రేమండ్స్ గ్రూపు సిఎండి  గౌత‌మ్ సింఘానియా మాట్లాడుతూ ముంబ‌యిలో శ్రీ‌వారి ఆల‌యం నిర్మించే అపూర్వ‌మైన అవ‌కాశం త‌మకు ద‌క్కింద‌ని, ఈ అవ‌కాశం ఇచ్చిన టిటిడి బోర్డుకు కృత‌జ్ఞ‌త‌లు తెలియ‌జేశారు. 47 సంవ‌త్స‌రాలుగా తాను తిరుమ‌ల శ్రీ‌వారి ద‌ర్శ‌నానికి వ‌స్తున్నాన‌ని, తిరుమ‌ల యాత్ర‌ త‌న జీవితంలో ఒక భాగంగా మారింద‌ని చెప్పారు. 52 ఏళ్ల క్రితం అప్ప‌టి రేమండ్ గ్రూప్ ఛైర్మ‌న్ స‌తీమ‌ణి  సులోచ‌నాదేవి సింఘానియా కెన‌డాలో జ‌రిగిన రోడ్డు ప్ర‌మాదంలో మృతి చెందార‌ని, ఆ స‌మ‌యంలో ప్ర‌మాద ఇన్సూరెన్స్ మొత్తం ఒక ల‌క్ష రూపాయ‌లు అందింద‌ని చెప్పారు. అయితే వారి కుటుంబ స‌భ్యులు ఈ మొత్తాన్ని ఏదైనా ఒక సామాజిక హిత కార్య‌క్ర‌మానికి ఖ‌ర్చు పెట్టాల‌ని కోరార‌న్నారు. ఈ విధంగా ఒక ల‌క్ష రూపాయ‌ల మూల‌ధ‌నంతో సులోచ‌నా దేవి సింఘానియా పాఠ‌శాల‌ స్థాప‌న ప్రారంభ‌మైంద‌న్నారు. సులోచ‌నా దేవి సింఘానియా ఎడ్యుకేష‌న‌ల్ ట్ర‌స్టు ఆధ్వ‌ర్యంలో సుమారు 20 వేల మంది విద్యార్థులు చ‌దువుతున్నార‌ని, ప్రిన్సిపాల్  రేవ‌తి శ్రీ‌నివాస‌న్ ప‌ర్య‌వేక్ష‌ణ‌లో ఈ పాఠ‌శాల ప్ర‌గ‌తి ప‌థంలో న‌డుస్తోంద‌ని చెప్పారు.

              త‌మ గ్రూపున‌కు సంబంధించిన ఫ్యాక్ట‌రీలు ఉన్న ప్రాంతంలో కార్మికుల పిల్ల‌ల కోసం మొద‌ట‌గా ఈ పాఠ‌శాల‌ను ప్రారంభించిన‌ట్టు తెలిపారు. ఇక్క‌డ మంచి విద్య‌ను అందించి కార్మికుల పిల్ల‌లను ఉన్న‌తస్థానాల‌కు చేర్చుతున్న‌ట్టు చెప్పారు. ఏడాదికి ల‌క్ష మంది పిల్ల‌ల‌కు విద్య‌ను అందించాల‌ని ల‌క్ష్యంగా పెట్టుకున్నామ‌ని, ఇందులో భాగంగా నెల రోజుల వ్య‌వ‌ధిలో ఈ పాఠ‌శాల‌తో క‌లిపి 5 పాఠ‌శాల‌ల్లోని సుమారు 20 వేల మందికి విద్య‌ను అందించేందుకు చ‌ర్య‌లు చేప‌ట్టామ‌ని అన్నారు. విద్య‌ద్వారా మంచి పౌరుల‌ను త‌యారుచేసి జాతి నిర్మాణంలో భాగ‌స్వాముల‌ను చేస్తామ‌న్నారు. గ‌డిచిన ఐదేళ్ల‌లో అంత‌ర్జాతీయ ప్ర‌మాణాల‌తో కూడిన ఉత్త‌మ పాఠ‌శాల‌లుగా సింఘానియా పాఠ‌శాల‌ల‌కు గుర్తింపు ద‌క్కింద‌న్నారు. మొద‌ట‌గా ఎస్వీ ఉన్న‌త‌ పాఠ‌శాల‌ను విద్యప‌రంగా అభివృద్ధి చేస్తామ‌ని, ఆ త‌రువాత టిటిడిలోని ఇత‌ర పాఠ‌శాల‌ల‌ను కూడా అభివృద్ధి చేస్తామ‌ని చెప్పారు.

