రాష్ట్రంలో ఇప్పటి వరకూ రెండు సామాజిక వర్గాలకు రాజ్యాధికారం దక్కుతూ వస్తుంది. కానీ ఈసారి అటు కేంద్రంలోనూ, ఇటు రాష్ట్రంలో కీలకమైన పదవులు దక్కించుకోవాలంటే కులం బలమే వాటిని తీసుకొస్తుంది తప్పితే మరెవరి వలనా జరిగే పనికాదని అంటున్నారు. ఇటీవల ఉత్తరాంధ్రాలో ఒక సామాజిక వర్గ నేతకు పదవి తీసేయాలని భావిస్తే..పార్టీ అధిష్టానమే కంగారు పడేలా తన సామాజిక వర్గం బలం చూపించి సదరు నేత తన పదవిని తిరిగి తెచ్చుకున్నారని..కాదు కాదు పార్టీయే చచ్చినట్టు పదవి కట్టబెట్టిందనే విషయం మిగిలిన సామాజిక వర్గాల్లో పెద్ద చర్చకు తెరలేపింది. అయితే అత్యధిక కాలం రెండు మూడు సామాజిక వర్గాలు తప్పితే మరే ఇతర సామాజిక వర్గాలకు ప్రభుత్వాల్లోగానీ, రాజకీయపార్టీల్లోగానీ మంచి పదవులు దక్కడండ లేదనే విషయాన్ని అన్ని కులసంఘాలు గట్టిగానే ఆలోచిస్తున్నాయి. దానికోసం ఎవరి సామాజిక వర్గం వారీగా వారి బలగం, ఓట్లు, మదుపరులు, వ్యాపారులు, ఉద్యోగులు, ధనికులు, సంపన్నులు, రాజకీయనేతలు, పెట్టుబది దారులు తదితర విభాగాల వారీగా కులగణన చేయడం ప్రారంభించారట.

ప్రస్తుతం రాష్ట్రంలోని అన్ని సామాజిక వర్గాల్లోనూ ప్రభుత్వ ఉద్యోగుల సంఘాలు ముందు వరుసలో ఉన్నాయి. ఇక్కడ చదువుకున్న వారి దగ్గర నుంచి విద్యావంతులు ఉండటంతో అందరూ ఒకతాటిపైకి వచ్చి సామాజిక బలం ప్రదర్శించడానికి చక్కని వేదికలు ఏర్పాటు చేసుకుంటున్నారు. ప్రభుత్వాలు, రాజకీయపార్టీలు కూడా వీరిని సంప్రదించిన తరువాత మాత్రమే వారి వారి సామాజిక వర్గాల్లో ఉన్న జనాభాను ద్రుష్టిలో పెట్టుకొని పదవులను కట్టబెడుతున్నాయి. ఒకే సామాజిక వర్గంలోని వర్గాలు ఉండటంతో అన్ని వర్గాలు ఇపుడు ఒకే వేదికపైకి రావడానికి ప్రత్యేక కార్యాచరణ జరుగుతోంది. అదేజరిగితే బలం, బలగం సత్తా ఏంటో కూడా రాజకీయపార్టీలకు చాలా స్పష్టంగా కనిపిస్తుంది. అంతేకాకుండా ఇకపై సామాజికవర్గం వారీగా రాజకీయపార్టీలు, మీడియా, వ్యాపారాలు, వ్యవహారాలు కూడా చేపట్టాలనే నిర్ణయానికి కూడా వస్తున్నారు. మీడియాలోనూ రెండు మూడు సామాజిక వర్గాలకే పెద్ద సంస్థలు ఉండటం..వారి సహకారంతోనే ప్రభుత్వాలు రాజకీయపార్టీల నిర్వహణ జరగడంతో..మీడియా సపోర్టు కూడా సామాజికవర్గాల్లో ఉంటే బావుంటుందని నిర్ణయానికి వచ్చిన వారి బలంతోనే ఏర్పాటుకి పునాధులు వేస్తున్నారు. మొత్తానికి ప్రభుత్వం అధికారికంగా చేపట్టాలనుకుంటున్న  కులగణన ఇప్పటికే ఆయా సామాజిక వర్గాలు పూర్తిచేశాయని చెబుతున్నారు. అయితే ప్రభుత్వం వద్ద ఉన్న డేటా..సంఘాల వద్ద ఉన్న డేటాతో ఎవరి బలం ఏంటో ఈసారి 2024 ఎన్నికల్లో చాలా స్పష్టంగా తేలిపోయే అవకాశాలున్నాయి..!!

