నేటికీ షోకాజ్ నోటీసుల విషయం చెప్పని విఏఏలు

కాకినాడ జిల్లాలో పెద్ద ఎత్తున జరిగిన ఈ-క్రాప్ బుకింగ్ అవకతవకలకు సంబంధించి జిల్లా వ్యవసాయశాఖ కార్యాలయం నుంచి నోటీసులు అందుకున్న గ్రామీణ వ్యవసాయ సహాయకులు నేటి వరకూ ఆ విషయాన్ని తాము పనిచేసే సచివాలయ డీడీఓలకు గానీ, మరికొందరు గ్రేడ్-5 సచివాలయ కార్యదర్శిలకు గానీ తెలియజేయక పోవడం విశేషం. నోటీసులు అందుకున్న దగ్గర నుంచి చాలా మంది గ్రామీణ వ్యవసాయ సహాయకులు సచివాలయాలకు కూడా హాజరు కాకుండా, అటు డీడీఓ  పంచాయతీ కార్యదర్శిలకు కూడా కనిపించకుండా తప్పించుకు తిరుగుతున్నారు. కొన్నిచోట్ల గ్రేడ్-5 కార్యదర్శిలకు విషయం తెలిసినా..వారంతా ఏమీ తెలియనట్టే వ్యవహరిస్తుండటం విశేషం. అందునా తప్పుచేసింది వీఏఏలే అన్నట్టుగా..తమకేమీ సంబంధం లేదన్నట్టుగా వ్యవహరిస్తున్నారు. కొందరైతే ఏం జరుగుతుందో చూద్దామనే కోణంలోనే మాట్లాడుతుండటం ప్రస్తుతం జిల్లాలో చర్చనీయాంశం అవుతోంది. అయినా రాష్ట్ర ప్రభుత్వం కొత్తగా ఏర్పాటు చేసిన గ్రామ సచివాలయ శాఖలోని వ్యవసాయశాఖ వీఏఏలు దైర్యంగా ఈ-క్రాప్ బుకింగ్ విషయంలో పెద్ద మొత్తంలో అవినీతికి పాల్పడటం, అదే సమయంలో సర్వీసు రెగ్యులర్ అవుతున్న సమయంలో ఈ భారీ స్కామ్ బయటకు రావడం రాష్ట్రవ్యాప్తంగా సంచలనం అయ్యింది.  ఇటు జిల్లా అధికారులు ఎంత మొత్తంలో అవినీతి జరిగిందనే విషయాన్ని, ఎంతెంత మొత్తాలకు వీఏఏలకు నోటీసులిచ్చారనే సమాచారాన్ని మీడియాకి తెలియజేస్తే తప్పా జిల్లా వ్యాప్తంగా ఎంతపెద్ద మొత్తంలో ఈ-క్రాప్ అవినీతి జరిగిందనే విషయం వెలుగులోకి వచ్చే పరిస్థితులు కనిపించడం లేదు. చూడాలి రాష్ట్రవ్యాప్తంగా జరిగిన ఈ భారీస్కాములో కాకినాడ జిల్లాలో ఎంతమొత్తం వ్యవసాయశాఖ అధికారులు నిగ్గు తేల్చి.. ఎంతమందిని ఇంటికి పంపిస్తారనేది..!

