గిరిజనుల అభివ్రుద్ధే ప్రభుత్వ లక్ష్యం..

వైఎస్సార్సీపీ ప్రభుత్వం గిరిజనుల అభివ్రుద్ధి కోసం చేపట్టిన మహత్తర కార్యక్రమం అటవీ భూ హక్కు పత్రాల పంపిణీ అని అరకు ఎమ్మెల్యే చెట్టి పాల్గున అన్నారు. శనివారం అరకువేలి మండలంలో గిరిజనులకు మంజూర పట్టాలను ఆయన ఐటిడిఏ అధికారులతో కలిసి పంపిణీ చేశారు. నాడు దివంగత ముఖ్యమంత్రి డా.వైఎస్సార్ కలలు గన్న కార్యక్రమాన్ని ఆయన కొడుకే నేడు సీఎం గా గిరిజనుల అభివ్రుద్ధికోసం అటవీ భూమి హక్కు పత్రాల పంపిణీ చేపట్టారన్నారు. తద్వారా అర్హులైన గిరిజన రైతులందరికీ భూమి ఏర్పడి వారి అభివ్రుద్ధికి మార్గం సుగమం అయ్యిందన్నారు. ఈ కార్యక్రమంలో  రెవిన్యూ డివిజనల్ అధికారిణి కె.లక్ష్మీ శివ జ్యోతి . ఈ కార్యక్రమంలో  అరకు తహశీల్దార్, ఎమ్.పి.డి.ఒ, మరియు రెవెన్యూ సిబ్బంది, అధిక సంఖ్యలో గిరిజన రైతులు, వైఎస్సార్సీపీ నాయకులు, కార్యకర్తలు  పాల్గొన్నారు.

అన్నవరం శ్రీనూకాలమ్మ అమ్మవారి ఆలయ ప్రాంగణంలో శనివారం ఘనంగా పరమశివుని విగ్రహప్రతిష్ట జరిగింది.

అటవీ హక్కును సద్వినియోగం చేసుకోవాలి..

గిరిజనులకు రాష్ట్ర ప్రభుత్వం ప్రతిష్టాత్మకంగా పంపిణీ చేస్తున్న అటవీ హక్కుపత్రాలను లబ్దిదారులు సద్వినియోగం చేసుకోవాలని అరకు ఎమ్మెల్యే చెట్టి పాల్గుణ అన్నారు. అటవీ హక్కుపత్రాలను విక్రయించకూడదని సూచించారు. శుక్రవారం స్దానిక క్రీడామైదానంలో ఏర్పాటు చేసిన అటవీ హక్కుపత్రాల పంపిణీకి ఆయన ముఖ్య అతిధిగా పాల్గొన్నారు. ఈ సందర్భంగా ఆయన మాట్లాడుతూ రాష్ట్ర ముఖ్యమంత్రి వై ఎస్ జగన్ గిరిజన పక్షపాతి అన్నారు. అర్హత కలిగిన గిరిజన రైతులకు పట్టాలు పంపిణీ చేసి రైతు భరోసాను అందిస్తున్నారని చెప్పారు. ముంచింగ్‌పుట్టు మండలంలో రూ.35 కోట్లతో 12 రోడ్లను నిర్మిస్తున్నామన్నారు. అడవులను పరిరక్షించుకోవలసిన బాద్యత అందరిపైనా ఉందన్నారు. గిరిజన రైతులకు సిల్వర్ ఓక్,కాఫీ, మిరియాల నర్సరీలు పెంచుకునేలా అధికారులు ప్రోత్సహించాలన్నారు. ఐటిడిఏ ప్రాజెక్టు అధికారి డా. వెంకటేశ్వర్ సలిజామాల మాట్లాడుతూ 2005కు ముందు పోడు వ్యవసాయం చేస్తున్న గిరిజన రైతులకు అటవీ హక్కుపత్రాలు మంజూరు చేస్తామన్నారు. పది ఎకరాల వరకు సాగుచేస్తున్న పోడు భూమలు పట్టాలు మంజూరు చేస్తామని చెప్పారు. అటవీ హక్కుపత్రాలు పొందిన ప్రతీ రైతుకు రైతు భరోసా అందిస్తామన్నారు. ఏజెన్సీలో ప్రతీ గిరిజన కుటుంబానికి భూమి కలిగి ఉండేలే రాష్ట్ర ముఖ్యమంత్రి ఆదేశించారన్నారు. ముఖ్యమంత్రి వర్యులు ఆదేశాల మేరకు పోడుభూములు లేని గిరిజన రైతులకు డి పారం పట్టాలను మంజూరు చేస్తామన్నారు. పోడు భూముల్లో సాగు చేయడానికి సిల్వర్,కాఫీ,మిరియాల మొక్కలను పంపిణీ చేస్తామన్నారు. గిరిజన రైతులు సాగు చేస్తున్న రాగులకు ప్రభుత్వమే కిలోకు రూ.33 లు ధాన్యానికి 18.90లు చెల్లిస్తుందన్నారు . రాగులు, ధాన్యం రైతు భరోసా కేంద్రాలకు విక్రయించాలని చెప్పారు. వారపు సంతల్లో దళాలను నమ్మి మోసపోవద్దన్నారు. ముంచింగ్ పుట్టు మండలంలో859 మంది రైతులకు 1178 ఎకరాల పోడు భూములకు పట్టాలు పంపిణీ చేస్తున్నామన్నారు. అనంతరం అతిధులు చేతుల మీదగా లబ్దిదారులకు పట్టాదారు పాసుపుస్తకాలను పంపిణీ చేసారు. ఈ సమావేశంలో తాహశీల్దార్ ఎం.శ్యాంబాబు, ఎంపిడి ఓ ఎ వివి కుమార్, స్దానిక నేతలు ,గిరిజన రైతులు పాల్గొన్నారు.

అందరికి అందుబాటులో వైద్యం..