ప్రభుత్వం ఇంటిగ్రేటెడ్ కలెక్టరేట్లను నిర్మించే సమయంలోనే కలెక్టర్, జెసి, ఎస్పీలకు కూడా నివాస సముదాయాలు, క్యాంపు కార్యాలయాలు నిర్మించాలని తలపెట్టింది. అయితే ఆ ప్రక్రియకు నేటి వరకూ బీజం పడలేదు. పడుతుందనే గ్యారెంటీ కూడా కనిపించడం లేదు. కలెక్టరేట్లతోపాటు, జిల్లా అధికారుల నివాస సముదాయాల నిర్మాణం చేపడితే కొత్త జిల్లాలకు వచ్చే అధికారులకు ఎలాంటి ఇబ్బందులు కూడా ఉండవని ప్రభుత్వం కొత్త జిల్లాల విభజన సమయంలోనే ఆలోచన చేపట్టింది. హడావిడిగా ఇంటిగ్రేటెడ్ కలెక్టరేట్లు, అధికారుల నివాసాల నిర్మాణాలకు అనువైన ప్రభుత్వస్థలాలను కూడా గుర్తించారు. అదంతా అప్పట్లో కాగితాలకే పరిమితం అయిపోయింది. వాస్తవానికి తెలంగాణ రాష్ట్రంలోని అన్ని కొత్తజిల్లాల్లో అక్కడి ప్రభుత్వం ఇంటిగ్రేటెడ్ కలెక్టరేట్లను నిర్మిస్తోంది. జిల్లా కలెక్టర్, జెసి, ఎస్పీ, ఫారెస్టు అధికారి మొదలుకొని అన్నిశాఖల జిల్లా అధికారుల కార్యాలయాలు కూడా ఒకేచోట నిర్మాణం చేయడం ద్వారా ప్రజలకు కూడా సౌకర్యంగా వుంటుందని ప్రభుత్వం ఆలోచన చేసింది. ఎంతో గొప్పగాచేసిన ఆలోచనను మాత్రం కార్యాచరణలో ఒక్క అడుగు కూడా ముందుకి కదపలేకపోయింది. దీనితో కొత్త జిల్లాల్లో జల్లా అధికారులు, వారి కార్యాయాలు అద్దె కొంపల్లోన నడవాల్సి వస్తున్నది.

ప్రస్తుతం గ్రామ, వార్డు సచివాలయాల్లో అన్ని ప్రభుత్వ శాఖల సేవలు ఏవిధంగా అందుతున్నాయో జిల్లా కేంద్రంలో కూడా అన్ని ప్రభుత్వశాఖల కార్యాలయాలు ఒకేచోట ఉంటే నిర్వహణ వ్యయ భారం భారీగా తగ్గుతుందని..దానికంటే ముఖ్యంగా వినూత్నంగా వుంటుందని కూడా ప్రభుత్వం యోచన చేసింది. కొత్తజిల్లాల్లో పరిపాలన ఏడాది దాటిపోయి రెండవ ఏడాదికి దగ్గరపడుతున్నా..ఇంటిగ్రేటెడ్ కలెక్టరేట్ల నిర్మాణ ఆలోచనకు పునాదులు కూడా పడలేదు. దీనిపై జిల్లాల మంత్రులు కూడా పెద్దగా ద్రుష్టిసారించకపోవడం విశేషం. ఎంతసేపూ గ్రామాల్లో సచివాలయాలు, లైబ్రెరీలు, పిహెచ్సీల నిర్మాణాలు జరిగాయా లేదా అనే విషయాలను చూస్తున్నారు తప్పితే కొత్తజిల్లాలు ఏర్పడిన చోట ఉన్న మంత్రుల్లో ఒక్కరైనా తమ జిల్లాలో తొలుత ఇంటిగ్రేటెడ్ కలెక్టరేట్లను నిర్మించి ప్రారంభించుకోవాలనే ఆలోచన చేయడం లేదు. ఉన్న సమయం పరిపాలనకు..లేదంటే ప్రతిపక్షాలపై ఎదురు దాడికే సమయం సరిపోతుందన్నట్టుగా ప్రజాప్రతినిధులు కూడా వ్యవహరిస్తున్నారు. అదిగో ఇదిగో అంటే ఇంకా 8నెలలు మాత్రమే సార్వత్రిక ఎన్నికలకు సమయం ఉంది. అందులో మూడు నెలలు గడిచిపోతే..మిగిలిన సమయం ఎన్నికల కోడ్ అమల్లోకి వచ్చేస్తే ఒక్క ప్రభుత్వ పనికూడా ముందుకి సాగే పరిస్థితి లేదు..సో ఇంటిగ్రేటెడ్ కలెక్టరేట్లు విషయం ఈ ప్రభుత్వంలో అయితే మరిచిపోవచ్చు, లేదా శేషం మిగిలిపోయేలా ఆఖరు నిమిషంలో అంటే ఎన్నికలకు ముందు ఒకటి రెండైనా నిర్మాణాలు ప్రారంభించవచ్చు అంటున్నారు విశ్లేషకులు. ఏం జరుగుతుందనే వేచి చూడాల్సిందే..!