 ఈ రెండు పార్టీలు వస్తే సంక్షేమ పథకాల నుంచి ప్రజలను దూరం చేస్తారన్నది నిజమని అన్నారు. చంద్రబాబు నాయుడు తన హయాంలో రెండున్నర లక్షల కోట్ల రూపాయలు అప్పులు చేసి ఒక్క రూపాయి కూడా క్షేమం కోసం ఖర్చు చేయలేదని అన్నారు.అలాంటి వ్యక్తితో పవన్ కళ్యాణ్ ఎలా కలిసుండాలని భావిస్తున్నారని అమర్ నాథ్ ప్రశ్నించారు.  జగన్ మోహన్ రెడ్డి లక్షా అరవై ఐదు వేల కోట్ల రూపాయల సంక్షేమ పథకాలను అమలు చేస్తున్నారని ఆయన చెప్పార.  ఇవి పవన్ కళ్యాణ్ కి  కనిపించడం లేదా అని ప్రశ్నించారు. పవన్ కళ్యాణ్ కళ్ళుండీ చూడలేక పోతున్నారని మంత్రి అన్నారు. పరిశ్రమలు రావాలంటే కప్పం కట్టాలంటూ పవన్ చేసిన వ్యాఖ్యలను అమర్ నాథ్ తీవ్రంగా ఖండించారు. ఏ పారిశ్రామికవేత్త అయినా ఫలానా నాయకుడికి కానీ ప్రభుత్వ పెద్దలకు కానీ డబ్బులు ఇచ్చినట్లు చెప్పగలరా?  అని ప్రశ్నించారు. తమ ప్రభుత్వం ఎవరినీ బెదిరించ వలసిన అవసరం లేదని స్పష్టం చేశారు. చంద్రబాబు బెదిరింపులకు భయపడి పవన్ కళ్యాణ్ ఆయన చెంత చేరని అమర్ నాథ్ అభిప్రాయ పడ్డారు. ఇదిలా ఉండగా చిరంజీవి అంటే తమకు ఎంతో అభిమానమని ఆయన పుట్టిన రోజు నాడు ఆయన కించపరిచే విధంగా పవన్ మాట్లాడడం తనకు బాధాకరంగా ఉందని అమర్ నాథ్ అన్నారు. ఆయన వ్యాఖ్యలకు  కలత చెంది పవన్ ను కొణెదల పవన్ కళ్యాణ్ అని  పిలవాలా?  లేక నారా నాదెండ్ల పవన్ కళ్యాణ్ అని పిలవాలా? అర్థం కావట్లేదని అన్నారు. ఎవరు ఎన్ని మాట్లాడిన వచ్చే ఎన్నికల్లో జగన్మోహనరెడ్డి నే  తిరిగి ముఖ్యమంత్రి గా చేయాలని రాష్ట్ర ప్రజలు  నిర్ణయిoచు కున్నారు అని అమర్ నాథ్ స్పష్టం  చేశారు.

 ప్రపంచ జానపద దినోత్సవం సందర్భంగా తమ సేవలను గుర్తించి సత్కరించడం తమలో మరింత బాధ్యత పెంచేలా చేసిందని సన్మానగ్రహీతలు నాగభూషణం, నరసింహమూర్తిలు అన్నారు. భవిష్యత్తులో కూడా తాము కళాకారులకు అండగా ఉంటామన్నారు. స్నేహాంజలి ఆర్ట్స్ వ్యవస్థాపక అధ్యక్షులు వి.ఎన్.మూర్తి సారధ్యంలో నిర్వహించిన ఈ వేడుకల్లో పలు సాంస్కృతిక కార్యక్రమాలు విశేషంగా అలరించాయి. ఇందులో భాగంగానే వంగపండు ఉష తన పాటలతో అలరించగా ప్రముఖ జానపద కళాకారుడు అసిరయ్య తన ఆట, పాటతో కేరింతలు కొట్టించాడు. అంతకు ముందు వ వేడుకలను అత్యంత ఘనంగా నిర్వహించారు.  ప్రతీ ఒక్కరూ జానపద కళలను కాపాడుకునే విధంగా ముందుకు సాగాలని పిలుపునిచ్చారు. ఈ సందర్భంగా సేవా పరులుగా పేరుగాంచిన మాతారికార్డింగ్ సెంటర్ అధినేతలు పల్లి నాగభూషణం, బిన్నాల నరసింహమూర్తులను ఘనంగా సత్కరించారు.  కార్యక్రమానికి భీశెట్టి వెంకటేశ్వరరావు వ్యాఖ్యతగా వ్యవహరించారు.

