శ్రీకాకుళం జిల్లాలో రణస్థలం మండలం పైడిభీమవరం సమీపంలో డీశాలినేషన్ ప్లాంటును ఏర్పాటు చేయాలని రాష్ట్ర ప్రభుత్వం ప్రతిపాదించిందని, ఇందుకు అవసరమైన అనుమతులు కావాలని జిల్లా కలెక్టరు శ్రీకేశ్ లాఠకర్ ను ఎల్ అండ్ టి అధికారులు కోరారు. డీశాలినేషన్ ప్లాంటు నిర్మాణంపై సోమవారం కలెక్టర్ క్యాంపు కార్యాలయంలో జిల్లా కలెక్టరును ఎల్ అండ్ టి అధికారులు కలిసారు. పబ్లిక్ ప్రైవేట్ పార్టనర్ షిప్ (పిపిపి) విధానంలో ప్లాంటును స్థాపించాలని రాష్ట్ర ప్రభుత్వం ప్రతిపాదించినట్లు చెప్పారు. ఈ ప్లాంటు నిర్మాణానికి సుమారు 40 ఎకరాల స్థలం అవసరముంటుందని, ఇందుకు అవసరమైన స్థలాన్ని ప్రభుత్వం మంజూరుచేయాలని కోరారు. అలాగే అటవీశాఖ, మత్స్య శాఖ, సంబంధిత తహశీల్దార్లు సహకారం కావాలని అధికారులు కలెక్టరును కోరగా సంబంధిత అధికారులకు ఆదేశాలు జారీచేస్తామని హామీ ఇచ్చారు.  ఈ సమావేశంలో ఎల్ అండ్ టి బిజినెస్ హెడ్ శ్రీధర్, ఏపిఐఐసి చీఫ్ ఇంజనీర్ నాగేశ్వర రావు, డాక్టర్ సుబ్రమణ్యం తదితరులు పాల్గొన్నారు.