             శ్రీ‌వారి ఆల‌య ప్ర‌ధానార్చ‌కుల్లో ఒక‌రైన కృష్ణ‌శేషాచ‌ల దీక్షితులు మాట్లాడుతూ తాను  ఈ పాఠ‌శాల విద్యార్థినేన‌ని చెప్పారు. విన‌యంతో కూడిన విద్య అవ‌స‌ర‌మ‌ని, స్వామివారి ఆశీస్సుల‌తో విద్యార్థులంద‌రూ వృద్ధి చెందాల‌ని కోరారు. ముందుగా ఈఓ  ఎవి.ధ‌ర్మారెడ్డి,  గౌతం సింఘానియా క‌లిసి పాఠ‌శాల‌లో పూజ‌లు నిర్వ‌హించి కంప్యూట‌ర్ ల్యాబ్‌ను ప్రారంభించారు. అనంత‌రం పాఠ‌శాల ప్రాంగ‌ణంలో సంపంగి మొక్క‌లు నాటారు. ఈ కార్య‌క్రమంలో టిటిడి జెఈవో(ఆరోగ్యం, విద్య‌)  స‌దా భార్గ‌వి, ఎస్ఇ-2  జ‌గ‌దీశ్వ‌ర్‌రెడ్డి,  ద్యాశాఖాధికారి  గోవింద‌రాజ‌న్‌, డెప్యూటీ ఈవో  రామారావు, సింఘానియా ట్ర‌స్టు పాఠ‌శాల ప్రిన్సిపాల్  రేవ‌తి శ్రీ‌నివాస‌న్‌, విజివో  బాలిరెడ్డి, ప్ర‌ధానోపాధ్యాయులు  కృష్ణ‌మూర్తి, సింఘానియా ట్ర‌స్టు ప్ర‌తినిధులు, ఉపాధ్యాయులు, విద్యార్థుల త‌ల్లిదండ్రులు, విద్యార్థులు పాల్గొన్నారు.

శ్రీకాకుళం నగరపాలక సంస్థ పరిధిలో గల 14 లేఅవుట్లలో  చేపడుతున్న గృహ నిర్మాణాలన్నీ శత శాతం పూర్తికావాలని జిల్లా కలెక్టర్ శ్రీకేశ్ లాఠకర్ సంబంధిత అధికారులను ఆదేశించారు. బుధవారం నగరపాలక సంస్థ కార్యాలయంలో పట్టణ గృహ నిర్మాణాలపై ప్రత్యేక అధికారులు, నగరపాలక సంస్థ కమీషనర్, ఇంజినీరింగ్ అధికారులు, వార్డు సంక్షేమ కార్యదర్శులతో కలెక్టర్ సమీక్ష సమావేశాన్ని నిర్వహించారు. ఈ సందర్భంగా కలెక్టర్ మాట్లాడుతూ గ్రౌండ్ లెవెల్లో ఏర్పడిన సమస్యలు పరిష్కరించాలని, వచ్చే మాసానికి శతశాతం లక్ష్యాలు సాధించాలని అన్నారు. వారంలోగా లబ్ధిదారుల జాబితా కార్యదర్శులకు అందజేయాలని, మ్యాపింగ్ జరగని 4వేల గృహాలు తక్షణమే ప్రారంభంకావాలని కలెక్టర్ ఆదేశించారు.    అన్ని లేఅవుట్లలో పనులు ప్రారంభం కావాలని, వారంలో పురోగతి సాధించాలని సూచించారు. 14 లేఅవుట్లలో గల ఒక  లేఅవుట్ లో కార్పొరేషన్ నిధులతో  మోడల్ కాలనీని రూపొందించాలని కలెక్టర్ సూచించారు. నగరపాలక సంస్థ పరిధిలో 14లేఅవుట్లలో 10,867 గృహాలు మంజూరు చేయడం జరిగిందని, అందులో 8,865 గృహాలు రిజిష్టర్ అయినప్పటికి ఇంతవరకు పనులు ప్రారంభించకపోవడం పై కలెక్టర్ అసహనం వ్యక్తం చేశారు. మిగిలిన 2002 గృహ లబ్ధిదారులు వారి పేరున రిజిస్ట్రేషన్ చేసుకునేలా చర్యలు తీసుకోవాలని, ఒకవేళ లబ్దిదారులు ముందుకు రాకపోతే వారిని రద్దు చేసి కొత్త వారికి అవకాశం కల్పించాలని కలెక్టర్ స్పష్టం చేశారు. వార్డు సచివాలయాల్లో అతి పెద్ద వ్యవస్థ ఉందని, సుమారు వేయి మంది సిబ్బంది పనిచేస్తున్నారని, వారిని ఉపయోగించుకొని గృహనిర్మాణాలు వేగవంతం చేయాలన్నారు. 14 లేఅవుట్లకు చెందిన లబ్ధిదారులు జాబితాలను వార్డు సంక్షేమ కార్యదర్శులకు అందజేయాలని కమీషనర్ ను కలెక్టర్ ఆదేశించారు. కార్యదర్శులు వారి పరిధిలో గల లబ్ధిదారుల జాబితాల ఆధారంగా లబ్ధిదారులను చైతన్యపరచి రిజిస్ట్రేషన్ చేసుకునేందుకు ముందుకు వచ్చేలా చేయాలన్నారు. 

