ఈ కాలువ‌లో 96.5 కిలోమీట‌ర్లు వ‌ర‌కు మాత్ర‌మే నీరు వ‌చ్చింద‌ని, పూడిక‌లు, పిచ్చిమొక్క‌ల‌ కార‌ణంగా దిగువ‌కు నీరు రావ‌డం లేద‌ని ఇఇ తెలిపారు. కాలువ‌ల నిర్వ‌హ‌ణ‌కు దాదాపు 8 ఏళ్లుగా నిధులు రావ‌డం లేద‌ని, ల‌ష్క‌ర్లు కూడా మంజూరు కాలేద‌ని తెలిపారు. ఫ‌లితంగా గుర్ల‌, గ‌రివిడి, నెల్లిమ‌ర్ల‌, పూస‌పాటిరేగ మండ‌లాల‌కు పూర్తిగా, చీపురుప‌ల్లి మండ‌లానికి పాక్షికంగా సాగునీటి కొర‌త ఏర్ప‌డింద‌ని ఇఇ వివ‌రించారు.  గ‌రివిడి మండ‌లం శేరిపేట గ్రామాన్ని క‌లెక్ట‌ర్ సంద‌ర్శించారు. ముందుగా గ్రామంవ‌ద్ద‌ తోట‌ప‌ల్లి కాలువపై నిర్మించిన సైపూన్‌ను ప‌రిశీలించారు. అనంత‌రం పంట‌పొలాల‌ను వీక్షించారు. రైతుల‌తో మాట్లాడి, వారి స‌మ‌స్య‌ల‌ను తెలుసుకున్నారు. తోట‌ప‌ల్లి కాలువ నుంచి నీరు రాక‌పోవ‌డంతో, గ్రామంలో ఉబాలు జ‌ర‌గ‌లేద‌ని, నారు ఎండిపోతోంద‌ని రైతులు చెప్పారు. కాలువ‌ల‌ను బాగుచేయించి, వ‌చ్చే ఏడాదికైనా కాలువ‌ల ద్వారా సాగునీరు వ‌చ్చేలా చూడాల‌ని రైతులు కోరారు. త‌మ‌కు స‌బ్సిడీపై పెస‌లు, మిన‌ప విత్త‌నాల‌ను స‌ర‌ఫ‌రా చేయాల‌ని విజ్ఞ‌ప్తి చేశారు. ఈ ప‌ర్య‌ట‌న‌లో గుర్ల తాశీల్దార్ ప‌ద్మావ‌తి, ఎంపిడిఓ బి.క‌ల్యాణి, ఇత‌ర సిబ్బంది పాల్గొన్నారు.

ఉపాధ్యాయ వృత్తికి వన్నె తెచ్చి, గురువు జాతి గౌరవాన్ని లోకానికి చాటి చెప్పిన భారతదేశ రెండో రాష్ట్రపతి,మేధావి,విద్యావేత్త డాక్టర్‌ సర్వేపల్లి రాధకృష్ణ జయంతిని ప్రభుత్వం ఉపాధ్యాయ దినోత్సవంగా గుర్తించిందన్నారు. ప్రతి యేటా సెప్టెంబర్‌ 5న గురువులను గౌరవించుకునే అవకాశాన్ని కల్పించిందన్నారు.ఈ నేపథ్యంలో గురువు గొప్పదనం, ఉపాధ్యాయ దినోత్సవం విశిష్టత తెలుసుకోవాల్సిన గురుతర  బాధ్యత ప్రతీ ఒక్కరిపై ఉందన్నారు.అజ్ఞాన పొరలు తొలగించి, జ్ఞానదీప్తిని వెలిగించే గురువును దైవం కంటే మిన్నగా ఆరాధించే సంస్కృతి మనదన్నారు.సర్వేపల్లి తనకు కృష్ణుడితో సమానమని జాతిపిత మహాత్మా గాంధీ కీర్తించారన్నారు. హృదయాన్ని, మేధను సమపాళ్లలో పండించిన ప్రజ్ఞాశాలిగా, తత్వశాస్త్రానికి సాహిత్య మాధుర్యం చేకూర్చిన మహా రచయిత రాధాకృష్ణన్‌ సేవలు చరిత్రలో నిలిచాయన్నారు.