వర్కింగ్ జర్నలిస్టులు ఎదుర్కొంటున్న సమస్యలను ప్రభుత్వం తక్షణమే పరిష్కరించాలని లోకల్ న్యూస్ పేపర్స్ అసోసియేషన్(ఎల్ఎన్ఏ) అధ్యక్షుడు పి.సత్యనారాయణ డిమాండ్ చేశారు .నగరంలోని ద్వారకానగర్ పౌర గ్రంధాలయంలో అసోసియేషన్ సర్వసభ్య సమావేశాన్ని నిర్వహించారు. ఈ సందర్భంగా సత్యనారాయణ మాట్లాడుతూ నిబంధనలు లోబడి   పత్రికలను నిర్వహిస్తున్నప్పటికీ జర్నలిస్టులకు అక్రిడిటేషన్లు జారీ చేయకపోవడం తగదని, పెండింగ్ లో ఉన్న 

అక్రిడిటేషన్లను వెంటనే జారీ చేయాలన్నారు. అధికార పార్టీ ఎన్నికల మ్యానిఫెస్టోలో పేర్కొన్న హామీ మేరకు జర్నలిస్టులకు 300 గజాల చొప్పున ఇళ్ల స్థలాలు ఇవ్వాలన్నారు. అసోసియేషన్ కార్యదర్శి ధవలేశ్వరపు రవికుమార్ మాట్లాడుతూ  కోవిడ్ తో మృతి చెందిన జర్నలిస్టుల కుటుంబాలకు 

5 లక్షల చొప్పున పరిహారాన్ని వెంటనే చెల్లించాలని కోరారు. 

స్థానిక దిన పత్రికలకు, పీరియాడికల్స్ కు సమాచార పౌర సంబంధాల శాఖ యాడ్స్ విడుదల చేసి ఆయా పత్రికలకు చేయూత నివ్వాలన్నారు . సీనియర్ జర్నలిస్టు ఎన్.శ్రీనివాస్ మాట్లాడుతూ ప్రమాద బీమా పథకాన్ని జర్నలిస్టులకు అమలు చేయడం లేదని, జీఎస్టీ నిబంధన వల్ల స్థానిక పత్రికలు ఇబ్బందులు ఎదుర్కొంటున్నారని తక్షణమే తొలగించాలన్నారు. అసోసియేషన్ ఉపాధ్యక్షుడు  బి.నారాయణ రావు మాట్లాడుతూ జీవో 142ను సవరించి జర్నలిస్టు సంఘాలకు అక్రిడిటేషన్ కమిటీలలో ప్రాతినిధ్యం కల్పించాలన్నారు.సీనియర్ 

జర్నలిస్ట్ నేమాల హేమ సుందర రావు మాట్లాడుతూ జర్నలిస్టుల కాలనీలు నిర్మించి అర్హులైన వారందరికీ ఇళ్లు కేటాయించాలని, హెల్త్ కార్డులు జారీ చేయాలని కోరారు. ఈ కార్యక్రమంలో అసోసియేషన్ ప్రతినిధులు,

సభ్యులు అర్.అబ్బాస్, చక్రవర్తి ,  రవికాంత్ ,వెంకట వేణు, తిర్లంగి హరి ,శివప్రసాద్,జి.ఆనంద్ , హరనాథ్,దొండా రమేష్, బాదంగీర్ సాయి, కొణతాల మోహనరావు,

బి.ఏ.నాయుడు,,మొల్లి కమల్ కుమార్ ,వి.గణేష్,నాయుడు యాదవ్,భగవాన్ , ఎం.శ్రీహరి వివిధ పత్రికల  సంపాదకులు సీనియర్ జర్నలిస్టులు పాల్గొన్నారు.

