పంచాయతీరాజ్ ఇంజనీరింగ్ విభాగంలోని బదిలీల్లో జోన్-1 సూపరింటెండెంట్ జివి.కనకవల్లీ కుమారి కి మేలు చేయడం కోసం అధికారులు జీఓనెంబరు 75ని బుట్టదాఖలు చేసి మరీ ఏకపక్షంగా వ్యవహించారు. పేరుకి జీఓని నిబంధనలున్నా.. ఇందులోని ఒక్క నిబంధనకూడా బదిలీలు చేపట్టిన అధికారులు అమలు చేయలేదంటే పరిస్థితి ఎంఖ కాస్ట్లీగా మారిందో అర్ధం చేసుకోవచ్చు. భారీ మొత్తాలు తీసుకునే కావాల్సిన వారికి బదిలీలు చేసినట్టుగా ఆధారాలతో సహా బయట పడ్డాయి. ప్రభుత్వం బదిలీలు చేసే సమయంలో ప్రత్యేకంగా పక్కాగా మార్గదర్శకాలతో జీఓని విడుదల చేసింది. దాని ఆధారంగా మాత్రమే అధికారులు బదిలీలు చేయాల్సివుందని కూడా పేర్కొంది. కానీ పంచాయతీ రాజ్ లో మొదటి నుంచి అన్నీ తేడా వ్యవహారాలే కావడంతో ఈ సారి కూడా బదిలీల్లో అధికారులు  కావాల్సిన వారికోసం పక్కగా చేతి వాటాన్ని ప్రదర్శించారు. దీనితో బదిలీల్లో తేడాలు జరిగాయని మీడియా విచారణ చేపడితే  పక్కాగా వాస్తవాలు వెలుగుచూశాయి. మరెందుకు బదిలీల విషయంలో అక్రమాలు, వక్రమార్గాలు ఎంచుకున్నారని అధికారులను అడిగితే అన్నీ నిబంధనల ప్రకారమే చేశామని సెలవిచ్చారు. ప్రభుత్వం పంచాయతీరాజ్ లో బదిలీల కోసం ప్రత్యేకంగా జీఓఎంఎస్ నెంబరు 75ని విడుదల చేసినా బదిలీలు పర్యవేక్షించిన  అధికారులు కనీసం అందులోని ఒక్క అంశాన్నీ కూడా పరిగణలోకి తీసుకోలేదు. అంతా ఆ ఎస్ఈ కోసం వారికి నచ్చినట్టుగానే చేయడం విశేషం. జోన్-1లోని సూపరింటెండెంట్  ట్రాన్స్ఫర్లు పర్యవేక్షపు ఇంజనీయర్లు ఎమ్.శ్రీనివాసరావు(ఎస్.ఇ, పి.అర్- శ్రీకాకుళం) బి.ఎస్. రవీంద్ర(ఎస్.ఇ, పి.అర్ - విశాఖపట్నం), యూ.వి ప్రసాద్ (ఈ.ఈ, పి.ఆర్ - క్వాలీటి కంట్రోల్ విశాఖపట్నం) పర్యవేక్షణలో  ఈనెల 27న రాత్రి పదిగంటలకు చాలా చక్కగా అన్నీ తేడాగానే నిర్వహించేశారు. ఏవిధంగా చేసేశారో ఒక్కసారి ఆరా తీస్తే..

 బి.శ్రీనివాసరావు సూపరింటెండెంట్, ఈ.ఈ.పి.ఐ.యూ సదరు అధికారి పాడేరులో ఆరేళ్లు పూర్తి అయ్యాయి.  ఈ జి. ఓ. ఎమ్.ఎస్.నెం. 75 ప్రకారం ఏజెన్సీ ఏరియాలో రెండేళ్లు  పూర్తైన వ్యక్తిని వారి కోరిన చోట బదిలీ చేయమని జి.ఓ.లో ఉన్నది కాని అలా చేయకుండా ఇతనిని  పాడేరు ఏజెన్సీలోనే రిటన్షన్ ఇచ్చారు. అది ఏ జీఓ ప్రకారంగా చేశారో పర్యవేక్షక అధికారులు జిల్లా కలెక్టర్ కు, పంచాయతీరాజ్ ముఖ్యకార్యదర్శికి తెలియజేయాల్సి వుంది.  ఇక  ఆర్.నాగరాజు సూపరింటెండెంటు, డి.పి.ఆర్.ఈ.ఓ ఆఫీస్ అనకాపల్లిలో పనిచేస్తున్న ఇతనని రెండేళ్లు నిండకపోయినా  పి.ఆర్.ఐ. డివిజన్ టెక్కలికి బదిలీ చేశారు. ఇతని స్థానంలో సూపరింటెండెంట్ జి.వి. కనక వల్లీ కుమారిని ఓ ఎమ్మెల్యే ఇచ్చిన శిఫారసు లేఖ ఆధారంగా చూపి అనకాపల్లికి బదిలీచేసేశారు. అంటే ఇక్కడ నిభందనలు ఏమీ పరిగణలోనికి తీసుకోలేదు.. విశేషం ఏంటంటే  ఈమె బదిలీ అయిన ప్రదేశం అనకాపల్లి టౌన్ లో ఉన్నది.. ఈమెను బదిలీ చేయడానికి కానీ ఈమెకు అనుకూలంగా సదరు ఎమ్మెల్యే ఎలాంటి సిఫారసు లేఖా ఇవ్వలేదు. కానీ ఇచ్చినట్టుగా అధికారులను మభ్య పెట్టి అమాయకులైన  ఆర్. నాగరాజు ని ఆమె స్థానంలోనికి పంపేశారు. ఇక్కడ పెద్ద మొత్తంలో చేతులు మారిన కారంణంగానే లేని ఎమ్మెల్యే సిఫారసు లేఖను బూచిగా చూపించినట్టు తేటతెల్లం అయ్యింది. ఈయనను కె.ఎస్.కె.శోభా రాణి స్థానంలో బదిలీ చేసి యున్నారు. ఈమె పై ఎ.సి.బి. కేసుతోపాటు శాఖాపరమైన కేసులు కూడా ఉండటం విశేషం. బదిలీ అయిన స్థానానికి వెళ్లకపోతే ఇక్కడ ఉద్యోగం ఎలా చేస్తావో చూస్తామని కూడా సదరు అధికారిని బెదిరించడం కొసమెరుపు.  ఎస్.రమేష్ ఈయన జూనియర్ అసిస్టెంట్ పాడేరు డివిజన్ లో ఏడేళ్లు సర్వీసు పూర్తిచేసుకొని బదిలీలకు దరఖాస్తు చేసుకుంటే.. జీఓ ప్రకారం కోరిన ప్రదేశానికి బదిలీ చేయాల్సి ఉండగా  ఇతనని కూడా పాడేరు ఏజెన్సీలోనే రిటన్షన్  చేసేశారు. ప్రభుత్వం బదిలీల జీఓ ఒక్క శాతం కూడా పరిగణలోనికి తీసుకోకుండా అంతా మా ఇష్టం అన్నరీతిలోనే బదిలీలను చేయి తడుపు వ్యవహారంలో చక్కబెట్టేశారు.

మరో విశేషం ఏంటంటే సదరు సూపరింటెండెంట్ జి.వి. కనక వల్లీ కుమారి శ్రీకాకుళంలో పనిచేయాల్సి ఉండగా..విశాఖపట్నంలో కూడా ఓ.డి బేసిస్ మీద గత రెండేళ్లుగా ఇక్కడే పనిచేస్తున్నారు. ఇక్కడే ఓడీలో పనిచేస్తున్న అధికారి బదిలీల్లో ఖచ్చితంగా వెనక్కి వెళ్లాల్సి ఉంది. లేదా జీఓ ప్రకారం కోరుకున్న అధికారుల బదిలీలు జరగగా ఖాళీ ఉన్న ప్రదేశాల్లోకి బదిలీపై వెళ్లాలి. కానీ ఇక్కడకి దగ్గర్లోని అనకాపల్లికి చాలా చాకచక్యంగా బదిలీ చేయించుకుంటున్నారు. ప్రభుత్వం జీఓ ఈ అధికారిణి బదిలీ విషయంలో చేతి వ్యవహారం ముందు మోకరిల్లాల్సి వచ్చింది. చక్రం తిప్పే నేర్పు ఉంటే ఏ విధంగా నైనా బదిలీలు చేయించుకోవచ్చునని.. దానికోసం బదిలీలు చేసే అధికారులు కూడా వారికి అనుకూలంగానే పనిచేస్తార విషయం పంచాయతీరాజ్ శాఖలోని బదిలీల్లో చాలా క్లియర్ గా కనిపించింది. జి.గంగారామ్ సూపరింటెండెంట్ మూడు నెలల సర్వీసు చేసిన వ్యక్తిని అడ్డగోలుగా విజయనగరానికి బదిలీచేసేశారు. ఇలా ఒకటి కాదు రెండు ఇష్టానుసారం బదిలీలు చేశారు అధికారులు. వీటన్నింటికీ బదిలీల ఉత్తర్వులే సాక్షిగా నిలుస్తున్నాయి. ఈ విషయాలను బయటకు రానీయకుండా ఉండేందుకుందు, ఒక వేళ తమపై మీడియాలో  కథనాలు వచ్చినా వెనుక నుంచి రక్షించేందుకు ప్రజాప్రతినిధులు కూడా ఉన్నారని.. ఎవరేం చేసుకున్నా పర్లేదంటూ హుకుం కూడా జారీ చేసినట్టుగా ప్రచారం జరుగుతుంది.  

భారీఎత్తున అక్రమాలు, ప్రభుత్వ జీఓను ఉల్లంఘించి మరీ జరిపిన ఈ బదిలీలను ప్రభుత్వం తక్షణమే రద్దు చేయాలని బాధిత అధికారులు కోరులున్నారు. అలా జరగకపోతే అక్రమార్గంలో బదిలీలపై వచ్చిన వారు ఇక్కడే మరో పదేళ్లు తిష్టవేసుకొని ఉండిపోయే ప్రమాదం కూడా ఉంటుందని వాపోతున్నారు. అలా కాకపోయినా ప్రభుత్వం ఇచ్చిన మార్గదర్శకాలను పాటించకుండా జరిపిన బదిలీలపై పంచాయతీరాజ్ శాఖ కమిషనర్, మూడు జిల్లాల కలెక్టర్లు దృష్టిసారిస్తే ఎవరి విషయంలో ఏ తరహా మోసాలు, అక్రమాలు జరిగాయో బయటపడే అవకాశం వుంది. అక్రమంగా జరిగిన బదిలీలపై జిల్లా కలెక్టర్లు దృష్టిసారిస్తారా.. లేదంటే జిఓలను సైతం బుట్టదాఖలు చేసిన అధికారుల తేడా బదిలీలకే ఒకే చెబుతారా  అనేది. కాగా పంచాయతీరాజ్ లో జరిగిన అక్రమాలపై డిప్యూటీ సీఎం, కమిషనరేట్, ప్రిన్సిపల్ సెక్రటరీ ఫిర్యాదులు వెళ్లినట్టు తెలిసింది.