అలాగే రిజిస్ట్రేషన్ చేసుకొని పనులు ప్రారంభించని లబ్ధిదారులు తక్షణమే గృహానిర్మాణాలు ప్రారంభించుకునేలా చైతన్యపరచాలని ఆదేశించారు. గృహానిర్మాణాలకు అవసరమైన సిమెంట్,ఇసుక,ఐరన్,నీటి సరఫరా తదితర సమస్యలు ఉంటే వాటిని సంబంధిత ఇంజినీరింగ్ అధికారులకు సమాచారాన్ని అందజేయాలని అన్నారు. నిర్మాణాల బిల్లులు ఎప్పటికపుడు మంజూరుచేయడం జరుగుతుందని, రాష్ట్ర ప్రభుత్వం అత్యంత ప్రాధాన్యతను ఈ కార్యక్రమానికి ఇస్తుందని, కావున దీనిపై ప్రత్యేక దృష్టి సారించాలన్నారు. ప్రతి లే అవుట్లలో తాగునీరు, విద్యుత్, రహదారులు,కాలువలు, ప్లాంటేషన్ తదితర కార్యక్రమాలు చేపట్టాల్సి ఉందన్నారు. జల్ జీవన్ మిషన్ ద్వారా ప్రతి ఇంటికి తాగునీరు అందించాలని సూచించారు. గృహ నిర్మాణాలను ప్రతిష్టాత్మకంగా ప్రభుత్వం చేపడుతుందని, ఇందుకు నిధుల కొరత లేదని, అవసరమైతే జిల్లా నిధుల నుండి మంజూరుచేసేందుకు సిద్ధంగా ఉన్నట్లు కలెక్టర్ వివరించారు. 14 లేఅవుట్లలో ఒక మోడల్ కాలనీని  నిర్మించి, లబ్ధిదారులకు చూపించడం ద్వారా వారు మరింత ముందుకు వచ్చేందుకు ఉత్సాహం చూపిస్తారని కలెక్టర్ సూచించారు. లేఅవుట్ పూర్తయితే అక్కడ ఉండేవి గృహాలు కావని, ఊరుగా మారబోతుందనే విషయాన్ని లబ్ధిదారులు గుర్తించేలా అవగాహన కల్పించాలని చెప్పారు. అధికారులందరూ సమన్వయంతో పనిచేసి ప్రభుత్వానికి మంచి పేరు తీసుకువచ్చేలా చర్యలు చేపట్టాలని, బాగా పనిచేసిన అధికారులను అభినందిస్తూనే, పనిచేయని అధికారులపై వేటు తప్పదని కలెక్టర్ హెచ్చరించారు. విధులు నిర్వహణలో బాధ్యతా రాహిత్యం వహిస్తే ఉపేక్షించేది లేదని కలెక్టర్ స్పష్టం చేశారు. తొలుత లేఅవుట్ల వారీగా చేపట్టిన పనులపై ఆరాతీసిన కలెక్టర్ పురోగతిపై అసహనం వ్యక్తం చేశారు. 