గుంటూరు జిల్లాలో రెవెన్యూ, హౌసింగ్, అభివృద్ది సంక్షేమ పధకాల అమలుకు  అధికారు లు  సమన్వయంతో పనిచేసి లక్ష్యాలను అధిగమించాలని  జిల్లా కలెక్టర్ ఎం. వేణుగోపాల్ రెడ్డి  పేర్కొన్నారు.  సోమవారం సాయంత్రం కలక్టరేట్ లోని  వీడియో కాన్ఫరెన్స్ హాల్ నుండి జిల్లాలోని డిప్యూటీ కలెక్టర్లు, ఆయా శాఖల ప్రాజెక్టు డైరెక్టర్లు, ఆర్డిఓ లు, మున్సిపల్ కమిషనర్లు, తహశీల్దార్లు, యంపీడీఓ లు, హౌసింగ్ తదితర శాఖల అధికారులతో జిల్లా కలెక్టర్ ఎం.వేణుగోపాల రెడ్డి అభివృద్ది సంక్షేమ పధకాల అమలుపై సమీక్ష నిర్వహించారు.  ఈ సందర్భంగా జిల్లా కలెక్టర్ మాట్లాడుతూ ఇక నుండి ప్రతి సోమవారం స్పందన గ్రీవెన్స్ కార్యక్రమాలకు ప్రత్యక్షంగా జిల్లా అధికారులు, వీడియో కాన్ఫరెన్స్ ద్వారా మండల అధికారులు తప్పనిసరిగా హాజరు కావాలన్నారు. ప్రభుత్వం నిర్ధేశించిన అభివృద్ది సంక్షేమ పధకాల లక్ష్యాలకు దూరంగా వున్న అధికారులతో చర్చించారు. లక్ష్యాన్ని నిర్ధేశించుకున్న తరువాత అధికారులంతా సమన్వయంతో పనులను పూర్తి చేయించాలన్నారు.   వైయస్.ఆర్. జగనన్న పేదలందరికీ ఇళ్ళు, గృహ నిర్మాణాలకు సంబంధించిన డ్వాక్రా రుణాలు, జనగన్న తోడు, ఓటియస్ రిజిస్ట్రేషన్, గ్రామ సచివాలయాల పనితీరు మెరుగుపరచడం, రెవెన్యూ అంశాలకు సంబంధించి 22 ఎ లిస్ట్ లో వున్న సమస్యల పరిష్కారం, వైద్య ఆరోగ్యం, మహిళా శిశు సంక్షేమం, అంగన్ వాడీ కార్యక్రమాలు, వైయస్.ఆర్. సంపూర్ణ పోషకాహార పధకం, వైయస్.ఆర్. సంపూర్ణ పోషకాహారం ప్లస్ పధకం,  టిడ్కో గృహాలు, రిజిస్ట్రేషన్లు అంశాలు, ఆన్ లైన్ లో వచ్చిన ఫిర్యాదులను పరిష్కరించడంలో ఎదురవుతున్న ఇబ్బందులు, వైయస్.ఆర్. జలకళ, క్లాప్, మరుగుదొడ్లు, ఇతర ప్రభుత్వ కార్యాలయాల నిర్మాణ కార్యక్రమాలు పూర్తి స్థాయిలో అమలు చేయాలని ఆదేశాలు ఇచ్చారు. ప్రభుత్వం నిర్ధేశించిన పధకాలలో ఏ ఒక్కదానిని కూడా విస్మరించకుండా పూర్తి స్థాయిలో అమలు చేసేలా చూడాలని జిల్లా అధికారులను ఆదేశించారు. మండలాల వారీగా అధికారులతో జిల్లా కలెక్టర్ మాట్లాడుతూ వచ్చే సోమవారం నాటికి పూర్తి స్థాయి నివేదికలతో సమావేశంలో పాల్గొనాలని ఆదేశించారు.  ఇక నుంచి జిల్లా అధికారులతో పాటు, డివిజన్, మండల, గ్రామ స్థాయి అధికారులు వారికి నిర్దేశించిన  ప్రాంతాలలో క్షేత్ర స్థాయిలో పర్యటించి పరిస్థితులను అవగాహన చేసుకొని సంక్షేమ పధకాలను సమస్యలు లేకుండా ప్రజలకు అందేలా చర్యలు తీసుకోవాలన్నారు.  ప్రతి ఒక్క పధకం అమలులో తహశీల్దార్, యంపీడీఓ లతో పాటు సంబంధిత శాఖల మండల అధికారులు భాగస్వామ్యులై లక్ష్యాలను పూర్తి చేసేందుకు చర్యలు తీసుకోవాలని ఆదేశించారు.  సమీక్షా సమావేశంలో సంయుక్త కలెక్టర్ జి. రాజ కుమారి, డిప్యూటీ కలెక్టర్ లలితా, హౌసింగ్ పీడీ సాయి నాథ్, జెడ్పీ సిఈఓ డా. శ్రీనివాస రెడ్డి, డి యం అండ్ హెచ్ ఓ డా. జే. యాస్మిన్,  మహిళా శిశు సంక్షేమ శాఖ పీడీ మనోరంజని, పంచాయితీ రాజ్ ఎస్ ఈ బ్రహ్మయ్య, మెప్మా పీడీ సత్యనారాయణ, లీడ్ బ్యాంక్ మేనేజర్ రాంబాబు, సీపీఓ శేషశ్రీ, ఈడియం రత్నం,  రాష్ట్రీయ బాల స్వస్థ జిల్లా  కో ఆర్డినేటర్ డా. జి. మాధవి, కలక్టరేట్ ఏఓ తాతా మోహన్ రావు, జి సెక్షన్ సూపరింటెండెంట్ లీలా సజీవ కుమారి తదితరులు పాల్గొన్నారు. 