అన్నవరంలో వాళ్లు ఎంత చెబితే అంత..ఎలాంటి వారికైనా.. ఎంత ఎక్కువ రద్దీ ఉన్నా ఇట్టే సత్యదేవుని  అంతరాలయ దర్శనం చేయిం చేస్తారు.. ఆ సమయంలో దేవస్థాన సిబ్బందిగానీ, సెక్యూరిటీ గానీ వీరిని అడ్డుకోరు.. చూడటానికి సాక్షాత్తూ దేవస్థాన ఉద్యోగులు మాదిరిగానే చక్కటి తెలుపు రంగు దుస్తుల్లోనే కనిపిస్తూ..సత్యదేవుడికే శఠగోపం పెట్టేస్తున్నారు. రత్నగిరి వాసుడి ఆదాయానికి రూ.లక్షల్లో గండి కొట్టడానికి పీఆర్వో కార్యాలయం సాక్షిగా అడ్డగోలుగా అనధికార విధులు నిర్వహిస్తున్న గైడ్లు వచ్చిన దానిలో ఈఓ కార్యాలయానికే సింహా భాగం ఇచ్చే స్తారు. ఒక్క దర్శనాలే కాదండోయ రూములు కావాలన్నా.. ప్రసాదాలు కావాలన్నా.. ఇంకేమైనా వీరే అక్కడి సిబ్బందికి రాయబారులు. ఇలా దర్శనాలు చేయించేందుకు వీఐపీలు ఇచ్చే మొత్తం ఎంతో తెలిస్తే.. ఈ వార్త చదువుతున్నవారికి కూడా కళ్లు బైర్లు కమ్ముతాయి..అక్షరాలా ఒక్కో సార్టీ నుంచి రూ.3500 నుంచి రూ.5వేల వరకూ. ఇక అంతరాలయంలో హుండీలో కాకుండా అర్చకులతో చేసుకున్న ఒప్పందం మేరకే ప్లేటు దక్షిణల రూ.500 నుంచి ఆపై ఎంతిస్తారో లెక్కేలేదు. ఈ విషయం రత్నగిరిపై వార్తలను కవర్ చేసే ఓ వర్గం బాకా మీడియా కూడా వారి పనులు చేయించుకోవడానికి విషయాన్ని బయట పెట్టడానికి ముందుకి రావడం లేదు. 

అన్నవరం శ్రీ సత్యన్నారాయణ స్వామివారి దేవస్థానంలో అనధికార గైడ్లు ప్రతీరోజూ అడ్డదారిలో సంపాదించి అక్కడి అధికారులను మేపే విధానం స్వామిరి భక్తులకు సైతం ఆగ్రహం తెప్పిస్తున్నది. అదేంటి అంటే వీళ్లు ప్రత్యేక టిక్కెట్టుపై వస్తున్నారని సిబ్బందే ఒంటికాలపై లేస్తారు. ఎందుకంటే ఆ గైడ్లు జోబులో ఆ విధంగా టిక్కెట్లు కూడా ఉంటాయి. రోజుకి, రెండు మూడు టిక్కెట్లు తీసుకొని..వాటిపైనే ఎంత మంది వచ్చినా అంతమంది విఐపీ(అనధికార)లను అడ్డదారిలో లోనికి తీసుకెళ్లి ఇట్టే దర్శనాలు, వేద ఆశీర్వచనాలు చేయించి తీసుకొచ్చేస్తారు. వాస్తవానికి అంతరాలయ దర్శనాలకు తీసుకునే టిక్కెట్టును అక్కడ సిబ్బంది దర్శనం అయిన వెంటనే చించి పారేయాలి. కానీ అనధకార గైడ్లు సౌలభ్యం కోసం వాటిని ఏమీ చేయకుండా వారి వద్దనే ఉంచేస్తారు. అలా ఉంచేయడం వలన ఎప్పుడైనా ఉన్నతాధికారులు యాక్టింగ్ చేయడానికి తనిఖీలకు వచ్చినా స్వామివారి దర్శనానికి తామూ వచ్చామని.. ఇవిగో అంతరాలయ దర్శన టిక్కెట్లని భక్తుల ముందు అధికారులను కూడా బూరిడీ కొట్టిస్తారు. అనధికార విఐపీ వాహనాలను రాచమార్గంలో కొండపైకి ఎక్కించేందుకు ఒక బ్యాచ్, అక్కడ వాహనాలు సిఆర్వో కార్యాలయ సమీపంలో పార్క్ చేయించేందుకు మరో బ్యాచ్, గదులు ఇప్పించేందుకు ఒక బ్యాచ్, స్వామివారి ఆలయంలో దర్శనాలు చేయించేందుకు ఒక బృందం ఇలా విడిపోయి వారి విధులు.. కాదు కాదు.. అనధికార వసూళ్లు చక్కగా చేసుకుంటున్నారని రత్నగిరి కోడైకూస్తున్నది. 

ఇదేంటని ఈఓని ప్రశ్నిస్తే.. తాము చాలా పద్దతి గలవారమని.. ఎలాంటి అవినీతిని సహించమని.. దేవస్థానంలో అనధికార సిబ్బంది ఎవరూ లేరని చెప్పుకొస్తారు. తమ పనులు, వ్యాపారాలు, వ్యవహారాల కోసం మీడియా ఐడీ కార్డులతో ఉండే బాకా మీడియా కూడా ఈ విషయాన్ని మాత్రం గట్టిగా పబ్లిసిటీ చేస్తుంది. మరి అంతముందు అనధికార గైడ్లు విషయం ఎందుకు వదిలేసిందనే అనుమానం మీకు రావొచ్చు. కానీ వారి కనపడే.. కనీసం వినపడదే.. అసలు ఇక్కడ గైడ్లు ఎక్కడ ఉన్నారని వీళ్లే తిరగేసి ప్రశ్నలు వేస్తారు. వంతుల వారీగా గైడ్లు చేసే అడ్డగోలు దర్శనాల విధులకు ఒక్కొక్కరికీ అన్ని ఖర్చులు, అధికారులు, సిబ్బందికి ఇచ్చేసే మొత్తం పోనూ రూ.5వేల వరకూ తీసుకెళ్లిపోతారంటే అతిశయోక్తి కాదు.  వాస్తవానికి లఘుదర్శన టిక్కెట్ల ద్వారా ఆదాయం వస్తే సత్యదేవుడి హుండీ, గల్లా పెట్టి నిత్యం గల గలలాడుతుంటుంది. కానీ అనధికార గైడ్లే వచ్చే మొత్తాన్ని కొందరు సిబ్బంది.. అధికారుల సహకారంతో  కొల్లగొడుతుంటే.. మూడవాడిలా సత్యదేవుడు కళ్లప్పగించి చూడటం తప్పా మరేమీ చేయలేకపోతున్నాడని భక్తులు గొల్లుమంటున్నారు.  సాధారణ రోజుల్లో అడ్డదారి దర్శనాలకు రూ.1500 నుంచి రూ.2 వేల వరకూ ఛార్జి చేస్తే ప్రత్యేక రోజుల్లో రూ.3 వేల నుంచి రూ.5వేల వరకూ వసూలు చేస్తున్నారని సమాచారం అందుతుంది. 

ఈ విషయాన్ని చూసీ చూడనట్టు ఉండే మీడియాకి ప్రతీరోజూ దారి ఖర్చుల క్రింద రూ.500 టిప్పు కూడా ఇస్తారంటే పరిస్థితి ఏ స్థాయిలో ఉందో అర్ధం చేసుకోవచ్చు. అంతేకాదండోయ్.. ఇక్కడకు వచ్చే కొందరు అనధికార విఐపీలు, రాజకీయనాయకులు, మీడియా పిచ్చి ఉన్నవారికి ప్రచారం కావాలంటే మరో రేటు ఉంటుంది. దానికి బాకా మీడియా సిద్దంగా వుంటుంది. వారి దర్శనం, విరాళాలు ఇచ్చిన ఫోటోలు, వీడియోలు ప్రచారం చేస్తే వారికి వచ్చే ఆదాయం వేరే లెవల్ లో వుంటుంది. ఇలా అటు గైడ్లు.. కొందరు తేడా మీడియా సభ్యులు రెండు చేతులా సంపాదిస్తూ సత్యదేవుని ఆదాయానికి భారీగా గండి కొడుతున్నారు. ఇపుడు ఈవార్త చదివిన తరువాత కూడా ఇక్కడ అలాంటివేమీ జరగనపుడు ఎందుకు స్పందించాలని మాత్రమే ఇక్కడి సిబ్బంది ఊరుకుండిపోతారు. ఒకరిద్దరు హడావిడి చేసి రెండు మూడు రోజులు మీడియా సభ్యులను దర్శనాలకు అనుమతించరు. అంతకు మించి చేసేది ఏమీ ఉండదని వాళ్లకి, ఈ వార్త చదువుతున్నవారికి అందరీ తెలుసు. సత్యదేవ ఇప్పటికైనా నీ ఆదాయాన్ని గద్దల్లా తన్నుకుపోతున్న వారి నుంచి నిన్ను నువ్వే కాపాడుకోవాలయ్యా.. లేదంటే గైడ్లు అడ్డదారిలో ఆదాయం  కొల్లగొడుతున్నా ఏమీ చేయలేని సత్యదేవుడనే శీర్షికతో మళ్లీ మళ్లీ మేమే వార్తలు రాయలి.. నమో సత్యదేవ నమో నమహ..!

బొత్స సత్యన్నారాయణ ఉత్తరాంధ్ర రాజకీయాల్లో అత్యంత సీనియర్ నాయకుడిగా పేరుగాంచిన రాజకీయ చతురత కలిగిన నాయకుడు. ఇపుడు ఆ సీనియారిటీని.. వ్యూహాత్మకతను.. అజమాయిషినీ.. ఆర్ధిక బలాన్ని..బుద్ధి బలాన్ని.. సామాజిక బలగాన్ని.. కుటిల ఎత్తుగడ లను.. రాజకీయచట్రంలో వేసి కూటమి ని ఢీకొనే సమయం ఆశన్నమైంది. సామాజిక పరంగా బలమైన నేత కావడం, ఉత్తరంధ్రా అందున విశాఖ జిల్లాపై పట్టు ఉండటంతో ఇపుడు బొత్సను వైఎస్సార్సీపీ అధిష్టానం స్థానిక సంస్థల ఎన్నికల్లో అభ్యర్ధిగా నిలబెట్టింది. తద్వారా శాసన మండ లిలో వాయిస్ పెంచేందుకు వీలుగా వుంటుందని భావిస్తోంది. ఇపుడు కూటమి నేతలు కూడా వైఎస్సార్సీపీ ఎన్నికల బరిలోనే మట్టి కరిపిం చేందుకు వారి ఎత్తుగడలు వారూ వేస్తున్నారు. రసకందాయ రాజకీయ ముఖచిత్రంలో ఇపుడు కూటమి అభ్యర్ధిని ఎదుర్కొని.. అధికారపార్టీని కాదని గెలిస్తేనే బొత్స రాజకీయంగా బలవంతుడనే పేరు నిజమవుతుంది. లేదంటే ఆ రోజులు పోనాయ్.. ఇపుడు ఎవరికి అధికారం ఉంటే వారిదే రాజ్యం.. మరేటి సేత్తాం.. అధికారం అన్నట్టుగా తేలిపోతుంది.

 విద్యార్ధి నాయకుడి స్థాయి నుంచి దివంగత వైఎస్సార్ ముఖ్యమంత్రిగా ఉన్నసమయంలో రెండవ అతి పెద్ద నేతగా ఓ వెలుగు వెలిగిన బొత్స సత్యన్నారాయణకు పార్టీని.. పార్టీలోని క్యాడర్ ను మాటలతో అదిరించి.. బెదిరించే కమాండ్ చేయగల నేతగా పేరుంది. ఇపుడు స్థానిక సంస్థల ఎన్నికల్లో మెజార్టీ ఓట్లు వైఎస్సార్సీపీకే ఉన్నప్పటికీ కూటమి అత్యధిక స్థానాలతో ఇటీవలే ప్రభుత్వాన్ని హస్తగతం చేసుకుంది. సాధా ర ణంగానే అధికార పార్టీ అంటే భయం, భక్తి..రాజకీయం ఉంటాయి. ఈ తరుణంలో సార్వత్రిక ఎన్నికలు అయిపోయిన తరువాత వెంటనే వచ్చిన స్థానిక ఎన్నికల్లో ఎవరి బలం ఎంతో ప్రదర్శించుకునే సమయం వచ్చింది. విశాఖజిల్లాలో చాలా మంది నాయకులు ఉన్నప్పటికీ.. ఎమ్మెల్సీ అభ్యర్ధిత్వం మాత్రం బొత్సనే వరించింది. ఇక్కడ లెక్క దేనికైనా బొత్స సమర్ధుడని అధిష్టానం గుర్తించడం.. అంతస్థాయిలో మరే ఇతర నాయకుడూ క్యాడర్ ను కమాండ్ చేయలేరనే రెండవ మాట కూడొ బొత్సకు కలిసొస్చింది. అధికారపార్టీవైపు ప్రస్తుతం స్థానిక సంస్థల ఓటర్లు మొగ్గు చూపినా వారిని పూర్తిస్థాయిలో రాజకీయంగా.. సామాజిక పరంగా కూటమిలో ఉన్నవారినైనా తన వైపు తిప్పుకునే అవకాశం. చతురత.. వ్యూహాలను పసిగట్టి ప్రతివ్యూహం చేయగల నేర్పు బొత్సలో ఉంది. ఇంత ఉన్నా.. వైఎస్సార్సీపీ అధికారంలో ఉండగా స్థానిక సంస్థలు నిర్వీర్యం అయిపోయాయనే వాదన చాలా మంది ఓటర్లలో బలంగా నాటుకుపోయింది.. అదే సమయంలో పార్టీలో ఉండగా పలుకుబడి సంపాదించామనే భక్తి మరికొందరిలో వుంది.