 ఆధునిక సమాజానికి ఎలాంటి గురువు అవసరమో,గురువు ఎలా ఉండాలో ఆయన స్వీయచరిత్రలో స్పష్టంగా వివరించారన్నారు. రాధాకృష్ణన్ ను  స్ఫూర్తిగా తీసుకొని,, నేటి పిల్లలను పావన నవజీవన బృందావన నిర్మాతలుగా తీర్చిదిద్దాల్సిన బాధ్యత ఉపాధ్యాయ సమాజంపై ఉందన్నారు..విధ్యా బోధనలో కొనసాగుతున్న ఉపాధ్యాయ, అధ్యాపక,ఆచార్యులకు..విద్యా సంస్థల నిర్వహణలో ముఖ్య భూమిక వహిస్తున్న ప్రధానోపాధ్యాయులకు,ప్రిన్సిపాల్స్ కు స్పీకర్ తమ్మినేని సీతారాం ఉపాధ్యాయ దినోత్సవ శుభాకాంక్షలు తెలియజేశారు. ఈ కార్యక్రమంలో రాష్ట్ర యువజన విభాగ ప్రధాన కార్యదర్శి తమ్మినేని చిరంజీవి నాగ్, బొడ్డేపల్లి రమేష్ కుమార్, దుంపల శ్యామలరావు పొడుగు శ్రీను, బోడ్డేపల్లి రమణమూర్తి, మామిడి రమేష్, కుసుమంచి శ్యాంప్రసాద్, బొర చిన్నం నాయుడు,చిన్నారావు, మరియు మున్సిపల్ అధికారులు పాల్గొన్నారు.

రాష్ట్ర బీసీ సంక్షేమం; స‌మాచార‌, పౌర సంబంధాలు; సినిమాటోగ్ర‌ఫీ శాఖ మంత్రి చెల్లుబోయిన శ్రీనివాస వేణుగోపాల‌కృష్ణ ఆదివారం రామ‌చంద్ర‌పురం నియోజ‌క‌వ‌ర్గం, కాజులూరు మండ‌లం, గొల్లపాలెం గ్రామంలో గ‌డ‌ప గ‌డ‌ప‌కు మ‌న ప్ర‌భుత్వం కార్య‌క్ర‌మంలో పాల్గొన్నారు. రాష్ట్ర ప్ర‌భుత్వం విజ‌య‌వంతంగా అమ‌లుచేస్తున్న సంక్షేమ ప‌థ‌కాల వివరాలను గ‌డ‌ప గ‌డ‌ప‌కూ వెళ్లి చెబుతూ.. వైఎస్సార్ రైతు భరోసా, ఉచిత పంటల బీమా, వైఎస్సార్ పెన్ష‌న్ కానుక‌, జ‌గ‌న‌న్న అమ్మ ఒడి, వైఎస్సార్ చేయూత‌, వైఎస్సార్ ఆస‌రా త‌దిత‌ర ప‌థ‌కాల ద్వారా ఒక్కో కుటుంబానికి ఎంత మేలు జ‌రిగింద‌నే విష‌యాన్ని వివ‌రించారు. ఈ సంద‌ర్భంగా మంత్రి వేణుగోపాల‌కృష్ణ మాట్లాడుతూ ఎక్క‌డా రూపాయి అవినీతి లేకుండా అత్యంత పార‌ద‌ర్శ‌కంగా, జ‌వాబుదారీత‌నంతో ప‌థ‌కాల అమ‌లు జ‌రుగుతున్న‌ట్లు స్ప‌ష్టం చేశారు. 

