సహాయ యంత్రాంగానికి తెలియజేయాలని ఇరిగేషన్ అధికారులను ఆదేశించారు. విపత్తు ప్రభావిత ప్రాంతాల్లో అంటువ్యాధులు ప్రభలకుండా మున్సిపల్ కమీషనర్లు, పంచాయితీ అధికారులు పారిశుద్య కార్యక్రమాలు నిర్వహించాలన్నారు. సమాచార వ్యవస్థకు అంతరాయం కలుగకుండా సెల్ టవర్ల వద్ద జనరేటర్లు, ఆయిల్ నిల్వలు ఉంచాలని వివిద సెల్యూలర్ కంపెనీల ఆపరేటర్లను ఆదేశించారు.

తూర్పు మద్య బంగాళాఖాతంలో ఏర్పడిన యాస్ తుఫాను ప్రభావం జిల్లా పై అంతగా లేదని, అయినప్పటికి అప్రమత్తతను సడలించకుండా హై ఎలర్ట్ కొనసాగించాలని జిల్లా కలెక్టర్ అధికారులకు సూచించారు. 

సమావేశంలో జాయింట్ కలెక్టర్ (రెవెన్యూ) జి.లక్ష్మీశ, వివిధ శాఖల జిల్లా అధికారులు, ఐటిడిఏల పిఓలు, సబ్ కలెక్టర్లు, ఆర్డిఓలు, తహశిల్దారులు తదితరులు పాల్గొన్నారు.  

బంగాళాఖాతంలో యాస్ తుఫాన్ ను ఎదుర్కొనుటకు సర్వ సన్నద్దతతో ఉండాలని రాష్ట్ర ముఖ్యమంత్రి వై.యస్. జగన్ మోహన్ రెడ్డి జిల్లా కలెక్టర్లను ఆదేశించారు.  మంగళవారం శ్రీకాకుళం, విజయనగరం, విశాఖపట్నం జిల్లా కలెక్టర్లతో యాస్ తుఫాన్ ను ఎదుర్కొనుటకు సంసిధ్దతపై ఆయన వీడియోకాన్ఫరెన్స్ లో మాట్లాడారు. ఈ సందర్భంగా ఆయన మాట్లాడుతూ యాస్ తుఫాన్ మూలంగా మూడు జిల్లాల్లో కోవిడ్ పేషెంట్లకు ఎటువంటి అంతరాయం కలుగకుండా తగు ఏర్పాట్లు చేసుకోవాలని ఆదేశించారు. ఆక్సిజన్ తయారీ, నిల్వలపై ముందస్తు ఏర్పాట్లు చేసుకోవాలని పేర్కొన్నారు. గాలులు వలన విద్యుత్ అంతరాయం ఏర్పడితే కోవిడ్ పేషెంట్లకు ఇబ్బందులు లేకుండా తగు ఏర్పాటు చేసుకోవాలన్నారు.  తీవ్రమైన గాలులకు చెట్లు రోడ్లపై విరిగిపడితే రవాణాకు, ఆంబులెన్స్ లకు అంతరాయం లేకుండా చూడాలని చెప్పారు.    ఎప్పటికప్పుడు సమాచారం అందించాలని కలెక్టర్లను ఆదేశించారు. ఎన్.డి.ఆర్.ఎఫ్, ఎస్.డి.ఆర్.ఎఫ్ బృందాలను సిద్దంగా ఉంచుకోవాలన్నారు. జిల్లా కలెక్టర్ వి. వినయ్ చంద్ మాట్లాడుతూ  యాస్ తుఫాన్ హెచ్చరికల నేపథ్యంలో జిల్లాలో కోవిడ్ పేషెంట్లకు ఏ విధమైన ఇబ్బంది కలుగ కుండా అన్ని ఏర్పాట్లు చేసుకున్నట్లు ముఖ్యమంత్రికి వివరించారు.  స్టీల్ ప్లాంట్, తదితర కంపెనీల్లో ఆక్సిజన్ తయారీ, గ్యాస్ ఫిల్లింగ్, రీఫిల్లింగ్, ఆక్సిజన్ నిల్వలపై ముఖ్యమంత్రికి తెలిపారు.  ప్రభుత్వ, ప్రైవేటు ఆసుపత్రుల్లో కోవిడ్ సేవలు అందించడం జరుగుతోందని, విద్యుత్ అంతరాయం లేకుండా ముందస్తు అన్ని ఏర్పాట్లు చేసుకున్నట్లు చెప్పారు.  రెవెన్యూ, పంచాయితీ రాజ్ శాఖలు సిద్దంగా ఉన్నాయన్నారు. రవాణాకు, ఆంబులెన్స్ లకు అంతరాయం లేకుండా రోడ్లపై చెట్లు విరిగిపడితే తక్షణమే తొలగించేందుకు సిబ్బందిని సిద్దం చేసుకోవడమైనదని, ఎస్.డి.ఆర్.ఎఫ్, ఎన్.డి.ఆర్.ఎఫ్., కోస్ట్ గార్డు లను సిద్దం చేసుకున్నట్లు వివరించారు.  ఐ.ఎం.డి. రిపపోర్టును ఎప్పటికప్పుడు తెలియజేయనున్నట్లు తెలియజేశారు.  ఈ సమావేశంలో కలెక్టర్ తో పాటు జిల్లా జాయింట్ కలెక్టర్ ఎం. వేణుగోపాల్ రెడ్డి పాల్గొన్నారు.  