అభ్యర్ధులకు ముందుగా కేటాయించిన ప్రదేశాలను ఆన్ లైన్ లో 14న ఆయా జిల్లా కలెక్టర్లు తెలియజేస్తారు. అభ్యర్ధులు నేరుగా కౌన్సిలింగ్ 15న సంబంధిత ద్రువీకరణ పత్రాలతో హాజరు కావాల్సి వుంటుంది. ఈ మేరరకు లైన్ డిపార్ట్ మెంట్స్(ప్రభుత్వ శాఖలు) జిల్లా అధికారులు ఏర్పాటు చేయాల్సి వుంటుంది. అభ్యర్ధులకు సమాచారం తెలియజేయాల్సి వుంటుంది. మొదటి ప్రాధాన్యత మ్యూచువల్ ట్రాన్స్ ఫర్స్( జిల్లా, అంతర్ జిల్లాలు) కి ఇచ్చిన తరువాత, వికలాంగులు, మందబుద్ది కలిగిన తల్లిండ్రులకి, ఆ తరువాత మెడికల్ గ్రౌండ్స్, సింగిల్ ఉమెన్, విడో, తరువాత స్పౌజ్ లోకల్ జిల్లా, స్పౌజ్ అంతర్ జిల్లాలకు, ఆపై  ఇతరులకు కౌన్సిలింగ్ ప్రక్రియ చేపట్టాలని ఆ లేఖలో పేర్కొన్నారు.

పోలీసు ఉద్యోగ నియామకాల ప్రక్రియ గతంలో 2 దఫాలుగా మాత్రమే ఉండేవి. అయితే ఉద్యోగాలు తక్కువ, అభ్యర్ధులు ఎక్కువగా దరఖాస్తు చేసుకోవడంతో ప్రభుత్వం కూడా ఈ ప్రక్రియను 3 దఫాలుగా చేపడుతున్నారు. అందులో ప్రిలిమినరీ పరీక్షలోనే చాలా మంది ఫిల్డర్ అయిపోతున్నారు. తరువాత జరిపే దేహదారుడ్య పరీక్షలో తొలిపరీక్షలో ఉత్తీర్ణులైనవారిలో సగానికిపైనే ఫిల్టర్ అయిపోతున్నారు. ఆపై ఫైనల్ పరీక్షలో ఎన్ని ఉద్యోగాలకైతే నోటిఫికేషన్ ఇచ్చారో అంతే మంది మిగులుతున్నారు. ఇదంతా ప్రభుత్వం నియామకప్రక్రియను ఒక పద్దతి ప్రకారం చేపడినపుడు జరిగే తంతు. కానీ ఈ ప్రభుత్వంలో ఉద్యోగ నియామకాలకు ప్రకటన, ఆపై పరీక్షల నిర్వహణ అంతా గాలిలో దీపంలా ఉంటుందని అభ్యర్ధులు నిరసన వ్యక్తం చేస్తున్నారు. 2022 డిసెంబరులో వచ్చిన పోలీసు ఎస్ఐ, కానిస్టేబుల్ నోటిఫికేషన్ కు ఫిబ్రలో ప్రిలిమినరీ పరీక్ష పెట్టి, ఆపై వెంటనే ఫలితాలు ఇచ్చేసి నేటి వరకూ ఊరకుండిపోయారు. ఇప్పటికే ప్రక్రియ జరిగి ఆరునెలలు గడిచిపోయాయి. మిగిలిన పరీక్షలు ఎప్పుడు పెడతారో తేలని పరిస్థి నెలకొంది.