గ్రామ‌, వార్డు స‌చివాలయాలు; వాలంటీర్ వ్య‌వ‌స్థ‌ల ద్వారా ఇంటి వ‌ద్ద‌కే ప‌థ‌కాల ఫ‌లాలు అందుతున్నాయ‌న్నారు. ప‌థ‌కాల ప్ర‌యోజ‌నం పొందేందుకు ఏ కార్యాల‌యం చుట్టూ తిర‌గాల్సిన అవ‌స‌రం లేద‌ని.. అర్హ‌త ఒక్క‌టే ప్రాతిప‌దిక‌గా ప్ర‌త్య‌క్ష న‌గ‌దు బ‌దిలీ ద్వారా ప్ర‌జ‌లు ల‌బ్ధి పొందుతున్న‌ట్లు తెలిపారు. ప్ర‌జ‌లు పేద‌రిక‌మ‌నే శాపం నుంచి విముక్తి పొందేందుకు, జీవన ప్రమాణాలను మెరుగుపరచుకునేందుకు ఈ ప‌థ‌కాలు దోహ‌దం చేస్తున్నాయ‌ని పేర్కొన్నారు. వైఎస్సార్ చేయూత, ఆసరా తదితర పథకాలను ఉపయోగించుకుంటూ మహిళలు ఆర్థిక సాధికారత సాధిస్తున్నారని పేర్కొన్నారు. వైఎస్సార్ నేతన్న నేస్తం పథకాన్ని సద్వినియోగం చేసుకుని నేతన్నలు తమ కుటుంబాలను ఉన్నతంగా తీర్చిదిద్దుకోవాలన్నారు. న‌వ‌ర‌త్నాలు ప‌థ‌కాల ద్వారా గౌర‌వ రాష్ట్ర ముఖ్య‌మంత్రి పేద‌ల అభ్యున్న‌తికి కృషిచేస్తున్న‌ట్లు తెలిపారు.

    ప్ర‌తి ఇంటికీ వెళ్లి సంక్షేమ ప‌థ‌కాల వివ‌రాలు తెలియ‌జేయ‌డంతో పాటు స‌మ‌స్య‌లు ఏవైనా ఉంటే తెలుసుకొని త‌క్ష‌ణ‌మే ప‌రిష్క‌రించేందుకు వీలుగా రాష్ట్ర ప్ర‌భుత్వం గ‌డ‌ప గ‌డ‌ప‌కు మ‌న ప్ర‌భుత్వం కార్య‌క్ర‌మాన్ని ప్ర‌వేశ‌పెట్టిన‌ట్లు తెలిపారు. ఒక్కో స‌చివాల‌యం ప‌రిధిలో త‌క్ష‌ణం చేప‌ట్టాల్సిన ప‌నుల‌కు రూ. 20 ల‌క్ష‌లు చొప్పున ప్ర‌భుత్వం కేటాయించిన‌ట్లు తెలిపారు.  ప్ర‌భుత్వ సంక్షేమ ప‌థ‌కాలు, అభివృద్ధి కార్య‌క్ర‌మాల ఆస‌రాతో గొల్లపాలెం గ్రామం  మ‌రింతగా అభివృద్ధి సాధించాల‌ని మంత్రి వేణుగోపాల‌కృష్ణ ఆకాంక్షించారు. కార్య‌క్ర‌మంలో జెడ్పీటీసీలు, ఎంపీటీసీలు, వివిధ శాఖల అధికారులు,  గ్రామ సచివాలయ సిబ్బంది, వాలంటీర్లు తదితరులు పాల్గొన్నారు. 

ప్రాధాన్యత భవనాలు నిర్మాణానికి అవసరమైన భూములు గుర్తించి నివేదిక ఇవ్వాలని, అదే రోజు ఆయా భవనాల పనులు ప్రారంభం కావాలని జిల్లా కలెక్టర్ డా కె. మాధవీలత ఆదేశించారు. శనివారం ఉదయం కడియం, వేమగిరి లలో స్కూల్స్ నాడు నేడు పనులను, మధ్యాహ్న భోజన పథకం అమలును తనిఖీ చేసి, ప్రాధాన్యత భవనాలు కోసం స్థలం గుర్తింపు విషయమై క్షేత్ర స్థాయి సిబ్బందికి ఆదేశాలు జారీ చేశారు. ఈ సందర్భంగా కలెక్టర్ కే. మాధవీలత మాట్లాడుతూ,  ప్రతి సచివాలయం పరిధిలో ఒక సచివాలయ భవనం , ఆర్భికే, హెల్త్ సెంటర్ భవనాలు ఏర్పాటు చేయ్యాల్సి ఉందన్నారు. ఇందు కోసం అనువైన స్థలాన్ని గుర్తించాలని ఆదేశించారు. ప్రభుత్వం ప్రతి రెండువేలు జనాభాకు ఒక సచివాలయం ఏర్పాటు చెయ్యడం జరిగిందన్నారు. 

