ఇష్టంతో చదివితే విజయం మీదేనని జిల్లా కలెక్టర్ నిశాంత్ అన్నారు. జగనన్న విద్యా కానుక కిట్ల పంపిణీ కార్యక్రమం పార్వతీపురం మండలం పెద బొండపల్లి పాఠశాలలో మంగళ వారం విద్యా శాఖ నిర్వహించింది. ఈ కార్యక్రమంలో ముఖ్య అతిథిగా జిల్లా కలెక్టర్ పాల్గొన్నారు. జిల్లా కలెక్టర్ మాట్లాడుతూ ఇష్టంతో చదువాలని అప్పుడు పేదరికం, ఆకలి అనే ఏది ఆటంకంగా నిలువలేవన్నారు. శ్రమ నీ ఆయుధం కావాలని... అప్పుడు విజయం నీ వెన్నంటి నిలుస్తుందని చెప్పారు. విద్యార్థులు ఆకాశమే హద్దుగా ఉన్నత లక్ష్యాలతో ఉండాలని పేర్కొన్నారు. ఆశయాలు ఉండాలి... వాటిని సాధించాలని ప్రేరణ కల్పించారు. చదువుతో కుటుంబ సామాజిక, ఆర్థిక హోదా మారుతుందని ఆయన అన్నారు. పేదరికం నుండి బయట పడాలంటే చదువు ద్వారా సాధ్యం అవుతుందని ఆయన పేర్కొన్నారు. చదువుతో విజ్ఞానం, సామాజిక స్పృహ కలుగుతుందని ఆయన పేర్కొంటూ పేదరికం చదువుకు ఆటంకం కాకూడదని రాష్ట్ర ప్రభుత్వం అమ్మ ఒడి, జగనన్న విద్యా కానుక, విద్యా దీవెన, వసతి దీవెన అందిస్తుందని వివరించారు. వీటిని సద్వినియోగం చేసుకొని, జీవితంలో ఉన్నత శిఖరాలను అధిరోహించాలని ఆయన పిలుపునిచ్చారు.

 పాఠశాల స్థాయి నుండి విద్యార్థుల్లో ఆత్మవిశ్వాసాన్ని పెంపొందించి పోటీతత్వం అలవరచాలని ఉపాధ్యాయులకు సూచించారు. పేద ధనిక తేడా లేకుండా ప్రతి విద్యార్థికి నాణ్యమైన విద్య అందించాలన్నదే ప్రభుత్వ లక్ష్యమన్నారు. ప్రభుత్వం విద్యా రంగాన్ని బలోపేతం చేయాలన్న దిశగా విప్లవాత్మక మార్పులు తీసుకువచ్చిందన్నారు. అందులో భాగంగా నాడు నేడు పనులు కింద పాఠశాలలో ఆధునీకరణ, పేద విద్యార్థికి విద్యను అందించే విధంగా అమ్మఒడి పథకం, జగనన్న గోరుముద్ద, విద్యా దీవెన, వసతి దీవెన వంటి పథకాలు ప్రవేశ పెట్టిందన్నారు. పాఠశాలలో చదువుతున్న 9, 10 తరగతి విద్యార్థులకు ఇంటర్వ్యూలను సులువుగా ఎదుర్కొనే విధంగా తీర్చిదిద్దాలని సూచించారు. గతంలో పాఠశాలల్లో విద్యార్థుల సంఖ్య పెంచేందుకు కష్ట తరంగా ఉండేదని, కానీ ప్రస్తుతం అందుకు భిన్నంగా విద్యార్థుల సంఖ్య గణనీయంగా పెరిగిందన్నారు. పాఠశాలల్లో మౌలిక వసతులు ప్రభుత్వ ప్రత్యేక శ్రద్ధ తోనే సాధ్యమైందని అన్నారు. ఉపాధ్యాయులు విద్యార్థులకు సాఫ్టు స్కిల్స్, బృంద చర్చలు అలవరచి ఉన్నతంగా తీర్చిదిద్దేందుకు బాటలు వేయాలని స్పష్టం చేశారు.రాష్ట్ర వ్యాప్తంగా విద్యార్థిని, విద్యార్థులకు ఉచితంగా సుమారు రూ.931 కోట్ల జగనన్న విద్యా కానుక కిట్లు పంపిణీ చేయగా జిల్లాలో విద్యార్థులకు రూ.20 కోట్ల విలువైన కిట్లు పంపిణీ చేస్తున్నట్లు తెలిపారు.  ప్రతీ విద్యార్థికి దాదాపు రూ.2వేలు విలువైన జగనన్న విద్యా కానుక క్రింద పాఠశాల తెరచిన రోజు నుండే ప్రభుత్వం అందజేస్తుందని పేర్కొన్నారు. 