ఆంధ్రప్రదేశ్ లో సార్వత్రిక ఎన్నికలు జరగడానికి ఇంకా 8నెలలు సమయం ఉన్నందున ఎన్నికలకు ఐదు నెలల ముందు మిగిలిన దేహదారుడ్య పరీక్ష, ఫైనల్ ఎగ్జామ్ పెట్టి.. ఆపై ఎన్నికలు పూర్తయిన తరువాత కొత్త ప్రభుత్వం వచ్చిన తరువాత ఎంపికైన వారిని శిక్షణకు పంపిస్తారా అంటూ అభ్యర్ధులు ఆందోళన వ్యక్తం చేస్తున్నారు. కనీసం దేహదారుడ్య పరీక్షపూర్తయితే ఎంతమంది ఫైనల్ ఎగ్జామ్ కి క్వాలిఫై అయ్యారో తెలిసేదని..ఒకవేళ ఈ ఉద్యోగం రాకపోతే, ప్రభుత్వం తీయబోయే మిగిలిన ఉద్యోగాలకైనా సిద్దం కావడానికి అవకాశం వుంటుందని అభ్యర్ధులు వాపోతున్నారు. ఈ విషయంలో ప్రిలిమినరీ పరీక్ష పాసైన వారంతా తమ పరిస్థితి ఎవరికి చెప్పుకోవాలో తెలియడం లేదని ఆవేదన వ్యక్తం చేస్తున్నారు. ఇప్పటికైనా ప్రభుత్వం నిరుద్యోగ అభ్యర్ధులను ద్రుష్టిలో ఉంచుకొని మిగిలిన 2 దశల పరీక్షల పరీక్షలు నిర్వహించి నియామకప్రక్రియ పూర్తిచేయాలని కోరుతున్నారు. చూడాలి పోలీసు నియామకాలపై ప్రభుత్వం ఎలాంటి నిర్ణయం తీసుకుంటుందనేది..!

దేశంలో సిపిఎస్ ను రద్దు చేసి చాలా రాష్ట్రాలు చత్తీస్ ఘడ్, జార్ఖాండ్ రాష్ట్రాలు ఓపిఎస్ ను అమలు చేస్తున్నాయి. మొన్నటికి మొన్న అధికారంలోకి వచ్చిన కేరళ ప్రభుత్వం ఉద్యోగుల సిపిఎస్ రద్దు చేసింది. ఇలా దేశంలోని అన్ని రాష్ట్రాలు సిపిఎస్ రద్దు చేసి ఓపిఎస్ ను అమలు చేస్తుంటే..ఒక్క ఆంధ్రప్రదేశ్ లో మాత్రం అన్నింటికంటే భిన్నంగా జిపిఎస్ ను తెరపైకి తీసుకు రావడాన్ని ఉద్యోగ సంఘాలు వ్యతిరేకిస్తున్నాయి. ఓపిఎస్ కు.. జిపిఎస్ కు మధ్య వ్యత్యాసాన్ని సోషల్ మీడియా వేదికగా ఉద్యోగులందరికీ తెలిసేలా చైతన్యాన్ని తీసుకు వస్తున్నాయి. మరో వైపు పెన్షనర్లకు జరుగుతున్న అన్యాయంపైనా కూడా సామాజిక మాద్యమాల్లో పెద్ద ఎత్తున చర్చ జరగుతున్నది. ప్రభుత్వం తీసుకుంటున్న ఉద్యోగ వ్యతిరేక నిర్ణయాలను మూకుమ్మడిగా తిప్పికొట్టాలంటే ఇప్పటి నుంచే సార్వత్రిక ఎన్నికల్లో చేపట్టాల్సిన వ్యూహం అవసరం ఉందంటూ సమాచాలోచనలు చేస్తున్నారు. ఒక్క ముక్కలో చెప్పాలంటే సిపిఎస్ రద్దు చేస్తారనే వైఎస్సార్సీపీకి ఓటు వేశామని..తీరా మా ఉద్యోగుల ఉనికినే ప్రశ్నార్ధకం చేస్తుంటే మళ్లీ టిటిడిపి పట్టించిన గతే వచ్చే ఎన్నికల్లో వైఎస్సార్సీపీకీ పట్టిస్తామని ఉద్యోగులు, ఉద్యోగ సంఘాల నేతలు బహిరంగంగానే ప్రచారాన్ని చేస్తున్నారు. కొన్ని చోట్ల ఇలా ప్రచారాలు చేసిన ఉద్యోగులపై ప్రభుత్వం నుంచి ఇబ్బందులు ఎదురైనా..వాటిని ఎవరూ లెక్కడచేయడం లేదు. ఉద్యోగులకు నాడు రివర్స్ పిఆర్సీ ద్వారా అన్యాయం జరిగిందని.. ఇపుడు సిపిఎస్ రద్దు విషయంలో మరో భారీ అన్యాయం జరిగిందని..ఇదే పద్దతి కొనసాగితే రానున్నరోజుల్లో ప్రభుత్వ ఉద్యోగుల మనుగడ ప్రశ్నార్ధకం అవుతుందనే ఆందోళనకు ఉద్యోగులు వచ్చేస్తున్నారు.