 కనీసం పార్టీ దారుణంగా ఓడిపోయింది కనుక ఎమ్మెల్సీ ఎన్నికల్లో అయినా తమ పార్టీ నేతను గెలిపించుకోవాలనే తపన క్యాడర్లోనూ, స్థానిక సంస్థల ఓటర్లలోనూ ఉన్నట్టుగా కినిపిస్తోంది.  దానిని పూర్తిస్థాయిలో వినియోగించుకోవాలనే లక్ష్యంతో బరిలో నిలుచున్న బొత్సకు సరిసమా నాంగా అనకాపల్లి మాజీ ఎమ్మెల్యే పీలా గోవింద్ ను పార్టీ దాదాపు ఖరారు చేసేసింది. ఆర్ధికంగా వీరిద్దరూ బల ప్రదర్శన చేసుకోగలరని ఇటు కూటమి కూడా బలంగా నమ్మింది. ప్రస్తుతం ఉన్న స్థానిక సంస్థల ఓట్లలో 80శాతం వైఎస్సార్సీపీకి అనుకుంగానే ఉన్నాయి. అయినా కూటమి అభ్యర్ధిని బరిలో నిలబెట్టి క్యాంపు రాజకీయాల ద్వారా సీటు గెలుపించుకోవడానికి వ్యూహం పన్నిన విషయాన్ని ముందుగానే పసినగట్టిన వైఎస్సార్సీపీ నాయకత్వం సీనియర్ నాయకులు అందర్నీ రంగంలోకి దించింది. మాజీ మంత్రులు, మాజీ ఎమ్మెల్యేలు, ఎంపీలు, ఉత్తరాంధ్ర ఇన్చార్జులు అందరూ ఇపుడు విశాఖలోనే మకాం పెట్టారు. మున్సిపాలిటీలు, కార్పోరేషన్ పరిధిలో కొందరు వైఎస్సార్సీపీ కార్పోరేటర్లు కూటమి పార్టీల్లోకి జంప్ అయిపోయినా.. ఇంకా ఓటు బ్యాంకు బలంగా ఉందనే నమ్మకంతో వైఎస్సార్సీపీ బొత్సాను బరిలో దింపింది. 

అనుకున్నదే తడవుగా అటు కూటమి, ఇటు వైఎస్సార్సీపీ ఇరు పార్టీలు పోటీ పోటీగా క్యాంపు రాజకీయాలకు ఎమ్మెల్యే, మంత్రుల ఇళ్లే ప్రధాన స్థావరాలు చేసుకొని వ్యూహాలు రచిస్తున్నారు.  గాజువాకలో పీలా శ్రీనివాస్ ఇంట్లో కూటమి కలిస్తే.. పెందుర్తి మాజీ ఎమ్మెల్యే అదీప్ రాజ్ ఇంట్లో వైఎస్సార్సీపీ ముఖ్య నేతలు భేటీ అయ్యారు. ఇదే సమయంలో గతంలో ఇదే ఎమ్మెల్సీ స్థానానికి ప్రాతినిధ్యవం వహించి సార్వత్రిక ఎన్నికల్లో ఎమ్మెల్సీని వదిలేసి విశాఖ దక్షిణ ఎమ్మెల్యేగా గెలిచిన వంశీ కూడా కూటమి అభ్యర్ధి గెలుపుకోసం కీలకంగా చక్రం తిప్పుతున్నారని జోరుగా ప్రచారం జరుగుతోంది. వాస్తవానికి ఈయన ఉండేది విశాఖలోనే అయినా రూరల్ ప్రాంతంలో కూడా మంచి పరిచయాలు ఉన్నాయి. దానికి తోడు జనసేనకు ప్రజల్లో పెరుగుతున్న ఆదారణ కూడా ఈయన వ్యూహాలకు బలం చేకూరుతున్నదని తెలిసింది. ఓటు బలం కన్నా ఆర్ధిక బలం గట్టిగా వుంటుందనేది జగమెరిగిన సత్యం. ఆర్ధిక బల ప్రయోగం చేస్తే మాత్రం నువ్వా నేనా అనేది ఖచ్చితంగా తేలిపోతుంది. అలా కాకుండా అధికారాన్ని ప్రయోగిస్తే.. మళ్లీ ఆ లెక్క వేరే లెవల్ లో వుంటుంది. ఇపుడు ఆ రెండూ తీవ్రంగా ప్రభావితం చేసే అవకాశాలు ఎక్కువగా ఉన్నాయి.

-కౌన్ బనేగా లక్షాధికారిగా స్థానిక సంస్థల ఓటరు..ఇంతకీ వారెవరు..?!

అధికార కూటమి ప్రభుత్వం.. ఘోరంగా ఓడిపోయిన వైఎస్సార్సీపీలు ఇపుడు ఎలాగైనా స్థానిక సంస్థల ఎన్నికల్లో సీటు దక్కించుకోవడానికి ఆర్ధిక బలప్రదర్శనకు దిగుతాయనే వాదన బలంగా వినిపిస్తుంది. దానికోసం ఒక్కో ఓటరుకు సుమారు రూ.5 నుంచి పది లక్షలు వరకూ బేరం పెట్టి ఓటు బ్యాంకు పెంచుకోవాలని యోచిస్తున్నట్టుగా క్యాంపు రాజకీయాల  సందుల్లో నుంచి ముఖ్యసమాచారం ఒకటి బయటకు వచ్చి చక్కర్లుకొడుతోంది. అధికారంలో ఉండగా స్థానిక సంస్థల్లోని వారికి ఏమీ చేయలేకపోయాం.. కనీసం ఇపుడైనా వారిని ఆర్ధికంగా ఆదుకుంటే వారికి చేయూతతోపాటు.. పార్టీ సీటు కూడా దక్కి శాసన మండలిలో బలమైన వాణి వినిపించేందుకు వీలుంటుందని వైఎస్సార్సీపీ భావిస్తున్నట్టుగా చెబుతున్నారు. అంత మొత్తం ఖర్చుచేయాలంటే ప్రస్తుత పరిస్థితుల్లో బొత్సాలాంటి బలమైన, ఆర్ధిక అండున్న వ్యాపారవేత్త అయితే సాధ్యమవుతుందని తెలిసే ఈయనను బరిలోకి దించారని సమాచారం అందుతుంది. ఒకవేళ ఇదే నిజమైతే.. అదే స్థానిక సంస్థల్లో కూటమి ప్రభుత్వం ద్వారా ఒక్కో ఓటరు స్థాయిలో సుమారు రూ.50లక్షలు నిధులు వారి ప్రాంత అభివృద్ధికి విడుదల చేసి ఓటర్లను చేజారి పోనీయకుండా చేయాలనేది కూటమి వ్యూహంగా కనిపిస్తున్నది. తద్వారా నేతలకు స్థానికంగా పేరు ప్రఖ్యాతలతోపాటు అభివృద్ధి కూడా కనిపించి వారి రాజకీయ జీవితానికి బాటలు వేసినట్టుగా వుందని కూడా కూటమి నేతలు ఆలోచిస్తున్నారని కడపటి వార్తల సమాచారంగా బయటకు వస్తున్నది.

 అంతేకాకుండా పార్టీ మారడం ద్వారా ఓటర్లకు, వారు ప్రాతినిధ్యం వహిస్తున్న స్థానిక సంస్థల్లో పలుకుబడి పెంచడం ద్వారా వారికి ప్రజల నుంచి కూడా మంచి మద్దతు తీసుకు రావాలనేది రెండవ ఆలోచనగా వుంది. ఇపుడు రెండు వైపుల నుంచి ఓటర్లకు భారీగానే ప్రతిఫలం దక్కేలా కనిపిస్తున్నా.. ఇది పక్కా ఓట్ల లెక్క. ప్రతిఫలం పొందిన తరువాత ఎక్కడ ఏం జరిగినా..తేడాలొచ్చేస్తాయనే భయం కూడా ఓటర్లలో బలంగా నాటుకుపోయింది. ఈ తరుణంలో రెండు వైపుల నుంచి వస్తున్న ప్రతిపాదనలలో ఏది మంచిదో తేల్చుకోలేని స్థితిలో ఓటర్లు డైలమాలో పడిపోయారట. అయితే ఇక్కడ సామాజిక పరంగా కూడా ఓట్లు వైఎస్సార్సీపీకే అధికంగా ఉంటడం కూడా బొత్సాకి కలిసి వచ్చే అంశంగా విశ్లేషకులు చెబుతున్నారు. అటు స్పీకర్ అయ్యన్న, మంత్రి వంగలపూడి అనిత, ఎంపీ సీఎం రమేష్, ఎమ్మెల్యేలు పీలా శ్రీనివాస్, బండారు సత్యన్నారాయణ, కొణతాల రామక్రిష్ణ, దాడి వీరభధ్రరావు, కెఎస్ఎన్.రాజు లు వారి వారి నియోజకవర్గ కేంద్రాల పరిధిలో ఇప్పటికే ఓటర్లను రౌండప్ చేసేశారట. అదే స్థాయిలో బూడి ముత్యాల నాయుడు, కన్నబాబురాజు, పెట్ల ఉమాశంకర్ గణేష్, కరణం ధర్మశ్రీ, వారి పరిధిలోని ఓటర్లను బయటకు పోనీయకుండా 15 నియోజకవర్గా లపరిధిలో వారి నెట్వర్క్ ను బలంగానే ఒడ్డుతున్నారన్నది తాజా సమాచారం.

 ఎవరి బలం ఎలా ఉన్నా.. ఆర్ధిక బలగం చెప్పే చిలక జోష్యంపైనే మెజార్టీ ఆధారపడి వుంటుందనేది కూడా చర్చనీయాంశం అవుతుంది. దానికోసం ఏం చేయాలి...? ఎలా చేయాల..? ఎవరిని ఎప్పుడు ఎక్కడ వినియోగించాలనే అంశంలోనూ నేతలంతా బిజీగా ఉన్నారు.  అన్ని విధాలుగా బలం, బలగం ఉన్న బొత్సాను ఢీకొట్టి గెలవాలంటే కూటమికి కాస్త కత్తిమీద సామే. ఎందుకంటే చాలా వ్యాపారాల్లో చాలా మంది నాయకులు బొత్సతో సత్సంబందాలు కలిగి వున్నవారే. అందులోనూ వెలమ, కాపు సామాజిక వర్గాలు బొత్సాకు ఔట్రేట్ గా మద్దతు ఇస్తాయి. అటు పీలా గోవింద్ బలం ఆర్ధికం ఒకే అయినప్పటికీ.. బలం మాత్రం కూటమి నేతలు, వారి పదవులు.. అధికారపార్టీగానే కనిపిస్తున్నాయి. కానీ ఓటర్లను మాత్రం ఎవరి స్థాయిలో కన్ ఫ్యూజ్ చేసి మరి రౌండప్ చేసేస్తున్నారు. చూడాలి స్థానిక సంస్థల ఎన్నికలకు నోటిఫికేషన్ వచ్చిన తరుణంలో రాజకీయం ఎన్ని రకాల మలుపులు తిరిగి ఎవరిని ఎమ్మెల్సీ కుర్చీ అధిష్టించేలా చేస్తుందోననేది ఉత్కంఠగా మారింది. ఈ తరుణంలో కూటమిని చేధిస్తే మాత్రం బొత్స బలవంతుడేనని మరోసారి రుజువుతుంది. మరి కాదా..బొత్సాకి ఎవరు ఎదురెల్లి గెలిసెత్తారు అన్నవారే.. జస్ట్ సీన్ రివర్స్ అయితే.. ఏటి సేత్తాం.. ఎమ్మెల్సీ సీటు కూడా పోనాది అని సరిపెట్టుకోవడమే అనేస్తారు.. రాజకీయం అంటే ఇదే కదా మరి..!