పార్వతీపురం మన్యం జిల్లాలో 1,03,883 మంది విద్యార్థులకు జగనన్న విద్యా కానుక కిట్లను అందించడం జరుగుతుందన్నారు. ఒకటో తరగతి నుండి పదవ తరగతి వరకు చదువుతున్న విద్యార్థులకు ఈ పథకం క్రింద మూడు జతల బట్టలు, నోట్ పుస్తకాలు, పాఠ్య పుస్తకాలు, రెండు జతర సాక్సులు, స్కూల్ బ్యాగ్, బెల్ట్, జత బూట్లు, డిక్షనరీలను పంపిణీ చేయడం జరుగుతుంది. ఇందులో భాగంగా బలిజిపేట మండలంలో ఆరు స్కూల్ కాంప్లెక్స్ ల కింద 56 పాఠశాలల్లోని 4,635 మంది విద్యార్థులకు, భామిని మండలంలో ఐదు స్కూల్ కాంప్లెక్స్ ల క్రింద 66 పాఠశాలలలోని 5,355 మంది విద్యార్థులకు, గుమ్మలక్ష్మీ పురం మండలంలో 9 స్కూల్ కాంప్లెక్స్ ల క్రింద 172 పాఠశాలల్లోని 9,023 మంది విద్యార్థులకు, గరుగుబిల్లి మండలంలో ఐదు స్కూల్ కాంప్లెక్స్ ల కింద 57 పాఠశాలల్లోని 4,612 మంది విద్యార్థులకు, జియ్యమ్మ వలస మండలంలో ఏడు స్కూలు కాంప్లెక్స్ ల కింద 95 పాఠశాలల్లోని 5,284 మంది విద్యార్థులకు, కొమరాడ మండలంలో ఏడు స్కూల్ కాంప్లెక్స్ ల కింద 127 పాఠశాలల్లోని 6,093 మంది విద్యార్థులకు, కురుపాం మండలంలో పది స్కూల్ కాంప్లెక్స్ ల క్రింద 177 పాఠశాలల్లోని 7,835 మంది విద్యార్థులకు, మక్కువ మండలంలో ఆరు స్కూల్ కాంప్లెక్స్ కింద 80 పాఠశాలల్లోని 5,458 మంది విద్యార్థులకు, పాచిపెంట మండలంలో తొమ్మిది స్కూల్ కాంప్లెక్స్ ల క్రింద 121 పాఠశాలల్లోని 7,496 మంది విద్యార్థులకు, పాలకొండ మండలంలో ఏడు స్కూల్ కాంప్లెక్స్ ల క్రింద 60 పాఠశాలల్లోని 5,822 మంది విద్యార్థులకు, పార్వతీపురం మండలంలో 11 స్కూల్ కాంప్లెక్స్ లో కింద 116 పాఠశాలల్లోని 10,493 మంది విద్యార్థులకు,  సాలూరు మండలంలో 12 స్కూల్ కాంప్లెక్స్ ల క్రింద 177 పాఠశాలల్లోని 11,849 మంది విద్యార్థులకు, సీతంపేట మండలంలో 15 స్కూల్ కాంప్లెక్స్ ల క్రింద 163 పాఠశాలల్లోని 10,076 మంది విద్యార్థులకు, సీతానగరం మండలంలో ఆరు స్కూల్ కాంప్లెక్స్ కింద 64 పాఠశాలల్లోని 4,445 మంది విద్యార్థులకు, వీరఘట్టం మండలంలో ఆరు స్కూలు కాంప్లెక్స్ ల క్రింద 62 పాఠశాలల్లోని 5,407 మంది విద్యార్ధులకు వెరసి 121 స్కూల్ కాంప్లెక్స్ కింద 1593 పాఠశాలల్లోని 1,03,883 మంది విద్యార్థులకు జగనన్న విద్యా కానుక కిట్లు అందజేయడం జరిగింది. ఇందులో 52,195 మంది బాలురు, 51,668 మంది బాలికలు ఉన్నారని వివరించారు. 