ప్రభుత్వానికి అనుకూలంగా వ్యవహరించే ఉద్యోగ సంఘాలు..నేతల వలన ప్రధాన డిమాండ్లు పరిష్కారం కావనే విషయాన్ని గుర్తించిన సిపిఎస్ ఉద్యోగులు తమ ఉద్యమా న్ని ఓటుతోనే తెలియజేయాలని నిర్ణయానికి వచ్చినట్టు కనిపిస్తున్నది. సాధారణ ఎన్నికలకు ఇంకా 9నెలలు సమయం ఉన్నందున..సిపిఎస్ ఉద్యోగులు.. వారి కుటుంబాలను..వారి పిల్లలను, పెన్షనర్లును కూడా చైతన్యం చేస్తే తప్పాఅన్ని వర్గాల్లో మార్పు రాదని కూడా చెబుతున్నారు. సిపిఎస్ ఉద్యోగుల ఆందోళనకు ఆర్టీసీ, పోలీసు, ఐసిడిఎస్, ఉపాధ్యాయులు పూర్తిస్థాయిలో మద్దతు ఇస్తున్నారు. సిపిఎస్ ఉద్యోగులు చేస్తున్న ఆందోళనను, చైతన్య కార్యక్రమాలను సామాజిక మాద్యమాల ద్వారా పెద్ద ఎత్తున ప్రచారం చేస్తున్నారు. సిపిఎస్ రద్దు చేసి.. జిపిఎస్ అమలు చేయడం ద్వారా ఉద్యోగులు ఏ విధంగా నష్టపోతున్నారనే విషయాన్ని ఉద్యోగులు, వివిధ సంఘాలు ఫేస్ బుక్, వాట్సప్, టెలీగ్రామ ద్వారా పెద్ద ఎత్తున ప్రచారం చేస్తున్నారు. మరికొందరు టెక్నాలజీ తెలిసిన వారు ప్రజాప్రతినిధులు, ప్రభుత్వంలోని మంత్రులు, ఎమ్మెల్యేలు, ఎంపీలు, ప్రిన్సిపల్ కార్యదర్శిల అఫిషియల్ ఖాతాలకు ట్యాగ్ చేస్తున్నారు. మొత్తానికి వైఎస్సార్సీపీ ప్రభుత్వం అమలు చేయాలని చూస్తున్న జిపిఎస్ విధానంపై సిపిఎస్ ఉద్యోగుల నుంచి పెద్ద ఎత్తున నిరసన సెగ తగులుతుంటే.. ఉద్యోగ సంఘాల నేతలకు అనుకూలంగా ఉన్న ఉద్యోగుల నుంచి మాత్రం మిశ్రమ స్పందన వస్తున్నది. చూడాలి సిపిఎస్ రద్దు పోరాటం వచ్చే 2024 ఎన్నికల్లో రిటర్న్ గిఫ్ట్ ఇస్తామని చేస్తున్న ఉద్యోగుల ప్రచారంపై ఎలాంటి ప్రభావాన్ని చూపిస్తుందనేది..!