ప్రతి వారం ముఖ్యమంత్రి కార్యాలయం, రాష్ట్ర ఉన్నతాధికారులు ప్రాధాన్యత భవనాలు పనులపై మూడు పర్యాయాలు సమీక్షలు నిర్వహిస్తున్నారని అన్నారు.  క్షేత్ర స్థాయి లో అధికారులు, సిబ్బంది జవాబుదారీ తనం తో కూడి పనితీరు చూపాల్సి ఉందని స్పష్టం చేశారు.  సోమవారం నాటికి స్థలం గుర్తించి,  పనులు ప్రారంభం అయ్యేలా చూడాలని ఆదేశించారు. బుధవారం నాటికి పనులు ప్రారంభించినట్లు నివేదిక ఇవ్వవలసి ఉంటుందని అన్నారు. ప్రభుత్వ భూములు అన్యాక్రాతం చేసేందుకు కాదు ఇక్కడ మీరు విధుల్లో ఉన్నది, ప్రభుత్వ ప్రాధాన్యత భవనాలకు అవసరమైన భూముల గుర్తింపు భాధ్యత మీదే అని పంచాయతీ సిబ్బందికి కలెక్టర్ స్పష్టం చేశారు. కలెక్టర్ వెంట పంచాయతీ రాజ్ ఎస్ ఈ .. ఎబివి ప్రసాద్, డి ఈ వో . ఎస్. అబ్రహం, ఎంపీడీఓ కె. రత్నకుమారి, సంబందించిన శాఖల అధికారులు, సచివాలయం సిబ్బంది పాల్గొన్నారు.

ప్రభుత్వం సచివాలయం సిబ్బంది ప్రజలకు అందుబాటులో ఉండాలనే ఉద్దేశంతో భవన నిర్మాణానికి చర్యలు తీసుకోవడం జరిగిందన్నారు. త్వరలోనే ప్రభుత్వం ఫ్యామిలీ డాక్టర్ విధానం తీసుకుని రానున్న దృష్ట్యా ప్రాధాన్యత భవనాలు మరింత వేగంగా పూర్తి చేయాలనే కార్యాచరణ రూపుదిద్దామన్నారు. జిల్లాలో 1101 భవనాలను నవంబర్ చివరి నాటికి పూర్తి చేయాలనే లక్ష్యం నిర్దేశించుకోవడం జరిగిందన్నారు.  అందులో భాగంగా కడియం లో ఆర్భికే పనులను పరిశీలించడానికి రావడం జరిగిందని కలెక్టర్ పేర్కొన్నారు. 

  అంతేకాకుండా విద్యాశాఖ ప్రాంతీయ సంయుక్త సంచాలకులు తో మాట్లాడి రాజమండ్రి, ఇతర ప్రాంతాల నుండి  ఉపాధ్యాయులను డెప్యుటేషన్ పై  నియమిస్తామన్నారు.  నియామక విషయమై సంబంధిత శాఖ ఉన్నతాధికారులతో, ఉప ముఖ్యమంత్రి, గిరిజన సంక్షేమ శాఖ మాత్యులు స్థానిక ప్రజాప్రతినిధులతో చర్చించి శాస్వత నియామకానికి చర్యలు తీసుకుంటామని కలెక్టర్ తెలిపారు. ఈ సందర్భంగా విద్యార్థినిలు అడిగిన పలు ప్రశ్నలకు కలెక్టర్ ఓపికగా సమాధానాలు చెప్పారు.  విద్య పట్ల, విద్యార్థుల పట్ల, సదభిప్రాయం ఉన్నందునే ఎన్నో ప్రాధాన్యతలను వదిలి, జిల్లా నలుమూలల నుండి ఈరోజు జరిగే స్పందనకు వచ్చే ఫిర్యాదుదారులను వదిలి కేవలం విద్యార్థినిలు, వారి సమస్యలు  పరిష్కరించాలని వారికి ప్రాధాన్యత ఇస్తూ ఈరోజు అరకు ప్రభుత్వ మహిళా డిగ్రీ కళాశాలను స్థానిక శాసనసభ్యులు శెట్టి  ఫాల్గుణ సందర్శించడం జరిగింది అని వారికి స్పష్టం చేశారు.  