దోమ‌ల నివార‌ణ‌కు ప్ర‌తీఒక్క‌రూ స‌హ‌క‌రించాల‌ని జిల్లా వైద్యారోగ్య శాఖాధికారి డాక్ట‌ర్ ఎస్‌వి ర‌మ‌ణ‌కుమారి కోరారు. ప్ర‌పంచ దోమ‌ల దినోత్స‌వం సంద‌ర్భంగా, తమ కార్యాల‌యంలో శ‌నివారం నిర్వ‌హించిన విలేక‌ర్ల స‌మావేశంలో ఆమె మాట్లాడుతూ, దోమ‌ల‌వ‌ల్ల క‌లుగుతున్న అన‌ర్థాల‌ను వివ‌రించారు. దోమ అతిచిన్న కీట‌కమే అయిన‌ప్ప‌టికీ, మాన‌వాళికి దీనివ‌ల్ల ఎన్నో ర‌కాల ప్ర‌మాదాలు సంభ‌విస్తున్నాయ‌ని చెప్పారు.  దోమ‌ల కార‌ణంగానే మ‌లేరియా వ్యాధి వ్యాప్తి చెందుతోంద‌ని, 1897లో స‌ర్ రోనాల్డ్ రాస్ ప్ర‌క‌టించార‌ని, అప్ప‌టినుంచి దోమ‌ల నివార‌ణా కార్య‌క్ర‌మాలు మొద‌ల‌య్యాయ‌ని చెప్పారు. మ‌లేరియా వ్యాధికి స‌కాలంలో స‌రైన‌ వైద్యం చేయించక‌పోతే, మ‌ళ్లీమ‌ళ్లీ వ‌చ్చి, చివ‌ర‌కు ప్రాణాంత‌క‌మ‌వుతుంద‌ని తెలిపారు. అందువ‌ల్ల దోమ‌ల‌ప‌ట్ల నిర్ల‌క్ష్యం చూప‌కూడ‌ద‌ని, దోమ‌కాటువ‌ల్ల వ‌చ్చే వ్యాధుల విష‌యంలో అప్ర‌మ‌త్తంగా ఉండాల‌ని సూచించారు.

               జిల్లా మ‌లేరియా అధికారి తుల‌సి మాట్లాడుతూ, దోమ‌వ‌ల్ల క‌లుగుతున్న అన‌ర్ధాల‌ను వివ‌రించారు. దోమ‌వ‌ల్ల కేవ‌లం మ‌లేరియా మాత్ర‌మే కాకుండా, డెంగ్యూ, చికెన్ గున్యా, జికా, ఫేలేరియా, మెద‌డు వాపు త‌దిత‌ర వ్యాధులు వ‌స్తాయ‌ని తెలిపారు. వీటిప‌ట్ల తీసుకోవాల్సిన జాగ్ర‌త్త‌ల‌ను ప్ర‌పంచ ఆరోగ్య సంస్థ నిరంత‌రం తెలియ‌జేస్తూ, ప్ర‌జ‌ల్ని అప్ర‌మ‌త్తం చేస్తోంద‌ని చెప్పారు. దోమ‌ల వ్యాప్తిని అరిక‌ట్ట‌డానికి వివిధ ప్ర‌భుత్వ శాఖ‌ల‌తో క‌లిసి కృషి చేయ‌డం జ‌రుగుతోంద‌న్నారు. ముఖ్యంగా దోమ‌ల‌ను నివారించడానికి ప్ర‌జ‌ల స‌హ‌కారం చాలా అవ‌స‌ర‌మ‌ని ఆమె స్ప‌ష్టం చేశారు. ప్ర‌తీ శుక్ర‌వారం త‌ప్ప‌నిస‌రిగా డ్రైడే నిర్వ‌హించాల‌ని, ఇంటిలోప‌ల‌, ఇళ్ల చుట్టుప్ర‌క్క‌లా నీరు నిల్వ ఉండ‌కుండా చూడాల‌ని సూచించారు. నీళ్ల కుండీల‌ను, నీరు నిల్వ ఉంచే పాత్ర‌ల‌ను నిరంత‌రం శుభ్రం చేయాల‌ని చెప్పారు. జిల్లాలో మ‌లేరియా, డెంగ్యూ లాంటి వ్యాధులు అదుపులోనే ఉన్నాయ‌ని, ఆందోళ‌న చెందాల్సిన అవ‌స‌రం లేద‌ని చెప్పారు.