శాసన సభ్యులు అలజంగి జోగారావు మాట్లాడుతూ జగనన్న విద్యా కానుక చిన్నారులకు వరం అన్నారు. కార్పొరేట్ పాఠశాలల విద్యార్థులకు తీసిపోని విధంగా  చిన్నారులు తరగతులకు హాజరు కావాలని ముఖ్య మంత్రి జగన్ మోహన్ రెడ్డి సంకల్పం అన్నారు. అందుకే ఎనిమిది వస్తువుల కలయికతో కిట్లను పంపిణీ చేస్తున్నామని చెప్పారు. టై, బూట్లు, బ్యాగుతో సహా అందించడం జరుగుతుందని దానితో పిల్లవాని రూపు రేఖలు మారిపోతుందని అన్నారు. బిడ్డలను చూసి తల్లులు మురిసిపోతున్నారని చెప్పారు. పాఠశాలలో చదువుతున్న అశ్వని అనే బాలిక మాట్లాడుతూ జగనన్న కానుక కిట్లు అందుకోవడం ఆనందంగా ఉందన్నారు. కాన్వెంట్లకు వెళ్ళే పిల్లలను చూసి బాధ పడే వారమని అయితే ఇప్పుడు సంతోషంగా జగనన్న ఉంచుతున్నారని చెప్పారు. అమ్మ ఒడి వస్తుందని, చదువు ఎలా అని బెంగ లేదని, విద్యా కానుక తో పుస్తకాలు వచ్చాయని, బూట్లు, టై లేవనే బాధ లేదని పేర్కొన్నారు.

రైతులకు  విత్తనాలు,  ఎరువులు పంపిణీ సక్రమంగా జరిగేటట్లు చూడాలని, అక్రమాలు జరిగినట్లయితే కఠిన చర్యలు తీసుకోవడం జరుగుతుందని జిల్లా కలెక్టరు నిశాంత్ కుమార్  తెలిపారు.  మంగళవారం వీడియా కాన్ఫరెన్స్ హాలునందు  ఎరువుల కంపెనీల ప్రతినిధులు, వ్యవసాయాధికారులతో  జిల్లా కలెక్టరు సమావేశం నిర్వహించారు. ఈ సమావేశంలో ఆయన మాట్లాడుతూ వ్యవసాయ పనులు ప్రారంభమైన ప్రస్తుత తరుణంలో ఎరువులు పంపిణీ చాలా ముఖ్యమని తెలిపారు. ఎరువులు కేటాయింపులకు ప్రణాళిక ఉండాలని, జిల్లా యంత్రాంగం నుండి వచ్చే ఆదేశాల ప్రకారం మాత్రమే కేటాయింపులు, రవాణా చేయాలని ఎరువుల కంపెనీ ప్రతినిధులకు తెలిపారు. డీలర్లకు 50శాతం, మార్క్ ఫెడ్ కు 50 శాతం వంతున సరఫరా చేయాలని తెలిపారు. జాయింటు కలెక్టరు నుండి ఎరువుల కేటాయింపులకు సంబంధించి ఆమోదం తీసుకోవాలని తెలిపారు. ఎరువులు సరఫరాపై సంబంధిత అధికారులకు ముందస్తు సమాచారం అందించాలన్నారు. మండలంలో అవసరాన్ని బట్టి కేటాయింపులు ఉండాలనితెలిపారు. ఎరువులు  అంతర్ జిల్లాల, అంతరాష్ట్ర రవాణా నిషేదమని, డీల్లర్లు రికార్డులు సక్రమంగా నిర్వహించాలని, అమ్మకాలు, నిల్వలకు తేడాలు రాకూడదని హెచ్చరించారు. రికార్డులు సక్రమంగా నిర్వహించని వ్యాపారులపై చర్యలు తీసుకుంటామని తెలిపారు. 

