గ్రామ, వార్డు సచివాలయ శాఖకు ఇతర ప్రభుత్వశాఖల మాదిరిగా అన్ని ప్రయోజనాలు వర్తించవని ఇక్కడే ప్రధమ నిరూపణ అయ్యింది. ఏ ప్రభుత్వశాఖలోనైనా రెగ్యులర్ ఉద్యోగాల్లో చేరిన తరువాత రెండేళ్లకి సర్వీస్ ప్రొబేషన్ డిక్లేర్ చేస్తారు. ఆ సమయంలో 2 ఇంక్రిమెంట్లు కలిపి పేస్కేలుకి జమచేస్తారు. కానీ సచివాలయ ఉద్యోగులకు సర్వీసు రెగ్యులర్ చేసే సమయానికి పీఆర్సీని వర్తింప చేస్తున్నట్టు చూపించి వాటిని కోతవేసేశారు. వాస్తవానికి 2 ఇంక్రిమెంట్లు కలిసిన తరువాత పీఆర్సీ వర్తిస్తే ఒక్కో సచివాలయ ఉద్యోగికి కనీసం 3 నుంచి 5వేల రూపాయల జీతం పెరిగేది. అలా జరగకపోగా ఆలస్యంగా సర్వీసు ప్రొబేషన్ చేయడం ద్వారా పేస్కేలుతోపాటు, సుమారు 2డిఏలను కూడా కోల్పోయారు ఉద్యోగులు. అసలు సచివాలయశాఖ ఉద్యోగులకు ఏపీ సబార్డినేట్ సర్వీసు రూల్స్ 1999 వర్తింపచేస్తున్నామని చెబుతున్న ప్రభుత్వం ఇతర ప్రభుత్వశాఖల మాదిరిగా ప్రయోజనాలు వర్తింపజేయకపోవడం వెనుక ఆంతర్యం ఏమిటో అర్ధం కాకుండా ఉందని ఉద్యోగులు ఆవేదన వ్యక్తం చేస్తున్నారు.

ప్రభుత్వంలోని ఏ ప్రభుత్వశాఖలోనైనా వారికి కేటాయించిన శాఖ విధులు మాత్రమే చేస్తారు. కానీ గ్రామ, వార్డు సచివాలయశాఖలో మాత్రంలో అన్ని శాఖల విధులు, ఖాళీగా ఉన్న సిబ్బంది శాఖల విధులు కూడా బలవంతంగా నిర్వర్తించాల్సి వస్తున్నది. ఇంతచేస్తున్నా, తమ శాఖకు ప్రభుత్వం కల్పిస్తామని చెప్పిన చట్టబద్ధత నేటికీ కల్పించలేదని ఉద్యోగులు కన్నీటి పర్యంతం అవుతున్నారు. సాఫ్ట్ వేర్ కంపెనీలు, నిర్మాణ రంగ కంపెనీల్లో వేలాది రూపాయాల జీతాలు వదులుకొని రెగ్యులర్ ఉద్యోగాలనే ఒకే ఒక్కకారణంతో వచ్చిన తమకు తీవ్ర నష్టం జరుగుతోందని వాపోతున్నారు. ఒక సందర్భంలో అసలు మావి రెగ్యులర్ ఉద్యోగాలా..లేదంటే అలా చెప్పుకునే కాంట్రాక్టు ఉద్యోగాలో అర్ధంకాని పరిస్థితి నెలకొంటుందని కూడా చర్చకు తెరలేపుతున్నారు. ఇప్పటికే ఉద్యోగాల్లోకి చేరిన తరువాత మంచి ఉద్యోగాలు వస్తే.. కొందరు ఈ సచివాలయ ఉద్యోగాలను వదిలి వెళ్లిపోవడంతో చాలా చోట్ల భారీగా ఖాళీలు ఏర్పడ్డాయి. సచివాలయ వ్యవస్థ ద్వారా ప్రజలకు పూర్తిస్థాయిలో సేవలు అందిస్తున్నామని ప్రచారం చేస్తున్న ప్రభుత్వం వాస్తవానికి ఆ సేవలు అందించే ఉద్యోగుల విషయంలో మాత్రం సవతి తల్లి ప్రేమ చూపిస్తోందనడానికి తాజా పరిణామాలే ఉదాహరణ.