             జిల్లా స‌హాయ మ‌లేరియా అధికారి డి.వెంక‌ట‌ర‌మ‌ణ మాట్లాడుతూ, వ్యాధులు విజృంభించ‌కుండా ప్ర‌జ‌ల‌ను నిరంత‌రం అప్ర‌మ‌త్తం చేస్తున్న‌ట్లు చెప్పారు. దోమ‌ల నివార‌ణ‌కు తీసుకోవాల్సిన జాగ్ర‌త్త‌ల ప‌ట్ల  అవ‌గాహ‌నా కార్య‌క్ర‌మాల‌ను నిర్వ‌హించ‌డం జ‌రుగుతోంద‌ని చెప్పారు. జాతీయ‌ కీట‌క జ‌నిత వ్యాధుల నివార‌ణా కార్య‌క్ర‌మానికి సంబంధించిన క‌ర‌ప‌త్రాల‌ను ఈ సందర్భంగా ఆవిష్క‌రించారు.

వాలంటీర్లు, వార్డు కార్యదర్శులు ఇంటింటికి వెళ్లి దోమల వృద్ధిని అరికట్టేందుకు తీసుకోవాల్సిన జాగ్రత్తలుపై అవగాహన కల్పిస్తున్నదీ, లేనిదీ పలు నివాసిత కుటుంబాలను అడిగి తెలుసుకున్నారు. వార్డు కార్యదర్శి సక్రమంగా విధులు నిర్వహించడంపై విఫలమైనందుకు గాను ఆ వార్డు కార్యదర్శికి మెమోను జారీ చేయవలసినదిగా జోనల్ కమిషనర్ శివ ప్రసాద్ ను కమిషనర్ ఆదేశించారు. ప్రజలకు అందించవలసిన మౌలిక సదుపాయాలు, సంక్షేమ కార్యక్రమాలు మరియు ఆరోగ్య రక్షణకు కావలసిన చర్యలు చేపట్టవలసిన బాధ్యత ప్రజారోగ్య వ్యవస్థదేనని అన్నారు. ప్రజారోగ్య వ్యవస్థకు సంబంధించిన విధులు సక్రమంగా నిర్వహించని వారిపై కఠిన చర్యలు చేపట్టాలని జోనర్ కమిషనర్ ను కమిషనర్ ఆదేశించారు. అనంతరం దోమలు ఎక్కువగా వృద్ధి చెందే వస్తువులను ప్రదర్శించి, నినాదాలతో అవగాహనా ర్యాలీను నిర్వహించారు. ఈ కార్యక్రమంలో మూడవ జోనల్ కమిషనర్ శివ ప్రసాద్, సహాయ వైద్యాధికారి డాక్టర్ సునీల్ కుమార్, ఏసిపి వెంకటేశ్వరరావు, శానిటరీ ఇన్స్పెక్టర్ తదితరులు పాల్గొన్నారు.