 అనంతరం వ్యవసాయ, అనుబంధ శాఖలైన ఉద్యానశాఖ, పశుసంవర్థక,మత్స్యశాఖ, పట్టుపరిశ్రమ శాఖ మండల అధికారులతో వీడియో కాన్ఫరెన్స్ ద్వారా సమీక్ష నిర్వహిస్తూ విత్తనాలు, ఎరువులు సకాలంలో పంపిణీ జరగాలన్నారు.  విత్తనాలు, ఎరువులు పంపిణీపై ప్రజలనుండి, ప్రజా ప్రతినిధులనుండి పిర్యాదులు రాకూడదన్నారు. గ్రామాలు, రైతు భరోసా కేంద్రం వారీగా డిమాండు, సప్లయిపై నివేదిక తయారుచేసుకొని, దాని ప్రకారం పంపిణీ చేయాలని తెలిపారు. గత సంవత్సరం విత్తనాలు, ఎరువులు కొరత వచ్చిన ప్రాంతాలను గుర్తించి ఆయా ప్రాంతాలకు తగినన్ని నిల్వలు పంపే ఏర్పాట్లు చేయాలన్నారు. రైతులకు అవసరమైనన్ని  కంది, మినుము విత్తనాలు పంపిణీ చేసి వాటి వాడకంపై పర్యవేక్షణ చేయాలని అదికారులకు తెలిపారు. కౌలు రైతులకు రుణ అర్హత  కార్డులు అందజేయాలన్నారు. బ్యాంకు లింకేజీ కాని రైతుల బ్యాంకు అక్కౌంటులు ఆధార్ తో లింక్ చేసి వారికి ప్రభుత్వ పధకాలు అందేలా చర్యలుతీసుకోవాలని తెలిపారు.

ఫోటో ప్రదర్శన శాలను ఏర్పాటు చేసేందుకు  కృషి చేస్తామన్నారు. ఈ సందర్భంగా జరిగిన కార్యక్రమానికి అధ్యక్షత వహించిన జాతీయ అల్లూరి సీతారామరాజు యువజన సంఘం వ్యవస్థాపక అధ్యక్షులు పడాల వీరభద్రరావు మాట్లాడుతూ అల్లూరి 125 జయంతోత్సవం చిరస్మరణంగా ఉండే విధంగా గోదావరిపై ఉన్న పాత రైలు వంతెనకు లేదా అల్లూరి పోరాటానికి ముఖద్వారంగా ఉన్న మధురపూడి విమానాశ్రయానికి గాని అల్లూరి పేరు పెట్టాలని ఆయన కోరారు. రాజమహేంద్రవరంకు అల్లూరి చరిత్ర ముడిపడి ఉందని అందువల్ల అల్లూరి సీతారామరాజు విజ్ఞాన కేంద్రాన్ని రాజమహేంద్రవరంలో ఏర్పాటు చేయాలని జాతీయ అల్లూరి సీతారామరాజు యువజన సంఘం నిర్ణయించిందని ఆ విజ్ఞాన కేంద్రంలో అల్లూరి సీతారామరాజు చరిత్రకు సంబంధించిన అపురూపమైన తైలవర్ణ చిత్రాలు, సాహిత్యం ఏర్పాటు చేయడం జరుగుతుందని, అందుకు 1000 గజాల స్థలాన్ని కేటాయించాలని ఆయన కలెక్టర్ ని కోరగా ఆమె సానుకూలంగా స్పందించారు. ఈ సందర్భంగా విభూది  బ్రదర్స్ ప్రదర్శించిన అల్లూరి సీతారామరాజు బుర్రకథ, అల్లూరి  వేషధారణ సభికులను ఆకట్టుకుంది. ఈ కార్యక్రమంలో నగర పాలక సంస్థ కమిషనర్ కే. దినేష్ కుమార్, మాజీ ఎమ్మెల్యే రౌతు సూర్యప్రకాశరావు, రుడా చైర్ పర్సన్ షర్మిలా రెడ్డి, రాజమండ్రి రూరల్ కోఆర్డినేటర్ చందన నాగేశ్వరరావు, టీకే విశ్వేశ్వరరెడ్డి, జాతీయ అల్లూరి సీతారామరాజు   యువజన సంఘం కార్యదర్శి చీకట్ల శివన్నారాయణ, కార్యవర్గ సభ్యులు, యర్ర ఉమామహేశ్వరరావు, ఎస్ఎస్ రాఘవేంద్ర, శ్యామల, పార్వతి,

 యర్ర కృష్ణ కుమార్, అల్లూరి చరిత్ర పరిశోధకులు పి.బాలభాను( ఈఎన్ఎస్ బాలు) తదితరులు పాల్గొన్నారు.

