175 నియోజకవర్గాల్లో 70కి పైగా పోటీచేసే కాంగ్రెస్ అభ్యర్ధుల్లో సుమారు 45 మంది బడా బడా  నేతలే రంగంలోకి దిగుతున్నారని అత్యంత విశ్వసనీయ వర్గాల సమా చారం. గత కొద్ది రోజులుగా రాజకీయ ముఖచిత్రాన్ని పరిశీలిస్తున్న ఈరోజు దినపత్రిక, ఈఎన్ఎస్ నేషనల్ న్యూస్ ఏజెన్సీ సంయుక్తంగా రాష్ట్రవ్యాప్తంగా చేపట్టిన సర్వే, గ్రౌండ్ రిపోర్టు ఆధారంగా అత్యంత కీలక వ్యక్తులే ఈసారి మళ్లీ కాంగ్రెస్ పార్టీ నుంచి ఈ ఎన్నికల్లో పోటీకి దిగుతున్నారని తెలియజేస్తున్నాం. ఇప్పటికే ఉత్తరాంధ్రా జిల్లాల నుంచి సుమారు ఏడు నుంచి 10 మంది, ఉమ్మడి తూర్పుగోదావరి జిల్లా నుంచి మరో 12 మంది, రాయలసీమం నుంచి 15, ఇప్పటి వరకూ తమ తమ సీట్లను ఖరారు చేసుకు న్నట్టు నివేదికలు అందుతున్నాయి. ఒకేసారి కాంగ్రెస్ నుంచి ఇంత మంది పోటీచేయడం ద్వారా రాష్ట్రవ్యాప్తంగా ఉండే ఓట్లు పెద్ద ఎత్తున చీలిపోయే అవకాశాలు కనిపిస్తు న్నాయి. వైఎస్సార్సీపి, టిడిపి, జనసేన వారి వారి పార్టీలకు సంబంధించిన ఓటు బ్యాంకు ఉన్నా, అభ్యర్ధులు ఎక్కువ కావడంతో ఓట్లు చీలిపోయే పరిస్థితి నెలకొం ది. ఇప్పటికే అధికార పార్టీ నుంచి సిట్టింగ్ ఎమ్మెల్యేలు సుమారు 40మందికి సీట్లులేవు..మరోజాబితా వస్తే ఆ సంఖ్య పెరిగే అవకాశాలూ ఉన్నాయి. 

దీనితో సీట్లు రానివారంతా ఇపుడు ప్రత్యామ్నాయ పార్టీ కాంగ్రెస్ గూటికే చేరుతారన్నది స్పష్టం అవుతోంది. మరోవైపు అధికార పార్టీ కాకుండా మరే మారేపార్టీ నుంచి అభ్యర్ధులు నిలబడినా ప్రభుత్వ ఉద్యోగులు, ఉపాధ్యాయులు, అంగన్వాడీలు, మున్సిపల్ కార్మికులు, కాంట్రాక్టు ఔట్ సోర్సింగ్ ఉద్యోగులు, యువత ఓట్లు పడే అవకాశాలూ ఉన్నాయి. ఇటీవల జరిగిన ఎమ్మెల్సీ ఎన్నికల్లో ఆ విషయం ఉత్తరాంధ్రా ఎమ్మెల్సీ విషయంలో స్పష్టమైంది. ఎక్కువమంది ఎంపీస్థానాల వైపు మొగ్గు చూపుతున్నట్టుగా చెబుతున్నారు. ప్రస్తుతం అంగన్వాడీలు, సర్వశిక్షా ఉద్యోగులు, మున్సిపల్ కార్మికులు సమ్మె చేస్తున్న వేళ ప్రభుత్వం వారి డిమాండ్లను తీర్చకుండా బింకపట్టు పట్టుకొని కూర్చుంది. అదేసమయంలో షర్మిల కాంగ్రెస్ లోకి చేరడటం, ఆమె అనుచరులు, కుటుంబ సభ్యులు, అత్యంత సన్నిహితులు కూడా క్యూలు కడుతున్నారు. ఈరోజు పేపర్ లెక్క నిజమైతే ఫిబ్రరి మొదటి వారంలోనే కాంగ్రెస్ తొలిజాబితా వెలువడే అవకాశాలున్నాయి. ఈ 2024 సాధారణ ఎన్నికల్లో త్రిముఖ పోటీ, మూడు సామాజిక వర్గాల బలాబలాలు, ఎత్తులు, పైఎత్తులు, రాజకీయ సమీకరణలు, జంపింగ్ జపాంగ్ లు వారి వారి బలాన్ని ఎంతలా ప్రదర్శించనున్నారనేది..!

