తూర్పుగోదావరి  జిల్లాలో నాడు - నేడు పనులతో పాటు 84 అదనపు తరగతి గదులు నిర్మాణంతో కలిపి , మొత్తం 49 పాఠశాలల్లో  133 పనులను సుమారు రూ.100 కోట్లతో చేపట్టడం జరుగుతోందని జిల్లా కలెక్టర్ డా.కె. మాధవీలత తెలిపారు. శుక్రవారం సాయంత్రం విద్యా శాఖ పై స్థానిక సబ్ కలెక్టర్ కార్యాలయ వీడియో కాన్ఫరెన్స్ హాల్ లో కలెక్టర్ సమీక్ష నిర్వహించారు. ఈ సందర్భంగా కలెక్టర్ డా. మాధవీలత మాట్లాడుతూ జిల్లాలో  నాడు నేడు ద్వారా రెండవ ఫేజ్ లో చేపట్టవలసిన పనులకు సంబంధించి మండలవారి అధికారులతో సమీక్షించి పలు సూచనలు అందించారు. చేపట్టే పనుల్లో నాణ్యత కి అత్యంత ప్రాధాన్యత ఇవ్వాలన్నారు. జిల్లాలో నాడు నేడు రెండవ ఫేజ్ లో 49 పాఠశాలలను ఆధునీకరణ త్వరితగతిన చేపట్టాలన్నారు. అదేవిధంగా 84 అదనపు తరగతి గదులను పూర్తి చేయాలని ఇంజినీరింగ్ అధికారులను ఆదేశించారు. తరచు పాఠశాలలను ఆకస్మిక తనిఖీలు నిర్వహిస్తామన్నారు. విద్యార్థులకు అందుబాటులో ఉండే  త్రాగు నీరు, టాయిలెట్స్ అపరిశుభ్రంగా వున్నట్లు అయితే సంబంధించిన వారిపై చర్యలు తీసుకుంటామన్నారు.  రాష్ట్ర ముఖ్యమంత్రి త్వరలో జిల్లాలో రచ్చబండ కార్యక్రమానికి రానున్నారని సూచన ప్రాయంగా తెలిపారు. ముఖ్యమంత్రి పర్యటన తేదీలోగా ప్రతి అధికారి వారికి కేటాయించిన , నిర్దేశించిన లక్ష్యాలను పూర్తి చేయాలన్నారు.

అంతకుముందు విద్యా శాఖ ముఖ్య కార్యదర్శి బి.రాజశేఖర్ వీడియో కాన్ఫరెన్స్ ద్వారా రెండో దశ నాడు నేడు అభివృద్ధి పనులు అంతర్జాతీయ స్థాయి ప్రమాణాలు తలపించేలా ఉండాలన్నారు. నూతనంగా భాద్యతలు చేపట్టిన కలెక్టర్ లను అభినందిస్తూ, ఇంజినీరింగ్ అధికారులు పనులను నిబద్ధతతో చేపట్టాల్సి ఉందన్నారు. రెండో దశలో అదనపు తరగతి గదుల నిర్మాణం, ఇతర కపోనెంట్స్  కలిసి ఉన్నందున పనులు పూర్తి చేసేందుకు చర్యలు తీసుకోవాలని ఆదేశించారు. జిల్లా కలెక్టర్ లు పాఠశాలలు తనిఖీ చేసి, విద్యార్థుల హాజరు శాతాన్ని పరిశీలించాలన్నారు. ఈ సమావేశానికి డీఈఓ  ఎస్. అబ్రహం, ఎమ్ ఈ ఓ లు,  పంచాయతీరాజ్, ఆర్డబ్ల్యూఎస్, ఏ పి డబ్ల్యు ఐ డి సి, పబ్లిక్ హెల్త్ ఇంజనీరింగ్ అధికారులు తదితరులు హాజరయ్యారు.