ఇళ్లు కట్టడానికి ముందుకు రాని లబ్ధిదారుల నుండి తగు కారణాలను పూర్తి వివరాలతో వ్రాతపూర్వకంగా తీసుకోవాలన్నారు. వాటి స్థానంలో కొత్త లబ్ధిదారులకు మంజూరు చేయడానికి అవకాశం కల్పించాలన్నారు. గృహనిర్మాణలకు సంబందించి చాలా వెనుకబడి వున్నారని, ప్రభుత్వం నవరత్నాలలో  ప్రతిష్టాత్మకంగా చేపట్టిన ప్రతి పేదవానికి ఇళ్లు కార్యక్రమంపై ఇంత నిర్లక్ష్యంగా పనులు చేయడం సరికాదన్నారు. డి-లింక్ అయి మూడు మాసాలైనా ఇంకా రిజిస్ట్రేషన్  కాకపోవడంపై కలెక్టర్ ఆగ్రహం వ్యక్తం చేశారు. 4బి చేసి ఎందుకు రిజిస్ట్రేషన్ చేయలేదని, సెక్రటరీ పరిధిలో ఉన్న లబ్ధిదారుల జాబితా ఇచ్చి పనులు చేపట్టేలా చూడాలన్నారు. తగిన కారణం లేకుండా 372 గృహాలు రిజిస్ట్రేషన్ కాకపోవడంపై వార్డుల వారీగా సమీక్షించిన ఆయన వార్డుల వారీగా జాబితాలు తయారు చేసి వార్డు సెక్రటరీ లకు అందించి శత శాతం రిజిస్ట్రేషన్ జరిగేలా చర్యలు తీసుకోవాలని ఆదేశించారు. ప్రత్యేక అధికారులు చేసిన సమీక్షలు అర్థరహితమని, ఆన్ని పనులు గ్రూప్ లో సెండ్ చేస్తే జరగబోవని, సమావేశాలు నిర్వహిస్తూనే పనుల పురోగతిని ఎప్పటికపుడు సమీక్షిస్తూ ఉండాలన్నారు. లబ్ధిదారులు సమావేశానికి హాజరయ్యేలా చూదాలని, నిర్మాణాలకు సంబంధించిన పనులను పరిశీలించి అక్కడి అవసరాలు సంబంధిత అధికారులకు తెలియజేయాలన్నారు. వివిధ శాఖల అధికారులు సిబ్బంది ఉండి మంజూరైన 10,867 గృహాలకు సంబంధించి 820 గృహ నిర్మాణాలు వివిధ స్థాయిలో ఉండడం పై ఆరాతీసిన కలెక్టర్ నివేదికలు అన్ని వార్డు సెక్రటరీ ల పరిధిలో తయారు చేసుకోవాలని ఆదేశించారు. గృహ నిర్మాణానికి  1955 మంది లబ్ధిదారులకు మెప్మా ద్వారా రుణం మంజూరు అయినప్పటికీ 820 మంది మాత్రమే గృహ నిర్మాణాలు చేపట్టారని, మిగిలిన వారిపై చర్యలు తీసుకోవాలని మెప్మా పథక సంచాలకులను కలెక్టర్ ఆదేశించారు. వచ్చే మాసంలో మరలా గృహనిర్మాణాలపై సమీక్షిస్తామని, రోజు వారీ సాధించిన ప్రగతితో సిద్ధంగా ఉండాలని, లక్ష్యాలు సాధించని అధికారులపై వేటు తప్పదని కలెక్టర్ హెచ్చరించారు. మ్యాపింగ్ జరగని 4వేల గృహాలకు తక్షణమే మ్యాపింగ్ జరిగేలా చర్యలు తీసుకోవాలని సంబంధిత అధికారులను కలెక్టర్ ఆదేశించారు. ఇది శాఖల వారీ కార్యక్రమం కాదని, ప్రభుత్వ కార్యక్రమమని, అందువలన అధికారులందరూ సమన్వయంతో పనిచేసి లక్ష్యాలను సాధించాలని కోరారు. అనుకున్న సమయానికి అప్పగించిన లక్ష్యాలను సాధించాలని ఆదేశించారు.     