జీతాలమీదే ఆధారపడే ఉద్యోగులు, పెన్షన్ల సమస్యలు వారి బ్యాంకుల ఈఎంఐల ఇబ్బందులూ దృష్టిలో ఉంచుకొనైనా సమయానికి అకౌంట్లోకి జీతాలు సమచేయాలని ఉద్యోగులు కోరుతున్నారు. ఆది నుంచి ప్రభుత్వ ఉద్యోగులు, రిటైర్ ఉద్యోగుల విషయంలో నిర్లక్ష్యం వహిస్తున్న తీరు వచ్చే ఎన్నికల్లో తీవ్రంగా ప్రభావం చూపించే అవకాశాలున్నాయని విశ్లేషకులు భావిస్తున్నారు. గతంలో ఎప్పుడూ ఉద్యోగులు, పెన్షనర్ల విషయంలో ఏ ప్రభుత్వంలోనూ ఇంత ఆలస్యం చూడలేదని చెబుతున్నారు. కావాలని చేస్తున్నారో..ప్రభుత్వానికి వ్యతిరేకంగా ఉన్నారని చేస్తున్నారో అర్ధం కావడంలేదని, కానీ ప్రతీనెలా జీతాలు, పెన్షన్లు మాత్రం ఆలస్యంగానే వస్తున్నాయని చెబుతున్నారు. ప్రజల్లో భాగమే ఉద్యోగులని, అలాంటి వారిని పెడచెవిన పెట్టడం వలన రానున్న రోజుల్లో మరిన్ని ప్రతికూల పరిస్థితులు ఎదురవుతాయని, కొద్దో గొప్పో వచ్చే సహకారం కూడా రాకుండాపోయే ప్రమాదం కూడా లేకపోలేదని వాదన బలంగా వినిపిస్తున్నది. రెండవ శనివారాలు, ఆదివారాలు, పండుగరోజుల్లో కూడా ప్రత్యేక జూమ్ మీటింగులు, శిక్షణా కార్యక్రమాలు, అవేమీ లేకపోతే టెలీ కాన్ఫరెన్సులు, అవీ కుదరకపోతే యాప్స్ లో డేటా అప్లోడ్ పనులు అప్పగించే ప్రభుత్వం సమయానికి ఎందుకు జీతాలు, పెన్షన్లు ఇవ్వడం లేదో చెప్పగలదా అంటూ తీవ్ర స్వరంతో ప్రశ్నిస్తున్నారు ఉద్యోగులు. చూడాలి ఎన్నికల వేల ఉద్యోగులు, పెన్షనర్లు ఈ మూడు నెలలైనా సమయానికి జీతాలు అకౌంట్లోకి సమయానికి ప్రభుత్వం వేస్తుందా అనేది..?!

అంతేకాదు ప్రభుత్వం అప్పగించిన బిఎల్వో విధులకు సైతం సచివాలయ ఉద్యోగులనే వినియోగిస్తూ, వారికి కల్పించాల్సిన సదుపాయాలు, స్టేషనరీ కూడా ఇవ్వకుండా పనులు చేయిస్తుండటంతో సచివాలయ ఉద్యోగులే వాటి ఖర్చు భరించాల్సి వస్తుంది. రాష్ట్రవ్యాప్తంగా అదనంగా చేస్తున్న బిఎల్వో విధులకు సచివాలయ ఉద్యోగులకు బిల్లులు కూడా పెట్టడం లేదు రెవిన్యూశాఖ. అదనపు బత్యం మాట దేవుడెరుగు, రానూ పోనూ  ఛార్జీలు, మాట్లాడితే మండల కార్యాలయంలో ప్రత్యేక సమావేశాలు, సొంత ఖర్చులతో స్టేషనరీ కొనుగోళ్లు, ఇంటర్నెట్, మొబైల్ ఫోన్ల వినియోగం, స్టేషనరీ ప్రింటింగ్ ఖర్చులు ఇలా అన్ని రకాలుగా సచివాలయ సిబ్బందికి ఒకరకంగా వాచిపోతున్నది. గతంలో సచివాలయశాఖ లేనపుడు బిఎల్వో విధులు ఐసిడిఎస్ సిబ్బంది చేపట్టేవారు. ఆ పనులు కాస్తా వీరికి అప్పగించారు. వాటితోపాటు, సచివాలయంలో ఏశాఖ సిబ్బంది లేకపోయినా ఉన్న సిబ్బందితోనే పనులన్నీ చేయిస్తోంది ప్రభుత్వం. అన్నీ భరించి అదనపు పనులు చేస్తున్నా.. కొందరు పంచాయతీ కార్యదర్శిల నుంచి చీత్కారాలు, చీదరింపులు, వేధింపులు తప్పడంలేదు ఉద్యోగులకు. అసలే గ్రామ, వార్డు సచివాలయశాఖ ఏర్పాటుతో చాలా ప్రభుత్వశాఖల అధికారులు, సిబ్బందికి గొంతులో పచ్చివెలక్కాయ్ పడటంతో వారి కసిని ఉద్యోగుల విధులపై మరో రకంగా తీర్చుకుంటున్నారనే ఆరోపణలు కూడా లేకపోలేదు. ఉద్యోగులు శ్రమించి పనిచేస్తున్నా..పలు గ్రామ, గ్రామవార్డు సచివాలయాల్లో పనిచేసే పంచాయతీకార్యదర్శిలు పెట్టేవేధింపులకు మహిళా ఉద్యోగులు కన్నీళ్లు పెట్టుకుంటున్న సందర్భాలు కూడా ఉంటున్నాయంటే అతిశయోక్తి కాదు. వారు ప్రభుత్వం అప్పగించిన పనిచేయకపోగా, చేస్తున్నవారిని వారి నోటికొచ్చినట్టు తిడుతుండటం, అధికారులు, ప్రజాప్రతినిధుల ముందు చులకన చేసి మాట్లాడుతుండటం ఇపుడు చర్చనీయాంశం అవుతోంది. కొన్నిచోట్ల ఈ వ్యవహారంలో ఎమ్మెల్యేలు, ఎంపీలు కూడా జోక్యం చేసుకొని పంచాయతీ కార్యదర్శిలకు వార్నింగ్ లు కూడా ఇస్తున్నారంటే పరిస్థితి ఎలా ఉందో అర్ధం చేసుకోవచ్చు.