పదవతరగతి  పరీక్షలను  ఎటువంటి సమస్యలు తలెత్తకుండా నిర్వహించాలని విశాఖజిల్లా జాయింట్ కలెక్టర్ కె.ఎస్.విశ్వనాధన్ అధికారులను ఆదేశించారు.  శుక్రవారం ఉదయం వారు పదవతరగతి పరీక్షల నిర్వహణపై కలెక్టరేట్ సమావేశమందిరంలో   సమన్వయ కమిటి సమావేశం నిర్వహించారు. ఈ సందర్భంగా జాయింట్ కలెక్టర్ మాట్లాడుతూ ఈ పరీక్షలను  జిల్లాలోని 318 పాఠశాలలను పరీక్షా కేంద్రాలగా ఎంపిక చేయడం జరిగిందని,  ఇందులో 155 పాఠశాలలను విశాఖ జిల్లాలలోను,  122 పాఠశాలలను అనకాపల్లి జిల్లాలోను , 41 పాఠశాలలను  అల్లూరి సీతారామరాజు జిల్లాలోను  ఎంపిక చేయడం జరిగిందని  వీటిలో  మొత్తం 58,256 మంది విద్యార్ధులు పరీక్షలకు హాజరగుతారని తెలిపారు.  318 పరీక్షా కేంద్రాలలో 10 సమష్యాత్మక కేంద్రాలుగా గుర్తించి వాటిలో  సి.సి కెమెరాలు ఏర్పాటు చేయుటకు  అధికారులను సూచించినారు.  జిల్లా అధికారులందరూ  సమన్వయంతో పని చేసి, పరీక్షలు ప్రశాంత వాతావరణంలో జరిగేటట్లు చూడాలన్నారు. 10వ తరగతి పరీక్షలు  తేది 27-4-2022 నుండి 9-4-2022 వరకు జరుగుతాయన్నారు.  

పరీక్షా కేంద్రాలలో త్రాగునీరు, నిరంతర విద్యుత్తు ఉండేటట్లు చూడాలని ఆదేశించారు.  పరీక్ష సమయం ఉదయం 9.30 నుండి మధ్యాహ్నం 12.15 నిల వరకు  ఆయా ప్రాంతాలలో 144 వ సెక్షన్ అమలులో ఉంటుందని మరియు  పరీక్షా కేంద్రాలలో  అనుమతి లేనిదే ప్రవేశించరాదని, అతిక్రమించిన వారికి చట్ట పరమైన చర్యలు తీసుకోబడునని తెలియజేసారు. ఏ ఒక్క విద్యార్ధి కూడా నేలపై పరీక్షలు వ్రాయరాదని అధికారులను ఆదేశించారు.  ఇదే విదంగా ఏప్రిల్ నెలలో జరగబోయే  సార్వత్రిక పది మరియు ఇంటర్ పరీక్షలను సజావుగా  నడిపించాలని  ఆదేశించారు.  ఈ కార్యక్రమంలో జిల్లా రెవెన్యూ అధికారి శ్రీనివాసమూర్తి, జిల్లా పరిషత్ ముఖ్య కార్యనిర్వాహణ అధికారి విజయకుమార్, మూడు జిల్లాల విద్యాశాఖాదికారులు, ఉప విద్యాశాఖాదికారులు, ప్రభుత్వ పరీక్షల సహయ కమిషనర్, విద్యుత్తు, వైద్య ఆరోగ్య, రవాణా, తపాలా , పోలీసు తదితర అధికారులు పాల్గొన్నారు. 

రాజమహేంద్రవరం నగర పాలక సంస్థ  కమిషనర్ కె. దినేష్ కుమార్ శుక్రవారం భాద్యతలు స్వీకరించిన అనంతరం జిల్లా కలెక్టర్ డా.మాధవీలత ను మర్యాద పూర్వకంగా కలిసి పుష్పగుచ్ఛం అందచేశారు. ఈ సందర్భంగా అభినందనలు తెలియజేసిన కలెక్టర్ డా.మాధవీలత, జిల్లా కేంద్రమైన రాజమహేంద్రవరానికి చరిత్రాత్మకమైన ప్రత్యేక గుర్తింపు ఉందన్నారు.  నగరాభివృద్ధికి ప్రత్యేక ప్రణాళికలు తయారు చేసి అభివృద్ధి పరచాలని సూచించారు. రాజమహేంద్రవరం నగరాభివ్రుద్ధికి శక్తివంచన లేకుండా క్రుషిచేస్తానని జిల్లా కలెక్టర్ డా.మాధవీలతకు కమిషన్ తెలియజేశారు.