-పరిమితికి మించి తవ్విన బోర్లను నియంత్రించాలి

విశాఖమహానగరానికి నీరు ద్వారా అతి పెద్ద నష్టం ఏర్పడబోతుందని ఉపకార్ ఛారిటబుల్ ట్రస్టు చైర్మన్ డా.కంచర్ల అచ్యుతరావు ఆందోళన వ్యక్తం చేశారు. నగరంలో చాలా చోట్ల పరిమితికి మించిన లోతుగా బోరుబావులు తవ్వేయడం వలన భూగర్భ జలాలు పూర్తిగా ఇంకిపోతున్నాయన్నారు. ప్రభుత్వం, జివిఎంసీ ముందు వాటిని నియంత్రించాలన్నారు. ఇంకుడు గుంతలు ప్రతీ ఇంటి దగ్గర, అపార్ట్ మెంట్, కమర్షియల్ కాంప్లెక్స్, పెద్ద పెద్ద భవనాల వద్ద ఖచ్చితంగా ఏర్పాటు చేయడం ద్వారా భూమి అడుగు భాగంలో ఉన్న జల ఇంకిపోకుండా జీవంతో వుంటుందన్నారు. విశాఖలో గనుక పూర్తిగా భూగర్భ జాలాలు ఇంకిపోతే అతి పెద్ద నష్టం, నీటికోసం పెను కష్టం వస్తాయన్నారు. అలాంటి పరిస్థితి లేకుండా ప్రభుత్వం కఠిన చర్యలు తీసుకోవాల్సిన అవసరం ఉందన్నారు.

-అగ్రిగోల్డ్ బాధితులను ఆదుకోవాలి

రాష్ట్రప్రభుత్వం అగ్రిగోల్డు బాధితులను తక్షణమే ఆదుకోవాలని డా.కంచర్ల అచ్యుతరావు ప్రభుత్వాన్ని కోరారు. కొంత మందికి మాత్రమే నష్టపరిహారం, వారు కట్టిన మొత్తాలు వచ్చాయని.. ఇంకా చాలా మంది వరకూ డబ్బులు కట్టిన వారు నష్టపోయారని ఆవేదన వ్యక్తం చేశారు. అగ్రీగోల్డులో డబ్బులు కట్టిన ప్రతీ ఒక్కరికీ న్యాయం చేయాల్సిన బాధ్యత ప్రభుత్వంపై ఉందన్నారు. బాధితులకు అండగా తాము నిలబడతామని.. బాధితుల నష్టాన్ని ప్రభుత్వం దృష్టికి తీసుకెళ్లేందుకు ప్రత్యేక చర్యలు తీసుకుంటున్నట్టు చెప్పారు. విశాఖ తూర్పు నియోజకవర్గంతో పాటు రాష్ట్రంలో 175 నియోజకవర్గాల్లోనూ ఇంకా చాలా మంది అగ్రీగోల్డు బాధితులు ఉన్నారని..వారందరికీ ప్రభుత్వం న్యాయం చేయాలని ఆయన కోరారు. అగ్రీగోల్డు బాధితు పక్షాన నిలబడి వారికి న్యాయం జరిగేంత వరకూ తోడుంటామని చెప్పారు.

-జర్నలిస్టుల సంక్షేమ నిధికి రూ.10 లక్షలు

సమాజంలో మీడియా లేకపోతే బాహ్యప్రపంచంలో ఏం జరుగుతుందో ఎవరికీ తెలియదని.. అలాంటి మీడియాకు ఉపకార్ ఛారిటుబుల్ ట్రస్టు ద్వారా రూ.10లక్షలు సంక్షేమ నిధికి కేటాయిస్తున్నట్టు  ట్రస్టు చైర్మన్ డా.కంచర్ల అచ్యుతరావు ప్రకటించారు. తమ సినిమా ప్రీ రిలీజ్ ఈవెంట్ లో దానిని ప్రకటించి వినియోగంలోకి తీసుకు వస్తామని చెప్పారు. ప్రతీ జర్నలిస్టుకి ఆరోగ్య పరమైన సహాయ సహకారాలు అందించేందుకు తమ ట్రస్టు ఎల్లప్పుడూ సిద్ధంగా వుంటుందన్నారు. ఇప్పటికే పలు సేవా కార్యక్రమాలు చేపడుతున్న ఉపకార్ ఛారిటబుల్ ట్రస్టు ద్వారా మరిన్ని సేవాకార్యక్రమాలు అన్ని ప్రాంతాలకు విస్తరించనున్నట్టు ఆయన ప్రకటించారు. తమ ట్రస్టు ఎవరి సహాయ సహకారాలు తీసుకోకుండానే తమ సంస్థల ద్వారా వచ్చే ఆదాయంలో కొంత మొత్తాన్ని సేవా కార్యక్రమాలకు వినియోగిస్తున్నట్టు ఆయన వివరించారు.

-విశాఖలో సిని పరిశ్రమ అభివృద్ది తమవంతు సహకారం

సిటీ ఆఫ్ డెస్టినీగా ఉన్న విశాఖలో సినిమా పరిశ్రమ అభివృద్ధి చేసేందుకు తమ వంతు సహకారం అందిస్తామని ఉపకార్ ఛారిటుబుల్ ట్రస్టు చైర్మన్ డా.కంచర్ల అచ్యుతరావు చెప్పారు. డబ్బింగ్, యాక్టింగ్, సినిమాటోగ్రఫీ, ప్రొడక్షన్ వంటి విభాగాల్లో శిక్షణ లు ఇచ్చే సంస్థలు ఇక్కడి వస్తే పూర్తిస్థాయిలో సహకారం అందిస్తామన్నారు. ఈ ప్రాంతంలో షూటింగులు జరిపే సినిమా నిర్మాతలు కూడా స్థానిక కళాకారులకు అవకాశం కల్పించి వారికి చేయూత నివ్వాలని కోరారు. విశాఖలో సినిమా పరిశ్రమ అభివృద్ధి చెందితే ఎంతో మందికి ఉపాది అవకాశాలు మెరుగుపడతాయనే ఆశాభావం వ్యక్తం చేశారు. తమ ట్రస్టు ద్వారా సిని కళాకారులకు కూడా చేయూత అందిస్తున్నామని.. దానిని రానున్న రోజుల్లో మరింతగా పెంచనున్నట్టు చెప్పారు. ఈ కార్యక్రమంలో ట్రస్టు సిబ్బంది సుధీర్, నాగు, తదితరులు పాల్గొన్నారు.

  అవువు విశాఖలో కులపిస్టులు(పేరుకి జర్నలిస్టులు) రాజ్యమేలుతున్నారు. అందునా చాలా మంది ఇలాంటి వారికి ప్రజాప్రతినిధులు కూడా పక్కగా సపోర్టు చేయడంతో నిజమైన జర్నలిస్టులు, బ్యాలెన్స్ గా ఉన్న మీడియా సంస్థలు మనుగడ సాధించలేకపోతున్నాయి. ఆవిషయం 2024 సార్వత్రిక ఎన్నికల్లో కాస్తో కూస్తో ఆదాయం వస్తుందనుకొని న్యూస్, యాడ్స్ ప్యాకేజీల కోసం తిరిగినపుడు మాకు చాలా స్పష్టంగా అర్ధమైంది. పలానా ఛానల్ మా కులపోళ్లదే.. ఈ పేపర్ లో మన కులపిస్టే పనిచేస్తు న్నాడు.. అదిగో ఆ యూట్యూబ్ ఛానల్ కూడా మనకులపోళ్లే కమర్షియల్ గా స్టార్ట్ చేశారు. మనంవాళ్లని చూసుకుంటే చాలు మిగిలిన వారందిరికీ ఏదో సాకు చెప్పి పంపేయవచ్చు అనే దీమా వచ్చేసింది. ప్రజాప్రతినిధులే కాదు వాళ్ల దగ్గర పనిచేసే పీఏలు, మేనేజర్లు కూడా వాళ్ల కులపోళ్లే ఉండటం, జర్నలిస్టులను, జర్నలి స్టులగా కాకుండా కులపిస్టులుగా చూస్తూ వారి స్వరూపాన్నే మార్చేయడం కొత్త పోడకలకు తావిస్తున్నది. వాడు పనిచేసే ఛానల్ ఏ కేబుల్  నెట్వర్క్ లో ప్రశారం అవుతుందో తెలీదు..? వీడు వీడి కులప నాయకుడి దగ్గర తీసుకున్న వాయిస్ బైట్ ఏ అర్ధరాత్రి ప్రసారం అవుతుందో అంతకంటే తెలీదు.. కానీ తెల్లవారేపాటికి సదరు కులపోళ్ల ఛానల్ లోగోతో వీడియో క్లిప్పింగ్ మాత్రం కులప నేతల వాట్సప్ కి వెళుతుంది. అంతే వెంటనే చూశారా మా కులపిస్టు మనకిచ్చిన పబ్లిసిటీ అంటూ ఆ కులప ప్రజాప్రతినిధి తెగ ఫీలపైపోయి ఆకలని కూడా మరిచిపోయినంతగా ఆనంద పడిపోతాడు.

 ఇంతకీ ఇక్కడ అసలు విషయం ఏంటంటే మా కులపిస్టు అనుకున్న జర్నలిస్టు వాడి ఛానల్ లో ప్రసారం కాని వీడియోని బయట ఎడిటింగ్ చేయించి సదరు ప్రజాప్రతినిధి, వాళ్ల కులప నాయకులను బొక్కబోర్లా పడేలా మోసం చేయగలుగుతున్నాడు. అయినా కూడా తినే అన్నం కంటే.. వచ్చిన పేరుకంటే.. ప్రస్తుతం ఉన్న స్థానం కంటే కులాభిమానికే విలువనిచ్చే సదరు ప్రజాప్రతినిధి దీనినే నిజమని నమ్మేస్తున్నాడు. అందరినీ నమ్మిస్తున్నాడు. అలాగనీ అందరు కులపిస్టులు బయట వీడియో ఎడిటింగ్ చేయించనవే ఉండవు లేండి అప్పడప్పుడు సదరు కులప ఛానల్స్ లో వార్తల్లో కూడా వస్తుంటాయి. అందువలన వీరు చేసే మోసాలు వారికి అర్ధం కావం లేదు. ఇదంతా ఎప్పనుంచో నడుస్తుంది కదా.. మళ్లీ ఇప్పుడు మీకెందుకు గుర్తొచ్చింది..మళ్లీ ఎందుకు ఈ స్టోరీ రూపంలో రాస్తున్నారూ..? అంటే.. అదే కులపిస్టులు చేస్తున్న మోసాన్ని అదే కులప నేతలు ఆ ఇద్దరికే చెప్పి..(ఒకటి అడిగిన వారికి..రెండూ అడగని వారికి) గొల్లుమంటున్నారు. అయినా వెధవది కులాభిమానం అడ్డొచ్చి మళ్లీ వీరినే నమ్ము తున్నారు.. గొర్రె కసాయివాడిని నమ్మినట్టుగా.. ఇక్కడ ఏ జర్నలిస్టునూ, కులపిసిస్టునూ, శంఖించడానికో, వాళ్ల తెరవెనుక వ్యాపారాన్ని అడ్డుకోవడానికో, పేరు పెద్ద ఛానల్, పేపర్ అయినా వీరంతా వేసే వేషాలను, ఇతర కులపోళ్లు వీళ్లని చూసి సిగ్గుతెచ్చుకోనందుకో ఈ స్టోరీ రాయడం లేదు..? విషయం అందరికీ తెలుస్తుందని మాత్రమే ఈ చిన్న ప్రయత్నం చేస్తున్నాం.