ఈ సమావేశంలో రెవిన్యూ డివిజనల్ అధికారి బొడ్డేపల్లి శాంతి,నగరపాలక సంస్థ కమీషనర్ చల్లా ఓబులేశు, ప్రత్యేక అధికారులు జిల్లా పరిషత్ ముఖ్యకార్యనిర్వహణ అధికారి బి.లక్ష్మీపతి, జిల్లా పంచాయతీ అధికారి వి.రవి కుమార్, వికలాంగుల సంక్షేమ శాఖాధికారి ఎమ్.త్రినాథరావు, గృహనిర్మాణ సంస్థ పథక సంచాలకులు ఎం.గణపతి రావు, జిల్లా గ్రామీణాభివృద్ధి సంస్థ పథక సంచాలకులు బి.శాంతిశ్రీ, తహశీల్దార్ కె.వెంకటరావు, కార్య నిర్వాహక ఇంజినీర్ పి.సుగుణాకరరావు, వార్డు సచివాలయాల సంక్షేమ కార్యదర్శులు,ఇతర సిబ్బంది తదితరులు పాల్గొన్నారు.

గోదావరికి వరద, గత ఐదు రోజులుగా ఎడతెరిపి లేని వానలు కారణం గా ప్రజలకు తాగు నీటి సమస్య తలెత్తకుండా ముందు జాగ్రత్త చర్యలు తీసుకోవాలని నగరపాలక సంస్థ కమిషనర్ కె.దినేష్ కుమార్ అధికారులను ఆదేశించారు. మంగళవారం సాయంత్రం స్థానిక హెడ్ వాటర్ వర్క్స్,ధవళేశ్వరం లోని వాటర్ వర్క్స్ పనులను ఆయన పరిశీలించారు. రెగ్యులర్ గా చేసే క్లోరినేషన్ ప్రక్రియ,శుద్ధి చేస్తున్న ప్రక్రియ,  త్రాగునీరు సరఫరా చేసే దశలను క్షుణ్ణం గా పరిశీలించారు. ఎట్టి పరిస్థితుల్లోనూ ప్రజలకు మంచి నీటి కొరత రాకూడదని అన్నారు. వాటర్ ట్యాంక్ ల స్థితిగతులు అడిగి తెలుసుకున్నారు. సిజనల్ వ్యాధుల వ్యాప్తి కి  త్రాగునీరు ఒక ప్రధాన కారణం అని, ఆ విషయం తెలుసుకునే అత్యంత నీటి సరఫరా విషయం లో జాగ్రత్తలు తీసుకోవసిందిగా ఆదేశించారు. కమిషనర్ వెంట ఎస్.ఈ. పాండు రంగారావు, ఈ ఈ ప్రసాద్ తదితరులు పాల్గొన్నారు.

న‌వ‌ర‌త్నాలు-పేద‌లంద‌రికీ ఇళ్లు ప‌థ‌కం కింద ఇళ్ల నిర్మాణాల‌ను వేగ‌వంతం చేసేందుకు ఎస్‌హెచ్‌జీ మ‌హిళ‌ల‌కు రూ. 35,000 అద‌న‌పు రుణాల మంజూరు ప్ర‌క్రియ‌ను వేగ‌వంతం చేయాల‌న్నారు. 90 రోజుల్లో ఇంటిప‌ట్టా జారీకి అవ‌స‌ర‌మైన భూ సేక‌ర‌ణ‌కు ప్ర‌తిపాద‌న‌లు పంపాల‌ని సూచించారు. గ్రామ‌, వార్డు స‌చివాల‌యాలు; రైతు భ‌రోసా కేంద్రాలు, వైఎస్సార్ ఆరోగ్య కేంద్రాల భ‌వ‌నాల నిర్మాణాల‌ను పూర్తిచేయాల‌ని.. వీటికి సంబంధించిన బిల్లుల‌ను ఎప్ప‌టిక‌ప్పుడు అప్‌లోడ్ చేయాల‌న్నారు. సీజ‌న‌ల్ వ్యాధుల క‌ట్ట‌డి చ‌ర్య‌ల్లో భాగంగా పారిశుద్ధ్య కార్య‌క్ర‌మాల‌ను ప‌టిష్టంగా నిర్వ‌హించాల‌ని, ఫ్రైడే-డ్రై డే కార్య‌క్ర‌మాన్ని నిర్వ‌హించాల‌ని సూచించారు. 15 రోజ‌ల‌కోసారి గ్రామ‌, వార్డు స‌చివాల‌య స్థాయిలో ఫీవ‌ర్ స‌ర్వే జ‌రిగేలా చూడాల‌ని క‌లెక్ట‌ర్ ఈ సంద‌ర్భంగా అధికారుల‌ను ఆదేశించారు. స‌మావేశంలో జెడ్‌పీ సీఈవో ఎన్‌వీవీ స‌త్య‌నారాయ‌ణ‌, డీఆర్‌డీఏ పీడీ కె.శ్రీర‌మ‌ణి, సీపీవో పి.త్రినాథ్‌, డీపీవో ఎస్‌వీ నాగేశ్వ‌ర‌నాయ‌క్‌, మెప్మా పీడీ బి.ప్రియంవ‌ద‌, డ్వామా పీడీ ఎ.వెంక‌ట‌లక్ష్మి, ఇన్‌ఛార్జ్ డీఎంహెచ్‌వో డా. ఆర్‌.ర‌మేశ్‌, డీఈవో డి.సుభ‌ద్ర త‌దిత‌రులు హాజ‌ర‌య్యారు.