వై.యస్.ఆర్. పంటల భీమా పథకం ద్వారా జిల్లాలో 14,652 మంది రైతులు లబ్దిపొందుతున్నట్లు రాష్ట్ర పర్యాటక, సాంస్కృతిక శాఖ మంత్రి ముత్తంశెట్టి శ్రీనివాసరావు వెల్లడించారు.   మంగళవారం  ఖరీఫ్ లో పంట నష్టపోయిన రైతులకు భీమా పరిహారం అందించడంలో భాగంగా "వైఎస్సార్ ఉచిత పంటల భీమా" పథకం ప్రారంభ కార్యక్రమంలో ఆయనతో పాటు జిల్లా కలెక్టర్ వి. వినయ్ చంద్, నర్సీపట్నం శాసన సభ్యులు పెట్ల ఉమా శంకర్ గణేష్,జిల్లా జాయింట్ కలెక్టర్ ఎం. వేణుగోపాల్ రెడ్డి పాల్గొని రూ.8.54 కోట్ల రూపాయల చెక్కును రైతులకు అందజేశారు.  అనంతరం ఆయన మాట్లాడుతూ  రాష్ట్రం మొత్తం మీద 15.15 లక్షల రైతుల పంటల ఉచిత భీమా పథకంను రైతుల ఖాతాల్లో రూ.1820.23 కోట్లు ఆయన జమ చేసినట్లు పేర్కొన్నారు. 2 సంవత్సరాలలో రాష్ట్రంలో రైతులకు 83 వేల కోట్ల రూపాయలు ఖర్చు చేసినట్లు వెల్లడించారు.  ఇచ్చిన హామీలన్ని ప్రభుత్వం అమలు చేస్తున్నట్లు తెలిపారు.  ప్రభుత్వం ఎన్ని ఆర్థిక ఇబ్బందుల్లో ఉన్నా అనుకున్న సమయానికి పథకాలు అందిస్తున్నట్లు చెప్పారు.  వ్యవసాయ శాఖ ఇన్ చార్జ్ జె.డి. మోహన్ రావు, తదితరులు పాల్గొన్నారు.

మహా విశాఖపట్నం నగరపాలక సంస్థ పరిధిలోని అన్ని ప్రాంతాలలో కాలువలు, గెడ్డలు శుభ్రం చేయాలని జివిఎంసి అదనపు కమిషనర్ డా. వి. సన్యాసి రావు శానిటేషన్ అధికారులను ఆదేశించారు.  క్షేత్రస్థాయిలో ప్రర్యటనలో భాగంగా 8వ జోన్ పరిధిలో 90వ వార్డును ఆయన స్వయంగా పరిశీలించ శానిటేషన్ సిబ్బందికి పలు సూచనలు చేశారు. రోడ్లు, కాలువలు, గెడ్డలను శుభ్రం చేసి చెత్తను వెంటవెంటనే డంపింగు యార్డుకు తరలించాలని శానిటరి ఇన్స్పెక్టర్ ను ఆదేశించారు. డోర్ టు డోర్ చెత్తను కలక్షన్ చేయాలని, బహిరంగ ప్రదేశాలలో, కాలువలలో చెత్తను వేయకుండా చూడాలని ఆదేశించారు.  ప్రతి రోజు పారిశుధ్య సిబ్బంది డోర్ టు డోర్ చెత్తను సేకరించాలని, తడి-పొడి చెత్తను  వేరు వేరుగా తీసుకోవాలని ఆదేశించారు. 

ఈ పర్యటనలో 90వ వార్డు శానిటరి ఇన్స్పెక్టర్, వార్డు శానిటరి కార్యదర్శి, పారిశుధ్య సిబ్బంది తదితరులు పాల్గొన్నారు.