ఇస్కాన్ దేవాలయం లో జరిగిన పోటీల్లో గెలుపొందిన విజేతలకు కలెక్టర్ మాధవీలత, పార్లమెంట్ సభ్యులు మార్గని భరత్ రామ్ లు బహుమతి ప్రధానోత్సవ కార్యక్రమంలో పాల్గొన్నారు. పార్లమెంట్ సభ్యులు మార్గని భరత్ రామ్ మాట్లాడుతూ, అందరికీ శ్రీకృష్ణ జన్మాష్టమి శుభాకాంక్షలు తెలుపుతూ, శ్రీకృష్ణుడు మానవాళి అంతటకు మార్గదర్శకుడు, ఆదర్శ ప్రాయం అన్నారు. కళలకి కాణాచి అయిన రాజమహేంద్రవరం లో ఇస్కాన్ దేవాలయం వారి ఆధ్వర్యంలో ప్రతి ఏటా అంగరంగ వైభవంగా జన్మాష్టమి వేడుకలు నిర్వహిస్తారని తెలిపారు. వివిధ రకాల పోటీలను నిర్వహించి బహుమతులు అందజేస్తారన్నారు. పిల్లలందరూ కృష్ణా రాధల వేషధారణతో విశేషంగా ఆకట్టుకున్నారని పేర్కొన్నారు. పోటీల్లో గెలుపొందిన వారికి అభినందనను తెలియచేశారు.

రాజమహేంద్రవరం జిల్లా కలెక్టరేట్ లో స్పందన..

రాజమండ్రిజిల్లా కలెక్టరేట్ లో ప్రజల నుంచి సంబందించిన శాఖల రెండవ స్థాయి అధికారులు హాజరై యధాతధంగా స్పందన దరఖాస్తులు స్వీకరిస్తారని జిల్లా కలెక్టర్ మాధవీలత పేర్కొన్నారు. ప్రతి వారం తరహాలోనే సోమవారం  హర్లిక్స్ ఫ్యాక్టరీ  సమీపంలోని ఎన్ఎసి భవనంలోని కలెక్టరేట్ నకు ఆర్టీసి బస్టాండ్ నుంచి ఆర్టీసి ఉచిత బస్సు సర్వీసు ఉ.9 నుంచి మ.2 వరకు నడుపుతున్నట్లు ఆమె తెలిపారు.

      అనంతరం విద్యార్థులను ఉద్దేశించి  సుబ్బారెడ్డి మాట్లాడారు. స్వామి వారి ఆశీస్సులతో అందరూ బాగా చదివి ఉన్నత స్థానాలకు చేరుకోవాలని ఆకాంక్షించారు. గుడికో గోమాత కార్యక్రమం ద్వారా దేశవ్యాప్తంగా 200 ఆలయాలకు గోవులు, దూడలను దానంగా ఇచ్చామన్నారు. ఇంకా ఆలయాలు, మఠాలు ముందుకు వస్తే గోమాత దూడను ఉచితంగా అందించేందుకు సిద్ధంగా ఉన్నామని ఆయన తెలిపారు.  గో పూజ విశిష్టతను భక్తులకు తెలియజేయాలనే ఉద్దేశంతో అలిపిరి వద్ద సప్తగో ప్రదక్షణ  మందిరాన్ని నిర్మించినట్లు ఆయన తెలిపారు. తిరుమలలో గత ఏడాది  గోకులాష్టమి సందర్భంగా, నవనీత సేవను ప్రారంభించి భక్తులు పాల్గొనే అవకాశం కల్పిస్తున్నామన్నారు. గో ఆధారిత వ్యవసాయానికి ప్రోత్సాహం ఇస్తూ,  రైతులకు ఆవులు, ఎద్దులు ఉచితంగా అందిస్తున్నట్లు చెప్పారు.  గో ఆధారిత వ్యవసాయంతో పండిస్తున్న పంటలను రైతుల నుంచి టిటిడినే కొనుగోలు చేస్తోందని ఆయన తెలిపారు.