మానవాళి మేలు కొరకు ప్రజాపిత  బ్రహ్మకుమారి ఈశ్వరీయ విశ్వవిద్యాలయం ఆధ్వర్యంలో నిర్వహిస్తున్న 700 కోట్ల ప్రజలకు మేలుచేసే  ప్రేరణ ప్రాజెక్టుకు ప్రపంచవ్యాప్తంగా మంచి ఆదరణ లభిస్తుందని ఆల్‌ ఇండియా కౌన్సిల్ ఫర్ టెక్నికల్ ఎడ్యుకేషన్ అప్పిలేట్ అథారిటీ (ఏఐసిటిఈ)చైర్మన్ ఆచార్య జిఎస్ఎన్ రాజు పేర్కొన్నారు. సోమవారం వి.జె.ఎఫ్. ప్రెస్ క్లబ్ లో నిర్వహించిన కార్యక్రమంలో ఈ ప్రాజెక్టుకు సంబంధించిన బ్రోచర్లను రిలీజ్ చేశారు.ఈ సందర్భంగా ఆయన మాట్లాడుతూ ప్రజలందరికీ మేలు జరగాలన్నదే ఈ ప్రాజె క్టు ప్రధాన లక్ష్యమన్నారు. ఇందు కోసం 700కోట్ల మంది ప్రజలు ఒక్కోక్క పని చేస్తే అందరికీ సంతోషం కలుగుతుందన్నారు. అది సేవలు, సహయం, ఇలా ఏ రూపంలోనైనా సాటివారికి మేలు చేసేదిగా ఉండాలన్నారు.  ప్రాజెక్టు నిర్వాహకులు రామ్ సింఘాల్ ఆధ్వర్యంలో ఈ కార్యక్రమాన్ని యూఎస్ లో ప్రారంభించారని తెలిపారు. ఇప్పటికి

40 దేశాల్లో 30 వేల కార్యక్రమాలు నిర్వహించారని చెప్పారు. ముఖ్యంగా విద్యా సంస్థలలో విద్యార్థులను కలిసి ఈ ప్రాజెక్టు ద్వారా వారిలో మార్పు తీసుకొచ్చేందుకు చేస్తున్న కృషి అభినందనీయమని వెల్లడించారు. అప్పన్న ధర్మకర్తల మండలి సభ్యులు ,జాతీయ జర్నలిస్టుల సంఘం కార్యదర్శి, వైజాగ్ జర్నలిస్ట్ లు ఫోరమ్ అధ్యక్షుడు గంట్ల శ్రీనుబాబు మాట్లాడుతూ యూఎస్ లో ఒక చిన్న కార్యక్రమంగా ప్రారంభమైన ఈ ప్రాజెక్టు నేడు 40 దేశాలకు విస్తరించడం జరిగిందన్నారు.ఏడు వందల కోట్ల సత్కర్మలకు ప్రేరణ ప్రాజెక్టు నిర్వహణ ద్వారా ప్రజాపిత బ్రహ్మకుమారి విశ్వవిద్యాలయం ఒక అద్భుతమైన ముందడుగు వేసిందని పేర్కొన్నారు.

 ప్రజలకు ఆనంతమైన ఆత్మీయ సంతోషం కలుగుతుందనే ఆలోచనతో చేపడుతున్న ఈ ప్రాజెక్టుకు మంచి ఆదరణ లభిస్తుందన్నారు

ప్రాజెక్టు నిర్వాహకులు రామ్ సింఘాల్, సోదరి శివలీల మాట్లాడుతూ ఎంతో అద్భుతమైన కార్యక్రమాలను ఈ ప్రాజెక్టు ద్వారా నిర్వహించే ఒక మంచి అవకాశం రావడం తమకు చాలా సంతోషంగా ఉందన్నారు. తెలుగు రాష్ట్రాలలో కూడా ఈ ప్రాజెక్టును దిగ్విజయంగా నిర్వహించేందుకు ప్రయత్నాలు చేస్తున్నామని అన్నారు. ప్రపంచ శాంతికి అలాగే ప్రజలకు మంచి జరగాలనే ఉద్దేశించిన  ఈ కార్యక్రమం చేపడుతున్నట్లు వెల్లడించారు. కార్యక్రమంలో ప్రజాపిత బ్రహ్మకుమారి ఈశ్వరియ విశ్వవిద్యాలయం ప్రతినిధులు బికె రామేశ్వరి,  సోదరి సత్యవతి, శశికళ, లలిత తదితరులు మాట్లాడుతూ ప్రపంచ వ్యాప్తంగా ఈ ప్రాజెక్టుకు విశేష ప్రచారం కల్పించాలన్నదే బ్రహ్మకుమారీస్‌ లక్ష్యమన్నారు. ఈ సందర్భంగా ఆచార్య రాజును ఘనంగా సత్కరించారు. 