కారుణ్య నియామకం కింద ఉద్యోగం పొందిన అభ్యర్థులకు ప్రజాసేవ చేసే మంచి అవకాశం దొరికిందని, చిత్తశుద్ధి, నీతి నిజాయితీతో ప్రజాసేవ చేయాలనే దృక్పథంతో పనిచేసి జిల్లాకు మంచి గుర్తింపు తీసుకురావాలని కాకినాడ జిల్లా కలెక్టరు డా. కృతికా శుక్లా పేర్కొన్నారు. జిల్లాలో వివిధ శాఖల్లో విధులు నిర్వహిస్తూ మరణించిన ‌ ఉద్యోగులకు సంబంధించి వారి సంబంధీకులకు మంగళవారం కాకినాడ కలెక్టర్ కార్యాలయంలో కలెక్టరు కృతికా శుక్లా 18 మంది అభ్యర్థులకు కారుణ్య నియామకం కింద ఉద్యోగ పత్రాలను అందజేశారు. ఈ సందర్భంగా కలెక్టర్ కృత్తికా శుక్లా మాట్లాడుతూ జిల్లాలో వివిధ శాఖల్లో ఖాళీలు ప్రకారం రిజర్వేషన్, రోస్టర్ ను అనుసరించి అభ్యర్థులకు ఉద్యోగాలను కేటాయించడం జరిగిందన్నారు. వైద్య ఆరోగ్యశాఖ శాఖ-6,  శిశు మహిళా సంక్షేమం-2, ప్రొహిబిషన్ అండ్ ఎక్సైజ్-2, రెవిన్యూ, ఏపీఎస్పీ బెటాలియన్,  పశుసంవర్ధక, పంచాయతీ, వ్యవసాయ, సెరీకల్చర్, కార్మిక, రిజిస్ట్రేషన్ తదితర శాఖలలో ఒకొక్క పొస్టు చొప్పున మొత్తం 18 మంది అభ్యర్థులకు పోస్టింగ్ ఆర్డర్స్ ఇవ్వడం జరిగిందని కలెక్టరు తెలిపారు. కారుణ్య నియామకం కింద ఉద్యోగం పొందిన అభ్యర్థులకు ప్రజాసేవ చేసే మంచి అవకాశం దొరికిందన్నారు. విధుల్లో చిత్తశుద్ధి, నీతి నిజాయితీతో ప్రజాసేవ చేయాలనే దృక్పథంతో విధులు నిర్వర్తించి కాకినాడ జిల్లాకు మంచి గుర్తింపు తీసుకురావాలని కలెక్టర్ అభ్యర్థులకు తెలిపారు.

కాకినాడ కొత్త జిల్లాగా ఏర్పడి వంద రోజులు అయిన సందర్భంగా ఇంత మందికి ఒకేసారి కారుణ్య నియామకం కింద ఉద్యోగాలు అందించడం సంతోషంగా ఉందని, దీని వెనక కలెక్టరేట్ లోని వివిధ సెక్షన్ల అధికారులు, సిబ్బంది ముఖ్యంగా జిల్లా రెవెన్యూ అధికారి, కలెక్టరేట్ పరిపాలన అధికారి కృషి ఉందని కలెక్టరు ఈ సందర్భంగా కలెక్టరేట్ బృందాన్ని ప్రత్యేకంగా అభినందించారు. ఈ కార్యక్రమంలో జిల్లా రెవెన్యూ అధికారి కె.శ్రీధర్ రెడ్డి, కలెక్టరేట్ పరిపాలన అధికారి జి.ఎస్.ఎస్ శ్రీనివాసు ఇతర అధికారులు పాల్గొన్నారు.