ప్రస్తుతం రాష్ట్రంలోని 26 జిల్లాల్లోని 14వేల 5 గ్రామవార్డు సచివాలయాల్లో అత్యధికంగా వెటర్నరీ అసిస్టెంట్లు ఖాళీలు అధికంగా ఉండగా.. తరువాత స్థానంలో హార్టికల్చర్, మహిళా పోలీసుల, పంచాయతీ కార్యదర్శిలు, డిజిజల్ అసిస్టెంట్లు ఖాళీలు ఉన్నాయి. వాటిని కూడా భర్తీ చేసేస్తే ప్రభుత్వం నియమించాలనుకున్న 1.35 లక్షల ఉద్యోగాలు పూర్తిస్థాయిలో భర్తీచేసినట్టు అవుతుంది. ఉద్యోగాలు పొందిన వారే వివిధ ప్రభుత్వ శాఖల్లో సచివాలయ ఉద్యోగాల కంటే మంచి ఉద్యోగాలు రావడంతో వెళ్లిపోయారు. ఇలా ఏర్పడిన ఖాళీలు సుమారు 15 నుంచి 18వేల వరకూ ఉంటాయని తెలుస్తుంది. అంతేకాకుండా 2023 డిసెంబరు నాటికి రాష్ట్రవ్యాప్తంగా సుమారు 2వేల ఖాళీలు ఇదేశాఖలో ఉద్యోగ విరమణల ద్వారా ఏర్పడనున్నాయని సమాచారం. 2024 ఏప్రిల్, మే, నాటికి ఒక్క పంచాయతీ కార్యదర్శిలే 1300 మంది ఉద్యోగ విరమణ చేయననున్నారు. అదీ కూడా ప్రభుత్వం అధికారంలోకి వచ్చిన తరువాత ఉద్యోగ విరమణ వయస్సు రెండేళ్లు పెంచడంతో వీరి ఉద్యోగాలు అప్పటి వరకూ ఉండనన్నాయి.

 దానికోసం ఏపిఎస్ఎఫ్ఎల్ ను విస్తరించి మండల కేంద్రం నుంచి అన్ని గ్రామపంచాయతీలకు విస్తరించి, పాఠశాలలు, డిజిటల్ లైబ్రెరీలు, ఆర్బీకేలు, గ్రామ, వార్డు సచివాలయాలు, పిహెచ్సీలకు హై బ్యాండ్ విడ్త్ ను అనుసంధానించనున్నది. ఇంటర్నెట్ లో లోపాలు రాకుండా, అంతరాయాలు లేకుండా ప్రత్యేకంగా చర్యలు కూడా తీసుకోవాలని, ప్రభుత్వ కార్యక్రమాలతోపాటు, విద్యార్ధులు, ఉద్యోగులకు అవసరమైన సమాచారాన్ని కూడా ఏపీ ఫైబర్ నెట్  ద్వారా అందిం చేందుకు కూడా ప్రభుత్వం చర్యలు తీసుకుంటోంది. ఇప్పటికే కొత్తగా రిలీజ్ అయిన సినిమాలను అదేరోజు ఏపీ ఫైబర్ నెట్ లోనే ఇంట్లో ఉండి చూసేందుకు వీలుగా ప్రత్యేక ఏర్పాట్లు కూడా చేసింది. ప్రభుత్వం తీసుకున్న ఈ నిర్ణయంతో 14వేల 5 గ్రామ, వార్డుసచివాలయాలతోపాటు, అన్ని పంచాయతీలు, గ్రామాలకు హైస్పీడ్ ఇంటర్నెట్ సేవలు త్వరలోనే అందుబాటులోకి వచ్చే అవకాశాలున్నాయి.

గ్రామ, వార్డు సచివాలయ శాఖకు ఇతర ప్రభుత్వశాఖల మాదిరిగా అన్ని ప్రయోజనాలు వర్తించవని ఇక్కడే ప్రధమ నిరూపణ అయ్యింది. ఏ ప్రభుత్వశాఖలోనైనా రెగ్యులర్ ఉద్యోగాల్లో చేరిన తరువాత రెండేళ్లకి సర్వీస్ ప్రొబేషన్ డిక్లేర్ చేస్తారు. ఆ సమయంలో 2 ఇంక్రిమెంట్లు కలిపి పేస్కేలుకి జమచేస్తారు. కానీ సచివాలయ ఉద్యోగులకు సర్వీసు రెగ్యులర్ చేసే సమయానికి పీఆర్సీని వర్తింప చేస్తున్నట్టు చూపించి వాటిని కోతవేసేశారు. వాస్తవానికి 2 ఇంక్రిమెంట్లు కలిసిన తరువాత పీఆర్సీ వర్తిస్తే ఒక్కో సచివాలయ ఉద్యోగికి కనీసం 3 నుంచి 5వేల రూపాయల జీతం పెరిగేది. అలా జరగకపోగా ఆలస్యంగా సర్వీసు ప్రొబేషన్ చేయడం ద్వారా పేస్కేలుతోపాటు, సుమారు 2డిఏలను కూడా కోల్పోయారు ఉద్యోగులు. అసలు సచివాలయశాఖ ఉద్యోగులకు ఏపీ సబార్డినేట్ సర్వీసు రూల్స్ 1999 వర్తింపచేస్తున్నామని చెబుతున్న ప్రభుత్వం ఇతర ప్రభుత్వశాఖల మాదిరిగా ప్రయోజనాలు వర్తింపజేయకపోవడం వెనుక ఆంతర్యం ఏమిటో అర్ధం కాకుండా ఉందని ఉద్యోగులు ఆవేదన వ్యక్తం చేస్తున్నారు.