మారుమూల గ్రామాల్లోని ప్రజలకు సైతం మెరుగైన వైద్యాన్ని అందుబాటులో ఉంచి, నాణ్యమైన వైద్య సేవలను అందించాలన్నదే ముఖ్య మంత్రి వై. యస్.జగన్మోహన్ రెడ్డి ఆశయమని ఉప ముఖ్యమంత్రి పాముల పుష్ప శ్రీవాణి అన్నారు. దానిలో భాగంగానే వైద్య రంగంలో విప్లవాత్మక మార్పులకు శ్రీకారం చుట్టారని పేర్కొన్నారు.  రూ. 300 లక్షల  నాబార్డ్   నిధులతో కురుపాం సామాజిక ఆరోగ్య కేంద్రాన్ని 30 పడకల నుండి 50 పడకల స్థాయి పెంపునకు, ఆధునీకరణకు, అలాగే భద్రగిరిలో రూ.895 లక్షల నాబార్డ్ నిధులతో చేపట్టనున్న అభివృద్ధి పనులకు గురువారం ఉప ముఖ్య మంత్రి శంఖుస్థాపన చేశారు. ఈ సందర్భంగా  ముఖ్యమంత్రి శ్రీవాణి మాట్లాడుతూ ముఖ్య మంత్రి జగన్మోహన్ రెడ్డి విద్య, వైద్యానికి అధిక ప్రాధాన్యత నిస్తున్నారని అన్నారు. ప్రతి ఒక్కరికీ మెరుగైన వైద్యం అందుబాటులో కి తీసుకురావాలనే లక్ష్యంతో ముందుకు ఆడుగులు వేస్తున్నారన్నారు. గిరిజన ప్రాంతము అయిన పాడేరులో రూ.500 కోట్లలతో  మెడికల్ కాలేజీ మంజూరు చేశారంటే, ఆ ప్రాంత ప్రజలు అభివృధి కోసం ముఖ్యమంత్రికి ఉన్న చిత్తశుద్ధికి నిదర్శనమని అన్నారు. గిరిజన ప్రాంతంలో గిరిజనుల కోసం మల్టీ స్పెషాలిటీ ఆసుపత్రిని పార్వతీపురంలో ఏర్పాటు చేయడం జరుగుతుందని, ఈ ప్రాంతంలో ఉన్న ప్రతి ఒక్కరికీ కార్పొరేట్ వైద్యం అందే అవకాశం వుందని తెలిపారు. గతంలో ఎవరూ చేయనటువంటి  ఎన్నో అభివృద్ధి కార్యక్రమాలను మనకు మన  ముఖ్య మంత్రి అందిస్తున్నారని కొనియాడారు. కురుపాంలో  రూ.300 లక్షలు,  భద్రగిరిలో రూ.895 లక్షల నాబార్డ్ నిధులతో 30 పడకల ఆసుపత్రిని 50 పడకల ఆసుపత్రిని స్థాయి పెంచడం జరిగింది అన్నారు. భద్ర గిరిలో నేటికి ఒక్క డాక్టర్ తోనే సి.హెచ్.సి కొనసాగుతుందని, డాక్టర్లు అవసరమున్నా,  మంజూరు లేక వైద్యులను నియమించుకోలేని పరిస్థితి మొన్నటివరకు ఉంది అన్నారు. ఈ విషయమై గతంలో శాసన సభలో మార్లు ప్రస్తావించడం జరిగింది అన్నారు. కాని ప్రతి పక్షంలో ఉండడం చేత సాధించలేక పోయామన్నారు. కానీ ప్రస్తుతం పరిస్థితి మారిందని, ప్రజా సంక్షేమ ప్రభుత్వం వచ్చిందని పేర్కొన్నారు.  మన  ముఖ్య మంత్రి  దయవల్ల రూ.8.95 కోట్ల రూపాయలతో భవిషత్తులో అన్ని వైద్య  సౌకర్యాలు కలిగిన ఆసుపత్రిగా మారనున్నదని సంతోషం వ్యక్తం చేశారు. గిరిషిఖర ప్రాంతాలనుండి వైద్యం నిమిత్తం వచ్చిన వారికి వైద్యులు,సిబ్బంది లేక గత ప్రభుత్వ హయాంలో వైద్యం అందేది కాదని చెప్పారు. అధికారంలోకి వచ్చిన వెంటనే రాష్ట్రంలో వైద్యులను, సిబ్బందిని భర్తీ చేసే ఘనత మన ముఖ్య  మంత్రి దేనని కొనియాడారు. కురుపాం నియేజక వర్గం అభివృధి నిమిత్తం నాడు - నేడు లో భాగంగా   నివేదికలు పంపడం జరిగింది అన్నారు. ఆరోగ్య శాఖా మంత్రితో మాట్లాడి నిధులు మంజూరు చేయించి కురుపాం ఆసుపత్రి అభివృధికి కృషి చేస్తానని హామీ ఇచ్చారు. ముఖ్య మంత్రి ఆశయ ఆచరణలో 108 సిబ్బంది ..మనిషి ప్రాణం కన్నా ఏది ముఖ్యం కాదని గుర్తించిన ముఖ్య మంత్రి జగన్మోహన రెడ్డి, ప్రతీ మండలానికి  ఒక 108 వాహనాన్ని పూర్తి వైద్య  సౌకర్యాలతో అందించారన్నారని శ్రీవాణి చెప్పారు. సమయానికి ఆసుపత్రికి తీసుకు వెళ్ళడానికే ఈ 108 వాహనమన్న ముఖ్య మంత్రి ఆలోచనని 108 సిబ్బంది ఆచరణలో పెట్టారని అభినందించారు. కొమరాడలో నాగావళి నదిని దాటించి, వారికి మెరుగైన వైద్యం అందించి వారికి సురక్షితంగా ఇంటికి చేర్చారని, ముఖ్య మంత్రి ఆలోచనలకి అనుగుణగా  108 సిబ్బంది పని చేస్తున్నారని చెప్పారు.  ప్రతి ఒక్కరు మరింత అంకితభావంతో విధులు నిర్వహించాలని కోరారు.   ఈ శంకుస్థాపన కార్యక్రమానికి ఐ.టి.డి. ఎ ప్రాజెక్ట్ అధికారి ఆర్.కూర్మనాథ్, డి.సి.హెచ్.  జి.నాగభూషణ రావు, ఎస్. ఇ, ఇ. ఇ ఎ.పి. ఎం. ఐ.డి.సి, కురుపాం, భద్రగిరి సామాజిక ఆరోగ్య కేంద్రం వైద్యులు, సిబ్బంది పాల్గొన్నారు.

అక్రమార్కులను హైరింగ్ సెంటర్లకు ఎంపిక చేస్తున్నారు..