అప్ప‌లాయ‌గుంట‌ శ్రీ ప్ర‌స‌న్న వేంకటేశ్వరస్వామివారి ఆలయంలో జూలై 15వ తేదీన పుష్పయాగం వైభవంగా జరుగనుంది. జూలై 14వ తేదీ సాయంత్రం 6.30 నుండి రాత్రి 7.30 గంటల వరకు అంకురార్పణం నిర్వ‌హించ‌నున్నారు.  జూలై 15వ తేదీ ఉదయం 8.30 నుండి 11 గంటల వరకు యాగశాలలో వైదిక కార్యక్రమాలు నిర్వ‌హిస్తారు. అనంతరం ఉదయం 11 నుండి మ‌ధ్యాహ్నం 12.30 గంటల వరకు శ్రీదేవి భూదేవి సమేత ప్ర‌స‌న్న‌వేంకటేశ్వరస్వామివారి ఉత్సవర్లకు స్నపన తిరుమంజనం నిర్వ‌హించ‌నున్నారు. ఇందులో పాలు, పెరుగు, తేనె,  పసుపు, చందనం, కొబ్బరినీళ్ళతో అభిషేకం చేస్తారు.  మధ్యాహ్నం 2.50 నుండి సాయంత్రం 5 గంటల వరకు పుష్పయాగం కన్నులపండువగా జరుగనుంది. ఇందులో తులసి, చామంతి, గన్నేరు, మొగలి, మల్లె, జాజి సంపంగి, రోజా, కలువలు వంటి పలురకాల పుష్పాలతో స్వామివారికి అభిషేకం చేస్తారు. సాయంత్రం 6 నుండి 7.30 గంటల వరకు పెద్దశేష వాహ‌నంపై స్వామి అమ్మ‌వార్లు ఆల‌య నాలుగు మాడ వీధుల్లో ఊరేగి భ‌క్తుల‌ను అనుగ్ర‌హంచ‌నున్నారు.

       ఇటీవల శ్రీ ప్ర‌స‌న్న‌ వేంకటేశ్వరస్వామివారి బ్రహ్మోత్సవాలు జరిగిన విషయం తెలిసిందే. నిత్యకైంకర్యాల్లో గానీ, బ్రహ్మోత్సవాల్లో గానీ అర్చక పరిచారకుల వల్ల, అధికార అనధికారుల వల్ల, భక్తుల వల్ల ఏవైనా లోపాలు జరిగి ఉంటే వాటికి ప్రాయశ్చిత్తంగా పుష్పయాగం నిర్వహిస్తారు. ఈ యాగం నిర్వహణ వల్ల సమస్తదోషాలు తొలగిపోతాయని అర్చకులు తెలిపారు.

రాష్ట్రంలో ఎడతెరిపిలేకుండా కురుస్తున్న‌ వర్షాలు, వరదల కార‌ణంగా ఎక్క‌డా ప్రాణ‌న‌ష్టం జ‌ర‌గ‌కుండా అన్ని జాగ్ర‌త్త‌లూ తీసుకోవాల‌ని  ముఖ్యమంత్రి వైఎస్‌ జగన్‌మోహన్‌రెడ్డి ఆదేశించారు. వివిధ‌ జిల్లాల‌ కలెక్టర్లతో మంగ‌ళ‌వారం వీడియో కాన్ఫరెన్స్ ద్వారా భారీ వ‌ర్షాలు, వ‌ర‌ద‌ల‌పై స‌మీక్షించారు. ఈ సందర్భంగా గోదావరి ఉధృతి, వరద సహాయక చర్యలపై సీఎం జగన్‌ దిశనిర్దేశం చేశారు. ఈ సమావేశంలో హోం మంత్రి తానేటి వనిత, వ్యవసాయ శాఖ మంత్రి కాకాని గోవర్ధన్ రెడ్డి, ఇత‌ర ఉన్నతాధికారులు పాల్గొన్నారు.  