 జరుగుతున్న, చేస్తున్న, చేపడుతున్న, ఆర్ధిక లాభం పొందుతున్న కులపిస్టుల సంగతి మేమూ ఆ ఇద్దరికే..(ఒకటి అడిగిన వారికి..రెండూ అడగని వారికి) చెప్పాలని చిన్న తాపత్రయం. ఇదంతా ఎపుడో ఉంది మీకు ఇపుడే తెలిసినట్టుంది అనుకున్నవారు లైట్ తీసుకోవచ్చు. కానీ జర్నలిస్టుని జర్నలిస్టుగానే చూడాలని, బ్రోకర్ ను బ్రోకర్ గానే చూడాలని, కులపిస్టుని కులపిస్టుగానే చూడాలని, కానీ ఎవరైనా మీకు పనిచేస్తేనే మీరు విలువ ఇవ్వాలని, మరొకడి పొట్ట కొట్టే ప్రయత్నాలు చేస్తే మీ కులపోడైనా పక్కనపెట్టాని తెలియజేయడానికి, ఆ సూచన చేయడానికి మాత్రమే ఈ స్టోరీ మళ్లీ మీ ముందుకి తీసుకు రావాల్సి వచ్చింది. అందరు జర్నలిస్టులు కులపోళ్లు అయి పోరు.. అందరు కులపోళ్లు జర్నలిస్టులు అయిపోరు.. కానీ కులప రాజకీయనేతలు మాత్రం వారి కులపోళ్లనే చూస్తారు.. కనీసం ఇతర కులపోళ్లైనా.. ఈ కులప రాజకీ యాన్ని వంటపట్టించుకుంటే.. అన్ని కులాల్లోని, సామాజికవర్గాల్లోని మీడియా సంస్థలు, కులపిస్టులు బాగు పడటానికి అవకాశం వుంటుందనేది గుర్తెరగాలని మాత్రం ఖచ్చితంగా సూచించాల్సిన సమయం వచ్చిందని చెప్పగలం. జై మన కులపోడు..జై జై మనకులపిస్టులు.. కాదు కాదు నిజమైన జర్నలిస్టుకి జై.. వాస్తవం కాని కుల పిస్టుకి నై జై.. ఈ విషయాన్ని నిజంగా పనిచేసే జర్నలిస్టులు అర్ధం చేసుకుంటే చాలు.. జర్నలిజం వర్ధిల్లాలి.. కులపిజం నశించాలి..!

 తీరా అక్కడికి వెళ్లిన తరువాత..విలేఖరులందరూ వరుసలో రండి..మీ నెంబర్లు పిలుస్తారు వచ్చి తీసుకోండని ముందుగా ప్రకటించారు అక్కడి సమావేశానికి  నిర్వాహ కులు. ఎన్నికలంటే మీడియాకి పండగ, అప్పుడే కొద్దో గొప్పో ఆదాయం వస్తుంది. వారు పనిచేసే సంస్థకి ఆదాయం తెచ్చిపెడితే వారికీ గౌరవం దక్కుతుందని తెగ ఆనంద పడిపోయారు. అందరితోనూ పిచ్చాపాటిగా మాట్లాడేసి.. మనోళ్లు ఇస్తారు తీసేసుకోండని చెప్పి ఆ నాయకుడు సమావేశం నుంచి వెళ్లిపోయారు. తరువాత కవర్లలో పెట్టిన ప్యాకేజీలు మొత్తం ఇచ్చేయాలి కదా.. అందరినీ లైన్లో రమ్మన్నారు..ఒక్కొక్కరికీ ఒక్కో కవరు చేతిలో పెట్టారు. తీరా అందులో చూస్తే.. రూ.500 నోటు. అదీ ఆ బడానేత మీడియాకి ఇచ్చిన పబ్లిసిటీ ప్యాకేజీ. సాధారణ ఓటరుకి ఎన్నికల సమయంలో ఇచ్చే డబ్బులకంటే నాలుగోవంతు. అంటే మీడియాని ఎంత చులకన చేశారో అర్ధమైందా. ఆ మాత్రం దానికి ఆ రాజకీయ నాయకుడు జిల్లాకి వచ్చే సమయంలో ఇదే మీడియా, విలేఖరులంతా ఆహా.. ఓహో.. ఆయనొస్తే ఆకాశానికి.. కన్నం.. భూమికి బొక్క పడిపోద్ది.. ఆయనకి ఎవరూ ఎదురెళ్లలేరు. అంటూ తెగ ఫ్రీ పబ్లిసిటీ ఇచ్చేశారు. ఏదేదో ఊహించుకుని. కానీ తీరా మీడియా ప్యాకేజీలిస్తామని చెప్పి రూ.500 నోటు చేతిలో పెట్టేసరికి వెళ్లిన వారందరికీ దిమ్మ తిరిగి బొమ్మ కనిపించి పోయింది. కాస్తో కూస్తూ విలువలకు కట్టుబడే జర్నలిస్టులు మాత్రం ఆనోటుని తిరస్కరించారు. మిగిలిన వారు పెట్రోలు ఖర్చుల కైనా వస్తాయని చెప్పి మడతెట్టి జేబులోపెట్టుకొని బయటకు వస్తూనే.. సరైన నేల టిక్కెట్టు నాయకుడు అనకాపల్లికి వచ్చారంటూ కామెంట్లు చేయడంతో..సార్ ఏమీ అనుకోవద్దు..మేమూ అలాగే అనుకున్నాం మా తొక్కలో సారు ఇలా ఈ విధంగా ఇంత చండాలంగా.. చవకబారుగా వ్యవహరిస్తారని అనుకోలేదంటూ చోటా నాయకులు కూడా సిగ్గుతో లోనికి వెళ్లిపోయారు.

పెట్టకూడదు..జై జర్నలిజం.. జై జై జర్నలిజం..!

ఒక రాజకీయనేత కంటిలో పడాలంటే ఈరోజుల్లో ఏ మీడియా సంస్థలోనూ యాక్టివ్ గా పనిచేయాల్సిన పనిలేదు. ప్రధాన పత్రికలు, టివి ఛానళ్లు, లోకల్ కేబుల్ టీవలు, రాజకీయపార్టీ మీడియాలో పనిచేస్తున్నట్టు ఐడి కార్డు ఉంటే చాలు. అవే ప్రధాన రాజకీయపార్టీల నేతలకు ఐడెంటీ నువ్వు పలానా ఛానల్ కదా.. నువ్వు ఆ మీడియా కదా.. మీరు ఈ పేపర్ కదా అని వాళ్లే సంబోధిస్తారు. ఇక అవతలి మీడియా ప్రతినిధి వారి కులపోడే అయితే ఇక చెప్పాల్సిన పనేలేదు. ఎక్కడ పడితే అక్కడ తెగ నాకేసీ..గీకేసీ..గోకేసి..తోమేసుకుంటారు. ఇంకా చెప్పాలంటే రాజకీయనేలందరూ ఈ తేడా మీడియాగాళ్లను గుర్తించాలంటే సరిగ్గా ఎన్నికలకు ఓ రెండు నెలల ముందు వీరందరికీ ప్రత్యేకంగా ఆఫీసులు ఓపెన్ చేస్తారు.. ఒక గదిలో టివి ఛానల్ సెటప్, మరో గదిలో పేపర్ పబ్లిసిటీ సెటప్, ఇంకో గదిలో పనిచేసే సిబ్బంది హడావిడి..ఓ మూడు నెలలకు అద్దెకు తెచ్చుకున్న కారు. రాజకీయనేతలు ఈ మీడియా బ్రోకర్ ని గుర్తించడానికి వీడి దగ్గరే ఇద్దరు అసిస్టెంట్లు.. సార్ వస్తున్నారంటూ వేరే లెవల్ బిల్డప్.. ఈ వ్యవహారం అంతా మామూలుగా ఉండుదు. ఇదంతా చూసిన ఆ ఆ ఎమ్మెల్యే, ఎంపీ అభ్యర్ధి ఓహో వీడెవడో చాలా పెద్ద విలేఖరిలా ఉన్నాడు.. వీడిని పట్టుకుంటే ఈ ఎన్నికల్లో మనం పూర్తిస్థాయిలో ప్రచారం చక్కగా చేయించుకోవచ్చు. డబ్బులు పోయినా పర్లేదు. ఇలాంటి నెట్వర్క్, కాస్త గట్టివాడైతే చాలు అని వాళ్లంతట వాళ్లే నిర్ణయానికి వచ్చేసేలా నమ్మిస్తారు ఈ మీడియా బ్రోకర్లు. బొక్కబోర్లా పడి వారికే మీడియా మేనేజ్ మెంట్ అంతా అప్పగిస్తారు. అలా అప్పగించే సమయంలోనే నేతలు కూడా ఎంక్వైరీ చేస్తారు..పలానా రిపోర్టర్ కి ఏ కులపోడు అని..? అడిగేది పోటీలో ఉన్న అభ్యర్ధి కదా..వాడు వెంటనే మనకులపోడే సార్ అంటాడు. దానికి ఈ పొలిటికల్ కేండిడేట్ బుబ్బి తబ్బిబ్బు అయిపోయి...సరే అయితే మన మీడియా మేనేజ్ మెంట్ అంతా నువ్వే చూసుకో అని చెప్పి అక్కడి నుంచి వెళ్లిపోతాడు. ఆ తర్వాత ఉంటుంది అసలైన తేడా వ్యవహారం. వీడొక వాట్సప్ వాడి సొంత వాట్సప్ గ్రూపు పెడతాడు. అందులో వాడికి కావాల్సిన వాళ్లనే చేరుస్తాడు. మూడో కంటికి తెలియకుండా ప్యాకేజీలు మాట్లాడతాడు. అక్కడ కూడా కమిషన్లు తీసుకుంటాడు వాడు ప్రధాన మీడియా అయి ఉంటే చాలు. అందులో పనిచేస్తే చాలు. అంతే నిజంగా వాడు వీడు నియమించిన వాడికి పబ్లిసిటీ ఇస్తున్నాడా...మంచి వార్తలు రాస్తున్నాడా లేదా అనేది చూడు. ఈ క్రమంలోనే ఎవరైనా చక్కగా వార్తలు రాస్తే మాత్రం ఈ వార్త మనం రాసిందే.. నేనే కావాలని ఆ పేపర్ లో పెట్టించానని చెప్పి.  ఆ స్టోరీ క్లిప్పింగ్ సదరు ఎమ్మెల్యే, ఎంపీ క్యాండిట్ కి చూపించి మరికొంత నొక్కేస్తాడు. ఇక్కడ టార్గెట్ మొత్తం అంతా కూడా 

రోగులకు అవసరమైన పరీక్షలు చేసే ల్యాబ్ లు కెజిహెచ్ లో ఉన్నప్పటికీ అక్కడ వచ్చే రిపోర్టులు లోన పనిచేసే వైద్యులకు నచ్చడం లేదట.. దానికి వాళ్లు చెప్పే సాకులేంటంటే మీరు బయట ల్యాబుల్లో చేయించుకొని వస్తే కాస్త రిపోర్టులు క్లియర్ గా వస్తాయి అపుడు మెరుగైన వైద్యం చేయించడానికి అస్కారం వుంటుందని చెబుతుండటంతో ప్రాణాలతో చెలగాటమాడం ఇష్టం లేని రోగి బంధులు చచ్చినట్టు ప్రైవేటు ల్యాబుల్లోనే పరీక్షలు చేయించుకొని వస్తున్నారు.

ఇటీవల కాలంటో ఒక హృద్రోగి విశాఖజిల్లా శివారు నుంచి వచ్చి కెజిహెచ్ లోకి చేరారు. అక్కడ వైద్యులు చికిత్సలు చేయడానికి ప్రతీరోజూ రక్తంలోని హెచ్ పర్శంటేజి టెస్టుల దగ్గర నుంచి ఇతర అన్ని రకాల పరీక్షలకు దగ్గర్లోని విజయ డయాగ్నస్టిక్ సెంటరుకి పంపారు. వాస్తవానికి కెజిహెచ్ లో పిపిపి విధానంలో నడుస్తున్న ల్యాబుల్లో కూడా పరీక్షలు చేయించవచ్చు. అలా చేయిస్తే స్పషలిస్టు వైద్యులకు కమిషన్లు ఎక్కడి నుంచి వస్తాయి..? అందుకే కమిషన్ల కోసం కక్కుర్తి పడే వైద్యులు వారు చూసే స్పెషాలిటీ వైద్యచికిత్సలకు ప్రైవేటు ల్యాబులు, మెడికల్ షాపుల ద్వారానే వ్యాపారాన్ని చక్కగా చేసుకుంటున్నారు. దానికి సంబంధించిన రిపోర్టులు కూడా బాధితులు ఈరోజు-ఈఎన్ఎస్ నేషనల్ న్యూస్ ఏజెన్సీకి చూపించారు. ఆ రిపోర్టులు, దానికి అయిన ఖర్చుల వివరాలు కూడా బధ్రంగా ఉన్నాయి. 