అర్హులైన రైతులను కాదని అక్రమార్కులను అవినీతి పరులను  క్లస్టర్ హైరింగ్ సెంటర్లు బాధ్యత అప్పగించాలని అధికారులు చూస్తున్నారని ఎస్.రాయవరం గ్రామానికి చెందిన సోమిరెడ్డి రాజు ఆరోపించారు. ఇదే విషయమై విశాఖజిల్లా కలెక్టర్, వ్యవసాయశాఖ జెడిలకు  లిఖిత పూర్వకంగా ఫిర్యాదు చేసి అనంతరం బుధవారం మీడియాతో మాట్లాడారు.  యస్.రాయవరం మండల కేంద్రానికి  రాష్ట్ర ప్రభుత్వం వ్యవసాయశాఖ ద్వారా రైతులకు మేలు చేయడానికి క్లస్టర్ హైరింగ్ సెంటర్లు 2 మంజూరు చేసిందన్నారు. ఈ సెంటర్లు ద్వారా గ్రామంలోని రైతులకు అన్ని విధాలుగా ఉపయోగపడే విధంగా 5 గురు రైతులు గ్రూప్ గా ఏర్పడి,  గ్రూపు  సంఘాల ద్వారా నిర్వహించడానికి ప్రతిపాదనలు కోరారని చెప్పారు. అయితే అర్హులైన రైతులకు వీటి నిర్వహణ ఇవ్వకుండా  సంబంధిత అధికారులు ప్రభుత్వ నిబంధనలకు  తూట్లు పొడిచి వాటిని అర్హులయిన వారికి కట్టబెట్టరారని ఆ ఫిర్యాదులో పేర్కొన్నట్టు వివరించారు.  అనేక మంది రైతులు ఉండగా గ్రామంలో నాయకులు, రాజకీయ ఏజెంట్లు గా కార్యాలయాలు చుట్టూ తిరుగుతూ, ప్రభుత్వ పథకాలు పొందడమే లక్యంతో వుండే వ్యక్తులకు హైరింగ్ సెంటర్లను అప్పగించడానికి ఏర్పాట్లు చేశారని ఆరోపించారు. వారు స్థానికులు కాదని ఇతర ప్రాంతాల నుంచి వ్యాపారాలకు వచ్చిన వ్యక్తులకు సభ్యులుగా చేసి 2 గ్రూపులుగా ప్రతిపాదనలు చేశారన్నారు.  ఒక్కొక్క గ్రూపుకు 5 గురు సభ్యులుగా గ్రూపులుగా ఏర్పడి ఇందులో ఒక వ్యక్తి కన్వీనర్, రెండవ వ్యక్తి కో కన్వీనర్ గా ఉండి మిగిలిన ముగ్గురు సభ్యులుగా వుంటారు. వీరిలో కన్వీనర్ కో కన్వీనర్ జాయింటుగా బ్యాంక్ అకౌంట్ ఓపెన్ చేయవలిసి ఉంటుంది. ఒకొక్క గ్రూపుకు గరిష్టంగా 12 లక్షల రూపాయలు పథకం మంజూరు చేస్తారన్నారు. గ్రూప్ సభ్యులు 10 శాతం స్వంత సొమ్ము, బ్యాంకు లోన్ ద్వారా 50 శాతం, 40 శాతం ప్రభుత్వ సబ్సిడీ మంజూరు చేస్తారని వివరించారు. ప్రభుత్వం నుంచి వచ్చే 40 శాతం అనగా 4.80 లక్షలు సబ్సిడీ మొత్తం, 6 లక్షలు తక్కువ వడ్డీకి బ్యాంకు ఇచ్చు సొమ్ముకు ఆశపడి అర్హులయిన రైతులు కాదని గ్రామాలలో తిరిగే నాయకులు, వ్యాపారస్తులు ఏ రోజూ పొలం వెళ్ళు దాఖలు లేని 10 మంది అనర్హులతో 2 గ్రూపు గా ఏర్పడి లబ్దిపొందడానికి ప్రతిపాదనలు సిద్ధం చేశారని ఆరోపించారు.. ఒకటవ గ్రూపు సంతోష్ బాబు క్లస్టర్ హైరింగ్ సెంటర్ పేరుతో, కన్వీనర్ గా కొణతాల శ్రీనివాసరావు (ఇతడు కొబ్బరి కాయల వ్యాపారం నిమిత్తం అనకాపల్లి నుంచి వలస వచ్చిన వ్యక్తి, వైసీపీ పార్టీ అధ్యక్షుడు) ఇతని బంధువు భీమరశెట్టి అప్పారావు కో కన్వీనర్ గాను, బంధువులు భీమరశెట్టి నాగేశ్వరరావు, కర్రి సూర్యకాంతం, ఏ.సాయి మురళి  గ్రూప్ గా ఏర్పడి ప్రతిపాదించారు.          రెండవ గ్రూప్ నూకాంబికా క్లస్టర్ హైరింగ్ సెంటర్ కన్వీనర్ గా దుబాసి గోవిందరావు (ఇతనుపై ఆసీలు పాట పాడి ఇప్పటికి పంచాయితీకి బకాయిలు చెల్లించని వ్యక్తి, నూకాంబికా దేవాలయం ఆదాయంకు లెక్కలు తెలపని వ్యక్తి, ట్రాక్టర్లు కలిగి ఇసుక, మట్టి అక్రమ రవాణా సొంత ట్రాక్టర్లతో చేయు వ్యక్తి, ఇప్పటికే 2 క్రిమినల్ కేసులు నమోదయిన వ్యక్తి) కో కన్వీనర్ గా దుబాసి కన్నయ్య పంచాయితీ కార్యాలయం లో విద్యుత్ కాంట్రాక్టర్ గా దశాబ్దాలుగా పని చేస్తున్న వ్యక్తి, ఏ రోజు పొలంకు వెళ్ళని వ్యక్తి, ఇప్పటికే 2 క్రిమినల్ కేసులున్న వ్యక్తి, ఇటీవల గ్రామ పంచాయితీ ఆశీల పాటను అక్రమంగా పొంది ఇప్పటికే 3 క్రిమనల్ కేసులు నమోదయిన వ్యక్తి అయిన ఇతని కుమారుడు దుబాసి దేవేంద్ర తో వసూలు చేయిస్తున్న వ్యక్తి), సభ్యులుగా మడగల సూర్యనారాయణ (సొంత ట్రాక్టర్, ప్రాక్లేన్లులు కలిగి ఇసుక ఆక్రమ  నిల్వదారునిగా అందరుకు తెలిసిన వ్యక్తి ఇతని కుమారుడు మడగల త్రిమూర్తులు క్రిమినల్ కేసులు ఉన్న వ్యక్తి, గత ఏడాది గ్రామ పంచాయితీ ఆశీల పాట వాటాదారుడు ఇప్పటికి పంచాయితీకి బకాయిలు చెల్లించని వ్యక్తి)  ఇతను బంధువు మడగల బాబురావు, దుబాసి కన్నయ్య బంధువు గృహిణి దుబాసి నాగమణి పేరున ప్రతిపాదనలు సిద్దం చేశారన్నారు. ఈ విషయమై జిల్లా అధికారులు లోతుగా విచారణ చేపడితే వాస్తవాలు బయటకు రావడంతోపాట, అర్హులైన రైతులకు లబ్ది చేకూరుతుందని అన్నారు. ఆ విషయాన్ని ఫిర్యాదు రూపంలో అధికారులకు తెలియజేసి, ఇపుడు మీడియా ముందుకి వచ్చినట్టు సోమిరెడ్డిరాజు తెలియజేశారు.  