రానున్న రోజుల్లో గ్రామ, వార్డు సచివాలయశాఖను మరింత బలోపేతం చేసి ప్రజలకు ఉత్తమంగా సేవలు అందిస్తామని ప్రకటిస్తున్న ప్రభుత్వం ప్రచారాలకు పెద్దపీట వేసి.. ఈ శాఖలో పనిచేసే ఉద్యోగుల విషయంలో మాత్రం తీవ్ర అన్యాయం చేస్తోంది. సరిగ్గా ఉద్యోగుల సర్వీసు ప్రొభేషన్ చేసే సమయంలో పీఆర్సీ వర్తింపజేస్తున్నామని చెప్పి, ఐఆర్ వీరికి వర్తింపజేయలేదు. ఆ తరువాత ఆలస్యంగా సర్వీసు రెగ్యులర్ చేయడం వలన సుమారు రెండు డిఏలు, పూర్తిస్థాయి పేస్కేలు కోల్పోవాల్సి వచ్చింది. ఇపుడు తాజాగా డిఏ కూడా కోల్పోయారు ఉద్యోగులు. ఇదే పరిస్థితి కొనసాగినా..ఈ శాఖకు చట్టబద్దత కల్పించి ఇతర ప్రభుత్వశాఖలకు వర్తింపజేసే ప్రయోజనాలు వర్తింపజేయకపోయినా ఉద్యోగులు మరింతగా నష్టపోయే ప్రమాదం లేకపోలేదు. ఈ విషయంలో కమిషనర్, ముఖ్యకార్యదర్శిలు చొరవతీసుకోకపోతే పరిస్థితి విషమించి, చాలా ప్రయోజనాలు కోల్పోతారు సచివాలయ ఉద్యోగులు. ఇంత దారుణంగా నష్టపోయిన సచివాలయ ఉద్యోగుల విషయంలో ప్రభుత్వం ఎలాంటి చర్యలు తీసుకుంటుందో వేచి చూడాలి..!

దీనితో మహిళా పోలీసులకు సంబంధించిన కౌన్సిలింగ్ జిల్లా ఎస్పీ కార్యాలయాల్లో జరుగుతుందా, పోలీసు కమిషనరేట్ పరిధిలో జరుగుతుందా అనేది కూడా తేలలేదు.  కమిషనరేట్ లు లేని చోట్ల జిల్లా ఎస్పీలే ఉంటారు కనుక కొన్ని జిల్లాల్లో ఇబ్బందులు ఉండవు. కానీ విశాఖపట్నం, ఎన్టీఆర్ జిల్లాలకు సంబంధించి పక్క జిల్లాల్లో జిల్లా పోలీసు కార్యాలయాలు ఉన్నాయి. వీరికి అక్కడ బదిలీలు జరుగుతాయా అనేది తేల లేదు. రేపటి నుంచే కౌన్సిలింగ్ ప్రారంభం అవుతున్న నేపథ్యంలో బదిలీల కోసం దరఖాస్తులు చేసుకున్నవారెవరికీ నేటికి ఆయా ప్రభుత్వశాఖల నుంచి సమాచారం రాలేదు. ఎక్కడ కౌన్సిలింగ్ కి హాజరు కావాలో కూడా తెలియకఉద్యోగులందరూ డైలమాలో ఉన్నారు. అయితే వారి మాత్రుశాఖల అధికారులు మాత్రం అందరికీ కేటాయించిన ఉమ్మడి జిల్లా శాఖల కార్యాలయంలోనే బదిలీలు జరుగుతాయని..సెల్ ఫోన్లకు సమాచారం, మెసేజులు వస్తాయని చెబుతున్నారు. చూడాలి ఏం జరుగుతుందనేది.