రాష్ట్రంలోని 26 జిల్లాల్లోని 14వేల 5 గ్రామ, వార్డు సచివాలయాల్లో ప్రభుత్వం అన్ని శాఖల్లోనూ సిబ్బందిని పూర్తిస్థాయిలో భర్తీచేయలేదు. దీనితో చాలా చోట్ల 

ఇంతలా పనిచేస్తున్న గ్రామ, వార్డు సచివాలయ ఉద్యోగులు నేటికీ ప్రభుత్వం ద్వారా రావాల్సిన ప్రయోజనాలను మాత్రం పొందలేకపోతున్నారు. ఇప్పటికీ ఉద్యోగులందరికీ రెండేళ్ల సర్వీసు ప్రొబేషన్ తరువాత ఇవ్వాల్సిన రెండు ఇంక్రిమెంట్ల సంగతిపై ప్రభుత్వం నేటికీ ఎలాంటి ప్రకటనా చేయలేదు. ఇంకా కొన్ని శాఖల ఉద్యోగులకు సర్వీసు నిబంధనలు, ప్రమోషన్ ఛానల్ కూడా ఏర్పాటు చేయలేదు. కేవలం ఒకటిరెండు శాఖల ఉద్యోగులకే పదోన్నతులు కల్పించి మిగిలిన శాఖల ఉద్యోగులను గాలికొదిలేశారు. ఇప్పటికీ ప్రభుత్వం ఖచ్చితంగా చేస్తామన్న ఈశాఖకు కల్పించాల్సిన చట్టబద్దత కూడా నేటికీ చేయకపోవడం,  రెగ్యులర్ ప్రభుత్వ ఉద్యోగమని ఎన్నివేధింపులు, అదనపు బాధ్యతలు అప్పగించినా, బిఎల్వోలాంటి విధులు, సమ్మెచేస్తున్న సమయంలో అదనపుశాఖల విధులు చేస్తున్న సమయంలో చేతి చమురు వదిలిపోతున్నా అన్నీ భరించి  ఉద్యోగాలు చేస్తున్నారు సచివాలయ ఉద్యోగులు. రాష్ట్రప్రభుత్వంలో ఏ అత్యవసర పనులు చేయాలన్నా అందరికీ కనిపిస్తున్నది ఒక్క గ్రామ, వార్డు సచివాలయశాఖ మాత్రమే. దానికి కారణం కూడాలేకపోలేదు.. ప్రభుత్వంలోని 75 ప్రభుత్వశాఖల్లో ఏశాఖలోనూ ఇంతమంది ఉద్యోగులు ఒకేచోట లేకపోవడమే. చాలా వరకూ ప్రభుత్వశాఖల్లో ఖాళీలు ఉండటం, కేడర్ ఉద్యోగులు లేకపోవడం, గ్రామ,వార్డు సచివాలయశాఖకు ఒక నిర్ధిష్ట ఉద్యోగ కేడర్(గ్రూపు-6, గ్రూపు-5, గ్రూపు-4 తదితర)లేకపోవడంతో ఏ పనికైనా మల్టీ టాస్కింగ్ డ్యూటీలకు వీరినే చక్కగా వినియోగించడానికి వీలుపడుతున్నది. పోనీ ఈశాఖలోని ఉద్యోగ సంఘాల నేతలైనా వీరి సమస్యలను ప్రభుత్వం దృష్టికి తీసుకెళతారా అంటే అదేలేదు. దీనితో సచివాలయ ఉద్యోగుల అదనపు విధుల బాధలు, తిట్లు, శాపనార్ధాలు, చీత్కారాలు, వేధింపుల సమస్యలు ఎవరికి చెప్పుకోవాలో తెలియని పరిస్థితి నెలకొంది. ఇప్పటికైనా మండల స్థాయిలో ఎంపీడీఓలు, డివిజన్ స్థాయిలో డిఎల్డీఓలు, జిల్లా స్థాయిలో కలెక్టర్లు గ్రామ, వార్డు సచివాలయశాఖలోని వాస్తవ పరిస్థితిలను సమీక్షించకపోతే దీని ప్రభావం వచ్చే ఎన్నికల్లో ఖచ్చితంగా పడే అవకాశాలున్నాయనే ప్రచారం జోరుగా సాగుతుంది. చూడాలి ఇప్పటికైనా ప్రభుత్వం సచివాయల ఉద్యోగుల అదనపు విధుల సేవలను గుర్తిస్తుందా? వీరికి ఇవ్వాల్సిన ప్రయోజనాలు ఇస్తుందా..? బకాయి పడ్డ ఇంక్రిమెంట్లు, పీఆర్సీ అరియర్సు, డీఏలు ఇస్తుందా..?.ఉద్యోగులు ఎవరికీ చెప్పుకోలేక భరిస్తున్నవేధింపులు, చీత్కారాలు, చిరాకులు ప్రభుత్వం ప్రత్యేక చర్యల ద్వారా తెరదించుతుందా అనేది..!

సాంకేతిక ఇబ్బందులు మోకాలడ్డు..