వికెసాగరం చెరువుని ఎస్.రాయవరం సెక్షన్ లో కలపాలి..

విశాఖజిల్లాలోని వికెసాగరం చెరువుని యలమంచిలి నీటిపారుదల శాఖ నుంచి వేరు చేసి ఎస్.రాయవరం నీటిపారుదల శాఖ సెక్షన్ క మార్పు చేయాలని కోరుతూ ఎస్.రాయవరం వాసులు జిల్లా  జిల్లా కలెక్టర్ తోపాటు, నీటిపారుదలశాఖ అధికారులకు స్పందనలో మొరపెట్టుకున్నారు. ఈ మేరకు సోమవారం స్పందనలో అర్జీని సమర్పించారు. ఈ సందర్భంగా నీటి సంఘం అధ్యక్షుడు కర్రిసత్యారావు మీడియాతో మాట్లాడుతూ, యస్.రాయవరం మండలంలోని, జె.వి.పాలెం మా గ్రామంలో ఉన్న వి.కె.సాగరం చెరువు ఉండగా నీటిపారుదలశాఖ సెక్షన్ యలమంచిలిలో ఉన్నందున అనేక ఇబ్బందులు పడుతున్నామని చెప్పారు. యస్.రాయవరం మండలంలోని జంగుళూరు వెలంపాలెం(జె.వి.పాలెం) రెవెన్యూ గ్రామంలోని వెంకమ్మ కృష్ణ సాగరం చెరువు(వి.కె.సాగరం చెరువు) సర్వే నెంబర్ 256 లో ఎకరాలు 99.34 సెంట్లుతో 906 ఎకరాలు ఆయకట్ట ఉందని అయితే  చెరువు సైతారుపేట నుండి యలమంచిలి పోవు తారురోడ్డును, మా గ్రామాన్ని ఆనుకొని ఉన్నదని చెప్పారు.. యస్.రాయవరంలో నీటిపారుదలశాఖ సెక్షన్ ఉన్నప్పటికీ మండలంలో 19 చెరువులు ఉండగా 18 చెరువులు యస్.రాయవరం సెక్షన్ పరిధిలో వుండి  ఒక్క మా వి.కె.సాగరం చెరువు మాత్రం యలమంచిలి సెక్షన్ పరిధిలో ఉన్నకారణంగా... గ్రామానికి ఉన్న ఈ ఒక్క చెరువు మాత్రం యలమంచిలి సెక్షన్ కార్యాలయం పరిధిలో ఉండడంతో అనేక ఇబ్బందులకు గురవుతున్నామని చెప్పారు. గతంలో యస్.రాయవరం  మండలంలో ఎలమంచిలి నియోజకవర్గంలో ఉండేదని..అయితే నియోజకవర్గాల పునర్ వ్యవస్తీకరణలో యస్.రాయవరం మండలం పాయకరావుపేట నియోజకవర్గంలోనికి మార్పు చేశారన్నారు. దీనితో మా గ్రామం యస్.రాయవరం మండలం, పాయకరావుపేట నియోజకవర్గంలో ఉండగా మా ఒక్క వి.కె.సాగరం చెరువు యలమంచిలి నియోజకవర్గంలో ఉన్న, యలమంచిలి నీటిపారుదలశాఖ సెక్షన్ పరిధిలో ఉన్నది. దీని వల్ల ఆయకట్టు దారులమైన మేము అనేక ఇబ్బందులకు గురువుతున్నాము ఆయకట్టు దారులు వివరించారు. రైతుల ఇబ్బందులను ద్రుష్టిలో ఉంచుకొని తక్షణమే ఆ చెరువును మార్పుచేయాలని వారు కోరారు.