మండలాల్లో ఫ్రీలాన్స్  జర్నలిస్టుల అక్రిడేషన్ మంజూరుకు పది సంవత్సరాల అనుభవంవుండాలన్న నిబంధన ప్రతిబంధకంగా మారిన విషయం ను నాయకులు వివరించారు. అయితే సదరు జర్నలిస్ట్ పది సంవత్సరాల అనుభవాన్ని వివరిస్తూ  సెల్ఫ్ డెక్లరేషన్ ఇస్తే సరిపోతుందని కమిషన్ ర్  తెలిపారు.  ఆ మేరకు జిల్లాలలోని సమాచార శాఖ అధికారులకు సమాచారం ఇవ్వాలని జాయింట్ డైరెక్టర్ కస్తూరి ని ఆదేశించారు.  జిల్లాలలో డెస్క్ లలో పనిచేస్తున్న సబ్ ఎడిటర్లకు పాత పద్ధతినే అక్రిడేషన్ మంజూరు చేయాలని, అందుకోసం పత్రికల పేజీలు నిబంధనలను సడలించాలని కమిషనర్ ను నాయకులు కోరారు . ఈ విషయం పై సమీక్ష అనంతరం ఆయా పత్రికలు ఎన్ని పేజీలు తో వస్తుంది మరోసారి చూసి అవసరమైన మార్పులు చేయాలని అధికారులకు సూచించారు. జిల్లా కేంద్రాలలో చిన్న పత్రికలకు వన్ ప్లస్ వన్ అక్రిడిటేషన్లు మంజూరు చేయాలని అదేవిధంగా ఎలక్ట్రానిక్ మీడియా జర్నలిస్టులకు టూ ప్లస్ టు ఇవ్వాలని కోరారు ఈ విషయంపై మరోసారి పరిశీలిస్తానని కమిషనర్ హామీ ఇచ్చారు. కమిషనర్ ను కలిసిన ప్రతినిధి బృందంలో యూనియన్ రాష్ట్ర ఉపాధ్యక్షులు కే జయరాజ్, ఎలక్ట్రానిక్ మీడియా అధ్యక్షులు ఏచూరి శివ, కృష్ణా అర్బన్ యూనిట్ కార్యదర్శి కొండా రాజేశ్వరరావు, ఐజేయూ కౌన్సిల్ సభ్యులు షేక్ బాబు, యూనియన్ రాష్ట్ర కౌన్సిల్ సభ్యులు దారం వెంకటేశ్వరరావు, దాసరి నాగరాజు, సీహెచ్ రాంబాబు,  తదితరులు పాల్గొన్నారు.

కొత్త పీఆర్సీ, బకాయి డిఏలు, సిపిఎస్ రద్దు, కాంట్రాక్టు ఉద్యోగుల రెగ్యులైజేషన్ తదితర విషయాలపై మంత్రవర్గంతో సమావేశమైన ఉద్యోగ సంఘాలు ప్రసూతి శెలువులు, సర్వీసు ప్రొబేషన్ గడువు పెంచడం, కొన్ని చోట్ల, ఆరు నెలలు దాటిన తరువాత శెలవుల బిల్లులకి జిల్లా కార్యాలయాల చుట్టూ తిప్పే కంటే..శెలవులు ఇచ్చే సమయంలోనే జీతం మంజూరు చేయాలని, ప్రభుత్వం ఇచ్చే శెలవులను సర్వీసు ప్రొభేషన్ కు లింకు పెట్టకూడదని ఉద్యోగ సంఘాలు ప్రభుత్వాన్ని నిలదీశాయి. దీనితో దిగివచ్చిన ప్రభుత్వం ఈ విషయంపై సానుకూల నిర్ణయం తీసుకుంటామని ప్రకటించింది. ఉద్యోగ సంఘాలు డిమాండ్ పరిగణలోకి తీసుకుంటే మహిళా ఉద్యోగులకు ప్రసూతి కష్టాలు తీరిపోనున్నాయి. ప్రసూతి శెలవుల విషయం ప్రభుత్వం ద్రష్టికి వెళ్లడానికి  ఈఎన్ఎస్ నేషనల్ న్యూస్ ఏజెన్సీ, www.enslive.net,  ens live app ప్రత్యేక కథనాలు ఎంతో దోహదం చేశాయని, సదరు వార్తలు చూసిన ఉద్యోగులు విశాఖలోని న్యూస్ ఏజెన్సీ కార్యాలయానికి ఫోన్లు చేసిన ధన్యవాదములు తెలియజేశారు. 