   అనంతరం  సుబ్బారెడ్డి గోసంరక్షణ శాల లో నిర్వహిస్తున్న శ్రీ వేంకటేశ్వర దివ్య మహా మంత్ర యజ్ఞం పూర్ణాహుతి కార్యక్రమంలో పాల్గొన్నారు. తరువాత  శ్రీ వేంకటేశ్వరదివ్య మహామంత్ర లిఖిత జపం పుస్తకాలను స్వామివారికి సమర్పించారు. అంతకుముందు అలిపిరి వద్ద నిర్మించిన సప్త గో ప్రదక్షణ మందిరంలో  వైవి సుబ్బారెడ్డి గోపూజలో పాల్గొన్నారు. ఇక్కడ వేణుగోపాల స్వామివారి పూజలో పాల్గొని గోమాతలకు దాణా, మేత, పండ్లు అందించారు. అనంతరం పండితులు ఆయనకి వేద ఆశీర్వాదం చేశారు. టీటీడీ పాలక మండలి సభ్యులు  పోకల అశోక్ కుమార్,  మొరం శెట్టి రాములు, చెన్నై స్థానిక సలహా మండలి అధ్యక్షులు  శేఖర్ రెడ్డి,  ఎస్ వి గో సంరక్షణ కమిటీ సభ్యులు  రామ్ సునీల్ రెడ్డి, జెఈవోలు  మతి సదా భార్గవి, వీరబ్రహ్మం, సివిఎస్ఓ నరసింహ కిషోర్, గోశాల డైరెక్టర్ డాక్టర్ హరనాథ రెడ్డి, డిప్యూటీ ఈవో సెల్వం ఈ కార్యక్రమాల్లో పాల్గొన్నారు.

రూపకల్పన, నమూనా పటములు, విధి విధానములను పవర్ పాయింట్ ప్రజెంటేషన్ ద్వారా  చీఫ్ సిటీ ప్లానర్ వివరించిన అంశములకు సంబంధించి, బిల్డర్లు, ఆర్కిటెక్ట్లు నరేడ్ ట్కో , క్రెడాయ్ ప్రతినిధులు అవగాహన పరుచుకొని ఈ నగర అభివృద్ధికి సహకరించాలని కమిషనర్ తెలియజేశారు. ఈ కార్యక్రమంలో సిసిపి సురేష్, సిటీ ప్లానర్, ఇంజనీర్లు, ఆర్కిటెట్లు, తదితరులు పాల్గొన్నారు.

ఫుల్లీ ఆటో మేటెడ్‌ బయో కెమిస్ట్రీ మిషన్ ప్రారంభం

తిరుపతికి చెందిన  సాయి పవిత్ర మెడికల్ సర్వీసెస్ అధినేత‌  కటారు సుబ్రహ్మణ్యం బ‌హూక‌రించిన ఐదు లక్షల విలువ చేసే ఫుల్లీ ఆటో మేటెడ్ బయో కెమిస్ట్రీ మిషన్‌ను ఈవో గురువారం సాయంత్రం ప్రారంభించారు. అంతకుముందు ఈవో ఎస్వీ ఆయుర్వేద ఆసుపత్రి విద్యార్థునుల‌ హాస్టల్‌ను సందర్శించారు. విద్యార్థునుల‌ హాస్టల్‌లో డైనింగ్ హాల్ నిర్మాణము త్వరితగతిన పూర్తి చేయాలని, ఆహార పదార్థాల్లో నాణ్యత ప్రమాణాలు పెంచాలని సంబంధిత అధికారులను ఆదేశించారు. ఆయుర్వేద ఆసుపత్రిలోని చిన్నపిల్లల వార్డులో చికిత్స పొందుతున్న పిల్లలతో ఆయ‌న మాట్లాడి, వారికి అందుతున్న వైద్య సదుపాయాలను అడిగి తెలుసుకున్నారు.  జెఈవో  వీరబ్రహ్మం, బ‌ర్డ్‌ ప్రత్యేకాధికారి డాక్ట‌ర్‌ రెడ‌ప్ప‌రెడ్డి, ఆయుర్వేద కళాశాల ప్రిన్సిపల్ డాక్ట‌ర్‌ మురళీకృష్ణ, ఇతర డాక్టర్లు పాల్గొన్నారు.