కక్షిదారులకు సమన్యాయం చేసే విధంగా క్రుషి చేస్తానని, ప్రభుత్వ సేవలు అందించడా నికి పూర్తిస్థాయిలో క్రుషిచేస్తానని  రాజమహేంద్రవరం జిల్లా కోర్ట్ లో జిల్లా ప్రధాన న్యాయ మూర్తి  పి.వెంకట జ్యోతిర్మ యి పేర్కొన్నారు.  సోమవారం జిల్లాలో నూతనంగా బాధ్యతలు స్వీకరించిన అనంతరం ఆమె మీడియాతో మాట్లాడారు.  ప్రకాశం జిల్లా ఒంగోలు లో జిల్లా ప్రధాన న్యా య మూర్తి గా విధులు నిర్వర్తిం చి, బదిలీ పైరాజమహేంద్రవరం జిల్లా కోర్ట్ కి వచ్చినట్టు పేర్కొన్నారు. పాత తూర్పు గోదావరి జిల్లా పరిధిలో ప్రస్తుతం ఉన్న 3 జిల్లాల కోర్టులు తన పరిధిలో కి వస్తాయన్నారు. అనంతరం కోర్ట్ ప్రాంగణంలో చలివేంద్రాన్ని ప్రారంభించారు. ఈ సందర్భంగా సిబ్బంది జడ్జిని మర్యాద పూర్వకంగా కలిసి విభాగాల వారీగా పరిచయాలు సచేకుని శుభాకాంక్షలు తెలియజేశారు. ఈ కార్యక్రమంలో జిల్లా కోర్టు కార్యాలయ సిబ్బంది, పలువురు న్యాయవాదులు, ప్రభుత్వ న్యాయవాదులు తదితరులు పాల్గొన్నారు.

కోవిడ్ వ్యాప్తి తగ్గడం, వేసవి సెలవులు మొదలుకావడంతో తిరుమలలో భక్తుల రద్దీ పెరు గుతోందని, ఇందుకు అనుగుణంగా అన్ని సౌకర్యాలు కల్పిస్తున్నామని, భక్తులు ఎలాంటి సంకోచం లేకుండా శ్రీ‌వారి దర్శనానికి రావచ్చని టిటిడి అదనపు ఈఓ  ఎవి.ధర్మారెడ్డి తెలిపారు. తిరుమల అన్నమయ్య భవనంలో సోమవారం మీడియా సమావేశం నిర్వహిం చారు. ఈ సందర్భంగా అదనపు ఈఓ మాట్లాడుతూ శ్రీవారి సర్వదర్శనం కోసం 7 నుంచి 8 గంటల సమయం పడుతోందని, కంపార్ట్‌మెంట్లు, క్యూలైన్లు, షెడ్ల‌లో వేచి ఉండే భక్తులకు నిరంత‌రాయంగా పాలు, అల్పాహారం, అన్నప్రసాదాలు అందిస్తున్నామని తెలిపారు. కోవిడ్ సమయంలో వివిధ విభాగాల్లో సిబ్బందిని కుదించి ఇతర విభాగాలకు పంపామని, ప్రస్తుతం సిబ్బందిని తిరిగి ఆయా విభాగాలకు రప్పించి భక్తులకు సేవలు  అందిస్తున్నామని చెప్పారు. ఉన్నతాధికారుల ఆదేశాల మేరకు ఆయా విభాగాల అధికారులు క్షేత్రస్థాయిలో ఎప్పటికప్పుడు భక్తుల సౌకర్యాలను పర్యవేక్షిస్తున్నారన్నారు. సామాన్య భక్తుల సౌకర్యాన్ని దృష్టిలో ఉంచుకుని గత వారంలో నాలుగు రోజుల పాటు విఐపి బ్రేక్ దర్శనాలు పూర్తిగా రద్దు చేశామన్నారు. సోమవారం నుండి బ్రేక్ దర్శనాలు తిరిగి ప్రారంభించామన్నారు. శ్రీవారి ఆలయంలో క్యూలైన్ క్రమబద్ధీకరిస్తూ తోపులాట లేకుండా స్వామివారి దర్శనం కల్పిస్తున్నట్టు చెప్పారు.