ప్రభుత్వ ఉద్యోగులు, డిమాండ్లు విషయంలో ఆదినుంచి ప్రత్యేక చొరవ తీసుకోవడంతోపాటు, ప్రభుత్వం ఆలోచించే విధంగా, ఉద్యోగులు ఎదుర్కొంటున్న కష్టాలను కూడా ens live app ద్వారా ప్రత్యేక కధనాల రూపంలో తెలియజేస్తుందని. అదే ఒరవడిని ఇకముందు కూడా కొనసాగించాలి ప్రభుత్వ మహిళా ఉద్యోగులు, ఉద్యోగ సంఘాల నాయకులు కోరారు. వారి అభ్యర్ధనే కాకుండా ఈఎన్ఎస్ నేషనల్ న్యూస్ ఏజెన్సీ ప్రకటించిన విధంగా ఉద్యోగులకు ఎలాంటి అన్యాయం జరిగినా వారి వెంట ens live app ఉంటుందని కూడా ప్రకటిస్తున్నాం. అదే విధంగా ప్రభుత్వ తాజా వార్తలకు అధిక ప్రాధాన్యత ఇస్తామని, అన్ని వర్గాల మీడియాగా ఉంటామని కూడా తెలియజేస్తున్నాం. ప్రజా పక్షాన నిలిచి అటు ప్రజలకు, ఇటు ఉద్యోగులకు అసలైన వారధిగా ఈఎన్ఎస్ న్యూస్ ఏజెన్సీ ఎప్పటికీ నిలిచే ఉంటుందని కూడా చెబుతున్నాం. ప్రభుత్వ ఉద్యోగులు విధినిర్వహణ చేయకపోతే ఏ ఒక్క కార్యక్రమం ముందుకి సాగదని ప్రభుత్వం గ్రహించాలి.. ఆదిశగా వారి న్యాయమపరమైన డిమాండ్లు పరిష్కరించాలి..అదేస్థాయిలో ప్రభుత్వ ఉద్యోగులు, అధికారుల ద్వారా ప్రజలకు సత్వరమే సేవలు అందాలి ఇదే ఈఎన్ఎస్ నేషనల్ న్యూస్ ఏజెన్సీ లక్ష్యం..!

1. ప్రస్తుతం జరగబోయే బదిలీలు ఉద్యోగుల అభ్యర్థన మరియు పరిపాలనాపరమైనటువంటి (administrative grounds) కారణాలతో మాత్రమే ఉంటాయి.

2. ఏప్రిల్ 30 నాటికి ఒకే స్టేషన్లో రెండు సంవత్సరాల సర్వీస్ పూర్తి చేసిన ఉద్యోగులు మాత్రమే అభ్యర్థన బదిలీలకు అర్హులు మరియు ఒకే స్టేషన్లో 5 సంవత్సరాలు పూర్తి చేసుకున్న వారికి తప్పనిసరిగా బదిలీలు చేస్తారు.

3. ఒక ఉద్యోగి అన్ని క్యాడర్లలో కలిపి ఆ స్టేషన్లో పనిచేసిన కాలం మొత్తాన్ని పరిగణించబడుతుంది. స్టేషన్ అనగా నగరం,పట్టణం, గ్రామం  అవుతుంది అంతేగాని కార్యాలయము లేదా సంస్థ కాదు. అయితే, స్టేట్ ఆడిట్ డిపార్ట్‌మెంట్ కోసం, స్టేషన్ అంటే జోన్‌లోని కార్యాలయం అని అర్థం, ఎందుకంటే వారి అన్ని కార్యాలయాలు జిల్లా ప్రధాన కార్యాలయంలో మాత్రమే ఉన్నాయి.

4. ప్రస్తుతం జరగబోవు బదిలీలకు దిగువ తెలిపిన అంశాలు కలిగిన వారికి ప్రాధాన్యత ఇస్తారు.  40% లేదా అంతకన్నా ఎక్కువ Disability ఉన్న ఉద్యోగులు... 

 5.కారుణ్య నియామకం ద్వారా నియమించబడిన వితంతు ఉద్యోగులు  భార్యాభర్తలిద్దరూ ఉద్యోగులు అయి ఉండాలి.

6.ఉద్యోగుల పిల్లలు ఎవరైతే మానసిక స్థితి బాగోదు  (Mentally Challenged) వారికి వారు చూపిస్తున్న ఆసుపత్రి దగ్గరలో ఉద్యోగులు గాని ఉద్యోగుల యొక్క భర్త లేదా భార్య గాని వారి పిల్లలు గాని లేదా తల్లిదండ్రులు గాని.. లేదా వారిపై ఆధారపడి ఉన్నవారు గానీ క్యాన్సరు, ఓపెన్ హార్ట్ ఆపరేషన్, నరాలకు సంబంధించిన ఆపరేషన్, కిడ్నీ మార్పిడి అయినవారికి మెడికల్ సదుపాయాలు ఎక్కడ ఉంటాయో అక్కడ.  