గురజాడ శిలఫలంతో రాజకీయాలొద్దు..గొల్ల

గురజాడ అప్పారావుని జాతి జీవితాంతం గుర్తుంచుకుంటుందని పాయకరావుపేట ఎమ్మెల్యే గొల్లబాబూరావు అన్నారు. ఆదివారం యస్.రాయవరం మండల కేంద్రంలో పునర్ నిర్మించిన గురజాడ కళాక్షేత్రంను ఎమ్మెల్యే  ప్రారంభించారు. ఇదే సమయంలో సమాచారహక్కు కార్యకర్త సోమిరెడ్డి రాజు ఆధ్వర్యంలో యువకులు ఎమ్మెల్యే బాబూరావుని కలిసి గతంలో గురజాడ కళాక్షేత్రం పునర్ నిర్మాణ పనులను(23.12.18) అప్పటి పాయకరావుపేట ఎమ్మెల్యే వంగలపూడి అనిత, ఎమ్మెల్సీ పప్పల చలపతి రావు ప్రారంభించారని ఎమ్మెల్యేకి వివరించారు. అయితే మాజీ ఎంపిటిసి బొలిశెట్టి గోవిందరావు తన అనుచరులు ఎల్లపు నాగు, కర్రి నాగు లతో చట్ట వ్యతిరేకంగా శిలాఫలకం (28.04.2020) తొలగించగా మాజీ ఎమ్మెల్యే అనిత, స్థానికులు పోలీసులకు ఫిర్యాదుచేశామని ఎమ్మెల్యీకి వివరించారు. అప్పట్లో టివి ఛానెల్స్, పత్రికల్లో ప్రముఖంగా రావడంతో శిలాఫలకం వెంటనే తిరిగి ఏర్పాటు చేస్తామని చెప్పినా.. నేటికీ దానిని ఏర్పాటు చేయలేదన్నారు.  దానినే మీరు ప్రారంభించారని రాజు ఎమ్మెల్యేకి తెలియజేశారు. అయితే పనులు శంకుస్థాపన చేసిన శిలాపలకం తిరిగి ఏర్పాటు చేయకుండా నిబంధనలకు వ్యతిరేకంగా ప్రారంభోత్సవం చేయడం స్థానిక అధికారులకు నాయకులకే చెల్లిందని, దీని వలన గ్రామంలో అనవసర రాద్దాంతాలకు, ప్రజల మధ్య విబేధాలకు కారణం అవుతున్నాయని ఎమ్మెల్యేకి సోమిరెడ్డి రాజు వివరించారు. దీనిపై స్పందించిన ఎమ్మెల్యే బాబూరావు  గురజాడ కళాక్షేత్రంలోని శిలాఫలకంతో రాజకీయాలొద్దని అన్నారు. ఇలాంటి విషయాలపై ఫిర్యాదు చేయాలని, ఇటువంటి వాటిపై ఎలాంటి కార్యక్రమం చేపట్టినా నేను తప్పుగా బావించనని ఎమ్మెల్యే గొల్ల చెప్పడం ప్రాధాన్యత సంతరించుకుంది. అంతేకాకుండా ఇదే విషయాన్ని ఎమ్మెల్యే ఎంపిడివో చంద్రశేఖర్, పంచాయితీ కార్యదర్శి ఏ.వి.వి.ఎస్.ప్రసాద్ ని అడగగా ఏర్పాటు చేయకపోవడం నిజమేనని సాయంత్రం లోపు శిలాఫలకం ఏర్పాటు చేస్తామని ఎమ్మెల్యేకి తెలియజేశారు. ఎమ్మెల్యే ని కలిసిన వారిలో స్థానిక టిడిపి కార్యకర్తలు గాలి సత్యనారాయణ , తాడేల సంతోష్, దుబాసి రమేష్, భీమరశెట్టి శ్రీనివాస్, మద్దాల శ్రీనివాస్, అంగుళూరు శివ తదితరులు ఉన్నారు.

కరోనా నుంచి కోలున్న 60 మంది డిశ్చార్జి..

అనంతపురం జిల్లాలో  కరోనా నుంచి కోలుకోవడంతో 60 మందిని డిశ్చార్జ్ చేసినట్లు జిల్లా కలెక్టర్ గంధం చంద్రుడు తెలిపారు. జిల్లాలో కోవిడ్ కేర్ సెంటర్ లు, కోవిడ్ ఆస్పత్రుల్లో ఉన్న కోవిడ్ బాధితులు శనివారం 60 మంది కరోనా నుంచి కోలుకోగా, డిశ్చార్జ్ చేశామన్నారు. వారిని 14 రోజుల పాటు హోమ్ ఐసోలేషన్ లో ఉండాలని  సూచించామని కలెక్టర్ తెలిపారు. ఈ సందర్భంగా కలెక్టర్ మాట్లాడుతూ, కరోనా నియంత్రణలో భాగంగా ప్రతీ ఒక్కరూ సామాజిక దూరం పాటిస్తూ మాస్కులను తప్పనిసరిగా ధరించాలన్నారు. ఇప్పటి వరకూ అందించిన సహకారమే కరోనా వైరస్ కి వ్యాక్సిన్ వచ్చేంత వరకూ అందించాలని ఆయన కోరారు. ప్రస్తుతం కరోనా రెండవ దశ ఉన్నందున కేంద్ర, రాష్ట్ర ప్రభుత్వాల మార్గదర్శకాలు ప్రతీఒక్కరూ తప్పనిసరిగా పాటించాలన్నారు. నాణ్యమైన సానిటైజర్లు వినియోగించాలనీ, సానిటైజర్లు లేనివారు ఏ సబ్బుతోనైనా తరచుగా 20 సెకెండ్లపాటు పరిశుభ్రం చేసుకోవాలన్నారు. పౌష్టికాహరం, బలవర్ధక ఆహారం తీసుకోవడం ద్వారా రోగనిరోధక శక్తిని పెంచుకోవాలని సూచించారు. ఎవరికైనా అనుమానం వున్నా, కరనా లక్షణాలున్నా తక్షణమే పీహెచ్సీల్లో కరోనా పరీక్షలు చేయించుకోవాలని కలెక్టర్ సూచించారు.

ఎస్.రాయవరంలో ఘనంగా గౌరమ్మ ప్రతిష్ట..

విశాఖజిల్లాలోని ఎస్.రాయవరంలో శనివారం గౌరమ్మ వరిదుబ్బును గ్రామస్తులు ఘనంగా ప్రతిష్టించారు. గ్రామంలో పంటుల బాగా పంటలు పండాలని కోరుతూ, గౌరమ్మ ప్రతిష్టిస్తూ వస్తారు. ఈ కార్యక్రమంలో భాగంగా ఎస్.రాయవరంలో గ్రామపెద్దలు గౌరమ్మపేరుతో వరిదుబ్బును ప్రతిష్టించారు. అమ్మవారి పేరుతో వరిదుబ్బుని తీసి వాటితోపాటు  గౌరీపరమేశ్వరుల విగ్రహాలను కూడా ప్రతిష్టించారు. అమ్మవారిని మేళ తాలతో, డప్పు వాయిద్యాలతో గ్రామంలో ఊరేగించారు. ఈ కార్యక్రమంలో గౌరీ పరమేశ్వరుల ఆలయ చైర్మన్ భీమరశెట్టి రమణ అప్పారావు సహాయకులు భీమరశెట్టి నాగ సూరిబాబు, మద్దాల సత్తిబాబు, భీమరశెట్టి సత్యనారాయణ, భీశెట్టి నాయుడు,  కొణతాల కృష్ణ, మళ్ళ సత్తిబాబు, సోమిరెడ్డి రాజు, గాలి సత్యనారాయణ, కర్రి శ్రీను, భీమరశెట్టి శ్రీనివాసు గ్రామంలోని మహిళలు, తదితరులు పాల్గొన్నారు.

సిబ్బంది సమయపాలన పాటించాల్సిందే..