గ్రామ, వార్డు సచివాయాల్లో 19శాఖల సిబ్బంది అందుబాటులో ఉన్నా ఒక్కో సచివాలయానికి కేవలం రెండు మాత్రమే కంప్యూటర్లు ఉండటం, అందులో ఒకటి రెగ్యులర్ గా డిజిటల్ అసిస్టెంటే వినియోగించడం, మరొకటి సెక్రటరీ లేదా వెల్ఫేర్ అసిస్టెంట్లు వినియోగిస్తుండటంతో ఇతర ప్రభుత్వ సేవలు అందించడానికి కంప్యూటర్లు లేకుండా పోతున్నాయి. ఇపుడు ఏ దృవీకరణ కావాలన్నా ఆన్ లైన్ లోనే వివరాలు నమోదు చేయాల్సి ఉండటం, దానికి కంప్యూటర్లు లేకపోవడం వలన క్రమ సంఖ్యలో ఉన్న డిజిటల్ అసిస్టెంట్లే ఒక రోజుకి ఎన్ని చేయగలరో అన్నే చేస్తున్నారు. దానికితోడూ ఆధార్ కేంద్రాలు కూడా సచివాలయాలకే ఇవ్వడంతో అధిక ఆదాయం వచ్చే ప్రధాన సేవలు అందించే వీలు లేకుండా పోతున్నది. గ్రామీణ ప్రాంతాల్లో కొన్ని సచివాలయాల్లో ఒక్కో కంప్యూటర్ ఉన్నచోట మరీ ఇబ్బందులు తలెత్తుతున్నాయి. గత్యంతరం లేనివారంతా చచ్చినట్టు మీ-సేవా కేంద్రాలను ఆశ్రయిస్తున్నారు. అందులోనూ సచివాయాల్లో తీసుకునే ధరకంటే మీ సేవా కేంద్రాల్లో రెండింతలు అధికంగా ఉండటంతో ప్రజలకు ఆర్ఢిక ఇబ్బందులు కూడా తప్పడం లేదు. ఒక్కోసారి రెవిన్యూ ఆధారిత దృవీకరణ పత్రాలకు ఆమ్యామ్యాలు కూడా చెల్లించుకోవాల్సి వస్తున్నది.

సచివాలయాల్లో సరిపడినన్ని కంప్యూటర్లు లేకపోవడం, ఉన్నచోట స్టేషనరీలు సక్రమంగా లేకపోవడం, అన్నీ ఉన్నచోట సిబ్బంది లేకపోవడం తదితర కారణాల వలన ప్రధాన సేవలు గ్రామ స్థాయిలో అందకుండా పోతున్నాయి. గతంలో కంటే మిన్నగా సచివాలయాల్లో సేవలు అందుతున్నా..ఆదాయం మాత్రం రావడం లేదు. ప్రభుత్వానికి ఆదాయం కూడా సచివాలయాల ద్వారా వస్తే మరిన్ని సేవలు ప్రజల ముందుకి తీసుకురావడానికి వీలుపడుతుంది. సాంకేతి పరమైన ఇబ్బందులున్న చోట మిగిలిన సిబ్బంది రికార్డుల పనికే పరిమితం కావాల్సి వస్తున్నది. వాస్తవాని ఈ విషయాలన్నీ జిల్లా స్థాయిలో కలెక్టర్లు, మండలస్థాయి అధికారులకు తెలిసినప్పటికీ ప్రభుత్వం దృష్టికి అసలు విషయాన్ని తీసుకెళ్డం లేదు. దీనితో ప్రభుత్వం అందించాలనుకున్న సేవలు ప్రజలకు చేరడం లేదు. అటు ప్రభుత్వానికి కూడా ఆదాయం సమకూరడం లేదు.

రాష్ట్రంలోని కొన్ని జిల్లాల్లోని గ్రామ, వార్డు సచివాలయాల్లో సిబ్బంది కొరత వేధిస్తున్నది. ప్రభుత్వలు అందించడానికే ప్రత్యేకంగా ఏర్పాటు చేసిన డిజిటల్ అసిస్టెంట్ పోస్టులు చాలా చోట్ల ఖాళీగా ఉండిపోయాయి. ప్రభుత్వం కొన్ని చోట్ల కారుణ్య నియామకాల ద్వారా ఖాళీలు భర్తీచేసినప్పటికీ అత్యంత అవసరం ఉన్న డిజిటల్ అసిస్టెంట్, పంచాయతీ సెక్రటరీ లాంటి పోస్టులు భర్తీ కావడంలేదు. దీనితో ఉన్న సిబ్బందే పక్క సచివాయాలకు వెళ్లి అత్యవసర సేవలు ఏ విధంగా ఆన్ లైన్ ద్వారా చేయాలో తెలుసుకొని వాటిని చేస్తున్నారు. చాలా మంది పంచాయతీ కార్యదర్శిలకు ఒక్కొక్కరికి రెండు మూడు పంచాయతీలు ఇన్చార్జిలు అప్పగించడంతో ప్రధాన అవసరాలు గ్రామపరిధిలో తీరడం లేదు. అలాగని కొన్నిచోట్ల సిబ్బంది ఉన్నా పనులు జరగడం లేదు. దీనింతటికీ పర్యవేక్షణ లోపమే ప్రధానంగా కనిపిస్తున్నది. జిల్లా స్థాయిలో కలెక్టర్, జాయింట్ కలెక్టర్, డివిజన్ స్థాయిలో డిఎల్డీఓలు, మండల స్థాయిలో ఎంపీడిఓలు పూర్తిస్థాయిలో దృష్టి సారిస్తే ఉన్న కొద్దిపాటి సిబ్బందితోనైనా పూర్తిస్థాయిలో సవలు అందించడం ద్వారా ప్రభుత్వానికి ఆదాయాన్ని కూడా పెంచే ఏర్పాటు చేయవచ్చు. కానీ ఆదిశగా ఎక్కడా చర్యలు తీసుకుంటన్న దాఖలాలు కనిపించడం లేదు. దానికితోడు సిబ్బందికి ఎన్నికల విధులు అదనంగా వచ్చి చేరడం కూడా సేవల విధులకు ఆటంకం ఏర్పడుతుంది. ఈ మొత్తం వ్యవహారం రాష్ట్ర అధికారులు దృష్టి సారిస్తే తప్పా పరిపాలన, తద్వారా సేవలు.. ఆపై ప్రభుత్వానికి ఆదాయం సమకూరే అవకాశం లేదు..!