7. ITDA ప్రాంతాలలో పోస్టింగ్ కోసం..  50 సంవత్సరాల కంటే తక్కువ వయస్సు ఉన్న ఉద్యోగులు. ఐటిడిఎ పరిధిలో ఇంతకు ముందు పని చేయని ఉద్యోగులు మైదాన ప్రాంతంలోని సర్వీసు నిడివిని బట్టి చేస్తారు.

8.ITDA ప్రాంతాలతో పాటు, బదిలీలలో ఖాళీలను భర్తీ చేసేటప్పుడు ఎక్కువ సంఖ్యలో ఖాళీలు ఉన్న ఇంటీరియర్ ప్లేసెస్ మరియు వెనుకబడిన ప్రాంతాలకు ప్రాధాన్యత ఇస్తారు.

 

1) బదిలీలపై సడలింపు 22 మే 2023 నుండి 31 "మే 2023 వరకు అమలులోకి వస్తుంది.

2.ఫిర్యాదులు/ ఆరోపణలకు అవకాశం లేకుండా అత్యంత పారదర్శకంగా బదిలీ ఉత్తర్వులను అమలు చేయడానికి సంబంధిత శాఖాధిపతి బాధ్యత వహిస్తారు. ఈ మార్గదర్శకాల యొక్క ఏదైనా ఉల్లంఘన తీవ్రంగా పరిగణించబడతారు.

3. ప్రత్యేక కార్యాచరణ వ్యవస్థలను కలిగి ఉన్న కింది విభాగాలు, పై మార్గదర్శకాలను అనుసరించడం ద్వారా తమ డిపార్ట్‌మెంట్‌లకు సంబంధించిన వారి స్వంత బదిలీ మార్గదర్శకాలను రూపొందించవచ్చు. వాటిలో ఆదాయాన్ని ఆర్జించే విభాగాలు, 

   1) వాణిజ్య పన్నులు 

   2)ప్రొహిబిషన్ & ఎక్సైజ్  

   3)స్టాంపులు & రిజిస్ట్రేషన్ 

   4)రవాణా శాఖ, మరియు 

    5)వ్యవసాయ శాఖ. వారు కూడా 31-మే- 2023 నాటికి ప్రక్రియను పూర్తి చెయ్యాలి.

4.విద్యా శాఖలు అనగా పాఠశాల విద్య, ఉన్నత విద్య, ఇంటర్మీడియట్ విద్య, సాంకేతిక విద్య మరియు సంక్షేమ శాఖల క్రింద పనిచేస్తున్న విద్యా శాఖలు పై బదిలీ మార్గదర్శకాల నుండి మినహాయించబడ్డాయి.మరియు వారు ఆర్థిక శాఖ ముందస్తు అనుమతితో తమ శాఖలకు సంబంధించిన వారి స్వంత బదిలీ మార్గదర్శకాలను కూడా రూపొందించుకోవచ్చు. 

6. సర్క్యులర్ మెమో నెం. GAD01- SWOSERA/ 27/2019- SW, GA (సర్వీసెస్ వెల్ఫేర్) డిపార్ట్‌మెంట్, dt.15.06.2022లో జారీ చేయబడిన గుర్తింపు పొందిన ఎంప్లాయీస్ అసోసియేషన్‌ల ఆఫీస్ బేరర్‌ల బదిలీలపై స్టాండింగ్ సూచనలు వర్తిస్తాయి.

7. దృష్టిలోపం ఉన్న ఉద్యోగులు  బదిలీ కోసం నిర్దిష్ట అభ్యర్థన చేసినప్పుడు మాత్రమే బదిలీ చేయబడుతుంది.  లేని పక్షంలో వారికి ఈ బదిలీల నుండి మినహాయింపు ఇవ్వడమైనది. వీలైనంత వరకు, స్పష్టమైన ఖాళీ లభ్యతకు లోబడి ఈ కేటగిరీల ఉద్యోగులను వారికి నచ్చిన ప్రదేశంలో పోస్ట్ చేయవచ్చు.

8. ఏదైనా ఉద్యోగి పై పెండింగ్‌లో ఉన్న అభియోగాలు/ ఏసీబీ/ విజిలెన్స్ కేసులు ఉన్న యెడల వారి అభ్యర్థనలు బదిలీ కోసం పరిగణించబడవు. 