 ప్రభుత్వ సంక్షేమ పథకాలు అర్హులైన వారందరికీ సకాలంలో అందే విధంగా  సచివాలయాలు చర్యలు చేపట్టాలని జాయింట్ కలెక్టర్ ఎమ్. వేణుగోపాల్ రెడ్డి అధికారులను ఆదేశించారు.  గురువారం విశాఖజిల్లాలోని సబ్బవరం మండలం పైడివాడ అగ్రహారం, మొగలిపురం, గొట్టివాడ, ఆరిపాక గ్రామాలలో పర్యటించి సచివాలయ సేవలను పరిశీలించారు. ఈ సందర్భంగా జెసి మాట్లాడుతూ, సచివాలయ సిబ్బంది సమయ పాలన పాటించాలన్నారు. ఎప్పుడు, ఎక్కడికి వెళ్లి సేవలు అందించినదీ మినిట్ బుక్ లో రాయాలన్నారు. అదే సమయంలో వివిధ సంక్షేమ పధకాలకు సంబంధించి జాబితాలు ప్రదర్శించాలన్నారు. సచివాలయాలలో ప్రదర్శిస్తున్న సిటిజన్ చార్ట్ ను, లబ్ధిదారుల జాబితాలను తనిఖీ చేశారు. ప్రభుత్వ సంక్షేమ పథకాలు పొందేందుకు అవసరమైన అర్హతలను అందరికీ తెలియ జేయాలన్నారు. గ్రామాలలో పారిశుద్ద్యం పగడ్బందీగా నిర్వహించాలన్నారు. ఆరోగ్య కేంద్రాలు (వెల్ నెస్ సెంటర్స్), రైతు భరోసా కేంద్రాలను కూడా సందర్శించి ఉద్యోగులకు ఆదేశాలు జారీ చేశారు.

బొక్కింది బయటకు కొస్తుందని డుమ్మాకొట్టారు..

రూ.లక్షలు అక్రమంగా బొక్కి..మిగిలినవి తను కుటుంబ సభ్యుల ఖాతాలోకి మళ్లించుకున్నాడు ఇంకే గ్రామసభకు వస్తాడు.. బహుసా అధికారులే వెళ్లద్దొని ఉంటారు.. ప్రజల సొమ్ము అప్పనంగా మేసినోడు గ్రామసభకి వస్తే జనం కడిగేస్తారని సభకు రాకుండా దాక్కున్నాడు.. ఇంకా డేష్ డేష్ అంటూ తిట్ల దండకం..ఈ మాటలన్నీ అన్నది ఎవరో కాదు విశాఖజిల్లా, ఎస్.రాయవరం గ్రామస్తులు.. ఇదే గ్రామసచివాలయంలో విధులు నిర్వహిస్తూ ప్రభుత్వ నిధులు దారిమళ్లించిన ఈఓపీఆర్డీ త్రిమూర్తులు గురువారం జరిగిన గ్రామసభకు డుమ్మా కొట్టారు. దీంతో గ్రామసభకు వచ్చిన వారంతా నోటికొచ్చిన అమ్మనా బూతులు తిడుతుంటే గ్రామసభ నిర్వహించిన సిబ్బంది అంతా వినలేక...విననట్టు నటించాల్సి వచ్చింది. త్రిమూర్తులతోపాటు, కార్యదర్శి డిఎస్వీ అపర్ణ ఇద్దరే కలిసి సుమారు రూ.10లక్షలు ప్రభుత్వ నిధులు తమ కుటుంబ సభ్యులకు ఖాతాలకు దారి మళ్ళించారు. ఈ విషయం ప్రభుత్వాధికారులకు తెలిసి విచారణ జరిపి వాస్తవాలు రాష్ట్ర అధికారులకు పంపించారు. అయితే నాటి నుంచి నేటి వరకూ గ్రామస్తులకు మొహం చాటేస్తున్న వీరు ఈరోజు జరిగిన గ్రామసభకు కూడా డుమ్మా కొట్టడం చర్చనీయాంశం అయ్యింది. నిధులు కాజేసిన విషయం ప్రజలకు తెలిసి మొత్తం ఒకేసారి తిరగబడాతరని గ్రహించే గ్రామసభకు గైర్హాజరయ్యారా అంటూ వచ్చిన సిబ్బందిని అడగటంతో వారంతా ఏం సమాధానం చెప్పాలో తెలియక ఇబ్బందులు పడ్డారు. ఇలాంటి అవినీతి అధికారులపై తక్షణమే చర్యలు తీసుకోవాలని గ్రామస్తులంతా ముక్తకంఠం కోరారు. ఇదే విషయాన్ని పదే పదే మీడియాకి తెలియజేయడం కూడా జిల్లాలో హాట్ టాపిక్ గా మారింది..

రూ.15లక్షలు బొక్కేస్తే వేడుక చూస్తున్నారు..