 రాష్ట్రవ్యాప్తంగా వీఆర్వో ఖాళీలు చాలా ఉండటంతో ఆ ఖాళీలను విఆర్ఏలుగా పనిచేస్తున్నవారికి పదోన్నతి కల్పించి విఆర్ఏలుగా మార్చింది. ఇక పదోన్నతుల కోసం ఎదురు చూస్తున్నవారిలో గ్రేడ్-6 పంచాయతీ కార్యదర్శిలు అనగా ప్రస్తుతం డిజిటల్ అసిస్టెంట్లు, తరువాత ప్రస్తుత గ్రేడ్ గ్రేడ్-5 పంచాయతీకార్యదర్శిలు, సర్వేయర్లు, వీఆర్వోలు, నగర పరిధిలో వార్డు సెక్రటరీలు, శానిటేషన్ అసిస్టెంట్లు, మహిళా పోలీసులు, సెరీ కల్చర్ అసిస్టెంట్లు ఉన్నారు. వీరంతా తమ పదోన్నతుల మాట ఏమిటని ప్రశ్నిస్తున్నారు. ప్రస్తుతం రెండు మూడుశాఖల ఉద్యోగులకే పదోన్నతులు కల్పించడం ద్వారా తమకు ఎప్పుడు పదోన్నతులు ఇస్తారని అంతా ఆశగా ఎదురు చూస్తున్నారు. వ్యవసాయశాఖ, ఉద్యానవన శాఖ, పట్టుపరిశ్రమశాఖ, పశుసంవర్ధకశాఖ ఉద్యోగులు కనీసం ఇన్ సర్వీస్ ఛానల్ ఏర్పాటు చేస్తే దానితోనైనా పొందడానికి ఆస్కారం వుంటుందని వాపోతున్నారు. ప్రస్తుతం గ్రామ, వార్డు సచివాలయశాఖలో ఒక్క ఏఎన్ఎంలకు మాత్రమే ఇన్ సర్వీసులో స్టాఫ్ నర్స్ ట్రైనింగ్ ఇచ్చి మళ్లీ వారి విధులను సచివాలయాల పరిధిలోనే పనిచేసే విధంగా వెనక్కి పంపారు. రానున్న రోజుల్లో వీరికి పదోన్నతులు వస్తే వీరు పీహెచ్సీల్లోని స్టాఫ్ నర్సులుగా వెళ్లే అవకాశాలుంటాయని, వీరి స్థానంలో కొత్త ఏఎన్ఎంల భర్తీ జరగవచ్చునని చెబుతున్నారు. 

ప్రస్తుతం 22460 పేస్కేలు తీసుకునే సచివాలయ ఉద్యోగులకు పదోన్నతి లభించిన తరువాత ఏకంగా రూ.34 వేలు దాటి పేస్కేలు తీసుంటున్నారు. దీనితో పదోన్నతులు రాని ఉద్యోగులంతా తామంతా సచివాలయ శాఖలో శాపగ్రస్తులం అంటూ తీవ్ర ఆవేదన వ్యక్తం చేస్తున్నారు. అసలు పదోన్నతుల వ్యవస్థకే నోచుకోని డిజిటల్ అసిస్టెంట్లు, ఇంజనీరింగ్ అసిస్టెంట్ల బాధలైతే వర్ణణాతీతంగా ఉన్నాయి. కనీసం కొన్ని శాఖలకు ప్రమోషనల్ ఛానల్ ఏర్పాటు చేశారు..మేము దానికి కూడా నోచుకోకుండా అన్ని రకాల ఇంజనీరింగ్ పనులనూ చేయాల్సి వస్తుందని కన్నీటి పర్యంతం అవుతున్నారు. ఎన్నో వేల రూపాయల జీతాలు వచ్చే ప్రైవేటు ఉద్యోగాలను వదులుకొని ఈ శాఖలోకి రెగ్యులర్ ఉద్యోగమనే ఆశతో వచ్చిన మాకు తీవ్ర నిరాస మిగిలిందని వాపోతున్నారు. ఇప్పటికే రెండేళ్లలో రెగ్యులర్ కావాల్సిన తమ సర్వీసులు అదనంగా 9 నెలలు పనిచేసినపుడు అపుడు పేస్కేలు, సుమారు రెండు డిఏలు కోల్పోయామని, పీఆర్సీ వర్తించినట్టు పేస్కేలు పెంచినా..అందరు రెగ్యులర్ ఉద్యోగులు మాదిరిగా తమకు పేస్కేలు అరియర్స్ కూడా అందుకోలేకపోయామని చెబుతున్నారు. అసలు పీఆర్సీ అరియర్స్ విషయంలో ప్రభుత్వం నుంచి ఎలాంటి ప్రకటనా రాకపోవడం తమను తీవ్ర నిరాశకు గురిచేసిందని వాపోతున్నారు.