ప్రభుత్వంలోని ఏ ప్రభుత్వశాఖలోనైనా వారికి కేటాయించిన శాఖ విధులు మాత్రమే చేస్తారు. కానీ గ్రామ, వార్డు సచివాలయశాఖలో మాత్రంలో అన్ని శాఖల విధులు, ఖాళీగా ఉన్న సిబ్బంది శాఖల విధులు కూడా బలవంతంగా నిర్వర్తించాల్సి వస్తున్నది. ఇంతచేస్తున్నా, తమ శాఖకు ప్రభుత్వం కల్పిస్తామని చెప్పిన చట్టబద్ధత నేటికీ కల్పించలేదని ఉద్యోగులు కన్నీటి పర్యంతం అవుతున్నారు. సాఫ్ట్ వేర్ కంపెనీలు, నిర్మాణ రంగ కంపెనీల్లో వేలాది రూపాయాల జీతాలు వదులుకొని రెగ్యులర్ ఉద్యోగాలనే ఒకే ఒక్కకారణంతో వచ్చిన తమకు తీవ్ర నష్టం జరుగుతోందని వాపోతున్నారు. ఒక సందర్భంలో అసలు మావి రెగ్యులర్ ఉద్యోగాలా..లేదంటే అలా చెప్పుకునే కాంట్రాక్టు ఉద్యోగాలో అర్ధంకాని పరిస్థితి నెలకొంటుందని కూడా చర్చకు తెరలేపుతున్నారు. ఇప్పటికే ఉద్యోగాల్లోకి చేరిన తరువాత మంచి ఉద్యోగాలు వస్తే.. కొందరు ఈ సచివాలయ ఉద్యోగాలను వదిలి వెళ్లిపోవడంతో చాలా చోట్ల భారీగా ఖాళీలు ఏర్పడ్డాయి. సచివాలయ వ్యవస్థ ద్వారా ప్రజలకు పూర్తిస్థాయిలో సేవలు అందిస్తున్నామని ప్రచారం చేస్తున్న ప్రభుత్వం వాస్తవానికి ఆ సేవలు అందించే ఉద్యోగుల విషయంలో మాత్రం సవతి తల్లి ప్రేమ చూపిస్తోందనడానికి తాజా పరిణామాలే ఉదాహరణ.

రానున్న రోజుల్లో గ్రామ, వార్డు సచివాలయశాఖను మరింత బలోపేతం చేసి ప్రజలకు ఉత్తమంగా సేవలు అందిస్తామని ప్రకటిస్తున్న ప్రభుత్వం ప్రచారాలకు పెద్దపీట వేసి.. ఈ శాఖలో పనిచేసే ఉద్యోగుల విషయంలో మాత్రం తీవ్ర అన్యాయం చేస్తోంది. సరిగ్గా ఉద్యోగుల సర్వీసు ప్రొభేషన్ చేసే సమయంలో పీఆర్సీ వర్తింపజేస్తున్నామని చెప్పి, ఐఆర్ వీరికి వర్తింపజేయలేదు. ఆ తరువాత ఆలస్యంగా సర్వీసు రెగ్యులర్ చేయడం వలన సుమారు రెండు డిఏలు, పూర్తిస్థాయి పేస్కేలు కోల్పోవాల్సి వచ్చింది. ఇపుడు తాజాగా డిఏ కూడా కోల్పోయారు ఉద్యోగులు. ఇదే పరిస్థితి కొనసాగినా..ఈ శాఖకు చట్టబద్దత కల్పించి ఇతర ప్రభుత్వశాఖలకు వర్తింపజేసే ప్రయోజనాలు వర్తింపజేయకపోయినా ఉద్యోగులు మరింతగా నష్టపోయే ప్రమాదం లేకపోలేదు. ఈ విషయంలో కమిషనర్, ముఖ్యకార్యదర్శిలు చొరవతీసుకోకపోతే పరిస్థితి విషమించి, చాలా ప్రయోజనాలు కోల్పోతారు సచివాలయ ఉద్యోగులు. ఇంత దారుణంగా నష్టపోయిన సచివాలయ ఉద్యోగుల విషయంలో ప్రభుత్వం ఎలాంటి చర్యలు తీసుకుంటుందో వేచి చూడాలి..!