సింహాచలం శ్రీ వరాహలక్ష్మీ నరసింహ స్వామి ఆలయంలో ఈ నెల 12న జరగనున్న స్వామి  కళ్యాణ మహోత్సవం, మే 3న జరగనున్న అప్పన్న నిజరూప దర్శనం ఉత్సవాలుకి సంబందించి ట్రస్ట్ బోర్డు సభ్యులతో అధికారులు కలసి పూర్తి స్థాయిలో విజయ వంతం చేద్దామని ఆలయ ఈవో ఎంవీ సూర్య కళ తో కలిసి స్వరూపానంద సరస్వతి స్వామీజీ ని కలిసి ఆహ్వాన పత్రిక ఇచ్చి స్వామివారి ఆశీస్సులు తీసుకున్నారు తదుపరి. శుక్రవారం దేవస్థానం కార్యాలయంలో ట్రస్ట్ బోర్డు సభ్యులతో ఈవో ప్రత్యేకంగా సమావేశమయ్యారు. ఈసందర్భముగా ఉత్సవాలు కి సంబందించిన  పలు అంశాలపై బోర్డ్ సభ్యులు తో  చర్చించారు. అందరి అభిప్రాయాలను అడిగి తెలుసుకున్నారు. కళ్యాణ మహోత్సవానికి సంబంధించిన ఏర్పాట్లను ఇ ఓ, ఈఈ శ్రీనివాసరాజు  బోర్డు సభ్యులకు వివరించారు,, స్వామి కళ్యాణం జరిగే వేదికను అందంగా తీర్చిదిద్దాలని ఇంజనీరింగ్ అధికారులను బోర్డ్ సభ్యులు ఆదేశించారు.. అంతేకాకుండా కళ్యాణ మహోత్సవం కు వచ్చే భక్తులకి ఏటువంటి ఇబ్బందులు కలగకుండా చూడాలని కోరారు. కళ్యాణ మహోత్సవానికి ఈ యేడాది అందరినీ ఆహ్వానిస్తున్నట్లు ఈవో చెప్పారు. అదేవిధంగా స్వామి కళ్యాణముకి మీడియాకు  కూడా గతంలో మాదిరిగానే అనుమతి ఉంటుందన్నారు. కళ్యాణ వేదిక ఎదురుగా గతంలో మాదిరిగా మీడియాపాయింట్ ఉంటుందని ట్రస్ట్ బోర్డు సభ్యులు తెలియజేశారు.. ఈ దిశగా అవసరమైన ఏర్పాట్లు చేస్తున్నామన్నారు. చందనోత్సవానికి సంబంధించి తదుపరి జరిగే ట్రస్ట్ బోర్డు సమావేశంలో సభ్యులు నిర్ణయం తీసుకుంటారన్నారు. ఆలయ అభివృద్ది లో  మీడియా సహకారం  అవసరం. కాబట్టి చందనోత్సవం కి కూడా మీడియాకు సంబంధించి అవసరమైన ఏర్పాట్లు చేస్తున్నట్లు బోర్డు సభ్యులు తెలియజేశారు. రాష్ట్రము లో ఇతర ఆలయాల మాదిరిగానే సింహగిరి పైన అందరికి అందుబాటులో మీడియా పాయింట్ ఉంటుందని ట్రస్ట్ సభ్యులు తెలియజేశారు.

సమావేశం లో ఆలయ అధికారులు ట్రస్టు బోర్డు సభ్యులు గంట్ల శ్రీనుబాబు, వారణాసి దినేష్ రాజ్, దొడ్డి రమణ, సువ్వాడ శ్రీదేవి, పాత్రుడు, సతీశ్,  నిర్మల, శ్రీదేవి వర్మ, రాధ, రాజేశ్వరీ, చందు తదితరులున్నారు.