         మాతృశ్రీ తరిగొండ వెంగమాంబ అన్నప్రసాద కేంద్రంతోపాటు క్యూలైన్లు, ఫుడ్ కౌంటర్లలో భక్తులకు అన్నప్రసాద వితరణ జరుగుతోందన్నారు. రాంభగీచా బస్టాండు, సిఆర్వో, ఏఎన్సి తదితర ప్రాంతాల్లో ఫుడ్ కౌంటర్ల ఏర్పాటుతో భక్తులు అన్నప్రసాద కేంద్రానికి రావాల్సిన అవసరం లేకుండా ఆయా ప్రాంతాల్లోనే అన్నప్రసాదాలు స్వీకరిస్తున్నారని తెలిపారు. పిఎసి-2, వైకుంఠం క్యూ కాంప్లెక్స్-2 క్యాంటీన్లో అన్నప్రసాదాల తయారీకి, వడ్డించేందుకు కలిపి 185 మంది అదనపు సిబ్బందిని ఏర్పాటు చేసుకున్నామన్నారు. భక్తులు సంచరించే అన్ని ముఖ్యమైన ప్రాంతాల్లో ఆర్వో సురక్షిత తాగునీరు అందుబాటులో ఉంచామన్నారు. ఆరోగ్య విభాగం ఆధ్వర్యంలో వైకుంఠం క్యూ కాంప్లెక్స్ లో కంపార్ట్ మెంట్లు ఖాళీ అయిన వెంటనే ఎప్పటికప్పుడు పరిశుభ్రం చేసి సిద్ధంగా ఉంచుతున్నారని తెలిపారు. భక్తులు తిరిగే అన్ని ప్రాంతాల్లో పారిశుద్ధ్య నిర్వహణ కోసం మెరుగైన ఏర్పాట్లు చేపడుతున్నామన్నారు.   విజిలెన్స్ విభాగం ఆధ్వర్యంలో క్యూలైన్ల క్రమబద్దీకరణతో పాటు భక్తుల లగేజీని కౌంటర్ల ద్వారా ఎప్పటికప్పుడు క్లియర్ చేస్తున్నారని వివరించారు. ఇందుకోసం దాదాపు 100 మంది అదనపు సిబ్బందిని ఏర్పాటు చేసుకున్నారని చెప్పారు. ప్రధాన కల్యాణకట్టతో పాటు మినీ కల్యాణకట్టల్లో క్షురకులు 24 గంటల పాటు భక్తులకు సేవలు అందిస్తున్నారని తెలియజేశారు. కోవిడ్ సమయంలో 400 మంది క్షురకులు సేవలు అందిస్తుండగా, ప్రస్తుతం 1200 మంది సిబ్బంది భక్తులకు తలనీలాలు తీస్తున్నారని తెలిపారు. కల్యాణకట్టలో శుభ్రం చేసేందుకు 40 మంది అదనపు సిబ్బందిని సమకూర్చుకున్నామని తెలిపారు. రిసెప్షన్ విభాగంలో గదులు ఖాళీ అయిన 20 నిమిషాల్లో శుభ్రం చేసి భక్తులకు కేటాయిస్తున్నారని చెప్పారు.

         ఏప్రిల్ 11 నుండి 17వ తేదీ వ‌ర‌కు తిరుమ‌ల‌లో భ‌క్తుల‌కు అందించిన వివిధ సేవ‌ల వివ‌రాల‌ను ధ‌ర్మారెడ్డి వివ‌రించారు.