దీనితో మహిళా పోలీసులకు సంబంధించిన కౌన్సిలింగ్ జిల్లా ఎస్పీ కార్యాలయాల్లో జరుగుతుందా, పోలీసు కమిషనరేట్ పరిధిలో జరుగుతుందా అనేది కూడా తేలలేదు.  కమిషనరేట్ లు లేని చోట్ల జిల్లా ఎస్పీలే ఉంటారు కనుక కొన్ని జిల్లాల్లో ఇబ్బందులు ఉండవు. కానీ విశాఖపట్నం, ఎన్టీఆర్ జిల్లాలకు సంబంధించి పక్క జిల్లాల్లో జిల్లా పోలీసు కార్యాలయాలు ఉన్నాయి. వీరికి అక్కడ బదిలీలు జరుగుతాయా అనేది తేల లేదు. రేపటి నుంచే కౌన్సిలింగ్ ప్రారంభం అవుతున్న నేపథ్యంలో బదిలీల కోసం దరఖాస్తులు చేసుకున్నవారెవరికీ నేటికి ఆయా ప్రభుత్వశాఖల నుంచి సమాచారం రాలేదు. ఎక్కడ కౌన్సిలింగ్ కి హాజరు కావాలో కూడా తెలియకఉద్యోగులందరూ డైలమాలో ఉన్నారు. అయితే వారి మాత్రుశాఖల అధికారులు మాత్రం అందరికీ కేటాయించిన ఉమ్మడి జిల్లా శాఖల కార్యాలయంలోనే బదిలీలు జరుగుతాయని..సెల్ ఫోన్లకు సమాచారం, మెసేజులు వస్తాయని చెబుతున్నారు. చూడాలి ఏం జరుగుతుందనేది.

మండలాల్లో ఫ్రీలాన్స్  జర్నలిస్టుల అక్రిడేషన్ మంజూరుకు పది సంవత్సరాల అనుభవంవుండాలన్న నిబంధన ప్రతిబంధకంగా మారిన విషయం ను నాయకులు వివరించారు. అయితే సదరు జర్నలిస్ట్ పది సంవత్సరాల అనుభవాన్ని వివరిస్తూ  సెల్ఫ్ డెక్లరేషన్ ఇస్తే సరిపోతుందని కమిషన్ ర్  తెలిపారు.  ఆ మేరకు జిల్లాలలోని సమాచార శాఖ అధికారులకు సమాచారం ఇవ్వాలని జాయింట్ డైరెక్టర్ కస్తూరి ని ఆదేశించారు.  జిల్లాలలో డెస్క్ లలో పనిచేస్తున్న సబ్ ఎడిటర్లకు పాత పద్ధతినే అక్రిడేషన్ మంజూరు చేయాలని, అందుకోసం పత్రికల పేజీలు నిబంధనలను సడలించాలని కమిషనర్ ను నాయకులు కోరారు . ఈ విషయం పై సమీక్ష అనంతరం ఆయా పత్రికలు ఎన్ని పేజీలు తో వస్తుంది మరోసారి చూసి అవసరమైన మార్పులు చేయాలని అధికారులకు సూచించారు. జిల్లా కేంద్రాలలో చిన్న పత్రికలకు వన్ ప్లస్ వన్ అక్రిడిటేషన్లు మంజూరు చేయాలని అదేవిధంగా ఎలక్ట్రానిక్ మీడియా జర్నలిస్టులకు టూ ప్లస్ టు ఇవ్వాలని కోరారు ఈ విషయంపై మరోసారి పరిశీలిస్తానని కమిషనర్ హామీ ఇచ్చారు. కమిషనర్ ను కలిసిన ప్రతినిధి బృందంలో యూనియన్ రాష్ట్ర ఉపాధ్యక్షులు కే జయరాజ్, ఎలక్ట్రానిక్ మీడియా అధ్యక్షులు ఏచూరి శివ, కృష్ణా అర్బన్ యూనిట్ కార్యదర్శి కొండా రాజేశ్వరరావు, ఐజేయూ కౌన్సిల్ సభ్యులు షేక్ బాబు, యూనియన్ రాష్ట్ర కౌన్సిల్ సభ్యులు దారం వెంకటేశ్వరరావు, దాసరి నాగరాజు, సీహెచ్ రాంబాబు,  తదితరులు పాల్గొన్నారు.