వివిధ స‌మ‌స్య‌లపై ప్ర‌జ‌ల నుంచి వ‌చ్చే విన‌తుల‌కు స‌రైన స‌మ‌యంలో స‌రైన విధంగా ప‌రిష్కారం చూపాల‌ని జిల్లా క‌లెక్ట‌ర్ ఎ. సూర్య‌కుమారి జిల్లా అధికారుల‌ను ఆదేశించారు. మ‌ళ్లీ మ‌ళ్లీ ఒకే స‌మ‌స్య‌పై ఫిర్యాదుల రాకుండా చ‌ర్య‌లు తీసుకోవాల‌ని, రీ ఓపెన్ రాకుండా జాగ్ర‌త్త వ‌హించాల‌ని సూచించారు. నిర్ణీత కాలంలో ఫిర్యాదుల‌కు చ‌క్క‌ని ప‌రిష్కారం చూపాల‌ని, కింది స్థాయి అధికారి ఇచ్చిన రిప్లై స‌మాధానాన్ని ఉన్న‌తాధికారి ఒక సారి ప‌రిశీలించాలన్నారు. విన‌తుల పరిష్కారంలో అధికారులు ప్ర‌త్యేక‌ శ్ర‌ద్ధ వ‌హించాల‌ని, బీయాండ్ ఎస్‌.ఎల్‌.ఎ. ప‌రిధిలోకి వెళ్లొద్ద‌ని హెచ్చ‌రించారు. శుక్ర‌వారం క‌లెక్ట‌రేట్ స‌మావేశ మందిరంలో స్పంద‌న ద్వారా, ఏపీ సేవా పోర్ట‌ల్ ద్వారా వ‌చ్చే విన‌తుల‌ ప‌రిష్కారంపై జ‌రిగిన స‌మీక్షలో ఫిర్యాదుల స్థితిగ‌తుల‌పై ఆమె స‌మీక్ష నిర్వ‌హించారు. వ‌చ్చిన ఫిర్యాదులే మ‌ళ్లీ మ‌ళ్లీ ఎందుకు వ‌స్తున్నాయనే అంశంలో అధికారులంతా పునఃప‌రిశీలించుకొని త‌గిన చ‌ర్య‌లు తీసుకోవాలి క‌లెక్ట‌ర్ సూచించారు. అధికంగా రెవెన్యూ, పింఛ‌న్ల మంజూరు, పారిశుద్ధ్య నిర్వ‌హ‌ణ‌, విద్యుత్ స‌దుపాయం క‌ల్పన‌, గృహ నిర్మాణం, పాడి ప‌రిశ్ర‌మ తదిత‌ర స‌మ‌స్య‌ల‌కు సంబంధించి అధికంగా ఫిర్యాదులు వస్తున్నాయ‌ని ఆయా శాఖ‌ల అధికారులు అప్ర‌మ‌త్తంగా ఉంటూ స‌మ‌స్య‌ల‌ను నిర్ణీత గ‌డువులోగా ప‌రిష్క‌రించాల‌ని సూచించారు. అలాగే అన్ని విభాగాల అధికారులు దిగువ స్థాయి సిబ్బందికి స్పంద‌న, ఇత‌ర విన‌తుల ప‌రిష్కారంలో అనుస‌రించాల్సిన విధానాలపై, తీసుకోవాల్సిన జాగ్ర‌త్త‌ల‌పై అవ‌గాహ‌న క‌ల్పించాల‌ని చెప్పారు. అవ‌సరమైతే మండ‌ల స్థాయిలో శిక్ష‌ణ స‌ద‌స్సులు ఏర్పాటు చేసుకోవాల‌న్నారు. బియ్యం కార్డు జారీలో ఎక్కువ‌గా సాంకేతిక‌ స‌మ‌స్య‌లు ఎదుర‌వుతున్న‌ట్లు నివేదిక‌లు చెబుతున్నాయ‌ని ప‌రిశీలించి చ‌ర్య‌లు తీసుకోవాల‌ని డి.ఎస్.ఓ.ను ఆదేశించారు.

స‌చివాల‌యాల‌కు త‌ప్ప‌కుండా రావాలి..