అయితే అదే టెస్టులు కెజిహెచ్ లోనూ చేసినా వాటిని వైద్యం చేసే స్పెషాలిటీ వైద్యులు పరిగణలోనికి తీసుకోలేదు. పైగా సదరు రోగికి శస్త్రచికిత్స సమయంలో రక్తం అవసరం అని చెప్పి ముగ్గురు దాతల నుంచి రక్తం కూడా లాగేశారు. తీరా సదరు రోగికి రక్తం ఎక్కించకుండానే శస్త్రచికిత్సలు చేశారు. చేసే వైద్యం చేస్తున్నా.. కావాల్సిన మెడికల్ టెస్టులు చేస్తున్నా..ఎందుకనో కెజిహెచ్ లో చేసే మెడికల్ టెస్టులంటే స్పెషాలిటీ వైద్యులకే నమ్మసక్యంగా ఉండటం లేదు. పాపం దానితో వారి బినామీ పేర్లతో ఉన్న ల్యాబులకు మెడికల్ టెస్టుల కోసం పంపిస్తున్నారు. ఇదేమని ప్రశ్నించిన మీడియాకి కూడా మీకు రోగి ఆరోగ్యంగా బయటకు వెళ్లడం కావాలా..? లేదంటే మెడికల్ టెస్టులకి అయ్యే ఖర్చుల కోసం చూసుకుంటారా? అనే సమాధానాలొచ్చాయంటే పరిస్థితి ఏ విధంగా ఉందో అర్ధం చేసుకోవచ్చు. ఈ విషయాన్ని కెజిహెచ్ సూపరింటెండెంట్ వద్దకు తీసుకెళ్లాలని ప్రయత్నం చేసినా చరవాణి అందుబాటులోకి రాలేదు. అలాగని బయట మెడికల్ సెంటర్ లో ఉండే ఎక్విప్ మెంట్ కెజిహెచ్ లో ఏర్పాటు చేయాలంటే మాత్రం.. దాతలకు, సిఎస్ఆర్ నిధులు ఖర్చు చేసేవారితో నైనా కావాల్సిన ల్యాబ్ లను ఏర్పాటు చేయించడం లేదు కెజిహెచ్ యాజమాన్యం. అలా చేయించేసినా, కావాల్సిన ప్రధాన ల్యాబులు పెట్టిస్తే వారి ప్రైవేటు బిజినెస్ దెబ్బతినిపోతుందనే పక్కా ప్లాన్ తోనూ ఈ విధంగా వ్యాపారం చేస్తున్నట్టు కొట్టచ్చినట్టు కనిపిస్తున్నది. రోగుల ప్రాణాలతో వ్యాపారం చేసే వైద్యులు ఇప్పటికైనా మారాల్సిన అవసరం వుంది. స్పెషాలిటీ వైద్యానికి సరపడే పరీక్షలు చేయడానికి అవసరం అయ్యే పూర్తిైస్థాయి ల్యాబులను ఏర్పాటు చేయాల్సిన బాధ్యత కూడా కెజిహెచ్ యాజమాన్యం పై ఉంది...చూద్దాం ఆ దిశగా అడుగులు వేస్తారా..? లేదా అని..?!

 ఏ చిన్న రోగమొచ్చినా నిరుపేదలు ఎవరైనా కెజీహెచ్ కి రావాల్సిందే..చాలా మంది వచ్చిన వ్యాధిని నయంచేసుకునే తిరిగి వెళతారు. వైద్యులు రోగులకు వచ్చే రోగాలకు శస్త్ర చికిత్సలు చేస్తే.. రోగులను ఎల్లవేళలా కంటికి కాపాడుతూ, వారికి సమయానికి మందులు ఇచ్చి, వైద్యులు రాసిచ్చిన కేస్ షీట్ ఆధారంగా వైద్య సేవలు చేసేది నర్శింగ్, పారామెడికల్ సిబ్బందే. ఒక రకంగా ప్రాణంపోసే వైద్యుడు పెద్ద దేవుడైతే.. ప్రాణం పోకుండా కాపాడేది మాత్రం పారామెడికల్ సిబ్బంది, నర్శింగ్ సిబ్బంది చిన్న దేవుళ్లతో సమానం. వైద్యులన్నా, నర్శింగ్ సిబ్బంది అన్నా రోగులకు, వారి బంధువులకు చాలా గౌరవ భావాలు కూడా ఉంటాయి. అలాంటి వారిలోనూ కర్కస సీనియర్ నర్శులు జూనియర్ నర్శులను ఎన్నో రకాలుగా వేధిస్తే వారి గోడు ఎవరికి చెప్పుకోవాలి..? సమస్యను పరిష్కరించాల్సిన కెజిహెచ్ సూపరింటెండెంట్, నర్శింగ్ కళాశాల ప్రిన్సిపాల్ కూడా మొత్తంగా కుమ్మక్కై నర్శింగ్ విద్య చదివే విద్యార్ధినిలనే అన్ని రకాలుగా వేధిస్తుంటే..మానసికంగా హింసిస్తుంటే కన్నీటి వేదన, ఎవరి ముందు వెళ్లగక్కాలి.. తమకు రాష్ట్ర ముఖ్యమంత్రి తప్పా..మరెవరూ న్యాయం చేయలేరని భావించిన నర్శింగ్ విద్యార్ధులు తాము ఎర్కొంటున్న వేధింపులపై లిఖిత పూర్వకంగా ఫిర్యాదు చేశారు. ఇపుడు ఆ ఫిర్యాదు రాష్ట్ర వ్యాప్తంగా చర్చనీయాంశం అవుతుంది. ఇక్కడి విద్యార్ధినిలు ఫిర్యాదు చేసిన 24 గంటల్లో జిల్లా కలెక్టర్ డా.ఎ.మల్లిఖార్జున త్రిసభ్య విచారణ కమిటీ కూడా వేశారు. 

కమిటీ వేశారని తెలుసుకొని మరీ బెరింపులు, హెచ్చరికలు..?

కెజిహెచ్ లోని నర్శింగ్ విద్యార్ధినిల లైంగిక వేధింపులపై ముఖ్యమంత్రి కార్యాలయం నుంచి వచ్చిన ఆదేశాలతో జిల్లా కలెక్టర్ ఎ.మల్లిఖార్జున త్రిసభ్య విచారణ కమిటీ వేసిన గంటలోనే కెజిహెచ్ లోని సీనియర్ నర్శింగ్ సిబ్బంది, యూనియన్ నేతలు, కళాశాల సిబ్బంది హుటా హుటీన రహస్య సమావేశం ఏర్పాటు చేసినట్టు సమాచారం. విద్యార్ధినిలు ఎంక్వైరీలో వాస్తవాలు చెబితే ఖచ్చితంగా దానికి కారణమైన సిబ్బందిపై వేటు పడటం ఖాయం అనుకున్నవారంతా విచారణ విషయంలో విద్యార్ధినిలంతా తమకు అనుకూలంగా చెప్పాలని నిర్ణయించి మరీ డ్యూటీల్లో ఉన్నవారికి వాట్సప్ కాల్స్ ద్వారా సమాచారం పంపారట. ఏ ఒక్కరు తేడాగా చెప్పినా..వారే ఇబ్బంది పడేలా మొత్తం తిరుగుబాటు చేయాలని..అవసరమైనే యూనియన్ నేతలను రంగంలోకి దింపాలని, రాష్ట్ర యూనియన్ కి కూడా అత్యవసర సమావేశ వివరాలను పంపినట్టుగా తెలిసింది. ప్రస్తుతం డ్యూటీలో ఉన్న నర్శింగ్ సిబ్బందికి, ట్రైనింగ్ నర్సులకు చెప్పండి..ఎవరైనా గీసిన గీటు దాటితే ఎవరెవరు తమకు వ్యతిరేకంగా చెప్పారో, చెప్పడానికి ప్రయత్నిస్తున్నారో వాళ్ల వివరాలన్నీ తమ దగ్గరున్నాయి. ఏ ఒక్కరూ నర్శింగ్ పాస్ అయి బయటకు వెళ్లరు. అంతేకాదు..చదివిన చదుని పనిచేయకుండా చేస్తాం(వీళ్లేం చేయగలరో, ఏమీ చేయలేరో నర్శింగ్ విద్యార్ధిని లకు తెలియదు కదా) అందరూ మాకు అనుకూలంగానే విచారణలో చెప్పాలని బెదిరింపులు, హెచ్చరికలు కూడా చేసినట్టు చెబుతున్నారు. ఈ విషయంలో నర్శింగ్ కాలేజీ సిబ్బంది, ట్యూటర్లు కూడా వత్తాసు పలికినట్టుగా తెలిసింది. సీఎం కార్యాలయానికి ఫిర్యాదు వెళ్లడం, మీడియాకి కూడా 

తాజాగా ఉత్తరాంధ్రాలో ఈ పరిస్థితి అన్ని రాజకీయ పార్టీల్లోనూ కనిస్తున్నది. పార్టీలు అధికారంలోకి రావడం కోసం సామాజిక వర్గాల్లోని నెట్వర్క్ ఉన్న యువతను, వాక్ చాతుర్యం ఉన్న యువతను పావులుగా వాడుకొని వారికి మొండి చేయి చూపిస్తున్నాయి. ఆంధ్రప్రదేశ్ లోని 175 నియోజకవర్గాల్లో సుమారు 100 స్థానాల్లో ప్రస్తుతం ఉన్న పార్టీలు తమ అభ్యర్ధులను పూర్తిగా మార్చేసి..ఇప్పటి వరకూ పనిచేసిన వారికి పార్టీని నమ్ముకున్న వారికి పక్కన పెట్టేశాయంటే అధికార దాహం ఏ స్థాయిలో ఉండి జెండా మోసిన వారికి దండవేసేశారో అర్ధం చేసుకోవచ్చు. పైగా అలా దగాపడ్డ నేతలందరికీ సదరు రాజకీయపార్టీలు చెప్పే కాకమ్మ కథలేంటంటే.. మీకు సామాజిక బలం లేదు..? ఆర్ధిక బలం లేదు..? మీ పై ఇంటెలి జెన్స్ రిపోర్టులు వ్యతిరేకంగా ఉన్నాయి..? మీకు స్థానిక బలం అంతకంటే లేదు.. మీరు ఈసారికి పక్కనుండండి.. పార్ఠీ గెలిచిన తరువాత ఏదో ఒక నామినెటెడ్ పోస్టు ఇస్తాం..లేదంటే మీ ఇష్టమని తెగేసి చెబుతున్నాయి. కాస్త వాయిస్ ఉన్న నేతలు ఉండాలనుకుంటే పార్టీలో ఉంటున్నారు.. లేదంటే పక్కపార్టీల్లోకి జంప్ అయిపోతున్నారు. అలా జంప్ అయిపోయిన వారికి కూడా పక్కపార్టీలు పిలిచి మరీ సీట్లు ఇవ్వడంతో అప్పటి వరకూ తాను ఎమ్మెల్యే, ఎంపీ రేసులో ఉంటానని పార్టీ కార్యక్రమాల లక్షలాది రూపాయలు ఖర్చు చేసిన నేతలంతా తమ డబ్బంతా పార్టీ కార్యాలయాలకు సున్నానికి వాడినట్టు అయిపోయిందనే బావనకు వచ్చేస్తున్నారు. రాజకీయమంటే మరీ ఇంత దారుణంగా ఉంటుందా..? అధికారం కోసం, పదవుల కోసం పార్టీని నమ్ముకున్న సీనియర్లను ఎంతకైనా మడత పెట్టేస్తారా..? అని ఓ ప్రధాన పార్టీ నేత మీడియా ముందు వ్యాఖ్యానించారంటే ప్రస్తుత రాజకీయ పార్టీల అధికార పందేరం ఏ స్థాయిలో ఉందో స్పష్టంగా కనిపిస్తున్నది.