ఈ సంద‌ర్భంగా సీఎం జగన్ మోహ‌న‌రెడ్డి మాట్లాడుతూ.. ముంద‌స్తు వ‌ర్షాల కార‌ణంగా జులైలోనే గోదావరికి  వరదలు వచ్చాయన్నారు. గ‌తంలో ఎన్న‌డూ లేని విధంగా ఈ నెల‌లోనే 10 లక్షల క్యూసెక్కులకు పైగా వరద వచ్చిందని చెప్పారు. రాష్ట్రంలో ప్ర‌స్తుతం వ‌ర్షాలు త‌గ్గుముఖం ప‌ట్టాయ‌ని, అయితే క‌ర్ణాట‌క‌లో వ‌ర్షాలు కురుస్తుండ‌టం వ‌ల్ల‌ బుధవారం ఉదయానికి వరద పెరిగి, 16 లక్షల క్యూసెక్కులకు చేరుకునే అవకాశం ఉందని హెచ్చ‌రించారు. దీనివల్ల తలెత్తే పరిస్థితులను ఎదుర్కొనేందుకు అధికారులు స‌ర్వ‌ సిద్ధంగా ఉండాలన్నారు. ఎట్టి పరిస్థితుల్లోనూ ప్రాణనష్టం జరగకూడదని స్ప‌ష్టం చేశారు. 24 గంట‌లూ కంట్రోలు రూమ్స్ నిర్వ‌హించి, ప‌రిస్థితిని ఎప్ప‌టిక‌ప్పుడు తెలుసుకోవాల‌న్నారు. వి.ఆర్‌.పురం, కూనవరం, అమలాపురం, వేలురుపాడుల్లో 4 ఎస్డీఆర్‌ఎఫ్‌ బృందాలు సిద్దంగా ఉన్నాయ‌ని చెప్పారు.

         అవసరమైనచోట సహాయక శిబిరాలను ఏర్పాటు చేయాల‌ని ఆదేశించారు. ఈ సహాయ శిబిరాల్లో ఏర్పాట్లు బాగుండాలని, మంచి ఆహారం, తాగునీరు, ఇతర సౌకర్యాల ఏర్పాట్లలో ఎలాంటి ఇబ్బంది ఉండకూడదని స్ప‌ష్టం చేశారు. సహాయక శిబిరాల నుంచి ఇళ్లకు వెళ్లేటప్పుడు ప్రతి కుటుంబానికి రూ.2వేల రూపాయలు ఇవ్వాల‌ని, ఒక వ్య‌క్తికైతే వెయ్యి రూపాయ‌లు అంద‌జేయాల‌ని ఆదేశించారు. పీహెచ్‌సీలు, సీహెచ్‌సీలు, ఏరియా ఆస్పత్రుల్లో వైద్యులు, నర్సులు, ఇతర సిబ్బంది పూర్తిగా అందుబాటులో ఉండాలని, అత్యవసర మందులను అందుబాటులో ఉంచుకోవాలని కోరారు. గ‌ర్భిణుల‌ను అవ‌స‌ర‌మైన ప‌క్షంలో ముందుగానే ఆసుప‌త్రుల‌కు త‌ర‌లించాల‌ని సూచించారు.  తాగునీటి పథకాలు కలుషితం కాకుండా చర్యలు తీసుకోవాలని, విద్యుత్‌ సరఫరాకు అంతరాయం వచ్చిన నేపథ్యంలో అత్యవసర సర్వీసులు నడిచేందుకు వీలుగా జనరేటర్లను అందుబాటులో ఉంచుకోవాల‌ని,   తాగునీటికోసం ట్యాంకర్లను సిద్ధంచేసుకోవాల‌ని ఆదేశించారు. శిథిలావస్థలో ఉన్న నిర్మాణాల పట్ల అప్రతమత్తంగా ఉండాల‌ని, చెరువులు, ఇరిగేషన్‌కాల్వలు, రోడ్లు, క‌ల్వ‌ర్టులు ఎక్కడ బలహీనంగా ఉన్నాయో గుర్తించి, అక్కడ తగిన జాగ్రత్తలు తీసుకోవాల‌ని సిఎం ఆదేశించారు. ఈ వీడియో కాన్ఫ‌రెన్స్‌లో జిల్లా క‌లెక్ట‌ర్ ఎ.సూర్య‌కుమారి, ఎస్‌పి ఎం.దీపిక‌, జాయింట్ క‌లెక్ట‌ర్ మ‌యూర్ అశోక్‌, డిఆర్ఓ ఎం.గ‌ణ‌ప‌తిరావు, వివిధ శాఖ‌ల అధికారులు పాల్గొన్నారు.