చాలా స‌చివాల‌యాల్లో వాలంటీర్ల హాజ‌రు శాతం చాలా త‌క్కువ‌గా ఉంటుంద‌ని అంద‌రూ విధిగా హాజ‌ర‌య్యేలా ప్ర‌త్యేక స‌ర్క్యుల‌ర్ మెమో జారీ చేయాల‌ని జిల్లా ప‌రిష‌త్ సీఈవోను క‌లెక్ట‌ర్ ఆదేశించారు. అలాగే ఎన‌ర్జీ అసిస్టెంట్స్ కూడా స‌రిగా హాజ‌రు కావ‌టం లేద‌ని త‌గిన చ‌ర్య‌లు తీసుకోవాల‌ని విద్యుత్ శాఖ అధికారుల‌కు సూచించారు. 

కార్యాల‌యాల చిరునామా బోర్డులు మార్చాలి..

జిల్లాల పున‌ర్విభ‌జ‌న జ‌రిగిన నేప‌థ్యంలో, కొత్త రెవెన్యూ డివిజ‌న్లు ఏర్పాటైన క్ర‌మంలో వివిధ విభాగాల‌కు సంబంధించి చిరునామా బోర్డులు త‌ప్పకుండా మార్పు చేయాల‌ని క‌లెక్ట‌ర్ సూచించారు. పార్వ‌తీపురం మ‌న్యం జిల్లాకు అందించాల్సిన స‌మాచారం ఉంటే త్వ‌రిత‌గ‌తిన అంద‌జేయాల‌ని చెప్పారు. నీతి ఆయోగ్ సూచిక‌ల‌కు సంబంధించిన స‌మాచారాన్ని సీపీవో కార్యాల‌యానికి త్వ‌రిత‌గ‌తిన అంద‌జేయాల‌ని వివిధ శాఖ‌ల అధికారుల‌ను ఆదేశించారు. స‌మావేశంలో డీఆర్వో ఎం. గ‌ణ‌ప‌తిరావు, వివిధ విభాగాల జిల్లాస్థాయి అధికారులు త‌దిత‌రులు పాల్గొన్నారు.

విజయనగరం జిల్లాలో జగనన్న వసతి దీవెన 2021-22  సంవత్సరానికి 2వ విడత నిధులను రాష్ట్ర వ్యాప్తంగా ముఖ్యమంత్రి వై.ఎస్.జగన్ మోహన్ రెడ్డి శుక్రవారం విడుదల చేసారు. ఇందులో విజయనగరం జిల్లాకు చెందిన  48,210 మంది విద్యార్థులకు గానూ 46.21 కోట్ల రూపాయలను విడుదల చేశారు.  వీరిలో బి.సి కు చెందిన విద్యార్థులు 39,205 మంది, ఎస్.సి 4,310, ఈ బిసి 2,818 మంది ఉండగా ఎస్.టి 617, కాపు 974, ముస్లింలు 246, క్రిస్టియన్ విద్యార్థులు 40 మంది ఉన్నారు. ఇందులో డిగ్రీ, ఇంజినీరింగ్, ఫార్మసీ, పోలీటెక్నిక్, ఐ.టి.ఐ, మెడికల్, నర్సింగ్, అగ్రికల్చర్, హార్టికల్చర్, డి ఎడ్, బి ఎడ్, బి పి ఎడ్ చదువుతున్న విద్యార్థినీ, విద్యార్థులు  ఉన్నారు. 

ఈ కార్యక్రమం లో  నంద్యాల జిల్లానుండి ముఖ్యమంత్రి పాల్గొని నిధులు విడుదల చేయగా లైవ్ టెలికాస్ట్ లో  వీడియో కాన్ఫరెన్స్ హాల్ నుండి  జిల్లా  కలెక్టర్ ఎ. సూర్య కుమారి, జిల్లా పరిషత్ చైర్మన్ మజ్జి శ్రీనివాసరావు, ఎం.ఎల్.సి రఘురాజు, ఎమ్మెల్యే కడుబండి శ్రీనివాసరావు, నగర మేయర్ వెంపడాపు విజయలక్ష్మి, డిప్యూటీ మేయర్ కోలగట్ల శ్రావణి,సోషల్ వెల్ఫేర్ డిడి సునీల్  రాజ్ కుమార్, డిబిసిడబ్లు కీర్తి, విద్యార్థులు, తల్లిదండ్రులు పాల్గొన్నారు. అనంతరం మెగా చెక్కును లబ్ధిదారులకు అందజేసారు.