ప్రభుత్వ సొమ్ము అప్పనంగా మీ కుటుంబ సభ్యుల ఖాతాల్లోకి మళ్లించి నొక్కాలయానుందా..వాడని బ్లీచింగుకి, వినియోగించని ఫినాయిలుకు, అసలు చెత్త తుడవని చీపుర్లలన్నీ అయిపోయాయని దొంగబిల్లులు పెట్టాలనుందా..సచివాలయంలోకి అవసరమేయ్యే సామాగ్రిని పంపిణీ చేయడానికి సొంత కుటుంబ సభ్యులనే వ్యాపారస్తులను చేయాలనుందా...అయితే మీరు విశాఖజిల్లాలోని ఏదో మేజర్ పంచాయతీలోని గ్రామసచివాలయానికి బదిలీల చేయించుకుంటే సరి...ఇక్కడ అవినీతి జరిగినా, జరిగిన అవినీతి ఆధారాలతో బయట పడినా అధికారులు చర్యలు తీసుకోరు..విచారణ మాత్రం ఆగమేఘాలపై చేసేసి...చర్యలు తీసుకోవడంలో మాత్రం నీళ్లు నములుతారు... ఏంటి ఇంకా అర్థంకాలేదా...అక్రమార్కులను జిల్లాలో స్థాయిలో కాకుండా రాష్ట్రస్థాయిలోనే వెనుకేసుకు వస్తారన్నమాట...ఇదేదో కావాలని అంటున్న మాటలుకాదు ఎస్.రాయవరం మండలంలో (వై.త్రిమూర్తులు(కొరుప్రోలు), డిఎస్వీ అపర్ణ(గుడివా), ఎవివిఎస్.ప్రసాద్(కొత్తరేవుపోలవరం) జరిగిన అవినీతిపైనా, నగదును తమ కుటుంబ సభ్యులకు అడ్డదారిలో పంపిన వైనంపైనా నర్సీపట్నం డివిజనల్ పంచాయతీ అధికారిణి అవినీతి జరిగిన సచివాలయాల్లో(14వ ఆర్థిక సంఘం నిధులు) పై విచారణ చేసి, జరిగిన వ్యవహారాన్ని ఆధారాలతో సైతం వెలికితీశారు(అంతకంటే ముందు ఈఎన్ఎస్ నేషనల్ న్యూస్ ఏజెన్సీ అధికారిక న్యూస్ యాప్ ఈఎన్ఎస్ లైవ్ ఈ ముగ్గురు కార్యదర్శిలు చేసిన అవినీతికి సంబంధించిన ఆధారాలు సేకరించి వార్తా కధనాలు అందిస్తూ వస్తుంది..ఇపుడు కూడా బ్యాంకు స్టేట్ మెంట్లు మొత్తం ఈఎన్ఎస్ వద్ద భద్రంగా ఉన్నాయి). ఆ విషయాన్ని నేరుగా జిల్లా పంచాయతీ అధికారిణి ద్వారా స్టేట్ కమిషనర్ కి పంపించామని చెప్పిన తరువాత నెలలు గడిచిపోతున్నాయి.. ఒక్క ఎస్.రాయవరం మండలమే కాదు, జిల్లాలో అనేక మండలాల్లో సచివాలయ కార్యదర్శిలుఈఓపీఆర్డీ స్థాయి సిబ్బంది కూడా అవినీతికి పాల్పడమే ఇందుకు నిదర్శనం. ఎస్.రాయవరం మండలంలో  ఆ ముగ్గురు సచివాలయ కార్యదర్శిలు సుమారు రూ.15 లక్షలు మొత్తాన్ని తమ కుటుంబ సభ్యుల ఖాతాలకు నిధులు మళ్లించేసిన విషయం డివిజనల్ పంచాయతీ అధికారి విచారణలో బయటపడినా నేటికీ  అవినీతికి పాల్పడ్డ కార్యదర్శిలపై నేటివరకూ చర్యలు తీసుకోకపోవడం అనుమానాలకు తావిస్తోంది. అంతేకాదు మరి కొన్ని బిల్లులు ఇంకా మంజూరు కావాల్సివుంది.. అవికూడా మంజూరైతే అవినీతి మొత్తం మరింత పెరిగే అవకాశం వుంది. ఇదే విషయమై జిల్లా పంచాయతీ అధికారిణి క్రిష్ణకుమారిని ఈఎన్ఎస్ వివరణ కోరగా ఎస్.రాయవరం మండలంలో గ్రామసచివాలయ కార్యదర్శిలు(వై.త్రిమూర్తులు(కొరుప్రోలు), డిఎస్వీ అపర్ణ(గుడివా), ఎవివిఎస్.ప్రసాద్(కొత్తరేవుపోలవరం) అవినీతికి పాల్పడిన విషయంలో నర్సీపట్నం డిఎల్పీఓ విచారణ చేశారని ఆ విచారణ నివేదికను తదుపరి చర్యల నిమిత్తం కమిషనర్ కి పంపినట్టు డిపిఓ తెలియజేశారు.. అధికారులు నుంచి అవినీతి వాస్తవమని ఉత్తర్వులు రాగానే సంబంధింత కార్యదర్శిలు, ఈఓపీఆర్డీపై చర్యలు చేపడతామని చెప్పారు. అయితే రెండు నెలలు దాటుతున్నా నేటికీ సదరు కార్యదర్శిలపై ఎలాంటి చర్యలు లేకపోవడంపై సర్వత్రా అనుమానాలు వ్యక్తం అవుతున్నాయి. ఇంతపెద్ద మొత్తంలో సచివాలయ సిబ్బంది ఇంత దారుణంగా అడ్డదారిలో ప్రభుత్వ నిధులు బొక్కేస్తే జిల్లా అధికారులు చర్యలు తీసుకునే విషయంలో కాలయాపన చేయడంపై సర్వత్రా నిరసన వ్యక్తం అవుతోంది. మరోవైపు ప్రస్తుతం అవినీతి ఆరోపణలు ఎదుర్కొంటున్నవారంతా కమిషనర్ కార్యాలయం స్థాయిలో పైరవీలు మొదలుపెట్టారని కూడా సమాచారం. తాము అవినీతిచేసినా, వారిపై చర్యలు తీసుకోకుండా ఉండేందుకు రాష్ట్రస్థాయిలో అధికారులను, జిల్లా స్థాయిలో తమ సంఘం నేతలపై ఒత్తిడి తెస్తున్నట్టు తెలుస్తుంది(ఎస్.రాయవరం సచివాలయం ఫోటో వేయడానికి కారణం కూడా లేకపోతేదు ఎవివిఎస్.ప్రసాద్ ప్రస్తుతం ఇక్కడే పనిచేస్తున్నారని)... ఎంతైనా అవినీతి వ్యవహారం కదా... చాలా మందే తోడు వచ్చే సూచనలు కనిపిస్తున్నాయి..ఎం జరుగుతుందో వేచిచూడాల్సిందే..!

కేంద్రానికి వైఎస్సార్సీపీ, టీడిపి వత్తాసెందుకు..

రైతాంగం, కార్మికుల జీవితాలు దుర్బరం చేసే చర్యలు, దుర్మార్గపు చట్టాలను కేంద్రం తెస్తుంటే స్వప్రయోజనాలతో  మన రాష్ట్ర అధికార  వైఎస్ఆర్సీపీ , ప్రతిపక్ష టిడిపి వంత పాడుతున్నాయనీ సీపీఎం నగర కార్యదర్శి డాక్టర్  బి. గంగారావు ఆరోపించారు. మంగళశారం విశాఖలోని సిపిఎం అక్కయ్యపాలెం జోన్ కమిటీ  ఆధ్వర్యంలో  ప్రజాచైతన్య యాత్ర  సీతంపేట జంక్షన్ నుంచి రాధాకృష్ణ గుడి,దళిత కాలనీ,80 ఫీట్ రోడ్డు, స్కీం ఇళ్ల కాలనీ, రాజేంద్ర నగర్ వరకూ నిర్వహఇంచారు. ఈ సందర్భంగా ఆయన మీడియాతో మాట్లాడుతూ,  కేంద్ర బిజెపి ప్రభుత్వం , ప్రత్యేక హోదా,రైల్వే జోన్ ఊసే ఎత్తడం  లేదన్నారు. కార్పొరేట్ శక్తులకు  దాసోహమంటు ఎక్కువ మందికి ఉపాధి ఇచ్చే ప్రభుత్వ రంగ స్టీల్,రైల్వే,డిఫెన్స్ మరియు నౌకా,విమాన ,విద్యుత్ రంగాలను ప్రైవేటు వారికిచ్చి ప్రజల బ్రతుకులు ఫణంగా పెడుతున్నారనీ,  ఎల్లప్పుడూ ప్రజల పక్షాన నిలబడే సిపిఎం పార్టీ ఈవిధానాలను వ్యతిరేకిస్తూ పోరాటం చేస్తున్నాడని,  ఈ నెల 26 న దేశవ్యాప్త సమ్మెకు ఇచ్చిన పిలుపును ప్రజలంతా పాల్గొని జయప్రదం చేయాలని కోరారు. అంతకు ముందు పార్టీ నాయకులు, కార్యకర్తలు ఇంటింటికి కరపత్రాలు పంచారు. ఈ ప్రచారంలో పార్టీ జోన్ కార్యదర్శి ఆర్పీ రాజు,ప్రదీప్,బాబ్జి,పోతునాయుడు,అప్పారావు,ఆదిలక్ష్మి ,సుందరి తదితరులు పాల్గొన్నారు.