 గ్రామ, వార్డు సచివాలయశాఖలో చేరిన దగ్గర నుంచి ఇప్పటి వరకూ ఒక్కో ఉద్యోగి సుమారు రూ.2.50లక్షల నుంచి రూ.3 లక్షల వరకూ ప్రయోజనాలు కోల్పోయామని, ఇపుడు పదోన్నతుల విషయంలో కూడా తీవ్ర అన్యాయం జరుగుతోందని అంటున్నారు. మొత్తం 19శాఖల ఉద్యోగుల్లో రెండు శాఖల ఉద్యోగులకు పదోన్నతుల ప్రక్రియ ప్రారంభం కాగా, ఒక శాఖ ఉద్యోగులకు ఇన్ సర్వీస్ వ్యవస్థ ప్రారంభమై వారి శిక్షణ కూడా పూర్తిచేసుకున్నారు. మిగిలిన శాఖల్లో కూడా అవకాశం ఉన్నమేర ఇన్ సర్వీస్, ప్రమోషన్ ఛానల్ వర్తిపంజేస్తే ఇతర శాఖల ఉద్యోగులకు కూడా ప్రయోజనం చేకూరే అవకాశం వుంది. లేదంటే అంతర్ జిల్లాల బదిలీల్లో జిల్లాలు మారిన వారికి, అసలు పదోన్నతుల ప్రక్రియే ప్రారంభం కాని శాఖల ఉద్యోగులకు తీవ్ర నష్టం జరిగే అవకాశం వుంది. ఈ విషయంలో ప్రభుత్వం ఏం నిర్ణయం తీసుకుంటుందనేది వేచి చూడాలి..!

అంతేకాదు సిపిఎస్ రద్దు చేసి ఓపిఎస్ అమలు చేస్తారనే విషయానికి సంబంధించిన వీడియో క్లిప్పింగులు, పేపర్ కటింగ్ లు, మొబైల్ యాప్ న్యూస్ కార్డ్ లు ఉద్యోగుల సోషల్ మీడియా మాద్యమాల్లో విపరీతంగా ట్రోల్ అయ్యాయి. అదే సందర్భంలో ఉపాధ్యాయులు, ఇతర ప్రభుత్వశాఖల ఉద్యోగులు కూడా వారి వారి జిల్లాల్లో అంతర్గతంగా సమావేశాలు కూడా పెట్టుకొని సిపిఎస్ రద్దు చేసే పార్టీలకే తమ మద్దతు ఇవ్వాలని నిర్ణయించినట్టు కూడా నిఘా వర్గాలకు సమాచారం అందిందని చెబుతున్నారు. సీఎం జగన్ అధికారంలోకి వచ్చిన తరువాత రివర్స్ పీఆర్సీ ఇవ్వడాన్ని ఉద్యోగులు ప్రధాన నష్టంగా భావిస్తున్నారు. కనీసం గ్రామ, వార్డు సచివాలయ శాఖలోని ఉద్యోగుల మద్దతు అయినా లభిస్తుందా అంటే వారి సర్వీసులు కూడా రెండేళ్లకు రెగ్యులర్ చేయాల్సింది తొమ్మిది నెలలు అదనంగా పనిచేయించుకున్న తరువాత రెగ్యులర్ చేశారు. దీనితో వారికి రెండు డిఏలు, తొమ్మిది నెలల పుల్ పేస్కేలు కోల్పోయారు. పైగా ఉద్యోగాలు రెగ్యులర్ అయిన తరువాత ఇవ్వాల్సిన రెండు ఇంక్రిమెంట్ల విషయంలో కూడా ప్రభుత్వం నేటికీ ఎలాంటి ప్రకటనా చేయలేదు. అంతేకాకుండా వీరికి పీఆర్సీ అమలు చేస్తున్నామని చెప్పిన ప్రభుత్వం అరియర్స్ మాట ఎత్తకుండా స్థబ్దుగా ఉండిపోయింది. 