9. బదిలీలపై నిషేధం 01.06.2023 నుండి అమలులోకి వస్తుంది.

ప్రతీజిల్లాలోనూ సోమవారం వచ్చే ఫిర్యాదుల జాబితా మొత్తం 75 ప్రభుత్వశాఖల ద్వారా మండలాలకు, అక్కడి నుంచి గ్రామ, వార్డు సచివాలయాలకు వెళుతుంది. ఫిర్యాదు ఆధారంగా సమస్య పరిష్కారం చూపించాల్సిన బాధ్యత కూడా ప్రభుత్వశాఖల పైనే ఉంటుంది. ఫిర్యాదు అందిన దగ్గర నుంచి సమస్య పరిష్కారం అయ్యేంతవరకూ సదరు జిల్లాశాఖ అధికారి బాధ్యత వహించాల్సి వుంటుంది. సమస్య పరిష్కారం కాగానే సచివాలయ సిబ్బంది ఆ వివరాలు, ఫోటోను ఆన్ లైన్ లో అప్ లోడ్ చేస్తారు. ఇదే సమయంలో ప్రభుత్వం చేపడుతున్న సంక్షేమ కార్యక్రమాలు, గ్రామ, వార్డు సచివాలయాల ద్వారా అందుతున్న సేవలు కూడా ప్రజలకు నేరుగా తెలిసే అవకాశం ఏర్పడింది. సచివాలయాలు ఏర్పాటు చేసిన దగ్గర నుంచి సిబ్బంది ప్రజలతో మమేకం అయ్యేలా ప్రభుత్వం ఎన్ని ఆదేశాలు ఇచ్చినా అవి బుట్టదాఖలే అయ్యాయి. కానీ జగనన్నకు చెబుదాం కార్యక్రమంతో మాత్రం రాష్ట్రంలోని 14వేల 5 గ్రామ, వార్డు సచివాలయాల్లోని సుమాలరు 1.25లక్షల పైచిలుకు సిబ్బంది ఇపుడు ప్రజల వద్దకే నేరుగా వెళ్లే పరిస్థితి ఏర్పడింది.

ప్రభుత్వం జగనన్నకు చెబుదాం కార్యక్రమాన్ని ప్రతిష్టాత్మకంగా తీసుకోవడంతో జిల్లాశాఖల అధికారులు కూడా ఇదే పనిపై దృష్టిసారించాల్సి వుంటోంది. దానికితోడు జిల్లా కలెక్టర్లు స్పందన కార్యక్రమంలో ఖచ్చితమైన ఆదేశాలు జారీచేస్తుండటంతో ప్రజల వద్దకు ఈ కార్యక్రమం సత్వరమే వెళ్లడానికి మార్గం సుగమం అయ్యింది. అయితే ప్రజల నుంచి అర్జీలు కూడా కలెక్టరేట్లకే వెళుతుండటంతో మండలాలు, సచివాలయాల్లో దరఖాస్తులు రావడం లేదు. జిల్లాశాఖల నుంచి తప్పితే, నేరుగా ప్రజలు సచివాలయాలను సద్వినియోగం చేసుకోవాలనే ఆదేశాలను జిల్లా కలెక్టర్లు, జాయింట్ కలెక్టర్లు సైతం అమలు చేయలేకపోతున్నారు. వాస్తవానికి గ్రామస్థాయి సమస్యలు సచివాలయాల్లోనూ, మండలస్థాయి సమస్యలు మండల కేంద్రాల్లోనూ, జిల్లా స్థాయిలో సమస్యలు కలెక్టరేట్లలోనూ దరఖాస్తులు చేసుకునేవిధంగా ప్రభుత్వం కార్యాచరణ చేసినా, నేరుగా ప్రజలందరూ కలెక్టరేట్లనే ఆశ్రయిస్తున్నారు. అయినప్పటికీ అనతి కాలంలోనే జగనన్నకు చెబుదాం కార్యక్రమం  ప్రభుత్వ అధికారులు, సిబ్బంది నేరుగా ప్రజలతో మమేకం కావడానికి ప్రత్యేక వేదికలా మారింది. ఇదే పద్దతి కొనసాగితే ప్రభుత్వం అనుకున్న లక్ష్యం నెరవేరడంతోపాటు, ప్రజల సమస్యలు కూడా సత్వరమే పరిష్కారానికి నోచుకుంటాయి..!