విజయనగరంలో ప్రభుత్వ వైద్య కళాశాల ఏర్పాటు కోసం జరుగుతున్న ఏర్పాట్లను పరిశీలించే నిమిత్తం చేస్తున్న ఏర్పాట్లపై వైద్య విద్య శాఖ డైరెక్టర్ డా.రాఘవేంద్ర రావు జిల్లాలో శుక్రవారం పర్యటించారు. నగరంలోని మహారాజ జిల్లా కేంద్ర ఆసుపత్రికి చేరుకొని అక్కడ ఆసుపత్రిలో ప్రధమ సంవత్సరం వైద్య విద్యార్ధుల కోసం చేస్తున్న ఏర్పాట్లపై ఆసుపత్రి వైద్యులు, సూపరింటెండెంట్ డా.సీతారామ రాజు లతో మాట్లాడారు. వచ్చే ఏడాది 2023-24 నుంచి ఇక్కడ ఏర్పాటు చేస్తున్న ప్రభుత్వ వైద్య కళాశాలలో  ప్రధమ సంవత్సరం తరగతులు ప్రారంభిస్తున్నందున ఆ విద్యార్ధులకు అవసరమైన సౌకర్యాలపై దృష్టి సారించామని వైద్య విద్య డైరెక్టర్ చెప్పారు. ఆ మేరకు వసతులు జిల్లా ఆసుపత్రిలో ఏర్పాటు చేస్తున్నట్టు వైద్య మౌలిక సదుపాయాల సంస్థ కార్యనిర్వాహక ఇంజనీర్ సత్య ప్రభాకర్ వివరించారు. ప్రభుత్వం సూచించిన మేరకు నిబంధనలకు అనుగుణంగా అవసరమైన అన్ని వసతులు కల్పిస్తున్నామని తెలిపారు. అనాటమీ, ఫిజియాలజి, బయో కెమిస్ట్రీ తదితర సబ్జెక్టు లకు సంబంధించి సౌకర్యాలు అవసరమని డైరెక్టర్ పేర్కొన్నారు. ఆసుపత్రిలో అందుబాటులో వున్న సౌకర్యాలు, అదనంగా కల్పించే వసతులపై మ్యాప్ ద్వారా డైరెక్టర్ కు వివరించారు. అనంతరం ఆసుపత్రిలోని పలు వార్డ్ లను డైరెక్టర్ సందర్శించారు.

గాజుల రేగ ప్రాంతంలో నూతన వైద్య కళాశాల భవనాల నిర్మాణాన్ని కుడా వైద్య విద్య డైరెక్టర్ పరిశీలించారు. జోరుగా కురుస్తున్న వర్షంలోనే నిర్మాణ ప్రాంతాన్ని సందర్శించి పనులని పరిశీలించారు. పనులపై వైద్య మౌలిక సదుపాయాల సంస్థ కార్యనిర్వాహక ఇంజనీర్ సత్య ప్రభాకర్ వివరించగా సంతృప్తి వ్యక్తం చేసారు. రాష్ట్రంలో నిర్మాణంలో వున్న కొత్త వైద్య కళాశాలలన్నింటిలో ఇక్కడే పనులు వేగవంతంగా జరుగుతున్నాయని పేర్కొంటూ ఇదే సరళిని కొనసాగిస్తూ పనులు మరింత వేగవంతం చేయాలని ఇ.ఇ. సత్య ప్రభాకర్ కు సూచించారు.

ఈ సమావేశంలో జిల్లా రెవెన్యూ అధికారి ఎం. రాజేశ్వరి, సిపిఓ లక్ష్మీ ప్రసన్న, డ్వామా పీడీ రోజారాణి, వ్యవసాయ శాఖ జెడి శ్రీధర్, పట్టు పరిశ్రమ శాఖ ఎడి అలజంగి విక్టర్ సాల్మన్ రాజు, పరిశ్రమల శాఖ డిడి ఉమామహేశ్వరరావు, వైద్య ఆరోగ్య శాఖ నుండి డాక్టర్ కృష్ణ మోహన్, ఉద్యానవన శాఖ ఎడి ప్రసాదరావు,  కార్మిక శాఖ నుండి శైలేష్ కుమార్, తదితరులు పాల్గొన్నారు.