ఈ విషయాన్ని కూడా ఉద్యోగ సంఘాల సమావేశాల్లో తీవ్రంగా చర్చించి జనసేన పవన్ కళ్యాణ్ దృష్టికి తీసుకెళ్లడంతో ఈ ప్రభుత్వ శాఖను కూడా అభివద్ధి చేయడంతోపాటు, మరికొన్నిశాఖల ఉద్యోగాలను ఈ శాఖకు అనుసంధానం చేసి ఉద్యోగాల సంఖ్య పెంచాలని కూడా వారి సమావేశంలో చర్చకు వచ్చినట్టు చెబుతున్నారు. మొన్నటి వరకూ టిడిపి అధికారంలోకి వస్తే గ్రామ, వార్డు సచివాలయశాఖ ఉంటుందా..? ఊడుతుందా..? అని ప్రచారం చేశారంటూ అపవాదు మూటగట్టుకున్న టిడిపీయే ఇపుడు ప్రస్తుతం ఉన్న 19విభాగాలను, 23 విభాగాల సిబ్బందికి పెంచాలని నిర్ణయించే దిశగా చర్యలు తీసుకుంటారనే ప్రచారం ఆదివారం పెద్ద ఎత్తున ఉద్యోగులకు చేరింది. ప్రస్తుతం ప్రభుత్వం సచివాలయ ఉద్యోగులకు పదోన్నతుల విషయంలో ఒక విధి విధానం లేకుండా ఇస్తున్న అంశాన్ని కూడా పవన్ కళ్యాణ్ చంద్రబాబు వద్ద ప్రత్యేకంగా చర్చించగా, ప్రభుత్వ పరిపాలనా విధానాలపై మంచి పట్టు సాధించారని  చాలా ముఖ్యమైన సూచనలు, సలహాలు ఇచ్చారని చంద్రబాబు పవన్ ను మెచ్చుకున్నారట. గతంలోనే పవన్ కళ్యాణ్ ప్రభుత్వ ఉద్యోగులు, ఉద్యోగ సంఘాలు వారి సమస్యలు మాకు చెప్పినా చెప్పకపోయినా మా ప్రభుత్వం ఏర్పాటైతే ఖచ్చితంగా వాటిని నెరవేస్తామని ప్రకటించారు. 

ఆ క్రమంలో ఇపుడు చంద్రబాబుతో మేనిఫెస్టో విషయమై చర్చించినపుడు ముఖ్యంగా ఉద్యోగుల సిపిఎస్ రద్దు, ప్రతీ ఏటా జాబ్ కేలండర్ లో ఉపాధ్యాయ డిఎస్సీ, ఏపిపిఎస్సీకి విశేష అధికారాలు ఇస్తూ నోటిఫికేషన్లు, అన్ని ప్రభుత్వ శాఖల్లోనూ ఉద్యోగులకు పదోన్నతులు, ఔట్ సోర్సింగ్, కాంట్రాక్టు ఉద్యోగాల విధానం రద్దు, అధికారంలోకి వచ్చిన వెంటనే పిఆర్సీ తదితర అంశాలు చర్చించారనే విషయాన్ని తెలుసుకున్న ఉద్యోగులు పెద్ద ఎత్తున ఆనందం వ్యక్తం చేస్తూ ఆలోచనకు, చర్చకు తెరలేపారని తెలిసింది. వీరిద్దరి కలయికలో వచ్చిన చర్చ ఇంత పెద్దగా రాష్ట్రవ్యాప్తంగా దావానంలా వ్యాపించడం విశేషం. అయితే వీరి ఉమ్మడి మేనిఫస్టో వచ్చేంత వరకూ ప్రస్తుతానికి ఈ ట్రోలింగ్స్ ఆగేటట్టుగా  కనిపించడం లేదు. పైగా నవంబరు నెల కావడం పిక్నిక్ లు జరిగే సమయం కావడంతో ఉద్యోగులంతా ఒకే చోటకు చేరి ఈ విషయంలో పెద్ద ఎత్తున నిర్ణయం తీసుకునే అవకాశం కూడా లేకపోలేదు. చూడాలి ఏం జరుగుతుందనేది..!

ఇప్పటికే ఉద్యోగాల్లోకి చేరిన తరువాత రెండేళ్లకి సర్వీసు రెగ్యులర్ చేస్తామన్న ప్రభుత్వం అదనంగా 9నెలలు పనిచేయించుకున్న తరువాత ప్రత్యేకంగా టెస్టులు పెట్టి అవి పాసైన వారికి మాత్రమే సర్వీసు రెగ్యులర్ చేసింది. అక్కడ 9నెలలో పేస్కేలు, 2 డిఏలు కోల్పోయిన ఉద్యోగులు సర్వీసు రెగ్యులర్ అయిన తరువాత రావాల్సిన 2 ఇంక్రి మెంట్లు కూడా కోల్పోయారు. పీఆర్సీ అమలు చేస్తున్నామంటూ చెప్పిన ప్రభుత్వం వీరికి పేస్కేలు రివైజ్ చేసి అమలు చేసినా..రావాల్సిన అరియర్స్ విషయంలో ఏలాంటి ప్రకటన చేయలేదు. దానితో అవి వస్తాయో రావో కూడా తెలియనని పరిస్థితి. అదీ కూడా సచివాలయ ఉద్యోగులకు పిఆర్సీ అమలు చేసే సమయంలోనే హెచ్ఆర్ఏ, డిఏలను కుదించిన తరువాతన పిఆర్సీ అమలు చేసింది. ఇలా ఒక్కో సచివాలయ ఉద్యోగి సుమారు రూ.2 లక్షల వరకూ ప్రయోజనాలు కోల్పోవాల్సి వచ్చింది. అయినా కూడా సచివాలయ ఉద్యోగులందరికీ ఒకే విధానం అమలు చేయకుండా కొన్నిశాఖల ఉద్యోగులకే పదోన్నతులు కల్పించి మిగిలిన శాఖల ఉద్యోగుల విషయంలో ఎలాంటి ప్రకటనా చేయకపోవడం పట్ల ఉద్యోగులల్లో తీవ్ర నిరసన వ్యక్తం అవుతున్నది. ఇప్పటికే పలు ప్రయోజనాలు కోల్పోయిన ఉద్యోగులు ఇపుడు పదోన్నతులు కూడా  దూరం అవుతున్నామని తీవ్ర ఆవేదన వ్యక్తం చేస్తున్నారు. ఈ విషయమై రాష్ట్రవ్యాప్తంగా 26 జిల్లాల్లోని ఉద్యోగుల సామాజిక మాద్యమాల్లో పెద్ద ఎత్తున చర్చకు తెరతీస్తున్నారు. పదోన్నతులు వచ్చిన వారి ఆర్డర్లు చూస్తూ, వారికి పెరిగిన జీత భత్యాలు చూసి ఒకింత ఆనంద పడుతూ, తాము ఇంకా దానికి నోచుకోలేదంటూ తీవ్ర మనోవేదనకు గురవుతున్నారు. సర్వీసు రెగ్యులర్ అయ్యే సమయంలో మెటర్నటీ లీవ్ లు పెట్టిన వారికి ఆ సెలవుల సమయం పూర్తయిన తరువాత మాత్రమే ప్రభుత్వం నిబంధనల ప్రకారం రెగ్యులర్ చేసింది. కానీ నిబంధనల ప్రకారం ఉద్యోగుల సర్వీసు మాత్రం రెండేళ్లకే రెగ్యులర్ చేయలేదు. ప్రభుత్వానికి ఆర్ధిక పరమైన అంశాల విషయంలో నింబంధనలు పాటిస్తున్న ప్రభుత్వం ఉద్యగులకు ప్రయోజనాలు చేకూర్చే విషయంలో ఎలాంటి అధికారిక ప్రకటన, నిబంధనలు పాటించకపోవడం విశేషం.