సమస్యల పరిష్కారానికి కొంత సమయం పడుతుందని, తదుపరి నెలలో మళ్లీ కళాశాలను సందర్శిస్తానని, విద్యార్థినులు కూడా అయిదారుగురు  తదుపరి వారం లోగా కలిసి జరిగిన ప్రగతిని వివరించాలని కలెక్టర్ సూచించారు.  అరకు ఎంపీ, ఎమ్మెల్యేల నిధుల నుంచి కూడా 10 లక్షల రూపాయల వరకూ కళాశాల అభివృద్ధికి ఖర్చు చేయటానికి ఎంపీ, ఎమ్మెల్యే ముందుకు వచ్చారని కలెక్టర్ తెలిపారు.  దీంతో విద్యార్థులు సంతోషాన్ని వ్యక్తపరుస్తూ కలెక్టర్ కు కృతజ్ఞతలు తెలిపారు. ఈ కార్యక్రమంలో అరకు ప్రభుత్వ డిగ్రీ కళాశాల విద్యార్థినులు, రాష్ట్ర ఆదివాసి జేఏసీ ప్రతినిధులు రామారావు దొర, ఎం. రాంబాబు, ఎస్. గంగరాజు, బి మాధవరావు, మహేశ్వర రావు, ఎస్ ఎఫ్ ఐ ప్రతినిధులు ప్రభుదాస్, ధనలక్ష్మి, కిన్నేరి, జ్యోతి, జెడ్ పి టి సి డి గంగరాజు  తదితరులు పాల్గొన్నారు. 

 సోషల్ స్టడీస్ తో కూడా మంచి భవిస్యత్తు ఉంటుందని, బాగా చదువుకోవాలని పిల్లలకు హితవు చెప్పారు. అనంతరం కొంత మంది  పిల్లలతో  రహస్యంగా మాట్లాడి మధ్యాహ్న భోజనం ఎలా ఉంది అని ఆరా తీసారు. చిక్కీ గుడ్డు పెడుతున్నారా అని అడిగారు. బాగోలేదని కొందరు పిల్లలు చెప్పగా హెచ్ ఎం పై ఆగ్రహం వ్యక్తం చేసారు.  స్టోర్ కి వెళ్లి స్టాక్ ను తనిఖీ చేసారు.  ఆర్.ఓ ప్లాంట్ మరమ్మతులో ఉన్నందున వెంటనే రిపేర్ చేయించాలని ఇంచార్జ్ హెచ్ ఎం కు సూచించారు. సతివాడ ప్రాధమిక ఆరోగ్య కేంద్రాన్ని,  నెల్లిమర్ల ఉన్నత ప్రాధమిక ఆరోగ్య కేంద్రాన్ని తనిఖీ చేసారు. హాజరు పట్టీ ని పరిశీలించారు. ఓ.పి లో ఉన్న రోగులతో మాట్లాడారు. మందులు సక్రమంగా అందుతున్నాయా అని ప్రశ్నించారు. ఇండెంట్ రిజిస్టర్ ను, డ్రగ్ స్టోర్ ను తనిఖీ చేసారు. రోగులకు అందుతున్న ప్రాధమిక వసతుల పై ఆరా తీసారు.  

రోజుకు ఎన్ని ప్రసవాలు జరుగుతున్నాయని, ఎంత మందికి కుటుంభ నియంత్రణ ఆపరేషన్ లు జరుగుతున్నాయని అడిగారు. కుటుంభ నియంత్రణ పై అవగాహన కల్పించాలని ఎ.ఎన్ .ఎం  లకు సూచించారు.  కోవిడ్ వాక్సినేషన్ శత శాతం జరగాలన్నారు. నెల్లిమర్ల లో  ప్రసవానంతరం  బెడ్ పై నున్న  మహిళా తో మాట్లాడి ఎలాంటి సౌకర్యాలు అందుతున్నాయి, వైద్యుల సేవలు ఎలా ఉన్నాయి అని ప్రశ్నించారు.  ఆరోగ్య శ్రీ కేసు లు ఎన్ని వస్తున్నాయి, ఎన్నెన్ని రెఫెర్ చేస్తున్నారు అని ఆరోగ్య మిత్ర ను అడిగారు.  ఆసుపత్రి ఆవరణ పరిశుభ్రంగా ఉంచాలని సిబ్బందికి సూచించారు. కలెక్టర్ వెంట  నెల్లిమర్ల తహసిల్దార్ రమణ రాజు, ఎం.పి.డి.ఓ గిరిబాల, మున్సిపల్ కమీషనర్ బాలాజీ, వైద్యాధికారులు,  డా.హరి కిషన్, పుల్మనాలజిస్ట్ తదితరులు ఉన్నారు.