అనంతకు ధీటుగా పంచాయితీల అభివ్రుద్ధి..

అనంతపురం నగరానికి దీటుగా నియోజకవర్గంలోని నాలుగు పంచాయతీలను అభివృద్ధి చేస్తామని ఎమ్మెల్యే అనంత వెంకట రామిరెడ్డి స్పష్టం చేశారు. వైఎస్‌ జగన్‌ పాదయాత్రకు మూడేళ్లు పూర్తయిన సందర్భంగా ఎ.నారాయణపురం పంచాయతీలో మంగళవారం ‘జనం కోసం జనంలోకి’ కార్యక్రమం నిర్వహించారు. నారాయణపురంలోని ఆంజనేయస్వామి ఆలయంలో పూజలు చేసిన తర్వాత భువనేశ్వరనగర్, ఎస్సీ కాలనీ, వంక కొట్టాల, ఏఎస్‌ఆర్‌ నగర్‌లో ప్రతి ఇంటికీ వెళ్లి సంక్షేమ పథకాల అమలు తీరును ఎమ్మెల్యే అనంత తెలుసుకున్నారు. వృద్ధులు, వికలాంగులు తమ సమస్యలను ఆయన దృష్టికి తీసుకురాగా ఎంతో ఆప్యాయంగా వారిని పలుకరిస్తూ సమస్యల పరిష్కారానికి చర్యలు తీసుకున్నారు. ఈ క్రమంలో కొందరు వాలంటీర్లు సరిగా పని చేయడం లేదని గ్రహించిన ఎమ్మెల్యే అనంత.. ప్రజల పట్ల బాధ్యతగా మెలగకుంటే విధుల్లోంచి తొలగిస్తామని హెచ్చరించారు. ప్రతి సంక్షేమ పథకాన్ని ఇంటి గడప వద్దకు చేర్చడానికి సచివాలయ వ్యవస్థ తీసుకొచ్చామన్న విషయాన్ని సిబ్బంది, వాలంటీర్లు గుర్తుంచుకోవాలన్నారు. నారాయణపురం పంచాయతీలో ఇప్పటికే రూ.2.30 కోట్లతో కాలువలు, రోడ్ల నిర్మాణం చేపట్టామన్నారు. మరో రూ.8 కోట్లు కేటాయించామని, మార్చిలోగా పనులు పూర్తి చేస్తామని తెలిపారు. గత ప్రభుత్వం అభివృద్ధికి కేవలం మాటలకే పరిమితం చేసిందని, కానీ వైసీపీ అధికారంలోకి వచ్చిన ఏడాదిన్నరలోనే 90 శాతం హామీలు అమలు చేశామని తెలిపారు. నారాయణపురం, రుద్రంపేట, రాజీవ్‌కాలనీ, అనంతపురం రూరల్‌ పంచాయతీల్లో కాలువలు, రోడ్లు లేవన్న మాటే రాకుండా పనులు చేస్తామని స్పష్టం చేశారు. సంక్షేమ పథకాల అమలుకు ప్రత్యేకంగా క్యాలంటర్‌ ప్రకటించిన ఘనత వైఎస్‌ జగన్‌మోహన్‌రెడ్డిదని చెప్పారు. అధిక వర్షాలతో వేరుశనగ నష్టపోయిన రైతాంగాన్ని ఆదుకుంటామని తెలిపారు.

గుమ్మరేగుల కార్యదర్శిగా ఆర్.నాగు..

ఆంధ్రప్రదేశ్ ప్రభుత్వం తాజాగా మళ్ళీ సచివాలయాల్లో గ్రేడ్ 4 కార్యదర్శుల నియామకాలను చేపట్టింది. తూర్పుగోదావరి జిల్లాకు సంబంధించి ఎంపికైన ఉద్యోగులకు నియామక పత్రాలను జిల్లా కలెక్టర్ మురళీధర్ రెడ్డి అందజేశారు. ఈ సందర్భంగా ప్రత్తిపాడు నియోజక వర్గంలోని మండల కేంద్రమైన శంఖవరం గ్రామానికి చెందిన రాయి నాగు రౌతులపూడి మండలం గుమ్మరేగుల సచివాలయానికి గ్రేడ్ 4 కార్యదర్శిగా నియమితులు అయ్యారు.  గత సంవత్సరం ప్రభుత్వం ప్రతిష్టాత్మకంగా చేపట్టిన సచివాలయాల ఉద్యోగాలలో కూడా తను అన్నవరం  సచివాలయం 3 కార్యదర్శిగా ప్రస్తుతం పనిచేస్తున్నారు. కాగా ఇప్పుడు తాజాగా గ్రేడ్ 4 కార్యదర్శిగా నియమితులు అయ్యారు. ఈ సందర్బంగా స్థానిక ఎమ్మెల్యే పర్వత పూర్ణ చంద్రప్రసాద్ కలిసి ఆయన ఆశీస్సులు తీసికున్నారు. తాను గుమ్మరేగుల సచివాలయం కార్యదర్శిగా నిధుల్లో చేరిన సందర్బంగా తను మీడియాతో మాట్లాడుతూ 'ప్రభుత్వం తనకు కేటాయించిన  విధులను బాధ్యత, నిబద్ధతతో నిర్వర్తిస్తానని చెప్పారు.