పదోన్నతులు వ్యవహారం ఎన్నికలపై ప్రభావం..

గ్రామ, వార్డు సచివాలయ శాఖలోని కొన్నిశాఖల ఉద్యోగులకే పదోన్నతులు కల్పించి మిగిలినశాఖ ఉద్యోగులకు పదోన్నతులు కల్పించని వైనం 2024 ఎన్నికల్లో తీవ్ర ప్రభావం చూపే అవకాశం గట్గిగా వుంటుందంటున్నారు. అదే సమయంలో అగ్రికల్చర్, హార్టికల్చర్, షిషరీష్, పశుసంవర్ధకశాఖల్లోని రెగ్యులర్ ఉద్యోగులకు పదోన్నతులు కల్పించకుండా కేవలం సచివాలయ ఉద్యోగులను తమతో సమానంగా పదోన్నతులు ఇవ్వడాన్ని మిగిలిన శాఖల ఉద్యోగులు తప్పు పడుతున్నారు. ప్రస్తుతం ఖాళీలు ఉన్నచోట కొత్త ఉద్యోగాలు భర్తీచేయకుండా ప్రభుత్వం ఏఈఓ, హెచ్ఈఓ, షిషరీష్ పీల్డు అసిస్టెంట్లను గ్రామ, వార్డు సచివాలయాలకు అనుసంధానం చేసేస్తూ ఖాళీలు ఉన్న ప్రదేశాలకు ఉద్యోగులను బదిలీలు చేస్తున్నది. గతంలో రెవిన్యూ శాఖలో విఆర్ఏలుగా ఉన్నవారికి వీఆర్వోగా పదోన్నతి ఇచ్చి సచివాలయాలకు పంపేసింది. దానితో ఇప్పటి వరకూ కార్యాలయాలకే పరిమితం అయిన ఉద్యోగులు సచివాలయాల్లో ఖాళీగా ఉన్న పోస్టులకు బదిలీ కావాల్సి వస్తున్నది. అలాగని వారికి రావాల్సిన పదోన్నతులు మాత్రం రావడం లేదు. మరోవైపు గ్రామసచివాలయ మహిళా పోలీసుల పరిస్థితి గాల్లో దీపంలా ఉంది. హైకోర్టుకి సమర్పించిన అఫడవిట్ తో వీరు పోలీసుశాఖ సిబ్బందిగానే ఉన్నా, వీరి విధులు మాత్రం బిఎల్వో, ఐసిడిఎస్, ఇతర సచివాలయ ఉద్యోగుల పనులే ఉన్నాయి. పలు కోర్టు కేసులు కూడా ఉన్నందున మహిళా పోలీసులకు సీనియర్ మహిళా పోలీసుల పదోన్నతులు వచ్చే అవకాశాలు కనింపించడం లేదు. మరికొన్ని శాఖల ఉద్యోగులకు ప్రమోషన్ ఛానలే ఏర్పాటు కానుందున వారికి పదోన్నతులు వస్తాయో లేదో కూడా తెలియని పరిస్థితి నెలకొంది. ఈ క్రమంలో సచివాలయ ఉద్యోగుల తోపాటు, ఇతర ప్రభుత్వశాఖల ఉద్యోగులు కూడా ప్రభుత్వం చేసే చర్యలకు తగ్గట్టుగా పనిచేయాల్సి వస్తున్నది. ప్రస్తుతం గ్రామ, వార్డు సచివాలయశాఖలో రాజుకున్న పదోన్నతుల రడగ ఏ స్థాయికి చేరుతుంది..ప్రభుత్వం మిగిలిన శాఖల సిబ్బందికి ఎలాంటి న్యాయం చేస్తుందనేది వేచి చూడాలి..!