ఇపుడున్న రాజకీయ వ్యూహంలో ఎంపీ స్థానానికి వంద నుంచి 200 కోట్లు ఖర్చు చేయాల్సి వస్తుందని..ఎమ్మెల్యేకి 100 కోట్లు ఖర్చు చేయాల్సి వస్తుందని..ఆ స్థాయి ఉంటేనే ఎన్నికల్లో నిలబడటానికి ముందు రావాలనే సంకేతం పార్టీలే స్వయంగా ఇచ్చేయడం కూడా చర్చనీయాంశం అవుతోంది. ప్రభుత్వానికి సమర్పించే అఫడివిట్ లలో చూపించే ఖర్చులకు, ఎన్నికల బరిలో నిలబడి అభ్యర్ధులు చేసే ఖర్చులకు ఎక్కడా పొంతన కుదరడం లేదు. దీనితో రాజకీయ ఉపాది జీవితాంతం కావాలనుకుంటే పక్కనేతకు సమాధి కట్టడానికి మనం కూడా ఇసుక మోయాలి, ఇటుక పేర్చాలన్నట్టుగా మారిపోయిందని నేతలు బుర్రలు పీక్కుంటున్నారు. ప్రస్తుత పరిస్థితిలో ఎన్నికలకి బీ-ఫాం ఇచ్చే వరకూ ఏ రాజకీయ పార్టీలో ఎవరు ఎమ్మెల్యే అభ్యర్ధి, ఎవరు ఎంపీ అభ్యర్ధి, ఎవరు ఎమ్మెల్సీ అభ్యర్ధో తెలియని పరిస్థితి నెలకొంది. కులాల మధ్య చిచ్చుపెట్టి మా పార్టీ పేదల పార్టీ అని చెప్పుకుంటూనే ఎందరో నాయకుల రాజకీయ భవిష్యత్తులతో ఆట్లాడుకునే పార్టీల వ్యవహారాన్ని ఓటరు చాలా నిశితంగా పరిశీలిస్తున్నాడనే విషయం ఇప్పుడిప్పుడే పార్టీలకు అర్ధం అవుతున్నా.. కమర్షియల్ పొలిటికల్ బిజినెస్ లో అవేమీ పరిగణలోకి రావడం లేదు. గతంలో జరిగిన ఎన్నికలు, 2024లో జరిగే ఎన్నికలకు చాలా తేడాలున్నాయని.. ఈసారి ఏ నేత రాజకీయ భవిష్యత్తు ఎలా ఉండనుంది..? ఏ సీనియర్ నేత రాజకీయ భవిష్యత్తు ఈ ఎన్నికలతో సమాధి కాబోతుందో త్వరలోనే తేలిపోనున్నది. మరే నేతకు రాజకీయ ఉపాది మరో ఐదేళ్లకు కుదురుతుందో లెక్కలు గడుతున్నాయి పార్టీలు. నిజమైన ఓటరు..తెలివైన ఓటరు ఈ రాజకీయపార్టీల చేసే వ్యాపారాన్ని పూర్తిస్థాయిలో అర్ధం చేసుకుంటే నిజం ప్రజల కోసం పనిచేసే నేతలను చట్టసభలకు పంపిస్థాడు. అది జరుగుతుందా..? లేదటే మళ్లీ యదా రాజా తదా ప్రజా అన్నట్టుగా రాజకీయపార్టీలే ఓటరుని నోటు దగ్గరకి తీసుకొచ్చి అధికారం కోసం ఏమైనా చేస్తాయా అనేది వేచి చూడాలి..!

విశాఖ సిటీ అంటే ఒకప్పుడు అందాలకు, చక్కటి వాతావరణానికి పెట్టింది పేరు. కానీ నేడు ఆ పేరు పోయి మర్డర్ సిటీ, రౌడీ సిటీ, డ్రగ్ సిటీ, పొలిటికల్ సిటీ అనే స్థాయికి వచ్చేసింది. దేశంలోనే ప్రముఖంగా వినిపించే విశాఖను పూర్తిగా కబ్జా చేసేందుకు స్థానికేతరులు విశాఖ తీరంలో లంగరేసుకు పాతుకుపోతున్నారు. వీరి వలన ఎన్నాళ్ల నుంచో కష్టపడుతున్న రాజకీయనాయకులకు పదువులు పోతుంటే..స్థానికులకు ఎప్పుడు ఎక్కడ ఏ మర్ఢర్ జరుగుతోందోననే భయం పట్టుకుంది. రాజకీయం కోసం రౌడీయిజం చేసి..చదువుల కిల్లా విశాఖజిల్లాలోని  ప్రభుత్వ యూనివర్శిటీలకు సైతం దెయ్యం దెయ్యాల రంగు పులిమే వరకూ వచ్చింది. ముఖ్యంగా ఒక సామాజిక వర్గం పనిగట్టుకొని చేస్తున్న అరాచక మాఫియా వ్యాపారానికి విశాఖ మహానగరాన్ని కేరాఫ్ అడ్రస్ గా మార్చేలా చేసింది. వారి ప్రైవేటు యూనివర్శిటీల అభివృద్ధి కోసం ప్రభుత్వ యూనివర్శిటీలపై బురద చల్లుతూ.. వారి రాజకీయ పదవుల కోసం స్థానికులను డబ్బుకట్టలతో పార్టీలను ప్రశన్నం చేసుకొని ఇక్కడే పాతుకు పోతున్నారు. ప్రజలకు సేవ చేయాలనే రాజకీయ పదవులను వీరొచ్చిన తరువాత అది బహుళ వ్యాపారానికి లైసెన్స్ గా మార్చేశారు. కిడ్నాప్ లు, చోరీలు, గంజాయి, నేడు చివరకి డ్రగ్స్ దిగమతికి కేరాఫ్ అడ్రస్ గా మార్చేశారు. వీరి కబ్జా చర్యలతో విశాఖపై విషయం కక్కుతు వారు మాత్రం పక్కాగా పాతుకుపోతున్నారు. దౌర్భాగ్యం ఏంటంటే అలాంటి తేడాగాళ్లకే రాజకీయపార్టీలు కూడా కొమ్ము కాస్తూ పిలిచి మరీ వారి పార్టీలో సీట్లిచ్చి పదవులు కట్టబెడుతున్నాయి. అధికార మదంతో, డబ్బు దర్పంతో, కుల అండతో విశాఖ కీర్తిని కకావికలం చేస్తున్నారు.  వీరి ఆగడాలను అడ్డుకునే నాధుడే కరువయ్యాడు. అధికారం కోసం రాజకీయపార్టీలు ఆడుకున్న రాజకీయ క్రీడలో విశాఖను విచ్చిన్నం చేయడానికి తండోప తండాలు తరలి వచ్చేస్తున్న స్థానికేతరులు పదవులను అడ్డం పెట్టుకొని సువిశాల విశాఖను కకావికలం చేస్తున్నారు. దేశంలోనే అతి పెద్ద డ్రగ్ డీల్ కేంద్రంగా నగరాన్ని మార్చేయడానికి పన్నాగం వేసి అడ్డంగా దొరికిపోయారంటే ఏ స్థాయిలో నగరాన్ని నామరూపాలు లేకుండా చేయాలని ఎత్తుగడ వేశారో ఒక్కసారి ప్రతీ ఒక్కరూ ఆలోచించాల్సి వుంది.

నాటి విశాఖ..నేడు రాష్ట్ర రాజధాని కాబోతుందని అంతా కలలు కని..ఉద్యోగాలపై ఆశలు పెంచుకుంటున్నవేళ..డ్రగ్ మాఫియా అడ్డాగా, గంజాయి, డ్రగ్స్ కేపిటల్ గా చిత్రీకరించి నాగరాభివృద్ధికి శాస్వత అడ్డుకట్ట వేస్తున్నారు. ఒకప్పుడు విశాఖలో పెట్టుబడులు పెట్టడానికి తరలి వచ్చే కంపెనీలు, సంస్థలు నేటి తాజా డ్రగ్స్ మాఫియా చర్యలతో ఇక్కడి నుంచి బిచానా సర్దేసుకోవాలని నిర్ణయాయిని వచ్చాయి. త్వరలోనే ఇక్కడి ఐటి కంపెనీలు, కర్మాగారాలు భారీ స్థాయిలో తరలిపోవడానికి నేటి 25వేల కోట్ల డ్రగ్స్ డీల్ కారణం అయ్యిందంటే పరిస్థితి ఏ స్థాయిలో ఉందో వారికి .. జిల్లా నుంచి రాష్ట్రం..రాష్ట్రం నుంచి దేశం..దేశం నుంచి అంతర్జాతీయంగా ఎంతటి నెట్వర్క్ ఉందో కూడా అర్ధం చేసుకోవచ్చు. డ్రగ్స్ డంప్ ను కనుగొనడంతో ఉలిక్కిపడిన విశాఖ వాసులు రానున్న రోజుల్లో నగరానికి టెర్రరిస్టులు కూడా వచ్చినా రావొచ్చునని భయాం దోళన చెందుతున్నారు. ఇప్పటికే పెద్ద ఎత్తున గంజాయి పట్టుబడుతున్న విశాఖలో నేడు డ్రగ్స్ కూడా అంతకంటే పెద్ద మొత్తంలో దిగుమతి అవుతున్నాయంటే స్థానిక యువత భవిష్యత్తు ఏంటోననే ప్రశ్న ఉత్పన్నమవుతుంది. కోట్లకు పడగలెత్తిన స్థానికేతరులు నగరంలో ఆస్తులను పెంచుకోవడంతోపాటు, వారి వికృత వ్యాపారానికి, యువతను నాశనం చేయడానికి ఇంత పెద్ద మొత్తంలో డ్రగ్స్ వ్యాపారానికి తెరలేపారంటేనే పరిస్థి చేదాటి పోయిందని తేలిపోయింది. ఇక విశాఖకు తరలి రావాలనుకుంటున్న కంపెనీల పరిస్థితి ఏంటి..? ఇదే పద్దతి కొనసాగితే స్థానికుల రాజకీయ భవిష్యత్తు ఏంటి..? అసలు విశాఖలో మనస్సాంతిగా జీవించగలమా..? ఉన్నత చదువుల కేంద్రం కాస్త..కరుడు గట్టిన డ్రగ్ డీల్ డెస్టినేషన్ గా మారిపోతే యువత పరిస్థితి ఏంటి..? స్థానికులు ఇక్కడ ఉండాలా..? లేదంటే నగరం విడిచి వెళ్లిపోవాలా..? ప్రస్తుతం సీబిఐ దర్యాప్తు చేస్తున్న ఈ కేసులో నేడో రేపో ఎన్ఐఏ(నేషనల్ ఇన్వెస్టిగేటింగ్ ఏజెన్సీ) కూడా రంగ ప్రవేశం చేస్తుందని చెబుతున్నారు.

యువత కలల ఆశల విశాఖ..ప్రస్తుత చర్యలతో డేంజర్ జోన్ లోకి వెళ్లిపోయింది. ఇప్పటికైనా కేంద్ర, రాష్ట్ర ప్రభుత్వాలు ఇలాంటి సంఘ విద్రోహ చర్యలను నియంత్రించాల్సిన ఆవశ్యకత తక్షణం ఏర్పడింది. అంతేకాకుండా స్థానికేతరులకు పదవులు ఇస్తే..స్థానికుల మనుగడ ప్రశ్నార్ధకమవుతుందనే విషయాన్ని కూడా రాజకీయపార్టీలు ఆలోచించాలి. లేదంటే వారి ధనార్జన కోసం వేలమంది విద్యార్ధులను ఉన్నత చదువుల్లో తీర్చి దిద్దుతున్న ప్రభుత్వ యూనివర్శిటీలు మూసేసుకోవాల్సిన అత్యవసర దుస్తితి కూడా రావొచ్చు. ఇప్పటికే పలు ప్రైవేటు యూనివర్శిటీలు కన్ను విశాఖపై పడి ఉన్న ఆంధ్రయూనివర్శిటీ కూడా అంధకారంగా మారిపోయినా మారిపోతుంది..? విశాఖలో జరగుతున్న వికృత చర్యలను, వినాశ ఘట్టాలను, మనుగడ ప్రశ్నార్ధకం చేసే వ్యవహారాలను ఉన్నత విద్యావంతులు మూకుమ్మడిగా తిప్పికొట్టాల్సిన ఆవశ్యక త ఏర్పడింది. స్థానికులు స్థానికేతురలపై తిరగబడకపోతే..ఉన్న గూడు కూడా కబ్జా అయిపోయి, మనల్నే వలస పంపే చర్యలు ప్రారంభమూ కావొచ్చు..విశాఖపై విషం కక్కుతున్న చర్యలను ఉత్తరాంధ్ర ఉక్కుపాదంతో అణగదొక్కాల్సి సమయం ఆశన్నమైంది. త్వరలో జరగబోయే సార్వత్రిక ఎన్నికల్లో స్థానికుల బలం ఏంటో చూపించాలి.. లేదంటే మన మనుగడ స్థానికేతరుల చేతుల్లోకి వెళ్లిపోతుంది. విశాల విశాఖ బోరున విలపిస్తుంది..తస్మాత్ జాగ్రత్త..!