- శ్రీ‌వారిని ద‌ర్శించుకున్న భ‌క్తుల సంఖ్య - 5,29,926

- ల‌డ్డూ ప్ర‌సాదం - 24,36,744

- వ‌డ‌లు - 25,921

- త‌ల‌నీలాలు స‌మ‌ర్పించిన భ‌క్తుల సంఖ్య - 2,39,287

- అన్న‌ప్రసాదాలు స్వీక‌రించిన భ‌క్తుల సంఖ్య - 10,55,572

- అశ్వ‌ని ఆసుప‌త్రిలో వైద్యసేవ‌లు పొందిన భ‌క్తుల సంఖ్య - 10,768

- భ‌క్తులకు కేటాయించిన గ‌దులు - 30,650

- భ‌క్తులకు కేటాయించిన లాక‌ర్లు - 20,541

- ల‌గేజి కౌంట‌ర్ల ద్వారా డిపాజిట్ చేసుకున్న సెల్‌ఫోన్లు, ల‌గేజి బ్యాగులు - 5,72,756

- తిరుప‌తి - తిరుమ‌ల మ‌ధ్య ప్ర‌యాణించిన వాహ‌నాలు - 46,419

- శ్రీ‌వారి సేవ‌కులు తిరుమలలో - 1700 , తిరుపతిలో - 300, పరకామణి సేవ - 200.

           మీడియా స‌మావేశంలో ఎస్ఇ-2  జ‌గ‌దీశ్వ‌ర్‌రెడ్డి, డెప్యూటీ ఈవోలు  హ‌రీంద్ర‌నాథ్‌,  సెల్వం, భాస్క‌ర్‌, విజివో  బాలిరెడ్డి, పేష్కార్  శ్రీ‌హ‌రి పాల్గొన్నారు.

ఏజెన్సీకి కొత్తగా ఆరు పెట్రోలు బంకులు మంజూరు చేసామని ఐటిడి ఏ పి ఓ రోణంకి గోపాల క్రిష్ణ స్పష్టం చేసారు. ఐటిడిఏ వీడియో కాన్ఫరెన్స్ హాలులో పెట్రోలు బంకులు ఏర్పాటుపై రెవెన్యూ ,పోలీస్, గిరిజన సంక్షేమ,రహదారులు భవనాల శాఖల ఇంజనీరింగ్ అధికారులు, వైద్యా ఆరోగ్యశాఖ, అగ్నిమాపకశాఖ, హెచ్‌పిసిఎల్ అధికారులతో సోమవారం సమావేశం నిర్వహించారు. ఈ సందర్భంగా ఆయన మాట్లాడుతూ పెట్రోల్ బంకులు నిర్మాణాలకు అవసరమైన అన్ని అనుమతులు త్వరితగతిన మంజూరు చేయాలని అధికారులకు సూచించారు. అనంతగిరి మండల కేంద్రంలోను,అరకువ్యాలీ మండలం పానిరంగిని, కొయ్యూరు మండలం నడింపాలెం, పాడేరు మండలం తలారిసింగి, ముంచంగిపుట్టు మండలం లుంగాపుట్టు, చింతపల్లి మండలం తాజంగి గ్రామంలో పెట్రోలు బంకులు నిర్మిస్తామన్నారు. ఈనెల 23 వతేదీలోగా నోఅబ్జెక్షన్ సర్టిఫికేట్లు జారీ చేయాలని రెవెన్యూ,ఫైర్,పోలీస్, వైద్య ఆరోగ్యశాఖ,రహదారులు భవనాలశాఖ అధికారులకు సూచించారు. పెట్రోల్ బంకుల నిర్మాణానికి అవసరమైన అన్ని ప్రక్రియలు పూర్తి చేసి జూన్ మొదటి వారంలో నిర్మాణపు పనులు ప్రారంభించాలని చెప్పారు. ఈ సమావేశంలో సబ్ కలెక్టర్ వి. అభిషేక్, ఎ ఎస్‌పి జగదీష్, ఎపి ఓ జనరల్ వి. ఎస్.ప్రభాకరరావు, గిరిజన సంక్షేమ శాఖ ఇ ఇ లు డివి ఆర్ ఎం రాజు, కె. వేణుగోపాల్, ఆర్ అండ్ బి ఇ ఇ బాల సుందరరావు, హెచ్‌పిసిల్ అధికారులు,తాహశీల్దారులు,అగ్నిమాపకశాఖ తదితరులు పాల్గొన్నారు.