లాల్ మహ్మద్ విశాఖజిల్లాలోని మత్స్యశాఖలో జాయింట్ డైరెక్టర్ గా పనిచేస్తున్నారు. ఈయన జిల్లాకి వచ్చేనాటికి ఇదే కార్యాలయంలో పనేచేసే 27ఏళ్ల మహిళా  ఉద్యోగిణి ఆఫీస్ సబార్డినేట్ గా ఉండేది. సరిగ్గా కామాంధుడి కన్ను ఆ ఉద్యోగిణిపై పడింది..ఎలాగైలా లోబరుచుకోవాలని పథకం వేసి..మెల్లగా ఆమె సీనియారిటీ, పదోన్నతిని వాడుకొని ఆమెకు ఇదే కార్యాలయంలో జూనియర్ అసిస్టెంట్ గా పదోన్నతిలో సహకరించాడు. పాపం ఆ మహిళా ఉద్యోగిణి..ఉన్నతాధికారి మానవతా దృక్పదంతో సహాయం చేశాడనుకొని చెప్పిన పని, చెప్పని పని అన్నీ చేస్తూ తల్లో నాలుకగా ఉండేది. అదే అదునుగా చేసుకున్న జెడి ఆమెను విధినిర్వహణలో ఉండగానే తన గదిలోకి చీటికీ మాటికి పిలిపించుకొని ఎక్కడ పడితే అక్కడ చేతులు వేయడం మొదలు పెట్టేవాడు. తనకి ఒంట్లో బాగాలేదని చెబితే ఏదీ..జ్వరం ఎంతుందో చూస్తానంటూ స్థనాలపై చేతులు వేయడం, మెడపై చేతులు వేయడం, వీపుకి చేతులు ఆనించడం వంటి రక రకాల చేష్టలు ప్రదర్శించేవాడు. ఒక్కోసారి తాను చెప్పినట్టు వినకపోతే ఉద్యోగంలో నుంచి తొలగిస్తానని, ప్రమోషన్ డిమోషన్ చేస్తానని కూడా బెదిరంచేవాడు.  దీనితో ఎలాగైనా తనను లోబరుచుకుని కాటేసేలా ఉన్నాడనుకుని భావించిన ఆద్యోగిణి ఎలాగోలా  చాలా కాలం భరించిన ఆ ఉద్యోగిణి సహనం నశించిపోయి పోలీసులను ఆశ్రయించి.. తనను ఏవిధంగా లొంగదీసుకోవాలని చూస్తున్నాడో లిఖిత పూర్వకంగా సోమవారమే పోలీసుకు ఫిర్యాదు చేసి కార్యాలయానికి రావడం మానేసింది. 

విశాఖలో సంచలనంగా మారిన మత్స్యశాఖ జాయింట్ డైరెక్టర్ లైంగిక వేధింపుల కేసుని పోలీసులు నిర్వీర్యం చేయాలని చూసినా ఫలితం దక్కలేదు. బెదిరించాలని చూసినా దైర్యంగా నిలబడి మరీ ఉన్నతాధికారి, పోలీసులకు ఎదురెల్లింది ఆ మహిళా ఉద్యోగిణి. ప్రస్తుతం ఆమెకు మహిళా సంఘాల మద్దతు పెరిగింది. తప్పని సరి పరిస్థితుల్లో పోలీసులు కూడా కేసు నమోదు చేయాల్సి వచ్చింది. ఉన్నతాధికారిగా వున్న తనను బయట పడేయాలని ఎన్ని ప్రయోగాలు చేసినా పాచికలు ఎఫ్ఐఆర్ నమోదు కాకుండా ఆపలేకపోయాయి. చిన్న సెక్షన్లతో నిందితుడిని తప్పించేందుకు పోలీసులు యత్నిస్తున్నారని మహిళా సంఘాల ప్రతినిధులు ఆరోపిస్తున్నారు. మహళా ఉద్యోగి పట్ల మరీ ఇంత నీచంగా ప్రవర్తిస్తున్న ఆ అధికారిపై కఠిన చర్యలు తీసుకోవాల్సిందేనని డిమాండ్ చేస్తున్నారు. అఫీస్ కేబిన్ కు పిలిపించి ఆమెపై అసభ్యకరమైన ప్రవర్తనకు పాల్పడితే మరీ చిన్న సెక్షన్లతో అతడిని తప్పించాలనే ప్రయత్నం  సరైంది కాదని ఇందులో ఎంతటి వారు వచ్చినా సదరు అధికారికి శిక్ష పడేవరేకూ వదిలిపెట్టేది లేదని తెగేసి చెబుతున్నారు.

మహిళా ఉద్యోగిపై లైంగిక వేధింపులకు పాల్పడిన జాయింట్ డైరెక్టర్ లాల్ మహ్మద్ ప్రస్తుతం పరారీలో ఉన్నట్టు తెలిసింది. లాంగ్ లీవ్ పెట్టి వెళ్లిపోయినట్టు సమాచారం అందుతుంది. ఉత్తరాంధ్ర జిల్లాల్లో కొన్ని పర్యటనలు చేయాల్సి ఉండగా వాటన్నింటినీ రద్దు చేసుకున్నట్టు సమాచారం అందుతుంది. ప్రస్తుతం లాల్ మహ్మద్ కాకినాడ  స్టేట్ ఇనిస్టిట్యూట్ ఆఫ్ ఫిషరీష్ టెక్నాలజీ ప్రిన్సిపల్ గా కూడా వ్యవహరిస్తున్నారు. ఈయన పనిచేసే ప్రతీ చోట ఇదే తరహా లైగింక వేధిపులు మహిళా ఉద్యోగులు ఎదుర్కొన్నట్టు సమాచారం అందుతుంది. మత్స్యశాఖలో ఉన్నతాధికారిగా ఉన్న లాల్ మహ్మద్ లైంగిక వేధింపుల ఘటన సదరు మత్స్యశాఖ కమిషనర్ కూడా సీరియస్ గా తీసుకున్నట్టు తెలిసింది. ఆమె ఆదేశాలతో ఈయన విధులకు లాంగ్ లీవ్ పెట్టినట్టు చెబుతున్నారు. ఈరోజు 2టౌన్ పోలీసు స్టేషన్ లో విచారణ ఎదుర్కొన్న అనంతరం బెయిల్ కోసం వెళ్లిపోయినట్టు వార్తలొస్తున్నాయి. చూడాలి అత్యంత దారుణంగా వ్యవహరించిన మత్స్యశాఖ జాయింట్ డైరెక్టర్ విషయంలో జిల్లా కలెక్టర్, కమిషనర్ లు ఎలాంటి చర్యలు తీసుకుంటారనేది.

ఇక్కడ ఒక విషయం  రాష్ట్ర తాధికారులు, జిల్లా కలెక్టర్ కూడా గమనించాలి.. చాలా ఏళ్ల తరువాత వైఎస్సార్సీపీ ప్రభుత్వంలో కాంట్రాక్టు, ఔట్ సోర్సింగ్ ఉద్యోగాలు రెగ్యులర్ అవుతుందన్న ఆనందంతో ఉద్యోగులు ఉన్నారు. ఈ సంతోషంలో జిల్లా ఆరోగ్యశాఖలోని అధికారులు సిబ్బంది పెట్టిన కండిషన్ కి తలొగ్గి అడిగినంతా ఇస్తారా..? లేదంటే మేము డబ్బులివ్వలేమని కాంట్రాక్టు జాబ్ రెగ్యులర్ అవుతున్నా, కాకపోయినా పర్లేదని కాలదన్నుకుంటారా..? సరిగ్గా ఈ వీక్ పాయింట్ నే క్యాష్ చేసుకున్నారు విశాఖజిల్లా వైద్యఆరోగ్యశాఖలోని అధికారులు, సిబ్బంది. ప్రభుత్వం నుంచి 98 మంది ఉద్యోగులకు సంబందించి డేటా వచ్చినపుడే షరతులతో కూడిన కలెక్షన్ మొదలు పెట్టారు. ముందుగా పేమెంట్లు చేసిన వారికి ఆర్డర్లు ఇచ్చి..ఇవ్వని వారికి మరో సరికొత్త కండిషన్లు కూడా పెట్టారట. ‘దేవుడు వరమిచ్చినా పూజారి కరుణించలేదన్న చందాన’..రాష్ట్రప్రభుత్వం కాంట్రాక్టు ఉద్యోగులను రెగ్యులర్ చేస్తే దానిని కూడా తమ కలెక్షన్ల కోసం వాడేసుకున్నారు ఇక్కడి అధికారులు. పైగా తాము సత్య హరిశ్చంద్ర వంశానికి చెందిన వారమని..ఉద్యోగులు, సిబ్బంది అంతా చాలా వృత్తి ధర్మరమే పరమావధిగా బావించి, మానవతా దృక్పదంతో సొంతడబ్బులు ఖర్చు చేసీ మరీ ఆర్డర్లు తయారు చేసి ఇచ్చామని వల్లెవేస్తున్నారు ఉమ్మడి విశాఖజిల్లా కార్యాలయ సిబ్బంది.

విశాఖజిల్లా వైద్య ఆరోగ్యశాఖలో జరిగిన ఈ అక్రమ వసూళ్ల తంతు బయటకు రాకుండా ఉండేందుకు ప్రధాన పత్రికలు, టివి ఛానళ్ల ప్రతినిధులకు సుమారు రూ.2 లక్షల వరకూ ముట్టజెప్పినట్టు తెలిసింది. నొక్కిన మొత్తంలో కొంతమొత్తమెట్టి కొట్టడంతో డిఎంహెచ్ఓ కార్యాలయంలో ఏమీ జరగనట్టుగా ఉన్నారని సమాచారం. అడ్డగోలుగా వసూళ్లు చేసినా..జిల్లా అధికారి నుంచి సిబ్బంది వరకూ నిస్సుగ్గుగా చెబుతున్న సమాధానాలు ప్రస్తుతం వైరల్ అవుతున్నాయి. ఇదే కార్యాలయానికి చెందిన కొందరు ఉద్యోగులైతే ఒక అడుగు ముందుకేసి మేము ఒక్కరమే అంతా తినేస్తున్నామా..మీడియాకిస్తున్నామా..జిల్లా కలెక్టర్ కార్యాలయానికి ఇస్తున్నామా..స్టేట్ సెక్రటేరియట్ పంపిస్తున్నామా..ఇంతా చేస్తే మాకు మిగిలేది ఎంత..? ఆ మాత్రం దానికే మీరు వార్తాలు రాసేస్తారా..ఏం ప్రభుత్వంలోని 75 ప్రభుత్వ శాఖలుంటే ఒక్క జిల్లా వైద్య ఆరోగ్యశాఖలో చేసిన వసూళ్లే కనిపించాయా..మిగిలిన ఏ డిపార్ట్ కనిపించ లేదా అంటూ తిరగబటం విశేషం. పక్కా ప్లాన్ అండ్ టెర్మ్స్ అండ్ కండిషన్స్ తో మడతెట్టిన భారీ మామూళ్లుపై యదా రాజా తదా ప్రజా అన్నట్టుగా అధికారులు కూడా లైట్ తీసుకున్నారు..విశాఖ జిల్లా వైద్యఆరోగ్యశాఖకు ఇదాంతా షరామామూలే..!?